အတုမဲ့ နိုင်ငံရေးသုခမိန် မဟောသဓာ အပိုင်း(၂)

အတုမဲ့ နိုင်ငံရေးသုခမိန် မဟောသဓာ
အပိုင်း (၂)
အညတြသုတေသီတစ်ဦး

မဟောသဓာဇာတ်တော်သည် သုတ္တန္တပိဋက၊ ခုဒ္ဒကနိကာယ်၊ ဇာတကပါဠိတော်တွင်ပါဝင်သည်။ မြတ်ဗုဒ္ဓ၏ အလောင်းတော်ဘ၀က ပညာစွမ်းရည်ဖြင့် နိုင်ငံနှင့်လောကကောင်းကျိုးဆောင်ရွက်ခဲ့ပုံကို ဟောပြတော်မူထားသော ဇာတ်တော်ကြီးဖြစ်သည်။ မြတ်ဗုဒ္ဓအလောင်းတော်၏ အတုမဲ့နိုင်ငံရေးသုခမိန်ဘ၀၊ နိုင်ငံရေးသမားဘ၀ကို ပုံဖော်ထားသော ဒေသနာတော်ဖြစ်သည်။ ဤဇာတ်တော်၊ ဒေသနာတော်တွင် ဗုဒ္ဓသာသနာတော်ကဖွင့်ဆိုသော နိုင်ငံရေးသဘာဝ၊ နိုင်ငံရေးသမားဂုဏ်ရည်တို့ ကို အထူးကြည်ညိုဖွယ် ဖတ်ရှုသိရှိခံစားနိုင်ပါသည်။

အတုမဲ့နိုင်ငံရေးသုခမိန် မဟောသဓာ၏ ဘုန်းကံဉာဏ်စွမ်း၊ လုံ့ လစွမ်းမေတ္တာများပြားလှစွာသော စွမ်းရည်ကျေးဇူးတို့ ကို အထူးသိရှိကြည်ညိုရသည်။ နိုင်ငံရေးဆောင်ရွက်သူတိုင်း အကြိမ်ကြိမ်ဖတ်ရှုထိုက်သည်။ အားကျအတုယူထိုက်သည်။ ဓါတ်ကူးယူထိုက်သည်။ မဟောသဓာဇာတ်တော်ကို ဖတ်ရှုလေ့လာပြီး နိုင်ငံရေးတရားတို့ ကို စွမ်းနိုင်သမျှကျင့်သုံးသင့်သည်။ ထိုသို့ ကျင့်သုံးနိုင်ပါလျင် ထိုထိုနိုင်ငံရေးဆောင်ရွက်သူတို့ သည် နိုင်ငံ၏အကျိုး၊ လောက၏အစီးအပွားတို့ ကို မုချဆောင်ရွက်နိုင်ပါမည်။

အလောင်းတော် မဟောသဓာ

အလောင်းတော်မဟောသဓာသည် ၀ိဒေဟရာဇ်တိုင်း၊ အရှေ့ပါစီနယ၀မိဇ္ဈဂုံးရွာတွင်မွေးဖွားသည်။ ဖခင်မှာ သိရိဝဍ္ဎနသူဌေးကြီးဖြစ်၍ မိခင်ကား သုမနဒေ၀ီဖြစ်သည်။ အလောင်းတော်သည် တာဝတိံသာနတ်ပြည်မှ စုတေခဲ့ခြင်းဖြစ်သည်။ အခြွေအရံနတ်သားတစ်ထောင်နှင့်အတူ စုတေခဲ့ခြင်းဖြစ်သည်။ အလောင်းတော်ဖွားမြင်လျင်ဖွားမြင်ချင်း အလောင်းတော်၏လက်တွင်းသို့  သိကြားမင်းက ဆေးတုံးတစ်ခုထည့်ပေးသွားသည်။

ထို့ နောက်အလောင်းတော်သည် ဆေးတုံး၏စွမ်းအားနှင့်ပတ်သက်၍ မိခင်နှင့် အမေးအဖြေစကားဆိုနိုင်ခဲ့သည်။ ထိုဆေးတုံး၏ အာနုဘော်ကြောင့် ဖခင်သူဌေးကြီး၏ (၇)နှစ်ကြာ ခေါင်းခဲခေါင်းကိုက်နာဝေဒနာ ပျောက်ကင်းသက်သာချမ်းမြေ့ရသည်။ အလောင်းတော်၏ ရှေးဘုန်းကံကား အလွန်အံ့သြဖွယ်ကောင်သည်။ လူ့ လောကကောင်းကျိုးကို မွေးဖွားလျှင်မွေးဖွားချင်း စတင်ဆောင်ရွက်နိုင်သည်။ လူ့ လောကတွင် ဖွားမြင်လာခြင်းသည် လောကကောင်းကျိုးကိုဆောင်ရွက်ဖို့  ဟူသောဘ၀မူကို သင်ခန်းစာပေးခြင်းဟု မြတ်နိုးစွာခံယူနိုင်ပါသည်။

အလောင်းတော်၏ဘုန်းကြီးခြင်းသည် အကြောင်းမဲ့မဟုတ်ပါပေ။ သုမေဓာရှင်ရသေ့ဘ၀-နိယတဗျာဒိတ်ရသည့်ဘ၀နှင့် ထိုမတိုင်မီဘ၀များစွာမှစ၍ မဟောသဓာဘ၀သို့ တိုင်အောင် မြင့်မြတ်သောစိတ်ဓါတ်ဖြင့် နိုင်ငံနှင့်လောကကောင်းကျိုးကိုဆောင်ရွက်ခဲ့သော လုပ်ရပ်ကောင်းမှုတည်းဟူသော အားကြီးလှသော အကြောင်းများရှိသည်။ ဘုန်းကြီးခြင်းသည် ပုည-ဖြူစင်သောစိတ်ထားဖြင့် အများကောင်းကျိုးဆောင်ရွက်ခြင်းဟူသော ကောင်းမှုအကြောင်းများစွာဖြင့် အခြေခံတည်ဆောက်ယူရပါသည်။ ထိုပုညသည် အတိတ်---ရှေးဘ၀ကပြုစုခဲ့သောအကြောင်းနှင့် ပစ္စုပ္ပန်---ယခုဘ၀၊ ယခုအချိန်ပြုစုသောအကြောင်းဟူ၍ ကာလသတ်မှတ်ချက်နှင့် ပတ်သက်၍ နှစ်မျိုးရှိပါသည်။

ထိုကာလနှစ်မျိုးတွင် အတိတ်ကာလကားပြီးဆုံးသွားခဲ့သော တချိန်က ပစ္စုပ္ပန်ဖြစ်ပါသည်။ ပြုပြင်၍မရတော့ပါ။ ကောင်းမွေ၊ ဆိုးမွေ ခံယူရုံသာရှိသည်။ လက်ရှိပစ္စုပ္ပန်ကား ယခုလက်ဝယ်ဖြစ်သည်။ ကောင်းမှုပုညကို ပစ္စုပ္ပန်တိုင်း ဖန်တီးရယူနိုင်သည်။ ပစ္စုပ္ပန်သည်လည်း ရပ်တန့် မနေပါ။ အနာဂါတ်က ပစ္စုပ္ပန်သို့ ဆိုက်ရောက်လာသည်နှင့် ယခုပစ္စုပ္ပန်သည်အတိတ်ဖြစ်သွားသည်။ ပစ္စုပ္ပန်တိုင်း စိတ်ကောင်းဖွေးဖြူစွာ ဆောင်ရွက်ထားသော ပုညကောင်းမှုများသည် အတိတ်ကောင်း၊ ကုသိုလ်သတ္တိများအဖြစ်သို့  ပြောင်းလဲသွားသည်။ သို့ ဆိုပါလျှင် အတိတ်၊ ပစ္စုပ္ပန်တိုင်း စိတ်ကောင်းထားကောင်းမှုပြုသူသည် ကောင်းမှုစွမ်းအားများ ဆက်တိုက်ကြီးမားဖွံ့ ဖြိုးလာမည်။ ဘုန်းကြီးလာမည်။ နိုင်ငံနှင့်လောကကောင်းကျိုးကို ပို၍ပို၍ ရွက်ဆောင်နိုင်လာမည်ဖြစ်သည်။

အလောင်းတော်မဟောသဓာသည် သုမေဓာရှင်ရသေ့၏ ရှေးဘ၀၊ နောက်ဘ၀များစွာ ပစ္စုပ္ပန်တိုင်း မေတ္တာစစ်ဖြင့် ကောင်းမှုပုညများစွာပြုစုခဲ့သည်။ နိုင်ငံနှင့်လောကကောင်းကျိုးကို ဆောင်ရွက်ခဲ့သည်။ ထိုထိုဖြူစင်မြင့်မြတ်သော စိတ်ဓါတ်နှင့်လုပ်ရပ်တို့ ကို မဟောသဓာဇာတ်တော်တွင် အထူးကြည်ညိုလေးမြတ်ဖွယ် ဖတ်ရှုသိရှိရပါလိမ့်မည်။ နိုင်ငံရေးဆောင်ရွက်သူတို့ သည် ဘုန်းကြီးခြင်းအကျိုးထက် ပစ္စုပ္ပန်တိုင်းတွင် မေတ္တာကရုဏာတရားတို့ ဖြင့် ကောင်းမှုပုညကို ပြုစုခြင်း၊ တည်ဆောက်ခြင်းအကြောင်းရင်းကို အလေးထားရပါမည်။ သို့ မှသာလျှင် မိမိတို့ ၏ ကောင်းမှုစွမ်းအားကြောင့် မိမိ၏နိုင်ငံ၊ လောကပတ်ဝန်းကျင်သည် ငြိမ်းချမ်းသာယာမှုရရှိပြီး မိမိတို့ ၏နိုင်ငံရေး လုပ်ဆောင်မှုသည် ဗုဒ္ဓသာသနာတော်နှင့် ညီညွတ်ပါမည်။

မိမိတို့ သည် နိုင်ငံလောကနှင့် သာသနာကို အလှဆင်သူဖြစ်လာပါမည်။ မဟောသဓာအလောင်းတော်သည် အတိတ်နှင့်ပစ္စုပ္ပန်ကာလတိုင်း ဖြူစင်သောစိတ်ဓါတ်၊ မြင့်မြတ်သောကောင်းမှုစွမ်းအားတို့ ဖြင့် လောက၏ကောင်းကျိုးကို ဆောင်ရွက်ခဲ့ပါသည်။ ထိုသို့ ဆောင်ရွက်ခြင်းသည် အလောင်းတော်၏ အတုယူဖွယ် ၀မ်းမြောက်ဖွယ် ဘုန်းကံစွမ်းအားပါဝင်သည်။

(ဆက်လက်ဖော်ပြပေးသွားပါမည်။)

အတုမဲ့ နိုင်ငံရေးသုခမိန် မဟောသဓာ
အတုမဲ့ နိုင်ငံရေးသုခမိန် မဟောသဓာ အပိုင်း(၃)

ဆက်လက်ဖတ်ရှုရန်

The Four Kinds of Action (Kamma)

The Four Kinds of Action (Kamma)

According to the Buddha’s teaching, there are four kinds of action (Kamma).What are the four?

(1)There is dark action with dark result;

(2) There is bright action with bright result;

(3) There is dark and bright with dark and bright result; and

(4) There is action (Kamma) that is neither dark nor bright with neither dark nor bright result, action that leads to the destruction of Action.

First one is dark action with dark result. What is dark action with dark result? Here someone commits ten kinds of evil deed. Having committed ten kinds of evil deed, he reappears in unhappy worlds such as hell, Peta (ghost), animal. Here I would like to explain the ten kinds of evil deed. They are as follows:

(1) Killing any living beings;

(2) Stealing other persons’ belongings; and

(3) Making sexual misconduct.

These are called KÈyakamma (bodily action).

(4) Telling lie;

(5) Slandering;

(6) Telling harsh works; and

(7) Telling frivolous talk.

These are called VacÊkamma (verbal action).

(8)Greed;

(9)Hatred; and

(10) Wrong view.

These are called Manokamma (mental action). These ten kinds of evil action are called Dasaakusalakamma. If someone commits these ten kinds of evil deed (dark action), he or she will reap dark result. It is called dark action with dark result (Kanhakammakanhavipaka).

Second one is bright action with bright result. What is bright action with bright result? Here someone performs ten kinds of good deed. Having performed ten kinds of good deed, he reappears in happy worlds such as human, god, and brahma. Here I would like to explain the ten kinds of bright deed. They are as follows:

(1) Abstaining from killing any living beings;

(2) Abstaining from stealing other persons’ belongings; and

(3) Abstaining from making sexual misconduct.

These are called KÈyakamma (bodily action).

(4) Abstaining from telling lie;

(5) Abstaining from slandering;

(6) Abstaining from telling harsh works; and

(7) Abstaining from telling frivolous talk.

These are called VacÊkamma (verbal action).

(8)Non-greed;

(9)Non-hatred; and

(10) Right view.

These are called Manokamma (mental action). These ten kinds of good action are called Dasakusalakamma. If someone performs these ten kinds of good deed (bright action), he or she will reap bright result. It is called bright action with bright result (Sukkakammasukkavipaka).

Third one is dark and bright action ( Kanhasukkakamma) with dark and bright result (Kanhasukkavipaka). Here one sometimes generates the ten kinds of evil deed and the ten kinds of the good deeds. So he or she feels pain and happiness because he did action that is both bad deeds and evil deeds. For example, during the time of the Buddha, there was a certain lay man. He killed the animals by daytime and with self-control abstained at nights. For that action (kamma) that is both dark kamma( evil deed) and bright kamma( good deed), during the daytime, the dogs that had just been driven back, ran up on all sides to devour me but enjoyed the gods’ happiness.

The final one is Magga Action that is neither dark nor bright with neither dark nor bright result and leads to the destruction of actions. It is right. Catumaggakamma can totally remove good deed which a person can be attained to happy planes, such as human, god and Brahma and evil deed that a person can be got to unhappy planes namely ghost, animal and hell. A person who wants to get Catumaggakamma (path-action) must practice meditation.

