နဲနဲတော့ ခါးမယ်....

လွန်ခဲ့တဲ့ ၁၅ နှစ်ကျော်လောက်က ဖြစ်မယ်လို့ထင်ပါတယ်။ “အနောက်ကိုရွေ့ ၊ အရှေ့ ကိုမျှော်“ ဆိုတဲ့ ၀တ္ထုကိုရေးခဲ့တဲ့ ဆရာ ဒေါက်တာရဲနိုင်ရဲ့  ဘာသာရေးနှင့်ဆိုင်တဲ့ ဆောင်းပါးတစ်ပုဒ် သတင်းစာမှာ ပါလာခဲ့ဖူးပါတယ်။ အဲဒီတုန်းက ဖတ်ဖူးခဲ့တဲ့သူတွေလည်း ရှိကြမယ်လို့ထင်ပါတယ်။

ဆရာက ဘာအကြောင်းရေးထားလဲဆိုတော့ သူတစ်ခါမှာ ရန်ကုန်မှာရှိတဲ့ International Meditation Center တစ်ခုမှာ တရားဝင်အားထုတ်ဖြစ်ခဲ့ကြောင်း။ အဲဒီရိပ်သာမှာ ၀စီပိတ်အဓိဋ္ဌာန်နှင့်အားထုတ်ရတာမျိုးဖြစ်ကြောင်း။ အားထုတ်ရတာ အစစအရာရာ အဆင်ပြေကြောင်း။ တစ်ရက်မှာတော့ ခန်းမထဲ တရားထိုင်နေကြတုန်း ဘေးနားကယောဂီတစ်ယောက် ၀က်ရူးပြန်သလိုလို၊ တစ်ခုခုဝင်ပူးသလိုလိုဖြစ်ကြောင်း။ ယောဂီထိန်းတွေက ၀ိုင်းဝန်းပြုစုထိန်းပေးနေကြပေးမယ့် အဆင်မပြေကြောင်း။ နောက်ဆုံးသူမနေနိုင်တော့တာနဲ့ တရားထိုင်နေတာကိုဖြုတ်၊ ၀စီပိတ်အဓိဋ္ဌာန်ကိုလည်း ဖျက်လိုက်ပြီး အဲဒီယောဂီကို လိုအပ်တဲ့ စောင့်ရှောက်ကုသမှုလုပ်ပေးခဲ့တဲ့အကြောင်း။ အဲဒီယောဂီဟာ တရားမှတ်နေရင်း ခန္ဓာကိုယ်ထဲမှာ ကာဗွန်ဒိုင်အောက်ဆိုဒ် level ကျသွားတာမို့ ဖြစ်ကြောင်း၊ ဖြစ်နိုင်ချေက အသက်ရှူတဲ့ပုံစံ ပုံမှန်မဟုတ်တာကနေ စဖြစ်တာဖြစ်နိုင်ကြောင်း စသဖြင့် ရေးထားတာ ဖတ်ဖူးခဲ့ပါတယ်။

အဲဒီဆောင်းပါး သတင်းစာမှာပါတဲ့အချိန်က ပုဂံမြို့ နားက နာမည်ကြီးရိပ်သာတစ်ခုမှာ ယောဂီတွေတရားအားထုတ်ရာကနေ ခန္ဓာကိုယ်အနေအထားအမျိုးမျိုးတွေဖြစ်ကြတာနှင့်ပတ်သက်ပြီး ဗွီဒီယိုဖိုင်တွေထွက်၊ နောက် မန္တလေးက အခုနာမည်ကြီးနေတဲ့ အမျိုးသားရေးဆရာတော်က အဲဒီအကြောင်းစာအုပ်ထုတ်ပြီး ရှင်းနေတဲ့အချိန်လို့ ခန့်မှန်းမိပါတယ်။

အဲဒီတုန်းက ဖြစ်ခဲ့တဲ့ ယောဂီတွေတရားအားထုတ်ရင်း ခန္ဓာကိုယ်တွေက မြင်ရတဲ့သူ အဆင်မပြေ၊ မတင့်တယ်အောင် ဖြစ်ခဲ့ကြတဲ့ကိစ္စဟာ ကြားထဲမှာ နှစ်တော်တော်ကြာ ငြိမ်နေခဲ့ပြီး၊ အခု ဒီနှစ်ပိုင်းထဲရောက်တော့မှ ရိပ်သာတချို့ ကယောဂီတွေရဲ့  ဗွီဒီယိုဖိုင်တွေ၊ ဓါတ်ပုံတွေ အွန်လိုင်းမှာ ပြန်တက်လာတာကနေ တခါ လူပြောများလာပြန်ပါတယ်။ ပြောကြတဲ့သူတွေထဲမှာ ဒါမဖြစ်သင့်ဘူးလို့ ပြောကြတဲ့သူတွေရှိသလို၊ ဒါဟာ တရားကြောင့်ဖြစ်တာ၊ ယောဂီရဲ့  စရိုက်ကြောင့်ဖြစ်တာ စသဖြင့် အကောင်းဘက်ကနေ ပြောနေကြတဲ့သူတွေလည်း ရှိနေတာတွေ့ရပါတယ်။

တရားကြောင့်ဖြစ်တာ ဟုတ်၊ မဟုတ်။ ယောဂီရဲ့  စရိုက်ကြောင့် ဖြစ်တာ ဟုတ်မဟုတ်ဆိုတာကိုကတော့ မြတ်စွာဘုရားရှင်ဟောခဲ့တဲ့ ပိဋကတ်ပါဠိတော်ထဲကတရားတော်တွေ၊ အဋ္ဌကထာ၊ ဋီကာ တွေမှာ ကိုယ်တိုင်လိုက်ရှာဖတ်နိုင်ရင်လည်း ဖတ်၊ မဖတ်နိုင်ရင်လည်း ပါချုပ်ဆရာတော်တို့၊ ဖားအောက်ဆရာတော်တို့၊ ယောဆရာတော်တို့၊ ဆရာတော်ဦးဇောတိက၊ Oxford ဆရာတော် တို့လို ပရိယတ်၊ ပဋိပတ်ရော၊ တခြား ဘာသာတွေရဲ့  အယူဝါဒကျင့်စဉ်တွေ၊ အနောက်တိုင်းစိတ်ပညာနှင့် ဆေးပညာ ဗဟုသုတပါပြည့်စုံကြတဲ့ ဆရာတော်ဘုရားကြီးတွေဆီကို လူကိုယ်တိုင်ဖြစ်ဖြစ်၊ စာနှင့်ဖြစ်ဖြစ် ချဉ်းကပ်ပြီး မေးလျှောက်ကြည့်ကြရင် အဖြေမှန်သိကြရမယ်လို့ ယုံကြည်ပါတယ်။

အခုပြဿနာကို ဘာကြောင့်ဖြစ်ရတယ်ဆိုတာနှင့်ပတ်သက်ပြီး ဆေးပညာရှုထောင့်ကနေ သိချင်တာနဲ့ မိတ်ဆွေဆရာဝန်တစ်ယောက်နှင့်ဆွေးနွေးဖြစ်ခဲ့ပါတယ်။ အဲဒီမိတ်ဆွေနှင့် မေးမြန်းဆွေးနွေးထားတာတွေထဲကနေ တချို့ ကို ထုတ်နုတ်ပြောပြချင်ပါတယ်။ မိတ်ဆွေရှင်းပြတာက

