ကျောက်တောင်ထက်က မျက်နှာ (၅)

ယခင်နေ့မှ အဆက်

(၅)

ဒီလိုနဲ့ နှစ်တွေကုန်လွန်လာပြီးတဲ့နောက်မှာ အားနက်စ်လေးရဲ့  ကလေးဘ၀လေးဟာလည်း ကုန်ဆုံးသွားခဲ့တယ်။ အခုဆိုရင် သူဟာ လူပျိုပေါက်အရွယ်လူငယ်လေးတစ်ယောက် ဖြစ်လာခဲ့ပါပြီ။ ဒီဒေသမှာ နေထိုင်ကြတဲ့သူတွေက သူ့ကို နဲနဲတော့ စိတ်ဝင်စားကြတယ်။ သူ့မှာ တခြား ထွေထွေထူးထူး သတိပြုမိစရာ ဘာမှမရှိပေမယ့် သူများနှင့်မတူပဲ နေ့တိုင်းအလုပ်ပြီးတာနဲ့  သူတစ်ယောက်ထဲခွဲထွက်သွားပြီး တောင်ထိပ်ဆီက ကျောက်သားမျက်နှာကြီးကို ငေးစိုက်ကြည့်နေတတ်လို့ပါပဲ။ အားလုံးကတော့ ဒါကို ရူးမိုက်မှုတစ်ခုလို့ပဲ ယူဆကြတယ်။ ဒါပေမယ့် အားနက်စ်လေးဟာ ဒီအမူအကျင့်လေးကလွဲရင် ရိုးသားတာ၊ ကြိုးစားတာ၊ ဖော်ရွေတတ်တာ၊ တာဝန်သိတတ်တာတွေကြောင့် ဘယ်သူကမှ သူ့ကို အပြစ်ရယ်လို့ မပြောကြဘူး။

သူတို့သိမထားတာက ဒီကျောက်သားမျက်နှာကြီးဟာ အားနက်စ်လေးကို အသိပညာတွေ သင်ပေးနေတဲ့ ဆရာလိုမျိုး ဖြစ်နေတယ်ဆိုတာရယ်၊ ဒီမျက်နှာကြီးပေါ်မှာ ထင်ရှားပေါ်လွင်နေတဲ့ ကြင်နာသနားတတ်ပုံ၊ ပညာကြီးပုံ စတဲ့ သွင်ပြင်လက္ခဏာတွေဟာ အားနက်စ်ရဲ့ ရင်ထဲကို နက်နက်ရှိုင်းရှိုင်း ထိုးဖောက်ဝင်ရောက်သွားပြီး သူ့ကို တခြားသူတွေနှင့်မတူတဲ့ မေတ္တကရုဏာကြီးမားတဲ့သူတစ်ယောက် ဖြစ်လာစေတယ် ဆိုတာရယ်ပဲဖြစ်ပါတယ်။

နောက်ပြီး သူတို့မသိကြတာတစ်ခုက ဒီလိုကျောက်သားမျက်နှာကြီးကို ကြည့်ရင်းနှင့် ပညာရှာတာဟာ အားနက်စ်အတွက်တော့ တခြားစာအုပ်တွေကို လေ့လာဆည်းပူးတာထက်၊ တခြားလူတွေရဲ့  ဘ၀ကို လေ့လာအတုယူပြီး နေထိုင်တာထက် ပိုပြီး သာလွန်ကောင်းမွန်တယ်ဆိုတာပါပဲ။ တခြားသူတွေနှင့်အတူရှိနေချိန်တွေထက် သူတစ်ယောက်ထဲ ရှိနေတဲ့အချိန်တွေမှာ ဒီလိုမေတ္တာကရုဏာတရားတွေ အလိုလို သူ့စိတ်ထဲဖြစ်ပေါ်ရောက်ရှိလာတတ်တာကို အားနက်စ်ကိုယ်တိုင်တောင်မှ သတိမထားမိခဲ့ပါဘူး။ သူ့ဆီမှာ သူ့အမေသူ့ကိုပုံပြင်လေးပြောပြခဲ့တဲ့အချိန်ကစလို့ ဘယ်အချိန်မှာများ ဒီလွင်ပြင်ကြီးကို အပေါ်ကနေစီးမိုးကြည့်နေတဲ့ ကျောက်သားမျက်နှာကြီးနှင့် ပုံစံတူတဲ့လူသားရောက်ရှိလာမလဲဆိုတဲ့ အဖြေကို သိချင်တဲ့ ရိုးရှင်းတဲ့စိတ်တစ်ခုကလွဲလို့ တခြားဘာမှ ရှိမနေခဲ့တော့ပါဘူး။

အဲဒီအချိန်အတောအတွင်းမှာပဲ မစ္စတာဂယ်သာဂိုးလ်တစ်ယောက်ဟာလည်း ကွယ်လွန်အနိစ္စရောက်သွားခဲ့ပြီဖြစ်ပါတယ်။ ထူးဆန်းတာက သူကွယ်လွန်ချိန်မှာ သူပိုင်ဆိုင်ခဲ့တဲ့ ပစ္စည်းဥစ္စာတွေ ဘာတစ်ခုမှ မရှိတော့တာပါပဲ။ သူ့မှာပိုင်ဆိုင်တာဆိုလို့ အရိုးပေါ်အရေတင်နေတဲ့ ၀ါဖျော့ဖျာ့ကျုံလှီတဲ့ခန္ဓာကိုယ်တစ်ခုကလွဲလို့ ဘာမှ မရှိတော့ဘူး။ သူပိုင်ဆိုင်တဲ့ရွှေတွေလည်း အကုန်လက်လွှတ်ဆုံးရှုံးသွားခဲ့ရပြီး သူ့ကို မအောင်မြင်တော့တဲ့ ကုန်သည်တစ်ယောက်အဖြစ်ပဲ သိကြတော့တယ်။ လူတွေကလည်း သူ့ကို ကျောက်သားမျက်နှာနှင့်တူပါတယ်လို့ ဘယ်သူကမှ ချီးမွှမ်းတောပနာမပြုကြတော့ဘူး။ သူရောဂါစဖြစ်ပြီး မသေခင်အချိန်မှာတင်ကိုပဲ လူတွေ သူ့ကို မေ့မေ့ပျောက်ပျောက်ဖြစ်ကုန်ကြပြီ။ သူဆောက်လုပ်ခဲ့တဲ့ ခမ်းနားထည်ဝါလှပတဲ့ နန်းဆောင်အိမ်ကြီးဟာလည်း အခုဆိုရင် တည်းခိုခန်းဟိုတယ်တစ်ခုအဖြစ် အသုံးပြုလိုက်ကြပြီဖြစ်တယ်။ နွေရာသီမှာ သဘာဝရှုမျှော်ခင်းတွေလေ့လာဖို့၊ ကျောက်တောင်ပေါ်ကမျက်နှာကြီးကို ကြည့်ရှုဖို့ ဒီအရပ်ကို လာလည်ကြတဲ့ ဧည့်သည်တွေအတွက် တည်းခိုစရာ နေရတာတစ်ခု ဖြစ်သွားခဲ့ပါပြီ။ ဒီလိုနဲ့ပဲ မစ္စတာဂယ်သာဂိုးလ်ကို ကျောက်သားမျက်နှာကြီးနှင့်တူတဲ့လူလို့ သတ်မှတ်ချီးမြှောက်ထားရာကနေ ဖယ်ရှားလိုက်ကြပြီဖြစ်ပြီး တဘောင်ထဲမှာ ပြောထားတဲ့ တကယ့်ကျောက်သားမျက်နှာနှင့်တူတဲ့လူကို အားလုံးက ထပ်ပြီး မျှော်လင့်စောင့်စားနေကြပါတော့တယ်။

