ဘုရားအာရုံပြုပုံ

ဘာသာခြားပုဂ္ဂိုလ်တွေ သူတို့ဘုရား အာရုံပြုပုံ တွေ့မိကြမှာပေါ့။ ဘယ်လောက် (စိတ်) စိုက်တုန်း။ တခါတလေများ သွားရင်းလာရင်းများတောင်မှ သူတို့လေ မတ်မတ်ရပ်ပြီးတော့ သူတို့ဘုရားကိုအာရုံပြုပြီးတော့ စိုက်နေလိုက်တာ။ အဲဒီဟာ ဒါစ်ာန္ပဲ။ ဈာန်တရားတွေ ဖြစ်နေတာပဲ။ စိုက်လို့။ နောက်ပြီး သူတို့ဝတ်ကျောင်းများထဲမှာ ငြိမ်လို့။ စိုက်ပြီးတော့ နေလိုက်ကြတာ။ ကုသိုလ်ရတယ် မရဘူးဆိုတာကတော့ အာရုံမှန်မှ ရပါတယ်။ စိုက်တာကတော့ စိုက်နေတာပဲ။ အာရုံယူနေပုံကတော့ အင်မတန်ကို အားရစရာကောင်းတယ်။ အင်မတန်စိုက်ပြီး နေတာပဲ။ ဒီတော့ ဘုန်းကြီးက ဘုန်းကြီးတို့တရားနှင့် သူတို့ကိုကြည့်လိုက်တော့ သဘာဝသိပ်ကျတာပဲ။ ကုသိုလ်ရတာ မရတာ ဘုန်းကြီးပြောတာမဟုတ်ဘူးနော်။ အာရုံကမှန်မှ ကုသိုလ်တော့ရတယ်။ ၀တ်ကျောင်းများထဲမှာ ပရိတ်သတ်တွေစုပြီတော့ စိုက်ပြီး အာရုံယူနေလိုက်တာ။ ဘယ်လောက်ကောင်းလဲ။

ဒီတော့ကာ လောကကြီးထဲမှာ သဘာဝနော်။ သူများလှတာကိုမြင်လို့ရှိရင် ကိုယ့်အိမ်က မလှရင် နဲနဲမကျေနပ်ချင်ဘူး။ ဒါ ထုံးစံ။ သူများလှတာကိုမြင်ရင် ကိုယ့်အိမ်ကလည်း လှနေရင် အင်မတန်ကောင်းတယ်။ ဘုန်းကြီးတို့ ဗမာများက ဘုရားဆိုရင် သွားကြည့်။ ရွှေတိဂုံဘုရားလူကြီးက မိမိတို့ ရွှေတိဂုံကို လှမ်းပြီးတော့ မျှော်ကြည့်။ မဟာမြတ်မုနိဘုရားလူကြီးက မိမိတို့ မဟာမြတ်မုနိကို မှန်းပြီးတော့ ကြည့်။ ဘုရားရှိခိုးလာတဲ့ လူတွေဟာ စိုက်ပြီးတော့ အာရုံယူတာ ဘယ်နှစ်ယောက်လောက်များ တွေ့လိုက်ကြတုန်း။ တွေ့ခဲ့ဖူးကြတုန်း။ ပတ်ဝန်းကျင်ကလည်း ဆူဆူညံညံနဲ့။ တခါတရံ ဘုရားပွဲဆိုရင် ဗြုံးဒိုင်းဗြုံးဒိုင်း ဗြုံးဒိုင်းဗြုံးဒိုင်းနဲ့ ။ ပြီးတော့ ရတဲ့သူကလည်း သူ့အသံကို အသံကုန်ဟစ်ပြီးတော့ တခါတခါ ကြွားချင်ကြွားတာပဲ ဒီအနားမှာလေ။ ဘေးနားက ဘုရားရှိခိုးမရလို့ ခပ်တိုးတိုးလေးခိုးနေတယ်။ ဘုရားရှိခိုးရတဲ့ အသံကောင်းတဲ့သူကလည်း သူ့အသံကို သူဟစ်တာပဲ ဒီအနားမှာ။ ဘယ်မှာလဲပဲ စူးစိုက်တာ။ ဗုဒ္ဓါနုဿတိအာရုံ ဘယ်မှာလဲ စူးစိုက်တာ။

ဘုန်းကြီးက အသံကျယ်ကျယ်နှင့် ရှိမခိုးရဘူးလို့ မဆိုလိုပါဘူး။ တခါတခါ အသံထုတ်ပြီး ဘုရားအာရုံယူနေတဲ့ ဥစ္စာဟာ အင်မတန်အရသာရှိပါတယ်။ အဲဒီလိုအတွက်ကတော့ အသံလည်း ထုတ်ရင်း။ စိတ်ကလည်း စိုက်ရင်း။ အရသာကိုရှိလို့။ ပီတိကိုဖြစ်လို့။ ဘုရားဂုဏ်တော်တွေရွတ်ပြီးတော့ အသံကျယ်ကျယ်နဲ့။ ဒါက တိတ်ဆိတ်တဲ့ ကိုယ့်အိမ်မှာမျိုး။ တိတ်ဆိတ်တဲ့ ဘုရားရှေ့ တော်မှာမျိုး။ အဲဒီအခါကျတော့ ဒီအရသာပေါ်တယ်။ ဈာန်အရသာပေါ်တယ်။ ဈာန်စိတ်ဖြစ်တယ်။ အဲဒီလိုပုဂ္ဂိုလ်မျိုးအတွက် ဘုန်းကြီးက ဘာမှ အပြစ်ပြောစရာမရှိဘူး။ အင်မတန်ကောင်းတယ်။ အသံကလည်း ဂုဏ်တော်ကို ထုတ်ပြီး ရွတ်နေတယ်။ အဲဒီအသံအလိုက်လည်း စိတ်က ဂုဏ်တော်ထဲမှာ စွဲပြီးတော့နေတယ်။ ရွတ်ရင်းရွတ်ရင်းကို ပီတိတွေ ဖြစ်ပြီးတော့လာတယ်။ စိတ်ကဘယ်မှ မရောက်ဘူး။ ဒီဂုဏ်တော်အာရုံမှာပဲ ရွတ်ရင်းရွတ်ရင်း စိတ်တည်နေတယ်ဆိုရင် ဒါဈာန်ဖြစ်နေတာပဲ။ အဲဒီလိုပုဂ္ဂိုလ်အတွက်ကတော့ ဘုန်းကြီး ဘာမှ ဝေဖန်စရာမလိုဘူး။ အင်မတန်ကောင်းတယ်။

ယခုတော့ကာ ဘုရားပွဲတွေနဲ့။ ဗြုံးဒိုင်းဗြုံးဒိုင်း။ အသံတွေက ကျယ်ကျယ်လောင်လောင်။ ဟိုကစကားတွေက အမျိုးမျိုးပြော။ ဒီမှာ ဟစ်ကြအော်ကြ။ ဘုရားဂုဏ်တော်တွေ ရွတ်ကြဖတ်ကြတယ်။ ဒါဈာနပစ္စည်းနဲ့။ နိုင်ငံခြားလူများရဲ့ စူးစိုက်မှုနှင့်။ ဘယ်လောက်ရှက်စရာကောင်းတုန်း။
ပြီး တဖန် ကိုယ့်အိမ်မှာလည်းပဲ ဘုရားရှိခိုးနေလိုက်ကြတာ။ စိတ်က တခြား။ အသံကတော့ ရတာ ရွတ်နေတာပဲ။ ဣတိပိသော ဘဂ၀ါတို့ ဘာတို့ ရွတ်နေတာပဲ။ ရွတ်သာရွတ်နေတယ်။ စိတ်ကတော့ တခြားရောက်နေတယ်။ ပါးစပ်ကရလို့ရွတ်နေတယ်။ စိတ်ကတခြား။ ဒါ ဈာန် စူးစိုက်မှု မပါပါဘူး။ အဲဒါကြောင့် ဘုန်းကြီးတို့ ဗုဒ္ဓဘာသာတွေဟာ အဆင့်အတန်းမြင့်မြင့်နှင့် ဖြစ်စေချင်လွန်းလို့။ တိုးတိုးရှိခိုး။ စိုက်ပြီးတော့ ဘုရားအာရုံပြု ပြောနေရတယ်။ ရှိခိုးလို့ရှိရင် အသံကောင်းတဲ့သူက တိုးတိုးရှိခိုး။ ဘေးကကြားလို့ရှိရင် သာယာနာပျော်ဖွယ်ရှိအောင် တိုးတိုးလေးရွတ်စမ်း။ အဲဒါကကောင်းတယ်။ ဒီလိုဆူဆူညံညံဘုရားရှိခိုးနည်းတွေကတော့ သဘာဝသိပ်မကျပါဘူး။ နဲနဲပါးပါး အကျိုးရှိတာကတော့ ထားပါတော့။ အကျိုးလုံးလုံးတော့ မဆုတ်ယုတ်ပါဘူး။ ဒါပေမယ့်လို့ ဈာနပစ္စည်းဖြစ်လောက်အောင် စူးစိုက်တဲ့အနေမျိုးရောက်ဖို့ကတော့ မနဲကြီး စဉ်းစားရပါလိမ့်မယ်။

တခါ ဘုန်းကြီးတို့ ဗုဒ္ဓဘာသာက ဘုရားအာရုံပြုတဲ့နေရာမှာသာ အစူးအစိုက်နဲတာ မဟုတ်ဘူး။ မေတ္တာပို့ကြပြီ။ ပါးစပ်က အဝေရာဟောန္တု၊ အဗျာပဇ္ဇာဟောန္တု။ စိတ်က တခြားရောက်နေတယ်။ ပါးစပ်က ကျန်းမာကြပါစေ။ ချမ်းသာကြပါစေ ဆိုပေမယ့် စိတ်က တခြားရောက်နေတယ်။ မစူးစိုက်ဘူး။ အများနှင့်ရောပြီးတော့ သံပြိုင်မေတ္တာပို့ရတာကတော့ ထားပါတော့ပေါ့။ တစ်ယောက်တည်း၊ သံဃာတော် တစ်ပါးတည်း မေတ္တာပို့လို့ရှိရင် နှုတ်ကလေးလှုပ်တယ်ဆိုရုံလောက်လေး။ အရှေ့ အရပ်မှာနေကြတဲ့ သတ္တ၀ါတွေ စိတ်ကအာရုံပြုပြီးတော့ ကျန်းမာကြပါစေ။ ချမ်းသာကြပါစေ။ ရွတ်ပြန်လို့ရှိရင်လည်း တိုးတိုးကလေးရွတ်ပြီးတော့။ စိတ်ကစူးစိုက်လို့။ ဒါမှ မေတ္တာဈာန်ဖြစ်တယ်။ တောင်ဘက်ကို အာရုံပြုလိုက်တယ်ဆိုလို့ရှိရင်လည်း တောင်ဘက်ကို စိတ်ကစိုက်လို့ တောင်ဘက်အရပ်မှာရှိကြတဲ့ သတ္တ၀ါများ ကျန်းမာကြပါစေ။ ချမ်းသာကြပါစေ။ အဲဒီလို အရပ်ဆယ်မျက်နှာ စူးစိုက်ပြီးတော့ အာရုံပြုရပါတယ်။ အဝေရာဟောန္တု စသည်အားဖြင့် ရွတ်ပြီးတော့ စိတ်မပါ့တပါနှင့် မေတ္တာပို့တာကတော့ မေတ္တာကို မဟုတ်ပါဘူး။ စူးစိုက်မှုဆိုတာ အဝေးကြီး။ မေတ္တာကို မဖြစ်ပါဘူး။ ဖြစ်ရင် နဲနဲကလေးဖြစ်မယ်။ စူးစိုက်တာ မဟုတ်တဲ့အတွက် လေးလေးပင်ပင် မေတ္တာမျိုး မဖြစ်ပါဘူး။ ဒါလေးကို နားလည်စေချင်တယ်လေ။

ဘုန်းကြီးတို့တရားတော်က အင်မတန်တိကျရဲ့ သားနဲ့ လူတွေက တိတိကျကျမလိုက်နိုင်လို့မို့ မိမိတို့တရားတော်ကို အထင်သေးလို့။ အဲဒီလိုဖြစ်နေလို့မို့ နေရာတိုင်း တိတိကျကျလိုက်ကြစမ်းပါ။ ဗုဒ္ဓမြတ်စွာကိုအာရုံပြုပြီးတော့ စူးစိုက်ပြီးတော့ တရားရသွားတဲ့ ပုဂ္ဂိုလ်တွေရှိပါတယ်။ တိတ်တိတ်ဆိတ်ဆိတ် စူးစူးစိုက်စိုက်နှင့် ဘုရားပူဇော်ရင် အခုလည်းပဲ တရားရနိုင်တယ်။ ဒါကြောင့် ဘုန်းကြီးက ဘုရားရှေ့ တော်မှာ သန့်ရှင်းကြပါ။ တိတ်ဆိတ်ကြပါ။ မိမိရဲ့  အိမ်မှာ ဘုရားကိုပူဇော်လို့ရှိရင် ရှုပ်ရှုပ်ထွေးထွေးနှင့် မပူဇော်ပဲနှင့် သန့်သန့်ရှင်းရှင်းနှင့် သက်တော်ထင်ရှားဘုရားရှေ့ မှာ မိမိရောက်နေသလိုအထိ ပူဇော်လိုက်ကြစမ်းပါ။ အင်မတန်ကောင်းပါတယ်။

ဗုဒ္ဓဘာသာမဟုတ်တဲ့သူများက မေတ္တာပို့ကြလို့ရှိရင် တိတ်လို့၊ ငြိမ်လို့။ သဘောကျလိုက်တာ။ ဘုန်းကြီးက ပြောင်းပြန်ပြန်လိုက်ချင်တာ။ တို့ဗမာလူမျိုးတွေက သွားဟိုဘက်။ အဲဒီလူတွေကလာ တို့ဗုဒ္ဓဘာသာဘက်ကို။ သူတို့က မေတ္တာပို့နေလိုက်ကြတာ ငြိမ်လို့။ တခါတုန်းကများ လေးရာလောက် စည်းဝေးနေကြတာ တုပ်တုပ်မှမလှုပ်ဘူးတဲ့။ ငြိမ်လုို့ သူတို့အာရုံနှင့် သူတို့ယူနေကြတာ။ မေတ္တာပို့ကြစို့ ဆိုလို့ရှိရင် မေတ္တာပို့လို့ ငြိမ်နေကြတယ်။ ဒီက ဘုရားဒကာကြီးတွေရဲ့ ၊ ဘုရားလူကြီးတွေရဲ့  ဘုရားဝိုင်းထဲမှာတော့ ၀ုန်းဒိုင်းဝုန်းဒိုင်း ၀ုန်းဒိုင်းဝုန်းဒိုင်းကြားက မေတ္တာပို့တဲ့သူတွေကလည်း မေတ္တာပို့ကြ။ ရွတ်တဲ့သူတွေကလည်း ရွတ်ကြ။ ဆွမ်းတော်တင်တဲ့သူတွေကလည်း ဆွမ်းတော်တင်ကြ။ ဆွမ်းတော်ကောက်တဲ့သူတွေကလည်း ဆွမ်းတော်ကောက်ကြနဲ့။ ရှုပ်လို့။

