TWO FRIENDS (Harmony Of Head And Heart By Moe Hein)

Feeling lonely, feeling sad?

Open the head's door

and let a good thought enter.

Think of someone

whose thoughts, deeds and words

nobly serve others.

Think of your own deeds too

that help in some way

to make you or others better.

By this,

a light shines in your head

making you see what is good.

Wisdom, a friend,

is now with you

to ease your mind.

Feeling lonely, feeling sad?

Open the heart's door

and let a good feeling enter.

Think of someone

whose love or kindness

gives strength to the weak.

Or your own care and pity too

that help to brighten

a saddened face.

By this,

a feeling seeps into your heart

making you happy.

Affection, another friend,

is now with you to warm your heart.

So two friends await to enter.

Welcome  them to your head and heart.

 (From Poems On Life)

ဆက်လက်ဖတ်ရှုရန်

ဆည်းလည်းလေးက ပြတဲ့တရားသံ

ကိုတိုးကြီးတစ်ယောက် နိုဝင်ဘာလ (၁၅)ရက်နေ့က တကယ်ဆုံးပါးသွားခဲ့ပါပြီ။ မိသားစုနှင့် ထပ်တူ၊ ကိုတိုးကြီးရဲ့  လုပ်ဖော်ကိုင်ဖက် မဇ္ဈိမ၀ိုင်းတော်သားများနှင့် ထပ်တူ ၀မ်းနည်းမိ၊ နှမြောမိပါတယ်။

ကျွန်တော့်ဘ၀မှာ သူနှင့်ပတ်သက်ပြီး တိုက်တိုက်ဆိုင်ဆိုင် အမှတ်တရ ဖြစ်ခဲ့တာလေးတွေရှိခဲ့တာမို့ ကိုတိုးကြီး အလွမ်းပြေ အမှတ်တရအဖြစ် ဒီစာစုလေးရေးလိုက်ပါတယ်။

ကျွန်တော် အသက် ဆယ့်သုံးလေးနှစ်အရွယ်အထိ မဇ္ဈိမလှိုင်းအဖွဲ့ ရော၊ ကိုတိုးကြီးသီချင်းတွေကိုရော နားမထောင်ဖြစ်ခဲ့ပါဘူး။ တစ်ခါတော့ အသက်နှစ်ဆယ်ကျော်အရွယ် အသိ အကိုကြီးတစ်ယောက်နှင့် သုံးလေးရက်လောက် ခရီးတစ်ခုမှာ အတူဆုံဖြစ်ခဲ့တယ်။ အဲဒီအကိုက မဇ္ဈိမလှိုင်း Crazy တစ်ယောက်ဖြစ်နေတာကိုး။ ကျွန်တော့်ကို နေ့တိုင်း ကိုတိုးကြီးသီချင်းတွေကို ဆိုပြလိုက်၊ သီချင်းစာသားတွေကို ရွတ်ပြလိုက်၊ အဓိပ္ပါယ်ရှင်းပြလိုက်နှင့်။ ကိုမောင်မောင်က ဘယ်လို၊ ကိုနေ၀င်းကဘယ်လို၊ ကိုရဲလွင်က ဘယ်လို စသဖြင့် သူတို့ရဲ့  သီချင်းရေးဖွဲ့ဟန်တွေကို ခရေစေ့တွင်းကျ ရှင်းပြနိုင်တယ်။ အဲဒီ အကိုနှင့်တွေ့ပြီးနောက်ပိုင်းမှ ကျွန်တော် ကိုတိုးကြီးသီချင်းတွေကို စပြီး နားထောင်ရကောင်းမှန်း သိလာပါတော့တယ်။ 

မဇ္ဈိမလှိုင်းအဖွဲ့ က တီးခတ်တဲ့ဟန်က တခြားအဖွဲ့တွေနှင့် မတူပဲ မူကွဲနေတာကိုတော့ သတိထားမိတယ်။ နောက်ပိုင်း Santana သီချင်းတွေကို နားထောင်ဖြစ်တော့ Lead Guitar သံကြားလိုက်တာနှင့် ဒါ Santana မှန်း တန်းသိသလိုမျိုး၊ မဇ္ဈိမလှိုင်းက ကိုဇော်မျိုးထွဋ်ရဲ့  Lead အသံကြားရင် ဒါ သူတို့အဖွဲ့မှန်း တန်းသိနိုင်တဲ့ ထူးခြားမှုမျိုးရှိပါတယ်။ အခြေအနေပေးတိုင်းလည်း ကိုတိုးကြီးပါတဲ့ Stage Show ပွဲတွေဆို သွားကြည့်ဖြစ်ခဲ့တယ်။

နောက်ပိုင်း တဖြည်းဖြည်းအသက်ကြီးလာလို့ အပေါင်းအသင်းတွေများလာလေ၊ မဇ္ဈိမလှိုင်းကို အားပေးတဲ့သူတွေ ကိုယ့်ပတ်ဝန်းကျင်မှာ များလာလေ ဖြစ်လာပါတော့တယ်။ တက္ကသိုလ်ကျောင်းသားဘ၀တစ်လျှောက်ကတော့ အထူးပြောစရာမလိုအောင်ပါဘဲ။ ဂစ်တာပဲတီးတီး၊ သီချင်းပဲဆိုဆို၊ ကတ်ဆက်ပဲဖွင့်ဖွင့် ကိုတိုးကြီးနှင့် လွတ်ကင်းလို့မှ မရတာကိုး။

မဇ္ဈိမလှိုင်းက အဖွဲ့သားတွေအကြောင်းကလည်း လူငယ်တွေကြားမှာ ပြောစရာ topic တစ်ခုပါ။ ဟုတ်တာ၊ မဟုတ်တာ အသာထားလို့ အမျိုးစုံအောင်တော့ ပြောကြတာတွေ ကြားရပါတယ်။ အထူးသဖြင့် ကိုနေ၀င်းတစ်ယောက်ကိုကလည်း ကျောင်းကန်တင်းမှာ ခဏခဏတွေ့ဖြစ်တော့ သူ့ကိုကြည့်ပြီးဘဲ သူတို့အဖွဲ့သားတွေအားလုံးရဲ့  Life Style တွေကို မှန်းကြည့်ဖြစ်ခဲ့ပါတယ်။ အနုပညာအတွက် ဘ၀ကိုလုံးဝပေးထားကြတဲ့ သူတွေအဖြစ် စိတ်ထဲထင်ဟပ်မိတယ်။

ကိုတိုးကြီးနှင့် ပတ်သက်ပြီး အခုအချိန်အထိ စိတ်ထဲ မှတ်မှတ်ရရ ဖြစ်ခဲ့တဲ့ နေ့တစ်နေ့ရှိပါတယ်။ ၁၉၉၇ ရဲ့  လပြည့်နေ့ မနက်ခင်းတစ်ခုပါ။ သူငယ်ချင်းတွေက ရွှေတိဂုံဘုရားသွားမယ်ဆိုတာနှင့် သူတို့နှင့် လိုက်သွားဖြစ်တယ်။ အဲဒီနေ့က လပြည့်နေ့မို့လို့ အထက်ပစ္စယံက Member Card မရှိလည်း မှတ်ပုံတင်ပြပြီးတက်လို့ရတော့ တခါမှ အထက်ပစ္စယံကို မတက်ဖူးသေးတဲ့ ကျွန်တော့်အတွက် တော်တော်အဆင်ပြေသွားတယ်။ ဒါနှင့် အထက်ပစ္စယံပေါ်ကို ရောက်တော့ နေရာသစ်တစ်ခုကို စရောက်တဲ့သူတွေရဲ့  ထုံးစံအတိုင်း ကျွန်တော်လည်း ဟိုလျှောက်ကြည့်၊ ဒီလျှောက်ကြည့်ပေါ့။ အဲဒီလိုနှင့် စေတီတော်ကို လက်ယာရစ်ပတ်ပြီး သွားနေရင်း တစ်နေရာအရောက်မှာ မြင်ကွင်းတစ်ခုက ကျွန်တော့်ကို အံ့သြမှင်သက်သွားစေတယ်။ 

လူတစ်ယောက် ရင်ပြင်တော်ရဲ့  ထောင့်တစ်ခုမှာ ခါးကို ဖြောင့်နေအောင် မတ်ထားပြီး တင်ပလ္လင်ခွေထိုင်၊ လက်နှစ်ခုကို ခြေပလ္လင်ခွေပေါ်မှာ ထပ်တင်ကာ အေးချမ်းငြိမ်သက်တဲ့ မျက်နှာအသွင်အပြင်နှင့် တရားရှုမှတ်နေပါတယ်။ လည်ကတုံးအင်္ကျီအဖြူနှင့် လုံခြည်ကိုဝတ်ထားတယ်။ ကျွန်တော်မြင်တွေ့နေကျပုံစံနှင့် လုံးဝမူကွဲနေတဲ့ ကိုတိုးကြီးပါ။ ကျွန်တော် သူ့ကို အကြာကြီး စိုက်ကြည့်နေမိခဲ့ပါတယ်။ စိတ်ထဲမှာလည်း ထင်မှတ်မထားမိတဲ့ မြင်ကွင်းတစ်ခုမို့လို့ အံ့သြမှုနှင့်အတူ ကြည်နူးမှု၊ လေးစားမှုတွေကို တွဲပြီး ခံစားလိုက်ရတယ်။ သြော်..ကိုတိုးကြီးဟာ တရားသမားတစ်ယောက်ပါလားလို့ မှတ်ချက်ချဖြစ်ခဲ့ပါတယ်။

ကျွန်တော် ဘာသာရေးနှင့်ပတ်သက်ပြီး အတွေးအမြင်တွေပြောင်းအောင် လုပ်ပေးခဲ့တဲ့ သူတွေထဲမှာ ဆရာကြီး ဦးဂိုအင်ကာလည်း ဆရာတစ်ဦးအနေနှင့် ပါဝင်ပါတယ်။ သူ့စာအုပ်တွေနှင့် သူဟောတဲ့တရားတွေကနေတဆင့် ကျွန်တော် ဘာသာရေးအပေါ်သိမြင်ပုံတွေ၊ သဘောထားတွေ ပြောင်းလဲခဲ့ရပါတယ်။ ၂၀၀၀-၂၀၀၁ ခုနှစ် ပတ်ဝန်းကျင်မှာ ဆရာကြီး မြန်မာပြည်ကို ပြန်လာပြီး ဟောပြောပွဲတွေ၊ Seminar တွေ နေရာအချို့ မှာ ခပ်စိပ်စိပ် လုပ်သွားခဲ့ပါတယ်။ ကျွန်တော် ဆရာကြီးလုပ်တဲ့ပွဲတွေကို လက်လှမ်းမီသရွေ့ သွားပြီး နားထောင်ဖြစ်ခဲ့ပါတယ်။ ဆရာကြီးရဲ့ ပွဲတွေသွားတိုင်းမှာ အမြဲတွေ့ဖြစ်တာကတော့ ကိုတိုးကြီးပါဘဲ။ လက်ထဲမှာ ဗွီဒီယိုကင်မရာတစ်လုံးကိုကိုင်ထားပြီး သာမန် Camera Man တစ်ဦးလို မထင်မရှား ဆရာကြီးနောက်နားမှာ အမြဲပါနေတတ်ပါတယ်။ 

နောက်ပိုင်းတော့ ကိုတိုးကြီးလည်း သီချင်းအခွေတွေ အထွက် ကျဲသွားတာ သတိထားမိတယ်။ စိတ်ထဲမှာ ဘယ်အချိန် ဆရာမြသန်းစံလို ဂီတလောကကို စွန့်လွှတ်လိုက်မလဲမသိဘူးလို့လည်း တွေးနေဖြစ်ခဲ့တယ်။ ကိုတိုးကြီးကို Show ပွဲတွေမှာဖြစ်ဖြစ်၊ အပြင်မှာ ဖြစ်ဖြစ် ဆုံဖြစ်တိုင်း သူ့ကို ဂရုတစိုက်လိုက်ကြည့်ပြီး လေ့လာဖြစ်ပါတယ်။ သွားတာလာတာ ပြောတာဆိုတာတွေမှာ တည်တည်ငြိမ်ငြိမ်၊ အေးအေးချမ်းချမ်းရှိပြီး ဣနြေ္ဒရင့်ကျက်မှုကို သတိထားမိပါတယ်။ တရားအလုပ်ကို ပုံမှန်လုပ်နေတဲ့သူဆိုတာ မြင်တာနှင့် သိနိုင်တဲ့ အသွင်အပြင်ပါဘဲ။

နောက်ထပ် ကိုတိုးကြီးနှင့် ပတ်သက်ပြီး တိုက်ဆိုင်တာ တစ်ခုရှိသေးတယ်။ နောက်ပိုင်း ကိုတိုးကြီးနှင့် မျက်နှာချင်းဆင်တဲ့ သူတစ်ယောက်နှင့် ကျွန်တော် ခင်မင်ခွင့်ရလိုက်သေးတယ်။ အဲဒီပုဂ္ဂိုလ်က (ကာတွန်း) ဆရာကံချွန်ပါ။ သူတို့နှစ်ယောက် ရုပ်ချင်းကတော်တော်ဆင်ပါတယ်။ ညီအကိုလို့ ပြောရင် ယုံလောက်တယ်။ ဆရာကံချွန်ကလည်း အဲဒါကို သိတယ်။ တခါတုန်းက ဆရာက နောက်ပြီး ပြောဖူးတယ်။ သူရန်ကုန်ရောက်တော့ ပလက်ဖောင်းပေါ်က မြေပဲသည်ဆီမှာ မြေပဲဝယ်စားတယ်တဲ့။ အဲဒါ မြေပဲသည်က ဆရာ့ကို “ဦးလေး၊ ကိုတိုးကြီးနှင့် ဘာတော်လဲ” လို့ မေးတယ်။ ဆရာကလည်း နောက်ချင်တော့ “ခင်မောင်တိုးက ငါ့တူတော်တယ်” လို့ ဖြေသတဲ့။ အဲဒီမှာ မြေပဲသည်က သဘောတွေကျပြီး ဆရာ့ကို မြေပဲတွေ အများကြီး ပိုထည့်ပေးလိုက်တယ်ဆိုဘဲ။ အဲဒါကို ဆရာက “နာမည်ကြီးတဲ့သူတွေနှင့် ရုပ်ချင်းဆင်ရတာ မြေပဲဝယ်စားရင် ပိုရတယ်” လို့ အရွှမ်းဖောက်ပြီးပြောတတ်တယ်။ 