According to the Buddha’s teaching, there are two kinds of BhÈvanÈ: Samatha bhÈvanÈ (concentration meditation) and VipassanÈ bhÈvanÈ (insight meditation). Here Samatha bhÈvanÈ means observing breathing in and breathing out before one practices meditation. After fifteen minutes, when he or she focuses the single object of meditation, he or she can go to meditation. Here VipassanÈ bhÈvanÈ means noticing five aggregates to be breath with the Mundane Fivefold Path (VipassanÈamagga) to breathe, that is, one should observe the arising and disappearing of your five aggregates with VipassanÈmagga. In Vipassana practice the VipassanÈmagga functions as the next following consciousness (insight knowledge) which observes the perishing of the previous one, called Anicca (Impermanence). In this process, the preceding Anicca and the subsequent Magga go on concurrently without allowing any defilement (Kilesa) to creep in between them. It is the technique of killing the cause in order to prevent the effect. As the meditator keeps on meditating on the arising and perishing of the five aggregates* (Khandha), he gradually attains the two highly developed stages of VipassanÈ knowledge, namely, YathÈbhutaÒÈÓa (Knowledge according to reality) and NibbindaÒÈÓa (Knowledge of disgust); and eventually he gains the MaggaÒÈÓa (Path knowledge). ArahattamaggaÒÈÓa can remove dark action (evil deed) and bright action (good deed). Thus, meditator can free from 31 planes which mingle with pain and happiness and attain NibbÈna which is free from various kinds of suffering. That is why I admonish all of you “Please do the last one (Action that is neither dark nor bright with neither dark nor bright result and leads to the destruction of actions (good action and bad action) that mingle pain and happiness)”.

May you get the last one (Catumaggakamma) which can destruct bad action and good action that can cause to attain 31 planes!

With Infinite Metta
Yours in Dhamma

Ashin Javana
University of Pune, Pune City, India
http://www.ashinjavana.blogspot.com/
ဆက်လက်ဖတ်ရှုရန်

အူယားလို့ ရေးသည်

ကာမာကူရ ဆင်းတုတော်ကြီး

ကျွန်တော် အခု ရောက်နေတဲ့ ဂျပန်နိုင်ငံကို ဗုဒ္ဓဘာသာနိုင်ငံတစ်ခု အဖြစ် ကျွန်တော်တို့ မြန်မာတွေသိထားခဲ့ကြပါတယ်။ ဂျပန်မှာ ထင်ရှားတဲ့ ကာမာကူရဘုရား (Kamakura Daibutsu) ဆိုရင်လည်း မြန်မာတွေ တော်တော်များများ သိကြသလို ဘုရားဆင်းတုတော်ကိုလည်း ဓါတ်ပုံတွေ၊ ဆင်းတုတော် အသေးလေးတွေကနေတဆင့် မြင်ဖူး၊ ဖူး ဖူးကြပါတယ်။

ဂျပန်ရောက်နေတဲ့ မြန်မာဗုဒ္ဓဘာသာဝင်တွေဆိုရင်တော့ ဂျပန်ရဲ့ ဘယ်နယ်ကိုပဲ ရောက်နေနေ ဆင်းတုတော်ကြီးရှိရာကို ဘယ်လိုပဲဖြစ်ဖြစ် တစ်နည်းမဟုတ် တစ်နည်းနဲ့ တော့ ရောက်အောင်ကြိုးစားသွားဖူးကြတာပါဘဲ။ ကျွန်တော်တို့ အတွက် ဘာသာရေးအထွဋ်အမြတ်အဖြစ် သတ်မှတ်ရိုသေရတဲ့ နေရာမြတ်တစ်ခုပေပဲကိုး။

ဘုရားကြီး သီတင်းသုံးတဲ့နေရာက တိုကျိုမြို့ ပေါ်ကနေ ရထားနှင့်သွားမယ်ဆို တစ်နာရီလောက်စီးရင် ကာမာကူရဘူတာကို ရောက်ပါတယ်။ အဲဒီကမှ ဘက်စ်ကားဖြစ်ဖြစ်၊ Taxi နဲ့ ဖြစ်ဖြစ် (၁၅) မိနစ်လောက်စီးရင် ဘုရားကြီးဆီရောက်ပါတယ်။ ဘုရားကြီးရဲ့ ပတ်ချာလည်မှာ တောင်ကုန်းတွေ၊ သစ်ပင်တွေ ထူထူထဲထဲရှိလို့  သာသာယာယာရှိပါတယ်။ သိပ်မဝေးတဲ့နေရာမှာ ပင်လယ်လည်းရှိနေတာမို့  ပတ်ဝန်းကျင်ကတိုက်ခတ်နေတဲ့လေကအစ သန့် ရှင်းလတ်ဆတ်ပြီး ရောက်ရှိလာတဲ့သူတွေကို ကိုယ်စိတ်နှစ်ပါးရွှင်လန်းချမ်းမြေ့မှုကို ဖြစ်စေပါတယ်။

တချို့ သောပုဂ္ဂိုလ်များကတော့ ကာမာကူရဘုရားကြီးကို ဒါက ဗုဒ္ဓဆင်းတုတော်မဟုတ်ဘူး၊ မဟာယာနအယူအဆအရ ဘုရားအလောင်းရုပ်တုပဲလို့ ဆိုကြပါတယ်။ ဒါပေမယ့် သွားကြတဲ့မြန်မာတွေကတော့ မြတ်စွာဘုရားရှင်ဆင်းတုတော်အဖြစ်နှင့်ဘဲ သိကြ၊ နှလုံးသွင်းကြပြီး အာရုံပြုကြည်ညိုဖူးမြော်ကြတာဘဲ များပါတယ်။

ဘုရားကြီးရဲ့ သမိုင်း
Amida Buddha
အမိတာဘာ= အမိတ(အနှိုင်းဆမရှိသော)+အာဘာ(ပညာအရောင်ရှိတော်မူသော ဘုရား)

ကျွန်တော် ဘုရားကြီးဆီ ဂျပန်ကို ရောက်ခါစ ပထမဆုံးအကြိမ်စသွားတော့ စိတ်ထဲမှာ မြန်မာပြည်ကဘုရားတွေလို ဘုရားပုရ၀ုဏ်တွေ၊ အာရုံခံတန်ဆောင်းတွေရှိမယ်လို့  ထင်ထားတာပါ။ အနည်းဆုံးတော့ ဘုရားဝတ်ပြုစရာ နေရာသီးသန့် တစ်ခုတော့ရှိမယ်ပေါ့။ တကယ်လည်း ရောက်သွားရော ဘုရားဆင်းတုတော်ကြီးဟာ ကုန်းမြင့်တစ်ခုပေါ်မှာ ဒီအတိုင်း သီတင်းသုံးနေတာပါ။ ပတ်ချာလည်မှာက ရင်ပြင်တော်လိုမျိုး လမ်းလျှောက်ပြီး ကြည့်လို့ ရတဲ့ လူသွားလမ်းကျယ် လုပ်ထားပါတယ်။ ဘုရားဝတ်ပြုစရာနေရာသီးသန့် မရှိပါဘူး။ ဘေးဘက်တွေမှာတော့ အမိုးနှင့် အဆောက်အအုံတွေအောက်မှာ ထိုင်စရာခုံရှည်တွေတော့ ချပေးထားပါတယ်။ ဘုရားရင်ပြင်ရဲ့  ထောင့်တချို့ မှာ ကျောက်တုံးအကြီးကြီးတွေ လူထိုင်လို့ ရအောင် ချပေးထားတာတော့ရှိပါတယ်။ တချို့ မြန်မာတွေက အဲဒီကျောက်တုံးတွေပေါ်တက်ပြီး ဘုရားဝတ်ပြုရှိခိုးကြပါတယ်။ တချို့ လည်း ရင်ပြင်စင်္ကြံပေါ်မှာဘဲ အဆင်ပြေသလိုထိုင်ပြီး ကန်တော့ကြပါတယ်။ ပုတီးစိပ်တာတို့ ၊ တရားထိုင်တာတို့ ၊ ဘုရားစာရွတ်ပြီး ပူဇော်တာတို့ လုပ်ဖို့ ဆိုတာကတော့ နေရာအနေအထားကြောင့် နဲနဲ ခက်မယ်လို့ ပြောရမှာပါဘဲ။

နောက်ပိုင်းတော့ ကျွန်တော် ကာမာကူရကို မကြာခဏဆိုသလို ရောက်ဖြစ်ပါတယ်။ ရောက်တိုင်း ကျွန်တော်က ဘုရားကြီးမှာ အေးအေးဆေးဆေး တစ်နေရာမှာ ထိုင်တတ်ပြီး တွေ့ သမျှမြင်သမျှကို ဂရုတစိုက် သတိထား လိုက်ကြည့်ဖြစ်တတ်ပါတယ်။ အဲဒီလို လိုက်ကြည့်တော့ ကျွန်တော် ဘာတွေ သတိထားမိသွားသလဲပေါ့...။

ဘုရားကြီးရဲ့  စီမံအုပ်ချုပ်ရေးဝန်ထမ်းတွေဟာ ဒီဘုရားအပေါ်မှာ အရိုအသေနည်းတာကို တွေ့ ရပါတယ်။ သူတို့ က ဒီဘုရားကြီးကို Tourist Attraction အဖြစ်၊ ရုပ်တုတစ်ခု အဖြစ်လောက်သာ သဘောထားတဲ့ပုံစံ သူတို့ အပြုအမူတွေမှာ တွေ့ ရတတ်ပါတယ်။ ဘာသာရေးဆိုင်ရာ အထိမ်းအမှတ်ရုပ်တုဆိုတာမျိုးတောင် စိတ်ထဲရှိချင်မှ ရှိလိမ့်မယ်လို့  ကျွန်တော်ထင်ပါတယ်။

နောက်....လာကြတဲ့သူတွေ။ များသောအားဖြင့်တော့ သူတို့ လူမျိုးတွေပဲများပါတယ်။ နိုင်ငံခြားသားတွေလာတာလည်း ရှိတော့ရှိပါတယ်။ မြန်မာတွေကိုကတော့ တွေ့ ရခဲပါတယ်။ ဂျပန်လူမျိုးကို ဗုဒ္ဓဘာသာကိုးကွယ်တယ်လို့ သိထားတဲ့ ကျွန်တော်ဟာ (သူတို့ မှာ မဟာယာနတို့ ၊ ဇင်တို့ ၊ ရှင်တို တို့ စသဖြင့်တော့ အမျိုးကွဲတွေတော့ရှိပါတယ်) ဘုရားလာကြတဲ့သူတွေကို မြင်ရရင် တော်တော်လေးအံ့သြရပါတယ်။ ဘာလို့ လဲဆိုတော့ သူတို့ ဟာ ဆင်းတုတော်ကို အရိုအသေပေးတဲ့ပုံလည်းမပြ၊ ဘာသာရေးအထိမ်းအမှတ်တစ်ခုလို့ လဲ သဘောထားပုံမရ။ သူတို့ တွေက ဆင်းတုတော်ကြီးကို Disney Land က အရုပ်တွေလိုမျိုးသဘောထားသလားတော့မပြောတတ်ဘူး။ ဓါတ်ပုံတွေ မျိုးစုံရိုက်ပြီး ပြန်ကြတာဘဲ တွေ့ ရတတ်ပါတယ်။

ဒီတစ်ခါလည်း မနေ့ က ကျွန်တော် ဘုရားကို ရောက်တယ်။ အ၀င်ဝမှာ ၀င်ကြေးပိုက်ဆံပေးပြီး ဘုရားပုရ၀ဏ်ထဲ စ၀င်လိုက်တာနဲ့  တွေ့ ရတဲ့မြင်ကွင်းက စိတ်ထဲ ကသိကအောင့်ဖြစ်စေပါတယ်။ ဆင်းတုတော်ကြီးရဲ့ ရှေ့ တည့်တည့်မှာ အ၀င်ဝဂိတ်တံခါးနှင့်ဆက်ထားတဲ့ လူသွားလမ်းရှည်တစ်ခုရှိတယ်။ စပြီး ပုရ၀ဏ်ထဲဝင်လိုက်တာနဲ့  ဆင်းတုတော်ကြီးတစ်ကိုယ်လုံးကို ဖူးလိုက်ရပြီး တန်းတန်းမတ်မတ် အဲဒီလမ်းအတိုင်း ဆင်းတုတော်ဆီ လျှောက်သွားရတာမျိုးပေါ့။ ကျွန်တော်ဝင်သွားတော့ အဲဒီလူသွားလမ်းပေါ်မှာ လူငယ်အုပ်စုတစ်ဖွဲ့ ဓါတ်ပုံရိုက်နေကြတယ်။ ရိုက်တာက ရိုးရိုးမဟုတ်ဘူးဗျ။ တစ်ယောက်က သူ့ လက်ဖ၀ါးကို မှောက်ပြီး ဆင်းတုတော်ကြီးရဲ့ တည့်တည့်နေရာမှာ အပေါ်ကို မြှောက်ထားတယ်။ အဲဒါကို နောက်တစ်ယောက်က ကင်မရာကို နေရာလိုက်ချိန်ပြီးရိုက်တယ်။ ကျွန်တော်ကြည့်လိုက်တာနဲ့  တန်းသဘောပေါက်တယ်။ ဒီကောင်တွေ ဆင်းတုတော်ကြီးရဲ့ ဦးခေါင်းတော်ကို လက်နဲ့ ပုတ်နေတဲ့ပုံတော့ရိုက်နေပြီလို့ ။

