တန်ဖိုးအရှိဆုံး အမွေ

တကယ်လို့များ တို့ရဲ့ မိဘတွေဟာ တစ်ဦးကို တစ်ဦး နားလည်မပေးနိုင်ကြဘူး၊ မချစ်ကြဘူးဆိုရင် တို့တွေဟာ ချစ်ခြင်းမေတ္တာဟာ ဘယ်လိုမျိုးလဲဆိုတာကို ဘယ်လိုလုပ် သိနိုင်ကြပါ့မလဲ။

မိဘတွေအနေနှင့် သူတို့သားသမီးတွေအတွက် အကောင်းဆုံး၊ တန်ဖိုးအရှိဆုံး ပေးနိုင်တဲ့အမွေဆိုတာဟာ သူတို့နှစ်ဦးရဲ့  စိတ်ချမ်းသာပျော်ရွှင်မှုသာ ဖြစ်ပါတယ်။

တို့ရဲ့  မိဘတွေက တို့တွေအတွက် ငွေကြေးဓနတွေ၊ အိမ်တွေ၊ မြေတွေကို အမွေအဖြစ် ချန်ထားကောင်း ချန်ထားပေးခဲ့နိုင်ပေမယ့် တို့တွေဟာ ပျော်ရွှင်ချမ်းမြေ့တဲ့သူတွေ ဖြစ်ကောင်းမှ ဖြစ်လာနိုင်ပါမယ်။

တကယ်လို့များ စိတ်နှလုံးပျော်ရွှင်ချမ်းမြေ့စွာနေတတ်ကြတဲ့ မိဘတွေကိုသာ ပိုင်ဆိုင်ခွင့်ရမယ်ဆိုရင် ဒါဟာ သားသမီးတွေအဖို့တော့ မိဘတွေဆီကနေ အကောင်းဆုံး ရလိုက်တဲ့ တန်ဖိုးအရှိဆုံး အမွေပါပဲ။

Thich Nhat Hanh

ဆက်လက်ဖတ်ရှုရန်

စစ်မှန်တဲ့မေတ္တာ

တခါတလေ ကိုယ်ခံစားနေရတဲ့ စိတ်ဆင်းရဲမှုတွေ၊ စိတ်ပင်ပန်းမှုတွေကနေ အာရုံလွှဲချင်တာနှင့် တခြားသူတစ်ယောက်ယောက်အပေါ် တကယ် နားလည်မပေးနိုင်ပဲ၊ မေတ္တာမထားနိုင်ပါပဲနဲ့ ခင်မင်တွယ်တာချစ်ခင်လေဟန် ပြုမူဆက်ဆံမိတတ်ကြတယ်။

တကယ် ကိုယ့်ကိုယ်ကို နားလည်နိုင်လာတဲ့အခါ၊ ချစ်ခင်မေတ္တာထားနိုင်လာတဲ့အခါ၊ စစ်မှန်တဲ့ ကရုဏာတရားတွေ ထားနိုင်လာတဲ့ အခါကျမှသာ တခြားသူတစ်ယောက်အပေါ်မှာလည်း စစ်မှန်တဲ့ မေတ္တာနှင့် နားလည်မှုကို ပေးနိုင်လာပါလိမ့်မယ်။

Thich Nhat Hanh

ဆက်လက်ဖတ်ရှုရန်

အထီးကျန်

တခါတလေ ဘ၀ဟာ ဘာမှမရှိပဲ တစ်ခုခုလိုနေသလိုမျိုး ဖြစ်နေတတ်တယ်၊ ဟာလာဟင်းလင်း ဖြစ်နေတယ်။ ကြီးကြီးမားမား တစ်ခုခု ဆုံးရှုံးထားရသလိုမျိုး ဖြစ်နေတတ်တယ်။ အကြောင်းရင်းလည်း ရှာလို့မရဘူး။ မပြတ်မသား မှုံဝါးဝါးနှင့် နားလည်ရခက်နေတယ်။ ဒါပေမယ့် ဒီလို ဟာလာဟင်းလင်း ခံစားရမှုဟာ စိတ်ထဲမှာ တအားပြင်းထန်လို့နေတယ်။

ဒီလို စိတ်ထဲက ပြင်းပြင်းထန်ထန် အထီးကျန်သလို ခံစားနေရတာကို သက်သာသွားစေဖို့ ပိုကောင်းတာတစ်ခုခုဖြစ်လာမလားရယ်လို့ မျှော်လင့်တောင့်တမိတတ်တယ်။

ကိုယ့်ကိုယ်ကို နားလည်ချင်လာတဲ့ဆန္ဒနှင့် ဘ၀ကို နားလည်ချင်လာတဲ့ဆန္ဒတွေဟာ ကြီးမားတဲ့ ဆာလောင်မွတ်သိပ်မှုတွေ ဖြစ်လာကြတယ်။

တစ်ယောက်ယောက်အပေါ်မှာ ချစ်ခင်တွယ်တာချင်လာတဲ့စိတ်နှင့် တစ်ယောက်ယောက်ရဲ့  ချစ်ခင်ဂရုစိုက်မှုကို ခံယူချင်တဲ့ စိတ်ဆန္ဒဟာလည်း မွတ်သိပ်ဆာလောင်လာတယ်။ တစ်ယောက်ယောက်ကို ချစ်လိုက်ဖို့နှင့် အချစ်ခံရဖို့အတွက် အဆင်သင့် ဖြစ်လာတယ်။ ဒါဟာ သဘာဝတစ်ခုပါပဲ။

ဘာ့ကြောင့်ဒီလိုဖြစ်တာလဲဆိုရင် စိတ်ထဲမှာ လစ်ဟာသလို ခံစားနေရတဲ့အတွက် ကိုယ့်ရဲ့  အချစ်စိတ်ကျက်စားနိုင်ဖို့ အာရုံတစ်ခုကို ကြိုးစားရှာဖွေလိုက်တာသာ ဖြစ်ပါတယ်။

များသောအားဖြင့်တော့ ကိုယ့်ကိုယ်ကို နားလည်နိုင်ဖို့ အချိန်ကောင်းကောင်း မပေးနိုင်ခင်မှာပဲ ကိုယ့်ရဲ့  အချစ်စိတ် အာရုံကျက်စားနိုင်ဖို့ တစ်စုံတစ်ယောက် ကိုတော့ ရှာတွေ့ပြီးသား ဖြစ်နေတတ်တယ်။