- ဆေးပညာမှာ လူနာက အသက်ရှူ အရမ်းမြန်အောင်လုပ်ရင် (၁ မိနစ်ကို အခါ ၅၀-၆၀ လောက် လုပ်ရှူတာမျိုး) ဒီလို ၁၅မိနစ်ကျော် ကြာလာရင် ကိုယ်ထဲက ကာဗွန်ဒိုင်အောက်ဆိုဒ် လယ်ဗယ် ကျသွားပြီး ထိုသူမှာ နှလုံးခုန်အရမ်းမြန်တာ၊ လက်တွေ ခြေတွေ အကြောကပ်ကုန်တာ၊
ချွေးစေးပျံ မူးဝေတာတွေ ဖြစ်တတ်ပါတယ်၊၊

ဆေးရုံမှာ ဒီလို လူနာမျိုးတွေကို တွေ့ ရတတ်တယ်။ အထူးသဖြင့် မိန်းခလေးငယ်တွေ၊ Gay တွေ နဲ့ attention seekers တွေ မှာ ဖြစ်လေ့ရှိတယ်၊၊ စာမေးပွဲ​ကြီးတွေ​နီးရင် ဆေးရုံကို လာတတ်ကြတယ်၊၊ လူနာက လူတွေ ၀ိုင်းနေလေ ပိုလုပ်ပြလေပဲ။ တစ်ယောက်ထဲ အဲဒီလူနာကုို အခန်းထဲမှာ ထားလိုက်ရင် ရပ်သွားရော၊၊ hysterical outcry လို့ လည်း ခေါ်ပါတယ်၊၊

- တကယ်လို့  အသက်ရှူ အရမ်းနှေးပြီး ကိုယ်ထဲမှာ ကာဗွန်ဒိုင်အောက်ဆိုဒ်များလာရင် respiratory acidosis လို့ ခေါ်ကာ လူနာမှာ ခေါင်း အရမ်းကိုက်ခြင်း၊ မှတ်ဉာဏ်ပျက်ဆီးခြင်း၊ မောပန်း နွမ်းနယ်ခြင်း၊ ဂနာမငြိမ်ဖြစ်ခြင်း စတာတွေ ဖြစ်တတ်ပါတယ်၊၊

မိတ်ဆွေပြောတာနှင့်စပ်ဆက်ပြီး လွန်ခဲ့တဲ့ တစ်နှစ်ကျော်၊ နှစ်နှစ်လောက်က မြန်မာပြည် အရပ်ဒေသတချို့ က ကျောင်းတွေမှာ ကျောင်းသူတွေကိုသရဲဝင်ပူးတာ၊ စက်ရုံဝန်ထမ်း အမျိုးသမီးတချို့  သရဲပူးခံရတာ၊ နောက် အမျိုးသမီးတွေကို နဂါးဝင်ပူးတာတွေ တော်တော်များများ ဖြစ်လိုက်သေးတာကို မှတ်မိကြမယ်ထင်ပါတယ်။ သံဃာတော်တွေ ပရိတ်ရွတ်ပေးပေမယ့်လို့ မသက်သာကြတာတွေ ရှိခဲ့တယ်။ ဒီလိုကိစ္စမျိုးတွေမှာ ဘာသာရေးကိုချည်း အားမကိုးပဲ၊ ဆေးပညာနှင့် စိတ်ပညာကျွမ်းကျင်သူတွေရဲ့  အကူအညီနှင့် အကြံဉာဏ်ကိုလည်း ယူသင့်တယ်လို့ အဲဒီတုန်းကတည်းက တွေးမိပါသေးတယ်။

မိတ်ဆွေ ဆက်လက် သုံးသပ်ပြတာက -

ဒါကြောင့် အချို့ အထိုင်ပြိုင်ပွဲ လုပ်တဲ့ရိပ်သာတွေမှာ ကိုယ်-ခြေ-လက် နာကျင်တာကို အာရုံလွှဲဖို့ အတင်း မြန်မြန်ရှူတာတွေ လုပ်ကြတဲ့အခါ
(၁) နဂိုကလည်း သမာဓိ အခံကမရှိ
(၂) နာကျင်နေလို့  ဒေါသကလည်း ထွက်နေ
(၃) ဘေးနားက လူတွေ ၀ိုင်းကြည့်နေတာကိုလည်း သိနေ
(၄) နာတာကိုလည်း မပြောင်းမပြင်ရဲ
(၅) သူများတွေလို ရတယ်လို့သိအောင် attention ရှာ (hysterical outcry)
(၆) နာကျင် ဒေါသထွက်နေတော့ — sympathaetic ဟိုမုန်းတွေ အလွန်အကျွံထွက်ပြီး -
နှလုံးခုန်မြန်- ချွေးပြန်၊ ရုတ်ရင်း ကြမ်းတမ်းတဲ့ ပုံထွက်၊ တွန့် လိမ်ကောက်ကွေး၊ သူငယ်အိမ်ကျယ်၊ မျက်နှာ၊ လည်ပင်း၊ ရင်ဘတ် နီရဲလာပြီး ပေါတောတောရူးကြောင်ကြောင် အပြုအမူတွေဖြစ်ကြတာလို့  ထင်ပါတယ်၊၊

အများစု အနာခံထိုင်ခိုင်းကြတဲ့ သူတွေမှာ ဖြစ်တတ်တာက - respiratory alkalosis ဖြစ်ရင်း နောက်ပိုင်း နာတာမခံနိုင်၊ စိတ်တိုလာတော့ sympathetic overdrive ဖြစ်ကာ အူတူတူ တွေ ဖြစ်တာနဲ့  ဘ၀ဆုံးကြတာလို့  ထင်တယ်၊၊ သူတို့ မှာ ဘာသမာဓိမှ မဖြစ်တော့ neuropeptide ကလဲ မထွက်ဘူး။

သူက alkalosis ဖြစ်စေ- acidosis ဖြစ်စေ ဖြစ်ရင် နောက်ဆုံး sympathetic over drive နဲ့  ပေါင်းကာ မျက်စေ့ သူငယ်အိမ်ကျယ်လာတယ် (ဆေးခြောက်သမားလို)၊ body balance မထိန်းနိုင်ဘူး။ dystonic posture ပါ၊၊ အခန့် မသင့်ရင် စိတ်ရောဂါတောင် ဖြစ်နိုင်တယ် လို့  ထင်ပါတယ် ဆိုပြီး ရှင်းပြသွားပါတယ်။

မိတ်ဆွေဆရာဝန်က ဒီနေ့ခေတ် တရားအားထုတ်နေကြသူတွေနှင့် ပတ်သက်ပြီး သူ့ထင်မြင်ချက်ကို ဆက်ပြောတာက - “တရားအားထုတ်သူတွေ များလာကြတာမှန်ပေမယ့် induction course နဲ့  သေချာ အကြံပေးမယ့် ကလျာဏမိတ်ကောင်းတွေ မရှိကြတော့ လဲရာထိုင်ဘ၀ ဖြစ်နေကြရတယ်၊၊ သူတို့ ကို အသေတတ်ပြီ၊ ရပြီလို့  ဆရာကပြောလွှတ်လိုက်တေ့ာ သူတို့ ခမျာမယ် ဘာမှ မသိသေးမှန်းအချို့ က သိပေမယ့် ရိပ်သာကိုလည်း ပြန်မသွားရဲ။ ပြန်သွားရင် နာမှာကိုး။ နာတာကို သေမလောက်ကြောက်သွားရတာနဲ့  ဘ၀ဆုံးကြရတယ်၊၊ ဆရာကို တရား ပြန်မေးတဲ့သူတွေ ​အဆူခံကြရတယ်၊၊ တော်တော် သနားစရာကောင်းပါတယ်။“ လို့ ပြောပါတယ်။

