သစ်တုံးတရားတော် (၁၀) သစ်တုံးပမာ ဒေသနာတော် - သီးလုံးဆရာတော်

Credit To : U Khin Crays
ဆက်လက်ဖတ်ရှုရန်

သစ်တုံးတရားတော် (၉) ဒါရုက္ခန္ဓောပမသုတ် (အရှင်သီလာစာရ-ရေစကြို)

သင်....လက်ညှိုးထိုးမယ်ဆို
အရှင်သီလာစာရ (ရေစကြို)

မိမိတို့ ထိုးလိုက်သည့် လက်ညိုးသည်… မိမိကိုယ်ကို ထိုးညွှန်သည့် လက်ညှိုး၊ သူတစ်ပါးကို ထိုးညွှန်သော လက်ညှိုးဟု နှစ်မျိုးနှစ်စားရှိနေလေသည်။ ထိုနှစ်မျိုးတွင်လည်း တစ်မျိုးနှင့် တစ်မျိုး တူညီမှုမရှိသည်ကို တွေ့မြင်ရပေမည်။ မိမိကိုယ်ကို ညွှန်လိုက်သောလက်ညှိုးမှာ အတ္တ ဖြင့်တည်ဆောက်ထားသောကြောင့် အင်အား ရှိ၏။ ဟန်၊ မာန်၊ ဌာန်နှင့်လည်းပြည့်စုံနေသည်။ သူတစ်ပါးကိုထိုးညွှန်သော လက်ညှိုးမှာ အင်အားဟု မဆိုသော်လည်း ထိုးစိုက်ချလိုက်သော ဂုဏ်သတ္တိနှင့်အတူ မျက်စိမျက်နှာပျက်ခြင်း၊ အသားရောင်ပြောင်းခြင်း စသော အဖော်အင်အားအတော်များလေသည်။ သို့သော်….ထိုထိုးစိုက်လိုက်သော လက်ညှိုး၏ ဂုဏ်သတ္တိ သည် သူတစ်ပါး၏ သီလဂုဏ်၊ သမာဓိဂုဏ်၊ ပညာဂုဏ်ဟူသော နံရံနှင့်ထိတွေ့လိုက်သောအခါ နောက်သို့တွန့် သွားမြဲသာ။

ပုထုဇဉ်ဟူသည် လောဘ၊ ဒေါသ၊ မောဟ ဟူသောအမှားသံသရာနယ်ပယ်၌ တ၀ဲလည်လည်နေထိုင် နေကြရသော သတ္တ၀ါများဖြစ်၍ အမှားကင်းသောသတ္တ၀ါနည်းပါးနေမည်သာ။ ထိုအမှားမကင်းသူအချင်းချင်းကို ငေါက်ငေါက်စင်းသော လက်ညှိုးထိုးဖြင့် ထိုးညွှန်ပြကြလျှင် ထိုကာယကံရှင်က မိမိဖက်သို့ တစ်ဖန်ပြန်လည်၍ မြှားဦးလှည့်လာခဲ့သော် မိမိကခံနိုင်ရည် ရှိပါမည်လော…တွေးကြည့်စေချင်ပါသည်။

ဤလောကအတွင်း၌ မှီတင်းနေထိုင်ကြကုန်သော သူသူငါငါ ပုထုဇဉ်သတ္တ၀ါတို့သည် ‘ထင်’ တစ်လုံးဖြင့် ရှိနေတက်ကြသည်။ မိမိကိုယ်ကိုထင်ထားသော ထင်တစ်လုံးသည် မြင့်တက်နေကြသလောက် သူတစ်ပါးကို ထင်ထားသောအထင်ကား နိမ့်ကျနေတက်သည်၊ လျော့တွက်နေတက်သည်။

ပုထုဇဉ်အား ပုထုဇဉ်စိတ်ဖြင့် သီးခံစိတ်မွေးမြူလျှင် ဖြစ်နိုင်သော်လည်း (မိမိ၏သား သွားခေါနေသည်ကိုတော့ သွားပေါ်လေးဟုသာ မြင်တက်ပြီး သူတစ်ပါးသားသမီးကိုကား ပေါက်ခေါကြီးဟု နိမ့်ချဆန့်ကျင်သော ပုထုဇဉ်အမြင်ဖြင့်သာ မြင်တက်နေကြပါလျှင်) ဤလောကတွင် ငြိမ်းချမ်းသာယာဖွယ် မရှိတော့မည်သာ။

ဤသို့သော တစ်ဖက်သက်အမြင်မျိုးတို့သည် စာပေနယ်ပယ်၌လည်းကောင်း၊ လူမှုနယ်ပယ်၌လည်ကောင်း၊ စီပွားရေး၊ ဘာသာရေး၊ ပညာရေးစသော နယ်ပယ်အသီးသီးတို့၌လည်ကောင်း တစ်ဖက်စောင်းအမြင်တို့ဖြင့် လက်ညှိုးထိုးချင်နေကြသော လက်ညှိုးရှင်တို့ကို နေရာဒေသအမျိုးမျိုးတွင် တွေ့မြင်နေကြသည်။ မင်းတို့ ငါ့ကို အန်တုချင်လျှင် ဆယ်ခါပြန် ပါရမီဖြည့်လိုက်စမ်းပါအုံး ဟူသော မာနစကားသည် ဂုဏ်ကြောင့်သာ ပေါ်ထွက် နိုင်သည်မှန်သော်လည်း မိမိအကျင့်သီလက ဗလာအချည်းနှီးဖြစ်နေလျှင် မိမိထိုးညွှန်လိုက်သော ထိုလက်ညှိုး သည် ပဲ့နှင့်တက် ကျိုးနေသောလှေကဲ့သို့ ချာချာလည်ကာ လိုရာသို့မရောက်ပဲ တစ်ဖက်က ပြန်ပြောင်း၍ ထိုးညွှန်ခဲ့ပါလျှင် အသင်ခံနိုင်မည်လော။

