Type Of Dhamma Talks That I Prefer To Listen

ဆရာတော်တွေ ဟောတဲ့တရားတွေကို နာရတဲ့အခါ ဘယ်လိုတရားမျိုးတွေကို နာချင်လဲဆိုရင် ကိုယ်နှင့်အလှမ်းဝေးတဲ့၊ ကိုယ့်ဖာသာ လေ့လာဖို့  မလွယ်ကူနိုင်တဲ့ ပိဋကတ်စာပေတွေ၊ ပါဠိတော်၊ အဋ္ဌကထာ၊ ဋီကာတွေထဲက မှတ်သားစရာကောင်းတဲ့ အကြောင်းအရာတွေ၊ အဆုံးအမတွေ၊ အဲဒါတွေနှင့် စပ်ဆက်ပြီး ခေတ်နှင့်လျှော်ညီတဲ့ နှိုင်းယှဉ်လေ့လာမှုတွေ၊ ကောက်ချက်ဆွဲပြတာမျိုးတွေ နာရတာမျိုး သဘောကျမိတယ်။

အခုလိုခေတ်မျိုးမှာ ကိုယ့်ဖာသာကို အင်တာနက်မှာ ရှာဖတ်လည်းရနေတဲ့ General Knowledge အကြောင်းအရာတွေကို အဓိပ္ပါယ်တွေရှင်းပြ အနက်ဖွင့်ပြ ဟောပြနေတာမျိုးကြတော့ နားထောင်နေရတာ အချိန်ဖြုန်းနေသလိုပဲ ခံစားရတယ်။

အချိန်တိုပေမယ့် တရားက ထိထိမိမိနှင့် လိုရင်းအချက်ကို ရှင်းပြပေးနိုင်ရင် အဆင်ပြေပါတယ်။ မလိုအပ်ပဲ တရားကြီးက ရှည်ပြီးဝေ့နေတော့ အဆင်မပြေဘူးလားလို့။

ကျောင်းတက်တုန်းကလည်း ဆရာတွေ Text book ထဲက အင်္ဂလိပ်စာကြောင်းတွေကို တစ်ကြောင်းချင်းဖတ်ပြီး ဘာသာပြန်ပြနေရင် တအားစိတ်ညစ်တာပဲ။စာအုပ်ထဲက စာကို ဖတ်တာလောက်ကတော့ ကိုယ့်ဖာသာဖတ်လည်းရတာပဲ။ စာသင်ခန်းထဲ ဘာလို့ လာထိုင်နေတော့မလဲ။

မနေ့ညက တရားနာရင်း တွေးမိတာလေးပါ။

ဆက်လက်ဖတ်ရှုရန်

နှစ်သုံးဆယ်ကြာမှ ဖတ်ဖြစ်တဲ့ စာအုပ် (သို့) ၀ိပဿနာရှာပုံတော်

ဒီစာအုပ်ကိုစပြီးသတိထားမိတာက အမေ့အိပ်ယာခေါင်းရင်းဘေးက စာအုပ်ပုံမှာပါ။ အမေက နေ့ ခင်းထမင်းစားပြီးချိန်နှင့် ညဘက်အိပ်ခါနီးဆိုရင် ကုတင်ပေါ်လှဲရင်း ခေါင်းရင်းစာအုပ်ပုံထဲက စာအုပ်တစ်အုပ်အုပ်ကို ယူဖတ်တတ်တဲ့ အကျင့်ရှိတယ်။

အမေ့ကို တစ်ယောက်ယောက်က ဒီစာအုပ်ကို လက်ဆောင်ပေးခဲ့ပုံရပါတယ်။ ကိုယ်ကလည်း စာအုပ်ဆိုရင် စပ်စုချင်တတ်တဲ့ဝါသနာကရှိနေတော့ အမေ ဘာစာအုပ်တွေများဖတ်နေလဲ သွားသွားကြည့်တတ်တယ်။ အမေဖတ်လက်စ စာအုပ်ကို ယူကြည့်ရင်း စာရေးတဲ့သူဘယ်သူလဲလို့  ဖတ်ကြည့်လိုက်တော့ ကိုယ့်ကို ကိုရင်ဝတ်ပေးခဲ့တဲ့ဆရာတော်ဖြစ်နေတယ်။ စာအုပ်ကို ဟိုလှန်ဒီလှန် လျှောက်ဖတ်ကြည့်ရင်း အမေ့ကို ဆရာတော်ဘာအကြောင်းရေးထားတာလဲလို့ မေးလိုက်တယ်။ အမေက ဆရာတော် သူစပြီးတရားအားထုတ်ဖြစ်ပုံရယ်၊ သန်လျင်တောရကို ဘယ်လို ရောက်လာဖြစ်တယ်ဆိုတဲ့အကြောင်းတွေ ရေးထားတာလို့  ပြန်ဖြေတယ်။

အဲဒီအချိန်တုန်းက အသက်အရွယ်က ငယ်နေသေးလို့ ဖြစ်မယ်ထင်ပါတယ်။ ဒီလိုစာအုပ်မျိုးကို ဖတ်ဖို့ သိပ်အာရုံကမရခဲ့ဘူး။ ဒါနဲ့ ပဲ စာအုပ်ကို ဟိုလှန်ဒီလှန် အဆင့်ထက်ကျော်ပြီး မဖတ်ဖြစ်မိခဲ့ဘူး။

ဆရာတော်ဟာ ကျွန်တော့်ရဲ့  ငယ်ဘ၀တစ်လျှောက်လုံးမှာ ဘာသာရေးနှင့်ပတ်သက်လာရင် Role Model တစ်ဦးပါပဲ။ ပထမဆုံးအကြိမ် ကိုရင်စ၀တ်တဲ့အချိန်မှာ ငယ်ရွယ်တဲ့ ကလေးတစ်ယောက်ကို သီလကို ကြိုးစား ထိန်းသိမ်း စောင့်ရှောက်ချင်လာအောင်ဆုံးမပေးခဲ့သလို၊ အသွားအလာအနေအထိုင်တွေမှာလည်း လူကြည်ညိုဖွယ်ဖြစ်အောင် နေတတ်သွားတတ်ဖို့ သင်ပေးခဲ့တယ်။ ဘုရားရှိခိုး၊ မေတ္တာပို့ကစလို့ တရားထိုင်တတ်အောင်ပါ သင်ပေးခဲ့တယ်။ ဆရာတော့်ဆီ စာသင်သွားရတိုင်း စာပေထဲမှာပါတဲ့ သုတ်တော်တွေထဲက ကောင်းနိုးရာရာအကြောင်းအရာလေးတွေကို ပုံပြင်လိုမျိုး စိတ်ဝင်စားစရာကောင်းအောင် ပြောပြတတ်တယ်။ မှတ်မှတ်ရရ ကမ္ဘာပျက်ပုံ၊ ကမ္ဘာတည်ပုံအကြောင်း၊ ဗြဟ္မာကနေ လူဖြစ်လာပုံ အဆင့်ဆင့်ကို ပြောပြတုန်းက ကလေးတစ်ယောက်အနေနှင့် ဒီအကြောင်းကို စပြီးသိရတာဆိုတော့ တော်တော်အံ့သြခဲ့ရတယ်။