လွန်ခဲ့တဲ့ လေးနှစ်ကျော်၊ ငါးနှစ်လောက်ကပါ။ ပရိယတ်စာပေကျွမ်းကျင်နှံ့စပ်တဲ့ ခင်မင်ရင်းနှီးတဲ့ မိတ်ဆွေ ဆရာတော်လေးတစ်ပါးဟာ အခု မြန်မာပြည်မှာ အရမ်းနာမည်ကြီးနေတဲ့ ထိုင်နည်းပုံစံတစ်ခုနှင့် ယောဂီတွေကို နာရီအကြာကြီးထိုင်ခိုင်းတတ်တဲ့ ရိပ်သာမှာ သူတို့ သတ်မှတ်ထားတဲ့ ရက်အတိုင်း အဓိဋ္ဌာန်အောင်မြင်တဲ့အထိ ထိုင်နိုင်ခဲ့ပါတယ်။ သူ့ကို ရိပ်သာနှင့်ပတ်သက်တဲ့ အတွေ့အကြုံတွေမေးကြည့်တဲ့အခါမှာတော့ အံ့သြတကြီးဖြစ်ခဲ့ရပါသေးတယ်။

နာရီရှည်ကို သူတို့သတ်မှတ်ထားတဲ့ အထိုင်ပုံစံအတိုင်းထိုင်နေကြတဲ့အချိန်အတွင်းမှာ အဲဒီထိုင်နေတဲ့ယောဂီဟာ တကယ်လို့ တံတွေး၊ သလိပ်စသည် ထွေးချင်ရင် ယောဂီထိန်းကို လှမ်းခေါ်ပြီး ထွေးလို့ရပါတယ်တဲ့။ ရေသောက်ချင်ရင်လည်း ရေတောင်းသောက်လို့ရတယ်လို့ ဆိုပါတယ်။ အဲဒီလိုခွင့်ပြုထားတော့ ယောဂီ တော်တော်များများက တရားထိုင်တာကြာလာလို့ ခန္ဓာကိုယ် ညောင်းလာ၊ နာလာတဲ့အခါမှာ တံတွေးထွေးချင်ချင်၊ မထွေးချင်ချင်၊ ရေသောက်ချင်ချင်၊ မသောက်ချင်ချင် ယောဂီထိန်းတွေကို ခဏခဏခေါ်ပြီး တံတွေးထွေး၊ ရေတောင်းသောက်လုပ်ကြပါတယ်။ ဘာပဲဖြစ်ဖြစ် အဲဒီအချိန်ခဏမှာ ခန္ဓာကိုယ်ကို မသိမသာနဲနဲလှူပ်ရှားလို့ရတဲ့အတွက် ညောင်းတာ၊ နာတာ သက်သာကြတာမို့ပါ။ ရိပ်သာပြီးလို့ တရားအတွေ့အကြုံကို ဆရာတော်က ပရိတ်သတ်တွေကြားမေးတဲ့အခါမှာလည်း မေးခွန်းအများစုက Leading Question တွေဖြစ်နေတတ်ပြီး ဖြေတဲ့ယောဂီက မလူးသာမလွန့်သာနှင့် ဆရာတော် ဖြေစေချင်တဲ့ အဖြေကိုပဲ ဖြေပေးလိုက်ကြရတာ များတယ်လို့ဆိုပါတယ်။

လေ့လာကြည့်မယ်ဆိုရင် မြတ်စွာဘုရားရှင်က တရားအားထုတ်တဲ့နေရာမှာ ထိုင်ပုံထိုင်နည်းနှင့်ပတ်သက်လို့ ဘယ်လိုပုံစံနှင့်ထိုင်ရမယ်ဆိုပြီး သတ်သတ်မှတ်မှတ်ဟောထားခဲ့တာဆိုလို့ အာနာပါနကမ္မဋ္ဌာန်းတစ်ခုပဲရှိပါတယ်။ ကျန်တဲ့ကမ္မဋ္ဌာန်းနည်းတွေမှာ ဘယ်လိုထိုင်ရမယ်ဆိုတာမျိုး ဘာမှပြောမထားခဲ့ပါဘူး။ အချိန်သတ်မှတ်ချက်နှင့် ပတ်သက်ပြီးလည်း အချိန်ဘယ်လောက်ကြာကြာထိုင်အားထုတ်ရမယ်လို့ မမှာခဲ့ပေမယ့် ကြိမ်ဖန်များစွာ ထပ်ခါထပ်ခါအားထုတ်ရမယ်လို့ မိန့်တော်မူခဲ့တာမျိုးပဲရှိတာကို အားလုံးသိကြမှာပါ။

အခုခေတ်မှာ တရားပြတဲ့ ဆရာသမားတွေက မိမိတို့ နှစ်သက်သဘောကျတဲ့ ထိုင်ပုံထိုင်နည်း
ပုံစံတွေကို တီထွင်၊ စည်းကမ်းသတ်မှတ်ပြီး ယောဂီတွေကို တရားပြသနေကြပေမယ့် ဒါတွေဟာ ယောဂီတစ်ဦးချင်းစီတိုင်းအတွက် အံဝင်ခွင်ကျဖြစ်မယ်၊ မဖြစ်မယ်ဆိုတာ ပြောရခက်လှပါတယ်။

ပြီးခဲ့တဲ့ သုံးလေးရက်လောက်က မိတ်ဆွေတစ်ယောက်က အွန်လိုင်းမှာ တွေ့နေရတဲ့ ယောဂီတွေ တရားအားထုတ်ရင်း ကို့ရို့ ကားယားပုံတွေဖြစ်နေတာနှင့်ပတ်သက်ပြီး ဘာလို့ လူတွေ အဲလိုတွေဖြစ်ကုန်ကြတာလဲလို့မေးပါတယ်။ လူတွေတရားအားထုတ်ကြတာမှာ သဘောထားမှားနေကြလို့၊ အတ္တတွေပါနေကြလို့ပါ လို့ ခပ်တိုတိုပဲ ပြန်ဖြေဖြစ်လိုက်ပါတယ်။

နိဗ္ဗာန်မဂ်ဖိုလ်ကို အချိန်တိုတို၊ ရက်တိုတိုနှင့် ရချင်ကြတာ ကောင်းပေမယ့် သံဝေဂကို အခြေမခံပဲ အတ္တကို အခြေခံမိကြတယ်လို့ထင်ပါတယ်။ သေဖို့အတွက် ပြင်ဆင်ကြတာ ကောင်းတယ်လို့ ဆိုလို့ရပေမယ့် ဒုက္ခဝေဒနာကို နားလည်အောင်လုပ်ဖို့ထက် နာတာကျင်တာကိုက်တာခဲတာတွေ မဖြစ်ချင်တဲ့ အတ္တတွေနှင့် အားထုတ်နေကြတယ်လို့ ထင်ပါတယ်။ ဆရာသမားတွေဘက်ကလည်း ယောဂီကို သဘောထားမှန်မှန်နှင့်အားထုတ်တတ်အောင်၊ ပညာအလင်းပွင့်အောင် တဖြေးဖြေးချင်း လမ်းပြပေးဖို့ထက် တစ်မဂ်တစ်ဖိုလ်ရဖို့၊ နာတာကိုကျော်ပြီး အသေတတ်ဖို့ဆိုတဲ့ မက်လုံးတွေနှင့် တစ်ပတ်၊ ဆယ်ရက်၊ နှစ်ပတ် စခန်းတွေနှင့် အမြန်နည်းသင်ကြားနေကြတာကိုလည်း သတိထားမိပါတယ်။