ဒါပေမယ့်လည်း ကိုယ်မျှော်လင့်ထားသလို၊ တောင့်တထားသလို ကိုယ်ရဲ့  စိတ်အတွင်းထဲက လစ်ဟာခံစားနေရမှု၊ တစ်ခုခုလိုအပ်သလိုဖြစ်နေရမှုကို အဲဒီ တစ်စုံတစ်ယောက်သောသူက မဖြည့်ဆည်းပေးနိုင်တာကို နားလည်သဘောပေါက်လာတဲ့အချိန်မှာတော့ အရင်အတိုင်းပဲ စိတ်ဟာလာဟင်းလင်း ဖြစ်တဲ့ပြဿနာက ပြန်ပေါ်လာပြီး အရင်ထက် ပိုကောင်းနိုင်မယ့် နောက်ထပ် တစ်ခုခုကို ထပ်ရှာချင်လာပြန်တယ်။ ဒါပေမယ့် ဘာကိုရှာရမယ်မှန်းလည်း သေသေချာချာ မသိဖြစ်နေတတ်ပြန်တယ်။

လူတိုင်းမှာ ဒီလိုအပ်ချက်နှင့် မျှော်လင့်တောင့်တမှုဟာ စိတ်အတွင်းတစ်နေရာမှာ အမြဲလို ဖြစ်ပေါ်ခံစားနေကြရတယ်။ အခုအခြေအနေထက် ပိုကောင်းတာ တစ်ခုခုဖြစ်လာဖို့ကို မျှော်လင့်တောင့်တနေမိတတ်ကြတယ်။

ဒါကြောင့်လည်း နေ့တိုင်း မကြာခဏဆိုသလို အီးမေးလ်စစ်ဖြစ်တယ်။ (Facebook ခဏခဏ ကြည့်ဖြစ်နေကြတယ်။)

Thich Nhat Hanh

ဆက်လက်ဖတ်ရှုရန်

ခွင့်လွှတ်တယ်

ခဏလောက် တရားအားထုတ်ကြရအောင်။

အရင်ဆုံး အသက်ရှူတာလေးမှာ စိတ်ကို စူးစိုက်ထားမယ်။ ခန္̕ဓာကိုယ်ကို သက်တောင့်သက်သာ ဖြစ်အောင် ထိုင်မယ်။ လက်တွေ၊ ခြေထောက်တွေနှင့် မျက်နှာကို သက်တောင့်သက်သာ ဖြစ်အောင် ထားမယ်။ ခန္ဓာကိုယ်နှင့် စိတ်ကို သက်သာသလိုလေး ထားဖို့ အရေးကြီးပါတယ်။ နှစ်သက်တဲ့ ပုံစံနှင့် ထိုင်လို့ရပါတယ်။ ဒါပေမယ့် အသက်သာဆုံး ပုံစံမျိုး ဖြစ်အောင်တော့ကြိုးစားပြီး ထိုင်ပါ။ မျက်လုံးတွေ၊ နှုတ်ခမ်းတွေ၊ လျှာတွေ၊ မျက်နှာတွေကို သက်တောင့်သက်သာဖြစ်အောင်လို့ လျှော့ချထားပြီး အသက်ကို မှန်မှန်လေး သဘာဝအတိုင်းရှူနေပါ။ အသက်ရှူတာကို တမင်ထိန်းပြီး မရှူပါနဲ့။ သက်သက်သာသာနှင့် ပုံမှန်လေး ရှူနေပါ။

အသက်ရှူသွင်း၊ ရှူထုတ်တာမှာ သတိကို ကပ်ထားပါ။ အသက်ရှူသွင်းလိုက်တဲ့အခါမှာ လေစစရှူတာကနေ လေရှူသွင်းတာဆုံးသွားတဲ့အထိ သတိကို အပြည့်ကပ်ပြီး သိနေပါ။ လေပြန်ရှူထုတ်တဲ့အခါမှာလည်း အစကနေ အဆုံးအထိ သိနေလိုက်ပါ။ နှာသီးဝလေးမှာ သတိကို ကပ်ထားပါ။

အတွေးတစ်ခုခုဝင်လာတဲ့အခါမှာ ညှင်ညှင်သာသာလေး ၀င်လာတဲ့အတွေးတွေကို စောင့်ကြည့်ပြီး သိပေးပါ။ ပြီးရင်တော့ အသက်ရှူနေတဲ့ဆီကို သတိကို ညှင်ညှင်သာသာလေး ပြန်ပို့လိုက်ပါ။

အခု ကိုယ်က နာကြင်အောင် လုပ်ခဲ့ဖူးတဲ့သူ တစ်ယောက်ယောက်အကြောင်းကို စဉ်းစားလိုက်ပါ။ နာကြင်အောင် ဆိုတဲ့နေရာမှာ သူ့ကို နာကြင်ထိခိုက်သွားအောင် ပြောဆိုခဲ့တာ၊ မျက်လုံးတွေနှင့် ကြည့်ခဲ့တာတွေကအစ ပါပါမယ်။ သူ ဘယ်လို နာကြင်ခဲ့ရမယ်၊ ဘယ်လို ခံစားခဲ့ရမယ် ဆိုတာကို တွေးကြည့်လိုက်ပါ။

ဒီလိုစဉ်းစားနေတဲ့အချိန်မှာ တစ်ဘက်ကလည်း စိတ်ကို အတတ်နိုင်ဆုံး အေးချမ်းနေအောင် ထားထားပါ။ စိတ်ထဲကနေ အဲဒီလူကို ရိုးရိုးသားသားနှင့် “ငါမှားသွားခဲ့ပါတယ်။ ငါ့ကို ခွင့်လွှတ်ပါ။” လို့ စိတ်ကူးထဲကနေ ပြောလိုက်ပါ။ တကယ်လို့ အဲဒီလိုမျိုး မပြောနိုင်သေးရင်လည်း ကိစ္စမရှိပါဘူး။ ဒီလို မတောင်းပန်နိုင်သေးဘူးဆိုတာလေးကိုပဲ ကိုယ့်ဖာသာ သိပြီး လက်ခံလိုက်ပါ။ ဒီလူနှင့် ပြဿနာဖြစ်ခဲ့တာဟာ သိပ်မကြာသေးခင်အချိန်တုန်းက ဖြစ်ခဲ့တာ ဖြစ်ချင်ဖြစ်မယ်။ ဒါမှမဟုတ် လွန်ခဲ့တဲ့ အနှစ်နှစ်ဆယ်၊ သုံးဆယ်လောက်က ဖြစ်ခဲ့တာလည်း ဖြစ်ချင်ဖြစ်မယ်။