သူတစ်မျိုး ငါတစ်နည်း အချည်းနှီးသောလက်ညှိုးတို့ကို ထိုးနေကြရင်း စင်းနေသောလက်ညှိုးက တစ်ဖန် ကွေးလာကြပြန်သောကြောင့်(သူကွေး ကိုယ်ကွေး ကွေးနေကြသောကြောင့်)လောကတစ်ခုလုံး ငြိမ်းချမ်း ခြင်းမှ ကင်းနေလေသည်။လက်ညှိုးသည် ပုထုဇဉ်အချင်းချင်း ထိုးညွှန်ပြတက်ကြသကဲ့သို့ ဘုရားအစရှိသော ရဟန္တာ မထေရ်မြတ်တို့လည်း ထိုးညွှန်ပြတတ်ကြလေသည်။ ပုထုဇဉ်တို့ အချင်းချင်းထိုးညွှန်ပြသော လက်ညှိုး သည် အပယ်လေးပါးသို့ ညွှန်နေသည်နှင့်တူသည်။ မိမိအပြစ်ကို မရှုမြင်ပဲ သူတစ်ပါး၏အပြစ်ကိုသာကြည့်၍ တစ်ဖက်သက်ဖိထိုး လိုက်သည့် ထိုလက်ညှိုးတို့သည် အပယ်လေးပါးမှ အခြားမရှိပါချေ။

ဘုရားရှင်နှင့် အရိယာတို့ ထိုးညွှန်သောလက်ညှိုးမှာကား လွတ်မြောက်စေမည့်လမ်းကိုသာ ဦးတည်နေသည်။ အခါတပါး မြတ်စွာဘုရားရှင် ကောသမ္ဗီပြည် ဂင်္ဂါမြစ်ကမ်းတွင် သီတင်းသုံးနေထိုင်တော်မူသောအခါ ဂင်္ဂါရေအလျှင်ဖြင့် မျှောပါလာသော သစ်တုံးကို မြင်တော်မူလေသည်။ ထိုအခါမြတ်စွာဘုရားရှင်သည် လက်ယာ လက်တော်ကိုဆန့်တန်းကာ “ပဿထ နော တုမှေ ဘိက္ခဝေ အမုံ မဟန္တံ ဒါရုက္ခန္ဓံ ဂင်္ဂါယ နဒိယာ သောတေန ၀ုယှမာနံ” ချစ်သား..ရဟန်းတို့ ဟောဟိုက ဂင်္ဂါမြစ်ထဲက ရေအဟုန်မှာ မြောပါလာတဲ့ သစ်တုံးကြီးကို ကြည့်လိုက်ကြစမ်းဟူ၍..လက်ညှိုးညွှန်ပြတော်မူသည်။

ရဟန်းတော်တို့ ထိုသစ်တုံးကို လှည့်ကြည့်ရှု့နေစဉ်….. “ရဟန်းတို့..ဤသစ်တုံးကြီးသည် ဤမှာဘက်ကမ်းသို့ မရောက်ခဲ့ပါလျှင်၊ ထိုမှာဘက်ကမ်းသို့ မရောက်ခဲ့ပါလျှင်၊ ရေလည်၌မနစ်မြုပ်ခဲ့ပါလျှင်၊ ကြည်းကုန်း၌ မတင်ခဲ့ပါလျှင်၊ လူတို့မဆယ်ယူခဲ့ပါလျှင်၊ နတ်တို့မဆယ်ယူခဲပါလျှင်၊ ၀ဲမစုပ်ယူခဲ့ပါလျှင်၊ အတွင်း၌ မပုပ်မဆွေး ခဲ့ပါလျှင်၊ ထိုသစ်တုံးကြီးသည် သမုဒ္ဒရာသို့ ညွတ်ကိုင်းနေသဖြင့် သမုဒ္ဒရာထဲသို့သာရောက်လတ္တံ့။ အဘယ့်ကြောင့် ထိုသို့ရောက်ရှိသနည်း၊ ဂင်္ဂါမြစ်ရေအလျှင်သည် သမုဒ္ဒရာသို့ရောက်အောင် တွန်းပို့နေခြင်း ကြောင့်ပေတည်း”

“ချစ်သားတို့…. ဤမှာဘက်ကမ်းဟူသည် အဇ္ဈတ္တိကာယတန ခြောက်ပါးမည်၏၊ ထိုမှာဘက်ကမ်းဟူသည် ဗာဟရာယတန ခြောက်ပါးမည်၏၊ အလယ်၌ နစ်မြုပ်ခြင်းဟူသည် နှစ်သက်စွဲမက်မှု နန္ဒီရာဂမည်၏၊ ကြည်းကုန်း၌ တင်မှုဟူသည် ငါဟူသော အတ္တမာန်မည်၏၊ လူတို့ဆယ်ယူမှု့ဟူသည် သာသနာတော်၌ ရဟန်းသည် လူတို့နှင့်ရောနှောနေထိုင်၏၊ အတူတကွ နှစ်သက်မှု့စိုးရိမ်းမှုရှိ၏၊ လူတို့ချမ်းသာသည်ရှိသော် ချမ်းသာ၏၊ လူတို့ဆင်းရဲသည်ရှိသော် ဆင်းရဲ၏၊ ပြုဖွယ်ကိစ္စ ရှိလာသည်ရှိသော် မိမိသည်ပင် ထိုကိစ္စတို့ဤ၌ အားထုက်ခြင်းသို့ရောက်၏၊ ဤသို့ဖြစ်ခြင်းသည် လူတို့ဆယ်ယူခြင်းမည်၏”

“ရဟန်းတို့….နတ်တို့ဆယ်ယူခြင်းဟူသည် ဤသာသနာတော်၌ အချို့သောရဟန်းတော်တို့သည် တစ်ခုခုသော နတ်အဖြစ်ကို တောင့်တ၍ အကျင့်မြတ်ကို ကျင့်သုံး၏၊ ဤသို့ကျင့်သုံးခြင်းသည် နတ်တို့ဆယ်ယူခြင်းမည်၏၊” အတွင်း၌ ပုပ်ဆွေးခြင်းဟူသည်…ကိုယ်ကျင့်သီလမရှိခြင်း၊ ယုတ်ညံ့သော သဘောရှိခြင်း၊ မစင်ကြယ်သော သဘောရှိခြင်း၊ ပြုလုပ်ထားသော မကောင်းသော အမှု့ကိုဖုံးကွယ်ထားခြင်း၊ အကျင့်မြတ်ကို ကျင့်သုံးသူမဟုတ်ပဲ ကျင့်သုံးသူဟု ၀န်ခံခြင်း၊ အတွင်းပုပ်ခြင်း၊ ကိလေသာဖြင့် စိုစွပ်ခြင်း၊ သာသနာတော်နှင့် မပက်သက်သော အမှုကိစ္စတို့ဖြင့် ရှုပ်ထွေးနေခြင်း…တို့သည် အတွင်း၌ပုပ်ဆွေးခြင်း တို့ပင်ဖြစ်သည်။