ဗုဒ္ဓတရားတော်တွေကို စိတ်ဝင်စားနေတဲ့ ဘာသာခြား (နိုင်ငံခြားသား) တစ်ယောက်သာ အခု ရက်ပိုင်း အွန်လိုင်းမှာ ပျံ့ နေတဲ့ ယောဂီတွေရဲ့ ပုံကို မြင်သွားမယ်ဆိုပါစို့။ ဗုဒ္ဓဘာသာဆိုတာ ဒီလိုမျိုးတွေကျင့်ရတာပါလားလို့ တွေးပြီး လန့်သွားမှာ၊ အထင်အမြင်သေးသွားမှာ ကျိန်းသေသလောက် ရှိပါတယ်။

တရားအသိဉာဏ်ရသွားတယ်၊ အင်္ဂလိပ်လို Enlightenment ရသွားတယ်ဆိုတာ စိတ်ရဲ့ အလုပ်၊ တနည်းပြောရင် ဉာဏ်ရဲ့ အလုပ်ပါ။ ရုပ်က ဘယ်လိုဣရိယာပုဒ်နဲ့ပဲနေနေ စိတ်မှာ အသိဉာဏ်ဖြစ်နေဖို့လိုရင်းပါပဲ။ ငယ်ငယ်က အလီပေါင်း ကျက်ခဲ့သလိုပါပဲ။ ထိုင်ရက်နှင့်လည်း ကျက်တယ်။ လမ်းလျှောက်ရင်းလည်းကျက်တယ်။ ရပ်ရင်းလည်းကျက်တယ်။ အိပ်နေရင်လည်း ကျက်တယ်။ အခုအချိန်မှာ ၂ အလီ၊ ၃ အလီကို ဘယ်အချိန်လာမေးမေး၊ ဘယ်လိုလာမေးမေး ဖြေလို့ရသလိုမျိုးပါ။ ထိုင်နေမှ ဖြေတတ်မယ်။ ရပ်နေမှ ဖြေတတ်မယ် ဆိုတာမျိုး မရှိပါဘူး။ ကိုယ်ရထားတဲ့ အလီပေါင်းဟာ ခန္̕̕ဓာကိုယ် Posture နှင့် ဘာမှမဆိုင်ပါဘူး။ တရားဆိုတာလည်း ဒီသဘောအတိုင်းပါပဲ။ ဒါကြောင့် ထိုင်တာကြီးကိုလည်း တအားကြီး စွဲမနေကြပါနဲ့၊ ခန္ဓာကိုယ်တွေ တရားထိုင်ရင်း ကို့ရို့ ကားယားတွေ ဖြစ်နေကြတာလည်း တရားအသိဉာဏ်အလင်းပွင့်ဖို့နှင့် ဘယ်လိုမှ မပတ်သက်ပါဘူးလို့ပဲ ပြောလိုက်ပါရစေဗျာ။

ဆက်လက်ဖတ်ရှုရန်

Thich Nhat Hanh Collection

စူးစူးစိုက်စိုက် ကြည့်ရှုတတ်တာဟာ ဘ၀နေထိုင်နည်းပုံစံ တစ်မျိုးဖြစ်လာနိုင်ပါတယ်။ သတိနှင့် အသက်ရှူတာကို လေ့ကျင့်မှုက သက်ရှိသက်မဲ့အရာဝတ္ထုတွေအပေါ် နီးကပ်ယဉ်ပါးလာစေပြီး သူတို့ရဲ့ မတည်မြဲတဲ့သဘာဝကို စူးစိုက်ကြည့်ရှုမှုမှာ အထောက်အကူဖြစ်စေပါတယ်။ အဲဒီအလေ့အကျင့်က အရာရာတိုင်း အစဉ်မတည်မြဲနိုင်တာကြောင့် ဘ၀မှာ နေထိုင်နေရတာ ဘာများ တန်ဖိုးရှိအုံးတော့မှာလဲလို့ အပြစ်တင်နေတတ်တာကို တားဆီးထိမ်းပေးလိုက်ပါတယ်။

မတည်မြဲမှုဆိုတာ ပြောင်းလဲနိုင်ဖို့အတွက် ဖြစ်လာတာပါ။ “မတည်မြဲမှုကြီး သက်တော်ရာကျော်ရှည်ပါစေ။“ လို့တောင် အားလုံးက ဆုတောင်းပေးသင့်ပါသေးတယ်။ 

ခံစားနေရတဲ့ စိတ်ဆင်းရဲသောကတွေကို ပျော်ရွှင်မှုအဖြစ် ပြောင်းလဲပစ်လိုက်နိုင်လို့ မတည်မြဲမှုကြီးကို ကျေးဇူးအထူးတင်ကြရမှာပါ။

~ Thich Nhat Hanh

ဆက်လက်ဖတ်ရှုရန်

တရားသံဆူညံမှုပြဿနာ

တနေ့က နာဖြစ်လိုက်တဲ့ မူလဓမ္မဆရာတော်တရားထဲမှာ ဆရာတော်က သူစဉ်းစားပုံလေးကိုပြောပြထားတယ်။

နောင်ဆို ရွာမှာရိပ်သာတရားစခန်းဖွင့်ရင် တရားဟောတဲ့အခါ လော်စပီကာကြီးတွေနှင့် တစ်ရွာလုံးကြားအောင် မလုပ်တော့ပဲ ကိုယ့်ကျောင်းထဲမှာပဲ တရားလာအားထုတ်ကြတဲ့ ယောဂီတွေ ကြားလောက်ရုံ ရိုးရိုးစပီကာလေးနဲ့ပဲ ဟောတော့မယ်လို့တွေးမိတယ်တဲ့။ ဘာဖြစ်လို့လဲဆိုတော့ မြတ်စွာဘုရားရှင်တောင်မှ တရားဟောတဲ့အခါ ကိုယ်တော်မြတ်ရဲ့ အသံတော်ကို သူကြားစေလိုတဲ့ တရားနားပရိတ်သတ်ကလွဲရင် တခြား အပြင်ဘက်က မဆိုင်တဲ့သူတွေဆီကို ရောက်မသွားအောင် တန်ခိုးတော်နှင့်ထိန်းတော်မူခဲ့တယ်။ ဒါကို အတုယူရမယ်လို့ ဆရာတော်က မိန့်တော်မူတယ်။

တရားတစ်ခုဟာ ဘယ်လောက်ကြီးကောင်းနေပါစေ။ နှစ်သက်တဲ့သူရှိမယ်။ မနှစ်သက်တဲ့သူလည်းရှိမယ်။ နားလည်တဲ့သူရှိမယ်။ နားမလည်တဲ့သူလည်းရှိမယ်။ ကြားလိုက်ရလို့ သဒ္ဓါပညာဖြစ်လာတဲ့သူရှိမယ်။ အကုသိုလ်ဖြစ်သွားမယ့်သူလည်းရှိမယ်။ ဒါကြောင့် မဆိုင်တဲ့သူတွေ ၊ မလိုအပ်တဲ့သူတွေ မကြားရပဲနေတာက ပိုအဆင်ပြေပါတယ်တဲ့။

ဒီဘက်ခေတ်မှာ ဘာသာရေးအကြောင်းပြပြီး အသံချဲ့ စက်ကို နေ့ညမရှောင် မဆင်မခြင်ဖွင့်နေကြတာတွေ ပိုပိုဆိုးလာတာ သတိထားမိတယ်။ အသံမဆဲပဋ္ဌာန်းလိုမျိုးကစလို့၊ အကြောင်းအမျိုးမျိုးနှင့် အလှူခံတာတွေ၊ တရားပွဲကျင်းပတာတွေ၊ ရာသီအလိုက် ဘာသာရေးအခမ်းအနားလုပ်မှာမို့ သီချင်းဖွင့်တာတွေ အားလုံးမှာ အသံကို ပွဲကျင်းပနေတဲ့နေရာပြင်ပကို မရောက်ရအောင် ထိန်းသိမ်းဆင်ခြင်ပေးနိုင်ကြရင် အတော်ကောင်းမှာပဲလို့ တွေးမိတယ်။