ပုရ၀ဏ်အ၀င်မှ လှမ်းမြင်ရသော လူသွားလမ်းနှင့် ဆင်းတုတော်ကြီး

စိတ်ထဲကဒေါသက ထောင်းကနဲထွက်သွားတာကို အသာလေးထိန်းပြီး အဲဒီအဖွဲ့ ကို ကျွန်တော် ကျော်လာခဲ့လိုက်တယ်။ ဘုရားရင်ပြင်တော်ပေါ်တက်တဲ့ လှေကားနားရောက်တော့ နောက်ထပ် လူငယ်တစ်ဖွဲ့ ထပ်တွေ့ ပြန်တယ်။ သူတို့ ကလည်း လှေကားထိပ်မှာ ဓါတ်ပုံရိုက်နေကြတာပါဘဲ။ အဲ....ရိုက်ပုံရိုက်နည်းကတော့ သူတို့ ထဲက တစ်ယောက်က ဘုရားဆင်းတုတော်ကြီးရဲ့  ကိုယ်နေဟန်ထား၊ လက်နေဟန်ထားတော် အတိုင်း ချွတ်စွပ်တူအောင် လိုက်ထိုင်ပြီး ဓါတ်ပုံအရိုက်ခံနေတာပါ။ အဲဒါကို ဘေးကဖြတ်သွားတဲ့ လူတွေကလည်း သဘောတွေကျလို့  အားပေးသွားကြပါသေးတယ်ဗျာ။ ကျွန်တော် ဒေါသက ပိုပြီးထွက်လာပါတယ်။ သူတို့ ကိုလည်း ကျွန်တော်ကျော်လာပြီးတော့ ရင်ပြင်တော်ပေါ်တက်လာခဲ့လိုက်ပါတယ်။

ဘုရားအာရုံပြုပြီး ခုံတန်းရှည်တစ်ခုမှာထိုင်ရင်း ကိုယ့်စိတ်ကိုယ်ပြန်ပြီးသတိပေးရပါတယ်။ ငါကုသိုလ်ပြုဖို့ ဘုရားလာတာ၊ အကုသိုလ်မဖြစ်စေနဲ့ လို့  ဆင်ခြင်နေလို့ မှ မဆုံးသေးဘူး။ မြင်ကွင်းထဲကို မတော်တာက ထပ်ဝင်လာပြန်ပါရောဗျား...။ ကျွန်တော်လည်း အဲဒီမြင်ကွင်းကို ကြည့်ရင်း ငါဒီအကြောင်းတော့ ပို့ စ်ရေးတော့မယ်လို့  ခေါင်းထဲအကြံရသွားပြီး သက်သေခံအဖြစ် ဓါတ်ပုံရိုက်ယူထားလိုက်တော့မယ်လို့ စိတ်ကူးရသွားပါတယ်။ အဲဒါနဲ့ ကင်မရာလည်း မပါတော့ ပါတဲ့လက်ကိုင်ဖုန်းထုတ်ပြီး ဓါတ်ပုံမှတ်တမ်းတင်လိုက်တော့တယ်ခင်ဗျာ။

မြင်ကွင်းကတော့ အနောက်တိုင်းသူမ နှစ်ယောက်၊ ဘုရားဆင်းတုတော်အောက်က အုတ်ဘောင်ပေါ်မှာ ကို့ ယို့ ကားယားပက်လက်လှန်ပြီး အိပ်ချလိုက်လို့ ပါဘဲ။ သူတို့ ဝတ်ထားတဲ့ အ၀တ်အစားတွေနှင့် သူတို့ အိပ်လိုက်ပုံနဲ့ က ဘုရားကြီးရှေ့ မှာ ကျွန်တော် ဗုဒ္ဓဘာသာမြန်မာတစ်ယောက်မျက်စိနှင့် ဘယ်လိုမှ အဆင်မပြေဘူးဗျာ။ သူတို့ ကလည်း ဘာစိတ်ကူးပေါက်ပြီးများ အိပ်လဲမသိ။ အကြာကြီးဘဲ။ ပထမ ကျွန်တော်က မသိမသာအဝေးကြီးကနေ ဓါတ်ပုံရိုက်တယ်။ နောက်တော့ မထူးဘူးကွာဆိုပြီး စိတ်ထဲတင်းတင်းရှိတာနဲ့  သူတို့ အနားသွားပြီးတော့ကို ရိုက်လိုက်တော့တယ်။ နောက်တော့ တစ်ယောက်ကထသွားတယ်။ ကျန်တဲ့နောက်တစ်ယောက်ကတော့ တော်တော်ကြီးကြာမှ ထသွားတယ်။

ဒီလိုတွေ ဖြစ်ချင်တိုင်းဖြစ်၊ လုပ်ချင်တိုင်းလုပ်နေကြတာကို ဘယ်သူမှလည်း တားမယ့်သူမရှိ၊ သတိပေးမယ့်သူလည်းမရှိ၊ သဘောကျလို့ အားတောင်ပေးလိုက်ကြသေးတယ်။ ဘုရားကြီး စီမံအုပ်ချုပ်ရေးအဖွဲ့ ကလည်း သူတို့ နှင့်မဆိုင်သလိုပါဘဲ။

ဒီလိုအပြုအမူမျိုးတွေ မြန်မာပြည်မှာသာ အခုလိုလုပ်လို့ ကတော့ ကျွန်တော်ဝင်တားမိမှာ ကျိန်းသေပါတယ်။ ကိုယ်မတားခင်တောင် ကိုယ့်ထက် လက်ဦးပြီး တားမယ့်သူတွေ တန်းစီနေမှာပါ။ အခုတော့ ကိုယ့်နိုင်ငံ၊ ကိုယ့်အရပ်မဟုတ်တော့ ကိုယ့်မှာ ထွက်နေတဲ့ ဒေါသကို အတင်းချိုးနှိမ်ရင်း ပြန်လာခဲ့ရတယ်။ ဒါပေမယ့် စိတ်ထဲမှာ ဘာသာ၊ သာသနာကို အစော်ကားခံလိုက်ရသလို ခံစားရတယ်ဗျာ။

လူတိုင်းမှာ ဘာသာရေးနှင့်ပတ်သက်ပြီး လွတ်လပ်စွာ ယုံကြည်ကိုးကွယ်ခွင့် ရှိပါတယ်။ ဒါပေမယ့် ကိုယ်မယုံကြည်တဲ့ မကိုးကွယ်တဲ့ ဘာသာအယူအဆအပေါ်မှာ စော်ကားခွင့်၊ မလေးမစားလုပ်ခွင့်မရှိပါဘူး။ ကျွန်တော်တို့ တွေ အကြောင်းတိုက်ဆိုင်လို့  တခြားဘာသာဝင်တွေရဲ့  ဘုရားရှိခိုးကျောင်းတွေ၊ ဘာသာရေးအလေးအမြတ်အဖြစ်သတ်မှတ်ထားတဲ့နေရာတွေကို သွားကြရင်လည်း သူတို့ တွေရဲ့  အလေးအမြတ်ထားတဲ့ ရုပ်ပုံကားချပ်တွေ၊ ရုပ်တုတွေကို မလေးမစား မလုပ်ကြပါဘူး။ အသိအမှတ်ပြု တန်ဖိုးထားကြပါတယ်။ အဲဒီနေရာက သတ်မှတ်ထားတဲ့ စည်းကမ်းကိုလည်း လိုက်နာတာပါဘဲ။ ဒါဟာ လူ့ ယဉ်ကျေးမှုတစ်ခုပါ။ ကိုယ်မယုံကြည် လက်မခံပေမယ့် မစော်ကားပါဘူး။

အခုတော့ အင်မတန်တိုးတက်ခေတ်မီနေတဲ့ တိုင်းပြည်မှာရှိတဲ့ သူတို့ ကိုယ်သူတို့  Civilized ဖြစ်ပါတယ်လို့  ကြွေးကြော်နေတဲ့ လူမျိုးတွေရဲ့  တခြားဘာသာအပေါ် မထေမဲ့မြင်ပြုမှုကြီးပါ။ တော်တော်ကို ရုပ်ဆိုးတယ်လို့  ကျွန်တော်သုံးသပ်ပါတယ်။

ဒီပို့ စ်ကို ကျွန်တော်ရေးတဲ့ ရည်ရွယ်ချက်က ဗုဒ္ဓဘာသာနိုင်ငံတစ်ခုလို့  အများသိထားကြတဲ့တိုင်းပြည်တစ်ခုမှာရှိတဲ့ အထင်ကရ ကမ္ဘာကျော် ဗုဒ္ဓဆင်းတုတော်ကြီးအပေါ် သူတို့ နိုင်ငံသားတွေနှင့် ဘာသာခြားအနောက်တိုင်းသားတွေရဲ့  ပြုမူဆက်ဆံပုံကို အားလုံးကို သိစေချင်လို့ ပါ။ တကယ်တော့ ကာမာကူရဆင်းတုတော်ကြီးဟာ ဒီတိုင်းပြည်မှာ တည်ရှိသီတင်းသုံးနေပေမယ့်လို့  တစ်ကမ္ဘာလုံးမှာရှိတဲ့ ဗုဒ္ဓဘာသာဝင်အားလုံးနှင့် ပတ်သက်ပါတယ်။ ဆက်နွှယ်ပါတယ်။ ဘယ်တိုင်းပြည်၊ ဘယ်ဒေသကပဲဖြစ်ဖြစ် ဗုဒ္ဓဘာသာရဲ့  အထိမ်းအမှတ်၊ အဆောက်အအုံ၊ စေတီပုထိုး၊ ဆင်းတုတော်တွေအားလုံးကို ထိမ်းသိမ်းစောင့်ရှောက်ရမယ့်တာဝန်ဟာ ဗုဒ္ဓဘာသာဝင်တိုင်းရဲ့ တာဝန်တစ်ခုဖြစ်ပါတယ်။

ဒီအဖြစ်အပျက်ကို တတ်နိုင်သလောက် ကိုယ်နဲ့ နီးစပ်ရာအားလုံးကို သိအောင်ပြောပြပေးကြဖို့  ကျွန်တော်မေတ္တာရပ်ခံပါတယ်။ ဖြစ်နိုင်ရင် မြန်မာလူမျိုးမှရယ်မဟုတ်ပါဘူး။ နိုင်ငံအသီးသီးက ဗုဒ္ဓဘာသာဝင်အားလုံးကို သိစေချင်တာပါ။ နောက် ဒီကမှရှေ့ ဆက်ပြီး ဘာသာ၊ သာသနာကို အစော်ကားမခံရအောင် ဘယ်လိုမျိုး ကာကွယ်စောင့်ရှောက်နိုင်မလဲဆိုတဲ့ နည်းလမ်းတွေကို ကျွန်တော်တို့ ထက် အတွေ့ အကြုံပိုများတဲ့ ရဟန်းပညာရှိတွေ၊ လူပညာရှိတွေ နှင့် တိုင်ပင်ညှိနှိုင်းလို့  အဖြေဆက်ထုတ်ပေးစေချင်ပါတယ်ခင်ဗျာ။

လေးစားစွာဖြင့်
ဝိမုတ္တိသုခ
ဆက်လက်ဖတ်ရှုရန်

အတုမဲ့ နိုင်ငံရေးသုခမိန် မဟောသဓာ

အမှာစာ

ဤ “အတုမဲ့ နိုင်ငံရေးသုခမိန် မဟောသဓာ” ဆောင်းပါးကို အညတြသုတေသီတစ်ဦးက ရေးသားပြုစုပါသည်။ ဇာတကပါဠိတော်၊ အဋ္ဌကထာ နှင့် ပိဋကတ်တော်လာ ဗဟုသုတတို့ ကို အခြေခံပြုမူတည်၍ ရေးသားထားခြင်းဖြစ်ပါသည်။ လစဉ် အခန်းဆက်ဆောင်းပါးအဖြစ် စီစဉ်ရေးသားသွားမည်ဖြစ်ပါသည်။ ဦးတည်ချက်မှာ ဒုက္ခပင်လယ်ကြောတွင် မြောပါနေသော အမိနိုင်ငံတော်နှင့် နိုင်ငံသူနိုင်ငံသားအားလုံးအတွက် မေတ္တာဖြင့် သက်စွန့် ကြိုးပမ်း စွမ်းစွမ်းတမံ အားထုတ်နေကြသော ထင်ရှားသော မထင်ရှားသော အာဇာနည်အပေါင်းကို ဂုဏ်ပြုဖို့ ဖြစ်ပါသည်။ ဗုဒ္ဓ၊ ဓမ္မ၊ သံဃ ရတနာသုံးပါးကို လေးမြတ်ကော်ရော်ပူဇော်ဖို့ ဖြစ်ပါသည်။ အကျယ်ပြန့် ဆုံးအားဖြင့် ကမ္ဘာလောကတစ်ရပ်လုံး ငြိမ်းချမ်းသာယာစေဖို့ ဖြစ်ပါသည်။

အတွေးအခေါ်ပိုင်း အရေးအသားပိုင်းတို့ တွင် အမှားတွေ့ သော် ပညာရှင်သူတော်ကောင်းတို့ သည် မေတ္တာ၊ ကရုဏာ ရှေ့ ထားလျက် လမ်းညွှန်အကြံပြုပေးပါရန် ရိုသေစွာတောင်းပန်အပ်ပါသည်။

********************

အတုမဲ့ နိုင်ငံရေးသုခမိန် မဟောသဓာ

အညတြသုတေသီတစ်ဦး

၁။ ဗုဒ္ဓတရားတော်နှင့် နိုင်ငံရေးအဓိပ္ပါယ်ညှိနှိုင်းသုံးသပ်ချက်အကျဉ်း

နိုင်ငံရေးဟူသော ဝေါဟာရကို ယေဘုယျအများအားဖြင့် အဓိပ္ပါယ်ဖွင့်ဆိုရလျင် နိုင်ငံ = နိုင်ငံတစ်ခု၊ နိုင်ငံအများ (ကမ္ဘာ၊ လောက) ၏ စား၊ ၀တ်၊ နေရေး၊ ပညာရေး၊ ကျန်းမာရေး စသည့် အကျိုးစီးပွားရေးရာ အားလုံးဟု သတ်မှတ်နိုင်ပါသည်။ ၀ိသေသအထူးအားဖြင့်မူ ကာလတစ်ကန့် တွင် နိုင်ငံသားတို့ ကို ဆင်းရဲနိမ့်ကျစေသော အဓမ္မ၀ါဒီ =အာဏာရှင်တို့ ကို တော်လှန်သောအရေးဟုဆိုနိုင်ပါသည်။ အသို့ ဆိုလျှင် နိုင်ငံရေးအဓိပ္ပါယ် သဘာဝသည် ဗုဒ္ဓတရားတော်ရှုထောင့်အရ မည်သို့ ရှုမြင်နိုင်ပါသနည်း။