to be continued.......

Nathaniel Hawthorne ရဲ့  The Great Stone Face ကို ဆီလျှော်အောင်ဘာသာ ပြန်ဆိုပါသည်။

ဆက်လက်ဖတ်ရှုရန်

TRUTH

TRUTH

Truth

needs no brand, does it?

Like a rose

called what you may is ever sweet.

Truth

has no land, has it?

Like the sky

go where you may is ever present.

But truth

you can hardly see or understand it.

Unless you clear the 'illusion' mist.

And truth

once you have seen and understood

will more than anything do you good.

Moe Hein

Poems On The Three Gems

(From Harmony Of Head and Heart)

ဆက်လက်ဖတ်ရှုရန်

ကျောက်တောင်ထက်က မျက်နှာ (၄)

ယခင်နေ့မှအဆက်

(၄)

အပေါ်မှာ ပြောထားခဲ့သလုိုပါပဲ။ လွင်ပြင်ဒေသမှာနေထိုင်နေကြတဲ့သူတွေကတော့ သူတို့နှစ်ရှည်လများ မျှော်လင့်စောင့်စားခဲ့ကြရတဲ့ ကျောက်သားမျက်နှာကြီးနဲ့ လုံးဝငြင်းမရအောင် ချွတ်စွပ်တူတဲ့ လူသားဟာ မစ္စတာဂယ်သာဂိုးလ်သာဖြစ်နိုင်တယ်ဆိုပြီး ပြောဆိုနေကြပါတယ်။ မစ္စတာဂယ်သာဂိုးလ်ရဲ့ ဖခင်ပိုင်ဆိုင်တဲ့ မြေနေရာမှာ အရင်က ရာသီဥတုဒဏ် အတော်ခံထားရတဲ့ အိမ်ဟောင်းလေးအစား နန်းတော်တမျှ အင်မတန်ကြီးကျယ်ခန်းနားပြီး လှပတဲ့ အိမ်ကြီးတစ်လုံးပေါ်ထွက်လာတာကို မြင်လိုက်ရချိန်မှာတော့ လူတွေ ယုံကြည်ပြောဆိုနေကြတာတွေဟာ တိကျခိုင်မာတဲ့အချက်အလက်အဖြစ် ပိုသေချာသွားခဲ့ပါတော့တယ်။

နန်းအိမ်ဆောင်ကြီးရဲ့ အပြင်ဘက်ခြမ်းကို နေရောင်ထိုးလိုက်ရင်တောင် အရည်ပျော်ကျသွားမလားလို့ တွေးထင်ရလောက်အောင် တောက်ပြောင်လှပတဲ့ အဖြူရောင်ကြွေပြားတွေနဲ့ တန်ဆာဆင်ထားတယ်။ အိမ်ရှေ့ ဆင်ဝင်နေရာကိုတော့ မြင့်မားတဲ့တိုင်လုံးကြီးတွေနဲ့ တန်ဆာဆင်ထားပြီး ဆင်ဝင် အောက်မှာတော့ လူဝင်ထွက်ဖို့အတွက် ကြီးမားတဲ့အိမ်တံခါးမကြီးရှိတယ်။ တံခါးရဲ့ လက်ကိုင်ဘုတွေကို ငွေသားတွေနှင့် လုပ်ထားပြီး၊ ပင်လယ်ရဲ့  အခြားတစ်ဘက်ကမ်းမှာရှိတဲ့ ဒေသကနေ ယူဆောင်လာတဲ့ အရောင်အသွေး ဆန်းကြယ်လှပတဲ့ သစ်သားတွေနှင့် တပ်ဆင်ထားတာ ဖြစ်တယ်။ အခန်းတစ်ခုစီတိုင်းရဲ့  ပြူတင်းပေါက်တွေ၊ မျက်နှာကြက်ကစလို့ ကြမ်းခင်းအထိ တိုင်အောင် အားလုံးကို ကြည်လင်ရှင်းသန့်နေတဲ့ အကောင်းစား မှန်နံရံတွေတပ်ဆင်ကာရံထားတယ်။

ဒီအိမ်တော်ကြီးရဲ့ အတွင်းဘက်ကိုတော့ လူတွေကို ပေးမပြဘူး။ ဒါပေမယ့်ပြောကြတာ ကြားရပုံအရတော့ အပြင်ဘက်မှာတွေ့မြင်ကြရတဲ့ အပြင်အဆင်တွေထက်ကို အထဲမှာက ပိုပြီးကြီးကျယ်ခန်းနားတယ်လို့ဆိုတယ်။ တခြားအိမ်တွေမှာဆိုရင် ကြေးနှင့်သံကိုပဲ အသုံးပြုတပ်ဆင်တဲ့ နေရာတွေမှာ နန်းဆောင်ကြီးအတွင်းဘက်ထဲမှာတော့ ရွှေနှင့်ငွေ တွေကိုပဲ အသုံးပြုတပ်ဆင်ထားတယ်လို့ ပြောကြတယ်။ မစ္စတာဂယ်သာဂိုးလ်ရဲ့  အိပ်ခန်းဆောင်ကြီးဆိုရင် ထူးခြားဆန်းပြားလှတဲ့ အဆောင်အယောင်အဆင်တန်ဆာတွေ ခန်းလုံးပြည့် တပ်ဆင်အသုံးပြုထားတာကြောင့် သာမန်လူတွေသာ တကယ်လို့ အဲဒီအခန်းထဲရောက်သွားခဲ့ရင် မျက်လုံးတွေ ခဏလောက် မှိတ်ပြီးတောင် မထားနိုင်လောက်အောင် ရင်သပ်ရှုမောအံ့သြသွားကြရမယ်လို့ ဆိုတယ်။