နောက်ပိုင်းတော့ အခါကြီးရက်ကြီးတွေမှာ ကျောင်းအလှူရှိတဲ့အချိန် ဆရာတော်တရားဟောတာလောက်ကိုပဲ နာခွင့်ဖူးခွင့်ကြုံတော့တယ်။ ဆရာတော်နှင့် အတော်လေး အဆက်ပြတ်သွားခဲ့ရတယ်။ ဆရာတော်စာအုပ်တွေ အများကြီးရေးပြီး ထုတ်နေတာသိပေမယ့် အကြောင်းမညီညွတ်တော့ ဘယ်စာအုပ်မှ ကောင်းကောင်း မဖတ်ဖြစ်ခဲ့မိဘူး။

နိုင်ငံရပ်ခြားကို ရောက်လာတော့မှပဲ တခါတလေငယ်ဘ၀ကိုလွမ်းမိရင်း ဆရာတော့်စာအုပ်တွေကို စိတ်ထဲက ဖတ်ချင်တဲ့အာသီသဖြစ်လာခဲ့မိတယ်။ ဒီလိုနှင့် အမ မ၀င်းဝင်းရီကောင်းမှုနှင့် ဒီစာအုပ်လေး ကျွန်တော့်ဆီပြန်ရောက်လာတော့တယ်။

အခုတော့ ကျွန်တော်လည်း အမေ့ပုံစံအတိုင်း အိပ်ယာဘေးမှာ ကိုယ်ဖတ်ချင်တဲ့စာအုပ်လေးတွေ စီထားပြီး အိပ်ခါနီးမှာ စာအုပ်တစ်အုပ်အုပ်ကို အချိန်နဲနဲပေးပြီး ဖတ်နေရတော့တယ်။

အခုဒီစာအုပ်မှာ တရားရှာဖို့ အတွက် စိတ်ဆန္ဒပြင်းပြနေတဲ့ ရဟန်းပျိုလေးတစ်ပါးရဲ့  ကြိုးစားအားထုတ်ခဲ့ရတဲ့ ပုံရိပ်တွေကို စာဖတ်နေရင်း စိတ်ထဲမှာ မြင်ယောင်မိလာစေတယ်။

၁၉၇၀ ၀န်းကျင်က ရန်ကုန်မြို့ ရဲ့  အခြေအနေ၊ လမ်းပန်းဆက်သွယ်ရေး၊ လူတွေရဲ့  ပြောဆိုပြုမူဆက်ဆံကြပုံတွေကို ဆရာတော့်စာတွေက ထင်ဟပ်ပြတယ်။ အဲဒီအချိန်တွေတုန်းက တရားရှာကြသူတွေရဲ့  အနေအထား၊ ဘုန်းကြီးကျောင်းတွေ၊ ရိပ်သာတွေရဲ့  အခြေအနေတွေကိုလည်း လေ့လာခွင့်ရတယ်။

အထူးသဖြင့် ရွှေဥမင်ဆရာတော်ဘုရားကြီးအကြောင်းနှင့် ရွှေဥမင်ရိပ်သာအကြောင်းရေးထားတာဖတ်ရတော့ ဆရာတော်ကြီးရဲ့  ဂုဏ်ကျေးဇူးတော်တွေကို ပိုပြီးကြည်ညိုလေးစားမိတော့တယ်။ နောက်ပြီး အဲဒီအချိန်တွေကတည်းက ရိပ်သာရဲ့  စည်းစနစ်တကျရှိပုံကို သိရလို့ အံ့သြမိရတယ်။

အခုအချိန်မှာ လူသိအင်မတန်နည်းနေပြီဖြစ်တဲ့ သန်လျင်တောရဓမ္မ၀ါဒီဆရာတော်ကြီးအကြောင်းကို ဖတ်ရလို့ ကိုယ်လူမှန်းမသိသေးခင်အရွယ်မှာကတည်းက ပျံလွန်တော်မူသွားခဲ့ပြီဖြစ်တဲ့ ဆရာတော်ကြီးရဲ့ ပုံရိပ်ကို ခပ်ရေးရေးလေး မှန်းပြီး သိရှိကြည်ညိုခွင့်ရလိုက်တယ်။

စိတ်ဝင်စားဖို့ကောင်းတာကတော့ ဓါတ်ကမ္မဋ္ဌာန်းကိုအခြေခံပြီး သတိပဋ္ဌာန်လေးပါးလုံးကို အဆင့်ဆင့်စနစ်တကျ ခွဲခြားစိတ်ဖြာရှုပွားပုံကို overview ရေးထားတာကတော့ တော်တော်လေးကို ဓမ္မဗဟုသုတတိုးပွားစေပါတယ်။ စာဖတ်နေရင်း သိချင်လာတာတွေ၊ မေးချင်လာတာတွေ တစ်ခုပြီးတစ်ခု ထွက်ထွက်လာပါတယ်။ စိတ်ထဲမှာ အော်.. ငါဒီစာအုပ်ကို ဟိုးအစောကြီးကတည်းက ဖတ်မိရင် ကောင်းသား။ ဆရာတော်တို့၊ တရားပြပေးတဲ့ ဆရာသမားတွေနှင့် နီးနီးကပ်ကပ်နေခွင့်ရနေခဲ့တုန်းက ဒီလို သိချင်တာတွေ၊ မေးချင်ခဲ့တာတွေ ပေါ်မလာခဲ့ဖူးဘူး ဆိုပြီး ကိုယ့်ကိုယ်ကို မချင့်မရဲ ဖြစ်နေမိတော့တယ်။