သူတို့နှစ်ယောက်က တကယ်တော့ ရုပ်ချင်းသာ ဆင်တာမဟုတ်ပါဘူး။ ဘ၀ကူးမယ့် ရောဂါချင်းလည်း ဆင်တယ်လို့ ပြောရမှာပါ။ ဆရာကံချွန်လည်း အကောင်းကြီးကနေ ချက်ချင်းဆိုသလို အသည်းကင်ဆာဖြစ်ပြီး လပိုင်းနှင့်ကွယ်လွန်ရှာတယ်။ အခုကိုတိုးကြီးလည်း အသည်းနှင့်ပဲ ဆုံးရှာတယ်။ နှစ်ယောက်လုံးက ကျွန်တော်တို့ခေတ်ရဲ့  အနုပညာစွမ်းရည်ရော၊ နှလုံးစွမ်းရည်ပါ လှကြတဲ့ ပုဂ္ဂိုလ်နှစ်ဦးပါ။ တကယ်နှမြောဖို့ကောင်းပါတယ်။

ပြီးခဲ့တဲ့ တစ်ပတ်ထဲက ကိုတိုးကြီး ဆုံးပြီလို့ ပြောကြတော့ ကိုတိုးကြီးရဲ့  ထပ်မရနိုင်တော့တဲ့ အနုပညာတွေအတွက် နှမြောမိပေမယ့် အသေလှမယ့်ပုဂ္ဂိုလ်ဆိုတာ သိနေမိလို့ သူ့အတွက် စိတ်ချနေမိတယ်။ နောက် ဆုံးတဲ့သတင်းမဟုတ်ဘူးလို့ ကြားရတော့ တခါပြန် ၀မ်းသာမိတယ်။ အသက် ၆၀ကျော်ဆိုတာ လူ့သက်တမ်းမှာ ဆက်နေမယ်ဆိုရင် အများကြီးဆက်နေလို့ရသေးသလို၊ အနုပညာလုပ်ငန်းပဲဖြစ်ဖြစ်၊ ဘာသာရေးကိုပဲဖြစ်ဖြစ် ဆက်လုပ်မယ်ဆိုလည်း အများကြီး လုပ်လို့ရနေသေးတော့ ကိုတိုးကြီးအတွက် ၀မ်းသာမိပြန်တယ်။ ဒီတစ်ခါ တကယ်ဆုံးသွားပြီဆိုပြီး ဓါတ်ပုံတွေနှင့် မြင်ရတော့ ဓမ္မသံဝေဂပွားရုံကလွဲလို့ တခြားဘာများတတ်နိုင်အုံးမှာလဲ။

ကျွန်တော်တို့ရဲ့  Senior အကိုကြီး ကောင်းရာသုဂတိလားမယ်ဆိုတာ သိနေပြီးသားမို့ သူ့အတွက်တော့ စိတ်ချနေပြီးသားပါ။ ကျန်ခဲ့တဲ့ ကျွန်တော်တို့တွေအဖို့တော့ ဆက်ပြီး သူ့အနုပညာဖန်တီးမှုတွေ၊ သူ့အသံအေးအေးတွေ ကြားခွင့်မရတော့တာကိုတော့ စိတ်မကောင်းဘူးပေါ့။ ဒါပေမယ့် ဘယ်တတ်နိုင်မှာလဲလေ။ လူဆိုတာက သေမျိုးဘဲမဟုတ်လား။ 

ဆည်းလည်းလေးများ ပြတဲ့တရားသံကို...
စမ်းချောင်းလေးတို့ ဇွဲနဲ့အားမာန်နှင့်....
ပေါင်းစပ်ပြီး ကျင့်ခဲ့ရင်...
အေးငြိမ်းတဲ့ သစ်ရိပ်မှာ...
စွန့်လွှတ်မှုနှင် ခွင့်လွှတ်စဉ်...
ငြိမ်းသွားလိမ့်မယ်တဲ့....

http://youtu.be/oZmuPSWjhJ0

ကိုတိုးကြီးက ကျွန်တော့်ကိုတော့ “အသေမဦးခင် ဉာဏ်ဦးအောင်လုပ်” ဆိုတဲ့ ဆည်းလည်းသံ message တစ်ခုပေးပြီး တရားပြသွားတယ်လို့ပဲ စိတ်ထဲ ခံယူမိလိုက်ပါတော့တယ်ခင်ဗျာ။

လေးစားစွာဖြင့်

ဝိမုတ္တိသုခ

၁၇၊ ၁၁၊ ၂၀၁၂။

ဆက်လက်ဖတ်ရှုရန်

ဘ၀သခင်

ကျွန်တော် နိုင်ငံခြားကို ထွက်လာခဲ့တဲ့ နှစ်တွေမှာ နေ့တိုင်း အမြဲသတိရနေတတ်တဲ့သူ တစ်ယောက်ရှိပါတယ်။
သူ့ကို သတိရတာက လွမ်းလွမ်းဆွေးဆွေးနှင့် သတိရ အောက်မေ့နေတာမျိုးမဟုတ်ပါဘူး။ 
ကျွန်တော်တို့ မြတ်စွာဘုရားရှင်ရဲ့  ကျေးဇူးတော်တွေကို သတိရဆင်ခြင်သလိုမျိုး၊ ကိုယ့်ကို ပညာသင်ကြားပေးခဲ့တဲ့ ဆရာသမားတွေရဲ့  ကျေးဇူးတွေကို သတိရသလိုမျိုးပါ။
ကျွန်တော်လည်း သူ့ရဲ့  ကျေးဇူးဂုဏ်တွေကို အာရုံပြုပြီး ကျေးဇူးတင်တဲ့စိတ်၊ လေးစားတ

န်ဖိုးထားတဲ့ စိတ်နှင့် သတိတရ ဖြစ်မိခြင်းပါဘဲ။

တကယ်လည်း ကျေးဇူးတင်ထိုက်တဲ့ ပုဂ္ဂိုလ်တစ်ယောက်ပဲကိုး။ ကျေးဇူးတင်ရမှာပေါ့။
မြတ်စွာဘုရားရှင်ကိုယ်တော်မြတ်ကြီးကတောင်မှ ရတနာသုံးပါးနှင့် တစ်ဂိုဏ်းထဲထားပြီးတော့တောင် ချီးမြှောက်ခဲ့သေးတာဘဲ။ ကျွန်တော်တို့ဆိုရင်တော့ ဘယ်ဆိုဖွယ်ရာရှိတော့မှာလဲ။
ကျွန်တော် နေ့တိုင်း ကျေးဇူးတင် သတိရနေတဲ့ ပုဂ္ဂိုလ်ကတော့ ကျွန်တော့် အဖေပါဘဲ။

ကျွန်တော်က ကျွန်တော့်ဘ၀နှင့် ယှဉ်ပြီး အဖေ့ဘ၀ကို တွေးမိတတ်တယ်။ သူတို့တွေက လွတ်လပ်ရေးမတိုင်ခင် ဒုတိယကမ္ဘာစစ်ဖြစ်နေတဲ့အချိန်မှာ မွေးလာကြတဲ့သူတွေ။ သူဖြတ်သန်းလာခဲ့ရတဲ့ ဘ၀က ကြမ်းတယ်။ သူ့ငယ်ဘ၀မှာ ကမ္ဘာစစ်ကြောင့် ပညာရေးလည်း ကောင်းကောင်း မလုပ်နိုင်၊ မိသားစုတွေလည်း တကွဲတပြားနှင့် နေပြီး ကြီးပြင်းခဲ့ရတယ်။ ကိုယ့်ထူးကိုယ်ချွန်နဲ့  ဘ၀ကို ရုန်းကန်းခဲ့ရတယ်။ အသက် အစိတ်အရွယ်မှာ အိမ်ထောင်ကျပြီး အဲဒီကတည်းက သူ့တစ်ယောက်စာအတွက်သာမကဘဲ ကျန်တဲ့မိသားစုတာဝန်ကို ထမ်းရတော့တယ်။ သူတို့ခေတ်က Family Planing တို့ သားဆက်ခြားတာတို့ မရှိသေးတော့ သား၊ သမီးတွေလည်း အများကြီးမွေးထားလိုက်သေးတယ်။ အရင်ခေတ် မြန်မာမိသားစုတွေ ထုံးစံအတိုင်း အဖေတစ်ယောက်ရှာတာကို ကျန်တဲ့ မိသားတစ်စုလုံးက ထိုင်စားပေါ့။ ဒီလိုနှင့် သား၊ သမီးတွေ တစ်ယောက်ပြီး တစ်ယောက် ကျောင်းတွေတက်၊ ဘွဲ့ တွေရတဲ့အထိ မနေမနားကို သူ ရုန်းခဲ့ရတာပါ။

မိသားစုကို လူ့အသိုင်းအ၀ိုင်းကြားမှာ တင့်တင့်တယ်တယ်နေနိုင်အောင်၊ သားသမီးတွေ မျက်နှာမငယ်ရအောင် သူ ထားပေးနိုင်ခဲ့ပါတယ်။
သားသမီးတွေ အားလုံးအကုန် ပညာစုံတဲ့အထိ၊ သူ့အသက် (၆၀) ကျော်အရွယ်အထိ မနားမနေ ဖခင်တစ်ယောက်ပီပီသသနှင့် တာဝန်ကျေပွန်ခဲ့ပါတယ်။

ကျွန်တော် သူ့နေရာကနေ ၀င်နေကြည့်မိတယ်။ သူ တော်တော်ပင်ပန်းမှာဘဲ။ ကျွန်တော်သာ သူ့လိုမျိုး မိသားစုဝန်ကို ထမ်းရမယ်ဆိုရင် သူ့လောက် လုပ်နိုင်ပါ့မလားဆိုတာ မကျိန်းသေးပါဘူး။ ကိုယ့်ငါးချဉ် ကိုယ်ချဉ်တယ်ဘဲ ပြောပြော ငါ့အဖေ အတော် တော်တာဘဲ လို့ တွေးမိတာတော့ အမှန်ပါဘဲ။

ပုဗ္ဗာစရိယ မိနှင်ဖ ဆိုတဲ့စကားအတိုင်း ကျွန်တော့်ငယ်ငယ်က ကျောင်းမနေခင်ကတည်းက စာရေးတတ်၊ ဖတ်တတ်အောင် စသင်ပေးခဲ့တာက အမေပါ။ မူကြိုကျောင်းလည်း မသွားဖြစ်လိုက်ဘူး။ အိမ်မှာဘဲ အမေက စာသင်ပေးတယ်။ အင်္ဂလိပ်စာတွေကျတော့ အဖေက သင်ပေးတယ်။ မှတ်မှတ်ရရ ကျွန်တော် ငယ်ငယ်က ဆိုးတာ သတိရမိသေးတယ်။ အဖေက အင်္ဂလိပ်စာသင်တော့ အသံထွက်မပီရင် မပီ ပီအောင် ဆိုခိုင်းတော့ ကြာလာတော့ ကျွန်တော်က စိတ်ညစ်ပြီး အဖေနှင့် စာမသင်ချင်တော့ဘူး။ အဲဒါ ညဆို အဖေစာသင်တော့မယ်ဆိုရင် ကျွန်တော် အင်္ဂလိပ်စာ စာအုပ်ကို ၀ှက်ထားတတ်တယ်။ ဒါလည်း မရပါဘူး။ နောက်ဆုံးတော့ သင်ရတာပါဘဲ။ :P

ကျွန်တော်နှင့် ဂီတကို ငယ်ငယ်တည်းက ရင်းနှီးကျွမ်းဝင်အောင် လုပ်ပေးတာလည်း အဖေပါဘဲ။ သူက ဂီတကို ၀ါသနာပါသလို Harmonica (ဘာဂျာ) ကို သူကျွမ်းကျွမ်းကျင်ကျင် မှုတ်တတ်တယ်။ အဖေက မြန်မာအဆိုတော်ထဲမှာဆိုရင် ဦးအံ့ကြီးကိုလည်း တော်တော်ကြိုက်တယ်။ ညနေဘက်တွေ သူအားရင် ဦးအံ့ကြီးသီချင်းကို ဖွင့်နားထောင်ရင်ထောင်၊ မထောင်ရင် Harmonica နှင့် ပက်လက်ကုလားထိုင်မှာ ထိုင်ပြီး ဦးအံ့ကြီး သီချင်းတွေကို အေးအေးလူလူ မှုတ်နေတော့တာဘဲ။ ကျွန်တော်လည်း ဒီလိုနှင့် အဖေ့အကြောင်းပြုပြီး အသက်ငါးနှစ်ခြောက်နှစ်ကတည်းက ဦးအံ့ကြီး ပရိတ်သတ်ဖြစ်သွားရပါတယ်။ တခြားအနောက်တိုင်း ဂီတအမျိုးမျိုးကိုလည်း အဖေ့အကြောင်းပြုပြီး ကျွန်တော်အသက်ငယ်ငယ်နှင့် နားထောင်ခံစားတတ်ခဲ့ပါတယ်။ ကျွန်တော့်ရဲ့  ညံ့ဖျင်းမှုများထဲက တစ်ခုကတော့ အခုအချိန်အထိ ဘာတူရိယာပစ္စည်းမှာ ကျွမ်းကျွမ်းကျင်ကျင် မတီးတတ်၊ မမှုတ်တတ်ခြင်းပါဘဲ။ :)

အဖေက ကံတော့ အတော်ကောင်းတယ် ပြောရမယ်။ သူ ငယ်ငယ် ကျောင်းတက်လာရတာက အင်္ဂလိပ်ကျောင်းတွေ၊ ပတ်ဝန်းကျင်မှာ ထိတွေ့ဆက်ဆံခဲ့ရတဲ့သူတွေကလည်း ဘာသာခြားတွေဖြစ်ခဲ့တော့ သူ့  ခေါင်းထဲမှာ ဘာသာခြားတွေရဲ့  သြဇာလွှမ်းမိုးမှုက တော်တော်များခဲ့တယ်။ သူ့မွေးချင်းမောင်နှမတွေ အားလုံးနီးပါး ဘာသာခြားတွေအဖြစ် ခံယူသွားကြတယ်။ သူ့ကိုတော့ ဗုဒ္ဓဘာသာကို အထူးသက်ဝင်ကိုင်းရှိုင်းတဲ့ဆရာမတစ်ယောက်ကနေ သားသမီးလို စောင့်ရှောက်ခဲ့တာရယ်၊ အမေနှင့် အိမ်ထောင်ကျလိုက်တာရယ်ကြောင့် ဘာသာခြားတော့ ဖြစ်မသွားခဲ့ဘူး။ ဒါပေမယ့် သူ့ဘ၀တစ်လျှောက်မှာ ဗုဒ္ဓဘာသာကို ဒီလောက် လေးလေးနက်နက်ရှိလှတယ်မဟုတ်ဘူး။