သတ်မှတ်ထားတဲ့အချိန်မှာပဲ နန်းအိမ်ဆောင်ကြီးဟာ ဆောက်လုပ်လို့ပြီးစီးသွားခဲ့တယ်။ ပြီးတာနဲ့ ပရိဘောဂတွေတပ်ဆင်ကြမယ့်သူတွေက သူတို့တပ်ဆင်မယ့် ခန်းနားလှတဲ့ပရိဘောဂတွေနှင့်အတူရောက်လာကြတယ်။ နောက်တော့ လူဖြူ၊ လူမဲ အစုံပါတဲ့ အခိုင်းအစေအဖွဲ့တွေ ရောက်လာကြပြန်တယ်။ နောက်ဆုံးမှာတော့ သူဌေးကြီးရဲ့  ရှေ့ တော်ပြေးအဖွဲ့တွေရောက်လာခဲ့ကြပြီး သူဌေးကြီးဟာ ညနေချိန် နေညိုစောင်းတာနဲ့ ရောက်လာပါတော့မယ်လို့ ကြေငြာလိုက်ကြတော့တယ်။

အားနက်စ်လေးဟာ သူနှစ်ပေါင်းများစွာ မျှော်လင့်စောင့်စား တမ်းတခဲ့ရတဲ့ အင်မတန်မွန်မြတ်၊ ကြီးကျယ်လှတဲ့ ရှေးတဘောင်တွေထဲက လူသားဟာ နောက်ဆုံးမှာတော့ ဒီမွေးရပ်မြေမှာ ပြန်ပေါ်လာပြီဆိုတဲ့အတွေးတွေနှင့် ရင်ခုန်စိတ်လှုပ်ရှားနေရှာတယ်။ ကလေးတစ်ယောက်အနေနှင့် အားနက်စ်လေးသိထားတာက ဒီသူဌေးကြီးဟာ ပစ္စည်းဥစ္စာတွေ အဆမတန်ချမ်းသာတယ်၊ လူမကနတ်တမျှ ရက်ရောပေးကမ်းတတ်တယ်၊ လူသားတွေအပေါ်မှာ သြဇာလွှမ်းမိုးနိုင်တယ်၊ ကျောက်သားမျက်နှာကြီးအတိုင်း အင်မတန်ကြင်နာတတ်တဲ့ အပြုံမျိုး ရှိထားတဲ့သူတစ်ယောက်ဖြစ်တယ်ရယ်လို့ စိတ်ထဲတွေးထင်ထားမိတယ်။ ယုံကြည်မျှော်လင့်ချက်အပြည့်နှင့် လူတွေပြောနေကြတဲ့ စကားဟာ အမှန်တွေပဲ ဖြစ်လိမ့်မယ်၊ ဒီကျောက်တောင်ပေါ်က မျက်နှာကြီးကို သက်ရှိထင်ရှား အပြင်မှာ တကယ် တွေ့ခွင့်ရတော့မယ်ဆိုတဲ့အပေါ်မှာ သံသယစိတ် လုံးဝရှိမနေခဲ့ဘူး။

အားနက်စ်လေးဟာ အဲဒီနေ့က သူလုပ်နေကျအတိုင်း တောင်ထိပ်ပေါ်က မျက်နှာကြီးကို ငေးစို်က်ကြည့်ရင်း ကျောက်သားမျက်နှာကြီးက သူ့ဆီကို ပြန်ပြုံးပြလာမှာကို စောင့်ကြည့်နေတုန်းမှာပဲ လမ်းမဆီက မြင်းလှည်းတွေရဲ့ ဘီးလှိမ့်သံတွေ ဆူဆူညံညံထွက်ပေါ်လာတာကို ကြားလိုက်ရတော့တယ်။

”သူရောက်လာပြီ...။” “သူဌေးကြီးမစ္စတာဂယ်သာဂိုးလ်ရောက်လာပြီ။” လို့ စောင့်ဆိုင်းနေတဲ့ လူအုပ်ကြီးက တခဲနက် အော်ဟစ်လိုက်ကြတယ်။

မြင်းလေးကောင်ကတဲ့လှည်းရထားတစ်စီးဟာ လမ်းမတလျှောက်မောင်းဝင်လာတယ်။ လှည်းအိမ်ရဲ့  အတွင်းဘက်မှာတော့ ပြူတင်းပေါက်ကနေတဆင့် ရွှေဝါရောင်လွှမ်းနေတဲ့ အသားအရေရှိတဲ့ အဘိုးအိုတစ်ဦးရဲ့  ပုံပန်းသဏ္ဍာန်တစ်ခုကို မြင်တွေ့ကြရတယ်။ သူ့ရဲ့ နှဖူးတွေက ခပ်ကျဉ်းကျဉ်းရှိပြီး အရေတွန့်နေပြီဖြစ်တဲ့ သေးငယ်၊ စူးရှတဲ့မျက်လုံးတွေ ရှိတယ်။ တင်းတင်းကျပ်ကျပ်ဖိထားတဲ့ ပါးလွှာတဲ့ နှုတ်ခမ်းတစ်စုံလည်း ပိုင်ဆိုင်တယ်။

”ကျောက်တောင်ပေါ်က မျက်နှာကြီး”၊ ”ဒါဟာတကယ်ပဲ၊ ရှေးတဘောင်စကားဟာ နောက်ဆုံးမှာ မှန်သွားခဲ့ပြီ” စသဖြင့် လူတွေက ၀ိုင်းအော်ကောင်းချီးပေးကြတယ်။

ဒါပေမယ့် အားနက်စ်အတွက်တော့ အခြားလူတွေပြောနေကြသလို ယုံကြည်နိုင်ဖို့ မဖြစ်နိုင်တော့လောက်အောင် စိတ်ရှုပ်ထွေးစရာ အဖြစ်အပျက်တစ်ခုကို မျက်မြင် ကြုံတွေ့လိုက်ရတယ်။