နာမကျန်းတဲ့လူနာတွေနှင့် သက်ကြီးရွယ်အိုတွေအတွက် ပရိတ်၊ ပဋ္ဌာန်းပင်ဖြစ်ပါစေ။ ဒါတွေကို ကျယ်ကျယ်လောင်လောင်ကြားရတဲ့အခါမှာ ကုသိုလ်စိတ်ဖြစ်လာဖို့ထက် အကုသိုလ်စိတ်ဖြစ်သွားဖို့က ရာခိုင်နှုန်းပိုများတယ်ဆိုတာ ကြုံဖူးသူတိုင်းသိကြမှာပါ။ ဗုဒ္ဓဘာသာဝင်တွေတောင် စိတ်ညစ်ကြရင် တခြားဘာသာကိုးကွယ်ကြတဲ့သူတွေဆို ပိုဆိုးဖို့ပဲရှိပါတယ်။ ကိုယ့်လုပ်ရပ်က ကိုယ့်ဘာသာရဲ့ ပုံရိပ်ကိုလည်း ထိခိုက်သွားနိုင်စေသလို ကိုယ်ကိုးကွယ်တဲ့ ဘုရားကို လူမုန်းများအောင် လုပ်မိစေတာမျိုး မဖြစ်အောင် အထူးဂရုပြုဆင်ခြင်သင့်လှတယ်လို့ ထင်ပါတယ်။

ဆက်လက်ဖတ်ရှုရန်

Thich Nhat Hanh Collection

သွားတိုက်နေတဲ့အခါမှာဖြစ်ဖြစ်၊ မနက်စာချက်ပြုတ်နေတဲ့အခါမှာဖြစ်ဖြစ်၊ တရားခန်းမဆီကို သွားနေတဲ့အခါမှာဖြစ်ဖြစ် - လုပ်နေတဲ့ကိစ္စတိုင်း၊ လှမ်းနေတဲ့ခြေလှမ်းတိုင်း၊ အသက်ရှူသွင်းရှူထုတ်နေတိုင်းမှာ စိတ်ချမ်းသာမှုနှင့်ပျော်ရွှင်မှုတွေ မိမိတို့အတွက် သယ်ဆောင်လာနိုင်ပါစေ။

ဘဝမှာ ဆင်းရဲဒုက္ခတွေက ပြည့်နှက်နေနှင့်ပြီးသားပါ။ ဒါတွေကို ထပ်ပြီးဖန်တီးနေဖို့ မလိုအပ်တော့ပါဘူး။

TNH

ဆက်လက်ဖတ်ရှုရန်

ပြဿနာတွေကို ဖန်တီးပေးနေတဲ့ စိတ်

(အောက်ဖော်ပြပါအကြောင်းအရာကတော့ ကြည်ညိုလေးစားရပါသော ဦးဇောတိက ဆရာတော်ဘုရားမှ အခက်အခဲပြဿနာတွေအများကြီး ကြုံတွေ့ရတတ်တဲ့ ဘဝနှင့်ပတ်သက်ပြီး တပည့်တစ်ဦးကို သွန်သင်ဆုံးမထားတဲ့ တရားအဆုံးအမထဲကနေ ပြန်လည် ကောက်နှုတ်ဖော်ပြထားတာ ဖြစ်ပါတယ်။)

▶️

ဘ၀မှာ ပြဿနာတွေ၊ အခက်အခဲတွေနှင့် ပြည့်နှက်နေတယ်လို့ ပြောတဲ့စကားဟာ မှန်ပါတယ်။

ဘ၀မှာ ပြဿနာတွေ၊ အခက်အခဲတွေနှင့် ပြည့်နေတယ်။

မွေးလာတဲ့အချိန်ကနေစပြီး အခက်အခဲဆိုတာတွေကို ရယူပိုင်ဆိုင်လာရတယ်။ ဒါက သဘာဝတရားပါပဲ။ သူတို့ကို အကောင်းဆုံးရင်ဆိုင်ဖြေရှင်းနိုင်မယ့် နည်းလမ်းကို ရှာဖွေသွားဖို့ပဲ လိုအပ်တာပါ။

အခက်အခဲဆိုတာမှာ သဘာဝအတိုင်း သူ့အလိုလို ဖြစ်လာတဲ့ အခက်အခဲတွေရယ်၊ လူတွေဖန်တီးလိုက်လို့ ဖြစ်လာတဲ့ အခက်အခဲတွေရယ် ဆိုပြီး ရှိတယ်။

သဘာဝကြောင့် ဖြစ်လာတဲ့ အခက်အခဲပြဿနာတွေကိုတော့ သဘာဝကျတဲ့ နည်းလမ်းတွေကို ရှာဖွေစဉ်းစားပြီး သူတို့ကို ပြေလည်အောင် ဖြေရှင်းပစ်လိုက်လို့ရတယ်။

ဒါပေမယ့် ကိုယ်ကိုယ်တိုင်ကလည်း ပြဿနာတွေဖြစ်လာအောင်လို့ ပြုလုပ်မိ
နေတတ်တယ်။ ကိုယ့်ကြောင့် ဖြစ်လာရတဲ့ ပြဿနာတွေကိုကျတော့ ဘယ်လိုနည်းတွေနှင့် ဖြေရှင်းပစ်မလဲ။

ပထမဆုံး ကိုယ်က ဒီအခက်အခဲပြဿနာတွေကို ဖြစ်လာအောင် ပြုလုပ်လိုက်မိတယ် ဆိုတာကို ရှင်းရှင်းလင်းလင်း သိထားဖို့လိုအပ်တယ်။

ပြဿနာကို ဖြစ်လာအောင် ဖန်တီးလိုက်မိတဲ့စိတ်နှင့် ပြဿနာဖန်တီးလိုက်မိတဲ့စိတ်ကို ပြန်ပြီးသိလိုက်တဲ့စိတ်ဟာ စိတ်သဘာဝ ပုံစံချင်းမတူကြဘူး။

ပြဿနာကို ဖန်တီးတဲ့စိတ်မှာ သတိတရားမရှိဘူး။ တည်ကြည်မှုမရှိဘူး။ ပညာမပါဘူး။

ပြဿနာဖြစ်လာအောင် ဖန်တီးမိလိုက်ပါလားလို့ ပြန်သိလိုက်တဲ့စိတ်မှာကျတော့ သတိတရားလည်းပါတယ်။ ပညာလည်းပါနေတယ်။

ပြဿနာတွေကိုဖြေရှင်းဖို့အတွက်ဆိုရင် အဲဒီ ပြဿနာတွေကို ဖြစ်လာအောင်ဖန်တီးလိုက်တဲ့ စိတ်နှင့် အမျိုးအစားပုံစံတူ အခြားစိတ်တစ်ခုနှင့် ဖြေရှင်းလို့ မရနိုင်ဘူး။

ပြဿနာကို ဖြေရှင်းဖို့အတွက်ဆိုရင် သတိတရားရှိပြီး အခက်အခဲအပေါ်မှာ ပညာဉာဏ်ကြီးကြီးနှင့် မြင်တတ်တဲ့ စိတ်မျိုးရှိဖို့လိုအပ်တယ်။