ဒီတော့ ဘုန်းကြီးတို့ရဲ့  အကောင်းတွေကို ဘယ်ကယူနေကြလဲဆိုတော့ ဘုန်းကြီးတို့ ဘာသာဝင်မဟုတ်တဲ့ပုဂ္ဂိုလ်တွေကယူပြီးတော့ အသုံးချနေကြတယ်။ ဘုန်းကြီးတို့ဘာသာဝင်တွေကတော့ မိမိတို့ဖာသာမိမိတို့ ဟုတ်လှပြီလို့ ထင်ပြီးတော့ ဘယ်နှယ့်ကြောင့် ဒီလို ကြမ်းကြမ်းတမ်းတမ်းအသံတွေနှင့် ဘာသာရေးကိစ္စကို အသုံးချနေကြသလဲ။ သိပ်စဉ်းစားစရာကောင်းပါတယ်။

တခါ မေတ္တာပို့တာသာမဟုတ်ဘူး။ အသုဘဘာဝနာလည်း ဈာန်လုိုပဲ စိုက်ပြီးတော့ ရှုလိုက်လို့ရှိရင်လေ တကယ့်ကိုတရားပေါက်တယ်။ အသုဘရှု၊ အသုဘရှုဆိုတာ ဒီဈာနပစ္စည်းနှင့် တွဲပြီးတော့ ရှေးက သုံးထားဟန်တူတယ်။ ဘုန်းတော်ကြီးများ အသုဘရှုကြွတော်မူပါ။ အသုဘရှုလိုက်ကြပါ။ အဲဒီလို တရားနှင့်ခေါ်တာပဲ။ အသုဘပို့တဲ့နေရာမှာလည်း ဘုန်းကြီးတို့ ဗမာတွေ ဘုန်းကြီးတွေရော၊ လူတွေရော။ ဟိုက ဖိတ်တော့ အသုဘရှု၊ အသုဘပို့နဲ့ ဖိတ်ကြပါရဲ့ ။ ပွဲနေပွဲထိုင်သွားတာလောက်သာ မမှီတာ။ အထိုက်အလျှောက်ပြင်လို့ဆင်လို့။ မော်တော်ကားကြီးတွေနဲ့။ ခမ်းခမ်းနားနားနဲ့။ စကားစမြည် ရောင်းမှု ၀ယ်မှုတွေပြောလို့။ ဟိုကိစ္စ ဒီကိစ္စတွေပြောလို့။ မလိုက်မကောင်းလို့ လိုက်လာကြတာ။ ဘုန်းကြီးတို့ ဘုန်းတော်ကြီးတွေကိုယ်တိုင်ကလည်း ဘယ်လိုဆုိုတဲ့ဥစ္စာ သုဿန်သွားပြီးတော့ ကြည့်ကြပေါ့လေ။

ဒီတော့ ဘုန်းကြီးတို့ရဲ့  အသုဘရှုကလည်း အသုဘဘာဝနာက တကယ်ရှုရင် တကယ့်ကို တရားရလောက်တဲ့ဥစ္စာကို အသုဘကို တကယ်မရှုပဲနဲ့ ၀တ်ကျေတန်းကျေရှုပြီးတော့ နေကြတဲ့အတွက် ဘာမှအကျိုးမရတဲ့အပြင် ဘာသာခြားတွေ၊ နိုင်ငံခြားကလူတွေကလာပြီ။ အသုဘပို့။ ငြိမ်လို့။ တိတ်ဆိတ်လို့။ အ၀တ်များတောင်မှ အသုဘအခမ်းအနားအတွက် အ၀တ်ကို တမျိုးဝတ်လို့။ တယ်ကြည်နူးစရာကောင်းတယ်။ အသုဘနှင့်စပ်တဲ့အတွေးကိုတွေးလို့။ ငါတို့လည်း ဒီလိုသေရအုံးမယ်ဆိုတဲ့ အတွေးမျိုး ဖြစ်ကောင်းဖြစ်လိမ့်မယ်။ ဗုဒ္ဓဘာသာဆိုတဲ့သူတွေက ဘုရားတရားက ဒီလောက်ညွှန်ပြထားပေမယ့် ဘယ်လောက်များတွေးလိုက်ကြတုန်း။ ဘယ်လောက်များ တရားများရကြတုန်း။ ငိုတဲ့သူက ငို။ တချို့ များ အော်ဟစ်ပြီးတော့ လူးလိမ့်ပြီးတော့ငို။ ဘေးက နဲနဲပါးပါး နီးစပ်ရာတွေက ချော့တန်တဲ့သူက ချော့။ ဘေးက ခပ်ဝေးဝေးလူတွေက အမှတ်တမဲ့။

ဘုန်းကြီးတို့ရဲ့  ဘာသာရေးဟာပေါ့လေ။ သူများက အထင်သေးတာ ဘာသာက ညံ့လို့မဟုတ်ပါဘူး။ ဒီဘာသာကို လက်ကိုင်လုပ်တဲ့ ပုဂ္ဂိုလ်တွေရဲ့  ညံ့မှုကြောင့် ဘာသာကြီးပါ အထင်သေးခံနေရပါတယ်။

အရှင်ဇနကာဘိဝံသ
အခြေပြုပဋ္ဌာန်းတရားတော် (ဈာနပစ္စည်း)
(၂၃၊ ၄၊ ၁၉၇၃)

ဆက်လက်ဖတ်ရှုရန်

~ Creating An Own Religion ~

ဒီလပိုင်းတွေထဲ FB ပေါ်မှာ ဘာသာရေးနှင့်ပတ်သက်ပြီး တက်လာတဲ့သတင်းတွေ၊ ဆွေးနွေးမှုတွေကို ဖတ်ကြည့်ဖြစ်ရင်း တော်တော်လေး စိတ်ထဲ ကသိကအောင့် ဖြစ်မိတယ်။ ဘာသာရေးလို့ ဆိုရာမှာ တစ်ခုက နိုင်ငံရေးနှင့် ပတ်သက်ဆက်နွယ်နေပြီး၊ နောက်တစ်ခုကတော့ ပဋိပတ္တိပိုင်းနှင့် ပတ်သက်နေတာပါ။ ဘာသာရေးကို အကြောင်းပြုပြီး လူပုဂ္ဂိုလ်အချင်းချင်း၊ အဖွဲ့အစည်း အသင်းအဖွဲ့တွေ အချင်းချင်း ငြင်းကြ၊ ခုန်ကြ၊ ရန်ဖြစ်နေကြတာမို့ စာတွေဖတ်ရင်းက သံဝေဂတော်တော်ဖြစ်မိတယ်။

တနေ့က ဆရာတော်ဦးဇောတိကရဲ့  စင်္ကာပူမှာ ဒကာ၊ ဒကာမတွေနှင့် Informal Talk လေး လုပ်ထားတာကို ပြန်နားထောင်ဖြစ်ရင်း အတွေးတစ်စပေါ်လာတယ်။

ဆရာတော်က ဖြစ်နိုင်ရင် ကိုယ့်ဖာသာ ကိုယ်နှင့်လိုက်ဖက်သင့်လျှော်မယ့် ဘာသာအယူဝါဒတစ်ခုကို ဖန်တီးယူပါလို့ ပြောသွားတယ်။ ဆရာတော့် စကားနှင့် ပြောရရင် ကိုယ်ပိုင် Religion တစ်ခုကို Create လုပ်ယူပါ တဲ့။

အများတကာတွေ သတ်မှတ်ထားကြတဲ့ ဘာသာအယူဝါဒဆိုတဲ့ ခေါင်းစဉ်တွေအောက်ကနေခွဲထွက်ပြီး မိမိစရိုက်၊ မိမိရဲ့  စံနှုန်းသတ်မှတ်ချက်တွေနှင့် သတ်မှတ်ထားတဲ့ Religion တစ်ခု။

အုပ်ရောရော၊ ကျောက်ရောရောဖြစ်နေတဲ့ လူတွေနှင့် ဖွဲ့စည်းထားတဲ့ ဘာသာအယူဝါဒမျိုးမဟုတ်တဲ့၊
မျက်ကန်းယုံကြည်မှုတွေကနေ ခွဲထွက်ထားတဲ့၊
အမြော်အမြင်ဆင်ခြင်ဉာဏ်နည်းပါးတဲ့ ဘာသာရေးခေါင်းဆောင်တွေရဲ့  ဦးဆောင်မှုအောက်ကနေ လွတ်ကင်းတဲ့၊

လူသားအချင်းချင်း ငြိမ်းချမ်းစွာအတူလက်တွဲနေထိုင်နိုင်မယ့်၊
မိမိအကျိုး၊ အများအကျိုးကို ရှေးရှုဦးတည်မယ့်၊
အသိဉာဏ်နှင့် စိတ်ဓါတ်အဆင့်အတန်း မြင့်မားမှုကို ဖြစ်စေမယ့်၊
အဆုံးစွန် လွတ်မြောက်မှုနှင့် စင်ကြယ်မှုကို ရရှိစေမယ့်

ကိုယ်တိုင်လည်း သတ်မှတ်စံနှုန်းများအတိုင်း လိုက်နာနိုင်၊ ကျင့်ကြံနိုင်မယ့်

တကယ် ကိုယ်နှင့်အလိုက်ဖက်ဆုံး ဘာသာတစ်ခုကို ဖန်တီးတည်ဆောက်ယူပြီး ကျန်တာအားလုံးကို စွန့်ပစ်ထားလိုက်ချင်တော့တယ်။

လူတွေကတော့ ဒီလိုမျိုးလုပ်မယ်ဆိုရင် ထုံးစံအတိုင်း ကိုယ့်ကို ခေါင်းစဉ်တွေ၊ တံဆိပ်တွေ အမျိုးမျိုး လာကပ်ကြလိမ့်အုံးမယ်။ တတ်နိုင်ဘူးလေ။ ရှိပါစေတော့။

ကိုယ့်လမ်းကိုယ်ဖောက်ပြီး ကိုယ်သတ်မှတ်ရာ၊ ယုံကြည်ရာ ပန်းတိုင်ဆီ ကိုယ့်ခရီး ကိုယ်လျှောက်တာပဲ။
ဘယ်သူတွေ ဘာပြောပြောပေါ့။

ကိုယ်နှင့် ယုံကြည်ချက်တူ၊ ခရီးလမ်းတူ၊ ပန်းတိုင်တူတွေလည်း ရှိနေအုံးမှာပဲလေ။ လျှောက်ကြတဲ့ ခရီးလမ်းချင်း တူရင်တော့ ခရီးဖော်ဖြစ်ကြတာပေါ့....

ဆက်လက်ဖတ်ရှုရန်

စိတ်ခွန်အားနှင့် သီလ

မနေ့က စကားပြောဖြစ်တဲ့ မိတ်ဆွေက စိတ်အကြောင်းဆွေးနွေးရင်း စပ်ဆက်မိသွားရာက စိတ်ခွန်အားရှိခြင်း နှင့် ပတ်သက်တဲ့ စကားလမ်းကြောင်းဆီ ရောက်သွားခဲ့ပါတယ်။

သူက တခါတလေ ကောင်းတာတစ်ခုခုလုပ်ချင်တဲ့အခါမျိုး၊ အရေးကြီးတာ တစ်ခုခုလုပ်ဖို့အတွက် ဆုံးဖြတ်ချက်တွေ ချချင်တဲ့အခါမျိုးမှာ စိတ်ထဲမှာ ခွန်အားရှိမနေတာကို သတိထားမိတယ်တဲ့။ ဒီတော့ စိတ်ထဲမှာ ခွန်အားဖြစ်နေအောင် ဘယ်လုပ်လုပ်ရင် ကောင်းမလဲလို့ မေးပါတယ်။

ကျွန်တော်က Will Power ကောင်းဖို့ စိတ်ပညာရှုထောင့်ကနေ ပညာရှင်တွေပြောထားကြတာတွေတော့ အများကြီး ရှိပေမယ့် ဘာသာရေးဘက်ကနေပဲ သူ့ကို ဆွေးနွေးပေးဖြစ်လိုက်တယ်။

လူတစ်ယောက်မှာ အခြေခံအနေနှင့် ကိုယ်ကျင့်သီလကောင်းနေရင်၊ ထိန်းထားနိုင်ရင် စိတ်ထဲမှာခွန်အားဖြစ်ပါတယ်။နေ့စဉ်သွားလာလုပ်ကိုင်ရတဲ့ ကိစ္စမှန်သမျှမှာ စိတ်လုံခြုံမှုရနေစေပါတယ်။

သီလဆိုတဲ့နေရာမှာလည်း ကိုယ်ချင်းစာနာစိတ်ကိုအခြေခံပြီး မိမိကြောင့် တစ်ဘက်သားဒုက္ခမဖြစ်စေရဘူးဆိုတာမျိုးနှင့် စောင့်ထိန်းတာမျိုးမှ၊ ရှောင်ကြဉ်တာမျိုးမှ ပိုကောင်းပါတယ်။

သီလထိန်းတဲ့နေရာမှာ ကျွန်တော့်အကြိုက်ကတော့ တစ်ပါးထိန်းနိုင် တစ်ပါးထိန်း၊ နှစ်ပါးထိန်းနိုင် နှစ်ပါးထိန်း ဆိုတာမျိုးနှင့် ကိုယ်နိုင်သလောက် ထိန်းရတာမျိုးကို သဘောကျမိပါတယ်။ အခြေခံအနေနှင့် ငါးပါးသီလကို လူတိုင်းထိန်းရမယ်လို့ဆိုပေမယ့် ကိုယ့်ရဲ့ လောလောဆယ် ရပ်တည်နေရတဲ့ ဘ၀အခြေအနေပေါ်မူတည်ပြီး ငါးပါးလုံးမထိန်းနိုင်တဲ့အခါမျိုးမှာ ကိုယ် နိုင်သလောက်ကို ရသလောက်ထိန်းသင့်ပါတယ်။

