ထပ်ဖြည့်မရတော့တဲ့ ခွက်

တခါက တရားဓမ္မနှင့်ပတ်သက်လာရင် အသိပညာဗဟုသုတ အင်မတန်ပြည့်စုံကြွယ်ဝတဲ့ တက္ကသိုလ်ဆရာကြီးတစ်ယောက်ဟာ ဇင်ဘုန်းတော်ကြီးတစ်ပါးဆီကို သွားရောက်ပြီး ဇင် အကြောင်းမေးမြန်းပါတယ်။

ဇင်ဘုန်းတော်ကြီးက တိတ်ဆိတ်စွာနဲ့ တစ်ခွန်းမှ မပြောပဲ လက်ဖက်ရည်ကြမ်းနှင့် ဧည့်ဝတ်ပြုနေချိန်မှာ တက္ကသိုလ်ဆရာကြီးဟာ သူသိထားတဲ့ ဇင်အကြောင်းတွေကို တောက်လျှောက်ပြောနေတယ်။

တက္ကသိုလ်ဆရာရဲ့  ရေနွေးခွက်ထဲမှာ ရေနွေးကြမ်းလျှော့သွားတဲ့ တစ်ကြိမ်မှာတော့ ဇင်ဘုန်းတော်ကြီးက ခွက်ထဲကို ရေနွေးလှမ်းဖြည့်ပေးတယ်။ ရေနွေးဟာ ခွက်နှုတ်ခမ်းသားနားရောက်ပေမယ့် မရပ်ပဲ ဆက်ဖြည့်လိုက်တဲ့အခါမှာ ခွက်ကနေလျှံကျပြီး စားပွဲခုန်ပေါ်အထိ ရေတွေဖိတ်ကျကုန်တယ်။

တက္ကသိုလ်ဆရာလည်း မနေနိုင်တော့ပဲ “ရပ်တော့လေ။ ခွက်ကပြည့်နေပြီ။ ထပ်ဖြည့်လို့မရတော့ဘူး။“ လို့ ဇင်ဘုန်းတော်ကြီးကို လှမ်းပြောလိုက်တယ်။

ဒီအခါမှာ ဇင်ဘုန်းတော်ကြီး ပြောလိုက်တာက “ဟုတ်တယ်။ ဒီခွက်က ခင်ဗျားလိုပဲ။ ခင်ဗျားမှာ သိထားတာတွေ ပြည့်လျှံနေပြီ။ ကျုပ်ဆီကို ဇင် အကြောင်း လာမေးပေမယ့် ခင်ဗျားကို ကျုပ်ဘာမှ ထပ်ပြောလို့မရတော့ဘူး။ ဒီတော့ ခင်ဗျားကို ဇင်အကြောင်းမပြောပြခင် ခင်ဗျားရဲ့ ခွက်ကို အရင် ထည့်လို့ရအောင် လုပ်လိုက်ပါအုံး။”

* ဇင်ပုံပြင် "Empty Your Cup" ကို ဆီလျှော်အောင် ဘာသာပြန်ပါသည်။ *

ဆက်လက်ဖတ်ရှုရန်

တရားဘာလို့မတက်တာလဲ?

တပည့် - ဆရာ၊ ကျွန်တော် တရားအားထုတ်နေတာ တရားမတက်ဘူးဖြစ်နေတယ်။ ဘာဖြစ်လို့များလဲခင်ဗျာ။

ဆရာ - ညနေ နေ၀င်ဆည်းဆာ နေမင်းကြီး ၀င်လုလုဆဲဆဲအချိန် ဇင်ယော်လေးတစ်ကောင် ပျံသွားတော့ နောက်ခံနေမင်းကြီးကြောင့် သူ့ကိုယ်ကနေ မီးလျှံတွေ ထွက်နေသလို ဖြစ်နေတာ သတိထားမိသလား။

တပည့် - ဟုတ်ကဲ့။ သတိထားမိပါတယ်ခင်ဗျာ။

ဆရာ - ရေတံခွန်ကနေ အရှိန်နှင့်ကျလာတဲ့ရေတွေဟာ အောက်က ကျောက်သား၊ ကျောက်ဆောင်တွေနှင့် တိုက်မိတဲ့အခါ အဖြူရောင် ရေမှုန်ရေမွှားလေးတွေအဖြစ် လွှင့်စဉ်ထွက်လာတာကိုရော သတိထားမိသလား။

တပည့် - ဟုတ်ကဲ့။ သတိထားမိပါတယ်ခင်ဗျာ။

ဆရာ - ညဘက် လသာတဲ့အခါ လရောင်ဟာ အေးမြတဲ့ စမ်းချောင်းလေးရဲ့  ရေမျက်နှာပြင်ပေါ်မှာ အဖြူရောင်အရိပ်အဖြစ် ထင်နေတာကိုရော သတိထားမိသလား။

တပည့် - ဟုတ်ကဲ့။ သတိထားမိပါတယ်ခင်ဗျာ။

ဆရာ - မင်းကုို တရားအားထုတ်ခိုင်းထားတာကို တရားအားမထုတ်ပဲ၊ အရည်မရ၊ အဖတ်မရ ဟာတွေ သွားပြီး သတိထားကြည့်နေတာကိုး။ တရား ဘယ်တက်မလဲ။

😃😄😂

အပေါ်က ဇင်ဆရာ၊ တပည့်နှစ်ယောက်ရဲ့  တရားအမေးအဖြေ ဟာသလေးကို ဆီလျှော်အောင် ဘာသာပြန်ထားတာပါ။

အဲဒီလိုမျိုး သဘောတရားချင်းဆင်ဆင်တူတဲ့ အဖြစ်အပျက်မျိုး တရားယောဂီတစ်ဦး ဖြစ်ခဲ့ဖူးတာရှိပါတယ်။

ရိပ်သာဆရာတော်ကြီးတစ်ပါးကို တပည့်ယောဂီက တရားလျှောက်ပါတယ်။

သမာဓိ အတော်အားကောင်းလာတဲ့သူတွေမှာ ဖြစ်လေ့ဖြစ်ထရှိတတ်တဲ့ သဘာဝအတိုင်း အဲဒီယောဂီမှာလည်း ဖြစ်နေတာပါ။ သူက ဆရာတော်ကြီးကို သူအားထုတ်နေချိန်မှာ ခန္ဓာကိုယ်ထဲမှာ ဘယ်လိုမျိုးထူးထူးဆန်းဆန်းတွေ ဖြစ်နေတယ်ဆိုတာကို ခံစားသိလာရတဲ့အကြောင်း၊ အာရုံနိမိတ်တွေ ထူးထူးခြားခြား သိမြင်လာတဲ့အကြောင်းတွေကို လျှောက်ပါတယ်။

ဒီအခါမှာ ဆရာတော်ကြီးက “ဒကာကြီးကို တရားမှတ်ခိုင်းထားတာ၊ ဒကာကြီးက လျှောက်လိုက်ကြည့်နေတာကိုး။လျှောက်ကြည့်မနေနှင့်။ ဘယ်တော့မှ ဆုံးမှာမဟုတ်ဘူး။ မှတ်စရာရှိတာသာ သတိနှင့် ဆက်မှတ်နေ“ လို့ ဆုံးမတာခံခဲ့ရဖူးကြောင်း အဲဒီယောဂီပြန်ပြောပြတာကို နားထောင်ခဲ့ရဖူးပါတယ်။

