Showing posts with label Dhamma Notes. Show all posts
Showing posts with label Dhamma Notes. Show all posts

Wednesday, October 11, 2017

သတိဖြင့်နေထိုင်ခြင်း (By Thich Nhat Hanh)





ငြိမ်ငြိမ်လေး ထိုင်ပြီး တရားမှတ်နေတဲ့ အချိန်တစ်ခုတည်းမှာသာ ငြိမ်းငြိမ်းချမ်းချမ်းနှင့် သတိကပ်ပြီး နေလို့ရတာမျိုး မဟုတ်ပါဘူး။ မတ်တပ်ရပ်နေတဲ့အချိန်၊ လှဲလျောင်းနေတဲ့အချိန်၊ လမ်းလျှောက်နေတဲ့အချိန် နှင့် အလုပ်လုပ်နေရတဲ့ အချိန်တွေမှာတောင် စိတ်ကို ငြိမ်းချမ်းအောင်ထားထားလို့ရပါတယ်။ ဘယ်လိုအရာကများ သတိဆိုတဲ့ အလင်းနေရောင်ခြည်ကို လမ်းလျှောက်နေတဲ့အချိန်၊ လက်ဖက်ရည်၊ ကော်ဖီ ဖျော်နေတဲ့အချိန်၊ အ၀တ်လျှော်နေတဲ့အချိန်မျိုးတွေမှာ ၀င်လာလို့မရအောင် တားထားနိုင်မှာလဲ။
ဘုန်းကြီးကျောင်းမှာ ကိုရင်အဖြစ်နှင့် စရောက်တဲ့ အချိန်တွေတုန်းက ဥယျဉ်ထဲက အပင်တွေကို ပေါင်းသင်ရတာ၊ ကန်ပတ်လည်တစ်လျှောက် သစ်ပင်ပေါ်က သစ်ရွက်တွေကို သပ်ရပ်အောင်လို့ ဖြတ်ရတာ၊ မီးဖိုချောင်ထဲက ပန်းကန်တွေကို ဆေးရတာ စတဲ့ လုပ်ဆောင်မှုတိုင်းမှာ သတိနှင့် လုပ်တတ်ဖို့ကို လေ့ကျင့်ခဲ့ရပါတယ်။ နေ့စဉ်သတိနှင့်လုပ်ဆောင်တတ်ဖို့ ပြဋ္ဌာန်းထားတဲ့ သင်ရိုးစာအုပ်လေးအတိုင်း လေ့ကျင့်ခဲ့ရတယ်။ ဒီစာအုပ်လေးက ညွှန်ကြားတဲ့အတိုင်း လှုပ်ရှားမှုတိုင်းမှာ သတိလိုက်ကပ်ပေးရတယ်။ အိပ်ယာက နိုးနိုးချင်း နိုးပြီဆိုတာကို သိပေးရတယ်။ အင်္ကျီကို ကြယ်သီးတပ်နေတဲ့အချိန်မှာဆိုရင် ကြယ်သီးတပ်နေတာကို သိနေရတယ်။ လက်တွေကို သန့်ရှင်းအောင် ဆေးကြောနေချိန်မှာလည်း လက်ဆေးနေတာလေးကို သိနေရတယ်။ ဒီလို လက်ဆေးနေတဲ့အချိန်၊ ကြယ်သီးတပ်နေတဲ့အချိန်တွေမှာ သတိပိုခိုင်မြဲအောင်လို့ သင်ရိုးစာအုပ်လေးထဲမှာပါတဲ့ လှုပ်ရှားမှုတစ်ခုစီတိုင်းနှင့် သက်ဆိုင်တဲ့ လင်္ကာအတိုလေးတွေကို လိုက်ပြီး ပါးစပ်ကနေ ရွတ်ဆိုပေးရတယ်။
ဥပမာအနေနှင့် အင်္ကျီကြယ်သီးတပ်နေတဲ့အချိန်မှာ ဒီကဗျာလေးကို ရွတ်ရတယ်။
အင်္ကျီကြယ်သီး တပ်နေချိန်
အားလုံး သတ္တ၀ါတွေ
စိတ်နှလုံး နွေးထွေးလုံခြုံ ရှိကြပါစေ။
ဒီလို ကဗျာလင်္ကာလေးတွေရဲ့  အကူအညီနှင့်ပဲ သတိအလင်းရောင်ဟာ ခန္ဓာကိုယ်ရဲ့  လှုပ်ရှားမှုတွေမှာသာမကပဲ အတွေးတွေနှင့် စိတ်ခံစားမှုတွေအပေါ်မှာပါ လွယ်လွယ်ကူကူနှင့် ဖြာကျလာစေခဲ့ပါတယ်။
ငယ်ငယ်တုန်းက အမေက အမတွေကို မိန်းခလေးဆိုတာ သွားလာလှုပ်ရှားမှုတိုင်းမှာ သတိထားပြီး လုပ်ရမယ်လို့ ဆုံးမတာမျိုးကို ခဏခဏကြားရတတ်တယ်။ ဒီလို အမေက အမတွေကို ဆုံးမတဲ့အခါမျိုးမှာ ငါတော့ယောကျာ်းလေးဖြစ်နေလို့ သူတို့တွေလိုမျိုး သတိထားနေစရာမလိုဘူးလို့ တွေးပြီး ၀မ်းသာခဲ့ရဖူးတယ်။ ဒါပေမယ့် တရားကို စပြီး အားထုတ်တတ်တဲ့ အချိန်ရောက်လာတော့မှ ကိုယ့်ရဲ့  လှုပ်ရှားမှုတွေအပေါ်မှာ ထားရတဲ့သတိဟာ အမတွေ ထားခဲ့ရတဲ့ သတိထက် အဆရာထောင်မက ပိုပြီး ပေးရတယ်ဆိုတာကို သဘောပေါက်ခဲ့ရတော့တယ်။ လှုပ်ရှားမှုတွေမှာသာ မကပါဘူး၊ ကိုယ့်ရဲ့  အတွေးတွေနှင့် ခံစားမှုတွေ အပေါ်မှာပါ သတိက လိုက်ပြီး ထားပေးရပါတယ်။
လှုပ်ရှားမှုတိုင်းမှာ သတိလေးနှင့် လုပ်နေတဲ့ မိန်းခလေးတစ်ယောက်ဟာ ပိုပြီး ဣနြေ္ဒရလာတယ်၊ကျက်သရေရှိလာတယ် ဆိုတာကို အမေတွေက သိထားကြတယ်။ သူ့ရဲ့  လှုပ်ရှာမှုတွေဟာ ဟော့ဟော့ရမ်းရမ်း မဖြစ်တော့ဘူး၊ ပျာရိပျာယာမဖြစ်တော့ဘူး။ ဒီမိန်းခလေးဟာ သိမ်မွေ့ အေးချမ်းပြီး ကျက်သရေရှိလာတော့တယ်။ တကယ်တော့ အဲဒီအချိန်တွေတုန်းက အမေဟာ သတိမထားမိပဲ အမတွေကို တရားအားထုတ်နည်းစနစ်ကို သင်ကြားပေးနေခဲ့တာသာ ဖြစ်ပါတယ်။
ဒီနည်းအတိုင်းပါပဲ။ တစုံတစ်ယောက်ဟာ သတိနှင့် နေထိုင်တဲ့နည်းစနစ်ကို လေ့ကျင့်နေပြီဆိုရင် သူ့ကိုမြင်ရကြည့်ရတာဟာ အလွန်ကိုပဲ ကျက်သရေရှိလှပါတယ်။ တရားပြဆရာလုပ်သူအနေနှင့် မိမိတပည့်ရဲ့  တရားအဆင့်ကို သိဖို့အတွက်ဆိုရင် သူ ဘယ်လို ခေါင်းလောင်းထိုးနေသလဲ၊ တံမြက်စည်းကို ဘယ်လိုလှည်းနေသလဲ၊ စားသောက်ဖို့အတွက် စားပွဲဘယ်လိုပြင်ဆင်နေသလဲဆိုတာမျိုးတွေကို ကြည့်ပြီး ခန့်မှန်းသိရှိနိုင်ပါတယ်။ ဒီလှုပ်ရှားမှုပုံစံတွေဟာ သတိကိုလေ့ကျင့်ပျိုးထောင်ရာကနေ ထွက်ပေါ်လာတဲ့ သူ့ရဲ့  တရားရင့်ကျက်မှု အခြေအနေ (သို့မဟုတ်) သတိနှင့် နေထိုင်ခြင်းရဲ့  အသီးအပွင့်အနှစ်အရသာပဲဖြစ်ပါတယ်။
Thich Nhat Hanh
(From "The Sun My Heart")

ဆက်လက်ဖတ်ရှုရန်

Tuesday, December 8, 2015

ဗုဒ္ဓဘာသာဝင်တွေ စိတ်ကြီးမ၀င်ကြဖို့




"နိုင်ငံကြီးတွေမှာ ဗုဒ္ဓဘာသာလည်း မဟုတ်ဘူး။ တချို့ များ သူဌေးကြီးတွေ တစ်နေ့သုံးလိုက်တဲ့ အသုံးစရိတ်ဟာ ဒီမြန်မာနိုင်ငံက သူဌေးတွေရဲ့  တစ်သက်သုံးစာလောက် ဖြစ်နေတယ်တဲ့။ မြန်မာနိုင်ငံက ပစ္စည်းရှိတဲ့သူတွေရဲ့  တစ်သက်လုံး သုံးလောက်တဲ့ စည်းစိမ်ကို သူတို့က တစ်နေ့တည်း သုံးပစ်လိုက်တာပဲတဲ့။ ဒီလောက်ပေါတယ်တဲ့။ ဒါ ဗုဒ္ဓဘာသာ မဟုတ်ဘူးတဲ့။ ပြီးတော့ ဗုဒ္ဓဘာသာနိုင်ငံဟာ အညံ့ဆုံး ဖြစ်နေတယ်တဲ့။ သီဟိုဠ်တို့၊ လာအိုတို့၊ က
မ္ဗောဒီးယားတို့၊ ယိုးဒယားတို့၊ မြန်မာနိုင်ငံတို့။ ဒီဗုဒ္ဓဘာသာနိုင်ငံကလေးတွေက လူတွေဟာ အညံ့ဆုံး ဖြစ်နေကြတယ်တဲ့။ ဒါ ဘယ်နှယ့် အဓိပ္ဗါယ်တုန်းတဲ့။

ဒါဟုတ်တယ်။ စိတ်ထဲ ဇဝေဇ၀ါ ဖြစ်စရာ။ ဘုန်းကြီးက ပြောချင်လိုက်တာ။ ဘုရားအလောင်းပါရမီဖြည့်စဉ်တုန်းက ဗုဒ္ဓဘာသာဘ၀နှင့် ဘယ်နှစ်ဘ၀များ ရှိခဲ့ဖူးတုန်း။ ကဲ ဇာတ်ကြီး (၁၀) ဘွဲ့ ကို အကြမ်းစား စဉ်းစားကြစို့။ တေမိမင်း။ ဗုဒ္ဓဘာသာဘ၀မဟုတ်ဘူး။ ဘုန်းကြီးမရှိဘူး။ မဟာဇနကမင်း။ ဗုဒ္ဓဘာသာမဟုတ်ဘူး။ သူတို့ကုသိုလ်တွေ သူတို့ ပြုသွားတာပဲ။ မဟာဇနကမင်းကလည်း သူ့ဖာသာ ကုသိုလ်တွေ ပြုသွားတာပဲ။ တေမိမင်းကလည်း ကုသိုလ်တွေပြု၊ တောတွေထွက်၊ တရားတွေကျင့်၊ ဈာန်ရ။ ဗုဒ္ဓဘာသာ မဟုတ်ဘူး။ သုဝဏ္ဏသျှံ။ တောထဲမှာ မေတ္တာနှင့် နေရှာတာ။ ဗုဒ္ဓဘာသာ မဟုတ်ဘူး။ မိဘလည်း ဗုဒ္ဓဘာသာ မဟုတ်ဘူး။ နေမိမင်းကြီး။ နာရဒ ဗြဟ္မာမင်းကြီး။ ဗုဒ္ဓဘာသာ မဟုတ်ဘူး။ ဝေဿန္တရာမင်းကြည့်ပါလား။ ဗုဒ္ဓဘာသာ ဟုတ်ရဲ့ လား။ ဘယ်ဘုန်းကြီးက တရားဟောတုန်း။ သူက ရသေ့တွေ အလှူပေးနေတာပဲ။ သူ့ကို ဘယ်သူကမှ လာတရားမဟောဘူး။

ဒီတော့ကာ လူတွေက ဗုဒ္ဓဘာသာတွေမှ ကုသိုလ်ကံပြုတတ်တယ်။ ဗုဒ္ဓဘာသာမဟုတ်ရင် မပြုတတ်ဘူးလို့ဆိုတော့ ဘုရားအလောင်းပါရမီဖြည့်ခဲ့တဲ့ဘ၀တွေက ဗုဒ္ဓဘာသာမဟုတ်တဲ့ ဘ၀တွေချည်းများတယ်။ ဘုရားအလောင်း လေးသင်္ချေနှင့် ကမ္ဘာတစ်သိန်း ပါရမီဖြည့်စဉ်မှာ နှစ်ကျိပ်လေးဆူသာ ဘုရားပွင့်တယ်။ ဗုဒ္ဓဘာသာဆိုတဲ့ ဘာသာဟာ နှစ်ဆယ့်လေးခါသာ ပေါ်ခဲ့တယ်။ ကျန်တဲ့ အချိန်တွေ ဗုဒ္ဓဘာသာခေတ်ကို မဟုတ်ခဲ့ဘူး။ အဲဒီအတောအတွင်းမှာ ဘုရားအလောင်းတွေ ပါရမီဖြည့်တော်မူလာလိုက်ကြတာ။ ဒီတော့ကာ ဒါလေးကို ပထမဆုံး နားလည်ပါလေ။