ဤတွင် ပထမဦးစွာ ဗုဒ္ဓတရားတော်၏ အနှစ်သာရကို နားလည်သိမြင်စေဖို့  အထူးအရေးကြီးပါသည်။ ဗုဒ္ဓတရားတော်၏ ဦးတည်ချက်သည် သတ္တလောကကို ချမ်းသာစေဖို့ ဖြစ်ပါသည်။ လူ၊ နတ်၊ နိဗ္ဗာန် သုံးတန်သော ချမ်းသာကို ဆောင်ရွက်ပေးဖို့ ဖြစ်ပါသည်။ မဟာကရုဏာတော်ဖြင့် ထိုထိုတရားတော်မြတ် ပိဋကတ်သုံးပုံ ဟောကြားတော်မူခဲ့သော မြတ်ဗုဒ္ဓသည် ၄င်းဦးတည်ချက်ဖြည့်ဆည်းဖို့  စရိယ (၃)ပါး၊ မဟာပရိစ္စာဂ (၅)ပါး၊ ပါရမီ (၁၀)ပါးတို့ ကို ဆည်းပူးအားထုတ်တော်မူခဲ့ရသည်။ ထိုသို့ ဆည်းပူးနိုင်ခြင်း၏ အခြေခံတရားကြီး (၄)ပါးကား ဗြဟ္မာ့ဝိဟာရတရား = မေတ္တာ၊ ကရုဏာ၊ မုဒိတာ၊ ဥပေက္ခာတို့ ပါပင်တည်း။

အထက်ပါဖွင့်ဆိုချက်တို့ ကို လေးနက်စွာ ညှိနှိုင်းကောက်ချက်ချရပါလျင် နိုင်ငံရေးသည်

(၁) ဗြဟ္မာ့ဝိဟာရတရား (၄) ပါး

(၂) စရိယ (၃) ပါး

(၃) မဟာပရိစ္စာဂ (၅) ပါး

(၄) ပါရမီ (၁၀)ပါး ဟူသော ဗုဒ္ဓတရားတော်များနှင့် ညီညွတ်သက်ဝင်နေသည်ကို မုချသေချာ တွေ့ သိရပါသည်။ ယေဘုယျအားဖြင့်ဖြစ်စေ၊ ၀ိသေသအားဖြင့်ဖြစ်စေ ညီညွတ်သော အဓိပ္ပါယ်ကို ကောက်ယူနားလည်နိုင်ပါသည်။ သို့ သော် အတ္တဟိတ ကိုယ်ကျိုးကို ပဓာနမထားသော လောကကောင်းကျိုးအတွက် ဖြူစင်မြင့်မြတ်သော နိုင်ငံရေးဆောင်ရွက်ချက်ဖြစ်ဖို့ ကား အဓိကကျပါသည်။

ထို့ ပြင် ရာဇဓမ္မ = မင်းကျင့်တရား (၁၀)ပါးသည်လည်း နိုင်ငံရေးတရားပင်ဖြစ်ပါသည်။ အဘယ့်ကြောင့်နည်း။ ရာဇဟူသော ပါဠိဝေါဟာရသည် “(၁၀)ပါးသောတရားဖြင့် လောက (သူတပါး၊ အများ) ကို နှစ်သက်ရွှင်ပျော် ချမ်းသာစေသူ” ဟူ၍ အဓိပ္ပါယ်ရှိပါသည်။ ထိုအဓိပ္ပါယ်အရ နိုင်ငံ၏ ချမ်းသာမှုအတွက် ဖြူစင်စွာဆောင်ရွက်သူသည် ရာဇဓမ္မကို လိုက်နာကျင့်သုံးခြင်းပင် ဖြစ်သောကြောင့်ပါတည်း။

အသေးစိတ်ရှင်းလင်း ဖွင့်ဆိုရပါလျှင် နိုင်ငံရေးဟူသည်...

ဗြဟ္မာ့ဝိဟာရတရား (၄)ပါး

(၁) မေတ္တာ = နိုင်ငံသားတို့ ၏ ကောင်းကျိုးစီးပွားကို ဆောင်ရွက်ခြင်း

(၂) ကရုဏာ = နိုင်ငံသားတို့ ကို ဆင်းရဲအပေါင်းမှ လွတ်မြောက်အောင် ဆောင်ရွက်ခြင်း

(၃) မုဒိတာ = နိုင်ငံသားတို့ ကို ကြီးပွားတိုးတက်အောင် ဆောင်ရွက်ခြင်း

(၄) ဥပေက္ခာ = နိုင်ငံသားတို့ ၏ အကျိုးစီးပွားကို ဆောင်ရွက်ရာတွင် အဂတိကင်းစွာ နိုင်ငံ၏ လောက၊ ဓမ္မဥပဒေနှင့် ညီညွတ်စွာဆောင်ရွက်ခြင်း

စရိယ (၃)ပါး

(၁) လောကတ္ထစရိယ = လောက၊ နိုင်ငံသားတို့ ၏ ကောင်းကျိုးကို ကျင့်ဆောင်ခြင်း

(၂) ဉာတတ္ထစရိယ = အမျိုးသားတို့ ၏ ကောင်းကျိုးကို ကျင့်ဆောင်ခြင်း

(၃) ဗုဒ္ဓတ္ထစရိယ = ထိုသို့ ဆောင်ရွက်ရာတွင် မိမိအပါအ၀င် လောကသားတို့ ၏ အသိဉာဏ်တည်းဟူသော အဓိက လောကီ၊ လောကုတ္တရာ ပညာရတနာအကျိုးကို ပဓာနဦးတည် ကျင့်ဆောင်ခြင်း။

ပဟာပရိစ္စာဂ (၅)ပါး

(၁) ဓနပရိစ္စာဂ = နိုင်ငံသားတို့ ၏ ကောင်းကျိုးအတွက် ပစ္စည်းဥစ္စာများ စွန့် လွှတ်ဆောင်ရွက်ရခြင်း

(၂) ဘရိယပရိစ္စာဂ = နိုင်ငံသားတို့ ၏ ကောင်းကျိုးအတွက် မိမိဇနီးမယား စွန့် လွှတ်ဆောင်ရွက်ရခြင်း

(၃) ပုတ္တပရိစ္စာဂ = နိုင်ငံသားတို့ ၏ ကောင်းကျိုးအတွက် မိမိသားသမီးများ စွန့် လွှတ်ဆောင်ရွက်ရခြင်း

(၄) အင်္ဂပရိစ္စာဂ = နိုင်ငံသားတို့ ၏ ကောင်းကျိုးအတွက် ခြေ၊ လက်အစရှိသော ကိုယ်အင်္ဂါအစိတ်အပိုင်းများ စွန့် လွှတ်ဆောင်ရွက်ရခြင်း

(၅) ဇီဝိတပရိစ္စာဂ = နိုင်ငံသားတို့ ၏ ကောင်းကျိုးအတွက် မိမိအသက်ကို စွန့် လွှတ်ဆောင်ရွက်ရခြင်း

ပါရမီ (၁၀)ပါး

(၁) ဒါနပါရမီ = နိုင်ငံသား၊ လောကသားတို့ ၏ ကောင်းကျိုးကို ပစ္စည်းဥစ္စာစွန့် လွှတ် ကျင့်ဆောင်ခြင်း။

(၂) သီလပါရမီ = နိုင်ငံသား၊ လောကသားတို့ ၏ ကောင်းကျိုးကို ကိုယ်ကျင့်ဖြူစင်စွာ ကျင့်ဆောင်ခြင်း။

(၃) နေက္ခမ္မပါရမီ = နိုင်ငံသား၊ လောကသားတို့ ၏ ကောင်းကျိုးကို လောဘကင်းစွာ ကျင့်ဆောင်ခြင်း။

(၄) ပညာပါရမီ = နိုင်ငံသား၊ လောကသားတို့ ၏ ကောင်းကျိုးကို အသိဉာဏ်ပညာဖြင့် ကျင့်ဆောင်ခြင်း။

(၅) ၀ီရိယပါရမီ = နိုင်ငံသား၊ လောကသားတို့ ၏ ကောင်းကျိုးကို ရဲရင့်တက်ကြွစွာ ကျင့်ဆောင်ခြင်း။

(၆) ခန္တီပါရမီ = နိုင်ငံသား၊ လောကသားတို့ ၏ ကောင်းကျိုးကို သည်းခံအေးမြစွာ ကျင့်ဆောင်ခြင်း။

(၇) သစ္စာပါရမီ = နိုင်ငံသား၊ လောကသားတို့ ၏ ကောင်းကျိုးကို ဖြောင့်မတ်မှန်ကန်စွာ ကျင့်ဆောင်ခြင်း။

(၈) အဓိဋ္ဌာန်ပါရမီ = နိုင်ငံသား၊ လောကသားတို့ ၏ ကောင်းကျိုးကို ခိုင်မာပြတ်သားစွာ ကျင့်ဆောင်ခြင်း။

(၉) မေတ္တာပါရမီ = နိင်ငံသား၊ လောကသားတို့ ၏ ကောင်းကျိုးကို မေတ္တာတရားစစ်မှန်စွာ ကျင့်ဆောင်ခြင်း။

(၁၀) ဥပေက္ခာပါရမီ = နိုင်ငံသား၊ လောကသားတို့ ၏ ကောင်းကျိုးကို အဂတိကင်းရှင်းစွာ ကျင့်ဆောင်ခြင်း။

ရာဇဓမ္မ (၁၀)ပါး

(၁) ဒါန = နိုင်ငံသား၊ လောကသားတို့ ၏ ကောင်းကျိုးကို ပစ္စည်းဥစ္စာ စွန့် လွှတ်ကျင့်ဆောင်ခြင်း။

(၂) သီလ = နိုင်ငံသား၊ လောကသားတို့ ၏ ကောင်းကျိုးကို ကိုယ်ကျင့်ဖြူစင်စွာ ကျင့်ဆောင်ခြင်း။

(၃) ပရိစ္စာဂ = နိုင်ငံသား၊ လောကသားတို့ ၏ ကောင်းကျိုးကို အသက်ကိုပင် စွန့် လွှတ်ကာ ကျင့်ဆောင်ခြင်း။

(၄) အဇ္ဇ၀ = နိုင်ငံသား၊ လောကသားတို့ ၏ ကောင်းကျိုးကို ရိုးသားစွာ ကျင့်ဆောင်ခြင်း။
(၅) မဒ္ဒ၀ = နိုင်ငံသား၊ လောကသားတို့ ၏ ကောင်းကျိုးကို နူးညံ့သိမ်မွေ့ စွာ ကျင့်ဆောင်ခြင်း။
(၆) တပ = နိုင်ငံသား၊ လောကသားတို့ ၏ ကောင်းကျိုးကို မြင့်မြတ်ခြိုးခြံကာ ကျင့်ဆောင်ခြင်း။
(၇) အက္ကောမ = နိုင်ငံသား၊ လောကသားတို့ ၏ ကောင်းကျိုးကို ဒေါသတရားကင်းစင်ကာ ကျင့်ဆောင်ခြင်း။
(၈) အ၀ိဟိံသ = နိုင်ငံသား၊ လောကသားတို့ ၏ ကောင်းကျိုးကို ကရုဏာတရားဖြင့် ကျင့်ဆောင်ခြင်း။
(၉) ခန္တီ = နိုင်ငံသား၊ လောကသားတို့ ၏ ကောင်းကျိုးကို သည်းခံအေးမြစွာ ကျင့်ဆောင်ခြင်း။

(၁၀) အ၀ိရောဓန = နိုင်ငံသား၊ လောကသားတို့ ၏ ကောင်းကျိုးကို ဆောင်ရွက်ရာတွင် အများဆန္ဒသဘောထားကို လေးစားလိုက်နာလျက် ကျင့်ဆောင်ခြင်း ဟူ၍ဖြစ်ပါသည်။

အချုပ်ဆိုရပါလျှင် နိုင်ငံရေးသည် တကယ်စင်စစ် ဖြူစင်မြင့်မြတ်သော ဦးတည်ချက်ဖြင့် ဆောင်ရွက်ပါက ဗုဒ္ဓတရားတော်နှင့် ညီညွတ်သော ပါရမီဖြည့်ခြင်းဟု သတ်မှတ်နိုင်ပါပေသည်။

နိုင်ငံအရေး တို့ အရေး

နိုင်ငံရေးသည် ပါရမီဟု
ရွှင်ကြည်လေးမြတ် သိမြင်မှတ်၍
များသတ္တ၀ါ ကိုယ့်ကြောင့်သာလျှင်
ချမ်းသာအေးမြ ရွှင်ပျော်ကြဖို့ 
မြန်မာ့နွယ်ဖွား တိုင်းရင်းသားတို့ 
စိတ်ထားညီညာ သွေးစည်းကာလျှင်
မေတ္တာတွေပွား သစ္စာအားဖြင့်
ကြိုးစားအားထုတ် အလုပ်လုပ်သော်
အဟုတ်သေချာ ပြည်မြန်မာသည်
ကမ္ဘာအလယ် ဂုဏ်ရည်ကြွယ်လျက်
ဝင့်ထည်တိုးပွား ပြည်သူများလည်း
သွေးသားစဉ်ဆက် ပြုံးရွှင်မျက်နှာ
လင်းလက်စွာဖြင့် သော်တာငွေလ
ချမ်းမြေ့ကြ၍ သုခရွှေမိုး
ရွာသွန်းဖြိုးမည် အမျိုးချစ်ဖို့  ချိန်သင့်ပြီ။

နိုင်ငံရေးဟု ခေါ်မှုဝေါဟာ
ပါရမီပဲ စွဲမြဲမှတ်ပါ
မြန်မာ့နွယ်ဖွား တို့ များသူငါ
ညီညာအား ကြိုးစားရွှင်ပျော်စွာ။

နိုင်ငံရေးသည် ပါရမီ ရွှင်ကြည်မှတ်ပါလေ။
မေတ္တာပြည့်ဖြိုး နိုင်ငံကျိုး သယ်ပိုးဆောင်ရွက်လေ။
မြန်မာ့နွယ်ဖွား ညီနောင်များ စိတ်ထားညီညာစေ။
ရွှင်ပြုံးပျော်ပျော် ညီညွတ်သော် ကောင်းတော်အောင်ပွဲဝေ။
ကမ္ဘာ့မြေမှာ တို့ မြန်မာ သိက္ခာဂုဏ်ကျက်သရေ။
လပြည့်ရွှေည သော်တာလ အေးမြပုံမသွေ။
ကမ္ဘာလည်းလှ မြန်မာလှ သုခပြုံးပန်းဝေ။