ဒီလူအကြောင်းကို စဉ်းစားပြီး နူးနူးညံ့ညံ့၊ ရိုးရိုးသားသား စိတ်နှင့် “ငါမှားသွားခဲ့ပါတယ်။ ငါ့ကို ခွင့်လွှတ်ပါ။” လို့ ပြောပါ။ ဒီလိုစိတ်ထဲကနေ ရိုးရိုးသားသားနှင့် တောင်းပန်လိုက်တဲ့အခါမှာ စိတ်ထဲမှာ ဘယ်လို ခံစားရလဲဆိုတာကို ကြည့်ကြည့်ပါ။ စိတ်ထဲမှာ နေရာပိုထွက်လာသလိုမျိုး ဖြစ်တာကို တွေ့ရလိမ့်မယ်။ ဒီလို စိတ်ထဲမှာ နေရာလွတ်သွားသလို ဖြစ်သွားပြီဆိုရင် စ်ိတ်ကို အသက်ရှူနေတာလေးမှာ တခါပြန်ပြီး သတိကပ်ပေးလိုက်ပါ။ စိတ်ထဲမှာ အေးချမ်းမှုနှင့် ငြိမ်းချမ်းနေပါစေ။

အခုတခါ ကိုယ့်ကို နာကြင်အောင် လုပ်ခဲ့ဖူးတဲ့ တစ်ယောက်ယောက်အကြောင်းကို စဉ်းစားလိုက်ပါ။ စိတ်ထဲ ဘယ်လိုခံစားရလဲ။ နာကြင်မှုကို ခံစားလာရမယ်။ မတရားအလုပ်ခံခဲ့ရလို့ ဒေါသတွေ ဖြစ်လာမယ်။ ဘာ့ကြောင့် သူက ငါ့ကို ဒါမျိုးလုပ်ခဲ့ရတာလဲ။ ငါ့ကို ဒီလိုမျိုး လုပ်ခဲ့ရတဲ့ အကြောင်းက ဘာလဲဆိုတာကို ကြည့်ပါ။ ဒါကို မတရားဘူးလို့ ခံစားရမယ်။ အနိုင်ကျင့်ခံလိုက်ရတယ်လို့ ခံစားရမယ်။ ကိုယ့်ဖာသာ စိတ်ထဲကနေ “ငါဟာ စိတ်ဓါတ် ခိုင်မာသူ တစ်ယောက် ဖြစ်တယ်။” လို့ ပြောပါ။ “ငါဟာ စိတ်ဓါတ် ခိုင်မာတဲ့သူ၊ နားလည်ပေးနိုင်စွမ်း၊ ခွင့်လွှတ်နိုင်စွမ်း ရှိတဲ့သူဖြစ်တယ်။ ငါ မင်းကို ခွင့်လွှတ်တယ်။ ခွင့်လွတ်ခြင်းကို ငါရွေးချယ်တယ်။” လို့ စိတ်ထဲကနေ ပြောလိုက်ပါ။

အခုဒီတခါတော့ ကိုယ့်ကိုယ်ကို ခွင့်လွှတ်ရမယ့် အချိန်ရောက်ပြီ။ ကိုယ့်အကြောင်းကို ကိုယ့်ဖာသာ စဉ်းစားကြည့်ပါ။ ကိုယ်လုပ်ခဲ့မိပြီး ကိုယ့်ဖာသာ ခွင့်မလွှတ်နိုင်တဲ့ကိစ္စတွေကို စဉ်းစားကြည့်လိုက်ပါ။ ကောင်းကောင်းမွန်မွန် မလုပ်ခဲ့မိတဲ့အတွက် ကိုယ့်ကိုယ်ကို အပြစ်တင်နေတာတွေ၊ မအောင်မြင်ခဲ့တဲ့အတွက် အပြစ်တင်နေတာတွေ၊ ခွင့်မလွှတ်နိုင်ဖြစ်နေလို့ ကိုယ့်ကိုယ်ကို ပြန်ပြီး အပြစ်တင်နေတာတွေ အားလုံးကို စဉ်းစားပါ။

သိမ်မွေ့အေးချမ်းနေတဲ့ စိတ်နှင့် ကိုယ့်အကြောင်းကို စဉ်းစားပြီး ကိုယ့်ဖာသာပြောလိုက်ပါ။

“ငါ့ကိုယ်ငါ ခွင့်လွှတ်ပါတယ်။ အခု “ငါ” ဖြစ်နေတဲ့ ငါ့ကိုငါကို ချစ်ပါတယ်။”

ဒီလိုမျိုးပြောလိုက်တဲ့အခါ စိတ်ထဲမှာ ဘာဖြစ်သွားလဲ ကြည့်ကြည့်ပါ။ ဒီလိုပြောလိုက်တာကို လက်ခံလို့ရလား။