ခုနက သူဌေးကြီးတွေ ဗုဒ္ဓဘာသာ မဟုတ်ပေမယ့် သူတို့လည်း သူတို့နည်း သူတို့ဟန်နှင့် လွန်ခဲ့တဲ့ ဖြစ်လေရာ ဘ၀တွေတုန်းက ကုသိုလ်တွေရှိမှာပေါ့။ သေခါနီးကျတော့ နိမိတ်တွေထင်မှာပေါ့။ နိမိတ်တွေထင်တဲ့အခါကျတော့ အမျိုးမျိုးသော ကံကြောင့် တချို့ က ပေါများတဲ့ နိုင်ငံမှာ သွားပြီးတော့ ပဋိသန္ဓေနေကြမယ်။ အဖေက သူဌေးလေ။ အမေက သူဌေးလေ။ သူတို့ကျတော့ သူဌေးလေ။ ဘာပြောစရာရှိလဲ။ ဗုဒ္ဓဘာသာနှင့် ဘာဆိုင်လဲ။ ဗုဒ္ဓဘာသာ ဖြစ်တာ မဖြစ်တာနှင့် ဘာမှမဆိုင်ဘူး။ အဖေသူဌေး၊ အမေသူဌေးနှင့်သာဆိုင်တယ်။ နိုင်ငံကြီးနှင့်သာဆိုင်တယ်။ အဲလိုနှင့် သူတို့ သုံးလို့ မကုန်နိုင်အောင်ပေါကြတယ်။ သုံးလို့မကုန်နိုင်အောင်ပေါတော့ကာ ဒီလူတွေက သုံးချည်းပစ်နေလားဆိုတော့ ဒီလူတွေက ဆေးရုံတွေတည်ဆောက်ကြတယ်။ သူတို့ပိုက်ဆံကြောင့် ဆင်းရဲတဲ့သူတွေ ကျန်းမာချမ်းသာစေချင်တဲ့ မေတ္တာ၊ ကရုဏာကြီးမားလိုက်တာ။ ထူးထူးခြားခြားစာသင်နိုင်အောင်လို့ စာသင်ကျောင်းတွေ ထောက်ပံ့ပေးနေတယ်။ မရှိဆင်းရဲတဲ့သူတွေအတွက် ကြက်ခြေနီအသင်းဆိုပြီးတော့ ငွေတွေထည့်ပြီး ထောက်ပံ့ပေးနေကြတယ်။ ဆေးရုံတွေဆောက်တယ်။ စာသင်ကျောင်းတွေတည်တယ်။ မရှိဆင်းရဲတဲ့သူတွေ ကြီးပွားအောင်လို့ နိုင်ငံတွေကို ထောက်ပံ့ပေးနေတယ်။ နည်းတဲ့သတ္တိတွေလား၊ နည်းတဲ့ကံတွေလား။ ဒီလူတွေက ရှေ့ ကို တက်ကြပါအုံးမယ်။ ရှေ့ ကို တိုးကြပါအုံးမယ်။ အကယ်၍များ အရိမေတ္တေယျဘုရားလက်ထက်မှာ သူတို့တွေက လူ့အဖြစ်နှင့်ဆိုလို့ရှိရင် ဘုရားဆီရောက်ကြပါအုံးမယ်။ ဘုရားဆီရောက်တဲ့အခါကျတော့ ဘုရားဆီက သစ္စာလေးပါးတရားကို နာကြားကြရပါအုံးမယ်။ ဒီလူတွေ၊ ဒီဉာဏ်ရှိတဲ့လူတွေ။ ဒီတော့ကာ ကျွတ်တမ်းဝင်ချင်ရင်လည်း ၀င်သွားမယ်။ ဒါမှမဟုတ် နောက်ဘုရားလက်ထက် ကျွတ်တမ်းဝင်ဖို့ အထောက်အပံ့ကောင်းကောင်းကြီး ရသွားကြပါမယ်။

ဒါကြောင့် ဗုဒ္ဓဘာသာ၊ ဗုဒ္ဓဘာသာဆိုပြီးတော့ စိတ်ကြီးဝင်မနေကြပါနဲ့။ ကောင်းကောင်းနေကြဖို့ အရေးကြီးပါတယ်။ ဗုဒ္ဓဘာသာဆုိုပြီးတော့ အမှတ်တမဲ့နှင့် နေလို့ရှိရင်တော့ တခြားကလူတွေက ဘုန်းကြီးတို့အပေါ် ကျော်ပြီးရင်းကျော်ရင်း၊ ကျော်ပြီးရင်းကျော်ရင်း ဖြစ်သွားကြပါလိမ့်မယ်။ နိုင်ငံငယ်ကလေးတွေမှာ ဗုဒ္ဓဘာသာဖြစ်နေရတာကတော့ နိုင်ငံငယ်ကလေးတွေမှာ စားစရာလေးတွေရှိတယ်။ ဘုန်းကြီးတွေက စားစရာကိုမှီပြီးတော့ ဘုန်းကြီးတွေဖြစ်ရတယ်။ အဲဒီဘုန်းကြီးတွေက ဟောပြောပြီးပေးတော့မှ သူတို့တွေက အသိဉာဏ်တွေရင့်ကျက်ပြီးတော့ လာခဲ့တယ်။ နဂိုတုန်းက မြန်မာနိုင်ငံရဲ့ အသိဉာဏ်ဟာ မှန်းပြီးတော့ ကြည့်စမ်း။ အရည်းကြီးတွေကို လက်ခံပြီးနေကတည်းကိုက မြန်မာနိုင်ငံရဲ့ အသိဉာဏ်ဟာ ဘယ်လောက်ညံ့နေတုန်း။ အရည်းကြီးတွေကို လက်ခံရမှာမဟုတ်ဘူး။ မောင်းထုတ်ရမှာ။ အဲဒါကို ရှင်ဘုရင်နှင့်တကွ အရည်းကြီးတွေကို လက်ခံပြီး လာကတည်းကိုက မြန်မာနိုင်ငံရဲ့  အသိဉာဏ် ဘယ်လောက်ညံ့နေတုန်း။ ရှင်အရဟံသာ မပါလို့ရှိရင် မြန်မာနိုင်ငံ ဒီ့ထက် အသိဉာဏ်ညံ့ပါမယ်။ ရှင်အရဟံကြွလာပြီး ဗုဒ္ဓတရားတော်တွေပါလာလို့ ဒီအခြေအနေ ဒီအရည်အချင်းတွေကို မြင်ရတာပါ။ အကယ်၍များ ဗုဒ္ဓဘာသာသာ မဖြစ်လို့ ရှိရင် ဗုဒ္ဓမြတ်စွာရဲ့  တရားတော်တွေသာ မပါလာလို့ ရှိရင်တော့ မြန်မာနိုင်ငံ ခုအထိ ဒီထက်ညံ့ပါအုံးမယ်။ အဲဒါလေးကို နားလည်ကြပါ။"

အရှင်ဇနကာဘိဝံသ
၁၇၊ ၄၊ ၁၉၇၃ ပဋ္ဌာန်းတရားတော်မှ ကောက်နုတ်ချက်

ဆက်လက်ဖတ်ရှုရန်

Thursday, September 10, 2015

Sunday, March 22, 2015

တိတ်ဆိတ်ငြိမ်သက်မှုကို မြတ်နိုးသူ -




ပါမောက္ခချုပ်ဆရာတော် ဒေါက်တာအရှင်နန္̔ဒမာလာဘိဝံသ

အပိုင်း (၁)

တိတ်ဆိတ်ငြိမ်သက်မှုကို မြတ်နိုးသူလို့ ဆိုတဲ့နေရာမှာ တိတ်ဆိတ်ငြိမ်သက်မှုကို လောကမှာ မြတ်နိုးတဲ့သူဟာ ဘယ်သူလဲဆိုရင် ဗုဒ္ဓအရှင်မြတ်ဘုရားပဲဖြစ်တယ်။ မြတ်စွာဘုရားရှင်ဟာ တိတ်ဆိတ်ငြိမ်သက်မှုကို အလွန်မြတ်နိုးတော်မူတယ်။ လောကသားတွေက ဆူညံတာကို နှစ်သက်ကြတယ်။ ဒါကြောင့်မို့လို့ တိတ်ဆိတ်ငြိမ်သက်တဲ့နေရာဆိုတာ အလွန်ရှားပါးတဲ့ နေရာတစ်ခုဖြစ်တယ်။

ဗုဒ္ဓကို ကိုးကွယ်မြတ်နိုးတဲ့ ဗုဒ္ဓဘာသာနိုင်ငံလို့ ပြောကြတဲ့ မြန်မာနိုင်ငံမှာ ဆူညံမှုက အလွန်များတယ်။ ဗုဒ္ဓဘာသာမဟုတ်တဲ့ ဥရောပကနိုင်ငံတွေတို့၊ အမေရိကန်နိုင်ငံတို့၊ ရောက်ဖူးတဲ့သူတွေ သိပါလိမ့်မယ်။ ဘယ်နေရာသွားသွား တိတ်ဆိတ်ငြိမ်သက်နေတာပဲ။ အိမ်ထဲမှာဆိုရင် လူရှိတယ်လို့တောင် မထင်ရဘူး။ Supermarket တွေထဲ ၀င်သွားရင်လည်း လူရှိတယ်လို့တောင် မထင်ရဘူး။ အင်မတန်မှ ငြိမ်သက်ကြတယ်။ ရုံးပြင်ကနားတွေမှာလည်း အင်မတန်မှ ငြိမ်သက်တယ်။ ဆူဆူညံညံစကားပြောနေတာ မရှိသလောက်ကို အံ့သြဖွယ်ရာ တွေ့ရတယ်။

သို့သော် ဗုဒ္ဓဘာသာလို့ အမည်ခံတဲ့ မြန်မာနိုင်ငံမှာ တိတ်ဆိတ်တဲ့နေရာဆိုတာ အလွန့်ကိုရှားတယ်။ ဒါလည်း ဆင်ခြင်စဉ်းစားစရာ အင်မတန်မှကောင်းတယ်။ မြတ်စွာဘုရားသခင်ကိုယ်တော်မြတ်က တိတ်ဆိတ်ငြိမ်သက်မှုကို အလွန့်ကိုမြတ်နိုးတယ်။ ဒါကြောင့်မို့ ပါဠိစာပေမှာ ဗုဒ္ဓကိုချီးကျူးတဲ့ စကားလုံးလေးတွေရှိတယ်။ အဲဒါကို ဗုဒ္ဓဘာသာဝင်သူတော်စင်တို့ သိတဲ့ပုဂ္ဂိုလ်လည်းသိမယ်၊ မသိတဲ့ပုဂ္ဂိုလ်လည်း မသိသေးဘူး။ သို့သော် သိအောင်ပြောရမယ်ဆိုလို့ရှိရင် မြတ်စွာဘုရားကို ချီးမွှမ်းတဲ့စကားလုံးတွေထဲမယ် ဒါက တခြားဘာသာဝင်တွေကပါ ချီးမွှမ်းတဲ့စကားလုံး။ မြတ်စွာဘုရားကို ချီးမွှမ်းတဲ့အခါမှာ “အသံတိတ်ဆိတ်မှုကို လိုလားတယ်” တဲ့။ မြတ်စွာဘုရားဟာ အသံတိတ်ဆိတ်မှုကို လိုလားတယ်ဆိုတာ တခြားဘာသာဝင်တွေကပါ သိတယ်။ ဒါကြောင့်မို့လို့ မြတ်စွာဘုရားကို ခပ်လှမ်းလှမ်းက မြင်လိုက်တာနှင့်ပဲ စကား ကျယ်လောင်ကျယ်လောင်ပြောဆိုမှုတွေကို ထိန်းချုပ်ပြီးတော့ ငြိမ်ငြိမ်လေးနေကြတယ်။ ဒီအကျင့်ဟာ စာပေကျမ်းဂန်ထဲမှာ မကြာခဏ ထိုထိုသုတ္တန်တွေထဲမှာ တွေ့ရတယ်။ တခါ မြတ်စွာဘုရားဟာ တပည့်သာဝကတွေကို တိတ်ဆိတ်ငြိမ်သက်စွာနေတတ်ဖို့ ဆုံးမသွန်သင်တတ်တဲ့ ပုဂ္ဂိုလ်ဖြစ်တယ်။ တိတ်ဆိတ်ငြိမ်သက်မှုရဲ့  ဂုဏ်ကျေးဇူး ချီးမွှမ်းစကားကို ပြောကြားတတ်တဲ့ ပုဂ္ဂိုလ်ဖြစ်တယ်လို့ တခြားဘာသာဝင်တွေကပါ ချီးမွှမ်းထောမနာမှုပြုကြတယ်။

အဲဒီတော့ ဒါတွေဟာ ဘုရားရဲ့ အကြိုက်ပြောရမယ်ဆိုလို့ရှိရင် တိတ်ဆိတ်ငြိမ်သက်မှု၊ အသံတိုးတိတ်မှုဟာ အင်မတန်မှ အရေးကြီးတယ်လို့။ အခုလို တရားပွဲတွေ ကျင်းပနေတဲ့အခါမှာ ဆူညံတဲ့အသံတွေဟာ ဘယ်လိုမှ တရားဟောလို့ မဖြစ်နိုင်ဘူး။ နာတဲ့ပုဂ္ဂိုလ်ကလည်း နားထဲမှာ နှစ်သံဝင်နေသည့်အတွက်ကြောင့် သမာဓိမရနိုင်ဘူး။ ဟောတဲ့ပုဂ္ဂိုလ်အနေနှင့်ကလည်း သမာဓိမရနိုင်ဘူး။ မရနိုင်သည့်အတွက်ကြောင့် တရားထူးတရားမြတ်ရဖို့ဆိုတာ ဝေးလေစွပဲ။ တရားထူးတရားမြတ်ရဖို့ မပြောနှင့်။ ဟောတဲ့တရားမှတ်မိဖို့တောင်မှ ခဲယဉ်းတယ်နော်။

အဲဒီတော့ ဘုရားတရားတော်ဆိုတာ Profound Dhamma လို့ဆိုသည့်အတိုင်း အလွန်လေးနက်တယ်။ ဂမ္ဘီရ - နက်နဲတယ်။ နက်နဲတယ်ဆိုတဲ့တရားကို မြတ်စွာဘုရားကဟောတိုင်း ဟောတိုင်း တပည့်သာဝကတွေကို ဘယ်လိုသတိပေးသလဲဆိုရင် နားစိုက်ထောင်ကြပါ။ စိတ်ထဲမှာ နှလုံးသွင်းထားကြပါလို့။ ဘာဖြစ်လို့လဲဆိုတော့ မြတ်စွာဘုရားရဲ့  အဆုံးအမတစ်ခု ပြည့်ပြည့်၀၀နှင့် ရင်ထဲနှလုံးထဲ ရောက်ဖို့ဆိုတာဟာ အင်မတန်ကောင်းကောင်း နှလုံးသွင်းမှုပေါ်မှာမူတည်တယ်။ ကောင်းကောင်းနှလုံးသွင်းနိုင်မှ မြတ်စွာဘုရားတရားတော်ဟာ ရင်ထဲရောက်မယ်။ အသိဉာဏ်ထဲကို ရောက်လာနိုင်မယ်။ နို့မဟုတ်လို့ရှိရင်တော့ မြတ်စွာဘုရားတရားတော်ဟာ ရင်ထဲနှလုံးထဲရောက်လာဖို့ အင်မတန်မှ ခဲယဉ်းတယ်။