ရဟန်းတို့….၀ဲစုပ်ခြင်းဟူသည် ကာမဂုဏ်ငါးပါးတို့နှင့် ပျော်ပါးနေခြင်းတို့ပေတည်းဟု ဟောကြားတော်မူခဲ့ လေသည်။ ထို့ကြောင့် မြတ်စွာဘုရားရှင် ထိုးညွှန်တော်မူသော လက်ညှိုးသည် သတ္တ၀ါအားလုံး သံသရာ ၀ဋ်ဆင်းရဲမှ လွတ်ကင်းစေနိုင်သော အကျိုးသတ္တိထူးတို့ဖြင့် ထုံမွှမ်းထားသောကြောင့် လက်ညှိုးထိုးသူတို့ အတုယူသင့်လှပေသည်။

မြတ်စွာဘုရားရှင်….မိမိအား ကောသမ္ဗီပြည်သားတို့က အက္ကောသ၀တ္ထုဆယ်ပါး …(ဆဲရေးခြင်းအမျိုးမျိုး)ဖြင့် လက်ညှိုးထိုးကာ အမျိုးအမျိုးဆဲရေးကြပါသော်လည်း သီးခံတော်မူခဲ့သည်။ တုံ့ပြန်ပြောဆိုခြင်းမပြုခဲ့ချေ။ ထို့ထက် အာကြမ်း လျှာကြမ်း နှုတ်သရမ်းဖြင့် ဆဲရေးတိုင်းထွာတက်သော “အက္ကောသဘာရဒွါဇပုဏ္ဏား”၏ အမနာပစကားတွေကိုလည်း မေတ္တာဖြင့်သာ တုံ့ပြန်တော်မူခဲ့လေသည်။

ပုထုဇဉ် လူသားတို့ အချင်းချင်း ထိုးညွှန်ကြသော လက်ညှိုးတို့သည်ကား အတ္တ၊ မာန်မာနတို့ရောထွေးပါ နေသောကြောင့် သောက-စိုးရိမ်းရခြင်း၊ ပရိဒေ၀-ငိုကြွေးရခြင်းစသော အကျိုးဆက်များစွာတို့ဖြင့် အချင်းချင်း ထိုးနှက်ခံစားနေရသောကြောင့် ငြိမ်းအေးခြင်းများဝေးကွာနေခဲ့သည်။ မြတ်မီးကိုရှို့၍ ဂင်္ဂါမြစ်ကို ဆူပွတ်အောင် မစွမ်းနိုင်သကဲ့သို့ လူယုတ်မာတို့၏ လက်ညှိုးညွှန်ပြခြင်းတို့သည်လည်း သူတော်ကောင်းတို့၏ နှလုံးသား၌ တုန်လှုပ်ခြင်းမရှိပါချေ။

သဠာယတနသံယုတ်၊ဒါရုက္ခန္ဓောပမသုတ်
သီလက္ခန္ဓ၀ဂ္ဂအဋ္ဌကထာ.
ပန်းတကာကိုတင်မြင့်ဆောင်းပါးတို့ကိုအခြေခံပါသည်။

ကိုရင်လေး ဘလော့ဂ် (http://www.sayyaungche.com/2010/03/blog-post_03.html) မှ ကူးယူဖော်ပြပါသည်။

သစ်တုံးတရားတော် (၁) ဒါရုက္ခန္ဓောပမသုတ် (ပါဠိတော် မြန်မာပြန်မူရင်း)
သစ်တုံးတရားတော် (၂) ဒါရုက္ခန္ဓောပမသုတ် (ဆရာတော် ဦးဃောသိတ)
သစ်တုံးတရားတော် (၃) ဒါရုက္ခန္ဓောပမသုတ် (သီတဂူဆရာတော်)
သစ်တုံးတရားတော် (၄) ဒါရုက္ခန္ဓောပမသုတ် (ဖြူးဆရာတော်)
သစ်တုံးတရားတော် (၅) ဒါရုက္ခန္ဓောပမသုတ် (မဟာဗောဓိမြိုင်ဆရာတော်)
သစ်တုံးတရားတော် (၆) ဒါရုက္ခန္ဓောပမသုတ် (ဗန်းမော်ဆရာတော်)
သစ်တုံးတရားတော် (၇) ဒါရုက္ခန္ဓောပမသုတ် (ဓမ္မဒူတ အရှင်ဆေကိန္ဒ)
သစ်တုံးတရားတော် (၈) ဒါရုက္ခန္ဓောပမသုတ် (ဆရာနန္ဒာသိန်းဇံ)
ဆက်လက်ဖတ်ရှုရန်

သစ်တုံးတရားတော် (၈) ဒါရုက္ခန္ဓောပမသုတ် (ဆရာနန္ဒာသိန်းဇံ)

သစ်တုံးတရား

(၁)

အခါတစ်ပါးမှာ ဂေါတမမြတ်စွာဘုရားဟာ ကောသမ္ဗီပြည်၊ ဂင်္ဂါမြစ်နားမှာ သီတင်းသုံးနေခိုက် ဂင်္ဂါမြစ် ရေအယဉ်နဲ့  သစ်တုံးကြီးတစ်တုံး မျောပါလာတာကို ဂေါတမမြတ်စွာဘုရားက မြင်တော်မူပြီး... “ရဟန်းတို့  မျောလာတဲ့သစ်တုံးကြီးကို သင်တို့ မြင်တယ်မဟုတ်လား” လို့  မေးတော့ မြင်ပါကြောင်း ရဟန်းတွေက ဖြေကြတယ်။ ဒီအခါမှာ ဂေါတမမြတ်စွာဘုရားက...

“ရဟန်းတို့  အကယ်၍ သစ်တုံးကြီး ဒီဘက်ကမ်းကိုလည်း မကပ်ဘူး၊ ဟိုဘက်ကမ်းကိုလည်း မကပ်ဘူး၊ မြစ်အလယ်မှာလည်း နစ်မြုပ်မသွားဘူး၊ သောင်ပေါ်ကိုလည်း မတင်ဘူး၊ လူကလည်း ဆယ်မယူဘူး၊ နတ်ကလည်း ဆယ်မယူဘူး၊ ၀ဲလည်းစုပ်ယူမသွားဘူ၊ အတွင်းကလည်း မဆွေးမပုပ်ဘူးဆိုလျှင်... ပင်လယ်သမုဒ္ဒရာထဲကို ရောက်သွားမယ်၊ ဘာကြောင့်လဲဆိုရင်...ဂင်္ဂါမြစ်က သမုဒ္ဒရာထဲ နိမ့်ဆင်းညွတ်ကိုင်း သက်ရှိုင်းနေတဲ့အတွက်ကြောင့်ဖြစ်