ငါဟာ လေ့လာသင်ယူဖို့၊ နားလည်လက်ခံဖို့အတွက် အခု ဒီနေရာကို ရောက်နေတယ်။
ငါအပါအ၀င် အားလုံးကို သည်းခံခွင့်လွှတ်ဖို့အတွက် ဒီနေရာကို ရောက်နေတယ်။
ငါ့မှာ တခြားပိုပြီးတော့ အရေးကြီးတာတွေ လုပ်ဖို့ ရှိနေသေးတယ်။
ငါဟာ လွတ်လပ်မှုဆီရောက်ဖို့အတွက် ရှေ့ ကို တက်လှမ်းနေတဲ့သူဖြစ်တယ်။
အားလုံးအပေါ် နားလည်ခွင့်လွှတ်လိုက်ခြင်းဖြင့် ငါဟာ အားလုံးကို လွတ်လပ်ခွင့် ပေးလိုက်တယ်။
ငါလက်ရှိရောက်နေတဲ့ အခြေအနေအတွက် ဘယ်သူ့အပေါ်မှာမှ အပြစ်ပုံမချဘူး၊ တာဝန်မခံစေဘူး။
ငါ့ဘ၀ကိုငါ လွတ်လွတ်လပ်လပ်နှင့် နေထိုင်မယ်။
ငါ့ရဲ့  စိတ်ဓါတ်အရည်အသွေးမြင့်မားတိုးတက်မှုအတွက် ငါဟာ လွတ်လပ်နေတဲ့သူ ဖြစ်တယ်။
ငါဟာ စိတ်ဓါတ် ကြီးမြတ်တဲ့သူဖြစ်တယ်။
ငါဟာ စိတ်ဓါတ်ခိုင်မာတဲ့သူဖြစ်တယ်။
ငါဟာ သဒ္ဓါတရား အားကောင်းတဲ့သူဖြစ်တယ်။
ငါဟာ ခွင့်လွတ်နိုင်တဲ့သူဖြစ်တယ်။

စိတ်ကလေး ငြိမ်းချမ်းနေတဲ့အခါမှာ ကိုယ့်စိတ်ကို လိုသလို ညွှန်ကြားလို့ရတယ်။ ဒါကြောင့် စိတ်ကို ကောင်းတဲ့ ကုသိုလ်တရားတွေဘက်မှာပဲ ပျော်မွေ့နိုင်အောင် ထိန်းကြောင်း ညွှန်ကြားနိုင်တဲ့ အနည်းဆုံးလိုအပ်တဲ့ စိတ်အေးချမ်းမှုနှင့် ငြိမ်းချမ်းမှု အခြေအနေ၊အတိုင်းအတာတစ်ခု ရှိနေအောင် ပြုစုပျိုးထောင်ထားဖို့ အရေးကြီးပါတယ်။

Ven Sayadaw U Jotika
(From Forgiveness)

(အင်္ဂလိပ်လိုရေးထားတဲ့ ဆရာတော့်တရားကို မြန်မာလို ဆီလျှော်အောင် ဘာသာပြန်ဆိုထားတာဖြစ်လို့ အမှားအယွင်း တစ်စုံတစ်ရာ ပါခဲ့ပါလျင် ကျွန်တော့်ရဲ့  ဘာသာပြန် ချို့ ယွင်းအားနည်းမှုသာ ဖြစ်ကြောင်း အသိပေးတောင်းပန်အပ်ပါတယ်။)

ဆက်လက်ဖတ်ရှုရန်

သတိနှင့်နေထိုင်ခြင်း

ငြိမ်ငြိမ်လေး ထိုင်ပြီး တရားမှတ်နေတဲ့ အချိန်တစ်ခုတည်းမှာသာ ငြိမ်းငြိမ်းချမ်းချမ်းနှင့် သတိကပ်ပြီး နေလို့ရတာမျိုး မဟုတ်ပါဘူး။ မတ်တပ်ရပ်နေတဲ့အချိန်၊ လှဲလျောင်းနေတဲ့အချိန်၊ လမ်းလျှောက်နေတဲ့အချိန် နှင့် အလုပ်လုပ်နေရတဲ့ အချိန်တွေမှာတောင် စိတ်ကို ငြိမ်းချမ်းအောင်ထားထားလို့ရပါတယ်။ ဘယ်လိုအရာကများ သတိဆိုတဲ့ အလင်းနေရောင်ခြည်ကို လမ်းလျှောက်နေတဲ့အချိန်၊ လက်ဖက်ရည်၊ ကော်ဖီ ဖျော်နေတဲ့အချိန်၊ အ၀တ်လျှော်နေတဲ့အချိန်မျိုးတွေမှာ ၀င်လာလို့မရအောင် တားထားနိုင်မှာလဲ။

ဘုန်းကြီးကျောင်းမှာ ကိုရင်အဖြစ်နှင့် စရောက်တဲ့ အချိန်တွေတုန်းက ဥယျဉ်ထဲက အပင်တွေကို ပေါင်းသင်ရတာ၊ ကန်ပတ်လည်တစ်လျှောက် သစ်ပင်ပေါ်က သစ်ရွက်တွေကို သပ်ရပ်အောင်လို့ ဖြတ်ရတာ၊ မီးဖိုချောင်ထဲက ပန်းကန်တွေကို ဆေးရတာ စတဲ့ လုပ်ဆောင်မှုတိုင်းမှာ သတိနှင့် လုပ်တတ်ဖို့ကို လေ့ကျင့်ခဲ့ရပါတယ်။ နေ့စဉ်သတိနှင့်လုပ်ဆောင်တတ်ဖို့ ပြဋ္ဌာန်းထားတဲ့ သင်ရိုးစာအုပ်လေးအတိုင်း လေ့ကျင့်ခဲ့ရတယ်။ ဒီစာအုပ်လေးက ညွှန်ကြားတဲ့အတိုင်း လှုပ်ရှားမှုတိုင်းမှာ သတိလိုက်ကပ်ပေးရတယ်။ အိပ်ယာက နိုးနိုးချင်း နိုးပြီဆိုတာကို သိပေးရတယ်။ အင်္ကျီကို ကြယ်သီးတပ်နေတဲ့အချိန်မှာဆိုရင် ကြယ်သီးတပ်နေတာကို သိနေရတယ်။ လက်တွေကို သန့်ရှင်းအောင် ဆေးကြောနေချိန်မှာလည်း လက်ဆေးနေတာလေးကို သိနေရတယ်။ ဒီလို လက်ဆေးနေတဲ့အချိန်၊ ကြယ်သီးတပ်နေတဲ့အချိန်တွေမှာ သတိပိုခိုင်မြဲအောင်လို့ သင်ရိုးစာအုပ်လေးထဲမှာပါတဲ့ လှုပ်ရှားမှုတစ်ခုစီတိုင်းနှင့် သက်ဆိုင်တဲ့ လင်္ကာအတိုလေးတွေကို လိုက်ပြီး ပါးစပ်ကနေ ရွတ်ဆိုပေးရတယ်။