ကိုယ့်စိတ်က ပြဿနာတွေကို ဖန်တီးနေတယ်လို့ မြင်လာတဲ့အခါမှာ ပြဿနာအများစုဟာ ဖြေရှင်းပြီးသား ဖြစ်သွားတယ်။ ပြဿနာတွေဖြစ်အောင် ကိုယ်က မဖန်တီးတော့တဲ့အခါ သဘာဝကြောင့် သူ့အလိုလိုဖြစ်လာတဲ့ အခက်အခဲပြဿနာတွေလောက်ပဲ ကိုယ့်မှာ ဖြေရှင်းဖို့ ကျန်တော့တယ်။ ပြဿနာတွေရဲ့  ၉၀ ရာခိုင်နှုန်းကျော်ဟာ သူ့အလိုလို ပျောက်ပျက်သွားတယ်။ ဘာလို့လဲဆိုတော့ သူတို့ဖြစ်လာအောင် ကိုယ့်ဘက်က ထပ်ပြီး မလုပ်တော့လို့ပဲ။

ဖြေရှင်းဖို့ကျန်တဲ့ ပြဿနာ ၁၀ ရာခိုင်နှုန်းလောက်ဟာလည်း ကိုယ့်အပေါ်မှာ ၀န်ထုပ်ဝန်ပိုး မဖြစ်စေတော့ဘူး။ သူတို့ကို ဖြေရှင်းရင်လည်း ဖြေရှင်းလိုက်နိုင်မယ်။ မဖြေရှင်းပဲ သူတို့နှင့်အတူ နေသွားမယ်ဆိုရင်လည်း ရနိုင်တယ်။

အရင်က ပေါင်တစ်ရာလောက်အလေးချိန်ကို ထမ်းထားရာကနေ အခု ပေါင် ၉၀ လျှော့ကျသွားပြီး ၁၀ ပေါင်လောက်ပဲ ထမ်းစရာကျန်တော့မယ်ဆိုရင် ၀န်ပိမနေတော့ဘူး။ ဒီအလေးချိန်လောက်ကို ကောင်းကောင်းထမ်းထားလို့ရသွားတယ်။

ဘ၀မှာလည်း မလိုအပ်တဲ့ပြဿနာတွေကို စိတ်ကထပ်ပြီး မဖန်တီးတော့ဘူးဆိုရင် ဘ၀ဟာ ၀န်ပေါ့သွားတယ်။ ပေါ့ပေါ့ပါးပါးနှင့် ဘ၀ခရီးကို ဆက်သွားနိုင်တယ်။

ခန္ဓာ့ ဝန်နှင့် ကိလေသာဝန်ဆိုပြီးတော့ ၀န်ထုပ်ဝန်ပိုးက နှစ်မျိုးရှိတယ်။

ခန္ဓာကိုယ်ကို ကျန်းကျန်းမာမာဖြစ်အောင် စောင့်ရှောက်ဖို့ လိုအပ်တယ်။ ဒါကြောင့် အစားစားတယ်၊ အပူအအေးတွေ အလွန်အကျွံမဖြစ်အောင်လို့ ကာကွယ်တယ်။ ပင်ပန်းရင် နားရတယ်။ အိပ်ရတယ်။ နေမကောင်းတဲ့အခါ ဆေးကုသမှုကို ခံယူရတယ်။ ဒါတွေအားလုံးဟာ ခန္ဓာ့ ဝန်တွေပဲ။ ဒါပေမယ့် သူ့မှာ အကန့်အသတ်တော့ ရှိတယ်။

ကျန်းမာရေးနှင့်ညီညွတ်တဲ့ အစားအစာတွေက ဒီလောက်ဈေးမကြီးဘူး။
ကျန်းမာရေးနှင့် မညီညွတ်တဲ့ အစားအစာတွေက ပိုဈေးကြီးတယ်။ စီးကရက်တွေ အရမ်း ဈေးကြီးတယ်။ ၀ိုင်အရက်တွေလည်း ဈေးကြီးတယ်။ တခြားတခြား စားဖို့မလိုတဲ့ဟာတွေ၊ သောက်ဖို့မလိုတာ၊ သုံးဖို့မလိုတာတွေက ဈေးပိုကြီးကြတယ်။ ကျန်းမာရေးနှင့် ညီညွတ်မျှတတဲ့ အ၀တ်အစားမျိုးတွေဆိုရင် ဈေးက ဒီလောက်မကြီးဘူး။

ခန္ဓာကိုယ် ကျန်းကျန်းမာမာနေဖို့အတွက်ဆိုရင် အခက်အခဲများများစားစားမရှိပဲ နေမယ်ဆို နေလို့ရနိုင်တယ်။ ရောဂါဝေဒနာအများစုကလည်း ခေတ်မီဆေးကုသမှု ကုထုံးတွေနှင့် ကုသမယ်ဆိုရင် ပျောက်ကင်းပြီး သက်သာနိုင်တယ်။

ဒါပေမယ့် ကိလေသာဝန်မှာတော့ အကန့်အသတ်ဆိုတာမရှိဘူး။

လောဘဖြစ်လာပြီဆိုရင် အကန့်အသတ်ဆိုတာမရှိတော့ဘူး။ဘယ်တော့မှ တကယ် တင်းတိမ်ရောင့်ရဲတယ်ဆိုတာ မရှိဘူး။ လောဘကြောင့်ဖြစ်လာတဲ့ အာသာဆန္ဒကိုပြည့်ဝဖို့ ဘယ်လောက်ဖြည့်ဆည်းဖြည့်ဆည်း လုံလောက်သွားပြီ၊ ပြည့်သွားပြီဆိုတာ မရှိဘူး။ အသိဉာဏ်ကပဲ လောဘကို ကန့်သတ်ပေးနိုင်တယ်။ ထိန်းပေးနိုင်တယ်။

လောဘက သူ့ကြောင့်ဖြစ်လာတဲ့ ပြဿနာကို ဖြေရှင်းမပေးနိုင်ဘူး။ လောဘမရှိတဲ့ စိတ်ကမှ လောဘက ဖန်တီးပေးလိုက်တဲ့ ပြဿနာကို ဖြေရှင်းပေးနိုင်တယ်။

မာနကြီးတာ၊ စိတ်ကြီးဝင်ပြီး ဘ၀င်မြင့်တာ၊ ဒေါသထွက်တာ၊ မနာလိုတာ၊ ၀န်တိုတာ အားလုံးဟာ ပြဿနာတွေကို ဖန်တီးတယ်။

ဒေါသကလည်း သူ့ကြောင့်ဖြစ်လာတဲ့ ပြဿနာကို ဖြေရှင်းမပေးနိုင်ဘူး။ ဒေါသမရှိတဲ့ စိတ်ကမှ ဒေါသက ဖန်တီးပေးလိုက်တဲ့ ပြဿနာကို ဖြေရှင်းပေးနိုင်တယ်။

မာနကလည်း သူ့ကြောင့်ဖြစ်လာတဲ့ ပြဿနာကို ဖြေရှင်းမပေးနိုင်ဘူး။ မနာလိုတာတွေ၊ ၀န်တိုတာတွေကလည်း သူတို့ ဖန်တီးလိုက်တဲ့ ပြဿနာကို ဖြေရှင်းမပေးနိုင်ဘူး။

လောဘ၊ ဒေါသ၊ မာန၊ မနာလိုမှု၊ ၀န်တိုမှုတွေ မရှိတဲ့စိတ်၊ သတိရှိနေတဲ့စိတ်၊ ပညာဉာဏ်ဦးစီးနေတဲ့စိတ်ကသာ ပြဿနာတွေကို ရှင်းရှင်းလင်းလင်း မြင်နိုင်ပြီး ဖြေရှင်းပေးနိုင်တယ်။

ဒါကြောင့် ဘ၀မှာ ကောင်းကောင်းမွန်မွန်နေသွားချင်တယ်ဆိုရင်၊ ဘ၀ခရီးမှာ ၀န်ထုပ်ဝန်ပိုးတွေ မထမ်းထားရပဲ ပေါ့ပေါ့ပါးပါးဖြတ်သန်းသွားချင်တယ်ဆိုရင်၊ ပျော်ပျော်ရွှင်ရွှင် နေသွားချင်တယ်ဆိုရင် သတိနှင့်နေထိုင်ကြရလိမ့်မယ်။