ဒါက သီချင်းဆိုတာလည်း မဟုတ်ဘူး။ Stage Show ပြတာလည်း မဟုတ်ဘူး။ အဲဒီတော့ ဘုရားတရားတော်ဆိုတာ အလွန် တိတ်ဆိတ်ငြိမ်သက်တဲ့နေရာမျိုး ရွေးချယ်သင့်တယ်။ တိတ်ဆိတ်ငြိမ်သက်စွာ နာယူသင့်တယ်။ ဓမ္မဂါရ၀ဆိုတာနှင့် ပတ်သက်ပြီး ပြောတဲ့နေရာမှာ တရားဟောတဲ့နေရာမှာ တိုးတိုးတိုးတိုး စကားပြောခြင်းဟာ တရားကို မလေးစားရာရောက်တယ်လို့ စာပေကျမ်းဂန်မှာ ဒီလိုဆိုတယ်။ ဒါကြောင့်မို့လို့ ဘုရားရဲ့  တပည့်သား သာဝကတွေဟာ အင်မတန်မှ ယဉ်ကျေးသိမ်မွေ့တဲ့ ဓမ္မဂါရ၀ - တရားတော်ကို လေးစားစွာ နာယူမှတ်သားကြရတယ်။

ဒါကပညာရပ်တစ်ခုကို နာယူနေတာ။ တရားနာတယ်ဆိုတာ တကယ်ကတော့ အပျော်နာတာ မဟုတ်ဘူး။ ဘ၀သံသရာမှာ တို့တတွေ ဘယ်လို အဖြေမှန်ထုတ်နိုင်မလဲ။ ဘ၀ရဲ့  အကြောင်းကို ဘယ်လိုသိအောင်လုပ်ရမလဲ။ဘ၀မှာ ပျော်စရာဆိုတာ ဘာရှိသလဲ။ ထိုဘ၀ကြီးရဲ့  အပြစ်အနာအဆာဆိုတာ ဘာရှိသလဲ။ ဘ၀ကြီးက ထွက်မြောက်ဖို့ လမ်းကြောင်းရော ရှိရဲ့ လား ဆိုတာတွေ အသေးစိတ်နားလည်အောင် တရားဓမ္မကို နာယူကြရတာဖြစ်တယ်။ အဲဒီလို နာယူနိုင်မှ ဘ၀ရဲ့  သာယာမှုဆိုတာလည်း တွေ့အောင်ရှာနိုင်တယ်။ သာယာမှုတင်ရှိသလားဆိုတော့ မဟုတ်ဘူး။ ဘ၀မှာ အပြစ်အနာအဆာတွေ မြောက်မြားစွာရှိတယ်။ အဲဒီအပြစ်အနာအဆာတွေမြောက်မြားစွာရှိတဲ့ ဘ၀ကြီးက လွတ်ချင်တယ်ဆိုရင်ကော ထွက်ပေါက်ရှိရဲ့ လားဆိုတော့ ထွက်ပေါက်ကိုပြတယ်။

အဲဒီလို ဘ၀နှင့်ပတ်သက်တဲ့ ရှုမြင်သုံးသပ်မှု၊ ရှုထောင့်သုံးခုကနေ မြတ်စွာဘုရားက သုံးသပ်ဆင်ခြင်ပြီးတော့ ပြထားတယ်။ ဒီတော့ အဲဒီလောက် လေးနက်တဲ့တရား၊ နက်နဲတယ်၊ မြင်ဖို့အင်မတန်ခက်တယ်၊ တရားဟာ အင်မတန်မှ သိမ်မွေ့တယ်။ သိမ်မွေ့တဲ့အရာ၊ သေးငယ်တဲ့အရာဆိုတာ အားကုန်စိုက်မှ မြင်နိုင်မယ်၊ သိနိုင်မယ်ပေါ့။ သာမန်ပုဂ္ဂိုလ်တွေ နားမလည်နိုင်ဘူး။ ပညာရှိတဲ့ ပုဂ္ဂိုလ်သာ နားလည်နိုင်တယ်လို့ မြတ်စွာဘုရားကိုယ်တိုင်က အကြိမ်ကြိမ်ထုတ်ဖော်ပြောရတဲ့ ဒီတရားမျိုးဟာ အင်မတန်မှ တိတ်ဆိတ်ငြိမ်သက်တဲ့ နေရာမျိုးမှာနာရမှသာ။

ဒါကြောင့်မို့လို့ လောကမှာ တိတ်ဆိတ်ငြိမ်သက်မှုကို အမြတ်နိုးဆုံးပုဂ္ဂိုလ်ဟာ ဘယ်သူလဲဆိုရင် မြတ်စွာဘုရားပဲဖြစ်တယ်။ ဘာ့ကြောင့် ဒီစကားကို ပြောရတာလဲ ဆိုလို့ရှိရင် တုံဏှိဘာဝ ဆိုတဲ့ စကားလုံးလေးရှိတယ်။ တုံဏှိ ဆိုတာ စကားမပြောဘူးဆိုတဲ့ အဓိပ္ပါယ်။ စကားဟာ လိုအပ်တဲ့အခါမှာ ပြောတယ်။ အသံထွက်အောင် မလုပ်ဘူး။

မြတ်စွာဘုရားကို တစ်စုံတစ်ယောက်က ဆွမ်းပင့်တာမှာဖြစ်စေ၊ တခြားကိစ္စအရ ပင့်ဖိတ်တာပဲဖြစ်စေ မြတ်စွာဘုရားက လက်ခံတယ်ဆိုလို့ရှိရင် နှုတ်ကနေပြီးတော့ အေး...လာခဲ့မယ်လို့ ဘယ်တော့မှ မပြောဘူးနော်။ တိတ်ဆိတ်ငြိမ်သက်စွာ နေပြခြင်းဖြင့် လက်ခံတယ်။ သံဃာတွေကိုလည်း ဒီစနစ်ပေးထားတယ်။ ၀ိနည်းကိစ္စဆောင်ရွက်တဲ့အခါမှာ တာဝန်ရှိတဲ့ ပုဂ္ဂိုလ်က သဘောတူ၊ မတူ မေးမြန်းတဲ့အခါမှာ နှုတ်ကနေ ထုတ်ပြောနေစရာမလိုဘူး။ ရဟန်းခံတဲ့ ကိစ္စပဲဖြစ်ဖြစ်၊ တခြားသံဃာ့ကိစ္စတွေ ဆောင်ရွက်တဲ့အခါမှာပဲဖြစ်ဖြစ် သံဃာပရိတ်သတ်ဟာ တိတ်ဆိတ်ငြိမ်သက်နေရမယ်။ ဒါကြောင့်မို့လို့ စကတည်းက အရှင်ဘုရားတို့၊ သံဃာဟာ တပည့်တော်ပြောတာ နားစိုက်ထောင်ပါ။ နားထောင်တယ်ဆိုတာ ဆူညံနေလို့ရှိရင် ဘယ်လိုလုပ် နားထောင်မတုန်း။

(ဆက်ရန်)
 
ဆက်လက်ဖတ်ရှုရန်

Thursday, January 1, 2015

ဘုရားအာရုံပြုပုံ




ဘာသာခြားပုဂ္ဂိုလ်တွေ သူတို့ဘုရား အာရုံပြုပုံ တွေ့မိကြမှာပေါ့။ ဘယ်လောက် (စိတ်) စိုက်တုန်း။ တခါတလေများ သွားရင်းလာရင်းများတောင်မှ သူတို့လေ မတ်မတ်ရပ်ပြီးတော့ သူတို့ဘုရားကိုအာရုံပြုပြီးတော့ စိုက်နေလိုက်တာ။ အဲဒီဟာ ဒါစ်ာန္ပဲ။ ဈာန်တရားတွေ ဖြစ်နေတာပဲ။ စိုက်လို့။ နောက်ပြီး သူတို့ဝတ်ကျောင်းများထဲမှာ ငြိမ်လို့။ စိုက်ပြီးတော့ နေလိုက်ကြတာ။ ကုသိုလ်ရတယ် မရဘူးဆိုတာကတော့ အာရုံမှန်မှ ရပါတယ်။ စိုက်တာကတော့ စိုက်နေတာပဲ။ အာရုံယူနေပုံကတော့ အင်မတန်ကို အားရစရာကောင်းတယ်။ အင်မတန်စိုက်ပြီး နေတာပဲ။ ဒီတော့ ဘုန်းကြီးက ဘုန်းကြီးတို့တရားနှင့် သူတို့ကိုကြည့်လိုက်တော့ သဘာဝသိပ်ကျတာပဲ။ ကုသိုလ်ရတာ မရတာ ဘုန်းကြီးပြောတာမဟုတ်ဘူးနော်။ အာရုံကမှန်မှ ကုသိုလ်တော့ရတယ်။ ၀တ်ကျောင်းများထဲမှာ ပရိတ်သတ်တွေစုပြီတော့ စိုက်ပြီး အာရုံယူနေလိုက်တာ။ ဘယ်လောက်ကောင်းလဲ။

ဒီတော့ကာ လောကကြီးထဲမှာ သဘာဝနော်။ သူများလှတာကိုမြင်လို့ရှိရင် ကိုယ့်အိမ်က မလှရင် နဲနဲမကျေနပ်ချင်ဘူး။ ဒါ ထုံးစံ။ သူများလှတာကိုမြင်ရင် ကိုယ့်အိမ်ကလည်း လှနေရင် အင်မတန်ကောင်းတယ်။ ဘုန်းကြီးတို့ ဗမာများက ဘုရားဆိုရင် သွားကြည့်။ ရွှေတိဂုံဘုရားလူကြီးက မိမိတို့ ရွှေတိဂုံကို လှမ်းပြီးတော့ မျှော်ကြည့်။ မဟာမြတ်မုနိဘုရားလူကြီးက မိမိတို့ မဟာမြတ်မုနိကို မှန်းပြီးတော့ ကြည့်။ ဘုရားရှိခိုးလာတဲ့ လူတွေဟာ စိုက်ပြီးတော့ အာရုံယူတာ ဘယ်နှစ်ယောက်လောက်များ တွေ့လိုက်ကြတုန်း။ တွေ့ခဲ့ဖူးကြတုန်း။ ပတ်ဝန်းကျင်ကလည်း ဆူဆူညံညံနဲ့။ တခါတရံ ဘုရားပွဲဆိုရင် ဗြုံးဒိုင်းဗြုံးဒိုင်း ဗြုံးဒိုင်းဗြုံးဒိုင်းနဲ့ ။ ပြီးတော့ ရတဲ့သူကလည်း သူ့အသံကို အသံကုန်ဟစ်ပြီးတော့ တခါတခါ ကြွားချင်ကြွားတာပဲ ဒီအနားမှာလေ။ ဘေးနားက ဘုရားရှိခိုးမရလို့ ခပ်တိုးတိုးလေးခိုးနေတယ်။ ဘုရားရှိခိုးရတဲ့ အသံကောင်းတဲ့သူကလည်း သူ့အသံကို သူဟစ်တာပဲ ဒီအနားမှာ။ ဘယ်မှာလဲပဲ စူးစိုက်တာ။ ဗုဒ္ဓါနုဿတိအာရုံ ဘယ်မှာလဲ စူးစိုက်တာ။

ဘုန်းကြီးက အသံကျယ်ကျယ်နှင့် ရှိမခိုးရဘူးလို့ မဆိုလိုပါဘူး။ တခါတခါ အသံထုတ်ပြီး ဘုရားအာရုံယူနေတဲ့ ဥစ္စာဟာ အင်မတန်အရသာရှိပါတယ်။ အဲဒီလိုအတွက်ကတော့ အသံလည်း ထုတ်ရင်း။ စိတ်ကလည်း စိုက်ရင်း။ အရသာကိုရှိလို့။ ပီတိကိုဖြစ်လို့။ ဘုရားဂုဏ်တော်တွေရွတ်ပြီးတော့ အသံကျယ်ကျယ်နဲ့။ ဒါက တိတ်ဆိတ်တဲ့ ကိုယ့်အိမ်မှာမျိုး။ တိတ်ဆိတ်တဲ့ ဘုရားရှေ့ တော်မှာမျိုး။ အဲဒီအခါကျတော့ ဒီအရသာပေါ်တယ်။ ဈာန်အရသာပေါ်တယ်။ ဈာန်စိတ်ဖြစ်တယ်။ အဲဒီလိုပုဂ္ဂိုလ်မျိုးအတွက် ဘုန်းကြီးက ဘာမှ အပြစ်ပြောစရာမရှိဘူး။ အင်မတန်ကောင်းတယ်။ အသံကလည်း ဂုဏ်တော်ကို ထုတ်ပြီး ရွတ်နေတယ်။ အဲဒီအသံအလိုက်လည်း စိတ်က ဂုဏ်တော်ထဲမှာ စွဲပြီးတော့နေတယ်။ ရွတ်ရင်းရွတ်ရင်းကို ပီတိတွေ ဖြစ်ပြီးတော့လာတယ်။ စိတ်ကဘယ်မှ မရောက်ဘူး။ ဒီဂုဏ်တော်အာရုံမှာပဲ ရွတ်ရင်းရွတ်ရင်း စိတ်တည်နေတယ်ဆိုရင် ဒါဈာန်ဖြစ်နေတာပဲ။ အဲဒီလိုပုဂ္ဂိုလ်အတွက်ကတော့ ဘုန်းကြီး ဘာမှ ဝေဖန်စရာမလိုဘူး။ အင်မတန်ကောင်းတယ်။