ဒါပေမယ့် အဖေ့မှာ စိတ်ဝင်စားဖို့ကောင်းတာ စိတ်ပိုင်းဆိုင်ရာ စွမ်းအားမြင့်မားမှုက မွေးရာပါလား၊ သူ့ဖာသာ ကျင့်ထားတာလားတော့မသိဘူး။ တော်တော်လေးမြင့်တာကို သတိထားမိတယ်။ စိတ်ဓါတ်ခိုင်မာတယ်။ ပြတ်သားတယ်။ သမာဓိအားကောင်းတယ်။ နောက် သူက အိန္ဒိယက ကျင့်စဉ်တွေကိုတော့ တော်တော် စိတ်ဝင်စားတယ်။ နောက်ပိုင်း သူအလုပ်တွေ နားလိုက်တဲ့အချိန်မှာ မိတ်ဆွေတစ်ယောက်တိုက်တွန်းမှုကနေ တရားစအားထုတ်ဖြစ်သွားတယ်။ အဲဒီကနေ တစ်စတစ်စ ဗုဒ္ဓဘာသာကို သူစိတ်ဝင်တစားလေ့လာတော့တယ်။ သင်တန်းတွေတက်တယ်။ တရားတွေ နာတယ်။ စာအုပ်တွေဖတ်တယ်။ ရိပ်သာတွေ ၀င်တယ်။ ပရိယတ်၊ ပဋိပတ်ကို စနစ်တကျ လုပ်နေတယ်လို့ ပြောရမှာပါဘဲ။

ကျွန်တော် ၀ိမုတ္တိသုခ နာမည်နှင့် အွန်လိုင်းမှာ စာရေးနေတာ သူမသိပါဘူး။ ဟိုတလောက ကျွန်တော့်အမတစ်ယောက်က ကျွန်တော် အဲဒီနာမည်နှင့် ဘာသာရေးစာတွေရေးနေကြောင်း အဖေ့ကို ပြောတော့ သူက ဒီကောင် ဘာသာရေးအကြောင်း ဘာနားလည်လို့ စာတွေလျှောက်ရေးနေတာလဲ။ ဘာသာရေးစာဆိုတာ ရမ်းတုတ်ပြီး ရေးလို့ မရဘူး လို့ ဒီကောင့်ကို ပြောလိုက်လို့ ဆိုသတဲ့။ နောက် ကျွန်တော်လေ့လာဖို့ဆိုပြီး အဘိဓမ္မာနှင့် ပတ်သက်တဲ့စာအုပ်တွေ ၀ယ်ပြီး ပို့ခိုင်းလိုက်ပါတယ်။ အခုထိတော့ ကျွန်တော့်ဆီမရောက်လာသေးတော့ ဘာစာအုပ်တွေ ပို့ပေးလိုက်တယ်တော့ မသိဘူး။ :)

မိဘကျေးဇူးကြီးတယ်ဆိုတာကို ဗုဒ္ဓဘာသာကို ယုံကြည်လက်ခံကိုးကွယ်ကြတဲ့သူတွေအတွက် ထွေထွေထူးထူး ရှင်းပြရမယ့်ကိစ္စတစ်ခုတော့ မဟုတ်ပါဘူးလေ။ အားလုံး နားလည်ထားပြီး၊ သိထားပြီးသား အကြောင်းအရာ တစ်ခုပါဘဲ။ ဒါပေမယ့် ကျွန်တော်တို့တွေ လူမှုရေး၊ စီးပွားရေး ကိစ္စတွေနှင့် လုံးလည်လိုက်ရင်း တခါတလေ မိဘတွေကို မေ့နေတတ်ကြတယ်။ သတိရရင်တောင်မှ မိတ်ဆွေ သူငယ်ချင်းကို သတိရသလိုမျိုး ပေါ့ပေါ့တန်တန်လောက်နှင့် ပြီးသွားတတ်ကြတယ်။ မိဘတွေကတော့ သားသမီးတွေကို သတိရတဲ့အခါမှာ ကိုယ်တွေလိုမျိုး ပေါ့ပေါ့တန်တန် သတိရတာမျိုး မဟုတ်မှာတော့ ကျိန်းသေပါတယ်။

မိခင်နှင့် ဖခင်ဆိုတာ ကိုယ့်ကို မွေးပြီးပြီးချင်း နှစ်ယောက်လုံး ဆုံးပါးသွားခဲ့ရင်တောင်မှ ပဋ္ဌာန်းတရားတော်အရကြည့်မယ်ဆိုရင် သူတို့ရဲ့  အထောက်အပံ့ကျေးဇူးတရားတွေက သားသမီးရဲ့  ဘ၀တစ်လျှောက်လုံး၊ အသက်သေတဲ့အထိ အမြဲတမ်း တပါတည်းလိုက်ပါနေတာမျိုးပါ။ မင်္ဂလသုတ်တော်မှာ မြတ်စွာဘုရားရှင်က မိဘကို လုပ်ကျွေးပြုစုတာကို မင်္ဂလာတစ်ပါးအနေနှင့် မာတာပိတု ဥပဋ္ဌာနံ ဆိုပြီးတော့ ဟောထားသလို၊ ကျေးဇူးရှင်ကို ကျေးဇူးပြန်လည် ပြုတာကိုလည်း မင်္ဂလာအဖြစ်နှင့် ကတညုတ-ကတဝေဒီ လို့လည်း ပြောထားခဲ့ပါတယ်။ အရှင်မြတ်ကြီး ကိုယ်တော်တိုင်လည်း မိခင်ကျေးဇူးကို ဘ၀တစ်ပါးပြောင်းသွားတဲ့ နတ်သားဘ၀ရောက်သွားတာတောင် ရအောင် အဘိဓမ္မာတရားဟောပေးပြီး ကျေးဇူးဆပ်ခဲ့သလို၊ ဖခင်ဖြစ်သူကိုလည်း သေရာညောင်စောင်းလဲလျောင်းနေရတဲ့ နောက်ဆုံးအချိန်မှာ အရဟတ္တမဂ်တည်သွားနိုင်အောင် တရားပြ ကျေးဇူးဆပ်တော်မူခဲ့ပါတယ်။

ဘုရားရှင်ရဲ့  တပည့်သားတွေဖြစ်တဲ့ ကျွန်တော်တို့တွေလည်းဘဲ မိဘကို ကိုယ့်ရဲ့  ကိုယ်စွမ်းဉာဏ်စွမ်းလေးရှိသလောက် ပြန်ပြီး ကျေးဇူးတုံ့ပြန်ကြရမှာပါဘဲ။ အနည်းဆုံးတော့ ကိုယ့်ကို အကြောင်းပြုပြီး ကိုယ့်မိဘ စိတ်မဆင်းရဲရအောင် ကိုယ့်ကိုယ်ကို တာဝန်ယူဆောက်တည်နိုင်ဖို့ လုပ်ရမယ်လို့ တွေးမိတယ်။ သူတို့နောက်ဆုံးမျက်စိနှစ်လုံးမှိတ်တဲ့အချိန်မှာ ငါ့သားသမီးလေးတော့ အဆင်မှ ပြေပါ့မလားဆိုတဲ့ အတွေးမျိုး မ၀င်မိသွားရလေအောင် အမြဲတမ်း သတိထားကြိုးစားနေထိုင်သွားရမယ်လို့ ကိုယ့်ကိုယ်ကို သတိပေးမိပါတယ်။

ဘာရယ် မဟုတ်ပါဘူး။ ဒီနေ့ အဖေ့မွေးနေ့မို့လို့ အမှတ်တရ ဒီစာလေး ချရေးမိတာပါ။

မိခင်ဖခင်တိုင်း စိတ်ချမ်းသာ၊ ကိုယ်ချမ်းသာ ရှိကြပါစေ။

လေးစားစွာဖြင့်
ဝိမုတ္တိသုခ
၁၄၊ ၁၁၊ ၂၀၁၂။

ဆက်လက်ဖတ်ရှုရန်

ENTWINED (Harmony Of Head And Heart By Moe Hein)

For me,

I have no wish to read

the stars and signs

or dots and lines of

astrology and palmistry.

They may

foretell my future fate,

things good or bad

that lie in wait.

But it is I

who move the wheel.

And it is I

who stand or kneel.

It all depends on me.

I only wish

my heart be strong

to endure hardship

and my head be wise

to discern things.

Let them be entwined with 

morale and moral.

If so,

come what may

fortune or misfortune

happiness or sorrow

my door is open.

(From Poems On Life)

ဆက်လက်ဖတ်ရှုရန်

ဗုဒ္ဓအလိုတော်ကျ 3D လူသားဘ၀ကို တည်ဆောက်ခြင်း

ဒီစာစုကတော့ အောက်တိုဘာလ (၂၇) ရက်နေ့မှာ ကျရောက်တဲ့  ဘုန်းဘုန်း အရှင်သုနန္ဒာလင်္ကာရ (ပန်းကမ္ဘာ)ရဲ့  သက်တော် (၃၄)နှစ်ပြည့်မြောက်တဲ့မွေးနေ့အတွက် အမှတ်တရ မွေးနေ့လက်ဆောင်အဖြစ် ရေးသားပူဇော်တာဖြစ်ပါတယ်ခင်ဗျာ။

*****************************************

ဘုန်းဘုန်းရေ

မင်္ဂလာအပေါင်းနှင့် ပြည့်စုံတဲ့ ပျော်ရွှင်ဖွယ်ရာ မွေးနေ့ဖြစ်ပါစေလို့ အရင်ဆုံး ဆုတောင်းမေတ္တာပို့သအပ်ပါတယ်ဘုရား။
ဘုန်းဘုန်းမွေးနေ့အတွက် တပည့်တော် အမှတ်တရ အနေနှင့် လောကမှာရှိကြတဲ့ သတ္တ၀ါတွေ တစ်ဦးနှင့်တစ်ဦး အသိဉာဏ်အဆင့်အတန်းမတူညီ ကွဲပြားတာပေါ်မှာ မူတည်ပြီး ဘ၀တွေကွဲပြားသွားကြတာကို  ခေတ်အမြင်နှင့် ဓမ္မအမြင် စပ်ဆက်ပြီး တွေးမိသလောက် ချရေးကြည့်ပြီး လက်ဆောင်အဖြစ် ပေးလိုက်ပါတယ်ဘုရား။

လောကမှာ လူတွေဟာ လူအချင်းချင်း၊ ဒါမှမဟုတ် လူနှင့်တိရစ္ဆာန် နှိုင်းယှဉ်ပြီး အဆင့်အတန်းခွဲခြားသတ်မှတ်တတ်ကြပါတယ်။ တချို့ ဘာသာအယူဝါဒတွေအရတော့ တိရစ္ဆာန်ဆိုတာဟာ လူတွေရဲ့  အသုံးတော်ခံဖို့ မွေးလာတာလို့ ယူဆကြပြီး သူတို့ကို သက်ရှိစာရင်းထဲတောင် မသွင်းထားတာ သတိထားမိပါတယ်။ တချို့ ဘာသာအယူဝါဒတွေမှာတော့ လူအချင်းချင်းကိုပဲ အမျိုးဇာတ်တွေခွဲပြီး ဆက်ဆံကြတာလည်းရှိတယ်။ တချို့ ကတော့ ခိုင်းစေသူနှင့် ခိုင်းစေခံဆိုပြီးခွဲကြပြန်တယ်။ တချို့ က အသားအရေပေါ်မူတည်ပြီးခွဲတယ်။ တချို့ လူ့အဖွဲ့ အစည်းတွေမှာတော့ အသက်ကြီးတာ၊ ငယ်တာကို မူတည်ပြီး လူတန်းစားသတ်မှတ်တယ်။ တချို့ ကျပြန်တော့ ငွေကြေးဓနအင်အားပြည့်စုံတာ မပြည့်စုံတာကို ကြည့်ပြီး လူတန်းစားသတ်မှတ်ကြတယ်။ တချို့ မှာတော့ အသိပညာ၊ အတတ်ပညာ သိနားလည်ကျွမ်းကျင်မှုကိုမူတည်ပြီး သတ်မှတ်ကြပြန်တယ်။ ခေတ်စနစ် အခြေအနေ၊ ဓလေ့ထုံးစံ၊ ယုံကြည်ကိုးကွယ်မှုတွေပေါ် မူတည်ပြီး အယူအဆတွေ အမျိုးမျိုးကွဲပြားကြတယ်။

Level Of Being ကို ခြွဲုခားသတ်မှတ်ကြတာနှင့်ပတ်သက်ပြီး အနောက်တိုင်းကပညာရှင်တစ်ဦးရဲ့  ခွဲခြားသတ်မှတ်ပုံတစ်ခုက ရိုးရှင်းပြီး သချာင်္ဆန်တာမို့ စိတ်ဝင်စားဖို့ကောင်းတာကို တွေ့မိတယ်ဘုရား။ E.F. Schumacher ဆိုတဲ့သူက သူရေးခဲ့တဲ့ A Guide For the Perplexed ဆိုတဲ့စာအုပ်မှာ သက်ရှိတွေကို Dimension တွေနှင့် ဒီလိုမျိုးအဆင့်အတန်းခွဲပြထားတယ်ဘုရား။

'Mineral' = m
'Plant' = m + x
'Animal' = m + x + y
'Man' = m + x + y + z

အခြေခံအနေနှင့် Mineral ဆိုတဲ့ ဓါတ်သတ္တုကို သူက m ဆိုတဲ့ ကိန်းသေအက္ခရာ သတ်မှတ်လိုက်တယ်။ နောက်တော့ x ရယ်၊ y ရယ်၊ z ရယ် အနောက်ကနေ လိုက်ပေါင်းလိုက်တယ်။ သချာင်္နှင့် သိပ္ပံဘာသာရပ်တွေမှာ ဒီ x ရယ် y ရယ် z ရယ် ဆိုတာဟာ Dimension (ရှုထောင့် (သို့) ဘက်) ကို ညွှန်းဆိုတဲ့ အက္ခရာတွေဖြစ်ပါတယ်။ အခုလူတွေပြောပြောနေကြတဲ့ တစ်ဘက်မြင်(1 Dimension)တို့၊ နှစ်ဘက်မြင် (2 Dimensions) တို့၊ သုံးဘက်မြင် (3 Dimensions) ဆိုတာတွေပေါ့။

ဒီတော့ Plant ဆိုတဲ့ အပင်တွေဟာ m နှင့် x ပေါင်းထားတာပါတဲ့။ x က ဘာကို ကိုယ်စားပြန်ပြုလဲဆိုတော့ Life ဆိုတဲ့ ဘ၀ကိုကိုယ်စားပြန်ပြုပါတယ်။ ဒီတော့ အပင်မှာ ဓါတ်သတ္တုနှင့် ဘ၀ရှင်သန်မှု ပေါင်းထားတယ်ပေါ့။ သူတို့ကို တစ်ဘက်မြင် (One Dimension) အဖြစ် သတ်မှတ်ထားတယ်။