တယ်။”

“ရဟန်းတို့ ... ဒီသစ်တုံးကြီး ဥပမာအတိုင်း သင်တို့ ဟာလည်း ဒီဘက်ကမ်းလည်း မကပ်၊ ဟိုဘက်ကမ်းလည်းမကပ်၊ အလယ်မှာလည်း မနစ်မမြုပ်၊ သောင်ပေါ်လည်းမတင်၊ လူလည်းအဆယ်ယူမခံရ၊ နတ်လည်းအဆယ်ယူမခံရ၊ ၀ဲလည်းအစုပ်မခံရ၊ အတွင်းမှာလည်း မဆွေးမပုပ်ဘူးဆိုရင်ဖြင့် သင်တို့ ဟာ နိဗ္ဗာန်သို့  ညွတ်ကိုင်းသက်ရှိုင်း ရောက်ရှိသွားမယ်။ ဘာကြောင့်လဲဆိုရင်...သမ္မာဒိဋ္ဌိဆိ
ုတဲ့ မှန်တဲ့ မြင်သိမှုဟာ နိဗ္ဗာန်သို့  ညွတ်ကိုင်းနေတဲ့ရောက်စေတဲ့ တရားဖြစ်ခြင်းကြောင့်ပဲ” လို့  ဂေါတမဗုဒ္ဓက အမိန့် ရှိတဲ့အခါမှာ ရဟန်းတွေက ပြန်ပြီးမေးလျှောက်ကြတယ်။

“အရှင်ဘုရား....ဒီဘက်ကမ်းဆိုတာ ဘာကိုဆိုလိုပါသလဲ၊ ဟိုဘက်ကမ်းဆိုတာကကော ဘာကိုဆိုလိုပါသလဲ၊ အလယ်မှာ နစ်မြုပ်တာ...သောင်ပေါ်တင်နေတာ..
.လူဆယ်ယူတာ၊ နတ်ဆယ်ယူတာ၊ ၀ဲစုပ်ယူတာ...အတွင်းမှာပုပ်ဆွေးခြင်းဆိုတာ ဘာကိုဆိုလိုပါသလဲဘုရား” လို့  မေးလျှောက်ကြတယ်။

“လူမှာရှိတဲ့ မျက်စိ၊ နား၊ နှာခေါင်း၊ လျှာ၊ ကိုယ်၊ စိတ် ဆိုတာတွေကို ဒီဘက်ကမ်းလို့ ဆိုလိုတယ်။ အဲဒီမျက်စိအစရှိတာတွေကို နှစ်သက်စွဲလန်းနေရင်...ဒါ ဒီဘက်ကမ်းကို ကပ်တာ။ အဲဒီမျက်စိစတဲ့ ဒီဘက်ကမ်းကို ထိလာတဲ့ အဆင်း၊ အသံ၊ အနံ့ ၊ အရသာ၊ အတွေ့ အထိ၊ အတွေးတွေက ဟိုဘက်ကမ်း။ ဟိုဘက်ကမ်းကို ကပ်တယ်ဆိုတာ... အဲဒီ အဆင်းအသံ အစရှိတာတွေကို တပ်မက် ကပ်ငြိသာယာနေရင်... ဒါ ဟိုဘက်ကမ်းကို ကပ်တာ...

အလယ်မှာ မြုပ်တယ်ဆိုတာက တဏှာ အနှောင်အဖွဲ့ တွေထဲ နစ်မြုပ်နေတာကို ဆိုလိုတာ၊ ချစ်သူခင်သူတွေကို တပ်မက်ချစ်ခင်တဲ့ တဏှာ၊ ရာထူးဂုဏ်၊ စည်းစိမ်ဥစ္စာ၊ သားမယားစသည်တွေကို တွယ်တာတပ်မက်နေတဲ့ တဏှာဟာ လူပုဂ္ဂိုလ်ကို အဲဒီတပ်မက်ရာ ၀တ္ထု၊ အာရုံတွေထဲမှာ ခေါင်းမဖော်နိုင်အောင် နှစ်မြှုပ်ပေးနေတယ်။ ရေအောက်မှာ မြုပ်သွားတဲ့ သစ်တုံးကြီးကို ရွှံ့ တွေ၊ သဲတွေ အထပ်ထပ်ဖုံးတဲ့အခါ ရေပေါ် ပြန်မပေါ်နိုင်လောက်အောင် ဖြစ်သွားသလို တဏှာကလည်း လူကို တပ်မက်မှု အနှောင်အဖွဲ့ တွေထဲက ပြန်မတက်နိုင်အောင် နှစ်မြှုပ်ထားတာ...သောင်တင်တယ်ဆ
ိုတာက ထောင်လွှားမှုမာနကိုဆိုလိုတာ၊ မာနမြင့်တက်နေတာကိုပဲ သောင်တင်တယ်လို့ ဆိုလိုတယ်။ မာနဖြစ်နေရင်... လူဟာ ငါသိ ငါတတ်ဆိုတာမျိုးတွေလည်း ဖြစ်တယ်။ ဒီလိုမာနတက်နေတော့ နောက်ထပ်အသိတိုးဖို့ ၊ အမြင်သစ်တွေ့ ဖို့  မဖြစ်နိုင်တော့ဘူး၊ မာနခံနေသမျှတော့ ရှေ့ ဆက်ပြီးတိုးတက်သွားစရာ ရှိမှာ မဟုတ်တော့ဘူး။

လူဆယ်ယူတယ်ဆိုတာကတော့ လူတွေနဲ့ ဆက်ဆံရောနှောပြီး နေရတာနှစ်သက်နေခြင်းမျိုးကိုပဲ ဆိုလိုတယ်။ လူတွေနဲ့ ဆက်ဆံရောနှောနေတာဟာ ဒီလိုနေရတာကို နှစ်သက်လို့ ပဲ။ ဆက်ဆံရောနှောနေသမျှ လူမှုကိစ္စတွေ ရှုပ်ထွေးပြီး လူဆိုရင်လည်း ကောင်းရာကောင်းကြောင်းကို အသေအချာမလုပ်နိုင်ဘူး။ မလုပ်အားဘူး။ ရဟန်းဆိုရင်လည်း လူမှုကိစ္စတွေနဲ့  ရှုပ်ထွေးငြိတွယ်နေရင် တရားဓမ္မအလုပ်ကို လွတ်လွတ်ကျွတ်ကျွတ် မလုပ်နိုင်တော့ဘူး။ နတ်ဆယ်ယူတယ်ဆိုတာက လူ့ ဘ၀ထက်သာတယ်လို့ ထင်တဲ့ နတ်ဘ၀၊ နတ်အဖြစ်မျိုးကို တောင့်တပြီး၊ အဲဒီဘ၀မျိုးကိုရဖို့  လုပ်ဆောင်မှုမျိုးမှာ နှစ်သက်ငြိတွယ် နေတာမျိုးကို ဆိုလိုတာ။

ဝဲစုပ်ယူတယ်ဆိုတာက ကာမဂုဏ်(၅)ပါးရဲ့  ဆွဲဆောင်ယူငင်ရာကို လူသတ္တ၀ါက လိုက်ပါနေရတာကို ဆိုလိုတာ၊ ဒီကာမဂုဏ်ထဲမှာပဲ တ၀ဲဝဲလည်နဲ့ မထွက်နိုင်တော့တာ...