ယခုတော့ကာ ဘုရားပွဲတွေနဲ့။ ဗြုံးဒိုင်းဗြုံးဒိုင်း။ အသံတွေက ကျယ်ကျယ်လောင်လောင်။ ဟိုကစကားတွေက အမျိုးမျိုးပြော။ ဒီမှာ ဟစ်ကြအော်ကြ။ ဘုရားဂုဏ်တော်တွေ ရွတ်ကြဖတ်ကြတယ်။ ဒါဈာနပစ္စည်းနဲ့။ နိုင်ငံခြားလူများရဲ့ စူးစိုက်မှုနှင့်။ ဘယ်လောက်ရှက်စရာကောင်းတုန်း။
ပြီး တဖန် ကိုယ့်အိမ်မှာလည်းပဲ ဘုရားရှိခိုးနေလိုက်ကြတာ။ စိတ်က တခြား။ အသံကတော့ ရတာ ရွတ်နေတာပဲ။ ဣတိပိသော ဘဂ၀ါတို့ ဘာတို့ ရွတ်နေတာပဲ။ ရွတ်သာရွတ်နေတယ်။ စိတ်ကတော့ တခြားရောက်နေတယ်။ ပါးစပ်ကရလို့ရွတ်နေတယ်။ စိတ်ကတခြား။ ဒါ ဈာန် စူးစိုက်မှု မပါပါဘူး။ အဲဒါကြောင့် ဘုန်းကြီးတို့ ဗုဒ္ဓဘာသာတွေဟာ အဆင့်အတန်းမြင့်မြင့်နှင့် ဖြစ်စေချင်လွန်းလို့။ တိုးတိုးရှိခိုး။ စိုက်ပြီးတော့ ဘုရားအာရုံပြု ပြောနေရတယ်။ ရှိခိုးလို့ရှိရင် အသံကောင်းတဲ့သူက တိုးတိုးရှိခိုး။ ဘေးကကြားလို့ရှိရင် သာယာနာပျော်ဖွယ်ရှိအောင် တိုးတိုးလေးရွတ်စမ်း။ အဲဒါကကောင်းတယ်။ ဒီလိုဆူဆူညံညံဘုရားရှိခိုးနည်းတွေကတော့ သဘာဝသိပ်မကျပါဘူး။ နဲနဲပါးပါး အကျိုးရှိတာကတော့ ထားပါတော့။ အကျိုးလုံးလုံးတော့ မဆုတ်ယုတ်ပါဘူး။ ဒါပေမယ့်လို့ ဈာနပစ္စည်းဖြစ်လောက်အောင် စူးစိုက်တဲ့အနေမျိုးရောက်ဖို့ကတော့ မနဲကြီး စဉ်းစားရပါလိမ့်မယ်။

တခါ ဘုန်းကြီးတို့ ဗုဒ္ဓဘာသာက ဘုရားအာရုံပြုတဲ့နေရာမှာသာ အစူးအစိုက်နဲတာ မဟုတ်ဘူး။ မေတ္တာပို့ကြပြီ။ ပါးစပ်က အဝေရာဟောန္တု၊ အဗျာပဇ္ဇာဟောန္တု။ စိတ်က တခြားရောက်နေတယ်။ ပါးစပ်က ကျန်းမာကြပါစေ။ ချမ်းသာကြပါစေ ဆိုပေမယ့် စိတ်က တခြားရောက်နေတယ်။ မစူးစိုက်ဘူး။ အများနှင့်ရောပြီးတော့ သံပြိုင်မေတ္တာပို့ရတာကတော့ ထားပါတော့ပေါ့။ တစ်ယောက်တည်း၊ သံဃာတော် တစ်ပါးတည်း မေတ္တာပို့လို့ရှိရင် နှုတ်ကလေးလှုပ်တယ်ဆိုရုံလောက်လေး။ အရှေ့ အရပ်မှာနေကြတဲ့ သတ္တ၀ါတွေ စိတ်ကအာရုံပြုပြီးတော့ ကျန်းမာကြပါစေ။ ချမ်းသာကြပါစေ။ ရွတ်ပြန်လို့ရှိရင်လည်း တိုးတိုးကလေးရွတ်ပြီးတော့။ စိတ်ကစူးစိုက်လို့။ ဒါမှ မေတ္တာဈာန်ဖြစ်တယ်။ တောင်ဘက်ကို အာရုံပြုလိုက်တယ်ဆိုလို့ရှိရင်လည်း တောင်ဘက်ကို စိတ်ကစိုက်လို့ တောင်ဘက်အရပ်မှာရှိကြတဲ့ သတ္တ၀ါများ ကျန်းမာကြပါစေ။ ချမ်းသာကြပါစေ။ အဲဒီလို အရပ်ဆယ်မျက်နှာ စူးစိုက်ပြီးတော့ အာရုံပြုရပါတယ်။ အဝေရာဟောန္တု စသည်အားဖြင့် ရွတ်ပြီးတော့ စိတ်မပါ့တပါနှင့် မေတ္တာပို့တာကတော့ မေတ္တာကို မဟုတ်ပါဘူး။ စူးစိုက်မှုဆိုတာ အဝေးကြီး။ မေတ္တာကို မဖြစ်ပါဘူး။ ဖြစ်ရင် နဲနဲကလေးဖြစ်မယ်။ စူးစိုက်တာ မဟုတ်တဲ့အတွက် လေးလေးပင်ပင် မေတ္တာမျိုး မဖြစ်ပါဘူး။ ဒါလေးကို နားလည်စေချင်တယ်လေ။

ဘုန်းကြီးတို့တရားတော်က အင်မတန်တိကျရဲ့ သားနဲ့ လူတွေက တိတိကျကျမလိုက်နိုင်လို့မို့ မိမိတို့တရားတော်ကို အထင်သေးလို့။ အဲဒီလိုဖြစ်နေလို့မို့ နေရာတိုင်း တိတိကျကျလိုက်ကြစမ်းပါ။ ဗုဒ္ဓမြတ်စွာကိုအာရုံပြုပြီးတော့ စူးစိုက်ပြီးတော့ တရားရသွားတဲ့ ပုဂ္ဂိုလ်တွေရှိပါတယ်။ တိတ်တိတ်ဆိတ်ဆိတ် စူးစူးစိုက်စိုက်နှင့် ဘုရားပူဇော်ရင် အခုလည်းပဲ တရားရနိုင်တယ်။ ဒါကြောင့် ဘုန်းကြီးက ဘုရားရှေ့ တော်မှာ သန့်ရှင်းကြပါ။ တိတ်ဆိတ်ကြပါ။ မိမိရဲ့  အိမ်မှာ ဘုရားကိုပူဇော်လို့ရှိရင် ရှုပ်ရှုပ်ထွေးထွေးနှင့် မပူဇော်ပဲနှင့် သန့်သန့်ရှင်းရှင်းနှင့် သက်တော်ထင်ရှားဘုရားရှေ့ မှာ မိမိရောက်နေသလိုအထိ ပူဇော်လိုက်ကြစမ်းပါ။ အင်မတန်ကောင်းပါတယ်။

ဗုဒ္ဓဘာသာမဟုတ်တဲ့သူများက မေတ္တာပို့ကြလို့ရှိရင် တိတ်လို့၊ ငြိမ်လို့။ သဘောကျလိုက်တာ။ ဘုန်းကြီးက ပြောင်းပြန်ပြန်လိုက်ချင်တာ။ တို့ဗမာလူမျိုးတွေက သွားဟိုဘက်။ အဲဒီလူတွေကလာ တို့ဗုဒ္ဓဘာသာဘက်ကို။ သူတို့က မေတ္တာပို့နေလိုက်ကြတာ ငြိမ်လို့။ တခါတုန်းကများ လေးရာလောက် စည်းဝေးနေကြတာ တုပ်တုပ်မှမလှုပ်ဘူးတဲ့။ ငြိမ်လုို့ သူတို့အာရုံနှင့် သူတို့ယူနေကြတာ။ မေတ္တာပို့ကြစို့ ဆိုလို့ရှိရင် မေတ္တာပို့လို့ ငြိမ်နေကြတယ်။ ဒီက ဘုရားဒကာကြီးတွေရဲ့ ၊ ဘုရားလူကြီးတွေရဲ့  ဘုရားဝိုင်းထဲမှာတော့ ၀ုန်းဒိုင်းဝုန်းဒိုင်း ၀ုန်းဒိုင်းဝုန်းဒိုင်းကြားက မေတ္တာပို့တဲ့သူတွေကလည်း မေတ္တာပို့ကြ။ ရွတ်တဲ့သူတွေကလည်း ရွတ်ကြ။ ဆွမ်းတော်တင်တဲ့သူတွေကလည်း ဆွမ်းတော်တင်ကြ။ ဆွမ်းတော်ကောက်တဲ့သူတွေကလည်း ဆွမ်းတော်ကောက်ကြနဲ့။ ရှုပ်လို့။

ဒီတော့ ဘုန်းကြီးတို့ရဲ့  အကောင်းတွေကို ဘယ်ကယူနေကြလဲဆိုတော့ ဘုန်းကြီးတို့ ဘာသာဝင်မဟုတ်တဲ့ပုဂ္ဂိုလ်တွေကယူပြီးတော့ အသုံးချနေကြတယ်။ ဘုန်းကြီးတို့ဘာသာဝင်တွေကတော့ မိမိတို့ဖာသာမိမိတို့ ဟုတ်လှပြီလို့ ထင်ပြီးတော့ ဘယ်နှယ့်ကြောင့် ဒီလို ကြမ်းကြမ်းတမ်းတမ်းအသံတွေနှင့် ဘာသာရေးကိစ္စကို အသုံးချနေကြသလဲ။ သိပ်စဉ်းစားစရာကောင်းပါတယ်။

တခါ မေတ္တာပို့တာသာမဟုတ်ဘူး။ အသုဘဘာဝနာလည်း ဈာန်လုိုပဲ စိုက်ပြီးတော့ ရှုလိုက်လို့ရှိရင်လေ တကယ့်ကိုတရားပေါက်တယ်။ အသုဘရှု၊ အသုဘရှုဆိုတာ ဒီဈာနပစ္စည်းနှင့် တွဲပြီးတော့ ရှေးက သုံးထားဟန်တူတယ်။ ဘုန်းတော်ကြီးများ အသုဘရှုကြွတော်မူပါ။ အသုဘရှုလိုက်ကြပါ။ အဲဒီလို တရားနှင့်ခေါ်တာပဲ။ အသုဘပို့တဲ့နေရာမှာလည်း ဘုန်းကြီးတို့ ဗမာတွေ ဘုန်းကြီးတွေရော၊ လူတွေရော။ ဟိုက ဖိတ်တော့ အသုဘရှု၊ အသုဘပို့နဲ့ ဖိတ်ကြပါရဲ့ ။ ပွဲနေပွဲထိုင်သွားတာလောက်သာ မမှီတာ။ အထိုက်အလျှောက်ပြင်လို့ဆင်လို့။ မော်တော်ကားကြီးတွေနဲ့။ ခမ်းခမ်းနားနားနဲ့။ စကားစမြည် ရောင်းမှု ၀ယ်မှုတွေပြောလို့။ ဟိုကိစ္စ ဒီကိစ္စတွေပြောလို့။ မလိုက်မကောင်းလို့ လိုက်လာကြတာ။ ဘုန်းကြီးတို့ ဘုန်းတော်ကြီးတွေကိုယ်တိုင်ကလည်း ဘယ်လိုဆုိုတဲ့ဥစ္စာ သုဿန်သွားပြီးတော့ ကြည့်ကြပေါ့လေ။

ဒီတော့ ဘုန်းကြီးတို့ရဲ့  အသုဘရှုကလည်း အသုဘဘာဝနာက တကယ်ရှုရင် တကယ့်ကို တရားရလောက်တဲ့ဥစ္စာကို အသုဘကို တကယ်မရှုပဲနဲ့ ၀တ်ကျေတန်းကျေရှုပြီးတော့ နေကြတဲ့အတွက် ဘာမှအကျိုးမရတဲ့အပြင် ဘာသာခြားတွေ၊ နိုင်ငံခြားကလူတွေကလာပြီ။ အသုဘပို့။ ငြိမ်လို့။ တိတ်ဆိတ်လို့။ အ၀တ်များတောင်မှ အသုဘအခမ်းအနားအတွက် အ၀တ်ကို တမျိုးဝတ်လို့။ တယ်ကြည်နူးစရာကောင်းတယ်။ အသုဘနှင့်စပ်တဲ့အတွေးကိုတွေးလို့။ ငါတို့လည်း ဒီလိုသေရအုံးမယ်ဆိုတဲ့ အတွေးမျိုး ဖြစ်ကောင်းဖြစ်လိမ့်မယ်။ ဗုဒ္ဓဘာသာဆိုတဲ့သူတွေက ဘုရားတရားက ဒီလောက်ညွှန်ပြထားပေမယ့် ဘယ်လောက်များတွေးလိုက်ကြတုန်း။ ဘယ်လောက်များ တရားများရကြတုန်း။ ငိုတဲ့သူက ငို။ တချို့ များ အော်ဟစ်ပြီးတော့ လူးလိမ့်ပြီးတော့ငို။ ဘေးက နဲနဲပါးပါး နီးစပ်ရာတွေက ချော့တန်တဲ့သူက ချော့။ ဘေးက ခပ်ဝေးဝေးလူတွေက အမှတ်တမဲ့။

ဘုန်းကြီးတို့ရဲ့  ဘာသာရေးဟာပေါ့လေ။ သူများက အထင်သေးတာ ဘာသာက ညံ့လို့မဟုတ်ပါဘူး။ ဒီဘာသာကို လက်ကိုင်လုပ်တဲ့ ပုဂ္ဂိုလ်တွေရဲ့  ညံ့မှုကြောင့် ဘာသာကြီးပါ အထင်သေးခံနေရပါတယ်။

အရှင်ဇနကာဘိဝံသ
အခြေပြုပဋ္ဌာန်းတရားတော် (ဈာနပစ္စည်း)
(၂၃၊ ၄၊ ၁၉၇၃)

ဆက်လက်ဖတ်ရှုရန်

Friday, September 7, 2012

ဘုရားဂုဏ်တော် ဆယ်ပါး



ဘုရားဂုဏ်တော်ကိုးပါးကို ပါရာဇိကဏ်အဋ္ဌကထာ နှင့် ၀ိသုဒ္ဓိမဂ်အဋ္ဌကထာများတွင် ဆယ်ပါးဖွင့်ပြသည်။

(၁) အရဟံ = လူနတ် ဗြဟ္မာသတ္တ၀ါအားလုံးတို့၏ ပူဇော်အထူးကို ခံယူတော်မူထိုက်ပါပေ၏။

(၂) သမ္မာသမ္ဗုဒ္ဓေါ = အလုံးစုံသောတရားတို့ကို ကိုယ်တိုင်မှန်စွာ သိမြင်တော်မူပါပေ၏။