ဆက်လက်ဖတ်ရှုရန်

အမျိုးသမီးများ တရားထူးမရနိုင်

တခါက ယောကျာ်းရယ်၊ မိန်းမရယ်လို့ ခွဲခြားပြီး ဆက်ဆံလေ့မရှိတဲ့ ဇင်ဘုန်းတော်ကြီးတစ်ပါးဟာ “ကိုယ့်ကိုယ်ကို ယုံကြည်မှုရှိပါ။ လမ်းဖြောင့်အတိုင်း သွားပါ။ ငါဘယ်သူလဲ ဆိုတာကို ကိုယ့်ဖာသာ ပြန်မေးပါ“ လို့ ဟောပြောဆုံးမလေ့ရှိတယ်။

တစ်ခါမှာတော့ အမျိုးသမီးတစ်ယောက်က အဲဒီ ဇင်ဘုန်းတော်ကြီးကို မေးလျှောက်တယ်။ “ အရှင်ဘုရား။ အမျိုးသမီးတွေရော ဇင်ဘုန်းတော်ကြီး ဖြစ်ခွင့်ရှိပါသလား။”

ဒီအခါမှာ ဇင်ဘုန်းတော်ကြီးက “ဟင့်အင်း။ လုံးဝမဖြစ်နိုင်ဘူး။ အမျိုးသမီးဆိုရင် တရားထူးမရနိုင်ဘူး။“ လို့ ခပ်ပြတ်ပြတ်ပြောရင်း ထွက်သွားတယ်။

အမျိုးသမီးက ဇင်ဘုန်းတော်ကြီးနောက်ကိုလိုက်ရင်း “တပည့်တော် အရှင်ဘုရားကို ကိုးကွယ်ဆည်းကပ်လာတာ နှစ်နှစ်ကျော်နေပါပြီ။ အရှင်ဘုရားက ကိုယ့်ကိုယ်ကို ယုံကြည်မှုရှိဖို့ အမြဲဟောပြောဆုံးမတယ်။ ဘာကြောင့် အမျိုးသမီးတွေ တရားထူးမရနိုင်ဘူးလို့ ပြောရတာလဲ“ လို့မေးလျှောက်တယ်။

ဒီအခါမှာ ဇင်ဘုန်းတော်ကြီးက အမျိုးသမီးကို စိုက်ကြည့်ပြီး ပြန်မေးလိုက်တယ်။

“ဒီတော့... ဒကာမက အမျိုးသမီးလား။“

(အမျိုးသမီး Zen Master, Babara Rhodes နှင့် သူ့ဆရာ Seung Sahn တို့ အမေးအဖြေလုပ်ထားတာကို ဆီလျှော်အောင် ဘာသာပြန်ဆိုပါသည်။ )

ဆက်လက်ဖတ်ရှုရန်

ဟိုဘက်ကမ်း 

🛑 ဟိုဘက်ကမ်း 🛑

တစ်ရက်မှာ လူငယ်လေးတစ်ယောက်ဟာ အိမ်ပြန်ခရီးကိုနှင်ရင်း မြစ်ပြင်ကျယ်ကြီးတစ်ခုရဲ့  ကမ်းဘေးကို ရောက်ရှိလာခဲ့တယ်။ သူ့အရှေ့ မှာရှိနေတဲ့ ကြီးမားလှတဲ့ အဟန့်အတားကြီးကို မျှော်လင့်ချက်မဲ့စွာနှင့် ငေးကြည့်ရင်း ဒီအခက်အခဲကို ဘယ်လိုကျော်လွှားလို့ရနိုင်မလဲဆိုပြီး နာရီပေါင်းများစွာ စဉ်းစားတယ်။ သူရှေ့ ဆက်သွားရမယ့်ခရီးအတွက် လက်လျှော့လိုက်တော့မလို့ ဆုံးဖြတ်လိုက်တော့မယ့်ဆဲဆဲမှာပဲ ဟိုးတစ်ဘက်ကမ်းမှာ ပညာရှိတစ်ယောက်ကို လှမ်းမြင်လိုက်ရတယ်။

“ဆရာကြီးခင်ဗျာ။ ဟိုဘက်ကမ်းကိုရောက်အောင် ဘယ်လိုများသွားလို့ ရနိုင်မလဲဆိုတာ ပြောပြပေးပါလားဗျာ” ဆိုပြီး လူငယ်က လှမ်းအော်မေးလိုက်တယ်။

ပညာရှိကြီးက ခဏလောက် မြစ်ကြီးကို အထက်အောက် စုန်ဆန်ကြည့်စဉ်းစားရင်း ပြန်အော်ပြောလိုက်တယ်။

“သားရေ။ မင်းက အခု ဟိုဘက်ကမ်းမှာပဲလေ။”

လူတွေဟာ အမြဲဆိုသလိုပဲ တစ်နေရာရာကို ရောက်ဖို့အတွက် ကြိုးစားနေတတ်ကြတယ်။ ပစ္စည်းဥစ္စာတွေ ပိုပိုင်ဆိုင်နိုင်ဖို့၊ အလုပ်အကိုင်တွေ ပိုကောင်းလာဖို့၊ နောက်တခါထပ် အနားယူအပန်းဖြေခရီးထွက်နိုင်ဖို့ စသဖြင့် ဒီပုံပြင်ထဲက လူငယ်လေးလို အခြားတစ်ဘက်ကမ်းတစ်ခုခုကိုရောက်ဖို့အတွက် ကြိုးစားနေတတ်ကြတယ်။

“ဟိုနေရာကို ဘယ်လိုရောက်အောင် သွားရမလဲ” ဆိုပြီး လောကကြီးကို အော်ဟစ်ပြောနေသလိုမျိုးပေါ့။ ပိုအတိအကျပြောရမယ်ဆိုရင် “အခုလက်ရှိရောက်နေတဲ့နေရာက ငါတို့အတွက် မလုံလောက်သေးဘူး။ ဒါကြောင့် ဟိုနေရာကို ဘယ်လိုရောက်အောင် သွားလို့ရနိုင်မလဲ” လို့ ပြောနေသလိုပါပဲ။

ဒီပုံပြင်လေးကပေးလိုက်တဲ့ လှပတဲ့ သင်ခန်းစာက အဲဒီနေရာမှာ။ သူပြောတာက “တို့တတွေဟာ တကယ်တော့ ရောက်နှင့်နေပြီးသား။ ထပ်သွားနေဖို့ မလိုတော့ပါဘူး” တဲ့။

ဘ၀ဟာ အခု လက်ရှိရောက်နေတဲ့ နေရာမှာ လှပနေတာပါပဲ။ အခုအချိန်လေးက သူရှိနေတဲ့ပုံစံလေးအတိုင်း ပြီးပြည့်စုံနေပါတယ်။ ဘ၀က သူ့ရဲ ပြောင်းလဲတိုးတက်နေတဲ့အတိုင်းလေးကို လှစ်ဟပြနေတယ်။ လောကကိုဘယ်လိုသုံးသပ်လိုက်တယ်၊ ဘယ်လိုစပ်ဆက်ပြင်ဆင်ယူလိုက်တယ်ဆိုတာတွေက ကိုယ့်ရဲ့  အတွေ့အကြုံတွေ ဖြစ်လာလိမ့်မယ်။ အိုင်းစတိုင်းကပြောဖူးတယ်။ လူတွေအတွက် အကြီးကျယ်ဆုံးမေးခွန်းက လူတွေက လောကကို ချစ်ခင်ကြင်နာစရာလို့ ရှုမြင်သုံးသပ်မှာလား၊ မကောင်းဆိုးဝါးအဖြစ် ရှုမြင်လိုက်မှာလား ဆိုတာပဲဖြစ်တယ်တဲ့။