နောက်ပြီး Animal ဆိုတာကျတော့ m ရယ် x ရယ် y ရယ် ပေါင်းထားတယ်။ y ဆိုတာက Consciousness (သိစိတ်) ပါတဲ့။ ဒီတော့ တိရစ္ဆာန်မှာ ဓါတ်သတ္တုရယ်၊ ဘ၀ရှင်သန်ရပ်တည်မှုရယ် သိစိတ်ရယ် ရှိတဲ့ နှစ်ဘက်မြင် (Two Dimensions) တွေလို့ သူက သတ်မှတ်တယ်။

နောက်တော့မှ Man ဆိုတာမှာတော့ m ရယ်၊ x ရယ်၊ y ရယ်၊ z ရယ် ပေါင်းထားတယ်။ z ဆိုတာက Self-Consciousness (ကိုယ့်ကိုယ်ကို ပြန်သိနိုင်တဲ့စိတ်) ကိုဆိုလိုပါတယ်။ ဒီတော့ လူဆိုတာ ဓါတ်သတ္တုရယ်၊ ဘ၀ရပ်တည်မှုရယ်၊ သိတတ်တဲ့စိတ်၊ ကိုယ့်ကိုယ်ကို ကိုယ်ပြန်သိနိုင်တဲ့ စိတ်တွေပါဝင်တဲ့ Three Dimensions (သုံးဘက်မြင်) သတ္တ၀ါအဖြစ်နှင့် သူက သုံးသပ်ပြထားပါတယ်။

ဒီ သတ်မှတ်ပုံလေးက ရိုးရိုးရှင်းရှင်းလေးနှင့် နားလည်ရလွယ်ကူတယ်လို့ မြင်မိပါတယ်။ လူတွေမှာ သုံးဘက်မြင်နိုင်တဲ့ အခြေအနေအခွင့်အလမ်းရှိနေပေမယ့်လို့ လူတော်တော်များများဟာ ဒီ z ဆိုတာလေး ထည့်ပေါင်းဖို့ကို မေ့မေ့ထားတတ်ကြတာကို သတိထားမိပါတယ်ဘုရား။ အဲဒီလိုအခါကျတော့ Man အဆင့်ကနေ အောက်ကို ပြုတ်ရတော့တာပေါ့။



Level Of Being နှင့် ပတ်သက်ပြီး ဆရာတော်ဦးဇောတိက ဟောထားတဲ့ တရားတစ်ပုဒ်လည်း နာဖူးသေးတယ်ဘုရား။ ဆရာတော်က တီကောင်တစ်ကောင်ရဲ့  ဘ၀အမြင်နှင့် လိပ်ပြာလေးတစ်ကောင်ရဲ့ ဘ၀အမြင်မတူပုံကနေစပြီး ရှင်းပြထားတယ်။ မြေကြီးပေါ်မှာ တွားသွားနေရတဲ့ တီကောင်တစ်ကောင်ရဲ့  သိနိုင်ခွင့်ရှိတဲ့ အခြေအနေနှင့် လိပ်ပြာတစ်ကောင်ရဲ့  သိနိုင်ခွင့်ရှိပုံဟာ တိရစ္ဆာန်ချင်းတူရင်တောင်မှပဲ မတူညီနိုင်ဘူး။ အဲဒီကမှတစ်ဆင့် လိပ်ပြာတစ်ကောင်ရဲ့  သိနိုင်တာနှင့် ငှက်လေးတစ်ကောင် သိနိုင်တာက ကွာသွားပြန်တယ်။ အဲဒီငှက်သိပုံနှင့် လူနှင့်နီးစပ်တဲ့ ချင်ပန်ဇီမျောက်တစ်ကောင် သိနိုင်ပုံက ကွာမယ်။ အဲဒီကမှတစ်ဆင့် ချင်ပန်ဇီနှင့် လူ သိပုံကွာမယ်။ လူမှာမှ စာဖတ်တတ်တဲ့သူ၊ မဖတ်တတ်တဲ့သူ သိပုံကွာမယ်။ စာဖတ်တတ်တဲ့သူမှာမှ အဓိပ္ပါယ်ကို သိတဲ့သူ၊ မသိတဲ့သူကွာမယ်။ အဓိပ္ပါယ်ကို သိတဲ့သူမှာမှ ရိုးရိုးသိတာနှင့် ဆင်ခြင်သိတာ၊ ခန္ဓာနှင့်ရင်းပြီးသိတာကွာမယ် စသဖြင့် အသိဉာဏ်ပေါ်လိုက်ပြီး သတ္တ၀ါတွေရဲ့ အဆင့်အတန်းကွဲပြားသွားပုံကို ဆရာတော်က ရှင်းပြထားတယ်ဘုရား။

Level Of Being ကို မြတ်စွာဘုရားရှင်ကရော ဘယ်လိုမျိုးများ သတ်မှတ်ထားတာ ရှိလဲလို့ တပည့်တော်လည်း ပိဋကတ်စာပေထဲမှာ လက်လှမ်းမှီသလောက် လိုက်ရှာဖတ်ကြည့်မိပါတယ်ဘုရား။

အင်္ဂုတ္တရနိကာယ်၊ တိက၀ဂ်မှာပါတဲ့ အန္ဓသုတ်မှာ မြတ်စွာဘုရားက လောကမှာ ပုဂ္ဂိုလ်သုံးမျိုးရှိကြောင်းဟောထားတယ်ဘုရား။ ကန်းတဲ့ပုဂ္ဂိုလ်ရယ်၊ တစ်ဘက်အမြင်ပဲရှိတဲ့ ပုဂ္ဂိုလ်ရယ်၊ နှစ်ဘက်အမြင်ရှိတဲ့ ပုဂ္ဂိုလ်ရယ်ဆိုပြီး ခွဲပြထားတာတွေ့တယ်ဘုရား။ ကန်းတဲ့ပုဂ္ဂိုလ်ဆိုတာ လောကီကြီးပွားကြောင်းရော၊ လောကုတ္တရာကြီးပွားကြောင်းရော ဘာမှ မသိတဲ့သူလို့ ပြောထားတယ်။ တစ်ဘက်အမြင်ပဲရှိတဲ့သူဆိုတာကတော့ လောကီကြီးပွားကြောင်းဘဲ သိပြီး၊ လောကုတ္တရာကြီးပွားကြောင်းကို နားမလည်သူလို့  ပြောတယ်။ နှစ်ဘက်အမြင်ရှိတဲ့သူဆိုတာကတော့ လောကီရော၊ လောကုတ်ရော ကြီးပွားကြောင်းကို သိတဲ့သူပါလို့ ပြောပါတယ်ဘုရား။ မြတ်စွာဘုရားက နှစ်ဘက်အမြင်ရှိတဲ့သူကိုသာ ရွေးချယ်ပေါင်းဖော်ကြဖို့ တိုက်တွန်းထားတဲ့ သုတ်တော်တစ်ပုဒ်ပါဘုရား။

နောက်တစ်မျိုးခွဲပြတာတွေ့မိတာတော့ ပုထုဇဉ်လေးမျိုးခွဲပြထားတာပါဘုရား။
(၁) အန္ဓဗာလ ပုထုဇဉ်၊ (၂) အန္ဓပုထုဇဉ် (၃) ကလျာဏ ပုထုဇဉ်၊ (၄) စူဠသောတာပန် ပုထုဇဉ်ဆိုပြီး လေးမျိုး ခွဲပြပါတယ်။

အန္ဓဗာလပုထုဇဉ်ဆိုတာ ကုသိုလ်တရား၊ အကုသိုလ်တရားဆိုတာတွေကို ဘာဆိုဘာမှ နားမလည်လို့ မကောင်းတာတွေကိုဘဲ လုပ်မိနေတတ်ကြတဲ့သူတွေကို ခေါ်ပါတယ်တဲ့။ အန္ဓပုထုဇဉ်ဆိုတာကျတော့  ကုသိုလ် အကုသိုလ်ကို သိပေမယ့်လို့ များသောအားဖြင့်တော့ အကုသိုလ်အလုပ်တွေနှင့်သာ ပျော်နေတတ်ကြတဲ့သူမျိုးတွေပါ။ ကလျာဏပုထုဇဉ်ဆိုတာကတော့ ကုသိုလ် အကုသိုလ်ကိုလည်း သိတယ်၊ ကုသိုလ်ဖြစ်ကြောင်းတွေကိုလည်း တတ်နိုင်သလောက်ရွေးလုပ်တယ်။ ဒါပေမယ့် လောကလွတ်မြောက်ကြောင်း ၀ိပဿနာတရားကိုတော့ ခန္ဓာဉာဏ်စိုက်သိအောင် မစွမ်းဆောင်နိုင်သေးတဲ့သူတွေလို့ ဆိုတယ်။ နောက်ဆုံး စူဠသောတာပန်ပုထုဇဉ်ကတော့ ၀ိပဿနာတရားကို ဘာဝနာမယဖြစ်အောင်ကိုယ်တိုင်အားထုတ်လို့ ရုပ်နာမ်ခန္ဓာတွေရဲ့ အကြောင်းကို ပညတ်နယ်ကနေလွန်အောင် သိမြင်ထားတဲ့သူတွေအဖြစ် သတ်မှတ်ထားတာကို တွေ့ပါတယ်။

နောက်တစ်ခါ အဂုင်္က္တိုရ်ပါဠိတော်၊ အနုသယ၀ဂ်၊ ဥဒကူပမာသုတ်တော်မှာ မြစ်ထဲမှာ မြောပါနေကြတဲ့ လူ (၇) ယောက်နှင့် ဥပမာပေးပြီး ခွဲပြထားတာ ထပ်တွေ့မိပါတယ်ဘုရား။
(၁) တစ်ခါတည်းနှင့် မြုပ်တဲ့သူ၊
(၂) တစ်ကြိမ်ပေါ်ပြီးမြုပ်တဲ့သူ၊
(၃) ပေါ်ပြီး ရေပေါ်တည်တဲ့သူ၊
(၄) ရေပေါ်ပေါ်ပြီး ဟိုသည် ကြည့်တဲ့သူ၊
(၅) ရေကူးသွားတဲ့သူ၊
(၆) ထောက်တည်ရာ ရတဲ့သူ၊
(၇) ကမ်းတစ်ဘက်ကို တက်သွားတဲ့သူဆိုပြီး ခွဲပြပါတယ်ဘုရား။
အဲဒီ (၇)မျိုးမှာ (၁) ကနေ (၃) အထိကို ပုထုဇဉ်အဖြစ် သတ်မှတ်ထားတာ တွေ့ရပါတယ်။ ကျန်တဲ့ အမှတ်စဉ် (၄)ကနေ (၇) အထိကိုတော့ အရိယာအဖြစ် သတ်မှတ်ထားပါတယ်ဘုရား။

မြတ်စွာဘုရားရှင်ရဲ့  Level Of Being သတ်မှတ်ချက်ကို လေ့လာကြည့်တဲ့အခါမှာ သတ္တ၀ါတွေရဲ့ အသိဉာဏ်နှင့် စိတ်ဓါတ်အဆင့်အတန်း မြင့်မားမှုပေါ်မှာ မူတည်သတ်မှတ်ထားတာကို သတိထားမိပါတယ်ဘုရား။ တနည်းပြောမယ်ဆိုရင်တော့ သီလ၊ သမာဓိ၊ ပညာ သိက္ခာသုံးပါး ကျင့်သုံးစောင့်တည်နိုင်မှုပေါ်မှာ မူတည်သတ်မှတ်တယ်လို့ဘဲ ပြောရမှာပါ။ ဒီလိုသတ်မှတ်ရာမှာ Level Of Being ဟာ တခြားအယူဝါဒတွေမှာလို တသမတ်ထဲပုံသေဖြစ်နေတာမဟုတ်ပဲ မိမိရဲ့  ကြိုးစားအားထုတ်မှုအနည်းအများပေါ်မှာ မူတည်ပြီး အတက်အကျ၊ အနိမ့်အမြင့်ရှိနိုင်ပါတယ်။  သိက္ခာသုံးပါးကို ရုပ်ပုံအနေနှင့် ဖော်ကြည့်မယ်ဆိုရင် ပိရမစ်ပုံလိုမျိုး အောက်ခြေကနေ အပေါ်ဆီကို တစ်ဆင့်ချင်းတက်သွားတာလို့ မြင်မိပါတယ်ဘုရား။

မြတ်စွာဘုရားအလိုတော်ကျ လူ့အဆင့်အတန်းမီဖို့ဆိုရင် ပထမဆုံး လူတစ်ယောက်အနေနှင့် စောင့်ထိန်းအပ်တဲ့ အခြေခံသီလတွေကို စပြီးလုံခြုံအောင် စောင့်ထိန်းနိုင်ရပါမယ်။ သီလကို စောင့်ထိန်းနိုင်လာပြီဆိုရင် စိတ်တည်ငြိမ်စင်ကြယ်သွားအောင် သမထဘာဝနာတစ်ခုခုကို ဆက်ပြီး ကျင့်သုံးဆောက်တည်ရပါမယ်။ သမာဓိကို ပျိုးထောင်တဲ့အခါမှာ ရိုးရိုးစိတ်တည်ငြိမ်အေးချမ်းသွားအောင် လုပ်တာကနေစလို့ ဈာန်အဘိဉာဉ်တွေရတဲ့အထိ ကျင့်ကြံအားထုတ်နိုင်အောင် ညွှန်ကြားထားတာတွေကို ပိဋကစာပေထဲမှာ စုံစုံလင်လင်တွေ့ရပါတယ်။ သမာဓိသိက္ခာကနေ တဆင့်တက်လို့ ပညာသိက္ခာကိုကူးပြီဆိုရင်တော့ သတိပဋ္ဌာန်တရားလေးပါးကို လက်ကိုင်ထားပွားများကြဖို့ပါဘဲ။ ဒီလိုအစဉ်အတိုင်း ကျင့်သုံးဆောက်တည်သွားတာဟာ အန္ဓဗာလပုထုဇဉ်အဖြစ်ကနေ ကလျာဏပုထုဇဉ်အဖြစ်ကို တဆင့်ချင်းမြှင့်တင်ယူလိုက်တာဘဲဖြစ်ပါတယ်။