(၃) ၀ိဇ္ဇာစရဏသမ္ပန္နော = အသိဉာဏ်ဝိဇ္ဇာ၊ အကျင့်စရဏ နှင့် ပြည့်စုံတော်မူပါပေ၏။

(၄) သုဂတော = ကောင်းသောစကားကို ဆိုတော်မူ တတ်ပါပေ၏။

(၅) လောက၀ိဒူ = သတ္တလောက၊ သြကာသလောက၊ သင်္ခါရလောက ဟု ဆိုအပ်သော လောကသုံးပါးကို သိမြင်တော်မူပါပေ၏။

(၆) အနုတ္တရော = လောကသုံးပါးတွင် အမြတ်ဆုံး ပုဂ္ဂိုလ်ဖြစ်တော်မူပါပေ၏။

(၇) ပုရိသဒမ္မသာရထိ = ဆုံးမထိုက်သူကို အောင်မြင်စွာ ဆုံးမတော်မူတတ်သည့် ပုဂ္ဂိုလ်ထူးဖြစ်တော်မူပါပေ၏။

(၈) သတ္ထာဒေ၀မနုဿာနံ = လူနတ်ဗြဟ္မာ သတ္တ၀ါအားလုံးတို့၏ ဆရာ ဖြစ်တော်မူပါပေ၏။

(၉) ဗုဒ္ဓေါ = သစ္စာလေးပါးတရားကို သိမြင်တော်မူပါပေ၏။

(၁၀) ဘဂ၀ါ = ဣဿရိယ၊ ဓမ္မ ယသ၊ သိရီ၊ ကာမ၊ ပယတ္တ တည်းဟူသော ဘုန်းတော်ခြောက်ပါးနှင့် ပြည့်စုံတော်မူပါပေ၏။

ဆက်လက်ဖတ်ရှုရန်

ရေဥပမာတရားတော်

 
 
ရဟန်းတို့ လောက၌ ရေဥပမာရှိကုန်သော ဤပုဂ္ဂိုလ် ခုနစ်မျိုးတို့သည် ထင်ရှား ရှိကုန်၏။

အဘယ်ခုနစ်မျိုးတို့နည်းဟူမူ -

ရဟန်းတို့ ဤလောက၌ အချို့သော ပုဂ္ဂိုလ်သည် တစ်ကြိမ် နစ်မြုပ်သော် နစ်မြုပ်တော့သည်သာဖြစ်၏။

ရဟန်းတို့ ဤလောက၌ အချို့သော ပုဂ္ဂိုလ်သည် ပေါ်ပြီး၍ နစ်မြုပ်ပြန်၏။

ရဟန်းတို့ ဤလောက၌ အချို့သော ပုဂ္ဂိုလ်သည် ပေါ်ပြီးလျှင် တည်၏။

ရဟန်းတို့ ဤလောက၌ အချို့သော ပုဂ္ဂိုလ်သည် ပေါ်ပြီးလျှင် ကြည့်ရှု၏၊ ထိုမှ ဤမှ ကြည့်ရှု၏။

ရဟန်းတို့ ဤလောက၌ အချို့သော ပုဂ္ဂိုလ်သည် ပေါ်ပြီးလျှင် ကူး၏။

ရဟန်းတို့ ဤလောက၌ အချို့သော ပုဂ္ဂိုလ်သည် ပေါ်ပြီးလျှင် ထောက်တည်ရာသို့ ရောက် ၏။

ရဟန်းတို့ ဤလောက၌ အချို့သော ပုဂ္ဂိုလ်သည် ပေါ်ပြီးလျှင် ကူးမြောက်၏၊ ကမ်းတစ်ဖက် သို့ ရောက်၏၊ (နိဗ္ဗာန်တည်းဟူသော) ကြည်းကုန်းထက်၌ တည်၏၊ မကောင်းမှုကို အပပြုပြီး ဖြစ်၏။

ရဟန်းတို့ အဘယ်သို့လျှင် ပုဂ္ဂိုလ်သည် တစ်ကြိမ်နစ်မြုပ်လျှင် နစ်မြုပ်တော့သည်သာ ဖြစ်သနည်း။

ရဟန်းတို့ ဤလောက၌ အချို့သော ပုဂ္ဂိုလ်သည် စင်စစ် မည်းညစ်ကုန်သော အကုသိုလ်တရားတို့နှင့် ပြည့်စုံ၏။

ရဟန်းတို့ ဤသို့လျှင် ပုဂ္ဂိုလ်သည် တစ်ကြိမ်နစ်မြုပ်လျှင် နစ်မြုပ်တော့သည်သာ ဖြစ်၏။ (၁)

ရဟန်းတို့ အဘယ်သို့လျှင် ပုဂ္ဂိုလ်သည် ပေါ်ပြီး၍ နစ်မြုပ်ပြန်သနည်း။

ရဟန်းတို့ ဤလောက၌ အချို့သော ပုဂ္ဂိုလ်သည် ကုသိုလ် တရားတို့၌ သဒ္ဓါတရားသည် ကောင်းမြတ်၏၊ ဟိရီသည် ကောင်းမြတ်၏။ပ။ သြတ္တပ္ပသည် ကောင်းမြတ်၏၊ ဝီရိယသည်
ကောင်းမြတ်၏၊ ကုသိုလ် တရားတို့၌ ပညာသည် ကောင်းမြတ်၏ ဟု ပေါ်လာ၏။ ထိုပုဂ္ဂိုလ်၏ ထိုသဒ္ဓါတရားသည် မတည်၊ မတိုးပွါး၊ ဆုတ်ယုတ်သည် သာလျှင်တည်း။ 

ထိုပုဂ္ဂိုလ်၏ ထိုဟိရီသည်။ပ။ ထိုပုဂ္ဂိုလ်၏ ထိုသြတ္တပ္ပသည်။ပ။ ထိုပုဂ္ဂိုလ်၏ ထိုဝီရိယသည် ။ပ။ ထိုပုဂ္ဂိုလ်၏ ထိုပညာသည် မတည်၊ မတိုးပွါး၊ ဆုတ်ယုတ်သည် သာလျှင်တည်း။

ရဟန်းတို့ ဤသို့လျှင် ပုဂ္ဂိုလ်သည် ပေါ်ပြီး၍ နစ်မြုပ်ပြန်၏။ (၂)

ရဟန်းတို့ အဘယ်သို့လျှင် ပုဂ္ဂိုလ်သည် ပေါ်ပြီးလျှင် တည်သနည်း။

ရဟန်းတို့ ဤလောက၌ အချို့သော ပုဂ္ဂိုလ်သည် ကုသိုလ် တရားတို့၌ သဒ္ဓါတရားသည် ကောင်းမြတ်၏ ဟု ပေါ်လာ၏။
ဟိရီသည် ကောင်းမြတ်၏။ပ။ သြတ္တပ္ပသည် ကောင်းမြတ်၏။ပ။ ဝီရိယသည် ကောင်းမြတ်၏ ။ပ။ ကုသိုလ် တရားတို့၌ ပညာသည် ကောင်းမြတ်၏ ဟု ပေါ်လာ၏။ ထိုပုဂ္ဂိုလ်၏ ထိုသဒ္ဓါ တရားသည်
မဆုတ်ယုတ်၊ မတိုးပွါး၊ တည်၏။ ထိုပုဂ္ဂိုလ်၏ ထိုဟိရီသည်။ပ။ ထိုပုဂ္ဂိုလ်၏ ထိုသြတ္တပ္ပသည်။ပ။ ထိုပုဂ္ဂိုလ်၏ ထိုဝီရိယသည် ။ပ။
ထိုပုဂ္ဂိုလ်၏ ထိုပညာသည် မဆုတ်ယုတ်၊ မတိုးပွါး၊ တည်မြဲတိုင်း) တည်တံ့၏။ 

ရဟန်းတို့ ဤသို့လျှင် ပုဂ္ဂိုလ်သည် ပေါ်ပြီးလျှင် တည်၏။ (၃)

ရဟန်းတို့ အဘယ်သို့လျှင် ပုဂ္ဂိုလ်သည် ပေါ်ပြီး၍ ကြည့်ရှုသနည်း၊ ထိုမှဤမှ ကြည့်ရှု သနည်း။

ရဟန်းတို့ ဤလောက၌ အချို့သော ပုဂ္ဂိုလ်သည် ကုသိုလ် တရားတို့၌ သဒ္ဓါတရားသည်ကောင်းမြတ်၏ ဟု ပေါ်လာ၏။
ဟိရီသည် ကောင်းမြတ်၏။ပ။ သြတ္တပ္ပသည် ကောင်းမြတ်၏။ပ။ ဝီရိယသည် ကောင်းမြတ်၏ ။ပ။ ကုသိုလ် တရားတို့၌ ပညာသည် ကောင်းမြတ်၏ ဟု ပေါ်လာ၏။ ထိုပုဂ္ဂိုလ်သည် သုံးပါး သော
သံယောဇဉ် 'အနှောင်အဖွဲ့' တို့၏ အကြွင်းမဲ့ကုန်ခြင်းကြောင့်အပါယ်သို့ကျခြင်း သဘော မရှိသော ကိန်းသေမြဲသော အထက်မဂ်သုံးပါးလျှင် လားရာရှိသော သောတာပန်ဖြစ်၏။

ရဟန်းတို့ ဤသို့လျှင် ပုဂ္ဂိုလ်သည် ပေါ်ပြီး၍ ကြည့်ရှု၏၊ ထိုမှဤမှ ကြည့်ရှု၏။ (၄)

ရဟန်းတို့ အဘယ်သို့လျှင် ပုဂ္ဂိုလ်သည် ပေါ်ပြီး၍ ကူးသနည်း။
ရဟန်းတို့ ဤလောက၌ အချို့သော ပုဂ္ဂိုလ်သည် ကုသိုလ် တရားတို့၌ သဒ္ဓါတရားသည် ကောင်းမြတ်၏ ဟု ပေါ်လာ၏။
ဟိရီသည် ကောင်းမြတ်၏။ပ။ သြတ္တပ္ပသည် ကောင်းမြတ်၏။ပ။ ဝီရိယသည် ကောင်းမြတ်၏ ။ပ။ ကုသိုလ် တရားတို့၌ ပညာသည် ကောင်းမြတ်၏ ဟု ပေါ်လာ၏။

ထိုပုဂ္ဂိုလ်သည် သုံးပါးသော သံယောဇဉ် 'အနှောင်အဖွဲ့' တို့၏ အကြွင်းမဲ့ကုန်ခြင်းကြောင့် ရာဂဒေါသ မောဟတို့ ခေါင်းပါးသည်၏ အဖြစ်ကြောင့် တစ်ကြိမ်သာလျှင် ကာမဘုံသို့ လာ၍ ဝဋ်ဒုက္ခ၏အဆုံးကိုပြုသော သကဒါဂါမ် ဖြစ်၏။

ရဟန်းတို့ ဤသို့လျှင် ပုဂ္ဂိုလ်သည် ပေါ်ပြီး၍ ကူး၏။ (၅)

ရဟန်းတို့ အဘယ်သို့လျှင် ပုဂ္ဂိုလ်သည် ပေါ်ပြီးလျှင် ထောက်တည်ရာသို့ ရောက်သနည်း။

ရဟန်းတို့ ဤလောက၌ အချို့သော ပုဂ္ဂိုလ်သည် ကုသိုလ်တရားတို့၌ သဒ္ဓါတရားသည် ကောင်းမြတ်၏ ဟု ပေါ်လာ၏။ ဟိရီသည် ကောင်းမြတ်၏။ပ။ သြတ္တပ္ပသည် ကောင်းမြတ်၏။ပ။ ဝီရိယသည် ကောင်းမြတ်၏ ။ပ။
ကုသိုလ် တရားတို့၌ ပညာသည် ကောင်းမြတ်၏ ဟု ပေါ်လာ၏။ ထိုပုဂ္ဂိုလ်သည် အောက်ပိုင်းသံယောဇဉ် 'အနှောင်အဖွဲ့' ငါးပါးတို့၏ အကြွင်းမဲ့ကုန်ခြင်းကြောင့်ဗြဟ္မာ့ဘုံ၌ ဥပပတ် ပဋိသန္ဓေနေ၍ ထိုဘုံ၌သာလျှင် ပရိနိဗ္ဗာန်ပြုမည့် ထိုဘုံမှ ပြန်လည်ခြင်း သဘော မရှိသူ အနာဂါမ် ဖြစ်၏။

ရဟန်းတို့ ဤသို့လျှင် ပုဂ္ဂိုလ်သည် ပေါ်ပြီး၍ ထောက်တည်ရာသို့ ရောက်၏။ (၆)

ရဟန်းတို့ အဘယ်သို့လျှင် ပုဂ္ဂိုလ်သည် ပေါ်ပြီး၍ ကူးမြောက်သူ ကမ်းတစ်ဖက်သို့ ရောက်သူ (နိဗ္ဗာန်တည်းဟူသော) ကြည်းကုန်းထက်၌ တည်၍ မကောင်းမှုကို အပပြုပြီးသူ ဖြစ် သနည်း။

ရဟန်းတို့ ဤလောက၌ အချို့သော ပုဂ္ဂိုလ်သည် ကုသိုလ် တရားတို့၌ သဒ္ဓါတရားသည် ကောင်းမြတ်၏ ဟု ပေါ်လာ၏။
ဟိရီသည် ကောင်းမြတ်၏။ပ။ သြတ္တပ္ပသည် ကောင်းမြတ်၏။ပ။ ဝီရိယသည် ကောင်းမြတ်၏ ။ပ။ ကုသိုလ်တရားတို့၌ ပညာသည် ကောင်းမြတ်၏ ဟု ပေါ်လာ၏။ ထိုပုဂ္ဂိုလ်သည် အာသဝေါ တရားတို့၏ ကုန်ခြင်းကြောင့် အာသဝေါ တရားကင်းသော လွတ်မြောက်သော (အရဟတ္တဖိုလ်) စိတ်နှင့် လွတ်မြောက်သော (အရဟတ္တဖိုလ်) ပညာကို ယခု ဘဝ၌ပင်လျှင် ထူးသော ဉာဏ်ဖြင့် ကိုယ်တိုင်မျက်မှောက်ပြုလျက် ရောက်၍ နေ၏။

ရဟန်းတို့ ဤသို့လျှင် ပုဂ္ဂိုလ်သည် ပေါ်ပြီး၍ ကူးမြောက်သူ ကမ်းတစ်ဖက်သို့ ရောက်သူ နိဗ္ဗာန်တည်း ဟူသော ကြည်းကုန်းထက်၌ တည်သူ မကောင်းမှုကို အပပြုပြီးသူ ဖြစ်၏။ (၇)