အညတြသုတေသီတစ်ဦး

ရွှေရတု
အတွဲ ၉၊ အမှတ် ၉။
နိုဝင်ဘာ ၂၀၀၉

(ဆက်လက်ဖော်ပြပေးသွားပါမည်။)

အတုမဲ့ နိုင်ငံရေးသုခမိန် မဟောသဓာ အပိုင်း(၂)
အတုမဲ့ နိုင်ငံရေးသုခမိန် မဟောသဓာ အပိုင်း(၃)

ဆက်လက်ဖတ်ရှုရန်

မွေးနေ့အဆုံးလား ၊ မွေးနေ့အဖြုန်းလား

ဒကာ ၀ိမုတ္တိသုခအတွက် မွေးနေ့လက်ဆောင်ပို့လိုက်ပါတယ်
ကျန်းမာပျော်ရွှင် လင်းလက်အောင်မြင်ပါစေ

မေတ္တာဖြင့်
ဓမ္မဂင်္ဂါ
၃၁-၀၇-၂၀၁၀

မွေးနေ့အဆုံးလား ၊ မွေးနေ့အဖြုန်းလား

(၁)

ဒီနေ့က ၀ါဆိုလပြည့်ကျော်ငါးရက်နေ့ပါ။ ဗာရာဏသီ၊မိဂဒါဝုန် အတွက်ပဲဖြစ်ဖြစ်၊ ဗုဒ္ဓသာသနာတော်ကြီး တစ်ခုလုံးအတွက်ပဲဖြစ်ဖြစ်၊ ဟောဒီဘဒ္ဒကမ္ဘာကြီးတစ်ခုလုံးအတွက်ပဲ ဖြစ်ဖြစ် ထူးမြတ်လှတဲ့ နေ့ရက် ဆိုတာကိုတော့ ဓမ္မဘလော့ဂါမိတ်ဆွေ ဒကာဝိမုတ္တိရဲ့ မွေးနေ့ပြက္ခဒိန်ကို လှန်လှောမိမှ သိလိုက်ရတာပါ။ ဒီနေ့ ဘာနေ့ပါလိမ့်ပေါ့။

ပြက္ခဒိန်ဆိုတာကလည်း စာရွက်ကြီးတွေကို လှန်လှောစရာမလိုဘူး၊ ဂျီတော့ခ်အွန်လိုင်းပေါ်က အဖြူရောင်မေတ္တာ မောင်ဖိုးသားကို “ ဒီနေ့ ၀ါဆိုလပြည့်ကျော် ဘယ်နှစ်ရက်တုန်းဟ” လို့ မေးလိုက်ရုံနဲ့ လုံလောက်သွားပါတယ်။ ၀ါဆိုလပြည့်ကျော် (၅) ရက်ပေကိုး။ တစ်နှစ်တာ ဓမ္မဂင်္ဂါစီးဆင်းမှုအတွင်း ရဟန်းမိတ်ဆွေ၊ လူပုဂ္ဂိုလ်မိတ်ဆွေအချို့နဲ့ သိကျွမ်းခွင့်ရခဲ့ပါတယ်။ အနည်းစုလေးပါ။

ဒကာ ၀ိမုတ္တိ၊ အဖြူရောင်မေတ္တာ၊ သစ္စာအလင်းနဲ့ အခြားလူပုဂ္ဂိုလ် ဘလော့ဂါအနည်းစုနဲ့ အွန်လိုင်းမှာလည်း စကားပြောဖြစ်ခဲ့ပါတယ်။ ဓမ္မဂင်္ဂါကို မောင်ဖိုးသားက ပြုပြင်လေးလိုက်၊ သူက ပြန်ဖျက်လိုက်နဲ့ ဂင်္ဂါမျက်နှာပြင် အမျိုးမျိုးပြောင်းခဲ့ပါသေးတယ်။ ခုတော့ ထေရ၀ါဒဗုဒ္ဓ ဘာသာလူငယ်များက ဒကာလေးတစ်ဦးက ဂင်္ဂါစီးကြောင်းပြင်ဖို့ အားထုတ်နေပါတယ်။

ဒကာဝိမုတ္တိကတော့ ဧဟိ သွာဂတံ နဲ့ဆိုင်တဲ့ အဖွဲ့ရေးရာ ကိစ္စရပ်မျိုးတွေမှာ ဆွေးနွေးတိုင်ပင်ရင်း အကူအညီတွေ အလှူခံဖြစ်ပါတယ်။ ဒကာ ၀ိမုတ္တိကို အကြောင်းပြုပြီး မာတာဆိုတဲ့ ဆွမ်းဟင်းချက်ကပ်မယ့် ဒကာမကြီးတစ်ဦးနဲ့လည်း သိခဲ့ရပါသေးတယ်။ ဘာပဲဖြစ်ဖြစ် အရေအတွက်မများပေမယ့် မများတဲ့ အရေအတွက်လေးက ကျောရိုးခိုင်ခိုင်ရှိခဲ့ပါတယ်။

(၂)

ဒီနေ့(၃၁-၀၇-၂၀၁၀)က ဒကာဝိမုတ္တိရဲ့ မွေးနေ့ပါ။ ပြီးတော့ ဒီနေ့က မြန်မာ့ပြက္ခဒိန်မှာ ၀ါဆိုလပြည့်ကျော်ငါးရက်မို့ မိဂဒါဝုန်ညတစ်ညကို သတိရပါသေးတယ်။ (သူနေတဲ့ အခန်းလေးက မိဂဒါဝုန်မှာ ရှိပါတယ်)။ ဗုဒ္ဓအရှင်က ၀ါဆိုလပြည့်ညမှာ ဓမ္မစက်ကို လှည့်ပါတယ်။ ပဉ္စ၀ဂ္ဂီငါးဦး တစ်နေ့ကို တစ်ပါးနှုံး တရားတော်ကို နားလည်သွားပါတယ်။ ဘဒ္ဒကမ္ဘာရဲ့ တရားဦးပွင့်တဲ့ ဝေစုရနေ့တွေပါပဲ...။ ၀ါဆိုလပြည့်ကျော်လေးရက်နေ့မှာ နိဗ္ဗာန်လှေကားဦးမှာ ပဉ္စ၀ဂ္ဂီငါးဦး ထူးထူးမြတ်မြတ် ရပ်မိသွားပါတယ်။ သစ္စာလေးပါးနဲ့ မဂ္ဂင်ရှစ်ပါး ၊မဇ္ဈိမပဋိပဒါဆိုတဲ့ စကားလုံးတွေ ပဲ့တင်ထပ်သွားတဲ့ နေရက်တွေပါပဲ။

ပရိုဂျက်တာ မလိုဘဲ သစ္စာကို လမ်းညွှန်ပြတဲ့ ဗုဒ္ဓအရှင်ရဲ့ လက်ဟန်အနေအထားကို ဖူးဖူးကြမှာပါ..။ အစပိုင်းမှာ ဗုဒ္ဓအရှင်ရဲ့ ဘုရားအဖြစ်ကို လက်မခံလိုကြတဲ့ ပဉ္စ၀ဂ္ဂီငါးဦးဟာ ခုတော့ မော့လို့ ပြုံးလို့ ကြည်လို့....။ အစွန်းနှစ်ပါးကို ပယ်လိုက်ကြပြီ၊ မဇ္ဈိမလမ်းကို လျှောက်ကြပြီ....။ သစ္စာကို သိကြပြီ။ ဒါပေမယ့် တစ်သံသရာလုံး ကူးခတ်နစ်မြုတ်ခဲ့ပြီးတဲ့ အတ္တပင်လယ်ကြီးထဲမှာ အတွေးအခေါ်တွေက ငန်နေကြတုန်းပါ။ ခန္ဓငါးပါးမှာ ဥပါဒါန်အစွဲတွေ အစွန်းထင် နေကြတုန်းပါ...။ပဉ္စ၀ဂ္ဂီတို့ရဲ့ အဇ္ဈတ္တပေါ်က အစွန်းတွေ ချွတ်ဖို့ ဗုဒ္ဓအရှင်ဟာ ဒေသနာဉာဏ်တော်ကွန့်မြူးရပါတော့တယ်။

ဝါဆိုလပြည့်ကျော် (၅)ရက်မှာ အနတ္တလက္ခဏသုတ်ဒေသနာတော် လင်းခဲ့ပါတယ်။ ဒီဒေသနာဟာ ဗုဒ္ဓအရှင်ရဲ့ အနတ္တဒေနာကြေငြာစာတမ်း( Manifesto) ဖြစ်ခဲ့ပါရောလား။ မဇ္ဈိမပဋိပဒါနဲ့ သစ္စာလေးပါးကို လွယ်လွယ်ခေါင်း ညိတ်နိုင်ပေမယ့် အနတ္တဒေသနာကတော့ ခါးပါတယ်။ ဥပါဒါန်ရောဂါမှန်သမျှ ပျောက်ကင်းစေနိုင်တဲ့ ဆေးခါးကြီးပါပဲ။ အတွင်းသားကို ထိပါတယ်၊ ရောဂါပိုးကို ဖိပါတယ်။ ပုထုဇဉ်ဆိုတဲ့ သဘောက ကိုယ်ပိုင်အတ္တလေးကို မွေးမြူနေရတာလေ။ ပိုးမွေးသလို မွေးထားရတဲ့ အတ္တလေးကိုမှ ရောဂါပိုးလုပ်ခံလိုက်ရတော့ အနတ္တဒေသနာကို လူတိုင်းမကြိုက်နိုင်ဘူးပေါ့။ ဉာဏ်ရင့်သူနဲ့ နှလုံးသားကြီး သူတွေသာ နားလည်နိုင်သော တရားပေပဲ။

တန်ဆောင်မုန်းလပြည့်ညကို ဆေးပေါင်းခတဲ့ ညလို့ ပြောကြတယ်။ ၀ါဆိုလပြည့်ကျော် ငါးရက်ကတော့ စကြာဝဠာဆိုင်ရာဆေးခါးကြီးနေ့ပဲ ဖြစ်ပါတယ်။ အဒီနေ့မှာ ဒကာဝိမုတ္တိကို မွေးဖွားခဲ့ပါသတဲ့..။ အနတ္တလက္ခဏသုတ်တော်ကို ဆရာတော်ဦးဗုဓ်ကတော့ ဒီလိုမွှမ်းခဲ့ပါလေရဲ့။

(က) ဓမ္မစက္ကံ ပဝတ္တေတွာ၊ အာသဠှိယံ ဟိ ပုဏ္ဏမေ။ နဂရေ ဗာရာဏသိယံ၊ ဣသိပတနဝှယေ ဝနေ။
(ခ) ပါပေတွာဒိ ဖလံ နေသံ၊ အနုက္ကမေန ဒေသယိ။ ယံ တံ ပက္ခဿ ပဉ္စမျံ၊ ဝိမုတ္တတ္ထံ ဘဏာမ ဟေ။

(က) မြတ်စွာဘုရားသည် ဝါဆိုလပြည့်နေ့တွင် ဗာရဏသီပြည်၏အနီး ဣသိပတနခေါ် မိဂဒါဝုန်တော၌ ပဉ္စဝဂ္ဂီအမည်ရှိကုန်သော ကောဏ္ဍည၊ ဝပ္ပ၊ ဘဒ္ဒိယ၊ မဟာနာမ်၊ အဿဇိ ရဟန်းငါးဦးတို့အား ဓမ္မစကြာဒေသနာတော်ကို ဟောတော်မူ၍ –

(ခ) နေ့ရက်အစဉ် ထေရ်စဉ်ဝါလိုက် သောတာပတ္တိဖိုလ်သို့ ဆိုက်ရောက်စေတော် မူပြီး၍ ဝါဆိုလပြည့်ကျော်(၅)ရက်မြောက်သောနေ့၌ ထိုပဉ္စဝဂ္ဂီငါးဦးတို့၏ အရဟတ္တဖိုလ်အကျိုးငှာ အနတ္တလက္ခဏသုတ်ကို ဆက်၍ဟောတော်မူပြီ ထိုအနတ္တလက္ခဏသုတ်ကို အို- သူတော်ကောင်းတို့ အကျွန်ုပ်တို့သည် ရွတ်ဆိုပွားများကြပါကုန်စို့။

(၃)

တကယ်တော့ အနတ္တဒေသနာဆိုတာက အတ္တကပ်ငြိစွဲလမ်းနေတဲ့ ခန္ဓာငါးပါးအတွေးအခေါ်တွေကို ပန်းဂေါ်ဖီထုပ်ကို ခွာချသလို အနှစ်အသားမရှိကြောင်း ဖွင့်ချတဲ့ တရားပါ..။ ပန်းဂေါ်ဖီထုပ်ကို ကဗျာဆရာတက္ကသိုလ်မင်းမော်က ဒီလိုလေးခွာချဖူးတာ မှတ်မိပါသေးတယ်။

သူငယ်ချင်း
မင်းသူ့မျက်နှာကြည့်
သူ့ရဲ့ရုပ်ကား
မပုပ်တပုပ် ဂေါ်ဖီထုပ်လို
ပထမအလွှာ တစ်ထပ်ခွာကြည့်
ဒုတိယအလွှာ...

ဒုတိယအလွှာ တစ်ထပ်ခွာကြည့်
တတိယအလွှာ...