သီလထိန်းတာကို ပိုက်ဆံစုသလိုမျိုး စဉ်းစားကြည့်ရင် ပိုမြင်လွယ်ပါတယ်။ ပိုက်ဆံစုတဲ့သူတစ်ယောက်ဟာ တစ်ကျပ်ရ တစ်ကျပ်စု၊ တစ်မတ်ရ တစ်မတ်စု ဆိုတာမျိုးနှင့် စုရင်းကနေ နောင်မှာ ပိုက်ဆံတွေအများကြီး စုမိလာသလို သီလထိန်းတဲ့သူအနေနှင့်လည်း တစ်ပါးရ တစ်ပါးထိန်း၊ နှစ်ပါးရ နှစ်ပါးထိန်းရင်းက အချိန်ကြာလာရင် ကိုယ့်ရဲ့  စောင့်စည်းနိုင်မှုက စိတ်ခွန်အားကို ကြီးလာစေပါတယ်။

ဥပမာ ငါးရောင်းတဲ့ဈေးသည်တစ်ယောက်ဟာ ပါဏာတိပါတ သီလကို မိမိစားဝတ်နေရေးအလုပ်အတွက် မထိန်းနိုင်ပေမယ့် ကျန်တဲ့ လေးပါးကိုတော့ ထိန်းမယ်ဆို ထိန်းလို့ရပါတယ်။ ငါးပါးလုံးထိန်းနိုင်မှ ထိန်းတော့မယ်ဆိုရင်တော့ ငါးပါးစုံအောင်ဘယ်အချိန်ထိ စောင့်နေမှာလဲ။ ငါးပါးလုံးမစောင့်နိုင်သေးတဲ့ကြားအချိန်တွေမှာ ဒီလိုပဲ ပေါ့ပေါ့လျော့လျော့နဲ့ နေလိုက်ရတော့မလားဆိုတာ တွေးစရာရှိပါတယ်။

ဥပုသ်သီလစောင့်တာလည်း ဒီအတိုင်းပဲလို့ထင်ပါတယ်။ စားဝတ်နေရေးအတွက် အလုပ်လုပ်နေရတဲ့ အခြေအနေအရသော်လည်းကောင်း၊ ကျန်းမာရေးအခြေအနေအရသော်လည်းကောင်း သီလကို (၈)ပါးလုံး၊ (၉ )ပါးလုံး ပြည့်အောင် စောင့်ထိန်းဖို့ဆိုတာ တခါတလေမှာ ခဲယဉ်းတတ်ပါတယ်။ (၈)ပါးလုံးပြည့်အောင် မစောင့်ထိန်းနိုင်လို့ စောင့်နိုင်တဲ့အချိန်ရောက်မှပဲ ဥပုသ်စောင့်ပါတော့မယ်လေ လို့ တချို့ လူတွေ ပြောတတ်ကြတယ်။ တကယ်ဥပုသ်စောင့်ချင်စိတ်ရှိရင်တော့ ဒီသီလ (၈)ပါးထဲက ကိုယ်မစောင့်နိုင်တဲ့သီလ ဘာရှိလဲ ကြည့်လိုက်ပြီး၊ အဲဒီမစောင့်နိုင်တဲ့ သီလကို ချန်၊ ကျန်တဲ့သီလတွေကို ထိန်းထားလို့ ကော မရနိုင်ဘူးလား စဉ်းစားစရာကောင်းပါတယ်။

ဥပမာ အစာအိမ်ရောဂါရှိလို့ ၀ိကာလဘောဇနာသီလကို မထိန်းနိုင်ရင် အဲဒီသီလကို ချန်ထားလိုက်ပြီး ကျန်တဲ့ (၇)ပါး စောင့်လိုက်ရင် ကိုယ့်အတွက် ပိုမကောင်းဘူးလား တွေးကြည့်သင့်ပါတယ်။ (၈)ပါးပြည့်အောင် မစောင့်နိုင်လို့ လုံးဝမစောင့်ဖြစ်တာထက်စာရင် (၇)ပါးထိန်းထားတော့ရော အကျိုးယုတ်လျှော့သွားမှာမို့လို့လားဆိုတာ မေးစရာရှိပါတယ်။

ဘာပဲဖြစ်ဖြစ် သီလကို တစ်ပါးပဲရရ၊ နှစ်ပါးပဲရရ ကိုယ်နိုင်သလောက်ထိန်းထားမယ်၊ စင်ကြယ်အောင် စောင့်ရှောက်ထားမယ်ဆိုရင် အရေးကြုံရင် သက်လုံကောင်းမှ ဆိုသလို တကယ်အကြောင်းကြီးငယ်ပေါ်လာလို့ စိတ်ခွန်အားသုံးရတော့မယ်အချိန်တွေမှာ သီလထိန်းထားတဲ့စိတ်က ခွန်အားအပြည့်နှင့် ကိုယ့်ကို စောင့်ရှောက်တော့တာပါပဲ။

စိတ်ဆိုတာမျိုးက သူလုပ်ချင်ရာ လုပ်ပါစေ၊ သူဖြစ်ချင်ရာ ဖြစ်ပါစေ ဆိုပြီး လွှတ်ထား၊ အလိုလိုက်ခံထားရတဲ့စိတ်ထက် အမြဲတမ်း စည်းကမ်းပေးပြီး ထိန်းကြောင်းခံထားရတဲ့စိတ်က ပိုအင်အားပြည့်ပြီး အရည်အသွေးရှိနေတတ်ပါတယ်။ ဒါကြောင့်လောကီကြီးပွားရေး ကိစ္စကိုပဲလုပ်လုပ်၊ လောကုတ္တရာရေးကိုပဲ အားထုတ်အားထုတ် သီလနှင့် ထိန်းကြောင်းခံထားရတဲ့စိတ်က ခွန်အားအပြည့်နှင့် ကိုယ့်ရဲ့  လုပ်ငန်းအပေါ် အထောက်အကူပေးတော့တာပါပဲ။

တချို့ ကတော့ မိမိစောင့်ထိန်းထားတဲ့ သီလကိုအာရုံပြုဆင်ခြင်ပြီး ကိုယ်လိုချင်တဲ့ အကျိုးတစ်ခုခုအတွက် အဓိဋ္ဌာန်ပြုဆုတောင်းကြတာမျိုး လုပ်ကြတာမျိုးလည်း ရှိပါတယ်။ အဓိဋ္ဌာန်အနေနှင့်မလုပ်ရင်တောင်မှ ကိုယ်စောင့်ထိန်းထားတဲ့သီလကို ပြန်ဆင်ခြင်ပြီး အားရကျေနပ်မှုဖြစ်ရာကနေ ပီတိ၊ ပဿဒ္ဓိတွေဖြစ်ပြီး အဲဒီကနေ တဆင့်တက်လို့ နောက်ဆုံးတရားထူးတွေရသွားကြတဲ့ သာဓကတွေလည်း စာပေထဲမှာ အများကြီးရှိပါတယ်။

များသောအားဖြင့် သတိ၊ သမာဓိအားကောင်းတဲ့သူတွေဟာ စိတ်ဓါတ်ခွန်အားကြီးကြတယ်လို့ လူပြောများပေမယ့် သူတို့ ဒီလို သတိ၊ သမာဓိ အားကောင်းလာအောင်ဆိုတာက သီလစောင့်ထိန်းမှုအပိုင်းမပါဘဲ မဖြစ်နိုင်တာမို့ သီလက ပိုပြီး အခြေခံကျတယ်လို့ ပြောရင်ရနိုင်ပါတယ်။

သီလစောင့်ထိန်းတာကို ဘာသာရေးရှုထောင့်ကနေမဟုတ်ဘဲ စိတ်ကလုပ်ချင်တာကို စောင့်စည်းသည်းခံတဲ့၊ အလိုမလိုက်တဲ့ စိတ်လေ့ကျင့်ခန်းလုပ်နေတယ်လို့ သဘောထားလိုက်ရင် စိတ်ပညာရှင်တွေ၊ တက်ကျမ်းဆရာတွေ ပြောကြတဲ့ Will Power တက်အောင်လုပ်နေတာနှင့် အတူတူလို ဖြစ်သွားပါတယ်။

သီလလုံရင် ဘ၀လုံခြုံပါတယ်။ မိမိကိုယ်ကို ယုံကြည်စိတ်ချမှုကို တိုးစေပါတယ်။ စိတ်မှာ ခိုင်ခန့်မှုရှိနေစေပါတယ်။ ဒီလို ခွန်အားပြည့်တဲ့ စိတ်နှင့် ဘ၀ပြဿနာတွေကို တည်တည်ငြိမ်ငြိမ်၊ ရဲရဲဝံ့ဝံ့နှင့် ဆုံးဖြတ်လုပ်ကိုင်နိုင်ပါတယ်။ သမထ၊ ၀ိပဿနာအားထုတ်တဲ့အခါမှာလည်း စိတ်ကို အထူးကြည်လင်စေပြီး သဒ္ဓါ၊ ၀ီရိယကို တက်စေပါတယ်။

ဒါကြောင့် စိတ်ထဲမှာ ခွန်အားဖြစ်နေအောင် သီလကိုနိုင်သလောက် လုံအောင်ထိန်းဖို့ မိတ်ဆွေကို ကျွန်တော် ပြောပြဖြစ်ခဲ့ပါတယ်။

ဆက်လက်ဖတ်ရှုရန်

စိတ်ကို ပြုပြင်ခြင်း

ဒီနေ့ည မိတ်ဆွေတစ်ယောက်နှင့် စိတ်အကြောင်း၊ ကံအကျိုးပေးတွေအကြောင်း၊ သဒ္ဓါတရား ကျတတ်တဲ့အကြောင်း စသဖြင့် အတော်လေး စကားပြောဖြစ်လိုက်တယ်။

သူက လူတော်တော်များများဟာ ကိုယ့်စိတ်ကို မသိကြဘူး။ နားမလည်ကြဘူး တဲ့။ တချို့ လူတွေရဲ့  စိတ်ဓါတ်တွေဟာ တအားအစွန်းရောက်ကြတယ်။ ကိုယ်ကလွဲပြီး တခြားသူတွေအပေါ် သင်္ကာမကင်းတဲ့စိတ်၊ မယုံကြည်တတ်တဲ့ စိတ်အခံမျိုးတွေ ရှိကြတယ်။ သံသယတွေနှင့် တစ်ဘက်လူကို ဆက်ဆံတတ်ကြတယ်။ ဒါကြောင့် ပေါင်းသင်းဆက်ဆံရေးမှာ မဖြစ်သင့်တဲ့၊ မလိုလားအပ်တဲ့ ပြဿနာတွေ ဖြစ်ကြရတယ်။ သူတို့နှင့် ဆက်ဆံရတဲ့ သူတွေအပေါ် အနှောက်အယှက်ပေးမိလျက်သား ဖြစ်နေတတ်ကြတယ် တဲ့။ သူတို့ကိုယ်သူတို့ အဲဒါကို မှားနေမှန်းမသိသလို၊ ပြင်ရကောင်းမှန်းလည်း မသိကြဘူး တဲ့။
လူတွေ ဒီလိုမျိုး မဖြစ်ရအောင် ဘယ်လို လုပ်ပေးလို့ရနိုင်မလဲ လို့ မေးလာပါတယ်။

ကျွန်တော်က လူတွေ အဲလိုဖြစ်ကြရာမှာ များသောအားဖြင့် မွေးရာပါ ဗီဇဓါတ်ခံကြောင့်လည်း ဖြစ်နိုင်သလို၊ ကြီးပြင်းလာခဲ့ရတဲ့ ပတ်ဝန်းကျင်၊ မိဘတွေရဲ့  သားသမီးတွေအပေါ် ပြုစုဆက်ဆံပုံ၊၊ နောက်ပြီး ဖြတ်သန်းခဲ့ရတဲ့ ဘ၀အတွေ့အကြုံတွေကြောင့် ဒီလိုစိတ်အခြေအနေမျိုးတွေ ဖြစ်သွားတတ်ကြတယ်လို့ မြင်ကြောင်း ပြောဖြစ်တယ်။

ဒီလိုမျိုးတွေ မဖြစ်ဖို့ဆိုရင်တော့ ကာယကံရှင်ကိုယ်တိုင်က ဒီစိတ်အခြေအနေမျိုးဖြစ်နေတာကို မူမှန်မဟုတ်ဘူးဆိုတာ သိဖို့နှင့် ကိုယ့်ကိုယ်ကို ပြုပြင်ချင်စိတ် ရှိဖို့က ပထမ အရေးအကြီးဆုံးအချက်ဖြစ်တယ်လို့ မြင်ကြောင်း၊ နောက်ပြီး ဒီလိုစိတ်အခြေအနေမျိုးဆိုတာက တစ်သက်လုံး ပြင်မရတော့တာမျိုးမဟုတ်ဘဲ တဖြေးဖြေး ပြုပြင်ယူသွားလို့ရတယ်ဆိုတာကိုလည်း သိဖို့လိုကြောင်း၊ ကိုယ်တိုင်တော့ နည်းလမ်း (၂) မျိုးတော့ စမ်းဖူးတဲ့အကြောင်း ပြောပြဖြစ်တယ်။

ပထမတစ်နည်းက Psychology ကို တီးမိခေါက်မိရုံ နားလည်အောင် လေ့လာပြီး သိစိတ်၊ မသိစိတ်တွေအကြောင်း သဘောပေါက်မယ်။ အဲဒီကနေမှတဆင့် Behaviour နှင့် Personality ပြုပြင်တဲ့နည်းတွေကို လေ့လာပြီး စနစ်တကျ လိုက်လုပ်ကြည့်မယ်ဆိုရင် တဖြေးဖြေးနှင့် အမူအကျင့်တွေ အချိန်အတိုင်းအတာတစ်ခုအတွင်းမှာ ပြောင်းလဲလာနိုင်ကြောင်း ပြောဖြစ်တယ်။