အတွင်းကဆွေးနေတယ်၊ ပုပ်တယ်ဆိုတာကတော့ အကျင့်သီလမရှိတာ၊ အကျင့်ပျက်တာကို ဆိုလိုတာ.....သစ်တုံးကြီးဆွေးပု
ပ်သွားရင်၊ ပျက်စီးကြေမွသွားရင် သစ်တုံးဘ၀ပျောက်ပြီး ပင်လယ်သမုဒ္ဒရာဆီ ဆက်ပြီးပါသွားစရာ ဘယ်ရှိတော့မှာလဲ။ ဒီလိုပါပဲ။ အကျင့်ပျက်ရင် သီလမရှိရင် ကောင်းမြတ်တဲ့ဘ၀မျိုးကို ရဖို့ ၊ ရောက်ဖို့  မဖြစ်နိုင်တော့ဘူး။ နိဗ္ဗာန်ဆိုတဲ့ ပင်လယ်သမုဒ္ဒရာကြီးဆီ ရောက်ဖို့  မဖြစ်နိုင်တော့ဘူး....”

ဂေါတမမြတ်စွာဘုရားနဲ့  ရဟန်းတော်အရှင်သူမြတ်တို့ ကတော့ ဒီဘက်ကမ်း ဟိုဘက်ကမ်း...ဘယ်ကမ်းကိုမှ မကပ်မငြိ၊ အလယ်မှာလည်း မနစ်ကြ မမြုပ်ကြ၊ ဘယ်သောင်ပေါ်ကိုမှလည်း မတင်ခဲ့ကြ၊ ဘယ်လူ ဘယ်နတ်ရဲ့  အဆယ်အယူကိုလည်း မခံခဲ့ကြ၊ ၀ဲစုပ်ခံရခြင်းလည်း မရှိ၊ ယိုင်နဲ့  ဆွေးမြေ့ခြင်းဆိုတာလည်း သူတို့ မှာမရှိကြ၊ နိဗ္ဗာန်ပင်လယ် သမုဒ္ဒရာကြီးဆီကို ကောင်းစွာရောက်သွားခဲ့ကြတယ်။

(၂)

အထက်ပါ ပင်လယ်သမုဒ္ဒရာကြီးဆီကို ကောင်းစွာ ထွက်သွားနိုင်တဲ့လမ်းကို ဖော်ပြတဲ့ တရားဓမ္မကိုနာပြီး ပြန်လာတဲ့မိတ်ဆွေက..“ရှက်ရှက်နဲ့ ဝန်ခံရရင်....အဲဒီပင်လယ်သွား တရားကို ကြားနာပြီးတဲ့အခါမှာ တစ်ယောက်ထည်းထည်းနဲ့  နိဗ္ဗာန်ပင်လယ်ကြီးဆီ ထွက်ခွာသွားရမှာကို အားငယ်သလိုပဲ ခံစားရတယ်” လို့ ပြောတဲ့စကားသံကို ကြားယောင်မိပါတယ်။

နန္ဒာသိန်းဇံ
အင်တာဗျူးဂျာနယ်၊ နံပါတ်-၁၄၁ (၂၈၊ ၈၊ ၂၀၀၂)
“သမုဒ်ပင်လယ်ပြာ နှိုင်းပမာ” စာအုပ်မှ ကူးယူဖော်ပြပါသည်။

သစ်တုံးတရားတော် (၁) ဒါရုက္ခန္ဓောပမသုတ် (ပါဠိတော် မြန်မာပြန်မူရင်း)
သစ်တုံးတရားတော် (၂) ဒါရုက္ခန္ဓောပမသုတ် (ဆရာတော် ဦးဃောသိတ)
သစ်တုံးတရားတော် (၃) ဒါရုက္ခန္ဓောပမသုတ် (သီတဂူဆရာတော်)
သစ်တုံးတရားတော် (၄) ဒါရုက္ခန္ဓောပမသုတ် (ဖြူးဆရာတော်)
သစ်တုံးတရားတော် (၅) ဒါရုက္ခန္ဓောပမသုတ် (မဟာဗောဓိမြိုင်ဆရာတော်)
သစ်တုံးတရားတော် (၆) ဒါရုက္ခန္ဓောပမသုတ် (ဗန်းမော်ဆရာတော်)
သစ်တုံးတရားတော် (၇) ဒါရုက္ခန္ဓောပမသုတ် (ဓမ္မဒူတ အရှင်ဆေကိန္ဒ)
ဆက်လက်ဖတ်ရှုရန်

သစ်တုံးတရားတော် (၇) ဒါရုက္ခန္ဓောပမသုတ် (ဓမ္မဒူတ အရှင်ဆေကိန္ဒ)

ဓမ္မဒူတဆရာတော် အရှင်ဆေကိန္ဒ
ဟောကြားတော်မူသော
ဒါရုက္ခန္ဓောပမသုတ် တရားတော်

၁။ ညွတ်ရာယိမ်း၍ တိမ်းတော့သည်



၂။ တိမ်းကာစောင်းလည်း မပြောင်းပါ




၃။ ပြောင်းကာလဲကျ မထပြီ




၎။ ထကာရပ်လည်း ကပ်ပြန်ပြီ (၁)




၅။ ထကာရပ်လည်း ကပ်ပြန်ပြီ (၂)




၆။ ထကာရပ်လည်း ကပ်ပြန်ပြီ (၃)