တကယ်လို့များ တစ်ယောက်ယောက်က သူအခုလောလောဆယ်ရောက်နေတဲ့ ဘ၀အခြေအနေ၊ အနေအထားနှင့်ပတ်သက်ပြီး မကျေမနပ်ပြောနေတာ ကြားရရင် သူ့ကို “အဲဒါဆို ဘာဆက်ဖြစ်မှာလဲ“ ဆိုတဲ့ ရိုးရှင်းတဲ့ မေးခွန်းလေးကို ကျွန်တော် မေးကြည့်တတ်တယ်။

ဥပမာဆိုပါတော့။

လူတစ်ယောက်။ ။ တကယ်လို့များ တခြားအလုပ်တစ်ခုခုများ ရခဲ့လို့ကတော့။
ကျွန်တော်။ ။ အဲဒါဆို ဘာဆက်ဖြစ်မှာလဲ။
လူတစ်ယောက်။ ။ ဒါဆို ငွေပိုရှာနိုင်မှာပေါ့။
ကျွန်တော်။ ။ အဲဒါဆို ဘာဆက်ဖြစ်မှာလဲ။
လူတစ်ယောက်။ ။ ဒါဆို အိမ်ဝယ်တာတို့၊ ကားဝယ်တာတို့၊ အပျော်ခရီးတို့သွားလို့ရပြီလေ။
ကျွန်တော်။ ။ အဲဒါဆို ဘာဆက်ဖြစ်မှာလဲ။
လူတစ်ယောက်။ ။ ဒါဆို ပျော်စရာကောင်းပြီပေါ့။

ရုပ်ရှင်မင်းသား ဂျင်မ်ကာရေး တခါကပြောဖူးတယ်။ “ကျွန်တော် လူတိုင်းကို ချမ်းသာပြီး နာမည်ကျော်ကြားတဲ့ အတွေ့အကြုံကို ရကြစေချင်တယ်။ အဲဒါမှ ဒါတွေဟာ အရာရာတိုင်းအတွက် အဖြေမဟုတ်ဘူးဆိုတာ သူတို့ နားလည်သွားကြလိမ့်မယ်“ တဲ့။

ဟိုဘက်ကမ်းဆိုတာဟာ အဖြေတစ်ခုမဟုတ်ပါဘူး။ တစ်နေရာရာကို ရောက်ဖို့အတွက် အသည်းအသန်ကြိုးစားနေကြရတာကို ရပ်လိုက်တာနှင့်ပဲ လည်ပတ်နေတဲ့ ဘ၀ချားရဟတ်မှာ ကိုယ်တိုင်မရပ်မနားပြေးလွှားလိုက်ပါနေရတဲ့အဖြစ်ကနေ ရပ်နားဆင်းသက်နိုင်လိုက်မှာဖြစ်ပါတယ်။ အဲဒီအခါ ကိုယ်တကယ်ပိုင်ဆိုင်ခွင့်ရထားတဲ့ ငြိမ်းချမ်းမှုနှင့် ငြိမ်းအေးမှုဆိုတာတွေကို အခုလက်ငင်း ပစ္စုပ္ဗန်အချိန်လေးမှာပဲ ရှာဖွေတွေ့ရှိသွားကြမှာဖြစ်ပါတော့တယ်။

လက်တွေ့စမ်းသပ်လုပ်ကြည့်ဖို့ -

- ရပ်နားလိုက်ပါ။ အသက်ကို ရှူပါ။ တခြားဘယ်ကိုမှ ရောက်အောင် သွားစရာ ရှိမနေဘူးဆိုတာကို သဘောပေါက်လက်ခံလိုက်ပါ။ အခုလက်ရှိရောက်နေတဲ့ ပစ္စုပ္ဗန်အချိန်ကပဲ ပြည့်စုံလုံလောက်နေပါပြီ။

- ဘ၀ချားရဟတ်ပေါ်ကနေ ဆင်းလိုက်ပါ။ ဒီဘယ်တော့မှ မရပ်တဲ့ ဘီးပေါ်မှာတုန်းက အကြောင်းတွေကိုချရေး မှတ်သားထားပါ။ အခု လက်ရှိအချိန်လေးကို ကျေးဇူးတင်ဝမ်းမြောက်နေလိုက်ပါ။

- မေတ္တာစိတ်ဖြင့်နေပါ။

(Thomas D. Craig ရဲ့ The Other Side ကို ဆီလျှော်အောင် ဘာသာပြန်ပါသည်။)

ဆက်လက်ဖတ်ရှုရန်

လှေထိုးသမလေး နှင့် ကိုယ်တော်ကလေး

🏵️ လှေထိုးသမလေး နှင့် ကိုယ်တော်ကလေး 🏵️

အေးချမ်းတဲ့တောရကျောင်းကလေးတစ်ခုမှာ သံဃာတော်များ သီတင်းသုံးနေထိုင်ကြပါတယ်။ ချောင်းငယ်လေးတစ်ခုက ကျောင်းကိုဝန်းပတ်စီးဆင်းနေပါတယ်။ တခြားနေရာများကို သွားလာလိုပါက ချောင်းကလေးမှတစ်ဆင့် ဖြတ်သန်းသွားလာကြရပါတယ်။ 

ချောင်းငယ်ကလေးကိုဖြတ်သွားဖို့ရာ ကူးတို့လှေကလေး တစ်စီးပဲရှိပါတယ်။ ကူးတို့ကိုလှော်ခတ်တဲ့ ကူးတို့သမားကလေးကလည်း အလွန်ချောမောလှပတဲ့ မိန်းမပျိုလေးဖြစ်နေပါတယ်။ ဒီမိန်းကလေးက အသိဉာဏ်ပညာနဲ့ ပြည့်စုံသူကလေးပါ။ စီးစရာကလည်း ဒီလှေနဲ့ ဒီမိန်းကလေးပဲရှိပါတယ်။

ကိုယ်တော်ငယ်ကလေးတစ်ပါးဟာ အကြောင်းကိစ္စတစ်ခုကြောင့် ဆရာတော်ကြီးတစ်ပါးကို သွားရောက်ဆည်းကပ်ဖို့ လိုအပ်လာပါတယ်။ ချောင်းငယ်ကလေးကို ဖြတ်သန်းပြီး သွားရမှာဖြစ်ပါတယ်။ ကူးတို့လှော်ခတ်တဲ့ မိန်းမပျိုကလေးက လွန်စွာချောမောလှပတာကြောင့် ကိုယ်တော်ကလေးက ငေးမောနေမိတာပေါ့။ တစ်ဘက်ကမ်းရောက်တော့ ကူးတို့ခတစ်ကျပ်စီ ပေးကြရပါတယ်။

မိန်းမပျို ။ ။ ကိုယ်တော်ကနှစ်ကျပ်ကျပါတယ်။

ကိုယ်တော် ။ ။ ဒကာမလေး သူများတွေကျတော့တစ်ကျပ်ပဲကျပြီး ကျုပ်ကျမှ ဘာလို့နှစ်ကျပ်ကျတာလဲ။

မိန်းမပျို ။ ။ကိုယ်တော်ကရဟန်းဖြစ်ပြီး တပည့်တော်ကို ငမ်းတယ်။ ကိုယ်တော့်ရင်ထဲမှာ နှစ်ယောက်ဖြစ်နေပြီ။ ဒါကြောင့်မို့လို့ နှစ်ယောက်ခပေးရမယ်။

ကိုယ်တော်ကလေးလည်း ရှက်ရှက်နဲ့ နှစ်ယောက်ခပေးလိုက်ရပါတယ်။ ညနေကျောင်းပြန်တော့ ဒီလှေကလေးနဲ့ပဲပေါ့။ ဒီတစ်ခါတော့ကိုယ်တော်ကလေးက လှေခနှစ်ဆပေးရမှာစိုးလို့ မိန်းမပျိုလေးကိုလုံးဝမကြည့်တော့ပါဘူး။ မြစ်ရေပြင်ကိုသာစိုက်ကြည့်နေပါတယ်။

ကမ်းရောက်တော့ . . .