ဒုတိယတစ်နည်းကတော့ စိတ္တနုပဿနာကို လုပ်ကြည့်ဖို့ ပြောဖြစ်တယ်။ တစ်နေ့တာ အတွင်း ကိုယ့်စိတ်ထဲမှာ ဖြစ်နေတဲ့အတွေးလေးတွေကို သတိထားမိတိုင်း လိုက်သိပေးနေမယ်ဆိုရင်လည်း ထိရောက်မှုရှိတဲ့အကြောင်း၊ ကိုယ့်ကိုယ်ကို အာရုံပြုမိတိုင်း “ငါ အခု ဘာတွေ တွေးနေလဲ၊ အဲဒီအတွေးကြောင့် စိတ်မှာ ဘယ်လို ခံစားမှုတွေဖြစ်နေလဲ။ ကောင်းနေလား၊ ဆိုးနေလား၊ အကောင်းလည်း မဟုတ်၊ အဆိုးလည်း မဟုတ်တာလား။” ဆိုတာလေးကို သတိထားကြည့်ပေးရင်းက ကြာလာလေ စိတ်အကြောင်းကို ပိုနားလည်လာလေ ဖြစ်လာနိုင်ကြောင်း၊ မကောင်းတာတွေကို တွေးမိတိုင်း စိတ်ထဲပင်ပန်းဆင်းရဲနေရတာကို ကိုယ်တိုင် ခံစားပြီး သိလာရတော့ မကောင်းတာတွေကို တွေးမိတဲ့ ကြိမ်နှုန်းပာာ သူ့အလိုလို နည်းသွားတတ်ကြောင်း၊ ဒီလိုလုပ်ရင်း အချိန်တစ်ခုအတွင်းမှာ Personality က သူ့အလိုလို မသိမသာ ပြောင်းသွားတတ်ကြောင်း ပြောဖြစ်တယ်။

အဲဒါနှင့် တခါတည်း ဆက်ပြီး စိတ်ကို စောင့်ကြည့်ရင်းက တခါတလေ စိတ်ထဲ ဘာမှ မယ်မယ်ရရ မတွေးဖြစ်တဲ့အချိန်မျိုး၊ စိတ်ကို မှတ်လို့မရတဲ့ အချိန်မျိုးမှာ ကိုယ့်ခန္ဓာကိုယ်ဘက် အာရုံစိုက်ပြီး ခန္ဓာကိုယ်ပေါ်မှာဖြစ်နေတဲ့ အေးမှု၊ ပူမှု နှင့် လှုပ်ရှားနေမှု သဘောတစ်ခုခုထဲက ထင်ရှားရာတစ်ခုကို လိုက်သိပေးနေမယ်ဆိုရင်လည်း တစ်နေ့တာ လူတွေကြားထဲမှာနေနေရင်းက တရားအားထုတ်လို့ရနိုင်တဲ့အကြောင်း ပြောဖြစ်လိုက်ပါတယ်။

(ဒီရက်ပိုင်း Living Meditation အကြောင်း Post တင်ဖြစ်တာနှင့် ကြုံကြိုက်သွားလို့ပါ။ ကျန်တဲ့ ကံအကျိုးပေးအကြောင်းနှင့် သဒ္ဓါကျတတ်တဲ့အကြောင်း အချိန်ရခဲ့ရင်တော့ နောက်ရက်မှ ဆက်ရေးပါအုံးမယ်။ )

ဆက်လက်ဖတ်ရှုရန်

ကုသိုလ်ဟူသည် ဘ၀လမ်းအတွက်

မဋ္ဌကုဏ္ဍလီ သည် အိမ်ပြင် ညောင်စောင်း ထက်၌ လဲလျောင်း နေသည်။ စင်စစ် လဲလျောင်း နေသည် ဟူသည် မှာလည်း မည်ကာ မတ္တ မျှသာ ဖြစ်၏။ ကိုယ်ခန္ဓာ တစ်ခု ညောင်စောင်း ပေါ်တွင် ပုံကျ နေသည် ဟု ဆိုနိုင် ရုံမျှသာ ဖြစ်သည်။ ၀ါထိန် ခြောက်သွေ့ နေသော မျက်လုံးများ ရံဖန် ရံခါ လှုပ်ခတ် သွားသည် ကလွဲ၍ သူ၏ တစ်ကိုယ်လုံး သည် ငြိမ်သက် လျက် ရှိသည်။ မဋ္ဌကုဏ္ဍလီ သည် ခေါင်းကို ကြိုးစား လှုပ်ကြည့် သည်။ လှုပ်၍ မရ ။ ခြေလက် များကို လှုပ်ကြည့် ဖို့ ကြိုးစားသည်။ လှုပ်၍ မရ။ ဆီးဝမ်း များ ထွက်ကျ၍ အညစ်အကြေး အမျိုးမျိုး တို့ ကလည်း အိုင်ထွန်း နေသည်။ သုတ်သင် ၍ မရ။ ယင် တစ်သိုက် က ခန္ဓာကိုယ် အနှံ့ ဆင်းတက် ကျက်စား နေသည်။ ခြောက်ထုတ် ၍ မရ။

အတိတ်က ပျော်ပါးခဲ့ သည်များ ကို စဉ်းစား ကြည့်သည်။ စဉ်းစား၍ မရ။ စိတ်တွေ က အဓိပ္ပါယ် ရေရေ ရာရာရှိအောင် မတွေးနိုင်။ လွင့်ပါး နေသည်။ အလိုလို ကြောက်ရွံ့ နေသည်။ အလိုလို အားငယ် နေသည်။ မကြာမီ အသူရာ နက်သော ချောက်နက်ကြီး ထဲသို့ ပြုတ်ကျ တော့ မလိုလို။ ရင်မှာ လှိုက်လို့ မောရင်း သြော်..အားကိုးရာမဲ့ လှသည်။

ခေါင်းက ကိုက်လှ ချည်ရဲ့။ ကျောက နာလှ ချည်ရဲ့။ ရင်က ပူလှ ချည်ရဲ့။ အို..အမေရဲ့..အိုအဖေရဲ့...သက်သာ အောင် ဆောင်ရွက် ပေးကြပါ...။ စိတ်ထဲမှာ အာခေါင် ခြစ်၍ အော်သည်။ အသံကား တစ်စက်မျှ မထွက်။ မျက်ရည် တွေတွေ စီးကျ၍ နေရသည်။ ကြာတော့ မျက်ရည် တွေပါ ခြောက်ခန်း လာသည်။ ရေတွေ ဆာသည်။ ၀မ်းက လည်း ဟာသည်။ တောင်းဆို ခြင်းကား မပြုနိုင်။ အလိုက် တသိ လာတိုက် လာကျွေး လျင်သာ မျိုနိုင်သည်။ သြော်..ဆင်းရဲတကာ့ ဆင်းရဲ ကြီးပါ တကား။ ပင်ပန်း တကာ့ ပင်ပန်း ကြီးပါ တကား ။

မဋ္ဌကုဏ္ဍလီ ၏ မိဘတို့ကား ယောက်ယက် ခတ်နေသည်။ သည်းအူ ပြတ်မျှ ပူလောင် နေရသည်။ စိုးရိမ် နေရသည်။ သို့သော် သားဖြစ်သူ ၏ ဒုက္ခကို မိရင်း ဘရင်း တို့သည်လည်း အတိအကျမသိ နိုင်။ ဖယ်ရှား ပေး၍လည်း မရ။ လက်မှိုင် ချ၍ ကြည့်နေရုံ သာ တတ်နိုင် သည်။ စင်စစ် ဤ ဒုက္ခ များသည်ကား ချစ်သူ ခင်သူ မည်သူမျှ ကိုယ်စား ခံပေးလို့ မရသော ဒုက္ခ များပင် တည်း ။ အသီး အသီး သော သတ္တ၀ါတို့ မိမိတို့ ဘာသာ ကိုယ်တိုင် ကိုယ်ကျ ခံစား တွေ့ကြုံ ရမည့် ဒုက္ခများ ဖြစ်ပေ၏။

မဋ္ဌကုဏ္ဍလီ ဟူသည် ကား သာဝတ္ထိ ပြည်တွင် နေထိုင် သော အဒိန္နပုဗ္ဗက သူဋ္ဌေး မောင်နှံ ၏ တစ်ဦး တည်းသော သား ရတနာ ဖြစ်၏။ အသက် ၁၆ နှစ် အရွယ် သာ ရှိသေး သည်။ အသက် ၁၆ နှစ် ဆိုသည်မှာ ယခုကဲ့ သို့ သေရာ ညောင်စောင်း ထက်၌ လဲလျောင်း နေရမည့် အရွယ် မဟုတ် သေး ဟု အများက ဆိုကြ သည်လည်းရှိသည်။ စုတ်သပ် ကြသည် လည်း ရှိသည်။ သို့သော် နာခြင်း တရား၊ သေခြင်း တရား ဟူသည် ကား ငယ်ရွယ် သေး၍ နုပျို သေး၍ မလာပါနှင့် မဖြစ်ပါနှင့် ဟု ကြိုတင် ညှိနှိုင်း ထားလို့ မရ။ ချမ်းသာသူ ဖြစ်၍၊ ချောမော လှပသူ ဖြစ်၍၊ ပညာ တတ်သူ ဖြစ်၍ မလာ ပါနှင့်၊ မဖြစ်ပါနှင့် ဟုလည်း ကြိုတင် ညှိနှိုင်း ထား၍ မရ။ သတ္တ၀ါ အသီး အသီး ကို ဒဏ်ခတ် နှိပ်စက် သတ်ဖြတ် ရန် အတွက် တိကျ ဖြတ်လတ်စွာ၊ အားရ၀မ်းသာစွာ လာကြ၊ ဖြစ်ကြ လေ့ ရှိသည် သာတည်း။

ကျန်းမာ သန်စွမ်း ချိန်ကမူ မဋ္ဌကုဏ္ဍလီ သည် အများနည်းတူ ပျော်ပျော် ပါးပါး နေထိုင် သွားလာ ခဲ့သည် သာ ဖြစ်သည်။ ဤ ရောဂါ ရရှိ လိမ့်မည် ဟု အိပ်မက် မျှပင် မမက်ဖူးခဲ့။ ဤသို့ သေရာ ညောင်စောင်း ထက်တွင် လဲလျောင်း ၍ ဆင်းရဲ ဒုက္ခများ ခံနေ ရမည် ဟု အိပ်မက်မျှပင် မမက်ဖူးခဲ့။ ဤသို့ မသိ ခဲ့၍လည်း ပျော်ပါး နိုင်ခဲ့ခြင်း ဖြစ်၏။ အကယ် ၍ အခြား သူများ ဝေဒနာ ခံစား နေရသည် သို့မဟုတ် သေအံ့မူးမူး ဖြစ်နေ သည်ကို သတင်းမျှ ကြားရ ပါက မိမိလည်း တစ်နေ့ ဤသို့ ဝေဒနာ ခံစား ရမည်၊ သေအံ့ မူးမူး ဖြစ်ရမည် ကို သိရှိပြီး ဒါန၊ သီလ၊ ဘာဝနာ များကို ကြိုတင် ပြုလုပ် ထားမည် ဖြစ်သည်။ သို့မဟုတ် သတင်း ကြားရ သည်ကို အမှုမဲ့ အမှတ်မဲ့ နေမိ သော်လည်း ဝေဒနာ ခံစား ရသောသူ၊ သေအံ့ မူးမူး ဖြစ်နေ သော သူများကို မျက်စိ ရှေ့တွင် တွေ့ရပါက တစ်နေ့ မိမိလည်း ဤသို့ ဖြစ်ရ မည်ကို သိရှိပြီး ဒါန၊ သီလ၊ ဘာဝနာ များကို ကြိုတင်ပြုလုပ် ထားမည် ဖြစ်သည်။ သို့သော် မဋ္ဌကုဏ္ဍလီ ကား ဒါန၊ သီလ၊ ဘာဝနာ များကို လည်း ပြုခဲ့ ဖူးသည် မရှိ။ အမှုမဲ့ အမှတ်မဲ့ ကုန်ဆုံး သွားသည် သာ ဖြစ်သည်။ မိခင် ဖခင်တို့ ကလည်း ဒါန၊ သီလ၊ ဘာဝနာ တို့ကို ပြုလုပ် ရမည်ဟု သင်ကြား ပေးခြင်း မရှိ။ မိခင် ဖခင်တို့ ကိုယ်တိုင် သည်လည်း ဒါန၊ သီလ၊ ဘာဝနာများ ပြုလုပ် သင့်သည် ဟု အကြား အမြင် ဗဟုသုတ မရှိ။ သို့သော် သင်ကြားခြင်း ရှိသည် မရှိသည် ဆိုခြင်း ထက် မိမိက ပြုလုပ် တတ်ဖို့ အရေး ကြီးသည်။ အဘယ်ကြောင့် ဆိုသော် တကယ်တမ်း သေမင်း နှင့် ရင်ဆိုင် ရမည်က မိမိ ကိုယ်တိုင် သာ ဖြစ်ပြီး မိဘ အပါအ၀င် မည်သည့် တစ်ဦး တစ်ယောက် ကမျှ မိမိ ကိုယ်စား အငှား ရင်ဆိုင် ပေး၍ မရသောကြောင့် တည်း။

သေခြင်း တရား ကိုကား သတ္တ၀ါတိုင်း ရင်ဆိုင် ရမည်သာ ဖြစ်သည်။ သို့သော် ဒါန၊ သီလ၊ ဘာဝနာကို အာစိဏ္ဍ ကံမြောက် ပြုထား လျင်ကား သေခါနီး အချိန်၌ အနည်းငယ် စိတ် သက်သာရာ ရနိုင် သေးသည်။ သို့နှင့်တိုင် စိတ်ချရပြီ ဟုကား မဆိုနိုင် သေး။ သေခါနီး၌ ဖြစ်တတ် သော အကုသိုလ် ကံများကို သတိ မူရဦးမည် ဖြစ်၏။ ငယ်တုန်း ရွယ်တုန်း အာစိဏ္ဍကံ မြောက်အောင် ဒါန၊ သီလ၊ ဘာဝနာ အားမထုတ် ထားသူ တို့မှာ အားအင် ပြတ်လပ်၊ စိတ်လက် ညစ်ညူး၊ ဝေဒနာ လှိုက်ဆူ ချိန်၌ အဘယ်သို့လျင် ထိုထို အကုသိုလ် ကံများကို ရှောင်ရှား နိုင်စွမ်း ရှိမည်နည်း။ အဘယ်သို့လျင် သေခါနီး၌ ဖြစ်ပေါ် လာတတ် သော အာရုံဆိုး များကို အကုသိုလ် ကံ မဖြစ်အောင် နှလုံးသွင်း နိုင်စွမ်း ရှိမည်နည်း။ ကလျာဏ မိတ္တ ကိုသာ အချိန်မီ ရရှိခဲ့ခြင်း မရှိလျင် ထိုထို ပုဂ္ဂိုလ်တို့ မှာ သေခါနီး ဖြစ်သော အကုသိုလ် ကံများကြောင့် သေပြီး သည့်နောက် အပါယ် လေးပါး သို့သာ တဖြုတ်ဖြုတ် သက်ဆင်း ကြရမည် ဖြစ်လေသည်။