လမ်းဘေးတစ်နေရာမှာ ဟိုးအဝေးဒေသတစ်ခုကလာကြတဲ့ သူတောင်းစားအမျိုးသမီးနှင့် ကလေးနှစ်ယောက်တို့ဟာ သူဌေးကြီးရဲ့  လှည်းရထားနောက်ကနေလိုက်ပြီးတော့ လက်ကိုဆန့်တန်းကာ ပေးကမ်းစွန့်ကြဲခဲ့ဖို့ သနားစရာအသံတွေနှင့် တောင်းခံနေကြတယ်။ ဒီအခါမှာ လှည်းရထားထဲမှာထိုင်နေတဲ့ အင်မတန်ချမ်းသာကြွယ်ဝတဲ့ သူဌေးကြီးဟာ ပြူတင်းပေါက်ကနေ လက်ကိုထုတ်ပြီး ကြေးပြားစတချို့ ကို ပစ်ချပေးလိုက်တယ်။ ဒါကိုမြင်တွေ့လိုက်ရတဲ့ အားနက်စ်လေးဟာ ဒီသူဌေးကြီးကို သူ့နာမည်ကို ဂယ်သာဂိုးလ်လို့ ခေါ်မယ့်အစား ကြေးပြားစပစ်ချပေးတဲ့သူလို့ ခေါ်တာကမှ ပိုကောင်းလိ့မ်အုံးမယ်လို့ တွေးထင်လိုက်မိတော့တယ်။

လူတွေကတော့ စိတ်အားထက်သန်စွာနှင့် ကျောက်သားမျက်နှာနှင့် လူ အဖြစ် သူဌေးကြီးကို အော်ဟစ်ကောင်းချီးပေးနေကြတုန်းပဲ။ အားနက်စ်ကတော့ သူမြင်လိုက်ရတဲ့ ၀မ်းနည်းစိတ်ပျက်စရာကောင်းတဲ့မြင်ကွင်းရှိတဲ့နေရာကနေ လှည့်ပြန်လာလိုက်ပြီး တောင်ပေါ်က မျက်နှာကြီးရှိတဲ့ဆီကို ငေးကြည့်နေမိလိုက်တယ်။ နောက်ဆုံးပျောက်ကွယ်လုနီးနီးဖြစ်နေတဲ့ နေရဲ့ အလင်းရောင်အောက်က မြူတွေဆိုင်းနေတဲ့ တောင်ခိုးတောင်ငွေ့တွေရဲ့ ကြားမှာ သူ့နှလုံးသားထဲမှာ စွဲထင်နေတဲ့ ကြီးကျယ်မြင့်မြတ်လှတဲ့ အသွင်လက္ခဏာနှင့် ကျောက်သားမျက်နှာကြီးကို စိုက်ကြည့်နေမိတယ်။ ကြင်နာသနားတတ်တဲ့ နှုတ်ခမ်းလွှာတစ်စုံကနေ ဘာများ ပြောလာလိမ့်မလဲရယ်လို့ မျှော်လင့်ရင်းပေါ့။

သူ...လာကိုလာလိမ့်မယ်။ မစိုးရိမ်နဲ့ အားနက်စ်။ တစ်နေ့ ရောက်လာပါလိမ့်မယ်။

to be continued.......

Nathaniel Hawthorne ရဲ့  The Great Stone Face ကို ဆီလျှော်အောင်ဘာသာ ပြန်ဆိုပါသည်။

ဆက်လက်ဖတ်ရှုရန်

ကျောက်တောင်ထက်က မျက်နှာ (၃)

ယခင်နေ့မှ အဆက်

(3)

အားနက်စ်လေးဟာ သူ့အမေပြောပြခဲ့တဲ့ ပုံပြင်လေးကို ဘယ်တော့မှ မမေ့နိုင်တော့ဘူး။ ကျောက်သားမျက်နှာကြီးဆီကို မော့ကြည့်ဖြစ်တိုင်း ဒီပုံပြင်လေးက သူ့စိတ်ထဲကို အလိုလို ရောက်ရောက်လာတတ်ခဲ့တော့တယ်။ အားနက်စ်ဟာ ဒီလိုနဲ့ပဲ သူမွေးဖွားခဲ့တယ် အိမ်ကလေးမှာ ကလေးဘ၀ကို ဖြတ်သန်းကျော်လွန်ခဲ့တယ်။ သူဟာ တာဝန်ကျေပွန်ပြီး အမေအပေါ် နားလည်သိတတ်တဲ့ ကလေးတစ်ယောက်လည်း ဖြစ်တယ်။ သူ့အမေရဲ့  အိမ်မှုကိစ္စတွေကို ကူညီပေးတဲ့အခါတိုင်းမှာ သူ့လက်လေးတွေနှင့် စိတ်ပါလက်ပါ စေတနာထားပြီး လုပ်ပေးတတ်လေ့ရှိတယ်။

သူဟာ ပျော်ပျော်ရွှင်ရွှင်နေတတ်တဲ့ကလေးတစ်ယောက်ဖြစ်ပေမယ့် တခါတလေမှာတော့ တွေးတွေးဆဆ ငေးငေးငိုင်ငိုင်ပုံစံမျိုးလေးလည်း ဖြစ်နေတတ်တယ်။ တဖြေးဖြေးနဲ့ အားနက်စ်လေးဟာ သိမ်မွေ့ အေးဆေးပြီး ကလန်ကဆန်မလုပ်တတ်တဲ့၊ နေထိလို့ အညိုရောင်သန်းနေတဲ့ အသားအရေပိုင်ရှင် လူငယ်လေးတစ်ယောက်အဖြစ် စိုက်ခင်းတွေထဲမှာ အလုပ်လုပ်ရင်း ကြီးပြင်းလာခဲ့တယ်။

သက်တူရွယ်တူတွေကြားမှာ နာမည်ကြီးကျောင်းကောင်းကောင်းကနေ ပညာသင်ကြားထားတဲ့ သူတွေထက်ကို သူက ပိုပြီး ဉာဏ်ရည်ထူးချွန်ထက်မြက်တဲ့ပုံစံပေါက်နေတယ်။ တကယ်က အားနက်စ်လေးမှာ ဒီကျောက်သားမျက်နှာကြီးကလွဲရင် ဆရာဆိုတာ မရှိခဲ့ဘူး။ တစ်နေ့တာ လယ်ယာလုပ်ငန်းတွေ ပြီးတာနဲ့ သူဟာ ဒီမျက်နှာကြီးဆီကိုပဲ နာရီပေါင်းများစွာ ငေးမောကြည့်နေတတ်တယ်။ ဒီမျက်နှာကြီးက သူ တလေးတစား တန်ဖိုးထားပြီး ကြည့်နေတာကို ပြန်ပြီး အသိအမှတ်ပြုတုံ့ပြန်တဲ့အနေနှင့် ကြင်နာမှုတွေနှင့် အားပေးကူညီဖေးမတဲ့ အပြုံးမျိုး သူ့ကိုပြန်ပြီး ပြုံးပြလာတယ်လို့ စိတ်ထဲ မြင်ယောင်လာတဲ့အထိကို စိုက်ကြည့်တတ်တာမျိုးပေါ့။