ဥပမာအနေနှင့် အင်္ကျီကြယ်သီးတပ်နေတဲ့အချိန်မှာ ဒီကဗျာလေးကို ရွတ်ရတယ်။

အင်္ကျီကြယ်သီး တပ်နေချိန်
အားလုံး သတ္တ၀ါတွေ
စိတ်နှလုံး နွေးထွေးလုံခြုံ ရှိကြပါစေ။

ဒီလို ကဗျာလင်္ကာလေးတွေရဲ့  အကူအညီနှင့်ပဲ သတိအလင်းရောင်ဟာ ခန္ဓာကိုယ်ရဲ့  လှုပ်ရှားမှုတွေမှာသာမကပဲ အတွေးတွေနှင့် စိတ်ခံစားမှုတွေအပေါ်မှာပါ လွယ်လွယ်ကူကူနှင့် ဖြာကျလာစေခဲ့ပါတယ်။

ငယ်ငယ်တုန်းက အမေက အမတွေကို မိန်းခလေးဆိုတာ သွားလာလှုပ်ရှားမှုတိုင်းမှာ သတိထားပြီး လုပ်ရမယ်လို့ ဆုံးမတာမျိုးကို ခဏခဏကြားရတတ်တယ်။ ဒီလို အမေက အမတွေကို ဆုံးမတဲ့အခါမျိုးမှာ ငါတော့ယောကျာ်းလေးဖြစ်နေလို့ သူတို့တွေလိုမျိုး သတိထားနေစရာမလိုဘူးလို့ တွေးပြီး ၀မ်းသာခဲ့ရဖူးတယ်။ ဒါပေမယ့် တရားကို စပြီး အားထုတ်တတ်တဲ့ အချိန်ရောက်လာတော့မှ ကိုယ့်ရဲ့  လှုပ်ရှားမှုတွေအပေါ်မှာ ထားရတဲ့သတိဟာ အမတွေ ထားခဲ့ရတဲ့ သတိထက် အဆရာထောင်မက ပိုပြီး ပေးရတယ်ဆိုတာကို သဘောပေါက်ခဲ့ရတော့တယ်။ လှုပ်ရှားမှုတွေမှာသာ မကပါဘူး၊ ကိုယ့်ရဲ့  အတွေးတွေနှင့် ခံစားမှုတွေ အပေါ်မှာပါ သတိက လိုက်ပြီး ထားပေးရပါတယ်။

လှုပ်ရှားမှုတိုင်းမှာ သတိလေးနှင့် လုပ်နေတဲ့ မိန်းခလေးတစ်ယောက်ဟာ ပိုပြီး ဣနြေ္ဒရလာတယ်၊ကျက်သရေရှိလာတယ် ဆိုတာကို အမေတွေက သိထားကြတယ်။ သူ့ရဲ့  လှုပ်ရှာမှုတွေဟာ ဟော့ဟော့ရမ်းရမ်း မဖြစ်တော့ဘူး၊ ပျာရိပျာယာမဖြစ်တော့ဘူး။ ဒီမိန်းခလေးဟာ သိမ်မွေ့ အေးချမ်းပြီး ကျက်သရေရှိလာတော့တယ်။ တကယ်တော့ အဲဒီအချိန်တွေတုန်းက အမေဟာ သတိမထားမိပဲ အမတွေကို တရားအားထုတ်နည်းစနစ်ကို သင်ကြားပေးနေခဲ့တာသာ ဖြစ်ပါတယ်။

ဒီနည်းအတိုင်းပါပဲ။ တစုံတစ်ယောက်ဟာ သတိနှင့် နေထိုင်တဲ့နည်းစနစ်ကို လေ့ကျင့်နေပြီဆိုရင် သူ့ကိုမြင်ရကြည့်ရတာဟာ အလွန်ကိုပဲ ကျက်သရေရှိလှပါတယ်။ တရားပြဆရာလုပ်သူအနေနှင့် မိမိတပည့်ရဲ့  တရားအဆင့်ကို သိဖို့အတွက်ဆိုရင် သူ ဘယ်လို ခေါင်းလောင်းထိုးနေသလဲ၊ တံမြက်စည်းကို ဘယ်လိုလှည်းနေသလဲ၊ စားသောက်ဖို့အတွက် စားပွဲဘယ်လိုပြင်ဆင်နေသလဲဆိုတာမျိုးတွေကို ကြည့်ပြီး ခန့်မှန်းသိရှိနိုင်ပါတယ်။ ဒီလှုပ်ရှားမှုပုံစံတွေဟာ သတိကိုလေ့ကျင့်ပျိုးထောင်ရာကနေ ထွက်ပေါ်လာတဲ့ သူ့ရဲ့  တရားရင့်ကျက်မှု အခြေအနေ (သို့မဟုတ်) သတိနှင့် နေထိုင်ခြင်းရဲ့  အသီးအပွင့်အနှစ်အရသာပဲဖြစ်ပါတယ်။

Thich Nhat Hanh
(From "The Sun My Heart")
ဆက်လက်ဖတ်ရှုရန်

ပျက်စီးခြင်းတရားနှင့် လူ့သဘာဝ

ဗုဒ္ဓဘာသာဝင်တွေ သြကာသကန်တော့ချိုးနှင့် ဘုရားရှိခိုးကြတဲ့အခါမှာ ရွတ်ဆိုဆုတောင်းကြတဲ့ ဗျသနတရား (၅)ပါး ကို အားလုံး သိထားကြမှာပါ။ မြန်မာလိုအဓိပ္ပါယ်ပြန်ရင်တော့ ပျက်စီးခြင်း (၅)ပါး ဖြစ်ပါတယ်။ ဘာတွေလဲဆိုတော့ 

၁။ ဉာတိဗျသန = ဆွေမျိုးပျက်စီးခြင်း။
၂။ ဘောဂဗျသန = စည်းစိမ်ပျက်စီးခြင်း။
၃။ ရောဂဗျသန = ရောဂါနှိပ်စက်၍ပျက်စီးခြင်း။
၎။ ဒိဋ္ဌိဗျသန = အယူလွဲမှား၍ပျက်စီးခြင်း။
၅။ သီလဗျသန = အကျင့်သီလပျက်စီးခြင်း။