မဋ္ဌကုဏ္ဍလီ နှင့် သူ၏ မိဘများ အပါအ၀င် သတ္တ၀ါ အများအပြား မှာ အတိတ်ဘ၀ တစ်ခုခုက မြင့်မြတ်သော အလုပ်များကို ပြုလုပ်ခဲ့ ကြသည့် သူတော်ကောင်း များ ဖြစ်ခဲ့ ကြမည်သာ ဖြစ်၏။ ကုသိုလ် ပါရမီ ဟူသည်ကား နိဗ္ဗာန် မရောက် မချင်း ပျောက်ပျက်လေ့ မရှိ။ နိဗ္ဗာန် ဆိုက်သည့် တိုင်အောင် အကျိုး ပေးသည့် ကုသိုလ်မျိုး ဖြစ်၏။

ကုသိုလ် ပါရမီ ပါလာ သည်ကား မှန်၏။ သို့သော် အသုံး မချသူများ ကိုကား ပါရမီ သည် နိဗ္ဗာန် ရောက်အောင် အလိုလို ဆွဲ မခေါ်နိုင်။ မဂ္ဂင်ရှစ်ပါး နှင့် အားထုတ် ရသေးသည် ။ အားမထုတ် မိလျင် သံသရာ လည်ကြ ပြန်ပါ သည်။ ထို့ကြောင့် လည်း မြောက်မြား စွာသော ပါရမီရှိသူ ပုဂ္ဂိုလ်များမှာ အပါယ်လေးပါး၌ တစ်ဝဲလည်လည် နှင့် အချိန်ကုန် နေခြင်း ဖြစ်လေ သည်။

လောက ဓမ္မတာ အရ ပုထုဇဉ် တို့၏ သဒ္ဓါတရား သည်ကား ခိုင်မြဲခြင်း မရှိ ဟူ၍လည်း သိအပ်၏ ။ ပုထုဇဉ် တို့သည် တစ်ဘ၀ ၌ သူတော်ကောင်း ဖြစ်သော်လည်း နောက် တစ်ဘ၀ ၌ သူယုတ်မာ များ ဖြစ်နိုင် သေးသည်။ ယခုဘ၀ ၌ ရတနာ သုံးပါး ကို ကြည်ညို သော်လည်း နောက်ဘ၀များ၌ ရတနာ သုံးပါးကို ရန်မူသူများ လည်း ဖြစ်နိုင် သေးသည်။ ကလျာဏမိတ္တ နှင့် ပေါင်းဖော် မိလျင် သူတော်ကောင်း ဖြစ်ကြ၍ ဒေ၀ဒတ် ကဲ့သို့ ပါပ မိတ္တနှင့် ပေါင်းဖော် မိလျင် သူယုတ်မာ များဖြစ်ကြ ရပြန် သည်။

မဋ္ဌကုဏ္ဍလီ ၏ အချိန်သည်ကား နည်း၍ နည်း၍ သွားပြီ။ နည်းသွား သည်ဆိုသဖြင့် လုံးဝ မရှိတော့ခြင်း တော့ မဟုတ်။ ကုသိုလ် မျိုးစေ့ ကို ချမည် ဆိုလျင်ကား ချနိုင် သေးသည်။ သေရာ ညောင်စောင်း တွင် လဲလျောင်း နေရသည့် ယခု ကာလသည်ပင် ကုသိုလ်ပြု ဖို့ အချိန် ဖြစ်သည်။ တောင်တောင် အီအီ တွေး၍ စိတ်ညစ် နေရမည့် အချိန်မဟုတ်။

မဋ္ဌကုဏ္ဍလီ သည် ပျော့ညံ့သည့် ပုဂ္ဂိုလ် ထဲတွင်တော့ ပါဟန်မတူ။ သေခြင်း တရားကို စွမ်းသလောက် ရင်ဆိုင်မည့် သူ ဖြစ်ဟန် တူ၏။ သို့ဖြစ်၍ လည်း မြတ်စွာဘုရား ၏ ကရုဏာ ဥာဏ်ကွန်ရက် တွင် ကယ်ချွတ် အပ်သူဟူ၍ ပေါ်လာခြင်းဖြစ်သည်။ အလျော့ပေး အရှုံးပေး ထားသူကို မည်သည့် ကရုဏာရှင် ကမျှ ကူညီ၍ ၊ကယ်တင်၍ မရ။ အဘယ်ကြောင့် ဆိုသော် သတ္တ၀ါ ဟူသည့် သဘောမှာ မိမိ ကိုယ်ကို မိမိ အားကိုးရသည့် သဘော ရှိသောကြောင့် ဖြစ်သည်။ ဘုရား အပါအ၀င် ကလျာဏ မိတ္တများကား ဘ၀ကိုကယ်တင်နိုင်သည့် ပုဂ္ဂိုလ်များ မဟုတ်။ လမ်းပြပေး နိုင်သော ပုဂ္ဂိုလ်များသာဖြစ်၏။

မဋ္ဌကုဏ္ဍလီ ကို အကြောင်း ပြု၍ သူ့မိဘ များ အပါအ၀င် သတ္တ၀ါ အများ တရားချမ်းသာ ကို မြည်းစမ်းခွင့် ရမည် ကို မြတ်စွာဘုရား က သိမြင်တော် မူ၏။ သို့ဖြစ်၍ ထိုနေ့က အိမ်စဉ် အလျောက် ဆွမ်းခံ ကြွသည့် အခါ မဋ္ဌကုဏ္ဍလီ တို့ အိမ်ရှေ့ ၌ ရောင်ခြည်တော် ကို လွှတ်၍ ဆွမ်းရပ် သည်။ မဋ္ဌကုဏ္ဍလီ သည် မျက်ဝန်း ထောင့်စွန်း၌ ရောင်ခြည်တော် ကို ဖူးမြင်ရ၍ ဦးခေါင်း ကို စောင်းငဲ့၍ ငေးကြည့် ရှာသည်။ စင်စစ် မဋ္ဌကုဏ္ဍလီသည် ဗုဒ္ဓကို ကြည်ညို ဖူးသူ မဟုတ်။ သို့သော် ကိလေသာ ကင်းစင်သော ပုဂ္ဂိုလ်ထူး ကို ကြည်ညို သည့် စိတ် ဟူသည်ကား အတ္တမာန အတန်ငယ် ကင်းစင် နေသော သူများ၌ ဖြစ်ပေါ် နိုင်စွမ်း ရှိသည်။ ရောဂါ ဝေဒနာ တို့ကြောင့် အတ္တမာန တို့ ခေတ္တ ငုပ်လျှိုး နေသဖြင့် လည်း မဋ္ဌကုဏ္ဍလီ ၏ ဥာဏ်၌ ကြည်ညို ထိုက်သူကို ကြည်ညိုသော အသိဥာဏ် သည် ဖြစ်ပေါ်လာခြင်း ဖြစ်ဟန်တူ၏။

ကိလေသာ ကင်းစင် တော်မူသော မြတ်ဘုရားကို ဖူးတွေ့ ရသဖြင့် မဋ္ဌကုဏ္ဍလီ၏ သန္တန်တွင် ကာမာဝစရ ကုသိုလ်စိတ် ၈ ပါး၏ ပထမ ကုသိုလ်စိတ် သည် ထင်ရှား ဖြစ်ပေါ်လာ၏။ မြတ်ဘုရား၏ ကိလေသာ ကင်းစင် တော်မူသည့် အမူအရာကို စိတ်နှလုံး၌ ထပ်ဖန်တလဲလဲ မြင်ယောင် ၍လည်း ဗုဒ္ဓါနုဿတိ ဘာဝနာ စိတ်သည် ထင်ရှား ဖြစ်ပေါ် လာ၏။ ကြည်ညို လွန်းမက ကြည်ညိုသည့် စိတ်ကြောင့် လက်အုပ် ချီမိုး၍ ကန်တော့ လိုက်ချင်သည်။ သို့သော် လက်ကိုကား မြှောက်၍ မရ။ စိတ်ထဲမှသာ ကန်တော့ လိုက်ရ၏။ လက်အုပ် မချီရသော်လည်း လက်အုပ်ချီ သကဲ့သို့သာ ဖြစ်လေ၏။

မဋ္ဌကုဏ္ဍလီ ၏ သန္တန်တွင် အကုသိုလ် စိတ်များ ကင်းပျောက်၍ ကုသိုလ်စိတ် များ ဖြစ်ပေါ် လာပေပြီ။ မဋ္ဌကုဏ္ဍလီ ၏ ထွက်သက် ၀င်သက် သည်လည်း ငြိမ်၍ ငြိမ်၍ သက်၍ သက်၍ လာပြီ။ ဇောစိတ် များ သည်လည်း အရင်လို ခုနစ်ကြိမ်မျှ မဖြစ်တော့ဘဲ ငါးကြိမ် လေးကြိမ် မျှသာ ဖြစ်တော့ သည်။ နောက်ဆုံးတွင်ကား..မဋ္ဌကုဏ္ဍလီ ၏ စုတိစိတ်သည် ကုသိုလ်ကံ ၏ နိမိတ် ကို အာရုံပြု၍ ချုပ်လေ တော့၏။ စုတိ စိတ် ချုပ်သည်နှင့် စက္ကန့် မခြား ဘဲ ပဋ္ဋိသန္ဓေ စိတ်သည် ဖြစ်ပေါ် လာ၏။ ပဋ္ဋိသန္ဓေစိတ် ဖြစ်သည့် နေရာကား တာဝတိသာ နတ်ပြည်တည်း။

"ဓမ္မ တို့သည် စိတ်လျှင် ရှေ့သွား ရှိကုန်၏၊ စိတ်လျှင် အကြီးအမှူး ရှိကုန်၏၊ စိတ်ဖြင့် ပြီးကုန်၏၊ သန့်ရှင်း ကြည်လင်သော စိတ်ဖြင့် အကယ်၍ ပြောဆို၊ ပြုလုပ်၊ ကြံစည်ပါက ထို (ပြောဆို ပြုလုပ် ကြံစည်) သောကြောင့် အရိပ်သည် (လူကို) မစွန့်မူ၍ အစဉ် လိုက်သကဲ့ သို့ ထိုသူသို့ ချမ်းသာသည် အစဉ် လိုက်လေ၏။"

မဋ္ဌကုဏ္ဍလီ ဆုံးပြီး လပိုင်းမျှ အချိန်တွင် မြတ်ဘုရား သည် ဤ တရားကို မဋ္ဌကုဏ္ဍလီ ၏ ဖခင် သူဋ္ဌေးကြီး၏ နေအိမ်တွင် ဟောကြားခြင်း ဖြစ်သည်။ သူဋ္ဌေးကြီး သည် မဋ္ဌကုဏ္ဍလီ သေဆုံးပြီးနောက် သုဿာန်သို့ နေ့တိုင်း သွား၍ငိုသည်။ ထိုအခါ နတ်သား ဖြစ်နေ သော သူဋ္ဌေးသား က ဖခင်ဖြစ်သူ အား ဗုဒ္ဓါနုဿတိ ၏ ကျေးဇူးကို လာရောက် ပြောပြသည်။ သူဋ္ဌေးကြီး သည် ၀မ်းမြောက် ၀မ်းသာ ဖြစ်၍ မြတ်ဘုရား သာသနာ၌ သက်ဝင် ကြည်ညို လေသည်။ ထို့နောက် ဥပသကာ အဖြစ်ကို ရောက်၍ မြတ်ဘုရားကို တရား ဟောပြော ပြသရန် တောင်းပန်ခြင်း ဖြစ်လေ၏။

သဒ္ဓါတရား မရှိသော မိဘကို မဋ္ဌကုဏ္ဍလီ က ဤသို့ ကျေးဇူး ဆပ်ခဲ့၏။ အတု ယူဖွယ်ပင် ဖြစ်၏။ ဤသို့ ဖြင့် များစွာသော လူအပေါင်း နှင့်တကွ သားအမိ သားအဖသုံးဦးတို့သည် မြတ်ဘုရား၏ တရားတော်ကို ဒါနကထာသီလကထာ သဂ္ဂကထာ မဂ္ဂကထာ အစဉ်အတိုင်း နာကြားခွင့် ရကြပြီး၍ လူနတ် ချမ်းသာ၊နိဗ္ဗာန် ချမ်းသာ စသည့် အကျိုးထူး များကို မိမိတို့ ပါရမီ အားလျော်စွာ ရရှိခဲ့ ကြလေတော့သည်။

ကိုးကား
ယမက၀ဂ်-မဋ္ဌကုဏ္ဍလီ-ဓမ္မပဒ ဦးရွှေအောင်

Credit: ကိုမျိုး (ဓမ္မရံသီ)

ဆက်လက်ဖတ်ရှုရန်

ကုက္ကုစ္စကို အရှုခံအာရုံအဖြစ်ထား၍ ရှုမှတ်ပုံတရားတော် အပိုင်း (၂) - ပိုင်းလော့ဆရာတော်ကြီး

အပိုင်း (၂) 

သွားချင်တာက နိဗ္ဗာန်၊ ရောက်တာက အပါယ်ဖြစ်လိမ့်မယ်။ သဘောပေါက်ရဲ့ လား။ အထက်နဲ့အောက်နဲ့ လွဲလိမ့်မယ်နော်။ သတိထား။ ကုက္ကုစ္စက အင်မတန် အန္တရာယ်များတယ်၊ အဲဒီတော့ သူ့သဘောတရားကို သိလို့ရှိရင် လက်ရှိအခြေအနေကို မကျော်နဲ့စကားကို ပြန်သုံးနော်။ အချိန်တိုင်းမှာ အခုချိန်လေးဘဲ၊ အချိန်မမေ့နဲ့။ အခုချိန်လေးဘဲ။ မျက်စိလေးမှိတ်ပြီး ခံစားကြည့်လိုက်တော့ ဒီမှာ တင်းဖွဲ့နေတယ်၊ ရင်ထဲမှာလည်း အပူဓါတ်ရှိတယ်၊ အခဲမကြေဘူး ခေါ်တာပေါ့၊ အခဲကြီးက တင်းဖွဲ့နေတော့ အခဲမကြေဘူးဖြစ်နေတယ်။ အဲ့ဒီအခဲမကြေဖြစ်နေတာကြီးကို အ၀ိဇ္ဇာနဲ့ ဖုံးထားပြီးတော့ အပြစ်ရှာရင်လွဲပြီ၊ သဘောပေါက်ရဲ့ လား။ ဘယ်သူ့ကြောင့်။ ခုနက ဘယ်လိုလုပ်လိုက်လို့ ဖြစ်တာ။ ငါကလည်း ညံ့သွားတာနဲ့။ အဲ့ဒီမှာ စကားနဲ့ အဖြေရှာလို့တော့ မပြီးတော့ဘူး၊ ဒါဆိုရင် သွားချင်တာက နိဗ္ဗာန်။ ဦးတည်နေတာက အပါယ်လေးပါး ဖြစ်နေတော့ လမ်းလွဲမနေဘူးလား။ ကျွန်ဆင်းရဲဖြစ်နေပြီ။ သဘောပေါက်ရဲ့ လား။ နားလည်တယ်နော်။