၇။ ထကာရပ်လည်း မကပ်ပြီ

၈။ မကပ်စုန်းစုန်းမြုပ်ပြန်ပြီ

၉။ မမြုပ်ပေါ်လွင်တင်ပြန်ပြီ




၁၀။ မတင်မြစ်ကျယ် လူဆယ်ပြီ




၁၁။ မဆယ်လူမြတ် နတ်ဆယ်ပြီ




၁၂။ နတ်မဆယ်လည်း ၀ဲစုပ်ပြီ




၁၃။ ၀ဲမစုတ် ပုတ်ဆွေး ဝေးရပြီ





သစ်တုံးတရားတော် (၁) ဒါရုက္ခန္ဓောပမသုတ် (ပါဠိတော် မြန်မာပြန်မူရင်း)
သစ်တုံးတရားတော် (၂) ဒါရုက္ခန္ဓောပမသုတ် (ဆရာတော် ဦးဃောသိတ)
သစ်တုံးတရားတော် (၃) ဒါရုက္ခန္ဓောပမသုတ် (သီတဂူဆရာတော်)
သစ်တုံးတရားတော် (၄) ဒါရုက္ခန္ဓောပမသုတ် (ဖြူးဆရာတော်)
သစ်တုံးတရားတော် (၅) ဒါရုက္ခန္ဓောပမသုတ် (မဟာဗောဓိမြိုင်ဆရာတော်)
သစ်တုံးတရားတော် (၆) ဒါရုက္ခန္ဓောပမသုတ် (ဗန်းမော်ဆရာတော်)
ဆက်လက်ဖတ်ရှုရန်

သစ်တုံးတရားတော် (၆) ဒါရုက္ခန္ဓောပမသုတ် (ဗန်းမော် ဆရာတော်)

ကျေးဇူးတော်ရှင် (န၀မ) ဗန်းမော်ဆရာတော်ဘုရားကြီး
ဟောကြားတော်မူသော
ဒါရုက္ခန္ဓောပမသုတ် တရားတော်

၈-၁-၂၀၁၀ နိဗ္ဗာန်တံခါးဖွင့် တရားတော်

သစ်တုံးတရားတော် (၁) ဒါရုက္ခန္ဓောပမသုတ် (ပါဠိတော် မြန်မာပြန်မူရင်း)
သစ်တုံးတရားတော် (၂) ဒါရုက္ခန္ဓောပမသုတ် (ဆရာတော် ဦးဃောသိတ)
သစ်တုံးတရားတော် (၃) ဒါရုက္ခန္ဓောပမသုတ် (သီတဂူဆရာတော်)
သစ်တုံးတရားတော် (၄) ဒါရုက္ခန္ဓောပမသုတ် (ဖြူးဆရာတော်)
သစ်တုံးတရားတော် (၅) ဒါရုက္ခန္ဓောပမသုတ် (မဟာဗောဓိမြိုင်ဆရာတော်)
ဆက်လက်ဖတ်ရှုရန်

သစ်တုံးတရားတော် (၅) ဒါရုက္ခန္ဓောပမသုတ် (မဟာဗောဓိမြိုင် ဆရာတော်)

မဟာဗောဓိမြိုင်ဆရာတော်
ဟောကြားတော်မူသော
ဒါရုက္ခန္ဓောပမသုတ် တရားတော်

(၂၃၊ ၃၊ ၁၉၉၉ ခုနှစ် တွင် ဟောကြားတော်မူသော “ရေမျောသစ်တုန်းပမာ” တရားတော်)

သစ်တုံးတရားတော် (၁) ဒါရုက္ခန္ဓောပမသုတ် (ပါဠိတော် မြန်မာပြန်မူရင်း)
သစ်တုံးတရားတော် (၂) ဒါရုက္ခန္ဓောပမသုတ် (ဆရာတော် ဦးဃောသိတ)
သစ်တုံးတရားတော် (၃) ဒါရုက္ခန္ဓောပမသုတ် (သီတဂူဆရာတော်)
သစ်တုံးတရားတော် (၄) ဒါရုက္ခန္ဓောပမသုတ် (ဖြူးဆရာတော်)
ဆက်လက်ဖတ်ရှုရန်

သစ်တုံးတရားတော် (၄) ဒါရုက္ခန္ဓောပမသုတ် (ဖြူးဆရာတော်)

ဖြူးဆရာတော်ဘုရားကြီး ဦးနရပတိ
ဟောကြားတော်မူသော
ဒါရုက္ခန္ဓောပမသုတ် တရားတော်

(၁၃၅၆ နတ္တော်လပြည့်နေ့ ည)

သစ်တုံးတရားတော် (၁) ဒါရုက္ခန္ဓောပမသုတ် (ပါဠိတော် မြန်မာပြန်မူရင်း)
သစ်တုံးတရားတော် (၂) ဒါရုက္ခန္ဓောပမသုတ် (ဆရာတော် ဦးဃောသိတ)
သစ်တုံးတရားတော် (၃) ဒါရုက္ခန္ဓောပမသုတ် (သီတဂူဆရာတော်)
ဆက်လက်ဖတ်ရှုရန်

သစ်တုံးတရားတော် (၃) ဒါရုက္ခန္ဓောပမသုတ် (သီတဂူဆရာတော်)

သီတဂူဆရာတော်ဘုရားကြီး အရှင်ဉာဏိဿရ
ဟောကြားတော်မူသော
ဒါရုက္ခန္ဓောပမသုတ် တရားတော်

(၁-၁-၁၉၇၇)-(၁၃၃၈ ပြာသိုလဆန်း ၁၃ရက်ည)

(၂-၁-၁၉၇၇)-(၁၃၃၈ ပြာသိုလဆန်း ၁၄ရက်ည)

ဆက်လက်ဖတ်ရှုရန်

သစ်တုံးတရားတော် (၂) ဒါရုက္ခန္ဓောပမသုတ် (ဆရာတော် ဦးဃောသိတ)

ဆရာတော် ဦးဃောသိတ
၁၈-၄-၁၉၉၃ (ညနေ) တွင် ဟောကြားတော်မူသော
ဒါရုက္ခန္ဓောပမသုတ် တရားတော်

ဆက်လက်ဖတ်ရှုရန်

သစ်တုံးတရားတော် (၁) ဒါရုက္ခန္ဓောပမသုတ် (ပါဠိတော် မြန်မာပြန်မူရင်း)