ရဟန်းတို့ လောက၌ ရေဥပမာ ရှိကုန်သော ဤပုဂ္ဂိုလ် ခုနစ်မျိုးတို့သည် ထင်ရှားရှိကုန်၏ ဟု
(မိန့်တော်မူ၏)။

အဂုင်္က္တိုရ်ပါဠိတော်၊ အနုသယ၀ဂ်၊ ဥဒကူပမာသုတ်။

ဆက်လက်ဖတ်ရှုရန်

Friday, August 31, 2012

အရဟံဂုဏ်တော် ငါးပါး ဘုရားရှိခိုး



၁။ အာရကတ္တာ အရဟံ။သော ဘဂ၀ါ = ထိုမြတ်စွာဘုရားသည်၊ အာရကတ္တာ = ကိလေသာမှ ဝေးကွာတော်မူသောကြောင့်လည်း၊ အရဟံ = အရဟံမည်တော်မူပါပေ၏။

၂။ အရီနံ ဟတတ္တာ အရဟံ။ 
သော ဘဂ၀ါ = ထိုမြတ်စွာဘုရားသည်၊ အရီနံ ဟတတ္တာ = ကိလေသာတည်းဟူသော ရန်သူအပေါ်င်းတို့ကို၊ မှုန့်မှုန့်ညက်ညက် ကျေပျက်အောင် ချေဖျက်တော်မူနိုင်သောကြောင့်လည်း၊ အရဟံ = အရဟံမည်တော်မူပါပေ၏။

၃။ အရာနံ ဟတတ္တာ အရဟံ။
သော ဘဂ၀ါ = ထိုမြတ်စွာဘုရားသည်၊ အရာနံ ဟတတ္တာ = သံသရာတည်းဟူသော အကန့်အကွက်တို့ကို ဖျက်ချိုးတော်မူနိုင်သောကြောင့်လည်း၊ အရဟံ = အရဟံမည်တော်မူပါပေ၏။

၎။ အရဟတ္တာ အရဟံ။ 
သော ဘဂ၀ါ = ထိုမြတ်စွာဘုရားသည်၊ အရဟတ္တာ = လူနတ်ဗြဟ္မာ သတ္တ၀ါအပေါင်းတို့၏ အလှူတော်အတန်တန် အပူဇော်မှန်သမျှကို ခံယူတော်မူထိုက်သောကြောင့်လည်း၊ အရဟံ = အရဟံမည်တော်မူပါပေ၏။

၅။ ရဟာဘာဝတော အရဟံ။
သော ဘဂ၀ါ = ထိုမြတ်စွာဘုရားသည်၊ ရဟာဘာဝတော = ဆိတ်ကွယ်ရာ အရပ်၌ပင် မကောင်းမှုဟူသမျှကို ပြုတော်မမူသောကြောင့်လည်း၊ အရဟံ = အရဟံမည်တော်မူပါပေ၏။


တဿ ဘဂ၀တော = အရဟံဂုဏ်တော်သခင် ထိုဘုရားရှင်ကိုယ်တော်မြတ်ကြီးအား၊ နမော = ရိုသေမြတ်နိုးလက်စုံမိုး၍ ရှိခိုးပါ၏ အရှင်ဘုရား။
ဆက်လက်ဖတ်ရှုရန်

Wednesday, August 8, 2012

ရှင်ဒေ၀ဒတ်၏ မြတ်စွာဘုရားရှင်အား နောက်ဆုံးကန်တော့သွားသော ဂါထာတော်


 
ဣမေဟိ အဋ္ဌီဟိ တမဂ္ဂပုဂ္ဂလံ၊ ဒေ၀ါတိဒေ၀ံ နရဒမ္မသာရထိံ။
သမန္တစက္ခုံ သတပုညလက္ခဏံ၊ ပါဏေဟိ ဗုဒ္ဓံ သရဏံ ဥပေမိ။ 

မိလိန္ဒပဥှာ၊၁၁၅။

အဂ္ဂပုဂ္ဂလံ၊ လောကသုံးပါးထက် မြတ်သော ပုဂ္ဂိုလ်ဖြစ်တော်မူသော။

ဒေ၀ါတိဒေ၀ံ၊ သမ္မုတိနတ် (လူပြည်မှ သာမန်မင်းများ) ဥပပတ္တိနတ် (နတ်ဗြဟ္မာများ) တို့ထက်လွန်သော ဝိသုဒ္ဓိနတ် (ရဟန္တာ) ဖြစ်တော်မူသော။

နရဒမ္မသာရထိံ၊ ဆုံးမထိုက်သူ အပေါင်းကို ကောင်းစွာ ဆုံးမတော်မူသော။

သမန္တစက္ခုံ၊ ထက်ဝန်းကျင် အပိတ်အပင်မရှိ သိမြင်နိုင်သော သဗ္ဗညုတဉာဏ်ရှင် ဖြစ်တော်မူသော။

သတပုညလက္ခဏံ၊ အရာမကသော ဘုန်းတော်, ယောက်ျားမြတ်တို့၏ အမှတ်လက္ခဏာတော် ရှိသော။

တံဗုဒ္ဓံ၊ ထိုမြတ်စွာဘုရားကို။

ဣမေဟိ အဋ္ဌီဟိ၊ ဤအရိုးတို့ဖြင့် လည်းကောင်း။

ဣမေဟိ ပါဏေဟိ၊ ဤအသက်ဝိညာဉ်တို့ဖြင့် လည်းကောင်း။

သရဏံ၊ ဆည်းကပ်ခိုကိုးခြင်းသို့။

ဥပေမိ၊ ကပ်ရောက်ပါ၏။


“လောကသုံးပါးထက် မြတ်သော ပုဂ္ဂိုလ်ဖြစ်တော်မူသော၊ သမ္မုတိနတ်, ဥပပတ္တိ
နတ်တို့ထက်လွန်သော ဝိသုဒ္ဓိနတ် ဖြစ်တော်မူသော၊ ဆုံးမထိုက်သူ အပေါင်းကို ကောင်းစွာ ဆုံးမတော်မူသော၊ ထက်ဝန်းကျင် အပိတ်အပင်မရှိ သိမြင်နိုင်သော၊ သဗ္ဗညုတဉာဏ်ရှင် ဖြစ်တော်မူသော၊ အရာမကသော ဘုန်းတော်, ယောက်ျားမြတ်တို့၏ အမှတ်လက္ခဏာတော် ရှိသော ထိုမြတ်စွာဘုရားကို ဤအရိုးတို့ဖြင့် လည်းကောင်း၊ ဤအသက်ဝိညာဉ်တို့ဖြင့် လည်းကောင်း ဆည်းကပ်ခိုကိုးခြင်းသို့ ကပ်ရောက်ပါ၏”
 

ဆက်လက်ဖတ်ရှုရန်

Tuesday, July 24, 2012

အာနာပါန ကမ္မဋ္ဌာန်းကို ပွားများ မှတ်သားနေရုံနဲ့ ...


အဂ္ဂမဟာပဏ္ဍိတ အရှင်သြဘာသာဘိဝံသ (ဖျာပုံတိုက်သစ်)
---------------------------------------------------------------------

ဒကာ။ ။ ကိုယ်ထဲ အမြဲဖြစ်ပေါ်နေတဲ့ ထွက်လေ ၀င်လေ ထိသိ သတိ အာနာပါန ကမ္မဋ္ဌာန်းကို ပွားများ မှတ်သားနေရုံနဲ့ ကိလေသာ ကင်းကွာ ငြိမ်းအေးခြင်း၊ စိတ်ချမ်းသာခြင်း၊ တန်ခိုးသိဒ္ဓိရှိခြင်း စတဲ့ လောကီ လောကုတ္တရာ အကျိုးတရားစုတွေ ခံစားရတယ်ဆိုတာ ဟုတ်မှန်ပါသလား ဆရာတော်၊ ရှင်းပြပေးပါဦးဘုရား။

ဆရာ။ ။ ဒကာကြီးတို့ရဲ့ မေးလိုရင်းက အသက်ရှူနေကြတဲ့ ၀င်လေ ထွက်လေရဲ့ နှာခေါင်းဝအသား ထိ ထိသွားတဲ့ အထိကလေးကိုလိုက်ပြီး သိ သိနေတဲ့ အသိစိတ်ရဲ့ တန်ခိုးသိဒ္ဓိကို မေးတာလား။

ဒကာ။ ။ မှန်ပါတယ်ဆရာတော်၊ ထွက်လေ ၀င်လေရဲ့ “ထိ သိ သတိ” ဆိုတဲ့ အသိစိတ်ရဲ့ တန်ဖိုး အကျိုးခံစားခွင့်ကို မေးတာပါဘဲ ဆရာတော်။

ဆရာ။ ။ အင်း….သိမှတ်မည့်ယောဂီဟာ မိမိရဲ့နှာသီးဝမှာ သိစိတ်ကိုထားပြီးတော့ ၀ါယောရုပ် လေက ကာယရုပ်အသား၌ တိုးထိသွားတာကိုပဲ မမေ့တဲ့သတိနဲ့ သိ သိ မှတ် မှတ် ရှု ရှု နေရမည်တဲ့။
အဲဒါကို အာနာပါန ဖုသန ကမ္မဋ္ဌာန်းလို့ခေါ်တယ်၊ ဘုရားသာသနာတော်မှာ ဒီကမ္မဋ္ဌာန်းဟာ ရှုမှတ်ရလည်း အလွယ်ဆုံး၊ အသက်ရှူနေတဲ့ လူတိုင်းနဲ့လည်း အသင့်လျော်ဆုံးပဲ၊ ဒါပေမဲ့ ကိုယ်အသက်ရှူနေတာကို မသိမမှတ်တဲ့ သူတွေကသာ များနေတာနော်၊ ဒါကြောင့် ဒကာကြီးလည်း သိဒ္ဓိရှင်ဖြစ်ချင်ရင် ယင်းအတိုင်း ရှုမှတ်ကြည့်ပေါ့၊ သမာဓိရှိသလောက် တန်ခိုးသိဒ္ဓိတွေ ရောက်မှာပဲ။

ဒကာ။ ။ ထိ သိ သတိ ရှုမှတ်ပုံ ထင်ရှားအောင် နည်းနာယများလည်း ပြောပြပါဦး ဆရာတော်၊ ဘယ်လိုစိတ်ထားရမည် ဆိုတာကိုပါသိရအောင်၊ နည်းကလေးများ ပေးသနားပါဦးဘုရား။

ဆရာ။ ။ ကိုင်း…ပြောပြမည်၊ သေချာစွာ မှတ်သားနားထောင်ပါ၊ ၀ိပဿနာဉာဏ်ဆိုက်အောင် ပို့ဆောင်ပြောကြားပေးလိုက်မယ်၊ ဉာဏ်နားနဲ့ မိအောင်နားထောင်ပါ။

၁။ ၀င်လေ ထွက်လေ ၀ါယောရုပ်က နှာသီးဖျား ကာယရုပ်ကို လာထိသည်၊ ငါ့ကို ထိတာမဟုတ်၊ ငါမရှိ၊ ရုပ်ကို ထိ၏၊ အဲဒီလို သိမှတ်ပါ၊ အတ္တဒိဋ္ဌိကို တိတိပပ ဖြတ်ချလိုက်ပါ။

၂။ နာမ်ခေါ်တဲ့ အသိစိတ်ကလေးတွေက ထိတာကို သိ သိ သွားကြသည်၊ ငါသိတာ မဟုတ်၊ စိတ်နာမ်က သိသည်၊ ငါမရှိ၊ စိတ်နာမ်သာရှိ၏၊ အဲဒီလို သိမှတ်ပေါ့။

၃။ ဤ ထွက်လေ ၀င်လေသည် ရှူချင်တဲ့စိတ်ကြောင့်သာ ဖြစ်ပေါ် ဖြစ်ပေါ်လာတာ၊ ငါ့ကြောင့်ဖြစ်တာ မဟုတ်၊ စိတ်ကြောင့်ဖြစ်တဲ့ရုပ်လို့ သိမှတ်ပါ၊ အကြောင်းစိတ်နဲ့ အကျိုးရုပ်ကို ပိုင်းခြားသိထားပါ။

၎။ အဲဒီ ထိတဲ့ရုပ်တွေဟာလည်း ထိထိပြီးတော့ ပျက်ပျက်သွားကြတာပဲ၊ ခိုင်မြဲမှု လုံးဝမရှိတဲ့ အနိစ္စတရားတွေပဲလို့ သိမှတ်ပါ။

၅။ မခိုင်မြဲလို့ ပြန်ပြန် ရှူရှိုက် ရှူရှိုက်ကာ ဒီကိုယ်ကောင်ကြီးကို ပြုပြင်ပေးနေရတဲ့ ကာယသင်္ခါရကလည်း ဒုက္ခဆင်းရဲ သက်သက်တွေပဲလို့ သိမှတ်ပါ။

၆။ ယင်း အနိစ္စ-မခိုင်မမြဲ ပျက်စီးနေတဲ့ တရားစုတွေကို နိစ္စဖြစ်အောင်၊ ဆင်းရဲဒုက္ခကို သုခချမ်းသာဖြစ်အောင်၊ လုပ်လို့မရနိုင်တဲ့ ငါစိုး ငါပိုင် မဟုတ်သောကြောင့် ငါ့အလိုမလိုက် ငါ့အကြိုက်မပါ ငါလုပ်တိုင်း မအောင်မြင်သော အတ္တမဟုတ်တဲ့ အနတ္တ သဘောတရားတွေပဲလို့ ဉာဏ်ထဲမှာ စွဲလာအောင် စိတ်ကိုလေ့လာ စေစားပေးရမည်တဲ့။
ကဲ…..အခုပြောပြခဲ့တာတွေ ဒကာကြီးတို့ရဲ့ အသိဉာဏ်ထဲမှာ စွဲရဲ့ မိရဲ့ ထိရဲ့ နားလည်ရဲ့လား။

ဒကာ။ ။ မှန်ပါ့၊ ဖြစ်ပေါ် ဖြစ်ပေါ်နေတဲ့ ရုပ်နာမ်တွေထဲမှာ ငါဆိုတဲ့ အတ္တ မပါစေဘဲ သတိမြဲမြဲနဲ့ ရှုမှတ်နေရမည့် သဘောကို သိရပါပြီ ဆရာတော်၊ ဆက်လက် မိန့်ကြားပါ ဘုရား။