မိန်းမပျို ။ ။ ကိုယ်တော်နှစ်ကျပ်ကျပါတယ်။

ကိုယ်တော် ။ ။ ဒကာမလေး ငါနင့်ကိုလုံးဝမကြည့်ပဲ ဘာလို့ထပ်ပိုတောင်းရတာတုန်း။

မိန်မပျို ။ ။ ကိုယ်တော်က တပည့်တော်ကိုမကြည့်ပေမဲ့ တစ်လမ်းလုံး တပည့်တော်အကြောင်းပဲ တွေးတောလာတာ ဆိုတော့ ကိုယ်တော့်ခေါင်းထဲမှာ လူနှစ်ယောက်ဖြစ်နေတယ်။ မရဘူး။ နှစ်ယောက်ခပဲပေးရမယ်။

ကိုယ်တော်ကလေးလည်း ဟုတ်နေပြန်တော့ နှစ်ယောက်ခ ပေးလိုက်ရပြန်ပါတယ်။ ဒီလိုနဲ့နေ့စဉ် အသွားနှစ်ကျပ် အပြန်နှစ်ကျပ်ပေးနေရပါတယ်။

ကိုယ်တော်ကလေးလည်း ဆရာသမားထံ သူ့အဖြစ်အပျက်တွေကိုပြောပြပြီး အကူအညီတောင်းခံပါတယ်။

ဆရာတော်။ ။ ဒီမိန်းကလေးဟာဉာဏ်ရှိတဲ့သူဖြစ်တယ်။ ဒီတစ်ခါမင်းလှေစီးရင် မျက်နှာလွဲစရာမလိုပါဘူး။ မင်းရင်ထဲမှာဖြစ်နေတဲ့ ကိလေသာသံယောဇဉ်တွေကိုသာ သိမှတ်ပြီး တရားရှုသွားပါ။ ကိုယ်တော်အဆင်ပြေပါလိမ့်မယ်။

ကိုယ်တော်ကလေးလည်း အဲဒီနေ့ကစပြီးတော့ လှေခ နှစ်ဆပေးစရာမလိုတော့ပါဘူး။

🔺

(ဗီယက်နမ်လူမျိုးဆရာတော်တစ်ပါးနှင့် ရွှေဥမင်တရားပြဆရာတော်ဦးတေဇနိယတို့ ပြောသည့် ဇင်ပုံပြင်ကို အင်တာနက်စာမျက်နှာတစ်ခုမှ ကူးယူဖော်ပြပါသည်။)

ဆက်လက်ဖတ်ရှုရန်

သူခိုး နှင့် ဘုန်းကြီး

⚡ သူခိုး နှင့် ဘုန်းကြီး ⚡

ညနေခင်းတစ်ခုမှာ ဘုန်းတော်ကြီးတစ်ပါး တရားစာ ရွတ်ဖတ်နေတဲ့အချိန်သူခိုးတစ်ဦးက ဓားချွန်တစ်ချောင်းကို ကိုင်ပြီး ဆရာတော့် ကျောင်းတိုက်ထဲကို ချည်းနှင်း ဝင်ရောက်လာတယ်။ ”ပိုက်ဆံပေးမှာလား၊ အသက်ပေးမှာလား” လို့ ခြိမ်းခြောက်လိုက်တယ်။ သူ့ကို လုံးဝမကြောက်ပဲ ဆရာတော်က ''ငါ့ကိုလာ မနှောက်ယှက်နဲ့။ ပိုက်ဆံတွေက ဟိုနားက အံဆွဲထဲမှာ ရှိတယ်။ ကိုယ့်ဘာသာသာ နှိုက်ယူသွားတော့'' လို့ ပြန်ပြောလိုက်တယ်။ ပြီးတာနဲ့ သူရောက်နေတဲ့ တရားစာကိုသာ ဆက်ပြီးရွတ်နေတော့တယ်။

ဒီလိုတုံ့ပြန်မှုက သူခိုးအနေနှင့် ထင်မှတ်မထားတဲ့ အဖြစ်ပါပဲ။ ဒါကြောင့် သူတုန်လှုပ်သွားခဲ့တယ်။ ဒါပေမယ့် သူလာရင်းကိစ္စကို သူ့ဘာသာ ပြီးပြတ်အောင် လုပ်ရမှာမို့ ဆရာတော် မိန့်တဲ့အတိုင်း အံဆွဲဖွင့် ငွေကိုယူပြီးတာနဲ့ ပြေးဖို့ကြံလိုက်တယ်။ အဲဒီမှာ ရုတ်တရက်လိုပါပဲ။ ဆရာတော်ကအော်ပြောလိုက်တယ်။

''ဟေ့ အကုန်တော့ မယူသွားနဲ့။ မနက်ဖြန် ငါ အခွန်ဆောင်စရာ ရှိသေးတယ်။ ငါ့အတွက် နည်းနည်း ချန်ထားခဲ့အုံး ''။

သူခိုးလည်း ပိုက်ဆံတချို့  ချန်ထားခဲ့ပြီး ပြေးဖို့ တခါ ပြင်ပြန်တယ်။

အဲဒီအချိန်မှာပဲ ဆရာတော်က ''မင်းကွာ ငါ့ပိုက်ဆံတွေလည်း ယူသွားသေးတယ်။ ငါ့ကိုကျ ကျေးဇူးတင်ကြောင်းလေးတောင် ပြောမသွားပါလားကွ။ အတော် မယဉ်ကျေးတဲ့ကောင်ပဲ။” လို့ ပြောလိုက်ပြန်တယ်။

ဒီလို ကြောက်ရွံ့မှု ကင်းကင်းနှင့် မိန့်ကြားမူမှာ သူခိုး သိပ်လန့်သွားခဲ့တယ်။ ဒါ့ကြောင့် ဆရာတော်ကို ကျေးဇူးတင်ကြောင်းလျှောက်ထားပြီးတာနဲ့ ပြေး တော့တာပဲ။ နောက်မှ ပြန်သိရတာကတော့ သူခိုးခမျာ ဒီလောက် ဘဝမှာ တခါမှ အထိက်တလန့်မဖြစ်ခဲ့ဖူးဘူးလို့ဆိုတယ်။

ရက်အနည်းငယ်ကြာပြီးတဲ့နောက်မှာတော့ သူခိုးဟာ အဖမ်းခံလိုက်ရတယ်။ သူကျူးလွန်ခဲ့တဲ့ အပြစ်တွေထဲကတစ်ခုဖြစ်တဲ့ ဆရာတော်ကျောင်းကို ၀င်ခိုးတာကိုလည်း သူဝန်ခံခဲ့တယ်။