ဒီကျောက်သားမျက်နှာကြီးက ကမ္ဘာပေါ်မှာရှိတဲ့ တခြားလူသားတွေအားလုံးထက် အားနက်စ်လေးအပေါ်မှာ ပိုပြီး ကရုဏာမေတ္တာတွေနှင့် ပြန်ပြုံးပြီး ကြည့်တတ်တယ်ဆိုတဲ့စကားကို တကယ်လို့သာ အခိုင်အမာပြောဆိုလာခဲ့မယ်ဆိုရင် မှားတယ်လို့တော့ ပြောလို့မရနိုင်ဘူး။ ဘာကြောင့်လဲဆုိုတော့ တခြားလူတွေနားလည် သိမြင်နိုင်ဖို့မလွယ်ကူတဲ့ နူးညံ့သိမ်မွေ့မှုနှင့် မေတ္တာတရားတွေဟာ အားနက်စ်လေးရဲ့ ဆီမှာ ၀ိသေသတစ်ခုအဖြစ် ကိန်းဝပ် ရောက်ရှိလာခဲ့တာဟာ လျှို့ ဝှက်ချက်တစ်ခုအနေနဲ့ ဖြစ်ခဲ့လို့ပါပဲ။

အဲဒီအချိန်ကာလအတောအတွင်းမှာပဲ ဒီတောင်ကြားလွင်ပြင်ဒေသကြီးမှာ ကောလဟာလစကားတစ်ခု လူ တွေ ပြောလာကြတယ်။ ဟိုးရှေးရှေးကတည်းက လူပြောများခဲ့တဲ့ တဘောင်စကားထဲကအတိုင်း ကျောက်သားမျက်နှာကြီးနှင့် ကွက်တိတူတဲ့ လူသားတစ်ယောက်ဟာ နောက်ဆုံးမှာ မွေးဖွားလာခဲ့ပြီဆိုတဲ့ အကြောင်းပါပဲ။

သိပ်မကြာသေးတဲ့ နှစ်များဆီက ဒီလွင်ပြင်ဒေသမှာ မွေးဖွားကြီးပြင်းသွားခဲ့တဲ့ လူငယ်လေးတစ်ယောက်ဟာ ခပ်ဝေးဝေးတစ်နေရာမှာရှိတဲ့ ပင်လယ်ဆိပ်ကမ်းမြို့ လေးတစ်မြို့ မှာ ပြောင်းရွှေ့ နေထိုင် အခြေချခဲ့တယ်။ အချိန်တော်တော်လေးကြာလာတော့ ငွေကြေးစုဆောင်းမိလာတာကြောင့် ကိုယ်ပိုင်ဆိုင်တစ်ခုဖွင့်လှစ်ပြီး ဆိုင်ပိုင်ရှင်တစ်ယောက် ဖြစ်လာခဲ့တယ်။ သူ့နာမည်အရင်းပဲလား၊ ဒါမှမဟုတ် သူ့ဝါသနာ၊ သူ့ဘ၀အောင်မြင်မှုတွေကြောင့်ပဲ သူအဲဒီနာမည် တွင်သွားခဲ့တာလားတော့ မကျိန်းသေဘူး။ သူ့ကို ဂယ်သာဂိုးလ်လို့ ခေါ်ကြတယ်။

သူဟာ အလုပ်မှာ ကျွမ်းကျင် လိမ္မာပါးနပ်ပြီး သွက်လက်ချက်ချာတာကြောင့်ရော၊ ကံကောင်းထောက်မမှုတွေနှင့် ဘုရားသခင်ရဲ့  စောင်မကြည့်ရှုမှု အထူးတလည်ခံရတာတွေကြောင့်ရော သိပ်မကြာခင်မှာပဲ ကြီးမားတဲ့ သဘောင်္တွေကို ပိုင်ဆိုင်တဲ့ အင်မတန်ချမ်းသာကြွယ်ဝတဲ့ ကုန်သည်သူဌေးကြီးတစ်ယောက် ဖြစ်လာခဲ့တော့တယ်။

သူ့ရဲ့ ဘုန်းကံကြီးမားမှုကြောင့် တစ်ကမ္ဘာလုံးမှာ ရှိတဲ့ တိုင်းပြည်အသီးသီးက အဖိုးအနဂ္ဂများစွာထိုက်တန်တဲ့ အသုံးအဆောင်ပစ္စည်းတွေဟာ သူ့ဆီမှာ တောင်လိုပုံအောင် လာစုဝေးကြတယ်။ မြောက်ပိုင်း အေးခဲတဲ့အာတိတ်ဒေသကနေ သူ့အတွက် သားမွှေးတွေလက်ဆောင်ပို့ပေးကြတယ်။ အပူပိုင်းအာဖရိကဒေသက သူတို့မြစ်တွေဆီကထွက်တဲ့ ရွှေရောင်တောက်တဲ့ သဲတွေ၊ တောနက်တွေထဲက အင်မတန်ကြီးမားတဲ့ ဆင်စွယ်တွေကို လက်ဆောင်ပို့ပေးလာကြတယ်။ အရှေ့ ဘက်အရပ်ဒေသတွေဆီကတော့ သူတို့ရဲ့  အဖိုးတန်အ၀တ်အထည်တွေ၊ အမွှေးနံ့သာတွေ၊ လက်ဖက်တွေ၊ တောက်ပတဲ့ စိန်တုံးတွေ၊ သန့်စင်လှပတဲ့ ပုလဲလုံးတွေကို လက်ဆောင်ပို့ပေးကြပြန်တယ်။ သမုဒ္ဒရာထဲက ဝေလငါးတွေဆီကနေရတဲ့ အဆီတွေကိုရောင်းစားပြီးတော့လည်း မစ္စတာဂယ်သာဂိုးလ်ဟာ အမြတ်အစွန်းများစွာ ရရှိခဲ့ပြန်သေးတယ်။

သူ့ရဲ့ အသုံးအဆောင်ပစ္စည်းတိုင်းဟာ ရွှေတွေနှင့်လုပ်ထားတာတွေချည်းပဲဖြစ်တယ်။ ဂရိဒဏ္ဍာရီပုံပြင်ထဲက ဘုရင်ကြီး Midas လိုမျိုး သူ့လက်နှင့်ထိလိုက်သမျှဟာ ရွှေအကုန်ဖြစ်ကုန်တယ်ဆိုတာထက်တောင် သူက ပိုချင်ပါသေးတယ်။