ဆရာတော်ဒီစာအုပ်ကိုရေးတဲ့အချိန်မှာ သက်တော်လေးဆယ်ကျော်ဝန်းကျင်လောက်တော့ရှိနေပြီထင်ပါတယ်။ သန်လျင်တောရရဲ့  ဒုတိယ ပဓာနနာယကဆရာတော်လည်း ဖြစ်နေပြီ။ စာအုပ်ထဲမှာတော့ သူငယ်ငယ် သက်တော် အစိတ်ဝန်းကျင်က အကြောင်းတွေကို ရိုးရိုးသားသား ပွင့်ပွင့်လင်းလင်းပဲရေးထားတယ်။ အခုဆို ဆရာတော် သက်တော် (၇၀)ကို တော်တော်လေးကျော်လောက်ပြီ။

ဆရာတော်ရဲ့  တခြားရေးထားတဲ့ စာအုပ်တွေလည်း အခွင့်အရေးရရင် ရှာဖတ်ရအုံးမယ်။ နောက် ဓမ္မ၀ါဒီဆရာတော်ကြီးရဲ့  စာအုပ်တွေလည်း ပြန်ရှာဖတ်ရမယ်။ အဲဒီခေတ်အခါက တရားရိပ်သာတွေကြား ၀ိဝါဒကွဲပြားမှုတွေရှိကြပေမယ့်လို့ အားလုံးဟာ သူတော်ကောင်းတရားတွေကို ကိုယ်တိုင်ကြိုးစားအားထုတ်ပြီး ပြန့်ပွားအောင်လုပ်ခဲ့ကြသူတွေပဲမို့ ဘာပဲဖြစ်ဖြစ် ကြည်ညိုလေးစားဖို့ ကောင်းကြပါတယ်။

ဆရာတော် သက်ရှည်ကျန်းမာလို့ သာသနာပြုလုပ်ငန်းတွေ ရှေ့ ဆက်လက် တိုးတက် အောင်မြင်ပါစေလို့ ဆုမွန်ကောင်းတောင်းပါတယ်။

ငယ်ဘ၀ကို အောက်မေ့တမ်းတရင်း.....
ဆုံးသွားတာ (၁၆)နှစ် ရှိပြီဖြစ်တဲ့ မာတာမိခင်ကိုလည်း သတိရရင်း....
ဆရာတော့်ဆီလည်း တစ်ခါတစ်ခေါက်လောက် အရောက်သွား ဖူးမြော်ပြီး သိချင်တာလေးတွေ မေးချင်တဲ့ ဆန္ဒပြင်းပြရင်း......
ဒီစာအုပ်ကို လက်ဆောင်ပေးတဲ့ အမ မ၀င်းဝင်းရီကိုလည်း ကျေးဇူးအထူးတင်ရင်း....

ဒီစာလေး အမှတ်တရ ရေးပါတယ်။

ဝိမုတ္တိသုခ
၁၃၊ မေ၊ ၂၀၁၆။

ဆက်လက်ဖတ်ရှုရန်

We are what we consume!

ဇင်ဘုန်းတော်ကြီး Thich Nhat Hanh က ပြောဖူးတယ်။

“လူတွေသာ တကယ်လို့များ သူတို့နေ့စဉ်စားသုံးနေကြတဲ့အသား၊ ငါး တွေရဲ့  စားသုံးမှုရာခိုင်နှုန်းကို ၅၀ရာခိုင်နှုန်းလောက်အထိ လျှော့ချလိုက်နိုင်မယ်ဆိုရင် ဒါဟာ မိမိတို့ကိုယ်တိုင်အတွက်နှင့် ကမ္ဘာလောကအတွက် တကယ်စစ်မှန်တဲ့ ချစ်ခြင်းမေတ္တာနှင့် ကရုဏာတရားကို ပြသလိုက်တာပဲ ဖြစ်လိမ့်မယ်” တဲ့။

မြတ်စွာဘုရားရှင်ကတော့ အသား၊ ငါး မစားဖို့၊ သက်သတ်လွတ်စားဖို့ ပြောလာတဲ့ ရှင်ဒေ၀ဒတ်ရဲ့  ဆန္ဒကို မလိုက်လျောခဲ့ပဲ ငြင်းပယ်ခဲ့ဖူးတယ်။ ဆွမ်းခံပြီး ၀မ်းရေးကိစ္စကို ဖြေရှင်းကြရတဲ့ ရဟန်း၊ သံဃာတော်တွေအနေနှင့် ဒီကိစ္စဟာ ရေရှည်မှာ အခက်အခဲ ဖြစ်လာမှာကို ကြိုမြင်ခဲ့လို့ပဲဖြစ်တယ်။ နောက် သံသရာက ထွက်မြောက်ဖို့ ကြိုးစားကြရာမှာ မှီဝဲရတဲ့ အစားအသောက်က အဓိကမကျပဲ၊ ဒီအစားအသောက်ကို မှီပြီးဖြစ်တဲ့ ရသတဏှာ ကိလေသာကို ပယ်သတ်နိုင်ဖို့က ပိုပြီး အဓိကကျတာလည်း အကြောင်းတစ်ခုပါပဲ။ ဒီတော့ ရဟန်းတွေအတွက် ခဲဖွယ်ဘောဇဉ်ကို အယုတ်အလတ်အမြတ်မရွေး ဆွမ်းခံလို့ ရသမျှနဲ့ ရောင့်ရဲတင်းတိမ်ပြီး ဆွမ်းကိစ္စကို ပြီးစီးစေတော်မူခဲ့ပါတယ်။

ဘုရားရှင်ရဲ့  အဆုံးအမကို လိုက်နာကြတဲ့ လူဝတ်ကြောင်သာဝကတွေ အနေနဲ့လည်း ဒီလမ်းစဉ်အတိုင်းပဲ အစားအသောက်နှင့် ပတ်သက်လာရင် ရသတဏှာကို အကြောင်းပြုမမှီဝဲပဲ တင်းတိမ်ရောင့်ရဲတဲ့ စိတ်အခြေခံနှင့် မှီဝဲသုံးဆောင်နိုင်ကြမှသာလျှင် ဘုရားရှင် အလိုတော်ကျ ဖြစ်မှာ ဖြစ်ပါတယ်။

ဒီနေရာမှာ သာမန်လူဝတ်ကြောင်တွေအတွက် ထည့်စဉ်းစားဖို့ကောင်းတာတစ်ခုရှိနေပါတယ်။ မိမိတို့ရဲ့ ရသတဏှာကိလေသာ ခေါင်းပါးရေးအတွက် ရောင့်ရဲတင်းတိမ်တတ်တဲ့ စိတ်အခြေခံနှင့် အစားအစာကို မှီဝဲစားသောက်ရမှာ ဖြစ်သလို၊ အခြားတစ်ဘက်ကလည်း မိမိရဲ့  အသက်ရှင်နေထိုင်ရပ်တည်ဖို့အတွက် တိရစ္ဆာန်အချို့ ရဲ့  အသက်နှင့် ဘ၀တွေ စတေးပေးနေကြရတာကို သတိထားမိဖို့ဖြစ်ပါတယ်။