အဲ့ဒီအချိန်မှာ သတိထားရမှာက လက်ရှိအနေ အတင်းအလျော့ကို ကြည့်လိုက်တာနဲ့ ဒါဟာကျက်စားမတတ်ရင် ကုက္ကုစ္စ ဖြစ်လိမ့်မယ်လို့ ချက်ခြင်းသတိရ ရမယ်။ ဒေါသလည်း ပါသွားလိမ့်မယ်။ နားလည်ပြီနော်။ ဒါဖြင့်ရင် တင်းဖွဲ့ပြီး အားမရတဲ့ သဘောတရားလေးဟာ ဒေါသအရှိန်ကျန်ခဲ့တာနော်၊ ကိုယ်မှားခဲ့တာ၊ လွန်သွားတာ၊ မလုပ်လိုက်မိတာလေးတွေဟာ ဒီမှာပေါ်လာပြီ။ ပေါ်တော့ကာ ဒိဋ္ဌိကြိုးလေး ပိုမတင်းဘူးလား၊ တင်းပြီ။ အပူချိန်ရော ပိုမြင့်မလာဘူးလား။ အဲ့ဒါကို မနေ့က (မိုးကုတ်) ဆရာတော်ဘုရားကြီးပြောသလို လမ်းခင်းပစ်လိုက်၊ အရှုခံထားပစ်လိုက်၊ နားလည်ပြီလား။ အေး. ဒီဟာကြီးက အရှုခံသဘောတရားလို့ ကြည့်ပစ်လိုက်။ ဒါခန္ဓာဖြစ်နေတာကိုး။ အရှုခံ ခန္ဓာလေ။ မမေ့နဲ့နော်။ ဘာသိသိ သိတယ်ဆိုရင်ဘဲ ခံစားလို့ သိဆိုရင်ဘဲ ခန္ဓာငါးပါးလေ။ မမေ့နဲ့။ ဒါဟာ အရေးအကြီးဆုံးပဲနော်။ အင်မတန် ကျယ်ဝန်းတယ် ဒီနေရာကျတော့။ ဒီကာယပသာဒမှာ ပေါ်တာက ကျယ်ဝန်းပါတယ်။

ဒီဘက်က ရုပ်သမူ ဆိုပါတော့၊ ရုပ်သမူကို ဖြစ်ခွင့်ရတာက ဘာတွေ ဖွဲ့ထားလဲဆိုရင် အခြေခံက ဓါတ်လေးပါး။ ပထ၀ီပါမနေဘူးလား။ ဟုတ်ပြီ။ မှတ်မိတယ်နော်။ ပြီးတော့ တေဇော၊ ၀ါယော၊ အာပေါ။ အဲဒီမှာ အမှီရုပ်ကတော့ အားလုံး သိပြီးသားပဲနော်။ ဥပါဒါ ရုပ်က ၄ ခု။ ဆိုကြမယ်။ ၀ဏ္ဏ၊ ဂန္ဓ၊ ရသ၊ သြဇာ။ သတိထားနော်။ ဒီရုပ်တွေကိုဘဲအာရုံ အဖြစ်နဲ့ ကျက်စားမှာ။ သဘောပေါက်လား။ စိတ်၊ စေတသိက်တွေက ဒီရုပ်ကိုဘဲ အာရုံအဖြစ်နဲ့ ကျက်စားမှာလေ။

ပြန်ပြောမယ်နော်။ မျက်စိမှာတိုက်မှာက ၀ဏ္ဏဆိုတဲ့အဆင်း။ အဲဒါကိုဘဲ အာရုံအဖြစ်နှင့် ကျက်စားမှာ။ နာမ်ခန္ဓာလေးပါးက ဒွါရမှာ ဒီလိုအာရုံ ရုပ်တွေ တိုက်တော့မှ၊ ဒီဘက်က တိုက်တဲ့နေရာလေးကို သတိထားနော်၊ အာရုံဒွါရ တိုက်တာမှာ ဒီဘက်က အခံဓါတ်ရှိတယ်၊ ဒီဘက်မှာ နာမ်လေးပါးက တစ်ပေါင်းတည်းဖြစ်ပြီးတော့ ကျက်စားကြတာ၊ အာရုံအဖြစ်နဲ့နော်။ တူသောအာရုံဆိုတာကို နားလည်ပြီးလား။

အဲ့ဒီတော့မှ သိလိုက်တာ။ ကာလမခြား မနောမှာရော မသိဘူးလား၊ ဒါသတိထားနော်။ ကာလမခြား မနောမှာလည်းဘဲ ခန္ဓာဖြစ်တာဘဲ။ အဲ့ဒီမှာလည်းဘဲ ရုပ်ကိုဘဲ စွဲလိုက်တာဘဲ၊ သိဆိုတာ ရုပ်ကိုဘဲ သိတာလေ၊ ရုပ်ကိုသိတာ။ ရုပ်ရဲ့သဘောတရားက ဆန်းကြယ်တာက ဒွါရကို ဆိုင်ရာ ဆိုင်ရာ ကြည့်တော့ကာ တစ်၊ နှစ်၊ သုံး၊ လေး၊ ငါး၊ ခြောက်။ ၆ခုရှိတာကိုး။ ဒွါရ ၆ ပါးနော်။ အဲ့ဒီထဲမှာ ပြန်စဉ်းစား။ အကျယ်ဝန်းဆုံးက ဘယ်ဒွါရဖြစ်မယ်ထင်လဲ။ တနည်းအားဖြင့် ပရိယာယ် အများဆုံးက ဘယ်ဒွါရဖြစ်မယ့် ခန္ဓာကိုထင်လဲ၊ သတိထားနော်၊ ဒါအရေးကြီးတယ်နော်၊

မျက်စိကတော့ အဆင်းတစ်မျိုးတည်းကိုဘဲ သူကမြင်တာ၊ ပြီးရင် ကာလမခြား မနောသွားပို့လိုက်တယ်။ မနောရောက်သွားတာ။ ဒါသဘောပေါက်ရဲ့လား။ မနောကလည်း တကယ်တော့ ပြဿနာမရှုပ်ဘူး။ ပေါ်တဲ့ အမူအယာအရိပ်ကို ရင်ထဲဖြိုခွဲလိုက်ရင် ပျောက်သွားတာ၊ သူက ပြဿနာမရှိဘူး။ သဘောပေါက်ရဲ့လား။ တစ်ခါဘေးက ငုတ်ပါတဲ့ သဒ္ဒဆိုတဲ့ အသံကလည်းဘဲ ဒါက နားအတွက်ဆိုတော့ ဒါလဲ ပြဿနာ မရှိဘူး၊ သိပ်ပြီးတော့ ကြီးကျယ်တာ မဟုတ်ဘူး။ မကျယ်ဝန်းဘူးနော်၊ ကာလမခြား မနောပေါ်။ ရှုရင်ပျောက်သွားတာဘဲ။ တခါ ဂန္ဓ အနံ့ကလည်းဘဲ နှာခေါင်းအတွက်။ ဒါလဲ ပြဿနာသိပ်မရှိဘူး၊ မနောပေါ်တာမိရင် ပြီးသွားတာဘဲ။ တခါ အရသာလည်း လျှာမှာပေါ်တာလည်း ပြဿနာမရှိဘူး၊ မနောပေါ်တာမိရင် ပြီးတယ်။

အဲ…ကိုယ်မှာ ပေါ်တာက တော်တော် ကျယ်ဝန်းတာ။ သူက ဓါတ် ၃ပါး ယူထားတာကိုး။ ကျယ်ဝန်းတယ်နော်။ မနောကတော့ ဖွဲ့စည်းအာပေါတစ်မျိုးတည်းဆိုတော့ ပြဿနာမရှိပါဘူး။ ပုံဖွဲ့လိုက်တာနဲ့ ဒီက ဃနကြေအောင် ဉာဏ်လေးထုတ်လိုက်ရင် ပြီးသွားတာဘဲ။
သူက ပရိယာယ် တော်တော်များတာ။ ကိုယ်မှာပေါ်တာက။ ပြန်စဉ်းစားနော်။ သူက စိတ်ကျက်စား မှားလိုက်တာနဲ့ ကိုယ်ပါပြောင်းပြောင်းသွားတာ။ ဆန်းကျယ်တယ်။ သေသေချာချာမှတ်နော်။ ဓါတ် ၃ပါးမှာက ပထ၀ီဆိုတာက အကြမ်း အနုမဟုတ်လား။ တေဇောက အပူ အအေး၊ ၀ါယောကတော့ အတင်း အလျော့။ အဟုန်ဓါတ်ကိုး..။ အပူ အအေးနဲ့ အတင်း အလျော့နဲ့ အကြမ်း အနုက အမြဲတမ်း အပြောင်းအလဲ ရှိနေတာ။ ဒါဖြင့်ရင် နှလုံးသွေးမှာ စိတ်ကမှီထားပြီးတော့ကာ အာရုံကျက်စားတိုင်း ကျက်စားတိုင်း သူနှင့်ဆက်သွယ်မနေဘူးလား။ သူကအဓိကဖြစ်နေတာ။ သဘောပေါက်လား။ ပြန်ပြောမယ်နော်။

နှလုံးသွေးနှင့် တစ်ကိုယ်လုံးနှင့် အဆက်အသွယ်ရှိမနေဘူးလား။ ရှိနေတယ်။ သဘောပေါက်လား။ စိတ်ကျက်စားမှားလိုက်တာနဲ့ အပူဓါတ် ထွက်တယ်ဆိုရင် အပူဓါတ်က မနောကခံစားတာလား၊ ကိုယ်က ခံစားတာလား။ (ကိုယ်က ခံစားတာပါဘုရား။) ဟုတ်တယ် ကိုယ်က ခံစားတာ။ တင်းတာကလည်းဘဲ မနောမှာ ပေါ်တဲ့ အသိလား၊ ကိုယ်မှာပေါ်တဲ့ အသိလား။ (ကိုယ်မှာပေါ်တဲ့ အသိပါဘုရား။) ကပ်ပြီချော်နေတာကို သတိထားနော်။ တင်းနေတယ်ဆိုတာက မနောမှာ ပေါ်တဲ့ ခန္ဓာမဟုတ်ဘူး၊ ကိုယ်မှာပေါ်တဲ့ ခန္ဓာ။

စိတ်က ကျက်စားတာက အာရုံဘဲ အရိပ်ကိုဘဲ ကျက်စားရတာလေ။ ရုပ်၊ နာမ်၊ ပညတ်၊ နိဗ္ဗာန် ဒါလေးဘဲ ကျက်စားတာ။ သူက ပညတ် အမည်ခံတယ်၊ အမည်တပ်တယ်။ ပေါ်တဲ့ ပုံရိပ်ကလေးကို ဖွဲ့တယ်။ စကားလုံးတန်ဆာဆင်တယ်။ သူက ကျက်စားတာဘဲ ရှိတယ်။ ဒီက အပူအအေးဆိုတာက ကိုယ်မှာ ပေါ်တဲ့ ခန္ဓာဖြစ်နေတာ။ ကာယပသာဒမှာ ပေါ်တဲ့ ခန္ဓာဖြစ်နေတာ။ သူက ကျယ်ဝန်းတယ်။ အဲ့တော့ ကျက်စားတာ နည်းနည်း ကြမ်းသွားပြီဆိုရင် အပူဓါတ်ထွက်တာနဲ့ ဒီမှာ တင်းဖွဲ့ ချည်တော့တာဘဲ။ အဲ့ဒီတော့ ဒီမှာ ပြောင်းမသွားဘူးလား။ တင်း ဖွဲ့ ချည် ပြောင်းတာကို ကိုယ်က ဒေါသလို့ အမည်ပြောင်းတော့ အမည်အတိုင်း ဒေါသက လိုက်လိုက်တာပေါ့နော်။ အမှန်ကတော့ ခန္ဓာပြောင်းသွားတာဘဲ။ ခန္ဓာမီးက တမျိုးအသွင်းပြောင်းပြလိုက်တာဘဲ အမှန်က။ အရှုခံခန္ဓာက အသွင်ပြောင်းပြလိုက်တာ။ သဘောပေါက်ရဲ့ လား။

(ဆက်ရန်)
ဆက်လက်ဖတ်ရှုရန်

ကုက္ကုစ္စကို အရှုခံအာရုံအဖြစ်ထား၍ ရှုမှတ်ပုံတရားတော် အပိုင်း (၁) - ပိုင်းလော့ဆရာတော်ကြီး

***ဤတရားတော်သည် ဓမ္မာနုပဿနာပိုင်းကို အားထုတ်နေကြသော ယောဂီများအတွက် အထူးသင့်လျှော်ပါသည်။***

အပိုင်း (၁)