သတိရှိလာတဲ့အခါ ဘ၀ကို ကိုယ့်စိတ်ကြိုက် ကိုယ်လိုသလို ဖန်တီးပုံဖော်နိုင်စွမ်း ပိုရှိလာတယ်။

သတိနှင့်နေထိုင်တာဟာ အကောင်းဆုံးသော ဘ၀နေနည်းပဲဖြစ်တယ်။

🔺

(မူရင်းအင်္ဂလိပ်ဆောင်းပါးကို ဆီလျှော်အောင် မြန်မာပြန်ဆိုထားခြင်းဖြစ်ပါသည်။)

ဆက်လက်ဖတ်ရှုရန်

အစာ ဘယ်သူ့ကို ကျွေးမှာလဲ

အဖိုးအိုတစ်ယောက်က သူ့ရဲ့ မြေးလေးကို ပြောပြနေတယ်။ 

"ငါ့မြေးရေ။ ငါတို့အားလုံးရဲ့  ကိုယ်ထဲမှာ ၀ံပုလွေ နှစ်ကောင်ဟာ တိုက်ပွဲဖြစ်နေတတ်တယ်။"

"တစ်ကောင်က မကောင်းဆိုးရွား …။ သူဟာ …ဒေါသထွက်တာ၊ မနာလိုဝန်တိုတတ်တာ၊ လောဘကြီးတာ၊ ပူဆွေးသောကရောက်တာ၊ သိမ်ငယ်စိတ်ဖြစ်နေတာ၊ လိမ်လည်လှည့်ဖြားတာ၊ အတ္တမာနကြီးတာတို့ပဲပေါ့။"

"နောက်တစ်ကောင်ကတော့ လိမ္မာတယ်။ သူက... ပျော်ရွှင်တတ်တာ၊ ငြိမ်းငြိမ်းချမ်းချမ်းနေတာ၊ ချစ်ခင်တတ်တာ၊ မျှော်လင့်ချက်ထားတာ၊ လူသားဆန်တာ၊ သနားကြင်နာတတ်တာ၊ ကိုယ်ချင်းစာနာတတ်တာ၊ အမှန်တရားကို မြတ်နိုးတာတို့ပေါ့။"

အဲ့ဒီအခါ မြေးလေးက အဖိုးရဲ့ စကားကို ခဏကြာအောင်စဉ်းစားပြီး ဒီလို မေးလိုက်တယ်။

"အဖိုး၊ ဘယ် ၀ံပုလွေက နိုင်သွားလဲဟင်။"

အဖိုးအိုက တိုးတိတ်စွာနှင့် ပြန်ဖြေလိုက်တာက …

"မြေးလေး အစာကျွေးလိုက်တဲ့ အကောင်ပေါ့။"

🔺

အမေရိကန်ပုံပြင်

(**ဒုတိယပိုင်း ဆက်ပါမည်။**)

ဆက်လက်ဖတ်ရှုရန်

ဘာတွေကို ဘယ်လို ဝေမျှကြမလဲ

ဝေမျှခြင်း (sharing) ဆိုတဲ့ စကားလုံးရဲ့  တိုက်ရိုက်အဓိပ္ပါယ်ပြောပါဆိုရင်တော့ ပေးကမ်းခြင်း (giving) ဆိုတဲ့သဘောပါပဲ။ မြန်မာစကားမှာ အခြေအနေ၊ အချိန်အခါနှင့် ဆက်ဆံရတဲ့သူပေါ်မူတည်ပြီး အသုံးအနှုန်းပြောင်းသွားတာမျိုးတွေရှိတတ်ပါတယ်။ ပေးတယ်ဆိုတာကိုပဲ စွန့်ကြဲတယ်၊ ဝေမျှတယ်၊ လှူဒါန်းတယ်၊ ဆက်ကပ်တယ် စသဖြင့် အမျိုးမျိုး သုံးစွဲကြပါတယ်။

ဒီစကားလုံးဟာ ကျွန်တော်တို့ မြန်မာလူမှုအသိုင်းအ၀ိုင်းမှာတော့ စိမ်းတဲ့ စကားလုံးမျိုးမဟုတ်ပါဘူး။ ကျွန်တော်တို့အားလုံး နေ့စဉ်လိုလိုပဲ ကိုယ့်ပတ်ဝန်းကျင်ကို တစ်ခုမဟုတ် တစ်ခု ပေးကမ်းဝေမျှနေတတ်ကြတာပါပဲ။

ကမ္ဘာပေါ်မှာရှိတဲ့ ဘယ်ဘာသာ၊ ဘယ်လူမျိုးမှာမဆို ပေးကမ်းခြင်းကို မလုပ်ဖူးကြတဲ့သူရယ်လို့တော့ ရှိမယ်မထင်ပါဘူး။ အားလုံးတစ်နည်းနည်းနှင့်တော့ ပေးကမ်းဖူးကြပါလိမ့်မယ်။

ပေးကမ်းခြင်းကိုပဲ ဗုဒ္ဓဘာသာဝင်တွေဆိုရင် ဒါန လို့ အားလုံးနားလည်ထားကြပြီးသား ဖြစ်နေပါပြီ။ ကိုယ့်မှာရှိတဲ့၊ ကိုယ်ပိုင်ဆိုင်ထားတဲ့ သက်ရှိ၊ သက်မဲ့ပစ္စည်းဝတ္ထု တစ်ခုခုကို သူတစ်ပါးကို ပေးလိုက်တိုင်းမှာ ဒါနဖြစ်နေတာပါပဲ။

ဒီပေးကမ်းစွန့်ကြဲတဲ့ ဒါနဆိုတာဟာ ပေါ့သေးသေးကိစ္စတော့ မဟုတ်ပါဘူး။ ဘုရားအစရှိတဲ့ ပါရမီရှင်သူတော်ကောင်းကြီးတွေအားလုံးဟာ သူတို့ရည်မှန်းရာဖြစ်တဲ့ ဆုထူးဆုမြတ်တွေ ရရှိပိုင်ဆိုင်ကြဖို့အရေး ဘ၀ပေါင်းများစွာ ပါရမီ (၁၀) ပါး ကြိုးပမ်းဖြည့်ဆည်းကြရတဲ့အခါမှာ ဒါနပါရမီကပဲ စတင်လို့ဖြည့်ကျင့်ကြရတာဖြစ်ပါတယ်။

ဒါနပါရမီမှာမှ စွန့်လှူရတဲ့ ပစ္စည်းအမျိုးအစားနှင့် ခက်ခဲမှုပေါ်မူတည်ပြီး မိမိရဲ့ ခန္ဓာကိုယ်ပြင်ပ ပစ္စည်းဥစ္စာတွေနှင့် သက်ရှိတွေကို စွန့်လှူတဲ့ ဒါနပါရမီ၊ မိမိရဲ့  ခန္̕ဓာကိုယ်အစိတ်အပိုင်းတွေကို စွန့်လှူတဲ့ ဒါနဥပပါရမီ၊ မိမိရဲ့  အသက်ကိုပါစွန့်လှူတဲ့ ဒါနပရမတ္တပါရမီ ဆိုပြီး ကွဲပြားသွားပါတယ်။