တို့ ဖြစ်ပါတယ်။ ဒီတရား ငါးပါးဘေးကနေ ကင်းလွတ်ခွင့်ရဖို့ ဗုဒ္ဓဘာသာဝင်များ ဘုရားရှိခိုးရင်း ဆုတောင်းတတ်ကြပါတယ်။

ဒါပေမယ့်လည်း လူရယ်လို့ဖြစ်လာပြီဆိုရင် ဒီပျက်စီးခြင်း (၅)ပါး ဘေးကနေ လွတ်ကင်းဖို့ဆိုတာ တကယ်တော့ မဖြစ်နိုင်ပါဘူး။

လူတိုင်း ဆွေမျိုးပျက်စီးခြင်းဆိုတဲ့ဘေးကို တစ်နေ့မဟုတ် တစ်နေ့ မလွဲမသွေ ရင်ဆိုင်ကြရမှာပါပဲ။ မိခင်၊ ဖခင်၊ ညီအကို၊ မောင်နှမတွေ၊ ချစ်ခင်ရတဲ့ ဆွေမျိုးတွေနှင့် သေကွဲကွဲကြရမှာကို တစ်နေ့နေ့ တစ်ချိန်ချိန်မှာ လူတိုင်း ကြုံကြရမှာပါ။ ရှောင်လွှဲလို့ မရနိုင်ပါဘူး။

ကိုယ်ရှာဖွေစုဆောင်းထားတဲ့ စည်းစိမ်ဥစ္စာတွေ၊ ပိုင်ဆိုင်မှုတွေ ဆိုတာဟာလည်း ရန်သူမျိုးငါးပါးဘေးရန်ကြောင့် ပျက်စီးဆုံးရှုံးသွားရတာမျိုးပဲဖြစ်ဖြစ်၊ ဒါမှမဟုတ်ရင်တောင် နောက်ဆုံး ကိုယ်သေရတော့မယ်ဆိုတဲ့အချိန်မှာ အားလုံးကို ချန်ထားခဲ့ရမှာပါပဲ။ အမြဲတမ်း ကိုယ်နှင့် မခွဲမခွာ ဆောင်ထားလို့ မရနိုင်ပါဘူး။

အနာရောဂါကြောင့် ပျက်စီးရတယ် ဆိုတာဟာလည်း အထူးပြောနေစရာလိုမယ်မထင်ပါဘူး။ လူ့သက်တမ်းတစ်လျှောက်မှာ တစ်ကြိမ်မဟုတ် တစ်ကြိမ် ကျန်းမာရေးမကောင်းကြလို့ ဆေးရုံဆေးခန်းပြရ၊ ဆေးတွေသောက်ရနှင့် တစ်သက်လုံး ခန္ဓာကိုယ်ကို ဂရုတစိုက် စောင့်ရှောက်နေကြတာတောင် နောက်ဆုံး သေဖို့အချိန်တန်လာရင် ဘယ်လိုမှ ကုလို့မပျောက်တော့ပဲ သေကြရမှာ အားလုံး အသိပါပဲ။

ဒီပျက်စီးခြင်း(၃)မျိုးထဲက တစ်ခုခုနှင့် ကြုံလာကြပြီဆိုရင် လူအများစုဖြစ်တတ်တာကတော့ စိုးရိမ်ပူပန်မှုတွေ ဖြစ်တတ်ကြတယ်။ ငိုကြွေးတတ်ကြတယ်။ ဆောက်တည်ရာမရဖြစ်တတ်ကြတယ်။ ဒါပေမယ့်လည်း ဒီပျက်စီးမှု (၃) မျိုးလုံးဟာ ကိုယ်က ပြုပြင်စီမံလို့မရပဲ သဘာဝနှင့် ကံအကျိုးပေးတရားတွေကြောင့် ဖြစ်လာကြတာမို့ ဘယ်သူမှ ရှောင်လွှဲလို့ မရသလို မဆုံပါရစေနှင့်လို့ ဆုတောင်းနေလို့လည်း ဆုတောင်း မပြည့်နိုင်ပါဘူး။ တစ်နေ့နေ့ တစ်ချိန်ချိန်မှာ လူတိုင်း ကြုံတွေ့ကြရမှာ ကျိန်းသေပါပဲ။

ကိုယ့်ရဲ့  စဉ်းစားတွေးခေါ်နိုင်တဲ့ ဉာဏ်ရည် မပြည့်စုံမှု၊ ဆရာတင်မှားမှု၊ မိရိုးဖလာအစွဲအလန်းကြီးမှု၊ တယူသန်မှု စတာတွေကြောင့် ဘ၀မှာ သတိမထားမိပဲ အတွေးအခေါ်အယူအဆ လွဲမှားမှုဆိုတာမျိုး ဖြစ်တတ်ကြပါတယ်။ ဒီလို အယူလွဲမှုကြောင့် လောကီ၊ လောကုတ် အဘက်ဘက်မှာ အကျိုးယုတ်လျှော့ပျက်စီးရမှုဒဏ်ကို ခံစားရတတ်ပါတယ်။ မကောင်းတာကို ကောင်းတယ်ထင်ပြီး စွဲစွဲမြဲမြဲ လုပ်နေမိတတ်ပါတယ်။ တခါတလေလည်း တချိန်ချိန်မှာ မကောင်းတာ ဖြစ်လာမယ်မှန်း သိသိနှင့် လတ်တလောကောင်းနေတဲ့အပေါ်မှာ သာယာပြီး လုပ်နေမိတတ်တာမျိုးလည်း ရှိနေတတ်ပါသေးတယ်။