ဒေါသတရားထဲမှာ ကုက္ကုစ္စဆိုတဲ့ တရားပါတာကို သတိထားရအောင်နော်၊ ဒါသင်ရအောင်၊ ဒီကုက္ကုစ္စဆိုတာ ပြုလိုက်မိတဲ့ မကောင်းမှုတစ်ခုကို ပြန်ပြီးတော့ နောင်တတဖန် ပူပန်တာ၊ တခါ မပြုလိုက်ရတဲ့ အခွင့်အရေးကောင်းကို လွတ်သွားတာကိုလည်း ပြီးပြီးသားကို ပြန်တွေးပြီးတော့ကာ ကိုယ့်ကိုယ်ကို အပြစ်တင် ပူပန်တာ ပြောတာ၊ အဲ့ဒါကိုစာပေကျမ်းဂန်များထဲမှာ ကြည့်လိုက်တော့ အနာဂါမ်များကျမှ အကြွင်းမဲ့ ပယ်နိုင်တယ်၊ အဲ့ဒီဓါတ်ကလည်းဘဲ နည်းနည်းအန္တရာယ်တစ်ခုဘဲနော်။ သူက ဒိဋ္ဌိကြိုးကို တင်းစေတာဘဲ။ ဒါတွေကို သုံးသပ်ရအောင် ။ရှုတဲ့ဉာဏ်နဲ့ ယှဉ်ကြည့်မယ်ဆိုရင် တကယ့်သဘာဝ အရှိတရား/အရှုခံတရားက အားလုံးသိတဲ့အတိုင်း ခန္ဓာငါးပါး ဖြစ်မနေဘူးလား၊ ခန္ဓာငါးပါး သဘောတရားကို ဘုရားရှင် ရှုတဲ့အခါမှာ သူ့သဘာဝအမှန်က အတိတ်ခန္ဓာ အစဉ်မလိုက်ရဘူး၊ အနာဂတ် ခန္ဓာ မတောင့်တရဘူး။ အတိတ်ခန္ဓာက ချုပ်ပျောက်ပြီးပြီဆိုတော့ ပြန်လာပါ့မလား၊ မလာဘူး၊ အနာဂတ်ခန္ဓာက ပေါ်မလာသေးဘူးဆိုတော့ ရှိသေးရဲ့လား၊ ဒါဖြင့်ရင် ထိုထိုပေါ်ဆဲမှာ ကြည့်လိုက်သော်လည်းပဲ ရဲနေတဲ့ အိုးကင်းပေါ် ရေစက်ကျသလို အသစ်အသစ်ထိတိုင်းပျောက်၊ ဉာဏ်နဲ့ကြည့်ရင်တော့ ချုပ်ငြိမ်းတာကိုပါ တွေ့ရမှာ၊ ဖွားသေဘဲတွေ့ရမှာနော်၊ ဒီအမြင်မသန်တဲ့အခါမှာ ကာလလေးတွေ ဆက်စပ်သွားတတ်တယ်။

ပြီးခဲ့တဲ့ နာရီ မိနစ်က ထိုင်ရင်းနဲ့ စိတ်မရှည်စရာ ပြောချလိုက်တယ်ပေါ့နော်၊ ပြောပြီးတဲ့အခါ ဒီဘက်ကို ကျောပေးလှည့်လာတော့ တချို့ ပါလာကြတယ်၊ ဒီဘက်နာရီထိပါလာကြတယ်၊ သဘောပေါက်လား၊ အဲ့ဒါ ကုက္ကုစ္စတရားဘဲ။သဘောပေါက်လား။ ပြန်ပြောမယ်နော်။ အချိုးမတည့်တာ အပြစ်တင်စရာ တစ်ခုခုကို မြင်လို့ပြောပြီးပြီ၊ ပြောပြီးတဲ့နောက်ကို ဒီဘက် စက္ကန့်၊ မိနစ်၊ နာရီမှာလည်း အင်း.. ငါပြောကို ပြောရမှ၊ ပြောလိုက်တာဘဲ ကောင်းပါတယ်၊ ငါပြောခဲ့တာ ဒါကြောင့်ပြောခဲ့တာ.. မပြီးသေးဘူး၊ အရှိန်မပြေသေးဘူးပေါ့၊ သဘောပေါက်လား၊ ပြီးတော့ ကိုယ့်ဘာသာလဲသိနေတယ်။ အင်း.. ငါ ဒေါသတွေ၊ ဒေါသတွေ ဖြစ်နေတာဘဲ။ ငါညံ့တော့ညံ့တာဘဲလို့ မတွေးကြဘူးလား၊ ဒါဖြင့်ရင် ကာလအားဖြင့် လိုက်လာတယ်လို့ ခေါ်တယ်နော်၊ ဟိုနေရာမှ မပြတ်ခဲ့ဘူး၊ ဒီဘက်နာရီထိပါလာတာ၊ အဲ့ဒါ ကုက္ကုစ္စလို့ခေါ်တယ်၊ ခုယောဂီတွေ တွေ့မနေဘူးလား၊ ဒါ ကိုယ်တွေ့ဖြစ်ရပ်ပဲ။ ဖြစ်နေတာနော်၊ အမှန်ကတော့ ပြောနေဆဲမှာဘဲ ပြီးဆုံးသွားတာ။ ပြောပြီးရင် မရှိတော့ဘူး၊ မရှိရဘူး၊ ဒါပေမယ့် ပါလာတယ်။ အရှိန်က ပါလာတယ်၊ ပါလာတာတောင်မှ ကိုယ့်ကိုယ်ကိုတောင် အားမရဘူး ။ငါညံ့သွားပြန်ပြီ။ ငါလွတ်သွားပြန်ပြီဆိုပြီးတော့ ဒီဘက်ပါမလာဘူးလား၊ အဲ့ဒါ ဘာခေါ်ကြမလဲ။ ကုက္ကုစ္စ။ နားလည်တယ်နော်၊ တော်တော် အရေးကြီးတယ်နော်။

တခါတလေကျရင်၊ ဘုရားကဆုံးမတယ်။ အတွင်းနှုတ်ခမ်းနဲ့အမျှ ပြည့်တဲ့ ဆီပြည့်ခွက်ကို ကိုင်သလို သတိက အပြည့်ထားရမယ်၊ ဘုရားက ဆုံးမပါရဲ့သားနဲ့ ကိုယ်ကသွားရင်းလာရင်းနဲ့ လွတ်သွားတယ်၊ လွတ်သွားတဲ့အခါကျရင် လွတ်မှန်းသိလိုက်ပြီ၊ ရိုးရိုးမသိဘူး။ သူက ငါလွတ်သွားပြန်ပြီ..ကိုယ့်ကိုယ်ကို အားမရလိုက်ဘူး၊ အားမရတော့ကာ နေနှင့်အုံး။ ပြီးမှဘဲ ရှုတော့မယ်ဆိုပြီးတော့ အချိန်ဆွဲလိုက်သေးတယ်၊ ဆွဲတော့ကာ အဲ့ဒီအချိန်ကာလလေးမှာ ပေါ်တဲ့စိတ် အသစ်အသစ်က ဘာနဲ့ထုံသွားလဲဆိုတော့ ဒေါသနဲ့ ထုံသွားလိုက်တာ ကုက္ကုစ္စနဲ့ နေရာယူသွားပြန်တယ်၊ သေချာမှတ်နော်၊ သူက ဉာဏ်လေးက နည်းနည်းလေး နောက်ကျ နောက်ကျသွားတာပေါ့၊ အလှည့်လေးတွေဘဲနော်၊ လွတ်သွားတာလေးကို သိသွားတာနဲ့ တပြိုင်နက် အဲဒီ လွတ်သွားတာသိတဲ့ သဘောနဲ့ ယှဉ်ပြီးတော့ကာ ကိုယ်ကို ပြန်လှည့်ကြည့်လိုက်ရုံဘဲ။၊ ကြိုးအတင်း အလျော့ ကြည့်လိုက်တာဘဲပေါ့နော်၊ အတင်းအလျော့ကြည့်လိုက်လို့ တင်းဖွဲ့ပြီးတော့ကာ အဲဒီသဘောတရားကိုဘဲ၊ လက်ရှိ အခြေအနေကိုဘဲ သူကရှုရတာ၊ နောက်လည်းဘဲ အပြစ်မတင်နဲ့။ ရှေ့လည်းဘဲ မသွားနဲ့၊ ချက်ချင်း ဖြိုချလိုက်ရတာ၊ အဲ့ဒီမှာ လျင်မြန်တဲ့ ဉာဏ်အလင်းရှိသောကြောင့်၊ ဉာဏ်ထက်မြက်တဲ့ အလင်းဓာတ်မြန်သောကြောင့် ဒါတစ်ဆင့် တက်ပြီးတော့ ပြောတာပေါ့။အဓိပ္ဗါယ်က ဒီအနာဂါမ်ဆိုတဲ့ သဘောက န အာဂါမိ လို့ပြောတာ၊ ဘာတဲ့တုန်း။ န အာဂါမိ။ အဓိပ္ပါယ်က ကာမဘုံထဲကို ပြန်မလာတော့တာ ပြောတာ၊ တစ်ဖန် ပြန်မလာတော့ဘူး၊ န ဆိုတာ ပြန်မလာတာ ။မရှိတာကိုပြောတာနော်၊ အာဂါမိ ဆိုတော့ မလာတော့ဘူး၊ သဘောတရားက သူက ဖြစ်လိုက်တယ်ဆိုရင် နောက်ထပ် တစ်ဖန်ဖြစ်ခွင့် မပေးတော့ဘူးလို့ ပြောတာ၊ ဆန့်ကျင်ဘက်ပေါ်လာရင် တင်းခနဲ ပူခနဲ ပေါ်စရာပေါ်လာလို့ရှိရင် ပေါ်တာနဲ့ နောက်စိတ်တစ်စုကို ဖြစ်ခွင့်မပေးတော့ဘူး၊ ဉာဏ်အုပ်ချလိုက်တာနဲ့ ချက်ခြင်းရှင်းသွားတာ၊ အရှင်းမြန်တယ်ပေါ့၊ ပြောပြီးတာနဲ့ မပါတော့ဘူး၊ အရှင်းမြန်တယ်၊ ကြာကြာမပါဘူး၊ စက္ကန့် မိနစ် မကြာဘူးပေါ့၊ ဟိုဘက်ကို မကူးဘူး၊ ဖြစ်တော့ဖြစ်တယ်၊ အသတ်မြန်တယ်။

ဒေါသမကုန်ဘူးနော်၊ လုံးဝကုန်တာမဟုတ်ဘူးနော်။ သဘောပေါက်လား၊ သေချာမှတ်၊ ပယ်နိုင်တဲ့အားကို ပြောတာ၊ ဒေါသအကုန်လုံးအကြွင်းမဲ့ ကုန်တာက အရ ဟန္တာ နော်၊ သဘောပေါက်လား။ သေချာမှတ်နော်၊ ဒါဘုန်းဘုန်းတို့လည်း ပထမ မသိဘူး မင်းကွန်းဆရာတော်ဘုရားကြီးတို့ ဖြေတော့ မေးတာကို ကြည့်တော့မှ သိတာ၊ အော်.. ဒီလိုပါလားလို့။ ပြန်ပြောမယ်နော်။ ဆန့်ကျင်ဘက်ဆိုရင် ကွာဟချက် ပေါ်ရင် တင်းခနဲ ဖြစ်မသွားဘူးလား၊ ဖြစ်သွားတယ်၊ တရားလည်း နည်းနည်းလွတ်မသွားဘူးလား၊ လွတ်သွားတယ်၊ လွတ်သွားပြီးတဲ့ အခါမှာ ပညာအလင်းအားနည်းတဲ့ ပုဂ္ဂိုလ်က ငါနဲ့လုံးထွေးပြီးတော့ကာ အင်း.. ငါညံ့သွားပြန်ပြီ၊ ခုနကဟာက ဘယ်လိုမှန်တာ ဘယ်လိုမှားတာနဲ့ ကိုယ့်ကိုယ်ကို အပြစ်တင်ပြီးတော့ကာ အချိန်ကုန်သွားတယ်၊ အဲဒီအချိန်မှာပေါ်တဲ့၊ စိတ်အချက်ပေါင်းက မျက်တောင် တစ်ခက်ကို ကုဋေတစ်သိန်းကျော်ပေါ်တာမဟုတ်လား၊ စိတ်အချက်ပေါင်းများစွာမှာ ဒေါသနဲ့ ထုံသွားတာ၊ ကုက္ကုစ္စဒေါသနဲ့ ထုံသွားတာ၊ အဲ့ဒါ အရှုံးတစ်ခု၊ ကြိုးလည်းတင်းနေတာဘဲ၊ သဘောပေါက်လား။ အဖြတ်နှေးတယ် ခေါ်တာပေါ့၊ မမြန်သေးဘူးနော်၊ အဲ့ဒီနေရာမှ ကုက္ကုစ္စလို့ နားလည်ထားရတယ်။

ဘုန်းကြီးတို့ကိုယ်တိုင်လည်း ဒီလိုပဲ ကျင့်လာရတာ၊ ကျင့်စဉ်ကခံရတယ်လေ၊ ကုက္ကုစ္စမှန်းမသိဘူး အစက။ ဒီရွှေမြင်တင်တောင်မှာ ဒီလိုပဲစပြီး (၁) ၀ါဆိုပြီးတော့ စတရားပွားများတော့ ဒီ ၀ိပဿနာပိုင်းလည်းပါတာပေါ့နော်၊ အသုဘကမ္မဋ္ဌာန်းလဲ ပွားများတော့ ဆွမ်းခံသွားရင် ဒီမြင်တိုင်း မြင်တိုင်းမှာ ကိုယ့်ရဲ့ ခန္ဓာမှာ ဒီနှလုံးအိမ်မှာပေါ့ အပြောင်းအလဲ အတင်းအလျော့ကို လေ့လာရင်း ကြည့်ရတာကို၊ အဲဒီအချိန်မှာ ရွာထဲမှာက တစ်ခု အချိုးမပြေတာ တွေ့ရတယ်၊ ဆွမ်းလောင်းတဲ့ ဒကာမ (၂) ဦးလောက်က အ၀တ်အစားက၀တ်ရင် မလုံမလဲ ၀တ်တတ်တယ်၊ ကလေးအမေတွေတော့ ကလေးအမေတွေပေါ့နော်၊ အပေါ်ပိုင်းတွေက မလုံမလဲ တွေဝတ်ထားတတ်တယ်၊ ရဟန်းက ဒါကို နှလုံးမသွင်းရဘူး၊ မကြည့်ရဘူးဆိုတာကိုး..၊ အဲ့ဒီတော့ ကိုယ်ကသွားရင်းလာရင်း နီးတော့လည်း ကြည့်မိတာပေါ့နော်၊ ကြည့်မိတဲ့အခါမှာလည်း ကိုယ့်ကိုယ်ကို မသန့်မရှင်းထင်တယ်ပေါ့၊ အဲဒီအချိန်မှာ အသုဘ ကမ္မဋ္ဌာန်း ပွားရမယ်ဆို ကြိုတင်သွားကတည်းက လေ့ကျင့်ထားတာပေါ့၊ အနားရောက်တဲ့အခါ ဒါကို စိတ်က မသန့်မရှင်း ဖြစ်ဖြစ်သွားပြီးတော့ ပြန်ပြန်ပါပါလာတယ်၊ တစ်လမ်းလုံးပါပါလာတယ်၊ ကိုယ့်ကိုယ်ကို ညံ့တယ်လို့ ပါပါလာတာ။ တော်တော် ရက်ကလေးကြာသွားတယ်။