မိမိတို့ အစာအဟာရဖြည့်တင်းဖို့အတွက် ကမ္ဘာနှင့်အ၀ှမ်းမှာ နေ့စဉ် တိရစ္ဆာန်တွေ သိန်းနှင့်ချီပြီး အသက်ဆုံးရှုံးနေကြရပါတယ်။ တကယ်လို့များ လူတစ်ယောက်ချင်းစီက မိမိတို့ နေ့စဉ်စားသုံးနေတဲ့ အသား၊ ငါး စားသုံးနှုန်းကို တတ်နိုင်သလောက်များ လျှော့ချပေးနိုင်ခဲ့မယ်ဆိုရင် တိရစ္ဆာန်တွေရဲ့  အသက်ရှင်သန်မှုကို တစ်ဘက်တစ်လမ်းကနေ အားပေးကူညီရာရောက်သွားမှာ ဖြစ်ပါတယ်။ ဇီဝိတဒါန လုပ်လိုက်သလို ဖြစ်သွားမှာပါ။

အစားအသောက်တစ်ခုတည်းတင် မဟုတ်ပါဘူး။ အ၀တ်အစားတွေ၊ ပိုက်ဆံအိတ်၊ ဖိနပ်၊ ခါးပတ်၊ ဇိမ်ခံပစ္စည်းတွေ နှင့် တခြားလူ့ အသုံးအဆောင်ပစ္စည်းတွေမှာ အသုံးပြုနေတဲ့ တိရစ္ဆာန်တွေရဲ့  ခန္ဓာကိုယ်အစိတ်အပိုင်းတွေနှင့် တန်ဆာဆင်ထားတဲ့ ပစ္စည်းတွေကို တတ်နိုင်သလောက် မသုံးပဲ၊ သုံးစွဲမှုရာခိုင်နှုန်းကို လျှော့ချပေးနိုင်မယ်ဆိုရင် ဒါဟာလည်း သူတို့တွေရဲ့  အသက်ကို တစ်ဘက်တစ်လမ်းက ကယ်တင်လိုက်တာ ဖြစ်သွားမှာပါပဲ။

တကယ်တော့ ဒီကမ္ဘာပေါ်မှာ လူ၊ တိရစ္ဆာန်၊ တောတောင်ရေမြေ၊ နှင့် ဓါတ်သတ္တုပစ္စည်းတွေဟာ တစ်ခုနှင့်တစ်ခု ကြောင်းကျိုးဆက်စပ်ပြီး ကိုင်းကျွန်းမှီ၊ ကျွန်းကိုင်းမှီပုံစံနှင့် တည်ရှိနေကြရတာပါ။ တစ်ခုခုက အလွန်အကျွံ ပျက်စီးဆုံးရှုံးရပြီဆိုရင် ဟန်ချက်ညီမှုပျက်ပြားပြီး အနှေးနဲ့ အမြန်ဆိုသလို တခြား အရာတွေပါ လိုက်ပါပျက်စီးကြမှာ ဖြစ်ပါတယ်။

ဒါကြောင့်မို့ တောတောင်ရေမြေသဘာဝပတ်ဝန်းကျင်ကို ထိန်းသိမ်းစောင့်ရှောက်ကြသလိုပဲ၊ မိမိတို့နှင့် တစ်မိုးတည်းအောက် အတူနေ အသက်ရှင်သန်နေကြရတဲ့ လူတွေရဲ့  စားသောက်ကုန်နှင့် လူသုံးကုန်ပစ္စည်းဖြစ်နေတဲ့ တိရစ္ဆာန်မျိုးစိတ်များကိုလည်း မေတ္တာ၊ ကရုဏာစိတ်နှင့် တတ်နိုင်သလောက် ထိန်းသိမ်းကာကွယ်စောင့်ရှောက်သွားကြပါစို့လို့ ဆန္ဒမွန်နှင့် တိုက်တွန်းလိုက်ရပါတယ်ခင်ဗျာ။

ဆက်လက်ဖတ်ရှုရန်

“သတိ”ကို အထောက်အပံ့ဖြစ်စေနိုင်သော သန္နိဋ္ဌာန် (၅) ချက်

*ပထမသန္နိဋ္ဌာန်*

သက်ရှိဘ၀များ ကစဥ့်ကလျားဖြစ်ကာ ပျက်စီးဆုံးရှုံးမှုကြောင့် ဖြစ်ပေါ်ခံစားကြရသည့် စိတ်နှလုံး ဆင်းရဲပင်ပန်းမှုများကို အာရုံပြုရင်း ငါသည် ကရုဏာတရားကို ပြုစုပျိုးထောင်ပြီး နေထိုင်သွားပါမည်။

လူများ၊ တိရစ္ဆာန်များ၊ သစ်ပင်များနှင့် ဓါတ်သတ္တုများ၏ သက်ရှင်နေထိုင်မှုကို ကာကွယ်စောင့်ရှောက်နိုင်ဖို့အတွက် နည်းလမ်းများကို သင်ယူလေ့လာသွားပါမည်။

မိမိ၏ပတ်ဝန်ကျင်တွင်လည်းကောင်း၊ အတွေးစိတ်ကူးထဲတွင်လည်းကောင်း၊ ဘ၀ရှင်သန်နေချိန် တလျှောက်လုံးတွင်လည်းကောင်း ငါသည် မည်သည့်သက်ရှိကိုမှ မသတ်ဖြတ်မိဖို့်၊ တခြားတစ်ယောက်ယောက်က သတ်ဖြတ်နေခြင်းကိုလည်း အားမပေးမိဖို့၊ သူတစ်ပါးအသက် သတ်ဖြတ်နေခြင်းကို မသိကျိုးကျွန်ပြု လျစ်လျှူရှုနေခြင်းမျိုး မပြုလုပ်မိဖို့ ဆုံးဖြတ်ချက်ချကာ စောင့်ထိန်းနေထိုင်သွားပါမည်။

*ဒုတိယသန္နိဋ္ဌာန်*

မတရားမှု၊ အဂတိလိုက်စားမှု၊ ခိုးမှု၊ ဖိနှိပ်ချုပ်ချယ်မှုများကြောင့် ဖြစ်ပေါ်ခံစားကြရသည့် စိတ်နှလုံး ဆင်းရဲပင်ပန်းမှုများကို အာရုံပြုရင်း ငါသည် မေတ္တာတရားကို ပြုစုပျိုးထောင်ပြီး နေထိုင်သွားပါမည်။