ဆရာတော်ကို သက်သေအဖြစ်ခေါ်လိုက်တဲ့အခါ ဆရာတော်က ဘယ်လို အမိန့်ရှိလိုက်သလဲဆိုတော့ -
''သူမခိုးပါဘူး။ ဒီလူ ငါ့ဆီက ဘာတစ်ခုမှ ခိုးယူမသွားခဲ့ပါဘူး ။ ငါကပဲ သူ့ကို ပေးလိုက်တာပါ။ ဒါ့ကြောင့် သူက ငါ့ကို ကျေးဇူးတင်ကြောင်းတောင် ပြောသွားပါသေးတယ်'' လို့ ဆိုတယ်။

ဆရာတော်ရဲ့  စကားက သူခိုးရဲ့ စိတ်ကို ခံစားသွားစေပြီး နောင်တပါ ရသွားစေခဲ့တယ်။ သူ့အပြစ်ကို သူခံယူလိုက်ဖို့ ဆုံးဖြတ်လိုက်တယ်။
ဒီလိုနဲ့ ထောင်ကနေ သူပြန်ထွက်လာတဲ့အခါမှာတော့ ဆရာတော့် ထံပါးမှာ တပည့်သာဝကအဖြစ်နှင့် အလုပ်အကျွေးပြု နေထိုင်ရင်း နှစ်အနည်းငယ်အကြာမှာတော့ အသိဉာဏ်အလင်းရရှိသွားခဲ့တော့တယ်။

🔺

ဇင်ပုံပြင် "The Thief and the Zen Master" ကို ဆီလျှော်အောင် ဘာသာပြန်ပါသည်။

ဆက်လက်ဖတ်ရှုရန်

ဒေါသ

🔸ဒေါသ🔸

ကျောင်းသားတစ်ယောက် ဆရာဆီကိုရောက်လာပြီး အကြံဉာဏ်တောင်းတယ်။

”ဆရာ၊ တပည့်တော်မှာ ထိန်းချုပ်ဖို့ခက်ခဲတဲ့ အမျက်ဒေါသ ရှိနေပါတယ်။ အဲဒါကို ဘယ်လို ပျောက်ကင်းအောင် ကုသရမလဲဘုရား။”

“မင်းမှာ တကယ်ကိုထူးဆန်းတဲ့အရာ ဖြစ်နေတာပဲ။ ငါ့ကို ပြကြည့်စမ်းပါအုံး။” လို့ ဆရာက ပြန်ဖြေတယ်။

”အခုတော့ ပြလို့မရသေးဘူး ဆရာ။”

”ဒါဆို ဘယ်တော့ ငါ့ကိုပြနိုင်မလဲ။”

”သူက မထင်မှတ်ထားတဲ့အချိန်ကျမှ ဖြစ်တတ်တာဆရာ။”

”အင်း.....။ ဒါဆိုရင်တော့ ဒါဟာမင်းရဲ့  ကိုယ်ပိုင် စစ်မှန်တဲ့သဘာဝမဟုတ်လောက်ဘူး။ တကယ်မင်းပိုင်တာအမှန်ဆိုရင် ဘယ်အချိန်မဆို ငါ့ကိုပြလို့ရရမှာပေါ့ကွာ။ မင်းမွေးလာတုန်းကလည်း အဲဒါ ပါမလာခဲ့ဘူး။ မင်းမိဘတွေကလည်း မင်းကိုပေးလိုက်တာမဟုတ်ဘူး။ အဲဒါလေး ပြန်စဉ်းစားကြည့်လေ....။”

🔺

ဇင်ပုံပြင် "Temper" ကိုဆီလျှော်အောင် ဘာသာပြန်ပါသည်။

ဆက်လက်ဖတ်ရှုရန်

ကိုယ့်ကိုယ်ကို စောင့်ရှောက်နိုင်မှ...

🌸 ကိုယ့်ကိုယ်ကို စောင့်ရှောက်နိုင်မှ... 🌸

တခါတုန်းက ကျွမ်းဘားကစားပြတဲ့သူ နှစ်ဦးရှိခဲ့တယ်။ တစ်ဦးက သနားစရာကောင်းတဲ့ မုဆိုးဖိုကြီးဖြစ်ပြီး၊ နောက်တစ်ဦး ကတော့ သူ့တပည့်မလေး- နာမည်က မီဒါ လို့ ခေါ်တယ်။ သူတို့နှစ်ဦးဟာ နေ့စဉ် လမ်းတကာလှည့် ကျွမ်းဘား ကစား ပြရင်း ဝင်ငွေရှာ အသက်မွေးဝမ်းကျောင်းပြုကြရတယ်။

သူတို့ရဲ့ ကျွမ်းဘားပြသမှုမှာ ပါဝင်တဲ့ သရုပ်ပြမှုတစ်ခုဟာဆိုရင် ဆရာဖြစ်သူက သူ့ခေါင်းပေါ်မှာ ဝါးလုံးရှည်တစ်ချောင်းကို ထိန်းညှိထားပြီး တပည့်ဖြစ်သူက ဝါးလုံးထိပ်ကို တရွေ့ရွေ့ တက်သွားရတယ်။ အဲဒီထိပ်ကို ရောက်တာနဲ့တပြိုင်နက်ထဲမှာ ဆရာဖြစ်သူက မြေပြင်မှာ လမ်းလျှောက်ပြရတယ်။

သရုပ်ပြသူနှစ်ဦးလုံးအတွက် စိတ်အာရုံ လုံးဝစူးစိုက်နိုင်မှုနဲ့ ဟန်ချက်မျှအောင် ထိန်းထားဖို့ဟာ လိုအပ်တယ်။ ဒါမှသာ သူတို့နှစ်ဦး သရုပ်ပြမှုမှာ ဘာထိခိုက်မှုမှမရှိပဲ ပြကွက်ပြီးဆုံးတဲ့အထိ ပြနိုင်မှာဖြစ်တယ်။ ဒီလိုနဲ့ တစ်ရက်မှာတော့ ဆရာ ဖြစ်သူက သူ့တပည့်မလေးကို ပြောတယ်။

''ဒီလိုရှိတယ် မီဒါ။ မင်းကို ငါကစောင့်ရှောက်မယ်၊ မင်းကလည်း ငါ့ကို စောင့်ရှောက်ရမယ်ကွ။ ဒါမှသာ ငါတို့နှစ်ယောက်လုံး အာရုံ စူးစိုက်နိုင်အောင်ရယ်၊ ခန္ဓာကိုယ်ဟန်ချက်မပျက်အောင်ရယ် ထိန်းထားနိုင်မှာ။ မတော်တဆထိခိုက်မှုဆိုတာမျိုးမဖြစ်အောင်လုပ်နိုင်မှာ။ အဲဒီလိုဆိုရင် ငါတို့ ဒီကျွမ်းဘားသရုပ်ပြတဲ့အလုပ်နဲ့ စားဝတ်နေရေးအတွက် ကောင်းကောင်း ရှာဖွေစားသောက်နိုင်တော့မှာပေါ့ကွာ။''

အဲဒီမှာတင် စဉ်းစားမြော်မြင်တတ်သူ ကလေးမလေး ပြန်ပြောလိုက်တာက …

''ဆရာ… ကျွန်မ တွေးမိတာကတော့ …ကျွန်မတို့ ကိုယ့်ကိုယ်ကို စောင့်ရှောက်နိုင်ဖို့ အားထုက်တာက ပိုကောင်းမလားလို့ပါ။ ကိုယ်ကိုယ်တိုင်ကို စောင့်ရှောက်လိုက်တာမှာ ကျွန်မတို့နှစ်ယောက်လုံး အတွက်ပါ စောင့်ရှောက်ထားနိုင်တဲ့ သဘောပါသွားပြီပဲ မဟုတ်လား။ အဲဒီလိုနည်းနဲ့မှပဲ ကျွန်မတို့ဟာ မတော်တဆထိခိုက်မှုဆိုတာမျိုး မရှိအောင် ကျွမ်းဘားကစားပြရင်း စားဝတ်နေရေးအတွက် ကောင်းကောင်း ငွေရှာနိုင်မှာလေ။''