ဆရာ။ ။ ခုပြောပြီးခဲ့တဲ့အတိုင်း ထွက်လေ ၀င်လေရဲ့ ထိသိကိုမှတ်နေတဲ့ အသိစိတ်ဓာတ်ကို ထိ သိ တင်ရပ်မနေဘဲ ထိတဲ့ရုပ်လည်းပျက်၊ သိတဲ့ စိတ်လည်းပျက်၊ ထိသိပျက်တိုင်အောင် အသိစိတ်ကို အနိစ္စလက္ခဏာသို့ ရောက်အောင် ပို့ဆောင်ပေးရမည်၊ အလေ့အကျင့်ပြုလုပ်ပေးရမည်၊ အဲဒါက ပိုပြီးအရေးကြီးတယ်နော်။
အဲဒီအတိုင်း ဖြစ်ပျက်ထဲမှာ အလေ့အကျင့် ရပါများလာသောအခါ သိစိတ်အစဉ်ဟာ နှာသီးဖျား၊ နှာခေါင်းဝ ထိသိ အမှတ်ထဲက ထွက်ပြီးတော့ တခြား မြင်ခိုက် ကြားခိုက် နံခိုက် စားခိုက် တွေ့ထိခိုက် ကြံစည်ခိုက် စသည်တို့ဖြစ်ပေါ်လာသော ခဏတိုင်း၌လည်း ဖြစ်ဖြစ်ချင်း၊ ချက်ချင်းပင် အပျက်သဘောထဲ သက်ရောက် သိမှတ်သွားတော့တာပဲ၊ ငါ သူတပါး ယောက်ျား မိန်းမနဲ့ အသိ မလုပ်တော့ဘူး၊ ရုပ်နာမ်ဖြစ်ပျက်နဲ့သာ အသိလုပ်နေတော့တယ်၊ ခု ပြောကြားနေတာတွေ စိတ်ဝင်စား နားလည်ရဲ့လား ဒကာကြီးတို့၊ စိတ်မ၀င်စားလည်း မောတာနဲ့ ညောင်းတာ အဖတ်တင်ရုံပဲ ရှိနေမှာနော်။

ဒကာ။ ။ စိတ်ဝင်စားစွာနဲ့ နားထောင် မှတ်သားနေပါတယ် ဆရာတော်၊ နားလည်တာတွေက များပါတယ်၊ နားမရှင်း မသိတဲ့အချက်ကလေးတွေလည်း နည်းနည်းပါးပါးတော့ ရှိသေးတာပေါ့ ဘုရား၊ ဆက်လက် မိန့်ကြားပါဦးဆရာတော်။

ဆရာ။ ။ စိတ်ရဲ့သဘာဝက အာနာပါန ထိသိအာရုံကို သိနေဖို့ အကျင့်သာ လုပ် လုပ်ပေးပါ၊ အာရုံနဲ့ အသိအကျွမ်းဝင်အောင် လုပ်ပါများတော့ အကျင့်ပါသွားရောပဲ။
အဲဒီလို အလေ့အကျင့်တွေများများလာလို့ အကျင့်ပါသွားတာနဲ့ တပြိုင်နက် မိမိသိနေကျ လမ်းအတိုင်းသာ အသိလုပ်သွားနေတော့သဖြင့် တခြားအာရုံ လမ်းကြောင်းထဲသို့ စိတ်မပြောင်းသောကြောင့် မိမိသွားနေကျ ကိလေသာအာရုံ ကာမဂုဏ်ထဲ မသွားရောက်တော့ဘဲ မြင် သိ ပျက်၊ ကြား သိ ပျက်၊ နံ သိ ပျက်၊ စား သိ ပျက်၊ ထိ သိ ပျက်၊ ကြံစည်တွေးတော သိ ပျက်၊ ခဏတိုင်း ခဏတိုင်း သိ ပျက် နေတဲ့ ဥဒယ ၀ယ ခဏိက သမာဓိထဲ ရောက် ရောက်ပြီး တည်ငြိမ်နေတော့သတည်းတဲ့။

အဲဒီ ထွက်လေ ၀င်လေ အာနာပါန ထိ သိ ကို သတိထားရှုမှတ်တဲ့ အလေ့အထဟာ သတိရင့်ကျက်လာတဲ့အခါ အဲဒီလို ဥဒယ ၀ယ ခဏိက သမာဓိထဲ သက်ရောက်လေ့ရှိလို့ အလွန်ကောင်းသော အတိုင်းမသိ တန်ဖိုးရှိသော ကမ္မဋ္ဌာန်းလို့ ဟောခဲ့တာပေါ့၊ ဒကာကြီးတို့ရ။
ခု၊ ပြောပြခဲ့တဲ့ အလေ့အထဟာ လက်တွေ့အားဖြင့် လောဘ ဒေါသတို့ မလာနိုင် မလိုက်နိုင်တဲ့ အကျင့်မြတ်ပဲ။
ရှေးသူတော်ကောင်းတို့လုပ်ငန်း လမ်းဟောင်းလမ်းမှန် အကျင့်မြတ်ပေါ်သို့ တက်ရောက် လျှောက်သွား ရှုမှတ်နေသောကြောင့် တွေဝေ ငေးမောကာ အမှားထဲ၌ မေ့မြောနေသော မောဟနှင့် ကင်းဝေးလျက် ၀ိဇ္ဇာဉာဏ်ဘက်သို့ သက်ရောက်ကူးဝင်လာသော အကျင့်လည်း ဖြစ်တယ်တဲ့။

အဲဒါကြောင့် အဲဒီ ထွက်လေ ၀င်လေ ထိသိ သတိကို မမေ့မလျော့ ကြိုးစားမှတ်သားနေတဲ့ သူဟာ၊ သူရဲ့ သမာဓိ အားကောင်းသလောက် လောကီဘက်ဆိုင်ရာ ဈာနသမာပတ်အထိ သိဒ္ဓိတန်ခိုး အကျိုးအမျိုးမျိုးတွေကို ရရှိခံစားနိုင်တယ်၊ မယုံမရှိနဲ့ လုပ်ကြည့်ပါ၊ သိဒ္ဓိရှင် ဖြစ်သွားနိုင်တယ်။

အဲဒီ ထွက်လေ ၀င်လေ ထိသိ သတိကိုပဲ မမေ့မလျောတဲ့ သမ္မာသတိမဂ္ဂင် အားကောင်းကောင်းနဲ့ ရှုမှတ် ပွားများနေသော ယောဂီဟာ လေ့လာလုပ်ယူမှုသတိအပိုင်းက လွန်မြောက်လျက် သတိရင့်ကျက်ကာ အာရုံပေါ်ပေါ်လာတိုင်း သတိနဲ့ ကပ်ခနဲ ကပ်ခနဲ ချက်ချင်းပဲ သိပျက် သိပျက် နေသော “ဥပဋ္ဌာနသတိ” က ဉာဏ်နဲ့တွဲကာ မဂ်ဖိုလ် နိဗ္ဗာန်အထိ လောကုတ္တရာ အကျိုးတရားတွေကို ခံစားရအောင် ပို့ဆောင်ပေးတာလည်း အမှန်ပဲ၊ အဲဒီ အကျိုးကျေးဇူးတရားတွေကို ခံစားချင်ရင် ကိုယ်တိုင် အားထုတ်ကြည့်ပါ၊ ကိုယ်လုပ်သလောက် လုပ်ခ ရမှာကတော့ အမှန်ပဲ၊ ကဲ….ကျေနပ်ရဲ့လား၊ တတ်နိုင်ရင် အခုပဲ တနာရီလောက် ပါရမီ ကုသိုလ်သဘောနဲ့ ထိုင်မှတ် အားထုတ်သွားစမ်းပါလေ။

ဒကာ။ ။ အားထုတ်ပုံ နည်းနယနဲ့ စုံလင်စွာသိရလို့ ကျေးဇူးတင် ၀မ်းသာလှပါတယ် ဆရာတော်၊ တတ်နိုင်သမျှ ကြိုးစား အားထုတ်မှုများလည်း ပြုပါမည် ဘုရား၊ အိမ်ကိစ္စတွေက ရှိနေလို့ ခုတော့ သည်းခံပါ၊ ဆရာတော်ဘုရား ကျန်းမာ ချမ်းသာစွာနဲ့ သာသနာပြုနိုင်ပါစေ။ 


ဆက်လက်ဖတ်ရှုရန်

Monday, July 16, 2012

Autobiography Of Sayadaw U Jotika


Sayadaw U Jotika (Autobiography)
***************************

The need to express is very strong. It is very important for our growth. If you don't have any opportunity to express, you lose creative thinking. Well, that's another attachment. I can't force myself to let go of it. Many times I picked up my pen to write, and many times I put it down. Something hard to put into words is in my mind. Pl
ease don't think I'm preaching. I'm just expressing my personal point of view (feeling, observation) which seems true to me.

I know that a lot of things I've said can easily be misconstrued. A person can use them against me. I can't really make my points clear in a letter. Even to talk about them would be a very difficult task for me. Anyway I tried to express my views. The things I've said might not agree with the great books. I don't expect you to agree with me. They are not universal truths. Just my opinions as of October 1986. I'm liable to change, as anything else. Excuse me for my mistakes.

I'm a man who keeps himself upset all the time, believe it or not. One day I'll be happy. Here is something about me. I was born on 5 August 1947. I was educated at a Roman Catholic missionary school. I read about most of the things in this universe. I did not believe in any organised religion. Well, who knows? I thought of becoming a bhikkhu (monk) from the age of nineteen but instead I went to university, and found the education very unsatisfactory. I then educated myself. I found that almost everybody was after position, money, pleasure — very superficial.

I couldn't go on living for the rest of my life like that. I left my family although 1 love my daughters very dearly. I have no place in this competitive society. Being a bhikkhu and living in the forest is the best way of life for me; it suits my temperament.

Yes, my grand mother was Shan. She lived a long, peaceful life and died when she was about eighty. I was fourteen then. We were very close. I think of her quite often.

I like Shan people, too. They are very mellow. There are a lot of Shan people around Maymyo; some living in Ye Chan Oh Village where we are. There is another village called Yengwe where most of the villagers are Shan, and they speak the Shan language. Some old Shan ladies look like my grandmother — quiet, peaceful, loving, simple, patient, content, unimposing and very friendly. How unlikely to find such people in modern cities. People who are rich are very suspicious; they think people are after their money.

You asked me about my relationship with my family. It was never good. The only person I love in my family is my elder sister. She loves me although she could not understand me.

Yes, "I've never felt I belong to that family". I was like a stranger in my family. Maybe some day I'll go and see my sister. My relationship with my parents was a love-hate relationship. (Both of them are dead now.) I was very lonely at home. I know how you feel about your relationship with your family. It's OK. We find love and understanding elsewhere. No matter what you do and no matter what happens I will always be your father, brother, friend, counsellor, etc.

I live on the border of two different cultures — Eastern and Western. Born in Burma (Myanmar) and educated in a Western-style school. Being exposed to all different kinds of religions — Buddhism, Christianity, Judaism, Hinduism, Islam — and also to materialism through philosophy. I ended up not believing in anything seriously. Western psychology — Freud, Jung, Adler, Rogers, Laing, William James, and many others; Western philosophy — Socrates, Plato, Aristotle, Hegel, Kant, Nietzsche, Kierkegaard, Bertrand Russell, Wittgenstein, Bergson, etc. — enough to make a person very confused. I studied electrical engineering; read advanced scientific theories, including black holes.

I know how little people are sure of anything. The most important thing to know is your own mind. Yes, I want freedom. And this should be known from the outset. My freedom is not for sale.

Living too long in one place makes me feel like I'm in prison. I'm a lion, according to the Burmese tradition. I really feel like roaming in the mountains like a mountain lion. Ah, freedom... I can't tolerate any restriction, bond, or tie. Even attachment that restricts my freedom is not to my liking. People get attached to me and I see that as a danger to my freedom. I love freedom and I can't exchange it for anything. I love freedom of mind too. So I am seeing more and more what imprisons the mind. Although I've read a lot of the Pitaka [see glossary for definition], when I find something (see something) it's like I'm making a new discovery. To discover for myself those simple truths — what a great joy! Eureka!

I can't stand those people who talk like they know about something just because they've read about it in books. But sometimes I catch myself doing just that, though I'm doing it less and less.

Mountain lion I am. Alone, but not lonely anymore. I have learnt to live alone. Sometimes I want to express my deepest understanding, but it's hard to find a person who knows how to listen, understand and appreciate. Mostly I'm the one who listens. People like to talk to me.

I think wanting to be independent and free (physically as well as mentally) is my strongest desire. There are different forms and stages of freedom. I must follow my nature, at all costs. I might have to disappoint my friends. So many people expect so much of me. It is very unlikely that I can/will fulfil their expectations of me. I am heading towards my own freedom, not conformity.

I've been reading Memories, Dreams, Reflections by Carl Jung. I am very interested in some of his ideas. Some of the things he said about himself really expresses me also. So I am going to quote some of the passages to you: "As a child I felt myself to be alone, and I am still, because I know things and must hint at things which others apparently know nothing of, and for the most part do not want to know."

Loneliness does not come from having no-one around oneself, but from being unable to communicate the things that seem important to oneself, or from holding certain views that others find inadmissible. If a man knows more than other people, he becomes lonely. But loneliness is not necessarily inimical to companionship, for no-one is more sensitive to companionship than the lonely man, and companionship thrives only when each individual remembers his/her individuality and does not identify him/herself with others.

I have to obey that inner law which is imposed upon me, leaving me no freedom of choice. Of course I did not always obey it. How can anyone live without inconsistency? ("Talking about rebirth — in my case it must have been primarily a passionate urge toward understanding which brought about my birth, for that is the strongest element in my nature.")

"I have also realised that one must accept the thoughts that go on within oneself of their own accord as part of one's reality. The categories of true and false are, of course, always present but because they are not binding they take second place. The presence of thoughts is more important than our subjective judgment of them. But neither must these judgments be suppressed, for they are also existent thoughts which are part of our wholeness." (So, be mindful of everything.)

A person who has not passed through the inferno of their passions has never overcome them. They then dwell in the house next door, and at any moment a flame may dart out and set fire to his own house. Whenever we give up, leave behind, and forget too much, there is always the danger that the things we have neglected will return with added force. (Don't sit on top of your passions; be mindful of them. For me, 'passed through' doesn't mean 'acted out', it means being aware of them, experience them mindfully.)