လူများ၊ တိရစ္ဆာန်များ၊ သစ်ပင်များ နှင့် ဓါတ်သတ္တုများ ချမ်းသာစွာ အသက်ရှင်နေထိုင်နိုင်ဖို့ အတွက် နည်းလမ်းများကို သင်ယူလေ့လာသွားပါမည်။

တကယ်လိုအပ်နေကြသူများအတွက် ငါ၏အချိန်၊ စွမ်းအားနှင့် ပိုင်ဆိုင်သည့် ပစ္စည်းဥစ္စာအရင်းအမြစ်များကို ခွဲခြမ်းဝေမျှရင်း စွန့်ကြဲပေးကမ်းလှူဒါန်းတတ်သည့် အလေ့အကျင့်ကို ပြုစုပျိုးထောင်ယူပါမည်။

ငါသည် သူများပိုင်ဆိုင်သည့် ပစ္စည်းဥစ္စာများကို မခိုးယူမိဖို့၊ မိမိပိုင်ဖြစ်အောင် မကြိုးစားမိဖို့ ကိုယ့်ကိုယ်ကို ကြိုးစားစောင့်ထိန်းပါမည်။

တခြားသူများပိုင်ဆိုင်သော အရာရာတိုင်းကို လေးစားတန်ဖိုးထားပါမည်။
ဆင်းရဲဒုက္ခရောက်နေကြသူများနှင့် တခြားသောသက်ရှိမျိုးနွယ်စုများ အပေါ်မှ မတရားအကျိုးအမြတ်ရှာကြသူများကို တတ်စွမ်းသမျှ တားဆီးကာကွယ်သွားပါမည်။

*တတိယသန္နိဋ္ဌာန်*

ကာမဂုဏ်အာရုံများ၌ လွဲမှားစွာလိုက်စားမှုကြောင့် ဖြစ်ပေါ်ခံစားကြရသည့် စိတ်နှလုံး မချမ်းမြေ့မှုများကို အာရုံပြုရင်း မိမိကိုယ်မိမိ တာဝန်ယူတတ်သည့် အလေ့အကျင့်ကို ပြုစုပျိုးထောင်ယူပါမည်။

လူတစ်ယောက်စီတိုင်း၊ ဇနီးမောင်နှံတိုင်း၊ ချစ်သူစုံတွဲတိုင်း၊ မိသားစုတိုင်း၊ လူ့အသိုင်းအ၀ိုင်းတိုင်း၏ စိတ်ပိုင်းဆိုင်ရာလုံခြုံမှုနှင့် ပြည့်စုံကောင်းမွန်မှုအတွက် ကာကွယ်စောင့်ရှောက်နိုင်မည့် နည်းလမ်းများကို သင်ယူလေ့လာပါမည်။
ချစ်ခြင်းမေတ္တာမပါပဲဖြစ်ဖြစ်၊ အနာဂတ်အတွက် အာမခံမှု၊ တာဝန်ယူနိုင်မှုတစ်ခုခု မပေးနိုင်ပဲဖြစ်ဖြစ် တစ်စုံတစ်ယောက်အား ခန္ဓာကိုယ်ချင်း နှီးနွှယ်စပ်ယှက်ခြင်းကို မပြုလုပ်ပဲ ရှောင်ကြဉ်ပါမည်။

မိမိနှင့် တခြားသူတို့၏ ပျော်ရွှင်စိတ်ချမ်းသာမှုကို ကာကွယ်စောင့်ရှောက်သည့်အနေဖြင့် မိမိကိုယ်တိုင်ကပေးထားသောကတိက၀တ်နှင့် တခြားသူက မိမိအားပေးထားသော ကတိက၀တ်များကို လေးစားတန်ဖိုးထားပါမည်။

ကလေးသူငယ်များ လိင်ပိုင်းဆိုင်ရာ နှောက်ယှက်စော်ကားခံနေရမှုများနှင့် ဇနီးမောင်နှံနှင့် မိသားစုများ လိင်ပိုင်းဆိုင်ရာစော်ကားခံရမှုကိုအကြောင်းပြုပြီး ပြိုကွဲပျက်စီးသွားကြရခြင်းများကို မိမိကိုယ်စွမ်းဉာဏ်စွမ်းရှိသလောက် အစွမ်းကုန် ကာကွယ်စောင့်ရှောက်သွားပါမည်။

*စတုတ္ထသန္နိဋ္ဌာန်*

သတိမမူပဲ စကားကို ပြီးစလွယ်ပြောခြင်းနှင့် တခြားသူများက ပြောလာသည့်စကားကို စိတ်ရှည်စွာ နားထောင်ပေးနိုင်သည့် စွမ်းရည်မရှိခြင်းကြောင့် ဖြစ်ပေါ်ခံစားကြရသည့် စိတ်နှလုံး မအေးချမ်းမှုများကို အာရုံပြုရင်း ငါသည် နှစ်လိုဖွယ်ကောင်းသော စကားကိုသာ ပြောဆိုခြင်းနှင့် တပါးသူရဲ့ ပြောစကားကို သေသေချာချာနားထောင်ပေးတတ်သည့် အလေ့အထကို ပြုစုပျိုးထောင်ခြင်းဖြင့် တပါးသူ၏ စိတ်ချမ်းသာမှုနှင့် ပျော်ရွှင်မှုကို ဖြစ်ပေါ်စေပြီး ထိုသူတို့၏ စိတ်နှလုံး သက်သာရာရမှုကို အထောက်အပံ့ဖြစ်စေပါမည်။

စကားလုံးများသည် ပျော်ရွှင်မှုကိုသော်လည်းကောင်း၊ စိတ်မချမ်းမြေ့မှုကိုသော်လည်းကောင်း ဖြစ်စေတတ်သည်ဆိုသည့်အချက်ကို သိရှိနားလည်ထားပြီး ငါသည် မှန်ကန်သည့်စကား၊ မိမိကိုယ်ကို ယုံကြည်စိတ်ချမှု၊ ပျော်ရွှင်မှုနှင့် မျှော်လင့်ချက်ကို ဖြစ်ပေါ်စေတတ်သောစကားများကိုသာ ပြောဆိုနိုင်အောင် ကြိုးစားပါမည်။