🔺

ဇင်ပုံပြင် ”BEFORE EVERYTHING ELSE, TAKE CARE OF YOURSELF” ကို ဆီလျှော်အောင် ဘာသာပြန်ပါသည်။

ဆက်လက်ဖတ်ရှုရန်

ဟုတ်ရင်လည်း ဟုတ်မှာပေါ့

♣️ ဟုတ်ရင်လည်း ဟုတ်မှာပေါ့ ♣️

ဟိုးရှေးရှေးတုန်းက လယ်သမားအဖိုးကြီး တစ်ယောက် ရှိသတဲ့။ သူဟာ နှစ်ပေါင်းများစွာ ကောက်ပဲသီးနှံတွေကို ထွန်ယက်စိုက်ပျိုးလုပ်ကိုင်စားသောက်နေသူပေါ့။ တနေ့မှာတော့ သူ့မြင်းက ထွက်ပြေးသွားပါလေရော … ။ မြင်းမရှိတော့တဲ့ သတင်းကို ကြားတဲ့ အိမ်နီးနားချင်းတွေက အဖိုးအို ကို စာနာစိတ်နဲ့ ”ဆိုးလိုက်တဲ့ကံပါလား ” လို့ လာပြောကြတယ်။

”ဟုတ်ရင်လည်း ဟုတ်မှာပေါ့လေ...” လို့ လယ်သမားအဖိုးအိုက ပြန်ဖြေလိုက်တယ်။

နောက်တနေ့ မနက်ကျတော့ သူ့ မြင်းက ပြန်ရောက်လာတယ်။ သူနဲ့အတူ မြင်းရိုင်း သုံးကောင်ကိုပါ အပါ ခေါ်လာတယ်။ "သိပ်ကို ကောင်းတဲ့အဖြစ်ပါလား" လို့ အိမ်နီးနားချင်းတွေက တအံ့တဩပြောကြပြန်တယ်။

”ဟုတ်ရင်လည်း ဟုတ်မှာပေါ့လေ...” လို့ပဲ အဖိုးအိုကတော့ ပြန်ဖြေတယ်။

နောက်ရက်တွေမှာ အဖိုးအိုရဲ့ သားဖြစ်သူက မလေ့ကျင့်ရသေးတဲ့ မြင်းကို တက်စီးဖို့ ကြိုးစားရင်း ပြုတ်ကျပါလေရော။ သူ့ရဲ့ ခြေထောက်ပါ ကျိုးသွားတော့တယ်။ အဲဒီမှာတင် အိမ်နီးနားချင်းတွေက အခုလို ကံဆိုးမှုအတွက် သူတို့က ကရုဏာသက်စာနာပါကြောင်း နောက်တစ်ကြိမ် လာပြောကြပြန်တယ်။

”ဟုတ်ရင်လည်း ဟုတ်မှာပေါ့လေ...” လို့သာ လယ်သမားအဖိုးအိုက ပြန်ဖြေတယ်။

နောက်တရက်မှာတော့ အဲ့ဒီဒေသက သတ်မှတ်ထားတဲ့ ဥပဒေအတိုင်း အသက်ပြည့်လူငယ်တွေကို စစ်မှုထမ်းဆောင်ဖို့ စစ်အရာရှိတွေက ရွာထဲအထိလာခေါ်ကြတယ်။ အဖိုးအိုရဲ့ သားဖြစ်သူက ခြေကျိုးနေတာမို့ သူ့ကိုခေါ်မသွားပဲ ချန်ထားရစ်ခဲ့တယ်။

ဒါကိုသိပြန်တော့ အိမ်နီးနားချင်းတွေက အဖိုးအိုကို ဝိုင်းပြီး ဝမ်းမြောက်ကြောင်းပြောကြပြန်တယ်။ အဲဒီလို စစ်ထဲမလိုက်ရဖို့အတွက် ကောင်းတဲ့အကြောင်း ဖန်လာတာပဲလို့ ဆိုကြတယ်။

အဖိုးအိုက ပြန်ပြောလိုက်တယ်။
”ဟုတ်ရင်လည်း ဟုတ်မှာပေါ့လေ...”

♦️

ဇင်ပုံပြင် "Maybe" ကို ဆီလျှော်အောင် ဘာသာပြန်ပါသည်။

ဆက်လက်ဖတ်ရှုရန်

ဘုရားသခင်ကို တွေ့ချင်သူ

💥 ဘုရားသခင်ကို တွေ့ချင်သူ 💥

မြစ်ကမ်းဘေးတစ်ခုမှာ ရသေ့သူတော်စင်တစ်ပါး တရားရှုမှတ်ပွားများနေတဲ့အချိန် လူငယ်တစ်ဦး ရောက်လာပြီး စကားဆိုတယ်။

”ဆရာအရှင်၊ အရှင်ဘုရားရဲ့ တပည့် ဖြစ်ချင်ပါတယ်။” လို့ လူငယ်က လျှောက်ထားလိုက်တယ်။

ဒီတော့ ရသေ့သူတော်စင်က ”ဘယ်လိုကြောင့်များလဲ ဒကာ” လို့ ပြန်ပြီး မေးတယ်။

လူငယ်က အတန်ကြာ စဉ်းစားလိုက်ပြီး “ဘုရားသခင်ကို ရှာတွေ့ချင်လို့ပါ။” လို့ ပြန်ဖြေလိုက်တယ်။

ရသေ့ဟာ ရုတ်တရတ် ခုန်ထလိုက်ပြီး လူငယ်ကို လည်ဂုတ်ကနေဆွဲကိုင်ကာ မြစ်ဆီကို ဆွဲခေါ်သွားလိုက်တယ်။ နောက်တော့ လူငယ်ရဲ့  ခေါင်းကိုရေထဲ ဆွဲနှစ်ပစ်လိုက်တယ်။

တစ်မိနစ်လောက် ကြာလာတော့ လူငယ်ဟာ သူ့ကိုယ်သူ လွတ်မြောက်ဖို့
ကန်ကြောက်ရုန်းကန်လာတာနဲ့ ရသေ့လည်း နောက်ဆုံးမှာ လူငယ်ရဲ့ ခေါင်းကို ရေထဲက ပြန်ဆွဲတင်ပြီး လွှတ်ပေးလိုက်တယ်။

လူငယ်ဟာ ရေမွှမ်းတာကြောင့် ချောင်းတဟွတ်ဟွတ်ဆိုးရင်း အသက်ကို မောပန်းတကြီး ရှူနေရရှာတယ်။

နောက်ဆုံး သူငြိမ်ကျပြီး အခြေအနေပုံမှန်ပြန်ဖြစ်သွားတော့မှ ရသေ့က လူငယ်ကို မေးလိုက်တယ်။

”ဒကာ။ ရေထဲမှာ ရောက်နေတဲ့အချိန်မှာ ဘာကိုအလိုချင်ဆုံးလဲ ဆိုတာ ပြောစမ်းပါ။”