အဲဒီကနေမှတဆင့် ဆက်ကြိုးစားမယ်ဆိုရင်တော့ အသိဉာဏ်တွေ တဆထက်တဆ တိုးတက်ရင့်ကျက်လာပြီး ရုပ်၊ နာမ်တရားတွေရဲ့  အကြောင်းအကျိုး ခန္ဓာဖြစ်စဉ်ကို ကွဲကွဲပြားပြားသိမြင်လာတဲ့ စူဠသောတာပန်အဖြစ်ကို ရောက်ရှိလာပါတော့တယ်။ အဲဒီကမှ ရှေ့ ဆက်ကြိုးစားလိုက်တော့ ယုံမှားမှုတွေ အယူမှားမှုတွေကနေ ထာဝရဆိတ်သုဉ်းသွားတဲ့ သောတာပန်အရိယာအဖြစ်ကို ရောက်ရှိသွားပါတယ်။ အဲဒီကနေ ဆက်ကြိုးစားရင် ကာမရာဂတွေ၊ ဒေါသ၊ ဒေါမနဿတရားတွေ တဖြည်းဖြည်း ပါးရှားလာပြီး နောက်ဆုံး လုံးဝချုပ်ငြိမ်းသွားပါတော့တယ်။ အဲဒီမှာတင် ရပ်မနေပဲ ဆက်ကြိုးစားရင်တော့ နောက်ဆုံးမှာ မောဟ၊ မာနနှင့် ကျန်တဲ့ကိလေသာတရားတွေပါ အားလုံး ဆိတ်သုဉ်ပြီး အဆုံးစွန်သောလွတ်မြောက်မှုကို ရရှိတဲ့သူ ဖြစ်သွားပါတော့တယ်။ ဒီလိုလွတ်မြောက်သွားတဲ့သူဆိုတာဟာ မြတ်စွာဘုရားရှင်သတ်မှတ်တဲ့ Level Of Being ရဲ့  အမြင့်ဆုံး Level ကို ရောက်ရှိသွားတဲ့ အဆင့်အတန်းအမြင့်ဆုံးပုဂ္ဂိုလ်ဖြစ်သွားတာပါဘဲ။ Schumacher ရဲ့  အလိုကျပြောရရင်တော့ Self-Consciousness အမြင့်ဆုံး သတ္တ၀ါအဖြစ်ကို ရောက်ရှိသွားတယ်လို့ ပြောရမှာဖြစ်သလို အရည်အသွေးအမှီဆုံး 3D လူသားဖြစ်သွားတာဘဲဖြစ်ပါတယ်။

မြတ်စွာဘုရားရှင်က သိက္ခာသုံးပါးကို ဖြည့်ဆည်းဖို့အတွက် မဂ္ဂင်ရှစ်ပါးဆိုတဲ့ လမ်းစဉ်ကို ပြောပြပေးထားခဲ့ပါတယ်။ လမ်းစဉ်နှင့် အတူ ကျင့်သုံးရင် ရောက်ရှိမယ့် ပန်းတိုင်တွေကိုလည်း တစ်ဆင့်ချင်း တစ်ဆင့်ချင်း ဘယ်နေရာရောက်ရင် ဘယ်လိုဖြစ်မယ်၊ ဘာတွေကိုတွေ့ရမယ်ဆိုတာကို အတိအကျ ပြောပြပေးထားခဲ့ပါတယ်။ လမ်းညွှန်ပြသူဘက်က သူထမ်းရွက်ရမယ့် ၀တ္တရားကို မလစ်ဟင်းရအောင် အပြည့်အ၀ ကျေပွန်အောင် တာဝန်ယူသွားခဲ့ပါပြီ။ ဘုန်းဘုန်းနှင့် တပည့်တော်တို့အပါအ၀င် သံသရာခရီးသွားတွေသာ ကြုံတောင့်ကြုံခဲ ဒီဘ၀ လမ်းညွှန်တဲ့သူနှင့် ဆိုက်ဆိုက်မြိုက်မြိုက်ဆုံရတဲ့အခိုက် လမ်းပြသူစကားကို သေသေချာချာ နားမထောင်ပဲ ယောင်တောင်တောင်လုပ်နေမိရင်တော့ မြစ်ထဲမှာ ပေါ်ပြီးပြန်မြုတ်တဲ့သူရဲ့ အဖြစ်ကို ရောက်ကြရမှာ အသေအချာပါဘဲ။

ဒါကြောင့် အခုလို အခွင့်အခါကောင်း မှီတုန်းလေးမှာ တပည့်တော်တို့တတွေလည်း အစွမ်းကုန် ကြိုးစားရုန်းပြီး အဆင့်မြင့် 3D လူသားတွေဖြစ်အောင် ကြိုးစားကြပါစို့လို့ ခရီးသွားဖော်အချင်းချင်း သတိတရ တိုက်တွန်းရင်း....ဘုန်းဘုန်း ယခုကျရောက်တဲ့မွေးနေ့မှသည် စိတ်ချမ်းသာ၊ ကိုယ်ချမ်းသာစွာဖြင့် ရည်မှန်းရာ လောကုတ္တရာပန်းတိုင်ဆီကို လွယ်ကူ၊ လျင်မြန်၊ သက်သာစွာနှင့်  ရောက်ရှိပေါက်မြောက်နိုင်ပါစေကြောင်း ဆုတောင်းမေတ္တာပို့သအပ်ပါတယ်ဘုရား။

ရိုသေစွာဖြင့်
ဝိမုတ္တိသုခ
အောက်တိုဘာလ ၂၇၊ ၂၀၁၂။

ဆက်လက်ဖတ်ရှုရန်

အားသန်ရာကို သိပါလေ....

🔸 အားသန်ရာကို သိပါလေ.... 🔸

အခုရေးမယ့်အကြောင်းအရာက ဘာသာရေးအကြောင်းတော့ မဟုတ်ပါဘူး။ အခုတလော အင်တာနက်ပေါ်မှာနှင့် တခြားနေရာတော်တော်များများမှာ သတိထားမိတာလေးကို အရင်ကသိထားဖူးတဲ့ အကြောင်းအရာတွေနှင့် ပေါင်းပြီး ပြောပြချင်လို့ပါ။ တချို့ လည်း အခုပြောမယ့်ကိစ္စကို သိပြီးသား ဖြစ်ချင်ဖြစ်နေမှာပါ။ မသိသေးတဲ့သူတွေအတွက်တော့ Knowledge Share သဘောမျိုး လုပ်လိုက်ပါတယ်။ သိထားပြီးသား ပုဂ္ဂိုလ်များကလည်း အခုအကြောင်းအရာကို မိမိတို့မြင်တဲ့ရှုထောင့်အသီးသီးကနေ ၀ိုင်းပြီး ဆွေးနွေးပေးဖို့ ဖိတ်ခေါ်ပါတယ်။ ဒါမှ ကျွန်တော်ရော၊ စာလာဖတ်ကြတဲ့သူတွေအားလုံးရော အသိပညာဗဟုသုတတွေ ရှေးကထက်တိုးပြီး စုဆောင်းမိသွားနိုင်မှာ မို့လို့ပါ။

လွန်ခဲ့တဲ့ ဆယ်စုနှစ် နှစ်ခုလောက်နီးပါးက ဖြစ်မယ်ထင်ပါတယ်။ စာရေးဆရာမ ဂျူးရဲ့  ၀တ္ထုတိုလေး နှစ်ပုဒ်ကို ထူးအိမ်သင်နှင့် ဟေမာနေ၀င်းတို့က အသံထွက်ဖတ်ပြီး အခွေထုတ်ခဲ့ပါတယ်။ အခုတောင် အွန်လိုင်းမှာ သူတို့ အသံဖိုင်တွေ ရှိနေပါတယ်။ အဲဒီတုန်းကတော့ ဆရာမဂျူးတစ်ယောက် အစမ်းထွင်တယ်လို့ စိတ်ထဲက ထင်မိခဲ့ပါတယ်။ လွန်ခဲ့တဲ့ ဆယ်နှစ်ကျော်လောက်က ဆူနာမီဆရာတော်ဦးဥတ္တမသာရ (ယခု သဘာဝတရားရိပ်သာဆရာတော်) က သူ့ရဲ့  “အ၀ိဇ္ဇာမှ ၀ိဇ္ဇာသို့ ” ဆိုတဲ့ တရားဖြန့်ချိရေးဌာနမှာ ဆရာကြီးရွှေဥဒေါင်းရဲ့ ဆောင်းပါးတွေကို သူကိုယ်တိုင် အသံဖိုင်ပြန်ပြောင်းပြီး စီဒီခွေလုပ်ပါတယ်။ အဲဒီတုန်းက နိုင်ငံခြားရောက်နေတဲ့ ကျွန်တော့် သူငယ်ချင်းတစ်ယောက်က အဲဒီအခွေလိုချင်ပါတယ်ပြောတော့ ကျွန်တော်က သူ့ကိုတောင် ဘာလို့ သူများအသံကြီးနှင့် နားထောင်နေမှာလဲ။ စာအုပ်ပဲဖတ်ပေါ့ လို့ အတွန့်တက်ခဲ့ဖူးပါသေးတယ်။

အခုဒီဘက်နှစ်တွေမှာ ဆောင်းပါး၊ ၀တ္ထု၊ ကဗျာနှင့် တရားစာပေတွေကို စာနှင့်ရိုက်ထားတဲ့ပုံစံအဖြစ်ကနေ အသံပုံစံအဖြစ်ပြောင်းတာမျိုး အထူးတလည် လုပ်လာတာ တွေ့နေရပါတယ်။ တချို့ ကလည်း အသံပုံစံကနေ စာပုံစံကို ပြန်ပြောင်းကြပါတယ်။ ဟိုတလောကလည်း မျက်မမြင်တွေအတွက် စာအုပ်တွေကို အသံဖိုင်အဖြစ်နှင့် ပုံစံပြောင်းပြီး အလှူခံကြတာ၊ လှူကြတာ ကျွန်တော့်ပတ်ဝန်းကျင်မှာတွေ့လာရတယ်။ သူတို့တွေလို မျက်စိမမြင်ရတဲ့သူတွေအတွက်တော့ ဒီလို စာတွေကို အသံအဖြစ် ပြောင်းပေးတဲ့ကိစ္စက တကယ့်ကို ရှိသင့်တဲ့ လိုအပ်ချက်ဖြည့်ဆည်းမှုတစ်ခုပါဘဲ။ ဒီတော့ မျက်စိလည်းကောင်း၊ စာလည်းဖတ်တတ်ကြတဲ့ သူတွေအတွက်ရော ဒီအသံပုံစံစနစ်ကို ပြောင်းတဲ့ကိစ္စက တကယ်လိုအပ်ပါသလား?

Peter Drucker ရဲ့  Management Challenges For the 21st Century ဆိုတဲ့ စာအုပ်ထဲကနေ အခုမေးခွန်းနှင့် ပတ်သက်ပြီး ဆရာကြီး သုတေသနပြုပြီး လေ့လာတွေ့ရှိထားတာ အချို့ ကို ပြန်လည်ပြီး ပြောပြချင်ပါတယ်။

Drucker က လူတစ်ယောက်အနေနှင့် မိမိဟာ စာဖတ်သမား (Reader) လား၊ နားထောင်သမား (Listener) လားဆိုတာ ကိုယ့်ဖာသာသိဖို့လိုပါတယ်တဲ့။ တချို့ ကတော့ နှစ်မျိုးလုံးလည်း ဖြစ်နိုင်ပါတယ်တဲ့။ လူတွေတော်တော်များများ ဒါကို သတိမထားမိကြပါဘူး။ Drucker က နိုင်ငံရေးခေါင်းဆောင်တွေ၊ အနုပညာရှင်တွေနှင့် အောင်မြင်တဲ့စီးပွားရေးသမားတွေကို သုတေသနလုပ်ပြီး ဒီကိစ္စကို ရှင်းပြထားပါတယ်။


တချို့ နိုင်င်ငံရေးခေါင်းဆောင်တွေဟာ သတင်းစာရှင်းလင်းပွဲလိုမျိုးတွေလုပ်တဲ့အခါမှာ ပရိတ်သတ်တွေဘက်ကနေ စာနှင့်ရေးပြီး မေးလာတဲ့ မေးခွန်းမျိုးဆိုရင် ကျေနပ်အားရလောက်အောင် ထိထိမိမိ ပြန်လည်ဖြေဆိုနိုင်ကြပေမယ့် လူချင်းတိုက်ရိုက်တစ်ဦးချင်းဆုံပြီး မေးလာတဲ့အခါတွေမှာတော့ အိုးနင်းခွက်နင်း ဖြစ်တတ်ကြပါတယ်။ တချို့ ခေါင်းဆောင်တွေကျတော့ စာနှင့်ရေးသားတင်ပြလာတဲ့ အကြောင်းအရာတွေကို ကိုယ်တိုင်ဖတ်တဲ့အခါ လွယ်လွယ်နှင့် သဘောမပေါက်လို့ အဲဒီစာတွေကို ကိုယ်ရေးအရာရှိတစ်ယောက်ယောက်ကို အသံကျယ်ကျယ်နှင့်ဖတ်ခိုင်းတာမျိုးဖြစ်ဖြစ်၊ ဒါမှမဟုတ် Presentation လုပ်ခိုင်းတာမျိုးဖြစ်ဖြစ် လုပ်ပြီး နားထောင်မှသာ သဘောပေါက်ပါတယ်တဲ့။


ဒီ Reader နှင့် Listener ကွဲတာဟာ ဘယ်သန်နှင့် ညာသန်ကွဲတဲ့ပုံစံမျိုးလိုပါဘဲ။ လူဆယ်ယောက်မှာ တစ်ယောက်က ဘယ်သန်ဖြစ်တတ်ကြပြီး၊ Reader နှင့် Listener မှာကတော့ တစ်ဝက်စီလောက် ဖြစ်လိမ့်မယ်လို့ ခန့်မှန်းထားပါတယ်။ မဖွံ့ ဖြိုးသေးတဲ့တိုင်းပြည်အချို့ မှာ ဘယ်သန်တွေကို နှိမ်တာတွေ၊ ညာဘက်ကို အတင်းအသုံးပြုခိုင်းတာမျိုးတွေလုပ်ကြတော့ တချို့ လည်း အဆင်ပြေသွားကြပေမယ့် တချို့ တွေမှာ ခါးသီးတဲ့အတွေ့အကြုံတွေကို ခံစားကြရပါတယ်။ Reader နှင့် Listener တွေကိုလည်း တစ်ခုခုကိုအားသန်အောင် အတင်းမလုပ်ယူပဲ သန်တဲ့အတိုင်းပဲ ထားရှိဖို့ Drucker ကတိုက်တွန်းထားပါတယ်။