မသေချာ မရေရာသော သတင်းစကားများကို ဖြန့်ဝေခြင်း၊ ကိုယ်တိုင်တိတိကျကျ မသိပဲ တစ်စုံတစ်ဦး(သို့) တစ်စုံတစ်ရာအပေါ်၌ ဝေဖန်ခြင်း၊ ပြစ်တင်ရှုံ့ ချခြင်းများကို မပြုလုပ်ပဲ ရှောင်ကြဉ်ပါမည်။

တစ်ယောက်နှင့် တစ်ယောက် စိတ်ဝမ်းကွဲပြားစေမည့် စကားမျိုး၊ မိသားစုများ၊ အဖွဲ့ အစည်းများ ပြိုကွဲပျက်စီးသွားစေနိုင်သော စကားမျိုးများကို ပြောဆိုခြင်းမှ ရှောင်ကြဉ်ပါမည်။

မည်မျှပင် သေးငယ်သည့် အရာဖြစ်ပါစေ။ အချင်းချင်း ပြန်လည်သင့်မြတ်မည့်ကိစ္စမျိုး၊ အခက်အခဲပြဿနာများ ပြေလည်သွားစေနိုင်မည့် ကိစ္စမျိုးများတွင် မိမိ၏အစွမ်းအစများကို အကုန်ထုတ်သုံးပြီး ကူညီဆောင်ရွက်သွားပါမည်။

*ပဉ္စမသန္နိဋ္ဌာန်*

သတိမထားပဲ ပေါ့ပေါ့တန်တန် စားသောက်နေထိုင်မှုကြောင့် ဖြစ်ပေါ်ကြရသည့် စိတ်နှလုံး ဆင်းရဲပင်ပန်းရမှုများကို အာရုံပြုရင်း ငါသည် မိမိကိုယ်တိုင်အတွက်၊ မိမိ၏မိသားစုနှင့် ပတ်ဝန်းကျင်အသိုင်းအ၀ိုင်းအတွက် စိတ်ရော၊ ကိုယ်ရော ကျန်းမာမှုကို တကယ်ဖြစ်စေရန် သတိဖြင့် စားသောက်နေထိုင်ပြုမူသည့်အလေ့အထကို လေ့ကျင့်ပျိုးထောင်ယူပါမည်။

မိမိ၏စိတ်နှင့် ခန္ဓာကိုယ်၊ မိမိ၏ မိသားစုနှင့် ဆွေမျိုးအသိုင်းအ၀ိုင်း၏ စိတ်နှင့် ခန္ဓာကိုယ်တို့တွင် ကျန်းမာမှု၊ ငြိမ်းချမ်းမှုနှင့် ပျော်ရွှင်မှုကို ဖြစ်စေနိုင်မည့် အစားအသောက်မျိုးများကိုသာ မှီဝဲစားသောက်သွားပါမည်။

ငါသည် အယ်လ်ကိုဟောပါသည့် အရက်နှင့် အခြားမူးယစ်စေတတ်သည့် အစားအစာပစ္စည်းများကို မှီဝဲစားသောက်ခြင်းမှ ရှောင်ကြဉ်ပါမည်။

သတိချွတ်ယွင်းမှုကို ဖြစ်စေတတ်သော အစားအစာများ၊ တီဗွီအစီအစဉ်များ၊ ဗွီဒီယိုများ၊ မဂ္ဂဇင်းများ၊ စာအုပ်များ၊ ရုပ်ရှင်များ၊ အပြန်အလှန်စကားပြောဆိုခြင်းများကို မှီဝဲကြည့်ရှုခြင်း၊ ပြောဆိုခြင်း၊ စားသောက်ခြင်းများမှ ရှောင်ကြဉ်ပါမည်။

ငါသည် မိမိကိုယ်တိုင်နှင့် မိမိပတ်ဝန်းကျင်ရှိသူများ၏ စိတ်၌ ဖြစ်ပေါ်နေသော ရက်စက်ကြမ်းကြုတ်မှုများ၊ ကြောက်ရွံ့ နေမှုများ၊ စိတ်ဆိုးဒေါသထွက်နေမှုများနှင့် စိတ်ရှုပ်ထွေးမှုများ လျှော့ပါးသည်ထက် လျှော့ပါးလာစေရန်နှင့် ကောင်းသည့်ဘက်သို့ အသွင်ကူးပြောင်းလာနိုင်စေရန်အတွက် အပြစ်ကင်း၍ အကျိုးရှိမည့် အစားအစာနှင့် အာရုံများကိုသာ ကြိုးစား၍ ကြည့်ရှု၊ မှီဝဲသုံးဆောင်သွားပါမည်။

TNH
The Art Of Mindfulness

ဆက်လက်ဖတ်ရှုရန်

ဗုဒ္ဓဘာသာဝင်တွေ စိတ်ကြီးမ၀င်ကြဖို့

"နိုင်ငံကြီးတွေမှာ ဗုဒ္ဓဘာသာလည်း မဟုတ်ဘူး။ တချို့ များ သူဌေးကြီးတွေ တစ်နေ့သုံးလိုက်တဲ့ အသုံးစရိတ်ဟာ ဒီမြန်မာနိုင်ငံက သူဌေးတွေရဲ့  တစ်သက်သုံးစာလောက် ဖြစ်နေတယ်တဲ့။ မြန်မာနိုင်ငံက ပစ္စည်းရှိတဲ့သူတွေရဲ့  တစ်သက်လုံး သုံးလောက်တဲ့ စည်းစိမ်ကို သူတို့က တစ်နေ့တည်း သုံးပစ်လိုက်တာပဲတဲ့။ ဒီလောက်ပေါတယ်တဲ့။ ဒါ ဗုဒ္ဓဘာသာ မဟုတ်ဘူးတဲ့။ ပြီးတော့ ဗုဒ္ဓဘာသာနိုင်ငံဟာ အညံ့ဆုံး ဖြစ်နေတယ်တဲ့။ သီဟိုဠ်တို့၊ လာအိုတို့၊ ကမ္ဗောဒီးယားတို့၊ ယိုးဒယားတို့၊ မြန်မာနိုင်ငံတို့။ ဒီဗုဒ္ဓဘာသာနိုင်ငံကလေးတွေက လူတွေဟာ အညံ့ဆုံး ဖြစ်နေကြတယ်တဲ့။ ဒါ ဘယ်နှယ့် အဓိပ္ဗါယ်တုန်းတဲ့။

