အရိယာစခန်း မဂ်တက်လမ်း
ဆက်လက်ဖတ်ရှုရန်
Tuesday, January 3, 2012
Tuesday, December 20, 2011
Friday, December 16, 2011
သဒ္ဓမ္မရံသီရိပ်သာ ဆရာတော်ဘုရားကြီး ခန္ဓာဇာတ်သိမ်း ငြိမ်းတော်မူခြင်း
မဟာစည်ရတ္တညုနာယက၊ အဘိဓဇမဟာရဋ္ဌဂုရု၊ အဂ္ဂမဟာကမ္မဋ္ဌာနာစရိယ၊ အဂ္ဂမဟာသဒ္ဓမ္မဇောတိက၊ သဒ္ဓမ္မရံသီရိပ်သာများအားလုံး၏ အဓိပတိဆရာတော်ကြီး
သီလဂုဏ်၊ သမာဓိဂုဏ်၊ ပညာဂုဏ်အထူးပြည့်စုံတော်မူသော
သူမတူအောင် ၀ိနည်းအထူးလေးစားတော်မူသော
မေတ္တာ ကရုဏာအထူးကြီးမား လုံ့လကြီးတော်မူသော
သက်တော်ရှည် သဒ္ဓမ္မရံသီရိပ်သာ ဆရာတော်ဘုရားကြီး
အရှင်ကုဏ္ဍလာဘိဝံသ
သက်တော် (၉၁) နှစ် ၊ ၀ါတော် (၇၂)၀ါသည်
ယနေ့ ဒီဇင်ဘာလ၊ ၁၆ ရက်၊ ၂၀၁၁ ခုနှစ် နံနက် ၇း၃၅ နာရီတွင်
ခန္ဓာဇာတ်သိမ်း ချုပ်ငြိမ်းတော်မူကြောင်း ရပ်နီးရပ်ဝေးမှ တပည့်ဒါကာ ဒါယကာမများအား အသိပေးအပ်ပါသည်။
ရုပ်ကလာပ်တော်ကို (၇)ရက် ပူဇော်ထားရှိမည် ဖြစ်ပြီး ၂၂-၁၂-၂၀၁၁ ခုနှစ် နေ့လည် ၁ နာရီ အချိန်တွင် ရန်ကုန်မြို့ ကျိုက္ကဆံကွင်းတွင် အန္တိမအဂ္ဂိဈာပနပူဇော်ပွဲသဘင်
စ်ီရင်ကျင်းပမည်ဖြစ်ကြောင်း
(၇) ရက်တိုင်တိုင် အထူးတရားပွဲများကိုလည်း ကျင်းပသွားမည်ဖြစ်ကြောင်း
ဆရာတော်ဘုရားကြီး၏ နောက်ဆုံးခရီးမှာ ဒကာ ဒကာမများအနေဖြင့်
နောက်ဆုံး ကျေးဇူးဆပ် ပူဇော်မှုပြုနိုင်ရန် အန္တိမအဂ္ဂိဈာပန တင့်တင့်တယ်တယ် ဖြစ်စေရန် ရည်ရွယ်ပြီး နှိုးဆော်လိုက်ရပါသည်။
ဇေယျာခေမလမ်း၊ ရှစ်မိုင်၊ မရမ်းကုန်းမြို့နယ် ၊ သဒ္ဓမ္မရံသီကျောင်းတိုက်
တယ်လီဖုန်း။ ။ ၀၁.၆၆၁၅၉၇ ၊ ၀၉၄၉၇၇၁၃၅၃
ဆက်လက်ဖတ်ရှုရန်
Monday, December 12, 2011
Suicide နှင့် ပါဏာတိပါတကံ
နိုင်ငံတော် သြဝါဒါစရိယ၊ မြန်မာစာ သြ၀ါဒါစရိယ၊ အဂ္ဂမဟာသဒ္ဓမ္မဇောတိကဓဇ၊ ထီးချိုင့်မြို့ တည်တောဆရာတော်ဘုရားကြီး၏ ယနေ့ ဗုဒ္ဓဝါဒဆိုင်ရာ အမေးအဖြေများ အမှတ်စဉ် ၃ စာအုပ်မှ ဆရာတော်ကြီး၏ ဖြေဆိုထားချက်ကို Suicide ကိစ္စ စိတ်ဝင်စားနေကြသူမိတ်ဆွေများအတွက် မျှဝေပေးလိုက်ပါတယ်ခင်ဗျား။
(ဆရာတော်ကြီး၏ အမေးအဖြေကို မျှဝေခွင့်ရအောင် source အထောက်အပံ့ပြုပေးသော မထားထားမိုး (http://www.facebook.com/#!/profile.php?id=100000658892612) နှင့် ဓါတ်ပုံဖိုင်များအဖြစ် ပို့စ်တင်ထားပေးသော ဘုန်းဘုန်း ဦးလောကနာထ (http://www.lknt11.com) တို့အား ကျေးဇူးအထူး တင်ရှိပါကြောင်းခင်ဗျား။)
ဆက်လက်ဖတ်ရှုရန်
မဟာနာမ်အမေး....ဘုရားရှင်အဖြေ
ကပိလ၀တ်ပြည်၊ နိဂြောဓာရုံ ကျောင်းတော်၌ ဗုဒ္ဓမြတ်စွာသီတင်းသုံးနေစဉ်အခါ ဖြစ်၏။ ထိုအခါ၌ မဟာနာမ် သာကီဝင်မင်းသည် ဗုဒ္ဓထံသို့ ရောက်လာချဉ်းကပ်ကာ ဤသို့လျှောက်ထားလေ၏။