တတိယအလွှာ တစ်ထပ်ခွာကြည့်
စတုတ္ထအလွှာ....
(ငယ်ငယ်တုန်းက ဖတ်ဖူးတဲ့ ကဗျာမို့ မှားရင်ပြင်ကြကုန်)

ဂေါ်ဖီထုပ်ဆိုတာက ခွာကြည့်တော့လည်း အလွှာတွေပဲ တွေ့ရပေတာကိုး။ အနှစ်အသားတော့ မရှိဘူး၊ အတ္တနဲ့ တူတဲ့ အူတိုင်ကြီးတော့ ရှိပါရဲ့။ အသုံးမကျ...။ အော် အနတ္တပါတကား...။

အနတ္တဒေသနာကို နာယူရင်း ဉာဏ်အလင်းပွင့်သွားတဲ့ ပဉ္စ၀ဂ္ဂီရဟန်းမြတ်တွေကို ဗုဒ္ဓအရှင်က ဒီလို ဂုဏ်ပြုစကားဆိုပါတယ်။ ဓမ္မစကြာတရားကို နာယူရလို့ သောတာပန်အရိယာဖြစ်ပြီးသားကိုယ်တော်ကြီးတွေ အခု အနတ္တကို သိမြင်ပြီး ရဟန္တာအစစ်တွေ ဖြစ်ကုန်တာကလား။

“ဧဝံ ပဿံ ဘိက္ခဝေ သုတဝါ အရိယသာဝကော ရူပသ္မိမ္ပိ နိဗ္ဗိန္ဒတိ၊ ဝေဒနာယပိ နိဗ္ဗိန္ဒတိ၊ သညာယပိ နိဗ္ဗိန္ဒတိ၊ သင်္ခါရေသုပိ နိဗ္ဗိန္ဒတိ၊ ဝိညာဏသ္မိမ္ပိ နိဗ္ဗိန္ဒတိ။ နိဗ္ဗိန္ဒံ ဝိရဇ္ဇတိ။ ဝိရာဂါ ဝိမုစ္စတိ။ ဝိမုတ္တသ္မိံ ဝိမုတ္တမီတိ ဉာဏံ ဟောတိ။ ခီဏာ ဇာတိ။ ၀ုသိတံ ဗြဟ္မစရိယံ။ ကတံ ကရဏီယံ။ နာပရံ ဣတ္ထတ္တာယာတိ ပဇာနာတိ။

ရဟန်းတို့ ဤသို့ ရှုသော အကြားအမြင်ရှိသော အရိယာတပည့်သည် ရုပ်၌လည်း ငြီးငွေ့၏၊ ဝေဒနာ၌လည်း ငြီးငွေ့၏၊ သညာ၌လည်း ငြီးငွေ့၏၊ သင်္ခါရတို့၌လည်း ငြီးငွေ့၏၊ ဝိညာဏ်၌လည်း ငြီးငွေ့၏၊ ငြီးငွေ့သော် စွဲမက်မှုကင်း၏၊ စွဲမက်မှုကင်းခြင်းကြောင့် (ကိလေသာမှ) လွတ်မြောက်၏၊ (ကိလေသာမှ) လွတ်မြောက်သော် (ကိလေသာမှ) လွတ်မြောက်ပြီဟု အသိဉာဏ်ဖြစ်ပေါ်၏၊ ပဋိသန္ဓေ နေမှုကုန်ပြီ၊ အကျင့်မြတ်ကို ကျင့်သုံးပြီးပြီ၊ ပြုဖွယ်(မဂ်)ကိစ္စကို ပြုပြီးပြီ၊ ဤမဂ်ကိစ္စအလို့ငှာ တစ်ပါးသောပြုဖွယ် မရှိတော့ပြီဟု ဟောတော်မူ၏။

So seen, Bhikkhus, the well taught noble disciple is disgusted with matter, disgusted with feeling, disgusted with perception, disgusted with mental formation, disgusted with consciousness. So being disgusted, he is dispassionate. Through dispassion, he is free from craving. When he is freed, he knows that it is freedom. Further he knows that birth is ended. The Holy life has been lived. What was to be done has been done. Nothing further has to be done for this noble path.”

ဗုဒ္ဓအရှင်ရဲ့ စကားတော်ထဲမှာ ခန္ဓာငါးပါးကို ငြီးငွေ့ရင် အစွဲအလမ်းကင်းသွားမယ်၊ အစွဲလမ်းကင်းရင် ကိလေသာက လွတ်မြောက်မယ်၊ ကိလေသာက လွတ်မြောက်ရင်တော့
၁-ခီဏာ ဇာတိ (မွေးနေ့ဆုံးပြီ)(ပဋိသန္ဓေနေမှု ကုန်မှတော့ မွေးနေ့တွေ ကျင်းပဖို့မလိုပြီ)
၂-၀ုသိတံ ဗြဟ္မစရိယံ( သူတော်ကောင်း စာမေးပွဲအောင်ပြီ)
၃-ကတံ ကရဏီယံ (အလုပ်စခန်းသိမ်းပြီ)
၎-နာပရံ ဣတ္ထတ္ထာယ (အချိန်ပို အလုပ်ဆင်းစရာ မလိုတော့ပြီ) (No OT တဲ့...။)

ဒကာ ၀ိမုတ္တိကတော့ နာမည်အလိုအရ လွတ်မြောက်ပြီးသားမို့ မွေးနေ့ တွေ အဆုံးသတ်မှာလား...
သံသရာထဲမှာ ပေါပေါလောလော မွေးနေ့တွေ ဖြုန်းတီးဦးမှာလား လို့ပဲ ခပ်စပ်စပ်လေး မေးလိုက်ပါတော့တယ်။

ဓမ္မဂင်္ဂါ
၃၁-၀၇-၂၀၁၀

အထူးစာကြွင်း၊ ရှင်မဟာနမ် သောတာပန်ဖြစ်တဲ့ နေ့မှာ မွေးဖွားတဲ့ မာတာ့ကိုလည်း ရည်ညွှန်းလိုက်ပါကြောင်း။ မွေးနေ့များ ငြိမ်းကြစေသတည်း။

----------------------------------

တပည့်တော်တို့ အတွက် မွေးနေ့ ဆောင်းပါးကို အထူးတလည် သတ်သတ်မှတ်မှတ်ရေးပို့ ပေးသနားတော်မူတဲ့ ဘုန်းဘုန်း ဓမ္မဂင်္ဂါ ကိုယ်တော်ကို ကျေးဇူးအထူးတင်ပါတယ်ဘုရား။ မွေးနေ့ မှာ အင်မတန်မွန်မြတ်ပြီး တန်ဖိုးမဖြတ်နိုင်တဲ့ ဓမ္မလက်ဆောင် ချီးမြှင့်ပေးလို့  ဖော်မပြနိုင်အောင် ကြည်နူးဝမ်းသာရပါတယ်ဘုရား။

ရိုသေစွာဖြင့်
ဝိမုတ္တိသုခ

ဆက်လက်ဖတ်ရှုရန်

ဘုရားရှင်ရဲ့ Swimmology

ဒီနေ့ ဘုန်းကြီးကျောင်း ဆွမ်းသွားကပ်တော့ ကျောင်းကဦးဇင်းက တရားတိုလေးတစ်ပုဒ် ဟောလိုက်တယ်။ ရိုးရိုးရှင်းရှင်းလေးပါဘဲ။ ဦးဇင်းဟောတာလေး အတိုချုံးပြောရရင်...
...ဒါနပြုကြတဲ့သူ အမျိုးအစား (၄) မျိုးရှိပါတယ်တဲ့။

• ပထမအမျိုးအစားက ရှိလို့ လှူတာပါတဲ့။ သူ့ မှာ ရှိနေလို့  (သို့ ) ပိုနေလို့  သူများကို လှူတာပါ။ အဲဒီအလှူမျိုးကို မြတ်စွာဘုရားက မချီးမွှမ်းပါဘူးတဲ့။
• ဒုတိယ တစ်မျိုးက ရှိဖို့ လှူတာပါတဲ့။ မရှိလို့ မလှူ၊ မလှူလို့ မရှိ ဆိုတဲ့စကားကြောင့် ရှိချင်ကြတာနဲ့  လှူကြတယ်တဲ့။ အဲဒီအလှူမျိုးကိုလည်း မြတ်စွာဘုရားက မချီးမွှမ်းပါဘူးတဲ့။
• တတိယတစ်မျိုးက သိဖို့  လှူတာတဲ့။ သံဃာတော်တွေဟာ ပရိယတ္တိဝန်တွေ ပဋိပတ္တိဝန်တွေကို ဆောင်ပြီးနေကြတယ်။ သူတို့ သိထားတဲ့တရားမျိုး ငါလည်း သိချင်လိုက်တာဆိုတဲ့ စိတ်ဆန္ဒနှင့် လှူကြတယ်တဲ့။ အဲဒီအလှူမျိုးကိုတော့ မြတ်စွာဘုရားက ချီးမွှမ်းပါတယ်တဲ့။
• နောက်ဆုံးတစ်မျိုးကတော့ သိလို့ လှူတာပါတဲ့။ ဒါနရဲ့ ကောင်းကျိုးတရားကို တကယ်နားလည်သိရှိသဘောပေါက်သွားတဲ့အတွက်ကြောင့်မို့ လို့  လှူဒါန်းမှုပြုကြတဲ့သူတွေတဲ့။ အဲဒီလိုပုဂ္ဂိုလ်မျိုးရဲ့ အလှူကိုလည်း မြတ်စွာဘုရားရှင်က ချီးမွှမ်းပါတယ်တဲ့။

ဦးဇင်းကဆက်ပြီး သြဃတရဏသုတ် ကို ခပ်ကျဉ်းကျဉ်းလေး ဆက်ဟောပါတယ်။ (စကားချပ်။ ။ သုတ်တော်အကျယ်နှင့် ရှင်းလင်းချက်တွေကတော့ ပို့ စ်တင်ထားပြီးသားမို့ လို့  ထပ်ပြီး ဒီမှာ မပြောပြတော့ပါဘူး။) အဓိကကတော့ ငြိမ်ပြီးကူးရင်မြှုပ်မယ်။ အဲဒါက အကုသိုလ်လုပ်တဲ့သူတွေက အပါယ်ဂတိကို သွားရတတ်တယ်ဆိုတဲ့သဘော။ လှုပ်ပြီးကူးရင်မျောမယ်။ အဲဒါက ခုန ပထမနှင့်ဒုတိယအမျိုးအစားဒါနကုသိုလ်ရှင်တွေကို ရည်ညွှန်းတယ်။ နောက်ဆုံးကတော့ မငြိမ်မလှုပ်ကူးနည်းပေါ့။ ဒါကတော့ တတိယနှင့် စတုတ္ထအမျိုးအစားဒါနကုသိုလ်ရှင်တွေကို ရည်ညွန်းတယ် ဆိုပြီး သုတ်တော်ကို ကောက်ချက်ဆွဲပါတယ်။

နောက်ဆုံးတစ်ခုဆက်ဟောတာကတော့ သံဃာမှာ ဒုဿီလမရှိဘူးလို့ ဘုရားရှင်ဟောခဲ့တယ်တဲ့။ အခုဆို ဘယ်ဘုန်းကြီးက ၀ိနည်းနှင့်မညီဘူး။ ဘယ်ဘုန်းကြီးကတော့ဖြင့် ဘာတွေလုပ်နေပြန်ပြီစသည်ဖြင့် အမျိုးမျိုး အသံတွေထွက်ကြတယ်တဲ့။ အဲဒီတော့ အဲဒီလိုမျိုး ကိုယ်မကြည်ညိုနိုင်တဲ့ ဘုန်းကြီးတွေနှင့် ပတ်သက်ရ၊ လှူဒါန်းရတဲ့အခါတွေမှာ ပုဂ္ဂိုလ်အဖြစ် မမြင်ဘဲနဲ့  သံဃာလို့  သံဃာ့အဖွဲ့ အစည်းတစ်ခုလုံးကို အာရုံပြုပြီး မိမိအတွက် ကောင်းမှုလယ်ယာမျိုးစေ့ကို စိုက်ပျိုးပါလို့  မိန့် ကြားပြီး တရားနိဂုံးချုပ် ရေစက်ချ အမျှဝေပေးပါတယ်။



တရားအပြီး ကိုယ့်ဖာသာ စပ်ဆက်ပြီးတွေးဖြစ်တာကတော့ တခါက ပို့ စ်တင်ဖူးတဲ့ ပရောဖက်ဆာနှင့်သဘောင်္သားပုံပြင်ထဲကလို ရေကူးနည်းကို မလေ့လာခဲ့တဲ့ ဆရာခမျာ ပင်လယ်ထဲသင်္ဘောပျက်တော့ ရေနစ်ဖို့ ဖြစ်ခဲ့ရသလို သံသရာခရီးမှာလည်း ရေကူးနည်းမတတ်ရင် တခြားဘာတွေဘယ်လောက်တတ်တတ် မျောရမြှုပ်ရမှာပါလားလို့ ....။

မြတ်စွာဘုရားရှင်ကိုယ်တော်မြတ်ကြီးသာ ပွင့်မလာခဲ့ဘူးဆိုရင် လောကမှာ အနတ္တတရားဆိုတာရှိပါလားလို့  သိခွင့် ကျင့်သုံးနားလည်ခွင့်ကို လောကသားတွေ ရကြမှာမဟုတ်ပါဘူး။ အရှင်မြတ်ကြီး ဟောကြားခဲ့လို့ သာပေါ့။ အနတ္တဆိုတာ ဘာဆိုတာ နားလည်ဖို့  အရှင်မြတ်ကြီးပြောပြ ဟောပြခဲ့တဲ့ ရေကူးနည်းနဲ့ ပမာတူတဲ့ တရားတွေရှိလို့ သာ ခံသာတော့တယ်လို့  တွေးရင်း.....။

ဒီနေ့ က ပဉ္စ၀ဂ္ဂီ(၅)ဦးကို အရှင်မြတ်ကြီးက အနတ္တလက္ခဏာသုတ်ဟောကြားတော်မူတဲ့နေ့ ဖြစ်နေတာရော၊ ဇူလိုင် (၃၁)ရက် ဖြစ်နေတာရော နှစ်ခုပေါင်းပြီး ဓမ္မမိတ်ဆွေများအားလုံးကို အမှတ်တရဓမ္မလက်ဆောင်ပေးလိုက်ပါတယ်။