သီလမှာ ရှောင်ရမယ့် သီလနှင့် ဆောင်ရမယ့်သီလ ဆိုပြီး နှစ်ပိုင်းရှိပါတယ်။ များသောအားဖြင့်တော့ လူတွေက ရှောင်ရမယ့် သီလလောက်ကိုသာ အပြောများတတ်ပါတယ်။ သီလကို ရှောင်ရမယ့် သီလတစ်ခုတည်းပဲ ပြောမယ်ဆို မပြည့်စုံနိုင်ပါဘူး။ ဆောင်ရမယ့် သီလကိုလည်း လိုက်နာကျင့်ဆောင်ဖို့ လိုအပ်ပါသေးတယ်။ ဗုဒ္ဓအဆုံးအမတော်အရပြောမယ်ဆိုရင် ငါးပါးသီလဆိုတာ လူတိုင်း ဘယ်သူမဆို ရှောင်ရမယ့်သီလမျိုး ဖြစ်ပါတယ်။ မိဘကျင့်ဝတ်၊ သားသမီးကျင့်ဝတ်၊ ဆရာ့ဝတ်၊ တပည့်ဝတ်တွေဆိုတာက ဆောင်ရမယ့် သီလတွေဖြစ်ပါတယ်။ ယဉ်ကျေးတဲ့ လူ့အသိုင်းအ၀ိုင်းဖြစ်ဖို့အတွက် ခေတ်အခြေအနေ၊ ဓလေ့ထုံးစံတွေနှင့် ညှိပြီး လူအများသဘောတူ သတ်မှတ်ထားတဲ့ ပြည်သူ့နီတိလိုမျိုး၊ ယာဉ်စည်းကမ်း၊ လမ်းစည်းကမ်း၊ table manner, media ethics, business ethics စတာမျိုးတွေလည်း ရှိပါသေးတယ်။ ဒီသီလတွေကို မလိုက်နာဘူး၊ မထိမ်းသိမ်းဘူးဆိုရင် သီလပျက်စီးတာလို့ ပြောရမှာပဲ ဖြစ်ပါတယ်။

ဒီ ပျက်စီးခြင်း (၂) မျိုး မဖြစ်အောင်ကတော့ ကိုယ်တိုင်က သတိထားပြီး ကြိုးစားထိမ်းသိမ်းမယ်ဆိုရင် ဖြစ်နိုင်ပါတယ်။ ကိုယ့်အပေါ်မှာပဲ အဓိကမူတည်ပါတယ်။ ဒီပျက်စီးခြင်း တရား (၂)ပါးနှင့် မကြုံတွေ့ပါရစေနှင့်လို့ ဆုတောင်းနေရုံနှင့် မလုံလောက်ပါဘူး။ ကိုယ်တိုင်က မပျက်စီးအောင် ကြိုးစားထိန်းသိမ်း စောင့်ရှောက်ပေးရမယ့် တရား (၂)မျိုး သာဖြစ်ပါတယ်။

ဆွေမျိုးမိဘတွေ ပျက်စီးဆုံးရှုံးရတဲ့အခါ၊ စည်းစိမ်ဥစ္စာတွေ ပျက်စီးဆုံးရှုံးတဲ့အခါ၊ အနာရောဂါနှိပ်စက်တဲ့အခါမှာ လူတွေ ငိုကြွေးတတ်ကြပေမယ့် အသိအမြင် အယူအဆ လွဲမှားသွားတဲ့အခါ၊ ထိန်းသိမ်းရမယ့် သီလတစ်ပါးပါး ကျိုးပေါက်တဲ့အခါမှာတော့ ငိုတဲ့သူ တစ်ယောက်မှ မရှိတတ်တာ သတိပြုမိကြမှာပါ။ ဒီနေ့တော့ ငါ လိမ်ပြောလိုက်မိလို့ သီလဗျသန ဖြစ်ရလေခြင်းဆိုပြီး ငိုတဲ့သူ မရှိပါဘူး။

ဗုဒ္ဓရဲ့  အဆုံးအမတော်အတိုင်း စဉ်းစားကြည့်မယ်ဆိုရင် မိသားစု ဆွေမျိုးတွေပျက်စီးလို့၊ ပစ္စည်းဥစ္စာတွေပျက်စီးဆုံးရှုံးလို့၊ အနာရောဂါတွေက နှိပ်စက်လို့ ဒီလူအဖို့ အခု ပစ္စုပ္ပန်ခဏမှာ ပူဆွေးသောကကြုံရပေမယ့် သံသရာမှာ မကောင်းတဲ့အကျိုးဆက်ဆိုတာ ဘာမှ ဖြစ်လာနိုင်စရာ အကြောင်း မရှိပါဘူး။ ဒါပေမယ့် အယူလွဲမှားမိပြီ၊ သီလကျိုးပေါက်မိပြီဆိုရင်တော့ ဒီဘ၀မှာရော၊ သံသရာမှာပါ ဆုတ်ယုတ်ဖို့ အကြောင်း လုံလုံလောက်လောက် ရှိသွားပြီ ဖြစ်ပါတယ်။ ကိုယ်သာမက ကိုယ့်ရဲ့  အယူမှားမှု၊ သီလမစောင့်ထိမ်းမှုကြောင့် ကိုယ်နှင့် ထိစပ်ပက်သတ်နေတဲ့ ပတ်ဝန်းကျင်က လူတွေကိုပါ ဒုက္ခဖြစ်စေ၊ အနှောက်အယှက် ဖြစ်သွားစေတတ်ပါတယ်။

ဒါကြောင့် ဗျသနတရား (၅) ပါးကို သေသေချာချာနားလည်သဘောပေါက်ပြီး သြကာသကန်တော့ချိုးမှာ ထည့်ဆိုကောင်းရုံအဆင့်နှင့် တင်းတိမ်ကျေနပ်ရောင့်ရဲမနေကြပဲ ဗုဒ္ဓဘုရားရှင်အလိုတော်ကျဖြစ်အောင် တစ်ပါးချင်းဆီရဲ့  အနက်အဓိပ္ပါယ်ကို သေသေချာချာ နှလုံးသွင်းဆင်ခြင်ပြီး လိုက်နာကျင့်သုံးနိုင်ကြသူများဖြစ်အောင် ကြိုးစားကြဖို့ စေတနာအရင်းခံနှင့် တိုက်တွန်းရေးသားလိုက်ရပါတယ်ခင်ဗျာ။

(ပါချုပ်ဆရာတော်ကြီး၏ တရားတော်မှ တဆင့် သင့်လျှော်သလို ပြန်လည် ကောက်နုတ်ရေးသား ဖော်ပြခြင်း ဖြစ်ပါသည်။)
ဆက်လက်ဖတ်ရှုရန်