ဒါဟုတ်တယ်။ စိတ်ထဲ ဇဝေဇ၀ါ ဖြစ်စရာ။ ဘုန်းကြီးက ပြောချင်လိုက်တာ။ ဘုရားအလောင်းပါရမီဖြည့်စဉ်တုန်းက ဗုဒ္ဓဘာသာဘ၀နှင့် ဘယ်နှစ်ဘ၀များ ရှိခဲ့ဖူးတုန်း။ ကဲ ဇာတ်ကြီး (၁၀) ဘွဲ့ ကို အကြမ်းစား စဉ်းစားကြစို့။ တေမိမင်း။ ဗုဒ္ဓဘာသာဘ၀မဟုတ်ဘူး။ ဘုန်းကြီးမရှိဘူး။ မဟာဇနကမင်း။ ဗုဒ္ဓဘာသာမဟုတ်ဘူး။ သူတို့ကုသိုလ်တွေ သူတို့ ပြုသွားတာပဲ။ မဟာဇနကမင်းကလည်း သူ့ဖာသာ ကုသိုလ်တွေ ပြုသွားတာပဲ။ တေမိမင်းကလည်း ကုသိုလ်တွေပြု၊ တောတွေထွက်၊ တရားတွေကျင့်၊ ဈာန်ရ။ ဗုဒ္ဓဘာသာ မဟုတ်ဘူး။ သုဝဏ္ဏသျှံ။ တောထဲမှာ မေတ္တာနှင့် နေရှာတာ။ ဗုဒ္ဓဘာသာ မဟုတ်ဘူး။ မိဘလည်း ဗုဒ္ဓဘာသာ မဟုတ်ဘူး။ နေမိမင်းကြီး။ နာရဒ ဗြဟ္မာမင်းကြီး။ ဗုဒ္ဓဘာသာ မဟုတ်ဘူး။ ဝေဿန္တရာမင်းကြည့်ပါလား။ ဗုဒ္ဓဘာသာ ဟုတ်ရဲ့ လား။ ဘယ်ဘုန်းကြီးက တရားဟောတုန်း။ သူက ရသေ့တွေ အလှူပေးနေတာပဲ။ သူ့ကို ဘယ်သူကမှ လာတရားမဟောဘူး။

ဒီတော့ကာ လူတွေက ဗုဒ္ဓဘာသာတွေမှ ကုသိုလ်ကံပြုတတ်တယ်။ ဗုဒ္ဓဘာသာမဟုတ်ရင် မပြုတတ်ဘူးလို့ဆိုတော့ ဘုရားအလောင်းပါရမီဖြည့်ခဲ့တဲ့ဘ၀တွေက ဗုဒ္ဓဘာသာမဟုတ်တဲ့ ဘ၀တွေချည်းများတယ်။ ဘုရားအလောင်း လေးသင်္ချေနှင့် ကမ္ဘာတစ်သိန်း ပါရမီဖြည့်စဉ်မှာ နှစ်ကျိပ်လေးဆူသာ ဘုရားပွင့်တယ်။ ဗုဒ္ဓဘာသာဆိုတဲ့ ဘာသာဟာ နှစ်ဆယ့်လေးခါသာ ပေါ်ခဲ့တယ်။ ကျန်တဲ့ အချိန်တွေ ဗုဒ္ဓဘာသာခေတ်ကို မဟုတ်ခဲ့ဘူး။ အဲဒီအတောအတွင်းမှာ ဘုရားအလောင်းတွေ ပါရမီဖြည့်တော်မူလာလိုက်ကြတာ။ ဒီတော့ကာ ဒါလေးကို ပထမဆုံး နားလည်ပါလေ။

ခုနက သူဌေးကြီးတွေ ဗုဒ္ဓဘာသာ မဟုတ်ပေမယ့် သူတို့လည်း သူတို့နည်း သူတို့ဟန်နှင့် လွန်ခဲ့တဲ့ ဖြစ်လေရာ ဘ၀တွေတုန်းက ကုသိုလ်တွေရှိမှာပေါ့။ သေခါနီးကျတော့ နိမိတ်တွေထင်မှာပေါ့။ နိမိတ်တွေထင်တဲ့အခါကျတော့ အမျိုးမျိုးသော ကံကြောင့် တချို့ က ပေါများတဲ့ နိုင်ငံမှာ သွားပြီးတော့ ပဋိသန္ဓေနေကြမယ်။ အဖေက သူဌေးလေ။ အမေက သူဌေးလေ။ သူတို့ကျတော့ သူဌေးလေ။ ဘာပြောစရာရှိလဲ။ ဗုဒ္ဓဘာသာနှင့် ဘာဆိုင်လဲ။ ဗုဒ္ဓဘာသာ ဖြစ်တာ မဖြစ်တာနှင့် ဘာမှမဆိုင်ဘူး။ အဖေသူဌေး၊ အမေသူဌေးနှင့်သာဆိုင်တယ်။ နိုင်ငံကြီးနှင့်သာဆိုင်တယ်။ အဲလိုနှင့် သူတို့ သုံးလို့ မကုန်နိုင်အောင်ပေါကြတယ်။ သုံးလို့မကုန်နိုင်အောင်ပေါတော့ကာ ဒီလူတွေက သုံးချည်းပစ်နေလားဆိုတော့ ဒီလူတွေက ဆေးရုံတွေတည်ဆောက်ကြတယ်။ သူတို့ပိုက်ဆံကြောင့် ဆင်းရဲတဲ့သူတွေ ကျန်းမာချမ်းသာစေချင်တဲ့ မေတ္တာ၊ ကရုဏာကြီးမားလိုက်တာ။ ထူးထူးခြားခြားစာသင်နိုင်အောင်လို့ စာသင်ကျောင်းတွေ ထောက်ပံ့ပေးနေတယ်။ မရှိဆင်းရဲတဲ့သူတွေအတွက် ကြက်ခြေနီအသင်းဆိုပြီးတော့ ငွေတွေထည့်ပြီး ထောက်ပံ့ပေးနေကြတယ်။ ဆေးရုံတွေဆောက်တယ်။ စာသင်ကျောင်းတွေတည်တယ်။ မရှိဆင်းရဲတဲ့သူတွေ ကြီးပွားအောင်လို့ နိုင်ငံတွေကို ထောက်ပံ့ပေးနေတယ်။ နည်းတဲ့သတ္တိတွေလား၊ နည်းတဲ့ကံတွေလား။ ဒီလူတွေက ရှေ့ ကို တက်ကြပါအုံးမယ်။ ရှေ့ ကို တိုးကြပါအုံးမယ်။ အကယ်၍များ အရိမေတ္တေယျဘုရားလက်ထက်မှာ သူတို့တွေက လူ့အဖြစ်နှင့်ဆိုလို့ရှိရင် ဘုရားဆီရောက်ကြပါအုံးမယ်။ ဘုရားဆီရောက်တဲ့အခါကျတော့ ဘုရားဆီက သစ္စာလေးပါးတရားကို နာကြားကြရပါအုံးမယ်။ ဒီလူတွေ၊ ဒီဉာဏ်ရှိတဲ့လူတွေ။ ဒီတော့ကာ ကျွတ်တမ်းဝင်ချင်ရင်လည်း ၀င်သွားမယ်။ ဒါမှမဟုတ် နောက်ဘုရားလက်ထက် ကျွတ်တမ်းဝင်ဖို့ အထောက်အပံ့ကောင်းကောင်းကြီး ရသွားကြပါမယ်။