ရွှင်လန်းချမ်းမြေ့ကြပါစေ။

လေးစားစွာဖြင့်
ဝိမုတ္တိသုခ

ဆက်လက်ဖတ်ရှုရန်

ကျဲကောင်းကျဲမည့် သကာရည်

မွေးနေ့ အမှတ်တရအဖြစ် ဓမ္မညီငယ် ဖိုးသား(ကိုပြည့်စုံအောင်) (အဖြူရောင်မေတ္တာ)က ပေးတဲ့ လက်ဆောင်ပို့ စ်လေးပါ။ အားလုံးဖတ်လို့ ရအောင် ပြန်လည်ဝေမျှလိုက်ပါတယ်။ မွေးနေ့ လက်ဆောင်ပေးတဲ့ ညီငယ်ဖိုးသားကိုလည်း ကျေးဇူးအထူးတင်ပါတယ်။

*ကျဲကောင်းကျဲမည့် သကာရည်*

မင်္ဂလာပါ ဓမ္မမောင်နှမတို့.. ဒီစာစုလေးဟာ (31.07.2010) ရက်နေ့မှာ ကျရောက်တဲ့ မွေးနေ့ရှင် ကိုဝိမုတ္တိသုခ အတွက် မွေးနေ့ လက်ဆောင်အဖြစ် ရည်ရွယ် ရေးသားထားတာပါ။ သို့ပေမယ့်လည်း စာရှုသူအားလုံးကို ဖတ်စေချင်တဲ့ အတွက် ဘလော့ စာမျက်နှာပေါ် တင်ပေးလိုက်ပါတယ်.. ဖရန်စစ် ဘေကွန်ရဲ့ စာဖတ်ခြင်းဟာ ပြည့်ဝစေတယ် ဆိုတဲ့ စကားကို သတိမူမိရင်ဖြင့် စာရှုသူ သင့်အနေနဲ့ နှလုံးသွင်း ကောင်းကောင်းနဲ့ ဖတ်နိုင်ပါလိမ့်မယ်..။

~~~~~~~~~~~~~~~~~~~~~~~~~~

အစ်ကိုရေ..

ကြည်လင် အေးမြသော မွေးနေ့ပါ။ မနှစ်က ညီ့မွေးနေ့တုန်းက အစ်ကိုက ပုံပြင်တွေ ပြောပြပြီး အသိတွေပေးခဲ့ သလို ညီကလည်း အစ်ကို့မွေးနေ့ ရောက်တော့ အစ်ကို့နည်းကို ပြန်မှီပြီး ပုံပြင်နှစ်ပုဒ် ပြန်ပြောပြမိတယ်.. ဒီနှစ် ညီ့မွေးနေ့မှာတော့ အစ်ကိုက ဖတ်ဖြစ်ခဲ့တဲ့ စာအုပ်တွေ ထဲက မှတ်သားဖွယ်ရာတွေကို ထုတ်နုတ်ရေးသားပြီး လက်ဆောင် အဖြစ် ပေးခဲ့ပြန်တယ်..။ အဲ.. အစ်ကို့ မွေးနေ့ကျတော့ ညီဘာ ပြန်ပေးရမလဲ စဉ်းစားတော့ ဟဲ ဟဲ ငါကြင်းဆီနဲ့ ငါကြင်း ပြန်ကြော်တယ်ပဲ ပြောရမလား.. ဒါမှ မဟုတ် အလှူ့လက်ဖက်နဲ့ ဧည့်ခံတယ်ပဲ ဆိုရမလား.. မနှစ်ကလိုပဲ အစ်ကို့နည်းကို ပြန်တုလို့ ညီ ဖတ်ဖူးခဲ့တဲ့ စာအုပ်တွေ ထဲက မှတ်သားမိတာတွေကို ညီ့အတွေးတွေနဲ့ ရောမွှေ သမပြီး ရေးမယ်လို့ စိတ်ကူးလိုက်တယ် အစ်ကို..

တစ်ခု ရှိတာက ညီဖတ်ခဲ့တဲ့ စာအုပ်တွေက ၂၀၀၇ ခုနှစ် အစောပိုင်းလောက် ညီ ဘာသာရေးနဲ့ အလှမ်းဝေးတုန်းက ဖတ်ခဲ့တဲ့ စာအုပ်တွေ ဆိုတော့.. ဘာသာရေး နယ်ပယ်က စာအုပ်တွေနဲ့တော့ ယှဉ်လို့ မရပါဘူး.. ဒါပေမယ့်လည်း အဲဒီ စာအုပ်တွေထဲက မှတ်သားခဲ့တဲ့ အကြောင်းအရာတွေကိုပဲ ညီသိထားတာတွေနဲ့ ထပ်ချဲ့လို့ ကြိုးစားပြီး တွေးပေး ရေးပေးလိုက်ပါတယ် အစ်ကိုရေ.. သိပြီးသားတွေ ပါခဲ့ရင်လည်း နာဖူးထပ်မံ ပေါ့ အစ်ကိုရာ..

ပထမဆုံး ဟိုလှန်ဒီလှန်နဲ့ သဘောကျမိတဲ့ စာကြောင်းလေးက

“လောကမှာ မှားတဲ့ ကလေးသူငယ်ရယ်လို့ တစ်ယောက်မှ မရှိဘူး ခင်ဗျ၊ မှားတဲ့ လူကြီးသူမ တွေပဲ ရှိတယ်” တဲ့။ ကဲ.. ဘယ်လို လုပ်ကြမလဲ အစ်ကိုရေ.. ဆရာ အတ္တကျော်ရဲ့ သက်ငယ်စကား စာအုပ်ထဲက ရေးသားချက်.. လူလတ်ပိုင်းဝင် လူကြီးပိုင်း နီးနေတဲ့ ညီတို့ အစ်ကိုတို့ကို တည့်ခွပ်လိုက်တဲ့ အတိုင်းပဲနော..

ဒါပေမယ့် ညီ ဒီစာကြောင်းလေး ပြန်ဖတ်မိတော့ ပြုံးမိတယ်.. ဘာလို့လဲ ဆိုတော့ ဟို တစ်နေ့ကပဲ ကလေး တရားတွေ အဟောများတဲ့ ဆရာတော် အရှင်အာစာရာ လင်္ကာရ ရဲ့ ကလေးတရား တစ်ပုဒ် နာမိလိုက်တယ်.. သင်္ဃန်းကျွန်းက စာသင်ကျောင်း တစ်ကျောင်းမှာ ဟောခဲ့တဲ့ တရားပါ။ တရားထဲမှာ ဆရာတော်က ကျောင်းက ဆရာမတွေက ကလေးတွေ ဆိုးတယ် ဆိုးတယ် ပြောတော့ ကလေးနဲ့ လူကြီး ဘယ်သူက ပိုဆိုးလဲကို ယှဉ်ပြီး ဟောပြသွားတာ.. ကျန်တဲ့သူတွေတော့ မသိဘူး.. ညီ့အတွက်တော့ တစ်ချက်ဟောတိုင်း တစ်ချက် ပြုံးမိသလို တစ်သက်စာ မမေ့နိုင်တဲ့ အတွေးတွေလည်း ရလိုက်တယ် အစ်ကို.. အစ်ကို့ကို နှစ်ချက် သုံးချက်လောက် ညီပြောပြဦးမယ်..

ငါးနှစ်အရွယ် ကလေးတစ်ယောက်နဲ့ အသက် ၅၀ အရွယ် လူကြီးတစ်ယောက်.. ဘယ်သူက အရက်သောက်သလဲ တဲ့.. ဒီအမေးနဲ့တင် လူကြီး ဆိုးကြောင်း တစ်ချက်တော့ ပေါ်သွားတယ် ထင်တာပဲ အစ်ကို..

နောက်တစ်ချက်က ငါးနှစ် အရွယ် ကလေး တစ်ယောက်နဲ့ အသက် ၅၀ အရွယ် အဘွားကြီး တစ်ယောက် ဘယ်သူက နှစ်လုံး ထိုးသလဲတဲ့.. လူကြီး သူမတွေကို ဆရာတော်က နှိပ်ကွပ်လိုတာ မဟုတ်ဘဲ လူကြီးတွေ ဆင်ခြင်နိုင်အောင် ခပ်ဆတ်ဆတ်လေး ဆုံးမသွားတာပဲ အစ်ကို.. နောက်တစ်ခုက အစ်ကို့ရဲ့ ပုံပြင်ထဲကလို ကလေးကို အချိုမစားစေချင်ရင် သွန်သင်မယ့် လူကြီးကိုယ်တိုင်ကလည်း အချိုမစား သင့်ဘူးဆိုတာကို မီးမောင်း ထိုးပြ သွားသလိုပါပဲ အစ်ကိုရေ..

ဒီစာရေးရင်း ညီ စဉ်းစားမိသွားတာက ဆရာ အတ္တကျော် ပြောသလိုပဲ ကလေးဘ၀က အပြစ်ကင်းခဲ့ အပြစ်နည်းခဲ့တဲ့ ညီတို့တစ်တွေ ခုများကျမှ လူကြီးစရိုက်ဝင်လို့ လူကြီးမိုက်တွေများ ဖြစ်နေကြသလားလို့..

ဒီနေရာမှာ ဆရာတော် ဆက်ဟောသွားတာက ကလေးဆိုတာ မဆိုးပါ၊ ကလေးဆိုတာ နားမလည်တာ၊ နားလည်သွားအောင် ပြောပြပါဆိုပြီး လင်္ကာလေးနဲ့ ဆုံးမသွားတယ် အစ်ကိုရေ..

နားလည်သွားအောင် ဆိုလို့.. သတိရမိတာလေး ညီ ဆက်ရေးလိုက်ဦးမယ်.. နည်းနည်းတော့ ရှည်သွားမယ် ထင်တယ်.. လူကြီးသူမတွေ ကလေးတွေကို နားလည်သွားအောင် ဆိုဆုံးမရာမှာ ရိုက်ပြီး ဆုံးမတဲ့ သူတွေက ခပ်များများ အစ်ကို.. အစ်ကိုလည်း ငယ်ငယ်က အရိုက်ခံဖူးမယ် ထင်တယ်.. ညီလည်း အရိုက်ခံဖူးတာပဲ.. ဒါပေမယ့် ညီထင်ပါတယ် အရိုက်ခံရတာကို ကြိုက်ပါတယ် ဆိုတဲ့လူတော့ မရှိပါဘူး အစ်ကိုရေ..

အရိုက်ခံရတာနဲ့ ပတ်သတ်လို့ အရိုက်ခံရတဲ့ အချိန် စဉ်းစားကြည့်ပေါ့ အစ်ကိုရာ.. အစ်ကို သိပြီးသားတွေပါပဲ.. ရိုက်တဲ့သူ ဘက်က စစဉ်းစားကြည့်ရင် ရိုက်တဲ့သူရဲ့ သန္တာန်မှာ အဲဒီအချိန် ဘာဖြစ်နေမလဲ အစ်ကို.. ဝေးဝေး တွေးစရာတော့ မလိုပါဘူး.. အကုသိုလ်စိတ်ပဲ ဖြစ်နေမှာ.. အရိုက်ခံရတဲ့သူ ဘက်ကကော.. အကုသိုလ်စိတ်ပဲ..
အဲတော့ စိတ်ရဲ့ ပျက်နှုန်းက လက်ဖျစ်တစ်တွတ်ကို ကုဋေ တစ်သိန်းကျော်၊ ရုပ်ရဲ့ ပျက်နှုန်းက ကုဋေ ငါးထောင်ကျော် ဆိုတော့.. အားပါးပါး အစ်ကိုရေ.. အရိုက်ခံရတာ နှစ်မိနစ်လောက်ပဲ ထားကြည့်လိုက်.. ကုဋေတစ်သိန်း၊ ကုဋေငါးထောင်နဲ့ မြှောက်လိုက်ရင် နည်းနည်းနောနော အကုသိုလ်တွေမှ မဟုတ်ဘဲ..

ဟော.. ဒီအကြောင်းကို အတုမရှိ သိတော်မူတဲ့ မြတ်စွာဘုရားကျတော့ ဘယ်ရဟန်ုးကိုတော့ဖြင့် ရိုက်ပြီး ဆုံးမလိုက်တာ.. ဘယ်သူ့ကိုတော့ဖြင့် ရိုက်ပြီး ဆုံးမလိုက်တာ.. အဲလိုမှ မရှိပဲ.. မဟာကရုဏာ အပြည့်နဲ့၊ သတ္တ၀ါတွေကို သနားတဲ့စိတ် အပြည့်နဲ့ မသိတာကို သိအောင် နားမလည်တာကို နားလည်အောင် အထပ်ထပ် အကြိမ်ကြိမ် သွန်သင် ဆုံးမတော်မူတာ..

အဲလိုမျိုး ပိုင်းလော့ ဆရာတော် ဘုရားရဲ့ တရားတော်တစ်ပုဒ်မှာ နာယူမိလိုက်တော့ ဘုရားရှင်ကို ကြည်ညိုပြီးရင်း ကြည်ညိုရင်းပါပဲ အစ်ကိုရေ..

အစ်ကိုရေ.. ညီတို့လည်း တစ်ချိန်ချိန် ကလေးတွေကို သွန်သင် ဆုံးမခွင့် ရခဲ့ရင်.. မရိုက်ကြေးနော်.. စကားနဲ့ပဲ နားလည်အောင် ဆုံးမကြမယ်နော အစ်ကို.. နောက်ပြီး ညီတို့ ပတ်ဝန်းကျင်မှာ ဒီအသိ မရှိသေးလို့ ကလေးတွေကို ရိုက်ပြီး ဆုံးမနေတာ တွေ့ရင်လည်း တတ်နိုင်သလောက် နားလည်အောင် ပြောပြကြရအောင်..

****************

တစ်ချက်နဲ့တင် နည်းနည်း ရှည်သွားတယ်ထင်တယ်.. သည်းခံပြီး ဖတ်အစ်ကိုရေ.. နောက် တစ်ချက် ဆက်ရေးလိုက် ဦးမယ်.. ဆရာ မင်းလူရဲ့ အများနှင့် မသက်ဆိုင်သောသူ စာအုပ်ထဲက စာသားလေး..