မမြဲတဲ့သဘောကို နှလုံးသွင်း၍ နေထိုင်ခြင်း

လူသားများအတွက် မိမိတို့ ဦးနှောက်အသိဉာဏ်နှင့် တွေးခေါ်မြော်မြင်နိုင်သလောက် ဆင်ခြင်စဉ်းစားမှုတွေဟာ အရာရာတိုင်းအတွက် အမြဲမှန်ကန်မှု မရှိနိုင်ပါဘူး။ လူအများစုဟာ ဘာလုပ်သင့်တယ်၊ ဘာတွေဖြစ်လာမယ်ဆိုတာကို သိထားကြပေမယ့် တကယ့်လက်တွေ့မှာတော့ သူတို့ သိထားသလို မလုပ်ဖြစ်တတ်ကြတာများပါတယ်။ ဒါကြောင့် ကိုယ်တကယ်သိထားတဲ့အတိုင်း လက်တွေ့မှာလည်း တကယ်ကျင့်သုံးနိုင်ဖို့ဆိုရင် အလေ့အကျင့်လုပ်ယူမှသာ ဖြစ်နိုင်မှာ ဖြစ်ပါတယ်။

ဥပမာအနေနှင့်ပြောရရင် အရာရာမမြဲဘူးဆိုတာကို လူတိုင်းသိထားကြ၊ လက်ခံထားကြပါတယ်။ ဒါပေမယ့် တကယ့်လက်တွေ့မှာတော့ လူတွေဟာ အရာရာကို မြဲနေသယောင် ပုံစံမျိုး သဘောထားပြီး လုပ်ကိုင်ပြောဆိုဆောင်ရွက်နေတတ်ကြပါတယ်။ တကယ်လို့များ မမြဲခြင်းတရားကို အမြဲ နှလုံးသွင်းဆင်ခြင်နိုင်ကြမယ်ဆိုရင် မိမိကိုယ်တိုင်ရော၊ တခြားသူတွေကိုပါ စိတ်ချမ်းသာမှု ပျက်စီးသွားစေမယ့် လုပ်ဆောင်မှုမျိုးတွေကို လုပ်ဆောင်ကြတော့မှာ မဟုတ်ပါဘူး။ ကိုယ်တိုင်ရော၊ ပတ်ဝန်းကျင်မှာ ရှိတဲ့သူတွေအားလုံးပါ စိတ်နှလုံးအေးချမ်းပျော်ရွှင်စေမယ့် ကိစ္စတွေကိုသာ အတတ်နိုင်ဆုံး ကိုယ်စွမ်းဉာဏ်စွမ်းရှိသလောက် ကြိုးစားလုပ်ဆောင်လာကြမှာ ဖြစ်ပါတယ်။

လူတွေဟာ ကိုယ်ချစ်ခင်ရတဲ့သူတစ်ဦးဦးက ကိုယ့်ကို စွန့်ခွာသွားတဲ့အခါ၊ သို့မဟုတ် ပျက်စီးဆုံးရှုံးမှုကြုံရတဲ့အခါမျိုးတွေမှာ ၀မ်းနည်းပူဆွေးကြ၊ မျက်ရည်ကျတတ်ကြတယ်။ တကယ်တမ်း အဲဒီမိမိချစ်ခင်ရတဲ့သူ ကိုယ့်အနီးမှာရှိနေတဲ့အချိန်တွေမှာတော့ ဒီပုဂ္ဂိုလ်ကို စိတ်ချမ်းသာအောင်၊ ပျော်ရွှင်အောင် ထားဖို့ စိတ်မကူးမိကြဘူး။ သူ့အပေါ် တန်ဖိုးထားရကောင်းမှန်းလည်းမသိကြဘူး။

ဒါကြောင့် မမြဲခြင်း အနိစ္စတရားဆိုတာကို စာသိ သိရုံ၊ တွေးတောကြံစည်ပြီးသိရုံ၊ ပါးစပ်က တဖွဖွ ရွတ်ဆိုတတ်ရုံလောက်နှင့် ကျေနပ်တင်းတိမ်ရောင့်ရဲမနေသင့်ပဲ ဘာဝနာမယဉာဏ်အဆင့်နှင့် နေ့စဉ်ဘ၀မှာ အချိန်တိုင်း မမြဲခြင်းတရားကို နှလုံးသွင်းပွားများပြီး နေထိုင်နိုင်တဲ့ သမာဓိအဆင့်မျိုး ရောက်တဲ့အထိ ကျင့်ကြံကြိုးကုတ် အားထုတ်သင့်လှပါတယ်။

သတိနှင့် ပစ္စုပ္ပါန် အချိန်တိုင်းကို နေနိုင်အောင် ကြိုးစားဖို့ လိုအပ်လှပါတယ်။ တကယ်လို့သာ သတိရှိနေမယ်ဆိုရင် လက်ရှိပစ္စုပ္ပာန်မှာ မိမိနှင့် ထိတွေ့ဆက်ဆံနေရတဲ့ အရာဝတ္ထုတွေအပေါ်၊ လူပုဂ္ဂိုလ်တွေအပေါ်မှာ တန်ဖိုးထားပြီး လေးလေးနက်နက် ထိတွေ့ ဆက်ဆံနိုင်လာပါလိမ့်မယ်။ သတိတရားမှာ ဒီလိုလုပ်ဆောင်နိုင်တဲ့ စွမ်းရည်သတ္တိတွေ ရှိနေပါတယ်။ စိတ်ထဲမှာ သတိရှိနေတဲ့အခါမှာ မိမိလတ်တလော တွေ့ကြုံနေရတဲ့ အခြေအနေအပေါ် အမှန်အတိုင်း သိမြင်သုံးသပ်နိုင်တဲ့ အသိဉာဏ် ဖြစ်ပေါ်လာမှာဖြစ်ပြီး ဒီထက်မကတဲ့ မမြဲတဲ့သဘာဝတရား၊ အရာဝတ္ထုတစ်ခုနှင့်တစ်ခုကြား၊ သက်ရှိတစ်ဦးနှင့်တစ်ဦးကြားအပြန်အလှန် ကျိုးကြောင်းစပ်ဆက်ပတ်သက်နေတဲ့ သဘာဝတရား၊ မိမိအလိုကျမဟုတ်ပဲ သူ့သဘောသူဆောင်နေတတ်တဲ့ သဘာဝတရားတွေကိုပါ သိမြင်နားလည်သဘောပေါက်လာမှာ ဖြစ်ပါတယ်။

ဆရာတော် Thich Nhat Hanh
ဆက်လက်ဖတ်ရှုရန်