အဆမတန်ကို ချမ်းသာကြွယ်ဝသွားခဲ့ပြီဖြစ်တဲ့ မစ္စတာဂယ်သာဂိုးလ်ဟာ သူ့ရဲ့  ကြွယ်ဝမှုတွေက နောက် နှစ်တစ်ရာ သုံးစွဲရင်တောင် မကုန်နိုင်တော့ဘူးဆိုတာ တွေးမိတာကြောင့် နောက်ဆုံးတော့ သူ့မွေးရပ်ဇာတိမြေကိုပဲပြန်ပြီး ခေါင်းချလိုက်တော့ဖို့ကို စိတ်ဆုံးဖြတ်ခဲ့တယ်။ ဒီရည်ရွယ်ချက်နှင့် သူဟာ ကျွမ်းကျင်တဲ့ဗိသုကာပညာရှင်တစ်ယောက်ကို ခေါ်ပြီး သူ့ရဲ့ ချမ်းသာကြွယ်မှုတွေနှင့် လိုက်ဖက်ဆီလျှော်မယ့် နန်းတော်အိမ်ကြီးတစ်ဆောင် ဆောက်လုပ်ပေးဖို့ သူ့မွေးရပ်ဇာတိမြေရှိတဲ့ဆီကို စေလွှတ်ခဲ့လိုက်တယ်။

to be continued.......

Nathaniel Hawthorne ရဲ့  The Great Stone Face ကို ဆီလျှော်အောင်ဘာသာ ပြန်ဆိုပါသည်။ :

ဆက်လက်ဖတ်ရှုရန်

ကျောက်တောင်ထက်က မျက်နှာ (၂)

ကြီးကျယ်မြင့်မြတ်တဲ့ ပုံပန်းသဏ္ဍာန်၊ ချစ်ခင်နှစ်လိုဖွယ်အပြည့်နှင့် လူသားမျိုးနွယ်တစ်ခုလုံးကို ထွေးယူပွေ့ဖက်လိုက်တော့မလားလို့ စိတ်မှာထင်ရလောက်အောင် အသက်ဝင်တဲ့ ဒီကျောက်တောင်ထက်က မျက်နှာကြီးရဲ့  အောက်မှာ ကလေးဘ၀ကနေ လူပျို၊ အပျိုတွေအဖြစ် အရွယ်ရောက် ကြီးပြင်းလာခွင့် ရခဲ့ကြတာဟာ ကလေးတွေအတွက်တော့ အင်မတန်ပျော်ရွှင်စရာကောင်းတဲ့ ကံထူးမှုဆုလဒ်ကြီးတစ်ခုလို ဖြစ်ကြရပါတယ်။ ဒီကျောက်သားမျက်နှာကြီးကို ကြည့်ရင်းကပဲ သူတို့တွေ ပညာသင်ယူခဲ့ကြရတယ်။ လူအများစုကတော့ ဒီတောင်ကြားလွင်ပြင်ကြီးမှာ အခုလုို ဖွံ့ဖြိုးတိုးတက်လာတာ၊ တိမ်တွေအရောင်တောက်တာ၊ နေရောင်ခြည်တွေ နွေးထွေးစွာ ဖြာဆင်းနိုင်တာတွေဟာ ဒီကျောက်သားမျက်နှာကြီးကပဲ အမြဲသူ့ရဲ့  ကြင်နာသနားမှုတွေနှင့် စီစဉ်ပေးနေတာမို့ ကျေးဇူးတရား အင်မတန်ကြီးမားတယ်ဆုိုပြီး ယုံကြည်လက်ခံထားကြတယ်။

အစမှာ ပြောခဲ့သလို သားအမိနှစ်ယောက်ဟာ သူတို့အိမ်ရဲ့  တံခါးပေါက်ဝလေးမှာ အတူတူထိုင်ကြရင်း ဒီကျောက်တောင်ထက်က မျက်နှာကြီးရဲ့ အကြောင်းကို ပြောနေကြတယ်။ ကောင်လေးရဲ့ နာမည်က အားနက်စ်လို့ ခေါ်တယ်။

“မေမေ၊ တကယ်လို့ ဒီမျက်နှာကြီးကသာ စကားပြောနိုင်မယ်ဆိုရင်လေ သူ့မျက်နှာက ကြင်နာသနားတတ်တဲ့ပုံပေါက်နေတော့ သူ့အသံကလည်း အရမ်းသာယာမှာပဲနော်။ တကယ်လို့သာ ဒီလိုမျက်နှာနှင့်လူမျိုးကုို အပြင်မှာသာ တွေ့ခွင့်ရခဲ့ရင် သား တကယ်ကို ခင်မင်မိမှာပဲ” လို့ အမေဖြစ်သူကို သူ့စိတ်ထဲရှိတဲ့အတိုင်း ပြောလိုက်တယ်။

”တကယ်လို့ ရှေးကပြောလာကြတဲ့ တဘောင်စကားသာ မှန်ခဲ့မယ်ဆိုရင်တော့ မေမေတို့တွေ တချိန်ချိန်မှာ ဒီကျောက်သားမျက်နှာနှင့် တူတဲ့သူကို မြင်တွေ့ခွင့်ရလာကြလိမ့်မယ် သား။”

”ဘယ်လို တဘောင်စကားလဲ မေမေ၊ သားကို ပြောပြပါ။” လို့ အားနက်စ်လေးက အားတက်သရော သူ့အမေကို မေးလိုက်တယ်။ ဒီအခါ အမေလုပ်သူက သူကိုယ်တိုင် အားနက်စ်လေးထက်ပိုငယ်အုံးမယ့်အရွယ်လောက်တုန်းက သူ့ကို သူ့အမေက ပြောပြခဲ့ဖူးတဲ့ ပုံပြင်လေးအကြောင်းကို သူ့သားကို ပြန်ပြောပြတယ်။