"Indeed, our 'cult of progress' is in danger of imposing onus even more childish dreams of the future the harder it presses us to escape from the past. Reforms by advances, that is, by new methods or gadgets, are of course impressive at first, but in the long run they are dubious and in any case dearly paid for. By no means do they increase the contentment or happiness of people on the whole. Instead, they are deceptive sweetenings of existence, like speedier communications, which unpleas antly accelerate the tempo of life and leave us with less time than ever before." (So, live as simply as possible.)

I have done without electricity, and tend the fireplace and stove myself. Evenings, I light the old lamps. There is no running water, and I pump the water from the well. I chop the wood and cook the food. These simple acts make man simple; and how difficult it is to be simple. In Bollingen, silence surrounds me almost audibly, and I live in modest harmony with nature. An indescribable stillness prevailed.

In the Tower at Bollingen it is as if one lived in many centuries simultaneously. The place will outlive me, and in its location and style it points backward to things long ago. There is very little about it to suggest the present. If a man of the sixteenth century were to move into the house, only the kerosene lamp and the matches would be new to him; otherwise, he would know his way about without difficulty. There is nothing to disturb the dead, neither electric light nor telephone. (Carl Jung)

There is a lot more left, but I want to stop here. You must be bored to death. I think I am a rebel in some ways. All my life I've been a rebel. My fantasy: living deep in the mountains, away from people and noise with bare necessity; quietly and peacefully. Do I cry? Well, who would believe that an old monk like me still has tears to cry. My nature is like slow burning ember. You don't see the flame but it burns nonetheless. I don't want judgment; I want understanding. I am also not perfect.
I am becoming even more imperfect. So I'm scared of those who are judgmental. I want to be left alone. They say a monk shouldn't be attached to any body or anything but I can't do that. I'm not just a monk; I'm also a human being. I am not trying to be somebody. I just try my best to understand whatever is happening in my life, in my mind, in my heart. No name and no fame; when I die nothing will remain. 

ဆက်လက်ဖတ်ရှုရန်

Friday, March 30, 2012

ငါသေမှအေးမယ်

ငါရှိမှ.....

ငါပါမှ.....

ငါလုပ်မှ.....

ငါသိမှ.....။

ငါ့လောက်သိ.....

ငါ့လောက်တတ်.....

ငါ့လောက်မြတ်.....

ငါ့လောက်နပ်တာ ဘယ်မှာရှိလို့လဲ။

ငါမရှိတဲ့အရပ် ငတ်သေနိုင်တယ်။

ငါ့မပါတဲ့အဖွဲ့ ပဲ့ထွက်နိုင်တယ်။

ငါမပါတဲ့အလုပ် ရှုပ်ထွေးနိုင်တယ်။

ငါမသိသေးတဲ့အကြောင်းအရာ အနှစ်မပါနိုင်။

ငါရှိတဲ့အရပ်.....

ငါပါတဲ့အဖွဲ့.....

ငါလုပ်တဲ့အလုပ်.....

ငါသိတဲ့အကြောင်းအရာ.....

ငါဆိုတဲ့ငါက လောကကိုအလှဆင်မှာ။

ငါမရှိတဲ့အခါ.....

ငါတွေးပြီး စိတ်ပူမိ။

တွေးမပူပါနဲ့ဗျာ.....

ငကန်းသေ ငစွေပေါ်မှာ.....

ဠင်းတလောက်တော့ ငှက်တိုင်းလှမှာ။

အရူးကိုလည်း ဗုံနှင့်မမြှောက်ချင်တော့ဘူး။

တစ်တီတူးငှက်လိုလည်း မိုးခြေကန် မအိပ်ချင်တော့ဘူး။

အို....

ငါဆိုတဲ့ငါ

စောစောသေ၊ မြန်မြန်သေ၊ အခါမလပ်သေ

တရှိုက်မက်မက်သေ

ငါမရှိလေ ကောင်းလေ။

ငါသေလေ ကောင်းလေ။

ငါရှိနေသမျှ

ငါဆိုတဲ့အတ္တ

ငါက ဒုက္ခပေးအုံးမှာ။

ငါမရှိ၊ ငါမပါ

ငါမလုပ်၊ ငါမသိ

ငါမမြတ်၊ ငါမတတ်၊ ငါမနပ်တဲ့အခါ

လောက သာယာမှာ။

ငါသေ...ငါများများသေ

ငါတွေများများသေလေ

ကမ္ဘာကြီး အေးချမ်းလေပေါ့။

မဂ္ဂင်ဆရာတော်

၇-၁၁-၂၀၁၁

အာဟာရစာစောင် (အမှတ်စဉ် ၁၃၁၊ မတ်လ- ၂၀၁၂)


ဆက်လက်ဖတ်ရှုရန်

ဗုဒ္ဓဘိသေက အနေကဇာတင် ဘုရားရှိခိုးဂါထာတော်

နမော တဿ ဘဂ၀တော အရဟတော သမ္မာသမ္ဗုဒ္ဓဿ

အနေကဇာတင် ဂါထာ

(က) အနေကဇာတိ သံသာရံ၊ သန္ဓာ ၀ိဿံ အနိဗ္ဗိသံ။

(အနေကဇာတိ သံသာရံ၊ သန်ဓာဝိတ်သံ အနိတ်ဗိသံ။)

ဂဟကာရံ ဂဝေသန္တော၊ ဒုက္ခာ ဇာတိ ပုနပ္ပုနံ။

(ဂဟကာရံ ဂဝေသန်တော၊ ဒုတ်ခါ ဇာတိ ပုနပ်ပုနံ။)

(ခ) ဂဟကာရက ဒိဋ္ဌော သိ၊ ပုန ဂေဟံ န ကာဟသိ။

(ဂဟကာရက ဒိတ်ထောသိ၊ ပုန ဂေဟံ န ကာဟသိ။)

သဗ္ဗာ တေ ဖာသုကာ ဘဂ္ဂါ၊ ဂဟကူဋံ ၀ိသင်္ခတံ။

(သတ်ဗာတေ ဖာသုကာ ဘက်ဂါ၊ ဂဟကူတံ ၀ိသင်ခတံ။)

ဝိသင်္ခါရ ဂတံ စိတ္တံ၊ တဏှာနံ ခယ မဇ္ဈဂါ။

(၀ိသင်ခါရ ဂတံ စိတ်တံ၊ တန်နှာနံ ခယ မဇ်ဇဂါ။)

ပဋိစ္စသမုပ္ပါဒ် အနုလောမ


အ၀ိဇ္ဇာပစ္စယာ သင်္ခါရာ၊ သင်္ခါရပစ္စယာ ၀ိညာဏံ၊ ၀ိညာဏပစ္စယာ နာမရူပံ၊ နာမရူပပစ္စယာ သဠာယတနံ၊ သဠာယတနပစ္စယာ ဖေဿာ၊ ဖဿပစ္စယာ ဝေဒနာ၊ ဝေဒနာပစ္စယာ တဏှာ၊ တဏှာပစ္စယာ ဥပါဒါနံ၊ ဥပါဒါနပစ္စယာ ဘဝေါ၊ ဘ၀ပစ္စယာ ဇာတိ၊ ဇာတိပစ္စယာ ဇရာမရဏံ၊ သောက ပရိဒေ၀ ဒုက္ခ ဒေါမနဿု ပါယာသာ သမ္ဘ၀န္တိ ဧ၀ မေတဿ ကေ၀လဿ ဒုက္ခက္ခန္ဓဿ သမုဒယော ဟောတိ။

ပဋိစ္စသမုပ္ပါဒ် ပဋိလောမ


အ၀ိဇ္ဇာယတွေဝ အသေသ ၀ိရာဂ နိရောဓာ သင်္ခါရ နိရောဓော၊ သင်္ခါရနိရောဓာ ၀ိညာဏနိရောဓော၊ ၀ိညာဏနိရောဓာ နာမရူပ နိရောဓော၊ နာမရူပနိရောဓာ သဠာယတန နိရောဓော၊ သဠာယတန နိရောဓာ ဖဿနိရောဓော၊ ဖဿနိရောဓာ ဝေဒနာနိရောဓော၊ ဝေဒနာ နိရောဓာ တဏှာနိရောဓော၊ တဏှာ နိရောဓာ ဥပါဒါန နိရောဓော၊ ဥပါဒါန နိရောဓာ ဘ၀နိရောဓော၊ ဘ၀နိရောဓာ ဇာတိနိရောဓော၊ ဇာတနိရောဓာ ဇရာ မရဏံ၊ သောက ပရိဒေ၀ ဒုက္ခ ဒေါမနဿု ပါယာသာ နိရုဇ္ဈန္တိ၊ ဧ၀ မေ တဿ ကေ၀လဿ၊ ဒုက္ခက္ခန္ဓဿ နိရောဓော ဟောတိ။

ဥဒါန်းဂါထာ


(က) ယဒါ ဟဝေ ပါတု ဘ၀န္တိ ဓမ္မာ၊

(ယဒါ ဟဝေ ပါတု ဘ၀န်တိ ဓမ်မာ၊)

အာတာပိနော ဈာယတော ဗြဟ္မဏဿ။

(အာတာပိနော ဈာယတော ဗြန်မဏတ်သ။)

အထဿ ကင်္ခါ ၀ပယန္တိ သဗ္ဗာ၊

(အထတ်သ ကင်ခါ ၀ပယန်တိ သတ်ဗာ၊)

ယတော ပဇာနာတိ သဟေတု ဓမ္မာ။

(ယတော ပဇာနာတိ သဟေတု ဓမ်မာ။)

(ခ) ယဒါ ဟဝေ ပါတု ဘ၀န္တိ ဓမ္မာ၊

(ယဒါ ဟဝေ ပါတု ဘ၀န်တိ ဓမ်မာ၊)

အာတာပိနော ဈာယတော ဗြဟ္မဏဿ။

(အာတာပိနော ဈာယတော ဗြန်မဏတ်သ။)

အထဿ ကင်္ခါ ၀ပယန္တိ သဗ္ဗာ၊

(အထတ်သ ကင်ခါ ၀ပယန်တိ သတ်ဗာ၊)

ယတော ခယံ ပစ္စယာနံ အဝေဒိ။

(ယတော ခယံ ပစ်စယာနံ အဝေဒိ။)

(ဂ) ယဒါ ဟဝေ ပါတု ဘ၀န္တိ ဓမ္မာ၊

(ယဒါ ဟဝေ ပါတု ဘ၀န်တိ ဓမ်မာ)

အာတာပိနော ဈာယတော ဗြဟ္မဏဿ။

(အာတာပိနော ဈာယတော ဗြန်မဏတ်သ။)

ဝိဓူပယံ တိဋ္ဌတိ မာရသေနံ၊

(၀ိဓူပယံ တိတ်ဋ္ဌသိ မာရသေနံ၊)

သူရိယောဝ သြဘာသ မန္တိလိက္ခံ။

(သူရိယောဝ အောဘာသယ မန်တိလိတ်ခံ။)

ပဋ္ဌာန ပစ္စယုဒ္ဒေသ


ဟေတုပစ္စယော၊ အာရမ္မဏ ပစ္စယော၊ အဓိပတိ ပစ္စယော၊ အနန္တရ ပစ္စယော၊ သမနန္တရ ပစ္စယော၊ သဟဇာတ ပစ္စယော၊ အညမည ပစ္စယော၊ နိဿယ ပစ္စယော၊ ဥပနိဿယ ပစ္စယော၊ ပုရေဇာတ ပစ္စယော၊ ပစ္ဆဇာတ ပစ္စယော၊ အာသေ၀န ပစ္စယော၊ ကမ္မ ပစ္စယော၊ ၀ိပါက ပစ္စယော၊ အာဟာရ ပစ္စယော၊ ဣန္ဒြိယ ပစ္စယော၊ ဈာန ပစ္စယော၊ မဂ္ဂ ပစ္စယော၊ သမ္ပယုတ္တ ပစ္စယော၊ ၀ိပ္ပယုတ္တ ပစ္စယော၊ အတ္ထိ ပစ္စယော၊ နတ္ထိ ပစ္စယော၊ ၀ိဂတ ပစ္စယော၊ အ၀ိဂတ ပစ္စယောတိ။

ဘုရားဂုဏ်တော် ၉-ပါး


ဣတိပိသော ဘဂ၀ါ အရဟံ၊ သမ္မာသမ္ဗုဒ္ဓေါ၊ ၀ိဇ္ဇာ စရဏ သမ္ပန္နော၊ သုဂတော၊ လောက၀ိဒူ၊ အနုတ္တရော ပုရိသ ဓမ္မသာရထိ၊ သတ္ထာ ဒေ၀ မနုဿာနံ၊ ဗုဒ္ဓေါ၊ ဘဂ၀ါ။

အဘိသေက ဂါထာ


(က) ဇယန္တော ဗောဓိယာ မူလေ၊

(ဇယန်တော ဗောဓိယာ မူလေ၊)

သကျာနံ နန္ဒိဝဍ္ဎနော။

(သက်ကျာနံ နန်ဒိဝတ်ဒနော။)

ဧ၀ မေ၀ ဇယော ဟောတု၊

(အေ၀ မေ၀ ဇယော ဟောတု၊)

ဇယဿု ဇယမင်္ဂလေ။

(ဇယတ်သု ဇယမင်္ဂလေ။)

(ခ) အပရာဇိတ ပလ္လင်္ကေ၊

(အပရာဇိတ ပန်လင်ကေ၊)

သီသေ ပုထု ၀ိပုက္ခလေ၊

(သီသေ ပုထု ၀ိပုတ်ခလေ၊)

အဘိသေကေ သဗ္ဗဗုဒ္ဓါနံ၊

(အဘိသေကေ သတ်ဗဗုတ်ဒါနံ၊)

အဂ္ဂပ္ပတ္တော ပမောဒတိ။ ။

(အက်ဂပ်ပတ်တော ပမောဒတိ။ ။)

ဘုရား အနေကဇာတင် ပြီး၏။


မြစိမ်းတောင်ဆရာတော်ဘုရားကြီး ၏ ဘုရားအနေကဇာတင် တရားတော်

http://www.myaseintaung.net/video/Audio/PaYakeTayar/003AhNaKaZarTin.MP3


ဆရာကြီး ဦးဘခင် ၏ ဘုရားအနေကဇာတင် ဘုရားရှိခိုး
http://www.dhammaransi.net/Audio/UThanShwe/UBaKhin-DhammaTalk-04.mp3

ဆက်လက်ဖတ်ရှုရန်