ဒါနှင့် ပတ်သက်ပြီး ကျွန်တော်ငယ်ငယ်ကဖြစ်ခဲ့တဲ့ ကိုယ်ပိုင်အတွေ့အကြုံလေးကိုလည်း ပြောပြချင်ပါသေးတယ်။ ကျွန်တော်က မွေးရာပါ ဘယ်သန်တစ်ယောက်ပါ။ သူငယ်တန်းစတက်တုန်းက အတန်းပိုင်ဆရာမကြီးက ကျွန်တော့်ကို အတင်း ညာဘက်လက်နှင့်စာရေးခိုင်းပါတယ်။ သူငယ်တန်းမတက်ခင်ကတည်းက အမေက ကျွန်တော့်ကို စာရေးတတ်အောင် သင်ထားပြီးသားမို့ တကယ်က ကျွန်တော် ဘယ်လက်နှင့်ကောင်းကောင်းစာရေးတတ်နေပါပြီ။ ဆရာမက ညာလက်နှင့် အတင်းရေးခိုင်းတော့ ကျွန်တော်ဒုက္ခရောက်ရပါတော့တယ်။ ဆရာမအလစ်ဆိုရင် ကျွန်တော်က ဘယ်လက်နှင့်ခိုးခိုးရေးပြီးဆရာမရှေ့ ဆိုရင် ညာလက်နှင့် ရေးပါတယ်။ အဲဒီအချိန်တုန်းက တော်တော်လေး စိတ်ညစ်ခဲ့ရပါတယ်။ ကံကောင်းချင်တော့ ကျွန်တော် သူငယ်တန်းစတက်ပြီး နှစ်လ၊ သုံးလလောက်ရောက်တော့ အဲဒီဆရာမကြီး ပင်စင်ယူသွားပါတော့တယ်။ နောက်ရောက်လာတဲ့ ဆရာမအသစ်ကတော့ လူငယ်ဆရာမတစ်ယောက်မို့ ခေတ်အမြင်ရှိပြီး ကျွန်တော့်ကို ဘယ်လက်နှင့်ဘဲ ဆက်ရေးစေခဲ့ပါတယ်။ နောက် ဘယ်လက်ကိုသုံးတာနှင့်ပတ်သက်ပြီး မြန်မာ့ဓလေ့လူမှုပတ်ဝန်းကျင်မှာ နှိမ့်ချတဲ့အယူအဆတော်တော်များများ ရှိနေသေးတာ အခုအချိန်အထိ တွေ့နေရပါသေးတယ်။ ဘာလို့ ခန္ဓာကိုယ်ပေါ်မှာရှိတဲ့ လက်ချင်းအတူတူ အဆင့်အတန်းခွဲနေတယ်ဆိုတာတော့ မပြောတတ်ပါဘူးခင်ဗျာ။

Reader နှင့် Listener ကွဲတာနှင့် ဆက်နွှယ်ပြီး လူတွေ တစ်ယောက်နှင့် တစ်ယောက် လေ့လာသင်ယူမှု (Learning) လုပ်ပုံ မတူညီကြတာကိုလည်း သိထားဖို့လိုပါသေးတယ်။ ကျောင်းတွေမှာက လူတိုင်းအတွက် သင်ကြားမှုပုံစံကို တစ်မျိုးတည်းဘဲ သတ်မှတ်ထားပါတယ်။ ဒါပေမယ့် တချို့ လူတွေမှာတော့ ကျောင်းတွေက သတ်မှတ်ကျင့်သုံးနေတဲ့ သင်ကြားလေ့ကျင့်မှုပုံစံနှင့် အံမ၀င်တာမျိုးတွေရှိတတ်ပါတယ်။ ဥပမာ ၀င်စတန်ချာချီဟာ ကျောင်းပညာရေးမှာ အောင်အောင်မြင်မြင် မသင်ယူနိုင်ခဲ့ပါဘူး။ ကျောင်းတက်နေရတာဟာ အနှိပ်စက်ခံနေရသလိုမျိုးဖြစ်နေခဲ့တယ်လို့ ပြောပါတယ်။ တကယ်တမ်း သူဖြစ်တဲ့ပြဿနာကတော့ နားထောင်တာရယ်၊ စာဖတ်တာရယ်ကနေ သူ့အနေနှင့် ပညာသင်ယူလို့မရတဲ့ အခက်အခဲဖြစ်တာပါ။ သူနှင့် အဆင်ပြေတဲ့ သင်ယူနည်းစနစ်ကတော့ စာရေးခြင်း (Writing) ဖြစ်နေတာပါတဲ့။


Drucker ရဲ့ လေ့လာတွေ့ရှိချက်အရတော့ ဒိတ်ဒိတ်ကြဲ စာရေးဆရာအချို့ ဟာ စာရေးတာကနေ သင်ယူမှုကိုလုပ်ကြတယ်လို့ ပြောပါတယ်။ နောက် General Motor ကုမ္ပဏီက Alfred Sloan ကျတော့ အစည်းအဝေးတစ်ခုပြီးတိုင်း အစည်းအဝေးမှာ တက်ရောက်ခဲ့တဲ့ လူတစ်ယောက်ဆီကို အစည်းအဝေးမှာ ဆွေးနွေးခဲ့တဲ့အဓိကအကြောင်းအရာတွေနှင့်ပတ်သက်တဲ့ စာအရှည်ကြီးတစ်စောင် အချိန် သုံးလေးနာရီယူပြီးရေးပါတယ်တဲ့။ ဘာလို့အဲဒီလိုရေးလဲဆိုတော့ သူဒီလိုမှ စာမရေးလိုက်ရင် ဒီအစည်းအဝေးမှာ ၀ိုင်းပြီးဆွေးနွေးခဲ့ကြတာတွေကို ၂၄နာရီအတွင်း မေ့သွားတတ်လို့ပါလို့ပြောပါတယ်။ ဂီတပညာရှင် Beethoven ကျတော့ သူ သီချင်းစပ်တဲ့အခါတွေမှာ ခေါင်းထဲပေါ်လာတဲ့ သံစဉ်တွေကို စာအုပ်တစ်အုပ်ပေါ်မှာ ချက်ချင်းချရေးလိုက်တတ်ပေမယ့် အဲဒီစာအုပ်ကို နောက်တစ်ခါ ဘယ်တော့မှ ပြန်ကြည့်လေ့မရှိပါဘူးတဲ့။ အဲဒီလိုမှ စာအုပ်ထဲမှာ ချမရေးရရင်လည်း သူက အဲဒီသူ့သီချင်းကို မမှတ်မိတတ်ပြန်ပါဘူး။


သင်ယူမှုပုံစံနောက်တစ်မျိုးကတော့ စကားပြောခြင်း (Talking) ကနေသင်ယူတာပါတဲ့။ အဲဒီပုံစံမှာတော့ တချို့ အလုပ်တွေမှာ အဆင့်မြင့်တာဝန်ထမ်းဆောင်နေရတဲ့ပုဂ္ဂိုလ်တွေဟာ သူ့အောက်ခြေက အရာရှိတွေနှင့် ၀န်ထမ်းတွေကိုခေါ်ပြီး အချိန်အကြာကြီး စကားပြောတတ်ပါတယ်။ တကယ်က သူဟာ အောက်ခြေ၀န်ထမ်းတွေကို တကယ်စကားပြောချင်လို့ ပြောနေတာမဟုတ်ပဲ သူ့အလုပ်နှင့်ပတ်သက်တာတွေကို တခြားသူတွေကို ပြောပြပြီး နားထောင်ခိုင်းတဲ့နည်းနှင့် သူ့ဖာသာ လေ့လာသင်ယူမှုလုပ်နေခြင်းသာဖြစ်ပါတယ်။ ဒီလိုပုံစံမျိုးနှင့် လေ့လာသင်ယူမှုကို အောင်မြင်နေကြတဲ့ ရှေ့ နေတွေနှင့် ရောဂါရှာဖွေတဲ့ ဆေးပညာရှင်တွေလည်း လုပ်တတ်တယ်လို့ ဆိုပါတယ်။

အောင်မြင်တဲ့ စာတမ်းတွေကို ရေးနေကြတဲ့ တချို့ တက္ကသိုလ်ပါမောက္ခတွေကျတော့ သူတို့စာသင်နေတဲ့အချိန်မှာ သူတို့အသံကို သူတို့ပြန်နားထောင်ရင်းကနေ အဲဒီကနေ စာတမ်းရေးဖို့အတွက် အထောက်အကူပြန်ဖြစ်တယ်လို့ ပြောထားတာတွေ့ရပါတယ်။ Drucker ကတော့ လူတွေ လုပ်လေ့လုပ်ထရှိတဲ့ သင်ယူပုံသင်ယူနည်း ဒါဇင်ဝက်လောက်ရှိမယ်လို့ ခန့်မှန်းတွက်ပြထားပါတယ်။ ဒါကြောင့် ကိုယ့်ကိုယ်ကို ဘယ်လိုသင်ယူနည်းကို အားသန်လဲဆိုတာကို ကိုယ်တိုင်စီစစ်ပြီး အားသန်ရာအတိုင်းလေ့လာသင်ယူကြဖို့ သူကတိုက်တွန်းထားပါတယ်။

Peter Drucker ရဲ့  ဒီစာကိုဖတ်ပြီးသွားတော့မှ နာမည်ကျော်ပုဂ္ဂိုလ်တွေ တချို့ ကျောင်းစာမှာ ညံ့ဖျင်းကြတယ်ဆိုတာမျိုး၊ တချို့ တက္ကသိုလ်ပညာကို ပြီးအောင်ဆက်မတက်တော့ပဲ ကျောင်းထွက်လိုက်တာမျိုးတွေ ဖတ်ရတုန်းက သူတို့ကို Genius တွေမို့လို့ ဒီလိုမျိုး ဖြစ်ကြတာလို့ တွေးထင်မိခဲ့ဖူးရာကနေ၊ အခုတော့ သူတို့တွေဟာ သူတို့အတွက် ဘယ်လိုသင်ယူမှုပုံစံနှင့် လိုအပ်တဲ့ပညာကိုဆည်းပူးတာက အဆင်ပြေမယ်မှန်း ကိုယ့်ဖာသာ သဘောပေါက်သွားကြလို့ ဒီလိုမျိုး လုပ်လိုက်ကြတာဖြစ်မယ်လို့ မှန်းဆမိလာပါတယ်။ အထူးသဖြင့်တော့ သူများကို ပညာသင်ကြားပို့ချပေးနေရတဲ့ ဆရာတွေအနေနှင့်လည်း မိမိတပည့်တွေ စာမလိုက်နိုင်တာမျိုး တွေ့ရရင် သူတို့ညံ့ဖျင်းမှု၊ မိမိသင်ကြားတာညံ့ဖျင်းမှုကြောင့်လို့ တရားသေမတွက်ပဲ သင်ကြားမှုနှင့် သူတို့ရဲ့ သင်ယူလိုမှုပုံစံ အံမ၀င်လို့များ သူတို့ မလိုက်နိုင်ကြတာလားဆိုတာကို ထည့်စဉ်းစားပေးသင့်တယ်လို့လည်း တွေးမိပါတယ်။

ကျွန်တော်ကိုယ်တိုင် အွန်လိုင်းပေါ်မှာ တရားနှင့်ပတ်သက်တဲ့ စာတွေရေး၊ သူများရေးတဲ့စာတွေ၊ တရားတော်တွေ မျှဝေတာလုပ်တော့လည်း သတိထားမိလာပါတယ်။ တချို့ တွေ စာဖတ်တာကို အားမသန်ကြပါဘူး။ စာကို ဖတ်လိုက်ပေမယ့်လို့ စာရဲ့ ဆိုလိုရင်းကို သဘောမပေါက်တာတွေ့ရပါတယ်။ တချို့ လူတွေကို တရားခွေတွေ ပေးနားထောင်ခိုင်းတဲ့အခါမှာလည်း အဲဒီအတိုင်းပါဘဲ။ တချို့ တွေ နားထောင်တာမှာ အားမသန်တာကို တွေ့ရပါတယ်။ ဒီတော့ အကြောင်းမသိရင် ဒီလူတွေကဘဲ ပါရမီဓါတ်ခံနည်းနေသလိုလို၊ အကုသိုလ်ဓါတ်ခံများနေသလိုလို ထင်မှတ်စရာဖြစ်နေပါတယ်။ တကယ်ဖြစ်နိုင်ချေရှိတာကတော့ သင်ယူမှုပုံစံလွဲနေတာဘဲ ဖြစ်ဖို့ရှိပါတယ်။ ဒီတော့ ဓမ္မဒါနဖြန့်ဝေတဲ့အလုပ်လုပ်ချင်တဲ့သူအနေနှင့် လူတွေ များများတရားတွေနားလည်အောင်ဆိုရင်တော့ ဖြန့်ဝေမှုပုံစံအမျိုးမျိုးကို သုံးကြည့်သင့်တယ်လို့ ယူဆပါတယ်။

ဒီတော့ စစချင်းမေးထားခဲ့တဲ့မေးခွန်းဆီကို ပြန်သွားကြရအောင်ပါ။

မျက်စိလည်းကောင်း၊ စာလည်းဖတ်တတ်ကြတဲ့ သူတွေအတွက်ရော ဒီအသံပုံစံစနစ်ကို ပြောင်းတဲ့ကိစ္စက တကယ်လိုအပ်ပါသလား?

ကျွန်တော် ကိုယ့်ဖာသာ ဖြေမိတဲ့အဖြေကတော့ - တကယ်လိုအပ်ပါတယ်။ လူတွေအတွက်အကျိုးရှိမယ့် လောကီနှင့် လောကုတ္တရာစာပေတွေကို တတ်နိုင်သလောက်၊ လက်လှမ်းမီသလောက် အသံပုံစံအဖြစ်ပြောင်းပေးသင့်သလို၊ အသံတွေကိုလည်း စာအဖြစ်အသွင်ပြောင်းပေးသင့်ပါတယ်။ ဘာလို့လဲဆိုတော့ လူတွေ တစ်ဦးနှင့်တစ်ဦး အကြောင်းအရာတစ်ခုကို သဘောပေါက်နားလည်သွားအောင် သင်ယူကြတဲ့ပုံစံချင်း မတူညီလို့ပဲ ဖြစ်ပါတယ်။

ဒီအလုပ်ဟာ လွယ်ကူတဲ့အလုပ်တစ်ခုမဟုတ်တာတော့ ကျိန်းသေပါတယ်။ လူအင်အား၊ ငွေအင်အား၊ အချိန်အင်အားတွေတော့ အများကြီးစိုက်ထုတ်ဖို့ လိုအပ်ပါတယ်။ တစ်ဦးချင်း လုပ်တာထက် အုပ်စုဖွဲ့ပြီးလုပ်တာမျိုး၊ အဖွဲ့အစည်းတစ်ခုထူထောင်ပြီးလုပ်တာမျိုးဆိုရင် ပိုပြီး လွယ်ကူထိရောက်မှု ရှိနိုင်လိမ့်မယ်လို့ထင်ပါတယ်။ ဒါကြောင့် လုပ်နိုင်တဲ့ အင်အားရှိသူများ ဦးစီးဦးဆောင်ပြုပြီး လုပ်သွားပေးကြဖို့ အပြုသဘောဆောင်ပြီး တိုက်တွန်းလိုက်ပါတယ်။ စာဖတ်သူများကရော ဒီကိစ္စအပေါ် ဘယ်လိုတွေးမိထားလဲဆိုတာလေး ပြောပေးနိုင်ရင် အများအတွက် အကျိုးရှိလိမ့်မယ်လို့ မျှော်လင့်မိပါကြောင်းခင်ဗျာ။