"အရှင်ဘုရား- ဤကပိလ၀တ်ပြည်သည် လူဦးရေ ထူထပ်ပေါများ၍ စည်ကားလှပါ၏။ လမ်းတို လမ်းရှည်နှင့် ဈေးအိမ်တို့လည်း များပြားလှပါ၏။ အရှင်ဘုရား- တပည့်တော်သည် မြတ်စွာဘုရားကို လည်းကောင်း၊ သံဃာတော်ကိုလည်းကောင်း ဆည်းကပ်ခစားပြီး၍ ညနေချမ်းအချိန်၌ ကပိလ၀တ်သို့ ၀င်သည်ရှိသော် ပြေးသွားနေသောဆင်နှင့်လည်း တွေ့ဆုံရပါ၏၊ မြင်း-ရထား-လှည်းတို့နှင့်လည်း တွေ့ဆုံရပါ၏၊ အရှင်ဘုရား-ထိုအခါမျိုး၌ တပည့်တော်အား မြတ်စွာဘုရားကို အာရုံပြုသောစိတ်သည် လွတ်သည်သာတည်း၊ တရားတော်-သံဃာတော်တို့ကို အာရုံပြုသောစိတ်သည် လွတ်သည်သာတည်း အရှင်ဘုရား- ထိုအခါ ငါသည် ဤအချိန်၌ သေရမူ ဘယ်ဘ၀သို့လားရောက်ရပါမည်နည်း ဟုတွေးတောမိပါသည်ဘုရား " ဟုလျှောက်ထား၏။
ထိုအခါ မြတ်စွာဘုရားက " မဟာနာမ်-သင်မကြောက်ပါနှင့်၊ မစိုးရိမ်ပါနှင့်၊ သင့်အား မယုတ်ညံ့သော သေခြင်းဖြစ်လတ္တံ့"
"မဟာနာမ်-အကြင်သူသည် ရှည်မြင့်စွာသော ကာလပတ်လုံး ယုံကြည်မူသဒ္ဓါဖြင့် ထုံအပ်သော စိတ်၊ ဆောက်တည်မူ သီလ၊ အကြားအမြင် သုတ၊ စွန့်ကြဲမူ စာဂ၊ အသိဉာဏ် ပညာတို့ဖြင့်ထုံအပ်သောစိတ် ရှိသူဖြစ်၏၊ ထိုသူ၏ ခန္ဓာရုပ်သည် မဟာဘုတ်လေးပါး အစုအဝေးဖြစ်၏၊ ထမင်း-မုန့်စသော အစာ အာဟာရတို့ဖြင့် ကြီးပွားရ၏၊ ပြုပြင်ထိန်းမတ်ပေးရခြင်း သဘောရှိ၏၊ မတည်မြဲခြင်း၊ ပြိုကွဲပျက်စီးခြင်း သဘောရှိ၏"
"ထိုခန္ဓာကိုယ်ရုပ်ကို ကျီးငှတ်တို့လည်း ထိုးဆိတ်ကုန်၏၊ တောခွေး၊ အိမ်ခွေးနှင့် ပိုးလောက်တို့လည်း ခဲစားကြကုန်၏၊ သို့သော် မဟာနာမ်- ထိုသူ၏ သဒ္ဓါ၊ သီလ၊ စာဂ၊ ပညာတို့ဖြင့် ရှည်မြင့်စွာသော ကာလပတ်လုံး ထုံအပ်သောစိတ်သည်ကား အထက်သို့သာ တက်လေ့ရှိပေ၏၊ ထူးခြားစွာ သွားလေ့ရှိပေ၏၊"
"မဟာနာမ်- ဥပမာအားဖြင့်ကား ထောပတ်အိုးကို ရေအိုင်ထဲ၌ ရိုက်ခွဲလိုက်သောအခါ အိုးခြမ်းကွဲတို့သည် ရေအောက်သို့ကျရောက်၍ ထောပတ်တို့သည် ရေပေါ်သို့ တက်ရောက်ကုန်သကဲ့သို့တည်း။"
"မဟာနာမ်- အရှေ့အရပ်သို့ ကိုင်းညွတ်လျက်ရှိသော သစ်ပင်ကို အရင်းမှ ဖြတ်ပိုင်းသော် ထိုသစ်ပင်သည် အဘယ်အရပ်သို့လဲကျပေမည်နည်း၊ မဟာနာမ်-ထိုသစ်ပင်သည် အရှေ့အရပ်သို့သာလျှင် လဲကျမည် မဟုတ်လား။"
"မဟာနာမ်- ထိုဥပမာအတိုင်းပင်တည်း၊ အရိယာပုဂ္ဂိုလ်တို့ နှစ်သက်သော သူတော်ကောင်းတရားနှင့် ပြည့်စုံ ထုံမွမ်းပြီးသူသည် နိဗ္ဗာန်သို့ ရှေ့ရှု ကိုင်းညွတ်သည်သာဖြစ်၏၊ ထို့ကြောင့် မဟာနာမ်- စိုးရိမ်ကြောငြ့်ကမဖြစ်ပါနှင့်၊ သင်၏သေခြင်းသည် ကောင်းသောသေခြင်း ဖြစ်လတ္တံ့၊ သင်၏ လားရာဂတိသည် မယုတ်ညံ့သော ဂတိ ဖြစ်လတ္တံ့" ဟု မိန့်ကြားတော်မူ၏။
(စာရေးသူ=လေးမြိုင် စာအုပ်အမည်=ဗုဒ္ဓ၏ ၀ါဒစစ်ပွဲများ)
ဆက်လက်ဖတ်ရှုရန်
Subscribe to:
Posts (Atom)