”ဒီပုံပြင်က ဖြစ်ပြီးသားအကြောင်းအရာမျိုးမဟုတ်ပဲ ဖြစ်မလာသေးတဲ့ ပုံပြင်တစ်ပုဒ်ပေါ့။ ဒီလွင်ပြင်ကြီးမှာ ဟိုး အစောဆုံးအခြေချနေထိုင်သွားကြတဲ့ အင်ဒီယန်းလူမျိုးတွေက သူတို့ရဲ့  ဘိုးဘေးတွေကနေတဆင့် ဒီအကြောင်းကို သေသေချာချာ ကြားနာမှတ်သားခဲ့ရတာမျိုးပေါ့။ အဲဒီတဘောင်စကားကို စီးဆင်းနေတဲ့ တောင်ကျစမ်းရေတွေ၊ ဟိုးသစ်ပင်ထိပ်ဖျားမှာ တိုက်ခတ်သွားတဲ့ လေနုအေးလေးတွေက တီးတိုးလေးရွတ်ဆိုသွားခဲ့ကြတယ်လို့ ဆိုတယ်။ အနာဂတ်တချိန်ချိန်မှာ ဒီအရပ်ဒေသမှာ လူတစ်ယောက်မွေးဖွားလာလိမ့်မယ်။ သူဟာ အဲဒီခေတ်ရဲ့  အကြီးကျယ်ဆုံး၊ အမြင့်မြတ်ဆုံး လူသားတစ်ယောက်ဖြစ်လာလိမ့်မယ်။ နောက်ပြီး သူ့ရဲ့ မျက်နှာပုံပန်းသွင်ပြင်ဟာ ဒီကျောက်သားမျက်နှာကြီးအတိုင်း ကွက်တိကို တူလိမ့်မယ်တဲ့ သားရေ။

ရှေးရိုးစွဲလူတွေသာမဟုတ်ပဲ လူငယ်လူလတ်ပိုင်းတွေကအစ ဒီတဘောင်စကားအပေါ်မှာ အခိုင်အမာယုံကြည်မျှော်လင့်ခဲ့ကြတာပေါ့။ ဒီနယ်မြေလေးကနေ တခြား အပြင် ကမ္ဘာအရပ်ရပ်ကို ရောက်ဖူးခဲ့ကြတဲ့သူတွေ အချို့ ကတော့ ဒီတဘောင်အပေါ် လူတွေ ပင်ပန်းစိတ်ကုန်သွားကြမယ့် အချိန်ကို စောင့်နေကြတာပဲ။ ဒီလိုကျောက်သားမျက်နှာနှင့် တူတဲ့သူလည်း တစ်ယောက်မှပေါ်မလာသေး၊ လူတွေကလည်း တစ်ယောက်နှင့်တစ်ယောက်က ကိုယ့်အိမ်နီးချင်းတွေနှင့်တောင် သူမသာ၊ ကိုယ်မသာ အရည်အချင်းတွေနှင့်လူတွေချည်းပဲဆိုတော့ ဒီတဘောင်စကားဟာ ဖြစ်လာနိုင်ဖို့မလွယ်ကူတဲ့ ပုံပြင်တစ်ပုဒ်လို့ပဲ သူတို့က ယူဆထားလိုက်ကြတော့တယ်။ ပြောရရင်တော့ ဒီတဘောင်ထဲက အင်မတန်ကြီးကျယ်မြင့်မြတ်တဲ့လူသားဟာ အခုအချိန်အထိ ပေါ်မလာသေးဘူးပေါ့ကွယ်။”

”အို မေမေရယ်၊ သား ဒီလူကြီးကို မြင်ရတဲ့အချိန်အထိ အသက်ရှည်ရှည်နေချင်လိုက်တာ” လို အားနက်စ်လေးက သူ့လက်နှစ်ဖက်ကို ခေါင်းပေါ်ယှက်ရင်း အားတက်သရော ဆုတောင်းလိုက်တော့တယ်။

အမေလုပ်သူဟာ စဉ်းစားဉာဏ်အတွေးအခေါ်ရှိတဲ့ အမျိုးသမီးတစ်ယောက်ဖြစ်တာမို့ သူ့သားလေးရဲ့  အားတက်သရော ဖြစ်နေတဲ့ဆန္ဒလေးကို စိတ်ပျက်သွားအောင် မတားဆီးလိုက်ချင်တာနဲ့ ”သားဆန္ဒအတိုင်း ဖြစ်လာမှာပေါ့ သားရယ်။” လို့ ပဲ ပြောလိုက်တော့တယ်။

to be continued.....

Nathaniel Hawthorne ရဲ့  The Great Stone Face ကို ဆီလျှော်အောင်ဘာသာ ပြန်ဆိုပါသည်။

ဆက်လက်ဖတ်ရှုရန်

ကျောက်တောင်ထက်က မျက်နှာ (၁)

ညနေခင်းတစ်ခု....။

နေက တဖြေးဖြေးဝင်စပြုနေပြီ။
သားအမိန်ှစ်ယောက်ဟာ တိုက်အိမ်ငယ်လေးရဲ့  တံခါးဝတစ်ခုမှာ အတူတူထိုင်ကြရင်း ကျောက်တောင်ထက်က မျက်နှာကြီးရဲ့  အကြောင်းကို ပြောနေကြတယ်။ သူတို့နေရာကနေ ဟိုးမိုင်အတော်ဝေးဝေးနေရာကို လှမ်းကြည့်လိုက်ရင် ညနေခင်းရဲ့ နေရောင်အောက်မှာ လူတစ်ယောက်ရဲ့  မျက်နှာသွင်ပြင်လက္ခဏာတွေအတိုင်းဖြစ်နေတဲ့ ကျောက်သားမျက်နှာတစ်ခုကို မြင်နေကြရတယ်။

ကျောက်တောင်ထက်ကမျက်နှာဆိုတာ......?

အလွန်မြင့်မားတဲ့ တောင်စဉ်တောင်တန်းတွေ ကာရံလွှမ်းခြုံထားတဲ့ တောင်ကြားနေရာတစ်ခုမှာ ကြီးမားကျယ်ပြန့်တဲ့ လွင်ပြင်ချိုင့်ဝှမ်းကြီးတစ်ခုဟာ တည်ရှိနေတယ်။ အဲဒီနေရာလေးမှာ တွယ်မှီပြီး အခြေချနေထိုင်ကြသူတွေက အရေအတွက်အားဖြင့် ထောင်ချီရှိကြတယ်။ တချို့ တွေက မဲနက်နေတဲ့ မဟူရာ တောအုပ်ကြီးတွေ ၀ိုင်းရံထားတဲ့ မတ်စောက်ပြီး သွားလာရခက်ခဲတဲ့ တောင်နံရံတွေမှာ သစ်လုံးတဲအိမ်လေးတွေဆောက်ပြီး နေထိုင်ကြတယ်။ တချို့ ကတော့ တောင်စောင်း ပြေပြစ်ပြီး မြေသြဇာကောင်းတဲ့ တောင်ကြားလွင်ပြင်နေရာတွေမှာ လယ်တောအိမ်လေးတွေ အကျအနဆောက်ပြီး လယ်ယာစိုက်ပျိုးရေးလုပ်ငန်းကို လုပ်ကိုင်ပြီး နေထိုင်အသက်မွေးကြတယ်။ တချို့ တွေကတော့ အိမ်ခြေတွေ စုပေါင်းလိုက်ပြီး စည်ကားတဲ့ ရွာလေးတွေ တည်ပြီး နေလိုက်ကြတယ်။ ဟိုးတောင်ပေါ်ဒေသကနေ မြစ်ဖျားခံပြီးစီးဆင်းလာတဲ့ တောင်ကျချောင်းရေတွေကို သူတို့တွေရဲ့  ချည်ထည်လုပ်ငန်းစက်ရုံတွေမှာ စက်တွေလည်ပတ်ဖို့အတွက် သွယ်ယူစီမံအသုံးချကြတယ်။