လေးစားစွာဖြင့်
ဝိမုတ္တိသုခ
October 4, 2012

ဆက်လက်ဖတ်ရှုရန်

"JUST" For You

ဒီစာစုကို အောက်တိုဘာ (၂) ရက်နေ့မှာကျရောက်တဲ့ အစ်မ မ၀င်းဝင်းရီ ရဲ့  မွေးနေ့အတွက် အမှတ်တရ မွေးနေ့လက်ဆောင်အဖြစ် ရေးပေးခြင်းဖြစ်ပါတယ်ခင်ဗျာ။

*********************

အခု ရေးမယ့် အကြောင်းအရာလေးကို ကျွန်တော် ကိုယ့်ဖာသာ ပို့စ်တစ်ပုဒ်ရေးမယ်လို့ စိတ်ကူးပြီး မရေးဖြစ်ဘူး ဖြစ်နေခဲ့တာပါ။ အစ်မ မွေးနေ့အတွက် ဘာရေးရရင် ကောင်းမလဲစဉ်းစားလိုက်တော့ ဒီမရေးရသေးတဲ့အကြောင်းလေးကိုဘဲ ရေးပြီး အမှတ်တရလက်ဆောင် ပေးလိုက်တော့မယ်လို့ ဆုံးဖြတ်လိုက်မိတယ်။ ဒါကြောင့်မို့ အစ်မရဲ့  မွေးနေ့အတွက် ကျွန်တော် တွေးမိထားတဲ့ JUST သုံးလုံး ကို မွေးနေ့လက်ဆောင်အဖြစ် ပေးလိုက်ပါတယ်နော်။

"JUST" For You

ဟိုးအရင်က ကုန်ထုတ်လုပ်ငန်းကြီးတွေမှာ သူတို့ရဲ့  ထုတ်လုပ်ကုန်တွေအတွက် ပစ္စည်းသိုလှောင်ထားဖို့ သိုလှောင်ရုံတွေထားရှိရတယ်။ ပစ္စည်းရောင်းထွက်မယ်၊ ရောင်းမထွက်ဘူး မသေချာပေမယ့် ဈေးကွက်မှာ အဆင်သင့်ဖြစ်နေဖို့အတွက် ပစ္စည်းတွေကို ကြိုတင်ထုတ်လုပ်ထားပြီး သိမ်းဆည်းထားကြရတယ်။ ဒီပစ္စည်းတွေကို အများကြီးကြိုတင် ထုတ်လုပ်နိုင်ဖို့အတွက်လည်း လူအင်အားရော၊ ငွေအင်အားရော၊ တခြားစိုက်ထုတ်ရတဲ့ အရင်းအနှီးတွေက အများကြီးလိုတာပေါ့။ တကယ်လို့ ပစ္စည်းက မှန်းထားသလောက် ရောင်းမပေါက်ရင် ထုတ်ထားပြီးသား ထွက်ကုန်တွေအတွက် အရှုံးနှင့်ရင်ဆိုင်ရတဲ့ ပြဿနာမျိုးတွေ ရှိတယ်။ ဒီလိုပုံစံထုတ်လုပ်မှုမျိုးကို Traditional Production System လို့ ပြောလို့ရသလို၊ Just In Case Production System လို့လည်း ခေါ်လို့ရပါတယ်။ JIC လို့လည်း သုံးကြတယ်။ သူ့ရဲ့ အားနည်းချက်က ငွေကုန်ကြေးကျများတယ်၊ အဆုံးအရှုံးဖြစ်နိုင်ချေများတယ်။ အားသာချက်ကတော့ ကုန်ချောပစ္စည်းကို အချိန်မရွေးကိုယ့်ဘက်က ပံ့ပိုးနိုင်တယ်။ နောက် အခြေအနေအရ လတ်တလောမှာ ကုန်ကြမ်းပြတ်သွားခဲ့ရင်လည်း ပူနေစရာမလိုဘူး။ ကိုယ့်လက်ထဲမှာ ထုတ်လုပ်ပြီးသား ကုန်ချောပစ္စည်းက ရှိနှင့်နေပြီးသားကိုး။

၁၉၈၀နောက်ပိုင်းမှာတော့ စနစ်တစ်မျိုးကို တချို့ ကုန်ထုတ်လုပ်မှုလုပ်ငန်းတွေမှာ ပြောင်းပြီး သုံးလာကြတယ်။ အဲဒါက Just In Time Production Systemပါတဲ့။ အတိုကောက် JIT လို့လည်း ခေါ်ကြတယ်။ သူကတော့ ပစ္စည်းကို ဈေးကွက်ကလိုအပ်နေသလောက်ပဲ ထုတ်တယ်။ ကြိုတင်ထုတ်ပြီး သိမ်းထားတာမျိုးကို မလုပ်ဘူး။ ပစ္စည်းကို သုံးစွဲသူတွေဘက်က မှာတဲ့အခြေအနေပေါ်မှာမူတည်ပြီး လိုအပ်သလောက်ဘဲထုတ်ပြီး ဈေးကွက်ကို တစ်ခါတည်းတန်းပို့တဲ့အတွက် ပစ္စည်းတွေကို ရေရှည်သိမ်းထားဖို့ နေရာစီစဉ်ထားစရာမလိုတော့ဘူး။ နောက်ပစ္စည်းအလေအလွင့်လည်း နည်းသွားတယ်။ ဒီဘက်ခေတ် မြေယာတွေဈေးမြင့်တဲ့အချိန်၊ အလုပ်သမားစရိတ်တွေ ဈေးမြင့်တဲ့အချိန်မှာ ဒီစနစ်ကို ကျင့်သုံးတာဟာ ထုတ်လုပ်သူတွေဘက်က တော်တော်လေးအဆင်ပြေတယ်။ ဒါပေမယ့် သူ့ရဲ့ အားနည်းချက်က ဈေးကွက်ကလိုအပ်နေချိန်မှာ ကုန်ကြမ်းပြတ်နေတာမျိုး၊ သဘာဝဘေးအန္တရာယ်တစ်ခုခုဖြစ်နေတာမျိုးနှင့် ကြုံရရင်တော့ ပြဿနာတက်နိုင်တယ်။ ဂျပန်မှာ ဆူနာမီဖြစ်ပြီး စက်ရုံတွေ ရပ်ထားရတဲ့အချိန်မှာ အခုလိုပြဿနာမျိုးတွေဖြစ်ကြတယ်။ ဈေးကွက်မှာလိုအပ်နေပေမယ့် ပစ္စည်းကို အဆင်သင့်ထုတ်ထားတာ ရှိမနေတော့ လုပ်ငန်းရှင်တွေဘက်ကလည်း နစ်နာသလို၊ စားသုံးသူတွေဘက်ကလည်း လိုအပ်ချက်မပြည့်ဝတာမျိုးတွေ ဖြစ်ကြရတယ်။

ပညာသင်ကြားရေးမှာလည်း ဒီ Just နှစ်မျိုးကို လူတွေ အသုံးပြုနေကြရတယ်။ ကျောင်းပညာရေးအတွက် လူတွေ ဆယ်စုနှစ် တစ်ခုကျော်စာ၊ တချို့  နှစ်ခုလောက် အချိန်ပေးသင်ယူတယ်ဆိုတာ Just In Case Learning လုပ်တာလို့ ပြောလို့ရပါတယ်။ လောလောဆယ် သင်နေရတဲ့ပညာတွေကို ဘယ်နေရာမှာ ဘယ်လိုသုံးရမယ်ဆိုတာတော့ မသိသေးဘူး။ ဘယ်လိုလိုအပ်မယ်၊ ဘယ်လောက်အတိုင်းအတာအထိ သုံးရမယ်ဆိုတာလည်း မသိဘူး။ ဒါပေမယ့် လိုလိုမယ်မယ် သိထားရမယ့်အရာတွေဆိုပြီး သင်ကြားကျက်မှတ် နေကြရတာဘဲ။ သင်ထားရတာတွေ၊ သင်နေရတာတွေ အားလုံးကို သုံးရချင်မှလည်း သုံးရမယ်။ တချို့ ပညာရပ်တွေဆို ဘယ်လိုအသုံးဝင်မယ်မှန်းမသိပဲနှင့်ကို သင်လိုက်ကြရတာတွေလည်း ရှိတတ်ပါတယ်။

တကယ်လက်တွေ့လုပ်ငန်းခွင်ထဲရောက်သွားတဲ့အခါမှာကျတော့ ကိုယ်လုပ်ရမယ့်အလုပ်နှင့်တိုက်ရိုက်ပတ်သက်တဲ့ သိစရာ၊ သင်ယူစရာတွေကို ထပ်သင်ဖို့က လိုလာပြန်ပါတယ်။ အဲဒီအခါမှာ အလုပ်လည်းလုပ်ရင်း၊ နားမလည်တာ၊ မသိသေးတာတွေကိုလည်း ထပ်ပြီးသင်ယူရပါတော့တယ်။ အဲဒါကိုကျတော့ Just In Time Learning လုပ်တယ်လို့ ခေါ်ရမှာပါ။

အဲဒီမှာ တစ်ခုသတိထားမိတာက ကုန်ထုတ်လုပ်ငန်းမှာပဲဖြစ်ဖြစ်၊ ပညာသင်ကြားရေးမှာဘဲဖြစ်ဖြစ် JIT ကို ကျင့်သုံးမယ့်သူတွေဟာ JIC ကို ပိုင်နိုင်ထားမှ ဖြစ်မယ်ဆိုတာပါဘဲ။ ဥပမာအနေနှင့်ပြောမယ်ဆိုရင် မာရသွန်ပြိုင်ပွဲဝင်မယ့် အပြေးသမားတစ်ယောက်ဟာ မာရသွန်ကို တန်းပြီး ပြိုင်ပွဲဝင်လို့မရနိုင်ပါဘူး။ စစချင်းမှာ လေ့ကျင့်ပြင်ဆင်မှုတွေနှင့် တခြားပြိုင်ပွဲအသေးစားတွေကို အများကြီးဖြတ်သန်းထားပြီးသား ဖြစ်နေမှသာ မာရသွန်ကို ၀င်ပြိုင်နိုင်တဲ့အဆင့်ကို ရောက်ပါတယ်။ ကုန်ထုတ်လုပ်ငန်းမှာ JIT Production ကို လုပ်မယ့်သူတွေဟာလည်း ကုန်ပစ္စည်းတွေကို JIC ပုံစံနှင့် ထုတ်လုပ်ထားဖူးတဲ့ အတွေ့အကြုံရှိထားမှ လုပ်လို့ရနိုင်ပါလိမ့်မယ်။ ဒီလိုပါဘဲ။ လုပ်ငန်းခွင်မှာ အရေးပေါ်လိုအပ်လာတဲ့ပညာရပ်ကို သင်မယ့်သူဆိုတာဟာလည်း သူရှေးနှစ်ပေါင်းများစွာက သင်ယူလာခဲ့တဲ့ ပညာအခြေခံတွေ ရှိနှင့်ထားပြီးသားဖြစ်မှသာ အခုသင်ယူရမယ့် လုပ်ငန်းခွင်ကပညာကို လွယ်လွယ်ကူကူသင်ယူနိုင်မှာဖြစ်ပါတယ်။

ကဲ....ကျွန်တော်တို့တွေ ဓမ္မလမ်းကြောင်းဘက်ကို ဦးလှည့်ကြည့်ကြရအောင်ပါ။

လူအများစုဟာ ဘာသာရေးဆိုတာကို များသောအားဖြင့်တော့ ပုံမှန်အစစအရာရာ အဆင်ပြေနေတဲ့ အချိန်တွေမှာ မေ့လျော့နေတတ်ကြပါတယ်။ အရာရာ ချောချောမွေ့မွေ့နှင့် အဆင်ပြေနေသေးရင် ဘုရား၊ တရားဆိုတာဟာ ကိုယ်နှင့် ဟိုးအဝေးကြီးမှာလို နေတတ်ကြတယ်။ ကိုယ့်မှာ တစ်ခုခု ဆိုးဆိုးဝါးဝါးအဆင်မပြေတာ ရှိလာတဲ့အချိန်မျိုး၊ နေထိုင်မကောင်းလို့ အိပ်ယာပေါ်မှာ လှဲနေရတော့တဲ့အချိန်မျိုး ရောက်လာတော့မှဘဲ ဘာသာရေးဆိုတာကို သတိရတတ်ကြတယ်။ အဲဒီအချိန်ကျမှ ဘုရားရှိခိုးဖို့၊ ပုတီးစိတ်ဖို့၊ တရားအားထုတ်ဖို့ ပြင်ကြတော့တယ်။ ဒါဟာလည်း လူတွေရဲ့  ဖြစ်လေ့ဖြစ်ထရှိတဲ့ ဓလေ့တွေထဲက တစ်ခုလို့ ပြောရမှာပါဘဲ။

ပြီးခဲ့တဲ့ ရက်ပိုင်းတုန်းက ဒီမှာရောက်ပြီး ကုမ္ပဏီတစ်ခုမှာ ရာထူးကြီးကြီးနှင့် တာဝန်ထမ်းဆောင်နေတဲ့ ပုဂ္ဂိုလ်တစ်ယောက်နှင့် စကားစမြည်ပြောဖြစ်တယ်။ သူကလည်း ပညာတတ်၊ ဗဟုသုတလည်း တော်တော်စုံတဲ့သူဆိုတော့ ဘာသာရေးအပါအ၀င် တခြား သူသိထားတာတွေကလည်း တော်တော်များပါတယ်။ သူကဘာပြောလဲဆိုတော့ လောလောဆယ်တော့ သူဘာသာရေးကိစ္စကို မလုပ်သေးဘူးတဲ့။ သေခါနီးရင်တော့ သုံးလေးလလောက်တော့ အချိန်ရအုံးမှာပါ တဲ့။ အဲဒီအချိန်ကျတော့မှ အိပ်ယာပေါ်လှဲရင်း လုပ်စရာရှိတာ၊ လုပ်သင့်တာတွေကို လုပ်တာပေါ့ဗျာ တဲ့။ ကျွန်တော် သူ့စကားနားထောင်ပြီး မျက်လုံးပြူးသွားရပါတယ်။ တယ်သတ္တိကောင်းတဲ့ လူပါလားဆိုပြီးတော့ပါ။ သူ့ကို သေခါနီး အချိန် သုံးလေးလပေးပါမယ်လို့ ဘယ်သူကများ ပြောပါလိမ့်နော်။ သုံးလေးလဆိုတဲ့အချိန်ရခဲ့ရင်ကော အဲဒီအချိန်မှာ တကယ်လုပ်သင့်တယ်ဆိုတဲ့အရာကို လုပ်နိုင်မှာမို့လို့လား ဆိုတာ ကျွန်တော်တွေးမိလိုက်ပါတယ်။