တစ်နေ့ကျမှ တောင်တက်ခါနီးလေးမှာကျမှ။ မှတ်မိသေးတယ်။ မန်ကျည်းပင်လေး တစ်ပင်နားကျမှ လင်းခနဲ သိလိုက်တာ။ အော်.. ကုက္ကုစ္စကြီးဝင်နေတာပါလားလို့၊ ခုနက နာရီဟာ မရှိတော့ဘူး။ ဒီရောက်အောင် ပါလာတာ နည်းတဲ့ ခရီးမဟုတ်ဘူး၊ မျက်တောင် တစ်ခက်ပေါင်းများစွာပေါ့။ အများကြီးပါလာတာ၊ ကုက္ကုစ္စနဲ့ ထုံလာပါလားလို့ သွားမြင်တော့မှ လင်းခနဲ ပြတ်သွားတာ၊ ဟိုမှာတင်ပြီးရမှာ ပါလာတာ တောက်လျှောက်ကြီးပါလာတာ သဘောပေါက်ရဲ့လား၊ နောက်တခါ ဒီလိုဘဲ။ ခုနက ပြောတဲ့ မသန့်မရှင်းမြင်ရတဲ့ပုံက မြင်မှလို့အောက်မေ့တာ မဟုတ်ဘူး၊ နောက်မှ သဘောပေါက်တာ။ တစ်နေ့ ဂရုစိုက်ပြီးတော့ ဒီလိုပဲ နေရင်း မနောကိုဘဲ ဂရုစိုက်ရတာပေါ့နော်၊ အဲ့ဒီအိမ်မရောက်ခင် (၂) အိမ် ကျော်လောက်ကတည်းက ပုံက ပေါ်နှင့်နေပြီးကိုး..။ မနောမှာပေါ်နေတာ။ အဲဒီတော့ အော်…မနောမှာ စပေါ်နေတာဘဲ။ ဒီမှာကိုက စရှုပ်နေတာ မသိလိုက်တာ၊ ဒီမှာတော့ မသန့်မှန်းတော့ သိလိုက်တာပေါ့နော်။ နည်းနည်းလေးတော့ ရှုပ်ထွေးသွားမှန်းသိလိုက်တယ်၊ ဒါပေမယ့်လို့ ဘယ်က စရှုပ်မှန်းမသိလို့ ရှာရတာ ပင်ပန်းလိုက်တာ၊ မနောမှာစပြီးတော့ (၂) အိမ်ကျော်လောက်ကတည်းက ပေါ်နေတာ။ အမှန်က မကြည့်ခင်က မြင်နေတာကြီးကိုး..။ အဲ့ဒီတော့ ဒီက စတာပါလားလို့ သိတော့မှ နိုင်တော့တာ။ အဲ့ဒီတော့ ကြည့်လည်းပြဿနာမရှိတော့ဘူးပေါ့နော်၊ ပြီးတော့လည်းဘဲ အပြစ်တင်တာလည်းဘဲ ကုက္ကုစ္စ မှန်းသိတော့မ နိုင်တော့တာ (၂) ခုပေါ့။ သဘောပေါက်တယ်နော်၊ မကြည့်ခင်က မြင်နေတာရယ် ပြီးတဲ့အခါ ပြန်တွေးပြီးတော့ အပြစ်တင်တာရယ် တော်တော် အလုပ်ရှုပ်တယ်၊ အဲ့နှစ်ခု တော်တော်ဆိုးတာ။ အဲ့ဒါကို ရအောင်ရှာရမယ်နော်။

ခုလဲ အဲ့ဒီနည်းကို မှတ်ထားနော်၊ ဥပမာအားဖြင့်- ပြောရင်းဆိုရင်း၊ စားရင်းသောက်ရင်းဖြင့် လွတ်သွားတယ်၊ တရားထိုင်ရင်းလည်း လွတ်သွားမှာဘဲနော်၊ မလွတ်မရှိဘူး။ လွတ်မှာဘဲ။ ဘာကြောင့်လည်းဆိုတော့ မိမိရဲ့ဉာဏ်အင်အားက တစ်သံသရာလုံး ပါလာတဲ တဏှာရဲ့ အရှိန်အဟုန်ပေါ့နော်၊ ဒီဓါတ်ကို ချက်ချင်းတော့ ဘယ်ပြတ်အုံးမလဲ၊ ချက်ချင်းဘယ်နိုင်အုံးမလဲနော်၊ လွတ်တဲ့အခါ လွတ်သွားမှာပေါ့၊ သဘောပေါက်လား၊ ကွာဟတာလေးတွေ၊ ဉာဏ်အင်းအားလေးတွေက နည်းသေးတော့ကာ ဘယ်သိအုံးမလဲ။ မနိုင်သေးဘူးပေါ့နော်၊ လွတ်သွားတာကို ဘုန်းကြီးတို့တွေက သိမ်းတဲ့အခါမှာ ကုက္ကုစ္စနဲ့ မသိမ်းဖို့ လိုအပ်တာ။ အဲ့ဒါလေးတစ်ခု လိုအပ်တာ။ အသိမ်းလေးမှာ အရေးကြီးတာ၊ အသိမ်းလေးမှာ ကုက္ကုစ္စ ခံခံနေတာ သတိထားပါနော်၊ သဘောပေါက်လား။

ပြန်ပြောမယ်နော်။ ဖြစ်တတ်တယ်။ ရှုမှတ်နေရင်းနဲ့ကိုဘဲ တခါတလေကျ လွတ်သွားတယ်၊ သဘောပေါက်လား၊ ကိုယ့်ကိုယ်ကို အားရပါ့မလား၊ အဲဒါ ကုက္ကုစ္စ စ၀င်နေတာ၊ တချို့ဆိုရင် တရားရှုပြီးတော့ နည်းပေးလိုက်တယ်ပေါ့။ တရားထိုင်ပြီးလည်း ပြီးရော ပြန်ဆုံတဲ့အခါမှာ မျက်နှာက မကြည်လင်တော့ဘူး၊ မကြည်တော့ဘုန်းဘုန်းက ဘာလို့ မကြည်တာလဲကြည့်တော့ သူ့တို့ကိုယ်သူ တို့ အားမရဖြစ်လာကြတာ၊ အဲဒါ ဘယ်ဒဏ်ခံရတာလဲ၊ ကုက္ကုစ္စဒဏ်ခံရတာ သဘောပေါက်လား၊ ခုတရားယောဂီတွေ ရှစ်နာရီထိုးတော့ ပြန်ခေါ်တယ် မဟုတ်လား၊ ကဲ မနက်က ထိုင်ခါစလို ကြည်ရဲ့လား၊ မကြည်ဘူးမဟုတ်လား၊ သိမ်မကြည်ဘူးနော်၊ ဘာလို့လဲဆို ကိုယ့်ကိုယ်ကို သိပ်အားမရလာတာ၊ ခဏခဏ လွတ်တာများလာတာကိုး..၊ နားလည်လား၊ ဆရာသမားရှေ့မှာ အားထုတ်တုန်းကတော့ မပျံ့လွင့်ဘူးဆိုတော့ ကြည်ပြီး ဟုတ်နေတာဘဲ မဟုတ်လား၊ အဲ့ ပုံစံ မဖြစ်ကောင်းဘူးလားလို့ ကိုယ့်ကိုယ်ကို အားမရတဲ့ သဘောလေးဝင်နေတာ၊ အဲ့ဒါဘာလဲ.. ကုက္ကုစ္စ၊ နားလည်ပြီ၊ ဘာခေါ်ကြမလဲ။ ကုက္ကုစ္စ၊ ဒေါသ၊ ဒေါသ အဲ့ဒါက။ နားလည်ပြီလား၊ သူ့ကို ရအောင်ရှာနော်။

ကုက္ကုစ္စ အင်မတန်ဆိုးတယ်နော်၊ ဒီ ကုက္ကုစ္စရဲ့သဘောတရားက မမြင်လို့ ကြီးထွားလာလို့ရှိရင် စိတ်ကျရောဂါ ဖြစ်တတ်တယ်၊ ရဟန်းလည်း လူထွက်ချင်စိတ်ပေါက်တတ်တယ်၊ကိုယ့်ကိုယ်ကို အသုံးမကျဘူး မြင်လာတာကိုး၊ မထူးတော့ပါဘူး ဖြစ်ချင်တာဖြစ်ဆိုပြီးတော့ မျှောချချင်စိတ်ပေါက်တတ်တယ်၊ ကုက္ကုစ္စ တော်တော်ဆိုးတာ၊ သဘောပေါက်လား၊ သူကတဲ့ မှတ်ထား ။ ကျွန်ဆင်းရဲတဲ့၊ ဘာဆင်းရဲတဲ့တုန်း ကျွန်ဆင်းရဲ ကျွန်ဆင်းရဲ၊ ကျွန်ဆင်းရဲဆိုတာ တခြားမဟုတ်ဘူး သူလုပ်ချင်တာတွေ လုပ်ခွင့်မရဘူး၊ စဉ်းစားနော်။ အိပ်ချင်လည်း အိပ်လို့မရဘူး၊ သွားချင်လည်း သွားလို့မရဘူး၊ သခင်ခိုင်းတာဘဲ ခံနေရတာ သဘောပေါက်လား၊ သခင်ဆိုတာ အဲဒါ အ၀ိဇ္ဇာတဏှာပြောတာနော်၊ ကိုယ်က တရားကို မပြတ်မလပ် အားထုတ်ချင်တယ်၊ နိဗ္ဗာန်ပေါက်သွားချင်တယ်၊ အားစိုက်တယ်ပေါ့၊ ဒါပေမယ့်လို့ ကုက္ကုစ္စကို မမြင်လိုက်ဘူးဆိုရင် အချိန်ကာလ တော်တော်ကြာကြာဟာ သူမွှေနေတာနဲ့ ခံနေရတယ်။

သွားချင်တာက နိဗ္ဗာန်၊ ဖြစ်တာက ဒေါသ။ တော်တော် အခြေအနေဆိုးနေတာ ။ သဘောပေါက်လား၊ လိုချင်တာက နိဗ္ဗာန်၊ ဖြစ်တော့ ဒေါသဆိုတော့ ပြောင်းပြန်ဖြစ်မနေဘူးလား၊ ကုက္ကုစ္စ အင်မတန်ဆိုးတာ၊ သဘောပေါက်ရဲ့ လား၊ တခါတလေ ဘုန်းကြီးသွားအမှတ်ရသေးတယ်၊ ဒကာတစ်ယောက် ပြောပြလို့။ ဘုန်းဘုန်းဘုရားတဲ့။ ရန်ကုန်ထဲသွားတာ ရန်ကုန်ထဲမရောက်ဘူးတဲ့၊ အချုပ်ခန်းရောက်သွားတယ်တဲ့၊ဘာဖြစ်တာလဲပေါ့၊ လမ်းမှာဘုရားတဲ့.. ပုံစံမကျတာမြင်တော့ တပည့်တော်ဝင်ပြီး ရိုက်ရင်း၊ ပုတ်ရင်း၊ ထိုးရင်းနဲ့ တပည့်တော် ရန်ကုန်မရောက်ဘပဲ အချုပ်ခန်းရောက်သွားလို့တဲ့၊ တည့်တည့်ရောက်ချင်တာ မရောက်ပဲနဲ့ အချုပ်ခန်းရောက်သွားလို့တဲ့၊ အဲ့ဒီစကားသွားအမှတ်ရတယ်နော်၊ လိုချင်တာ နိဗ္ဗာန်လို့ အားစိုက်ရင်း လုပ်ရင်းလုပ်ရင်းနဲ့ က ကိုယ့်ကိုယ်ကို အားမရ ဒေါသက၀င်နေတော့ကာ နိဗ္ဗာန်သွားမှာလား အပါယ်သွားမှာလား၊ ဒါကြောင့် ကျွန်ဆင်းရဲခေါ်တာ။ သဘောပေါက်လား၊ သူကပိုဆိုးတယ်။

ကုက္ကုစ္စက အန္တရာယ်များတယ်နော်။ ဒါလည်းဘဲ အနာဂါမ်ကျမှ သူက ပယ်ရမယ်လို့ဆိုတော့၊ မမြင်တတ်ဘူး၊ အောက်အခြေခံ သောတာပန်လောက်ကတော့ သူက ဒိုးလိုမွှေမှာ၊ အမွှေခံရလိမ့်မယ်သူက၊ သဘောပေါက်ရဲ့လား၊ အရေးကြီးတယ်နော်၊ အနာဂါမ်လောက်ကျမှ ဒါကို ပယ်နိုင်တာ၊ မြင်အောင်လည်း ကြည့်တတ်ဖို့လိုအပ်တယ်၊ စာမှာတော့ ရှိတယ်၊ အလုပ်မှာတော့ တော်တော်ရှာရခက်တယ်၊ သဘောပေါက်ရဲ့လား၊ ပြန်ပြောမယ်နော်..။

အချိန်တိုင်း လူကို ပြန်အကဲခတ်ပါနော်၊ လက်ရှိအချိန်ကို မကျော်နဲ့ စကားလည်း သိတယ်နော်၊ ကောင်းပြီ။ နောက်ကို ပြန်ပြီးဆင်းတာလည်း ကျော်တယ်ခေါ်တာဘဲ။ ရှေ့သွားလည်း ကျော်တယ်ခေါ်တာဘဲ။ လက်ရှိ အခြေအနေကနေ မရွေ့စေရဘူးနော်၊ အဲဒီတော့ လက်ရှိ အခြေအနေမှာ ပြန်အကဲခတ်လိုက်ရတယ်။ ယောာဂီအဟောင်းတွေက သိနေပြီ။ ဒိဋ္ဌိအတင်းအလျှော့ကို အကဲခပ်နော်။ ကိုယ့်သန္တန်မှာ.. ဒီ…မေးက ဖွဲ့တဲ့ တင်းတဲ့သဘောတရားက ဘယ်လောက် ကြပ်သွားလဲ၊ မျက်လုံးမှာရှိတဲ့ ဖွဲ့စည်းပုံကလဲ ဘယ်လောက် တင်းကြပ်လာသလဲ၊ နားအုံတွေလည်း ပါတယ်နော်၊ ပုခုံးတွေ၊ ၀မ်းဗိုက်တွေ၊ ပေါင်တွေကအစ တင်းကြပ်တဲ့ ဖွဲ့စည်းမှုနဲ့ အတူ ဒိဋ္ဌိကြိုးတင်းလို့ရှိရင် စကားပါထွက်နေတယ်၊ ရင်ထဲစကားတွေက ပြောနေတာရှိတယ်၊ အဲ့ဒါကို …. ငါညံ့တယ်လို့ အပြစ်မတင်ရဘူးနော်၊ ငါညံ့တယ်လို့ အပြစ်တင်လိုက်ရင် ကုက္ကုစ္စ ဖြစ်သွားပြီ။

(ဆက်ရန်…)

ဆက်လက်ဖတ်ရှုရန်