ပြောရရင် ဒီတောင်ကြားချိုင့်ဝှမ်းကြီးမှာ အခြေချ နေထိုင်နေကြတဲ့သူတွေဟာ လူဦးရေလည်း များပြားသလို ဘ၀ပုံစံတွေလည်း အမျိုးမျိုးအဖုံဖုံ စုံလှတယ်။ ဒါပေမယ့် အဲဒီက ကလေး၊ လူကြီးအားလုံးဟာ ဒီ ကျောက်တောင်ထက်က မျက်နှာကြီးနှင့် ပတ်သက်လာရင်တော့ သဘာဝကပေးတဲ့ အင်မတန်ထူးခြားဆန်းပြားတဲ့ လက်ဆောင်မွန်ကို ပိုင်ဆိုင်ထားကြရသလိုမျိုး သူ့အပေါ်မှာ တနည်းနည်းနှင့် ရင်းနှီးကျွမ်းဝင်မှုရှိနေတတ်ကြတယ်။

ကျောက်တောင်ထက်က မျက်နှာကြီးဆိုတာကတော့ သဘာဝမိခင်က ထူးခြားဆန်းပြားစွာနှင့် ပုံဖော်ဖန်တီးပေလိုက်တဲ့ အရာတစ်ခုပေါ့။ ထောင့်မှန်ပုံတည့်မတ်နေတဲ့ တောင်နံရံတစ်ခုပေါ်မှာ ကြီးမားတဲ့ ကျောက်တုံးတွေကြောင့် ခပ်ဝေးဝေးကနေလှမ်းကြည့်လိုက်ရင် လူတစ်ယောက်ရဲ့  မျက်နှာပုံပန်းသွင်ပြင်အတိုင်း အတိအကျဖြစ်နေတဲ့ ကျောက်သားမျက်နှာတစ်ခုပါပဲ။ သူ့ပုံစံက အင်မတန်ကြီးမားတဲ့ သက်ရှိသတ္တ၀ါကြီးတစ်ဦးလိုလို၊ Titan နတ်ဘုရားကပဲ သူ့ပုံတူကို ဒီလိုမတ်စောက်တဲ့ ကျောက်နံရံပေါ်မှာ ထွင်းထုထားခဲ့သလိုလိုထင်ရတယ်။

ကြီးမားကျယ်ပြန့်တဲ့ အကွေးနေရာက နှဖူးပုံကို ဖြစ်စေပြီး၊ ပေတစ်ရာလောက် အမြင့်ရှိမယ့်နေရာက ရှည်လျားတဲ့နှာတံနေရာကို ဖြစ်စေတယ်။ ကြီးမားပြီး ကွေးညွတ်နေတဲ့ နှုတ်ခမ်းလွှာတွေက စကားသာပြောနိုင်ရင် ကျယ်လောင်ခန့်ငြားတဲ့ လေယူလေသိမ်းနှင့် တောင်ကြားဒီဘက်ကနေ ဟိုဘက်အထိကြားအောင် ပြောတော့မလိုလိုထင်ရတယ်။

တကယ်လို့ လေ့လာချင်သူတစ်ဦးဦးက ဒီကျောက်သားမျက်နှာကြီးရဲ့  အနီးဆုံးနေရာနားအထိ ချည်းကပ်ပြီး သွားကြည့်မယ်ဆိုရင်တော့ မြင်နေခဲ့ရတဲ့ မျက်နှာပုံပန်းသဏ္ဍာန်တွေဟာ ပျောက်ကွယ်သွားပြီး ကြီးမားလေးလံတဲ့ကျောက်တုံးကြီးတွေ မညီမညာတစ်တုံးပေါ်တစ်တုံးဆင့်ပြီး အပုံလိုက်ဖြစ်နေတာကိုပဲ တွေ့ရမှာပါ။ သူ့ခြေလှမ်းတွေကို တဖြေးဖြေးနောက်ပြန်ဆုတ်လိုက်ချိန်မှာတော့ အံ့သြစရာကောင်းတဲ့ ဒီမျက်နှာပုံစံကြီးကို တခါပြန်ပြီးမြင်ရပါလိမ့်မယ်။ အဲဒီနေရာကနေ ပိုပိုဝေးဝေးသွားလေလေ ဒီကျောက်သားမျက်နှာကြီးဟာ နတ်ဘုရားတွေကိုယ်တိုင် ဖန်ဆင်းထုလုပ်ထားတဲ့ လူသားတစ်ယောက်ရဲ့  အသက်ဝင်နေတဲ့မျက်နှာသွင်ပြင်တစ်ခုလိုမျိုး တောင်စဉ်တောင်တန်းတွေအလယ်က မြူခိုးတိမ်ဆိုင်တွေရဲ့ ကြားမှာ တဖြေးဖြေး မှိန်ဖျော့ပျောက်ကွယ်သွားတဲ့အထိ မြင်တွေ့ရမှာ ဖြစ်ပါတယ်။

to be continued..... 

Nathaniel Hawthorne ရဲ့  The Great Stone Face ကို လက်တည့်စမ်း၍ ပြန်ဆိုပါသည်။

ဆက်လက်ဖတ်ရှုရန်

BEYOND HEAD AND HEART

BEYOND HEAD AND HEART

There is a time,

when thoughts and feelings

no more chime.

Has the life-clock stopped?

Is awareness lost?

Has one turned into a robot?

None.

But there's no food for thought

and no fuel for feelings.

Everything is at standstill.

Is it and equaniimity

or a vacuity?

Neither.

It is just what it is.

Nothing can be added to

or taken away from.

Like a "Zero" by itself.

A wonder!

The head and heart

outwardly present.

But

the head and heart

inwardly absent.

The "supreme" bliss

in this very life

does exist!

Moe Hein

Poems on Head and Heart

(From Harmony of Head and Heart)

ဆက်လက်ဖတ်ရှုရန်