အစ်မလည်း သိတဲ့အတိုင်းပါ။ ကိုယ့်ခန္ဓာကိုယ်က ကိုယ်ဖြစ်စေချင်သလိုမဖြစ်တော့ပဲ အိပ်ယာပေါ်မှာလှဲပြီးထားရတော့တဲ့အချိန်ရောက်တော့မှ တရားအလုပ်လုပ်ဖို့ဆိုတာဟာ ဖြစ်နိုင်ခြေရာခိုင်နှုန်းက တော်တော်လေး နဲတဲ့ကိစ္စတစ်ခုပါ။ အဲဒီအချိန်မှာ ခန္ဓာကိုယ်ကလည်း အင်အားမရှိ၊ စိတ်ကလည်း အားမရှိတော့ပါဘူး။ တစ်နေကုန် ပင်ပင်ပန်းပန်းအလုပ်လုပ်ထားတဲ့သူတစ်ယောက် ညဘက်အိပ်ခါနီး အရမ်းအိပ်ငိုက်နေတဲ့အချိန် အိပ်ယာထဲလှဲပြီး တရားမှတ်ခိုင်းရင် အိပ်ပျော်သွားဖို့ဘဲ ရှိသလိုဖြစ်နေမှာပါ။ တစ်ခုတော့ ရှိတာပေါ့။ ဘေးကနေ မိတ်ဆွေကောင်း၊ ဆရာကောင်းတစ်ယောက်ယောက်က  တောက်လျှောက်ထိုင်ပြီး သတိပေးနေရင်တော့ ဖြစ်နိုင်ခြေ ရှိကောင်းရှိနိုင်ပါတယ်။ ဒါပေမယ့် ဒီလိုအခွင့်အရေးမျိုး ရဖို့ဆိုတာကလည်း လွယ်တာမှတ်လို့လေ။

ဝိပဿနာတရားကို အားထုတ်ကြတယ်ဆိုတဲ့နေရာမှာ ပါရမီကုသိုလ်ဖြစ်ဖို့၊ ဈာန်တရား၊ မဂ်တရား၊ နိဗ္ဗာန်တရားတွေကို ရဖို့ဆိုတာတွေထဲမှာ သေဖို့အတွက် ကိုယ့်ရဲ့ နောက်ဆုံးဖြတ်သန်းရမယ့်အချိန်ကို အဆင်သင့်ပြင်ဖို့ဆိုတဲ့ ရည်ရွယ်ချက်ကိုပါ ထည့်ထားသင့်ပါတယ်။ လူအများစုက သေဖို့ကိစ္စကို လေးလေးနက်နက်မစဉ်းစားထားကြတာများပါတယ်။ တကယ်တော့ အဲဒီအချိန်ကဘဲ ကိုယ့်ရဲ့  ရှေ့ ဆက်ရမယ့် သံသရာခရီးအပြောင်းအလဲအတွက် အကောင်းအဆိုးကို ဆုံးဖြတ်ပေးသွားမှာ မဟုတ်လား။ 

စိတ်ဆင်းရဲမှုတွေဖြစ်လာပြီ၊ တွေ့ကြုံလာရတဲ့ အကြောင်းကိစ္စတွေ အဆင်မပြေတာ များလာပြီ၊ ခန္ဓာကိုယ်မှာ ရောဂါဝေဒနာတွေ ဖောက်ပြန်လာပြီဆိုတဲ့အချိန်မှာ ဒီကိုယ်နှင့် စိတ်ကို မျှတအောင် ထားနိုင်ဖို့အတွက် ၀ိပဿနာတရားကို စနစ်တကျ ကျင့်သုံးတတ်ထားဖို့လိုပါတယ်။ ဒီအခြေအနေတွေမှာ ကျွန်တော်တို့တွေဟာ ၀ိပဿနာတရားကို ခန္ဓာကိုယ်မှာ ဖြစ်ပေါ်လာနေတဲ့ ဖြစ်စဉ်တွေနှင့် တပြေးညီ Just In Time ပုံစံနှင့် ရှုမှတ်ပွားများသွားရမှာ ဖြစ်ပါတယ်။ ခန္ဓာကိုယ်ပေါ်မှာ ဖြစ်ပေါ်လာတဲ့အခြေအနေတွေပေါ်မူတည်ပြီး ကာယနုပဿနာကိုအားထုတ်မလား၊ ဝေဒနာနုပဿနာကို အားထုတ်မလား၊ စိတ္တနုပဿနာကိုအားထုတ်မလား၊ ဒါမှမဟုတ် ဓမ္မာနုပဿနာနှင့်သိမှတ်နေမလား ဆိုတာကို ကိုယ်ကိုယ်တိုင်ပဲ ဆုံးဖြတ် ဆုံးဖြတ်ပြီး အားထုတ်ကြရမှာဖြစ်ပါတယ်။ ဒီလိုအချိန်မျိုးမှာ ကိုယ်က JIT နှင့် အားထုတ်တော့မယ်ဆိုတော့မှ ကျွန်တော်တို့တွေမှာ ယခင်ကပြင်ဆင်ထားခဲ့တဲ့ Just In Case (JIC) နှင့် အားထုတ်မှုက ရှိမနေခဲ့ဘူးဆိုရင် ကသောင်းကနင်းတွေဖြစ်ပြီး စိတ်ဒုက္ခထပ်ဖြစ်ကြ့ရပါလိမ့်မယ်။

ဒါကြောင့် နေ့စဉ်ပုံမှန်သွားလာနေထိုင်ရပ်တည်ခွင့်ရနေကြတဲ့ အချိန်ကတည်းက ၀ိပဿနာအားထုတ်မှုအတွက် ရည်ရွယ်ရှေးရှုပြီး လိုအပ်တဲ့ သီလစောင့်ထိန်းမှုတွေ၊ ဂုဏ်တော်ပွားတာတွေ၊ မေတ္တာပွားများတာတွေ၊ သေခြင်းတရားကို အောက်မေ့ဆင်ခြင်တာတွေ၊ ခန္ဓာကိုယ်ရဲ့  မတင့်တယ်ပုံတွေကိုဆင်ခြင်တာတွေကို အချိန်ရရင် ရသလောက်၊ အခွင့်အရေးရရင် ရသလောက် လုပ်ထားရမှာဖြစ်ပါတယ်။ အဲဒီကမှတဆင့် ကမ္မဋ္ဌာန်းအားထုတ်နည်း တစ်ခုခုကို အခြေခံပြီး စိတ်တည်ငြိမ်မှုရအောင်နှင့် ပညတ်၊ ပရမတ်ကွဲပြီး ရုပ်တရားနာမ်တရားတွေရဲ့  သဘာဝကို အမှန်အတိုင်းသိမြင်နိုင်တဲ့ စိတ်အခြေအနေမျိုးဖြစ်လာအောင် အမြဲလေ့ကျင့်ပေးနေရမှာဖြစ်ပါတယ်။ သတိပဋ္ဌာန်တရားလေးပါးလုံးကို စနစ်တကျနှင့် ပိုင်ပိုင်နိုင်နိုင်အားထုတ်တတ်အောင် သင်ယူလေ့ကျင့်ပျိုးထောင်ထားသင့်ပါတယ်။ ဒါတွေဟာ Just In Case ပုံစံနှင့် ၀ိပဿနာတရားကို ကြိုးစားအားထုတ်နေတာပါဘဲ။

Just In Case နှင့် တရားကို ပိုင်ပိုင်နိုင်နိုင်အားထုတ်ထားတဲ့အခါကျတော့ အရေးပေါ်လာလို့ မိမိခန္ဓာမှာ လတ်တလောဖြစ်နေတဲ့ အခြေအနေပေါ်မူတည်ပြီး Just In Time အားထုတ်ရတော့မယ့်အခါမှာလည်း ပူစရာ မလိုတော့ပါဘူး။ ကိုယ်အရင်က အားထုတ်နေကျအတိုင်းပဲ ဆက်ပြီး ရှုမှတ်နေလိုက်ရုံဘဲရှိမှာပါ။ မာရသွန်ပြိုင်ပွဲအတွက် ရည်ရွယ်ပြီး  အမြဲတမ်း လေ့ကျင့်ထားတဲ့အပြေးသမားတစ်ယောက်ဟာ တကယ်ပွဲဝင်ရတော့မယ့်အခါမှာ သူ့အတွက် ပိုထူးပြီး ပင်ပန်းစရာအကြောင်း မရှိတော့သလိုပဲပေါ့။ အားထုတ်မှုဝီရိယအနေနှင့်ကတော့ ရှေးအရင်ပုံမှန်လေ့ကျင့်နေတဲ့အချိန်တွေထက် ပိုတော့ စိုက်ထုတ်ရမှာပေါ့လေ။

ကျွန်တော်တို့ နေ့စဉ်ဘ၀မှာ ချိန်းထားတဲ့နေရာတစ်ခုကို ချိန်းထားတဲ့အချိန်မှာ ကွက်တိရောက်သွားတာမျိုး၊ အခမ်းအနားတစ်ခုကို သတ်မှတ်ထားတဲ့အချိန်မှာ အတိအကျစတာမျိုး၊ လေယာဉ်တွေ၊ ရထားတွေ၊ ကားတွေ သတ်မှတ်ထားတဲ့အချိန်မှာ အတိအကျထွက်ခွာတာမျိုးကို Right On Time ဖြစ်တယ်လို့ သုံးကြပါတယ်။ ကုန်ပစ္စည်းထုတ်လုပ်တဲ့နေရာမှာတော့ JIC တို့၊ JIT တို့နှင့် လိုက်အောင် Just On Time (JOT) လို့သုံးကြတယ်။ ပစ္စည်းတွေကို သတ်မှတ်ထားတဲ့အချိန်မှာ သတ်မှတ်ထားတဲ့နေရာကို ရောက်အောင်ထုတ်လုပ်နိုင်တာ၊ ပို့ဆောင်နိုင်တာမျိုးပေါ့။

ဝိပဿနာကို အားထုတ်တဲ့နေရာမှာလည်း အရင်ကတည်းက Just In Case နှင့်လည်း အားထုတ်ထားမယ်၊ အရေးပေါ်လာတဲ့အချိန်မှာလည်း Just In Time နှင့် ဆက်အားထုတ်နိုင်တဲ့ သူတစ်ဦးအတွက် လုံလောက်တဲ့အကြောင်းတွေ ပြည့်စုံတဲ့အချိန်တစ်ခု အရောက်မှာတော့ အရှုခံအာရုံတိုင်းကို ရှုတဲ့ဉာဏ်က မလွတ်တမ်း မပြတ်မလပ် ဆက်တိုက်ရှုမှတ်နိုင်တဲ့ အနေအထားကို ရောက်လာပါတယ်။ အာရုံတစ်ခုပေါ်လိုက်တာနှင့် သိပြီးသား၊ မှတ်ပြီးသားဆိုတဲ့ အဆင့်ကို ရောက်သွားတာမျိုးပေါ့။ ဒီလိုရှုမှတ်လို့ရတဲ့အနေအထားမျိုးရောက်သွားပြီဆိုရင်တော့ JOT နှင့် ရှုမှတ်အားထုတ်နိုင်တဲ့သူလို့ ပြောလို့ရပါပြီ။ 

ဒီလို JOT နှင့် အားထုတ်နိုင်သွားပြီဆိုရင် မိမိခန္ဓာကိုယ်နှင့် ပတ်ဝန်းကျင်မှာ ဖြစ်ပေါ်လာသမျှ လောကဓံအကောင်းအဆိုးတိုင်းအပေါ်မှာ ဟန်ချက်ညီညီနှင့်  ငြိတွယ်မှုမရှိပဲ မျှတတဲ့သဘောထားကို ထားနိုင်တဲ့ စိတ်အနေအထားကို ဖြစ်ပေါ်လာစေနိုင်တော့မှာဖြစ်ပါတယ်။ အဲဒီကနေ ရှေ့ ဆက်ကြိုးစားအားထုတ်သွားကြမယ်ဆိုရင်တော့ ဒီအခြေအနေရဲ့  ဟိုဘက်အလွန်မှာရှိနေတဲ့ လွတ်မြောက်ရာထွက်ပေါက်ဆီကို ရောက်ရှိသွားရတော့မှာပါဘဲ။

ဒီတော့ အစ်မရေ။ ကျွန်တော်တို့တွေအားလုံး ဒီ Just သုံးလုံးကို ကိုယ့်ရဲ့  နေ့စဉ် လက်တွေ့ဘ၀ထဲရောက်အောင် တတ်နိုင်သလောက် လုပ်ကြဖို့ဘဲ ရှိတော့တာပါဘဲ။ ဒါမှသာ ဘယ်အချိန် ကိုယ့်ဆီလာမယ်မှန်းမသိတဲ့ သေခြင်းတရား၊ နာခြင်းတရားအပါအ၀င် တခြားလောကဓံအကောင်းအဆိုးတွေကို ခံနိုင်ရည်ရှိရှိနှင့် ရင်ဆိုင်ဖို့အတွက် လေ့ကျင့်ထားပြီးသား ဖြစ်စေသလို မြတ်စွာဘုရားရှင်ကိုယ်တော်မြတ်ကြီးကိုလည်း ဘုရားရှင်အလိုတော်ကျ ဓမ္မနှင့်ပူဇော်ရာလည်းရောက်မယ် မဟုတ်လားဗျား။

အစ်မမွေးနေ့အတွက် လက်ဆောင်ဆောင်းပါးကို Just တွေအကြောင်းရေးမိတော့ အခု ဒီစာအဆုံးသတ်လေးကိုလည်း နာမည်ကြီး ကုန်ပစ္စည်း Brand တစ်ခုဖြစ်တဲ့ Nike ရဲ့   Slogan လေးကို ယူသုံးပြီး ကျွန်တော်ရော၊ အစ်မရော၊ စာဖတ်နေကြတဲ့ မိတ်ဆွေများအားလုံးအတွက်ရော သတိပေးစကားလေးအဖြစ် လက်ဆောင်ပါးလိုက်ချင်ပါတယ်။ အားလုံး.... Just Do It! ပါလို့။

(အစ်မရဲ့  ယနေ့ကျရောက်တဲ့ မွေးနေ့မှသည် အသက်ထက်ဆုံးတိုင် ကျေးဇူးရှင်မိခင်ကြီးကို လုပ်ကျွေးပြုစုရင်း၊ သံသရာလွတ်မြောက်ရာအတွက်လည်း ပြင်ဆင်ရင်း လောကီ၊ လောကုတ် နှစ်ဖြာသော ချမ်းသာသုခများကို ခံစားရရှိနိုင်ပါစေကြောင်း ဆုတောင်းမေတ္တာပို့သလိုက်ပါတယ် အစ်မရေ....။)

ခင်မင်စွာဖြင့်

ဝိမုတ္တိသုခ

အောက်တိုဘာ ၂ရက်နေ့၊ ၂၀၁၂။

ဆက်လက်ဖတ်ရှုရန်