ဒါကြောင့် ဗုဒ္ဓဘာသာ၊ ဗုဒ္ဓဘာသာဆိုပြီးတော့ စိတ်ကြီးဝင်မနေကြပါနဲ့။ ကောင်းကောင်းနေကြဖို့ အရေးကြီးပါတယ်။ ဗုဒ္ဓဘာသာဆုိုပြီးတော့ အမှတ်တမဲ့နှင့် နေလို့ရှိရင်တော့ တခြားကလူတွေက ဘုန်းကြီးတို့အပေါ် ကျော်ပြီးရင်းကျော်ရင်း၊ ကျော်ပြီးရင်းကျော်ရင်း ဖြစ်သွားကြပါလိမ့်မယ်။ နိုင်ငံငယ်ကလေးတွေမှာ ဗုဒ္ဓဘာသာဖြစ်နေရတာကတော့ နိုင်ငံငယ်ကလေးတွေမှာ စားစရာလေးတွေရှိတယ်။ ဘုန်းကြီးတွေက စားစရာကိုမှီပြီးတော့ ဘုန်းကြီးတွေဖြစ်ရတယ်။ အဲဒီဘုန်းကြီးတွေက ဟောပြောပြီးပေးတော့မှ သူတို့တွေက အသိဉာဏ်တွေရင့်ကျက်ပြီးတော့ လာခဲ့တယ်။ နဂိုတုန်းက မြန်မာနိုင်ငံရဲ့ အသိဉာဏ်ဟာ မှန်းပြီးတော့ ကြည့်စမ်း။ အရည်းကြီးတွေကို လက်ခံပြီးနေကတည်းကိုက မြန်မာနိုင်ငံရဲ့ အသိဉာဏ်ဟာ ဘယ်လောက်ညံ့နေတုန်း။ အရည်းကြီးတွေကို လက်ခံရမှာမဟုတ်ဘူး။ မောင်းထုတ်ရမှာ။ အဲဒါကို ရှင်ဘုရင်နှင့်တကွ အရည်းကြီးတွေကို လက်ခံပြီး လာကတည်းကိုက မြန်မာနိုင်ငံရဲ့  အသိဉာဏ် ဘယ်လောက်ညံ့နေတုန်း။ ရှင်အရဟံသာ မပါလို့ရှိရင် မြန်မာနိုင်ငံ ဒီ့ထက် အသိဉာဏ်ညံ့ပါမယ်။ ရှင်အရဟံကြွလာပြီး ဗုဒ္ဓတရားတော်တွေပါလာလို့ ဒီအခြေအနေ ဒီအရည်အချင်းတွေကို မြင်ရတာပါ။ အကယ်၍များ ဗုဒ္ဓဘာသာသာ မဖြစ်လို့ ရှိရင် ဗုဒ္ဓမြတ်စွာရဲ့  တရားတော်တွေသာ မပါလာလို့ ရှိရင်တော့ မြန်မာနိုင်ငံ ခုအထိ ဒီထက်ညံ့ပါအုံးမယ်။ အဲဒါလေးကို နားလည်ကြပါ။"

အရှင်ဇနကာဘိဝံသ
၁၇၊ ၄၊ ၁၉၇၃ ပဋ္ဌာန်းတရားတော်မှ ကောက်နုတ်ချက်
ဆက်လက်ဖတ်ရှုရန်

ကြက်ငယ်ဥပမာ

ဆက်လက်ဖတ်ရှုရန်

Suffering

There are many people who have enormous suffering, and don’t know how to handle it. For many people, it starts at a very young age. So why don’t schools teach our young people the way to manage suffering? If a student is very unhappy, he can’t concentrate and he can’t learn. The suffering of each of us affects others. The more we learn about the art of suffering well, the less suffering there will be in the world.

စိတ်မချမ်းမြေ့မှုကို အကြီးအကျယ် ခံစားနေကြရတဲ့သူတွေ များစွာရှိနေပါတယ်။ ဒါကို ဘယ်လိုကိုင်တွယ်ဖြေရှင်းရမယ်ဆိုတာကိုလည်း မသိကြဘူး။

လူတော်တော်များများမှာ ဒီလို စိတ်မအေးချမ်းမှုဟာ အသက်ခပ်ငယ်ငယ် အရွယ်လောက်ကတည်းက စတင်ခံစားနေကြရပါတယ်။

ဒို့ ရဲ့ ငယ်ရွယ်နုပျိုတဲ့ လူငယ်လေးတွေကို ဒီခံစားနေရတဲ့ စိတ်မချမ်းမြေ့မှုကိုဘယ်လို ထိန်းချုပ်စီမံနိုင်တယ်ဆိုတဲ့နည်းလမ်းတွေကို ကျောင်းတွေက ဘာလို့ မသင်ပေးကြတာပါလိမ့်။

စိတ်ဆင်းရဲနေတဲ့ ကျောင်းသားတစ်ယောက်ဟာ စိတ်အာရုံကောင်းကောင်းမစူးစိုက်နိုင်သလို၊ ပညာလည်း ကောင်းကောင်း သင်ယူနိုင်မှာ မဟုတ်ဘူး။

တစ်ယောက်စီ၊ တစ်ယောက်စီရဲ့  စိတ်ဆင်းရဲနေမှုဟာ တခြားသူတွေဆီကိုပါ သက်ရောက်မှုရှိနေပါတယ်။

စိတ်မချမ်းမြေ့ မှုအကြောင်းရင်းကို ပိုသဘောပေါက်နားလည်လာလေလေ၊ စိတ်ဆင်းရဲမှုက ပိုလျော့နည်းသက်သာလာလေလေ ဖြစ်လာပါလိမ့်မယ်။

ဆက်လက်ဖတ်ရှုရန်