ပဌမ ဒါရုက္ခန္ဓောပမသုတ်

၂၄၁။ အခါတစ်ပါး၌ မြတ်စွာဘုရားသည် ကောသမ္ဗီပြည် ဂင်္ဂါမြစ်ကမ်းနား၌ (သီတင်းသုံး) နေတော်မူ၏၊ မြတ်စွာဘုရားသည် ဂင်္ဂါမြစ်ရေအယဉ်ဖြင့် မျော၍ လာသော ကြီးစွာသော သစ်တုံးကို မြင်တော်မူသော် ''ရဟန်းတို့  ဂင်္ဂါမြစ်ရေအလျဉ်ဖြင့် မျော၍ လာသော ကြီးစွာသော သစ်တုံးကို သင်တို့  မြင်ကြကုန်၏လော''ဟု ရဟန်းတို့ ကို မိန့် တော်မူ၏။ အသျှင်ဘုရား မြင်ကြပါကုန်၏။

ရဟန်းတို့  အကယ်၍ သစ်တုံးသည် ဤမှာဘက်ကမ်းသို့  မရောက်ခဲ့ပါလျှင်၊ ထိုမှာဘက်ကမ်းသို့ မရောက်ခဲ့ပါလျှင်၊ အလယ်၌ မနစ်မြုပ်ခဲ့ပါလျှင်၊ ကြည်းကုန်း၌ မတင်ခဲ့ပါလျှင်၊ လူတို့  မဆယ်ယူခဲ့ပါလျှင်၊ နတ်တို့  မဆယ်ယူခဲ့ပါလျှင်၊ ဝဲမစုပ်ယူခဲ့ပါလျှင်၊ အတွင်း၌ မဆွေးမပုပ်ခဲ့ပါလျှင် ထိုသစ်တုံးသည် သမုဒ္ဒရာသို့  ညွတ်သည် သမုဒ္ဒရာသို့  ကိုင်းသည် သမုဒ္ဒရာသို့  ရှိုင်းသည် ဖြစ်လတ္တံ့ ။ ထိုသို့ ဖြစ်ခြင်းသည် အဘယ်ကြောင့်နည်း၊ ရဟန်းတို့  ဂင်္ဂါမြစ်၏ ရေအလျဉ်သည် သမုဒ္ဒရာသို့  ညွတ်သည် သမုဒ္ဒရာသို့  ကိုင်းသည်သမုဒ္ဒရာသို့  ရှိုင်းသည် ဖြစ်သောကြောင့်တည်း။

ရဟန်းတို့  ဤအတူ သင်တို့ သည်လည်း ဤမှာဘက်ကမ်းသို့  မရောက်ခဲ့ပါလျှင်၊ ထိုမှာဘက်ကမ်းသို့ မကပ်ရောက်ကြပါလျှင်၊ အလယ်၌ မနစ်မြုပ်ကြပါလျှင်၊ ကြည်းကုန်း၌ မတင်ကြပါလျှင်၊ လူတို့  မဆယ်ယူကြပါလျှင်၊ နတ်တို့  မဆယ်ယူကြပါလျှင်၊ ဝဲမစုပ်ယူကြပါလျှင်၊ အတွင်း၌ မဆွေးမပုပ်ကြပါလျှင် သင်တို့ သည် နိဗ္ဗာန်သို့  ညွတ်ကုန်သည် နိဗ္ဗာန်သို့  ကိုင်းကုန်သည် နိဗ္ဗာန်သို့  ရှိုင်းကုန်သည် ဖြစ်လတ္တံ့။ ထိုသို့ ဖြစ်ခြင်းသည် အဘယ်ကြောင့်နည်း၊ ရဟန်းတို့  ကောင်းစွာ မြင်ခြင်း 'သမ္မာဒိဋ္ဌိ'သည် နိဗ္ဗာန်သို့ ညွတ်သည် နိဗ္ဗာန်သို့  ကိုင်းသည် နိဗ္ဗာန်သို့  ရှိုင်းသည် ဖြစ်သောကြောင့်တည်း။

 

ဤသို့  မိန့် တော်မူလျှင် ရဟန်းတစ်ပါးသည် မြတ်စွာဘုရားအား ဤစကားကို လျှောက်၏-''မြတ်စွာ့ဘုရား ဤမှာဘက်ကမ်းဟူသည် အဘယ်ပါနည်း၊ ထိုမှာဘက်ကမ်းဟူသည် အဘယ်ပါနည်း၊ အလယ်၌ နစ်မြုပ်ခြင်းဟူသည် အဘယ်ပါနည်း၊ ကြည်းကုန်း၌ တင်မှုဟူသည် အဘယ်ပါနည်း၊ လူတို့  ဆယ်ယူမှုဟူသည် အဘယ်ပါနည်း၊ နတ်တို့  ဆယ်ယူမှုဟူသည် အဘယ်ပါနည်း၊ ဝဲစုပ်ယူမှုဟူသည် အဘယ်ပါနည်း၊ အတွင်း၌ ပုပ်ဆွေးမှုဟူသည် အဘယ်ပါနည်း ''ဟု (လျှောက်၏)။

ရဟန်း ''ဤမှာဘက်ကမ်း'' ဟူသော ဤအမည်သည် အတွင်းဖြစ်သော တည်ရာ 'အဇ္ဈတ္တိကာယတန'ခြောက်ပါးတို့ ၏ အမည်တည်း။ ရဟန်း ''ထိုမှာဘက်ကမ်း'' ဟူသော ဤအမည်သည်အပဖြစ်သောတည်ရာ 'ဗာဟိရာယတန' ခြောက်ပါးတို့၏ အမည်တည်း။ ရဟန်း ''အလယ်၌ နစ်မြုပ်ခြင်း'' ဟူသော ဤအမည်သည် နှစ်သက်စွဲမက်မှု 'နန္ဒီရာဂ'၏ အမည်တည်း။ ရဟန်း ''ကြည်းကုန်း၌ တင်မှု'' ဟူသော ဤအမည်သည် ငါဟူသော ထောင်လွှားသည့် 'မာန'၏ အမည်တည်း။

ရဟန်း ''လူတို့  ဆယ်ယူမှု'' ဟူသည် အဘယ်နည်း။ ရဟန်း ဤသာသနာတော်၌ ရဟန်းသည် လူတို့ နှင့်ရောနှောသည် ဖြစ်၍ နေ၏၊ အတူတကွ နှစ်သက်မှုရှိ၏၊ အတူတကွ စိုးရိမ်မှုရှိ၏၊ လူတို့ချမ်းသာသည်ရှိသော် ချမ်းသာ၏၊ လူတို့  ဆင်းရဲသည်ရှိသော် ဆင်းရဲ၏၊ ပြုဖွယ်ကိစ္စတို့   ပေါ်ပေါက်လာကုန်သည်ရှိသော် မိမိသည်ပင် ထိုကိစ္စတို့ ၌ အားထုတ်ခြင်းသို့  ရောက်၏။ ရဟန်း ဤသို့  ဖြစ်မှုကို 'လူတို့ ဆယ်ယူမှု'ဟု ဆိုအပ်၏။