“ပေါစိတ်ကတော့ လူတိုင်းမှာ ရှိနေတာ သေချာသည်။ ဂုဏ်သိက္ခာတွေ ထိန်းသိမ်းနေရ လို့သာ အောင့်ထားရတာ၊ တစ်ကိုယ်တည်း လွတ်လွတ်လပ်လပ် ရှိတဲ့ အခါမျိုးမှာ တစ်ကြိမ်မဟုတ် တစ်ကြိမ် တစ်နည်းမဟုတ် တစ်နည်းတော့ ပေါဖူးတဲ့ လူတွေချည်း ဖြစ်မှာပါ။ အနည်းဆုံး ကိုယ့်ရုပ်ကိုယ် မှန်ထဲ ပြန်ကြည့်ပြီး ပြုံးပြမိတာမျိုးတာ့ ရှိလိမ့်မည်။”

အစ်ကိုရေ.. မှန်ထဲ ပြန်ကြည့်ပြီး ပြုံးပြဖူးလား.. ညီတော့ ခဏခဏပဲ.. ဒီနေရာမှာတော့ ဆရာမင်းလူရဲ့ စာသားက ရှင်းရှင်းလင်းလင်း ရှိတော့ ညီ မိကျောင်းမင်း ရေခင်းပြသလို မရှင်းပြတော့ဘူးနော အစ်ကို.. ဒါပေမယ့် ညီ ဆက်တွေးမိတာကိုတော့ ရေးလိုက်ဦးမယ်..

ညီ ဆက်တွေးမိတာက ရိုးသားစိတ် အကြောင်းပါ.. လူတိုင်း လူတိုင်းဟာ ခုန မှန်ထဲ ကိုယ့်ရုပ်ကိုယ်ကြည့်ပြီး ပြုံးပြသလို အလုပ်မျိုးတော့ လုပ်မိကြတာချည်းပါပဲ.. ဒါပေမယ့် ရိုးသားစွာနဲ့ ကျွန်တော် အဲလိုတော့ ပြုံးပြမိပါတယ် လို့ ၀န်ခံဖို့ကျတော့.. လူတိုင်း လုပ်နိုင်ပါ့မလား အစ်ကို.. ဘယ်လုပ်နိုင်ပါ့မလဲ.. လုပ်နိုင်ပါတယ်လို့ ကြွေးကြော်သူ အနေနဲ့လည်း ခုနပြောသလို ဂုဏ်တွေ၊ ဒြပ်တွေနဲ့ ကာရံလိုက်ရင်တော့ ၀န်ခံဖို့က အခက်သား အစ်ကို.. ဒါကိုပဲ အတ္တနဲ့ ယှဉ်တဲ့ မာနလို့ ပြောလို့ရမယ် ထင်ပါတယ်..

ဒါတောင် ပြုံးမိတာလေးပဲ ရှိသေးတယ် အစ်ကို.. လောဘ၊ ဒေါသ၊ မောဟနဲ့ ယှဉ်တဲ့ အတွေးတွေ၊ ကာမဂုဏ်နဲ့ ဆက်စပ်တဲ့ အတွေးတွေ တွေးမိတယ် ဆိုရင်တော့ ရိုးသားစွာ ပြောပြဖို့က သာတောင် မဖြစ်နိုင်သေးတယ် အစ်ကို..

ဆရာတော် တစ်ပါး ပြောပြတာလေး သွားသတိရမိတယ်.. ဆရာတော်က သူငယ်ငယ်တုန်းက တရားစခန်းဝင်တော့ တရားစစ်တဲ့ အချိန်ဆို တရားစစ်တဲ့ ဆရာက တစ်နေကုန် တွေးခဲ့ ကြံခဲ့ ဖြစ်ပျက်ခဲ့တာတွေကို ပြောခိုင်းလို့ တအား စိတ်ညစ်ခဲ့ရဖူး တယ်တဲ့.. ဘာလို့လည်း ဆိုတော့ တစ်နေကုန်မှာက ပုထုဇဉ်သဘာဝ ကောင်းတာတွေချည်းပဲ ဘယ်တွေးမိမလဲ တဲ့.. အဲဒါကို တရား အစစ်ခံရတော့ မကောင်းတာတွေချန်၊ ကောင်းတာတွေချည်း ပြောပြတော့ ရိုးသားရာ ဘယ်ကျတော့မလဲ တဲ့..

အစ်ကို သိဖူးပြီးသားပါပဲ.. “ယုံကြည်၊ ကျန်းမာ၊ စိတ်ဖြောင့်စွာဖြင့်၊ ပြင်းစွာအားထုတ်၊ နာမ်နှင့်ရုပ်ကို၊ ဖြစ်ချုပ်ဉာဏ်မြင်၊ ဤငါးအင် အမှန်ပင် မဂ်ရကြောင်း” ဆိုတဲ့ တရားရကြောင်း အင်္ဂါရပ်တွေကို.. ဒီအထဲမှာ စိတ်ဖြောင့်ရမယ် လို့ ဆိုထားတော့ တရားအသိ တိုးလိုတဲ့ ညီတို့အနေနဲ့ ကိုယ့်ကိုယ်ကို ဘယ်လောက်များ ရိုးသားနေပြီလဲလို့ ခဏခဏ ပြန်လှန် စစ်ဆေးနေဖို့တော့ လိုနေပြီထင်တယ် အစ်ကို..

****************************

နောက်တစ်ချက် ညီမှတ်ခဲ့မိတဲ့ စာသားက ညီအစ်ကို နှစ်ယောက် ပြောကြတဲ့ စာကြောင်းလေး.. အစ်ကိုက ဆင်းရဲတဲ့ ဒါဏ်ကို မခံနိုင်၊ ဒီကြားထဲ ဆရာဝန်ကလည်း ဖြစ်ချင်တော့ ဆရာဝန် စရိတ်အတွက် ထောက်ပံ့ပေးမယ့် မိသားစုရဲ့ သမီးနဲ့ လက်ထပ်တော့မယ့် အချိန်မှာ ညီကနေ အစ်ကိုကို ပြောတဲ့ စကားပါ အစ်ကို.. မစန္ဒာရဲ့ တိမ်ဖုံးပါလို့ လမသာ စာအုပ်ထဲက..

“ဩော်.. ကိုကိုရာ.. တိုက်တို့ ကားတို့ဟာ ရှိရင်တော့ ကောင်းတာပေါ့၊ ဒါပေမယ့် အဲဒါတွေဟာ ဘ၀ရဲ့ ဖြည့်စွက်ချက်ပါ၊ လိုအပ်ချက် မဟုတ်ပါဘူး၊ ဒါအတွက်ကြောင့် ကိုယ့်ကိုယ်ကိုလည်း ရောင်းစားစရာ မလိုပါဘူးကွာ” တဲ့..

ဒါကတော့ လောကီဘက်က ရေးထားတဲ့ စာသားပေါ့ အစ်ကို.. လောကုတ္တရာဘက်က ကြည့်လိုက်တော့ ဖြည့်စွက်ချက်နဲ့ လိုအပ်ချက် ဆိုတဲ့ စကားလုံး နှစ်လုံးကို ညီ သတိထားမိတယ်.. ဒီနေရာမှာ လိုအပ်ချက်က ဘာလဲ၊ နောက်ပြီး ဖြည့်စွက်ချက်ကကော ဘာလဲ.. ညီတွေးမိတာပေါ့နော အစ်ကို.. ဘ၀ လွတ်မြောက်ရေးက အဓိက လိုအပ်ချက်ပဲ အစ်ကို.. ညီတို့ နေ့စဉ် ကြုံတွေ့ လုပ်ကိုင်နေရတဲ့ စားရေး သောက်ရေး၊ စီးပွားရေး၊ ပညာရေး၊ ဟိုအရေး၊ ဒီအရေးတွေကတော့ ဖြည့်စွက်ချက်ပေါ့ အစ်ကို..

အဲဒီတော့ကာ ညီတို့ တစ်နေ့ တစ်နေ့ လိုအပ်ချက်နောက် မလိုက်ဘဲ ဖြည့်စွက်ချက်တွေနောက် တစ်ကောက်ကောက် လိုက်ရင်း ကိုယ်ကိုယ်တိုင်ပဲ အပါယ်သွားဖို့ ရောင်းစားနေတာ ရာခိုင်နှုန်း ဘယ်လောက်များများ ရှိနေသလဲလို့.. စဉ်းစားကြည့်မိတယ်.

ဘုန်းကြီး စာချသလိုတော့ ဖြစ်နေပြီလား မသိဘူး.. ညီ သတိရတာလေး ဆက်ရေး လိုက်ဦးမယ်.. ပြောသာပြော တာပါ။ ညီလည်း ဖြည့်စွက်ချက်တွေ လုပ်နေမိတာက ခပ်များများရယ်.. တစ်ချက်တစ်ချက် ဖြစ်ချင်တာနဲ့ ဖြစ်နေတာ အချိုးမတည့်တဲ့ အခါ ဦးတည်ချက် ပျောက်သွားတာလည်း ပါတာပေါ့ အစ်ကိုရာ.. အဲ ဒါပေမယ့် တလောကပဲ အွန်လိုင်းက မိတ်ဆွေ တစ်ယောက်နဲ့ ညီ စကားပြောရင်း “ကျွန်တော်တော့ လုပ်ရမယ့် အလုပ်၊ လျှောက်ရမယ့် လမ်းကို သိတော့ သိတယ်.. ဒါပေမယ့် တစ်ခါတစ်ခါ အားလျော့နေတယ်” ဆိုတာ ပြောမိတော့ သူလည်း အဲလို ဖြစ်တာပါပဲ.. ဒါပေမယ့် သူက အားလျော့တယ် ဆိုတဲ့ အဆင့်နောက်မှာ “ငါလျှောက်ရမယ့် လမ်းဟာ ဒီလမ်းပဲ.. ငါလုပ်ရမယ့် အလုပ်ဟာ ဒီအလုပ်ပဲ..” ဆိုပြီး နောက်ထပ် အဆင့်တစ်ဆင့် ထပ်ခံထားလိုက် တယ်တဲ့.. ရည်မှန်း ချက်ကို ခိုင်မာအောင် ထပ်ဆင့် တည်ဆောက်လိုက်တဲ့ သဘောပေါ့ အစ်ကိုရာ.. အဲဒီတော့မှ “ဒီဘ၀နဲ့ ဒီအလုပ်ဆိုတာ ဆုံးဖြတ်ချက် ပိုင်ပိုင်ချထားပါ” ဆိုတဲ့ လယ်တီ ဆရာတော် ဘုရားရဲ့ အဆုံးအမကို ပြန်သတိရမိ တော့တယ်.. ညီတော့ အဲဒီစကား ကြားပြီးကတည်းက လုပ်ရတဲ့ အလုပ်တွေမှာ ပိုပြီး အားပါလာတယ် အစ်ကို.. ဒါကတော့ ညီ စကားစပ်လို့ ထည့်ရေးလိုက်တာပါ။

***************************

“သံယောဇဉ်ဆိုတာ ဖြတ်ပါမယ် ဆိုကာမှ တိုးတိုးလာတယ်၊ သံသရာကို ကြောက်မိအောင် ကြိုးစားကာမှ ဘ၀ဟာ မက်မောဖို့ ပိုပိုကောင်းလာတယ် ဟားးး ဟားးး”

သားတော်မောင် မိန်းမ မရခင်ကတော့ တရားသွား သွား အားထုတ်နေတဲ့ အဖေက သားတော်မောင် မိန်းမရပြီး ကလေးလည်း ရကော တရားဘက် သိပ်မလှည့်နိုင်တော့ဘဲ သားအချစ် မြေးအနှစ် ချစ်ပြီးရင်း ချစ်ရင်း သံယောဇဉ်ထဲ တ၀ဲလည်လည် ဖြစ်ပုံကို တက္ကသိုလ် ဘုန်းနိုင်က စာခြယ်ထားတာ အစ်ကို.. သူငယ်ချင်းလို့ပဲ ဆက်၍ ခေါ်မည်ခိုင် စာအုပ်ထဲကပါ။ အစ်ကို့ စကားနဲ့ ပြောရင်တော့ မရှုပ်ရင် မနေနိုင်တာက လွဲလို့ပေါ့..

ညီတို့လည်း သံယောဇဉ် တိုးတိုင်း ရယ်မယ်ဆို နေ့စဉ်ရက်ဆက် ရယ်ရမလိုပဲ.. ဒါပေမယ့်လည်း ရယ်တော့ရယ် နဂိုရှိပြီးသား ကိုယ့်အတွင်းသားလေး ကိုတော့ မတိုးတက်ရင် နေပါစေ၊ မတူးဖြိုမိဖို့တော့ သတိထားကြတာပေါ့ အစ်ကိုရာ..

အစ်ကိုရေ.. ညီရေးတာလည်း များသွားပြီ.. အခုဆို အစ်ကိုက ၃၄ ပြည့်တာနော.. ၃ နဲ့ ၄ က ကျောချင်းသာ ကပ်နေပေမယ့် တူရူကတော့ တကယ့်ကို ဆန့်ကျင့်ဘက်ပဲ.. တင်စားလိုက်ရင် ဓမ္မနဲ့ အဓမ္မပေါ့ အစ်ကိုရာ.. ဓမ္မကို ဦးတည်ပြီးသား အစ်ကို့ အတွက်တော့ နှလုံးသားမှာ ဓမ္မ အချိုရည်တွေ ပြည့်နေပြီးသားပါ.. ဒါကိုပဲ ညီက အစ်ကို့ မွေးနေ့မှာ အချိုပေါ် သကာလောင်းသလို မွေးနေ့လက်ဆောင် အဖြစ် ရေးလိုက်တဲ့ သဘောပါ အစ်ကို.. ညီ လောင်းလိုက်တဲ့ သကာက အချိုကျဲနေခဲ့ရင်လည်း ငါးအရိုးထွင်သလို အစ်ကို့အတွက် ကောင်းနိုးရာရာတွေ ရွေးယူပါလို့ ရေးသားရင်း..

ဓမ္မလမ်းကြောင်းပေါ်က အစ်ကိုတစ်ယောက် ခရီး ပေါက်သထက် ပေါက်ပါစေ။ Happy Everyday အစ်ကို..


လေးစားခင်မင်စွာဖြင့်
ညီ
7/30/2010, FRI:, 12:40:37 PM

ဆက်လက်ဖတ်ရှုရန်