”လေ” လူငယ်က ပြန်ဖြေလိုက်တယ်။

”ဟုတ်ပြီ ဒကာ။ ဒါဆို အခုတော့ အိမ်ပြန်လိုက်ပါအုံး။ လေ ကို လိုချင်သလိုမျိုး ဘုရားသခင်ကို တွေ့ချင်လာတဲ့အခါကျတော့မှပဲ ဒီကို ပြန်လာခဲ့တော့ ဒကာရေ။”

♦️

ဇင်ပုံပြင် ”Wanting God" ကို ဆီလျှော်အောင် ဘာသာပြန်ပါသည်။

ဆက်လက်ဖတ်ရှုရန်

သမာဓိ

🔸 သမာဓိ 🔸

လေးပြိုင်ပွဲပေါင်းများစွာကို အနိုင်ရရှိခဲ့ပြီးတဲ့နောက်မှာတော့ စိတ်ကြီးဝင်နေတဲ့ လူငယ် လေးပစ်ချန်ပီယန်လေးဟာ တချိန်က လေးအတတ်နှင့် နာမည်ကျော်ကြားခဲ့ဖူးတဲ့ ဇင်ဘုန်းတော်ကြီးတစ်ပါးကို သူနှင့်အတူယှဉ်ပြိုင်ဖို့ စ်ိန်ခေါ်လိုက်တော့တယ်။

လူငယ်လေးသမားက အဝေးခပ်လှမ်းလှမ်းမှာရှိတဲ့ ပစ်ကွင်းအလယ်မှတ်နေရာကို သူ့ရဲ့ ပထမမြားတံနှင့် တည့်တည့်ထိမှန်အောင်ပစ်လိုက်ပြီး၊ နောက်မှ ထပ်ပစ်လိုက်တဲ့ သူ့ရဲ့ ဒုတိယမြားတံနှင့် ပထမပစ်ခဲ့တဲ့မြားတံကို ထပ်ခြမ်းခွဲပြလိုက်တယ်။

“ကဲ...။ ခင်ဗျားဒါကို ပြိုင်ပစ်နိုင်၊ မပစ်နိုင် ကြည့်ကြမယ်” လို့ ဇင်ကိုယ်တော်ကို ပြောလိုက်တယ်။

ဇင်ကိုယ်တော်ဟာ သူ့ရဲ့  လေးကို ဆွဲမထုတ်သေးပဲ လူငယ်ကို သူနှင့်အတူလိုက်ခဲ့ဖို့ မျက်နှာရိပ်လှမ်းပြလိုက်ပြီး တောင်ကုန်းတစ်ခုဆီကို ထွက်သွားတယ်။ ဇင်ကိုယ်တော်ဘာလုပ်မယ်ဆိုတာကို အရမ်းသိချင်နေတဲ့လူငယ်လည်း သူ့နောက်ကနေလိုက်သွားလိုက်တာ တောင်ကုန်းမြင့်တစ်နေရာဆီကို ရောက်သွားကြတယ်။

အဲဒီနေရာမှာ နက်ရှိုင်းတဲ့ချောက်တစ်ခုရှိနေပြီး အဲဒီချောက်ရဲ့ အပေါ်မှာ သေးငယ်ပြီး ခနော်ခနဲ့နိုင်တဲ့ သစ်သားချောင်းတွေနဲ့ တံတားလေးခင်းထားတာရှိတယ်။ ဇင်ကိုယ်တော်ဟာ ဒီလှုပ်လီလှုပ်လဲ့နဲ့ မငြိမ်မသက်ဖြစ်နေတဲ့ ကြောက်စရာကောင်းတဲ့တံတားရဲ့  အလယ်ခေါင်နေရာရောက်တဲ့အထိ အေးအေးဆေးဆေးနဲ့ လှမ်းလျှောက်သွားလိုက်တယ်။ ပြီးမှ အဝေးတစ်နေရာမှာ ရှိတဲ့ သစ်ပင်တစ်ပင်ကို ပစ်မှတ်ထားလိုက်ပြီး သူ့ရဲ့ လေးနဲ့မြားကို ထုတ်လို့ ပစ်မှတ်ဆီချိန်ကာ အတိအကျတစ်ချက်တည်း လှမ်းပစ်လိုက်တယ်။

“ကဲ... အခု မင်းအလှည့်”

သူကလူငယ်ကို လှမ်းပြောလိုက်ရင်း တံတားအလယ်ကနေ မြေပြင်ဆီကို စိတ်အေးလက်အေးပဲ ပြန်ဆင်းလာလိုက်တယ်။

အောက်ခြေမြေကြီးကို လှမ်းကြည့်ရင်တောင် မမြင်ရတဲ့ အသူတစ်ရာနက်တဲ့ ချောက်ကို ကြည့်ရင်း လူငယ်ဟာ လေးပစ်ဖို့နေနေသာသာ တံတားပေါ်ကိုတောင် မတက်ရဲဘူးဖြစ်နေရှာတယ်။

အကျပ်ရိုက်နေရှာတဲ့ စိန်ခေါ်သူလူငယ်ချုန်ပီယံကို လှမ်းကြည့်ရင်း ဇင်ကိုယ်တော်က လှမ်းပြောလိုက်တယ်။

“မင်းက လေးအတတ်မှာတော့ အတော်ကိုကျွမ်းကျင်ပါတယ်။ ဒါပေမယ့် လေးထုက်ပြီး မပစ်နိုင်အောင် ဖြစ်သွားတဲ့ စိတ်အကျပ်အတည်းအတွက်ကျတော့ မင်းမှာ ကျွမ်းကျင်ပိုင်နိုင်မူ အတော်နည်းသကိုးကွ။”

ဆက်လက်ဖတ်ရှုရန်

ရပ်နေတာ

🍀 ရပ်နေတာ

တခါက လူသုံးယောက် လမ်းလျှောက်ထွက်လာကြတယ်။ တနေရာအရောက် တောင်ကုန်းတစ်ခုပေါ်မှာ လူတစ်ယောက် မတ်တတ်ရပ်နေတာကို လှမ်းတွေ့လိုက်ကြတယ်။

ဒါနဲ့ တစ်ယောက်က "ဒီလူတောင်ကုန်းပေါ်မှာ ပျောက်နေတဲ့ နွားအုပ်ကို လိုက်ရှာနေတာဖြစ်မယ်။" လို့ ပြောလိုက်တယ်။

ဒီတော့ ဒုတိယတစ်ယောက်က "မဖြစ်နိုင်ဘူး။ ငါထင်တာတော့ သူ အလည်လွန်နေတဲ့ သူ့သူငယ်ချင်းတစ်ယောက်ယောက်ကို လိုက်ရှာနေတာ ဖြစ်မှာပါ။" လို့ ဝင်ပြောတယ်။

ဒီမှာ တတိယတစ်ယောက်က "မဟုတ်လောက်ဘူး။ သူလေညှင်းခံနေတာပဲ နေမှာပါ" လို့ ပြောလိုက်တယ်။

စိတ်ကျေနပ်လောက်တဲ့ အဖြေမရကြတာနဲ့ နောက်ဆုံး တောင်ကုန်းပေါ်တက်သွားကြပြီး အဲဒီလူကို သွားမေးကြည့်ကြတယ်။

"ခင်ဗျား နွားအုပ် လိုက်ရှာနေတာလား။"
"မဟုတ်ပါဘူး"

"ဒါဆို သူငယ်ချင်းကို ရှာနေတာ မဟုတ်လား"
"မဟုတ်ပါဘူးဗျာ"

"ခင်ဗျား လေညှင်းခံနေတာ မဟုတ်လား"
"မဟုတ်ဘူးဗျ"