ရဟန်း ''နတ်တို့  ဆယ်ယူမှု'' ဟူသည် အဘယ်နည်း။ ရဟန်း ဤသာသနာတော်၌ အချို့သောရဟန်းသည် ''ငါသည် ဤသီလအားဖြင့်လည်းကောင်း၊ ဤခြိုးခြံမှုအကျင့်အားဖြင့်လည်းကောင်း၊ ဤအကျင့် မြတ်အားဖြင့်လည်းကောင်း ထင်ရှားသော နတ်သော်လည်းကောင်း၊ မထင်ရှားသောနတ်သော်လည်း ကောင်း ဖြစ်ရလိမ့်မည်''ဟု တစ်ခုခုသော နတ်အဖြစ်ကို တောင့်တ၍ အကျင့်မြတ်ကိုကျင့်သုံး၏။ ရဟန်း ဤသို့  တောင့်တမှုကို 'နတ်တို့  ဆယ်ယူမှု'ဟု ဆိုအပ်၏။

ရဟန်း ''ဝဲစုပ်မှု'' ဟူသော ဤအမည်သည် ကာမဂုဏ်ငါးပါးတို့ ၏ အမည်တည်း။

ရဟန်း ''အတွင်း၌ ပုပ်ဆွေးမှု'' ဟူသည် အဘယ်နည်း။ ရဟန်း ဤသာသနာတော်၌ အချို့သောရဟန်းသည် သီလမရှိ၊ ယုတ်ညံ့သော သဘောရှိ၏၊ မစင်ကြယ်သည် ဖြစ်၍ ယုံမှားအပ်သောအကျင့်ရှိ၏၊ ဖုံးလွှမ်းအပ်သော အမှုရှိ၏၊ ရဟန်း မဟုတ်ဘဲလျက် ရဟန်းဟု ဝန်ခံ၏၊ အကျင့်မြတ်ကိုကျင့်သုံးသူ မဟုတ်ဘဲလျက် အကျင့်မြတ်ကို ကျင့်သုံးသူဟု ဝန်ခံ၏၊ အတွင်းပုပ်၏၊ ကိလေသာဖြင့်စိုစွတ်၏၊ အမှိုက် သရိုက်ကဲ့သို့  ဖြစ်၏။ ရဟန်း ဤသည်ကို 'အတွင်း၌ ပုပ်ဆွေးမှု'ဟု ဆိုအပ်၏။

ထိုအခါ နန္ဒမည်သော နွားကျောင်းသားသည် မြတ်စွာဘုရား၏ အနီး၌ ရပ်လျက် ရှိ၏၊ ထိုအခါနန္ဒမည်သော နွားကျောင်းသားသည် မြတ်စွာဘုရားအား ဤစကားကို လျှောက်ထား၏ - ''အသျှင်ဘုရားတပည့်တော်သည် ဤမှာဘက်ကမ်းသို့  ကပ်ရောက်သည် မဟုတ်ပါ၊ ထိုမှာဘက်ကမ်းသို့ လည်း ကပ်ရောက်သည် မဟုတ်ပါ၊ အလယ်၌လည်း နစ်မြုပ်လိမ့်မည် မဟုတ်ပါ၊ ကြည်းကုန်း၌လည်း တင်လိမ့်မည်မဟုတ်ပါ၊ တပည့်တော်ကို လူတို့ လည်း ဆယ်ယူလိမ့်မည် မဟုတ်ပါ၊ နတ်တို့ လည်း ဆယ်ယူလိမ့်မည်မဟုတ်ပါ၊ ဝဲသည်လည်း စုပ်ယူနိုင်လိမ့်မည် မဟုတ်ပါ၊ အတွင်း၌လည်း မပုပ်ဆွေးပါ၊ အသျှင်ဘုရားတပည့်တော်သည် မြတ်စွာဘုရား၏ အထံ၌ ရှင်အဖြစ်ကို ရလိုပါ၏၊ ပဉ္စင်းအဖြစ်ကို ရလိုပါ၏''ဟုလျှောက် ထား၏။

နန္ဒ သို့ ဖြစ်လျှင် သင်သည် နွားရှင်တို့ အား နွားတို့ ကို အပ်ချေဦးလော့ဟု မိန့် တော်မူ၏။ မြတ်စွာဘုရား နွားမတို့ သည် နွားကလေးတို့ ကို ခင်တွယ်ကြသည်ဖြစ်၍ အလိုအလျောက် ပြန်သွားကြပါကုန်လတ္တံ့ဟု လျှောက်၏။ နန္ဒ သင်သည် နွားရှင်တို့ အား နွားတို့ ကို အပ်ရမည်သာတည်းဟု မိန့် တော်မူ၏။

ထိုအခါ နန္ဒမည်သော နွားကျောင်းသားသည် နွားရှင်တို့ အား နွားတို့ ကို အပ်ခဲ့၍ မြတ်စွာဘုရားထံသို့ ချဉ်းကပ် ပြီးလျှင် မြတ်စွာဘုရားအား ''အသျှင်ဘုရား နွားရှင်တို့ အား နွားတို့ ကို အပ်ခဲ့ပါပြီ၊ တပည့်တော်သည် မြတ်စွာဘုရား၏ အထံ၌ ရှင်အဖြစ်ကို ရလိုပါ၏၊ ပဉ္စင်းအဖြစ်ကို ရလိုပါ၏ ''ဟု ဤစကားကို လျှောက်၏။ နန္ဒမည်သော နွားကျောင်းသားသည် မြတ်စွာဘုရား၏ အထံ၌ ရှင်အဖြစ်ကိုရလေ၏၊ ပဉ္စင်းအဖြစ်ကို ရလေ၏၊ အသျှင်နန္ဒသည် ပဉ္စင်းဖြစ်၍ မကြာမြင့်မီ တစ်ပါးတည်းဆိတ်ငြိမ်ရာသို့  ကပ်လျက်။ပ။ အသျှင် နန္ဒသည် ရဟန္တာတို့ တွင် တစ်ပါးအပါအဝင် ဖြစ်လေ၏။

စတုတ္ထသုတ်။

သံယုတ္တနိကာယ် သဠာယတန၀ဂ္ဂသံယုတ်ပါဠိတော် မြန်မာပြန်

ဆက်လက်ဖတ်ရှုရန်