"ဒါဆို တောင်ကုန်းပေါ်မှာ ဘာလုပ်နေတာလဲ"
"ရပ်နေတာလေ"

🔺

ဇင်ပုံပြင် "Just Standing" ကို ဆီလျှော်အောင် ဘာသာပြန်ပါသည်။

ဆက်လက်ဖတ်ရှုရန်

သရဲနှင်ခြင်း

👻 သရဲနှင်ခြင်း 👻

တခါတုန်းက ရွာတစ်ရွာမှာ လင်မယားနှစ်ယောက်ရှိခဲ့တယ်။ တစ်နေ့မှာ မယားဖြစ်သူဟာ သေလောက်တဲ့ရောဂါနဲ့ နေမကောင်းဖြစ်တယ်။ ဒီလိုနဲ့ သေခါနီးဆဲဆဲအချိန်ရောက်တော့ '' ယောကျာ်းရယ်။ ကျမရှင့်ကို သိပ်ချစ်တယ်။ ကျမရှင့်ကို မခွဲနိုင်ဘူး။ နောက်ပြီး ရှင် ကျမအပေါ်မှာလည်း သစ္စာမဖောက်စေချင်ဘူး။ တကယ်လို့ကျမသေသွားခဲ့ရင် ရှင်နောက်ထပ်မိန်းမ ထပ်မယူတော့ပါဘူးလို့ ကတိပေးစမ်းပါ။ ကတိမတည်ရင်တော့ ကျမရှင့်ဆီ ပြန်လာပြီး သရဲခြောက်ရလိမ့်မယ်။'' လို့ မှာခဲ့တယ်။

ဒီလိုနဲ့ မိန်းမသေဆုံးပြီး လပေါင်းများစွာကြတဲ့အချိန်အထိ ယောကျာ်းဖြစ်သူဟာ မိန်းမတွေနှင့် မပတ်သက်ပဲ ရှောင်နိုင်ခဲ့ပေမယ့် နောက်ဆုံးမှာတော့ မိန်းခလေးတစ်ယောက်ကို တွေ့ဆုံပြီး ချစ်မိသွားတော့တယ်။ ဒီလိုနဲ့ သူတို့စေ့စပ်ပြီးတဲ့ည ရောက်တဲ့အချိန်မှာတော့ သေဆုံးသွားပြီဖြစ်တဲ့ မယားဟောင်းဟာ သရဲမအဖြစ်ပြန်ပေါ်လာခဲ့တယ်။

အဲဒီ သရဲမဟာ သူ့ယောကျာ်းကို ကတိမတည်တဲ့အတွက် အပြစ်တင်ကြိမ်းမောင်းပြောဆိုတယ်။ အဲဒီနေ့ကစလို့ ညတိုင်းလိုလို သရဲမဟာ ရောက်ရောက်လာပြီး သူယောကျာ်းကို ပြစ်တင်မောင်းမဲပြောဆိုနေတော့တယ်။

သရဲမဟာ သူ့ယောကျာ်းန်ှင့် သူလက်ထပ်တော့မယ့်မိန်းကလေးတို့ နှစ်ယောက်ကြား တစ်နေ့စာ တွေ့ဆုံ ပြောထားဆိုထားကြသမျှ၊ လုပ်သမျှတွေကို '၏သည်မလွဲ' အကုန်ပြန်ပြန်ပြောပြနိုင်တယ်။ ကြာလာတော့ ယောကျာ်းဖြစ်သူဟာ စိတ်ဆင်းရဲပြီး စားမ၀င်၊ အိပ်မပျော်ဖြစ်လာတော့တယ်။

စိတ်တွေဆောက်တည်ရာမရဖြစ်လာတဲ့ ယောကျာ်းဖြစ်သူဟာ နောက်ဆုံးမှာ ရွာနားမှာ သီတင်းသုံးနေတဲ့ ဘုန်းတော်ကြီးဆီ သွားရောက်လျှောက်ထားပြီး အကြံဉာဏ်တောင်းယူရတော့တယ်။ ယောကျာ်းဖြစ်တဲ့သူလျှောက်ထားသမျှကို နားထောင်ပြီးတဲ့နောက်မှာတော့
''ဒီသရဲမဟာ တော်တော်ဉာဏ်ကောင်းတဲ့ သရဲမပဲ ဒကာကြီး'' လို့ ဆရာတော်က မှတ်ချက်ပြုတယ်။
''မှန်လှပါ ဘုရား။ သူက တပည့်တော် လုပ်သမျှ၊ ပြောသမျှ အကုန်လုံးကို တစ်လုံးမကျန် သိသိနေပါတယ်ဘုရား'' လို့ ယောကျာ်းဖြစ်သူက ပြန်လျှောက်တယ်။ ဒီအခါမှာ ဆရာတော်က ပြုံးပြီး
''ဒီလိုသရဲမျိုးကတော့ တကယ် လေးစားလောက်တယ် ဒကာကြီး။ ဒါပေမယ့် နောက်တစ်ခါသူလာတဲ့အချိန်ကျရင်တော့ ဘုန်းကြီး မှာတဲ့အတိုင်း လုပ်ပါ။'' လို့ ဘာလုပ်ရမယ်ဆိုတာကို ပြောပြလိုက်တယ်။

အဲဒီည သရဲမရောက်လာတဲ့အခါမှာတော့ ယောကျာ်းဖြစ်သူဟာ ဆရာတော်မှာထားတဲ့အတိုင်း သရဲမကို ပြန်လည်တုံ့ပြန်ပြောဆိုလိုက်တယ်။
''နင်ဟာ တကယ်တော်တဲ့သူတစ်ယောက်ပဲ။ ငါဟာ နင်နှင့်ဆိုရင် ဘာမှကို ဖုန်းကွယ်လျှို့ ဝှက်ထားလို့မရပါလား။ ငါနင့်ကို မေးခွန်းတစ်ခုလောက် မေးကြည့်ချင်တယ်။ တကယ်လို့ နင်ဖြေနိုင်ခဲ့တယ်ဆိုရင် ငါအခုစေ့စပ်ထားတာကို ဖျက်သိမ်းပစ်ပြီး တစ်သက်လုံး တစ်ယောက်ထဲပဲနေပါတော့မယ်။''
''နင်ဘာမေးမလို့လဲ။ မေးလေ'' သရဲမက ပြန်ပြောတယ်။
ယောကျာ်းဖြစ်သူဟာ ကြမ်းပြင်ပေါ်မှာရှိတဲ့ အိတ်ကြီးတစ်လုံးထဲကနေပြီး ပဲစေ့လက်တစ်ဆုပ်စာကို နှိုက်ယူလိုက်တယ်။ ပြီးတော့ သရဲမကို လှမ်းပြီး ''အခု ငါ့လက်ထဲမှာ ပဲစေ့ ဘယ်လောက်ရှိလဲ။ မှန်အောင်ဖြေပါ။'' လို့ မေးလိုက်တယ်။

အဲဒီအချိန်ကစလို့ သရဲမဟာ ပျောက်ချင်းမလှ ပျောက်သွားခဲ့ပြီး နောက်လည်း ဘယ်တော့မှ ထပ်ပြန်ပေါ်မလာခဲ့တော့ဘူး။

--------------------------------

ဇင်ပုံပြင်တွေကို စိတ်ဝင်စားတတ်တဲ့မိတ်ဆွေများအတွက် Banishing a ghost ပုံပြင်ကို ဆီလျှော်အောင် ဘာသာာပြန်ပါသည်။

ဆက်လက်ဖတ်ရှုရန်