ဒီလို ပေးကမ်းစွန့်ကြဲမျှဝေကြရမှာ ခြုံငုံပြီးပြောမယ်ဆိုရင်တော့ ပေးစရာ အမျိုးအစား (၂) မျိုးကွဲတယ်လို့ ပြောရင်ရနိုင်ပါတယ်။ မိမိမှာရှိတဲ့ အစားအစာကို ပေးလိုက်တာ၊ အ၀တ်အစားအိပ်ယာနေရာစတာတွေကိုပေးတာ၊ ရွှေငွေလက်ဝတ်လက်စား၊ မော်တော်ယာဉ်၊ တိရစ္ဆာန်၊ အခိုင်းအစေစတဲ့ အဖိုးတန် သက်ရှိသက်မဲ့ အသုံးအဆောင်ပစ္စည်းတွေကို ပေးတာ၊ မိမိရဲ့  ရာထူးစည်းစိမ်၊ ခံစားစံစားခွင့်တွေကို ပေးလိုက်တာ စတဲ့ ပေးကမ်းစွန့်ကြဲဝေမျှမှုတွေမှာ ပေးလိုက်တဲ့ ၀တ္ထုပစ္စည်းတွေဟာ ထိတွေ့ကိုင်တွယ်လို့ရသလို လူတိုင်းလည်း မျက်စိနှင့်ကြည့်ရင် မြင်နိုင်တဲ့ အရာမျိုးတွေဖြစ်ပါတယ်။

နောက်ထပ်ကျွန်တော်တို့တွေ ပေးကမ်းဝေမျှတတ်ကြတာကတော့ ထိကိုင်စမ်းသပ်ကြည့်လို့မရနိုင်တဲ့၊ ပကတိမျက်စိနှင့်မြင်ကြည့်လို့မရနိုင်တဲ့ အရာတွေဖြစ်ကြပါတယ်။ အဲဒီ ကိုင်တွယ်ကြည့်လို့မရတဲ့ အရာတွေကို ကျွန်တော်တို့ဟာ သိသိနှင့်ရော၊ ကိုယ်တိုင်က သတိမထားမိပဲနဲ့ရော နေ့စဉ်လိုလို ဝေမျှဖြစ်နေကြပါတယ်။

ကျွန်တောတို့တွေ မနက်မိုးလင်းကနေစလို့ တစ်နေ့လုံးလိုလို ကိုယ့်ဘေးနားမှာ ရှိနေတဲ့ မိသားစုဝင်တွေ၊ လမ်းသွားရင်း တွေ့မြင်လိုက်ရတဲ့ အသိမိတ်ဆွေတွေ၊ ကျောင်းက သူငယ်ချင်းတွေ၊ အလုပ်ထဲက လုပ်ဖော်ကိုင်ဖက်တွေကို မြင်မြင်ချင်းမှာပဲ ပြုံးပြနှုတ်ဆက်စကားဆိုတတ်ကြပါတယ်။ ဒါဟာကိုယ့်စိတ်ထဲက မေတ္တာတရား (တနည်းပြောမယ်ဆိုရင်) ရန်မလိုတတ်မှု နှင့် နှစ်လိုချစ်ခင်မှုကို တခြားတစ်ယောက်ဆီကို မျှဝေပေးကမ်းလိုက်တာ တစ်မျိုးပါပဲ။ ဘာသာရေးစကားနှင့် ပြောမယ်ဆိုရင် ဒါနပေးလိုက်တာပါပဲ။

အဲဒီလို မျှဝေကြရာမှာ ကျွန်တော်တို့တွေဟာ ကိုယ့်မှာရှိတဲ့အထဲက အကောင်းဆုံး ဒါမှမဟုတ် ကောင်းတာတွေကိုပဲ ရွေးချယ်ပြီး တခြားသူတွေဆီကို ဝေမျှပေးနိုင်အောင်တော့ ဂရုစိုက်သင့်ကြပါတယ်။ ကိုယ်စိတ်မကြည်မလင်ဖြစ်နေတဲ့အခြေအနေမျိုး၊ ဒေါသဖြစ်နေတဲ့အချိန်မျိးမှာ တခြားတစ်ယောက်ကို ဆက်ဆံပြောဆိုဖြစ်လိုက်မယ် ဆိုရင် ဆက်ဆံခံလိုက်ရသူဘက်က ဒါကို သဘောကျကျေနပ် လက်ခံနိုင်ကြမှာ မဟုတ်ပါဘူး။

ကလေးတွေကို သူတို့သဘောကျမယ့် ပုံပြင်လေးတွေပြောပြပေးတာမျိုး၊ ဘာသာရပ်တစ်ခုမှာဖြစ်ဖြစ်၊ ကိစ္စတစ်ခုနှင့် ပတ်သက်ပြီးပဲဖြစ်ဖြစ် မသိနားမလည်တဲ့သူကို နားလည်သဘောပေါက်အောင် ရှင်းပြပြောပြပေးတာမျိုး၊ အလုပ်မှာ ကိုယ့်ရဲ့  customer တွေအပေါ် စိတ်ရှည်ရှည်နှင့် သူသိချင်တာ၊ နားမလည်တာကို ရှင်းပြပေးလိုက်တာမျိုးဟာလည်း ဒါနလုပ်နေတာပါပဲ။

အခုဆိုရင် အင်တာနက်နှင့် Social Media တွေသုံးနေကြတော့ Share ဆိုတာကို လူတိုင်းသိနေ၊ လုပ်နေကြ ဖြစ်နေပါပြီ။ ကျွန်တော်တို့တွေဟာ နေ့စဉ် ဘယ်လိုအကြောင်းအရာတွေ၊ ဘယ်လိုပုံတွေ၊ ဘယ်လိုရုပ်သံဖိုင်တွေကို တခြားသူတွေဆီ ဝေမျှပေးဖြစ်ကြပါသလဲ။ ကိုယ်ဝေမျှလိုက်တဲ့ အကြောင်းအရာကြောင့် တခြားသူတွေရဲ့  စိတ်မှာ ဘယ်လို ရိုက်ခတ်မှုအပြောင်းအလဲတွေ ဖြစ်သွားစေနိုင်သလဲဆိုတာမျိုးကို ထည့်တွေးစဉ်းစားမိကြဖူးပါသလား။

တရားဝင် စည်းကမ်းဥပဒေအဖြစ် သတ်မှတ်ပြဌာန်းထားတာမျိုး မရှိပေမယ့်လည်း ကိုယ်ဝေမျှပေးလိုက်တာ တစ်ခုခုကြောင့် တခြားသူတစ်ယောက်ရဲ့  ကျန်းမာရေး၊ ပညာရေး၊ စိတ်ငြိမ်းချမ်းမှုနှင့် အသိဉာဏ်ကြီးထွားမှုကို ထိခိုက်ပျက်စီးသွားစေနိုင်တာမျိုး မဖြစ်သွားရအောင်
ကိုယ့်ဘက်က သတိထားပြီး ဝေမျှပေးဖို့တော့ လိုအပ်ပါလိမ့်မယ်။

ဥပမာ ဆေးလိပ်နှင့် အရက်သောက်ချင်စိတ်ဖြစ်အောင် တိုက်တွန်းသလိုဖြစ်စေတဲ့ ပုံတွေ၊ အကြောင်းအရာတွေ၊ ယဉ်ကျေးမှုနှင့်မကိုက်ညီတဲ့ အ၀တ်အစား ဆင်ယင်ထုံးဖွဲ့ထားတာမျိုးတွေ၊ တဏှာပေမစိတ်ကို ဖြစ်ပေါ်စေနိုင်တဲ့ အကြောင်းအရာတွေ၊ ကိုယ်ချင်းစာ ညှာတာထောက်ထားတတ်တဲ့ စိတ်မျိုး နည်းပါးသွားအောင် ရေးသားထားတဲ့ အကြောင်းအရာမျိုးတွေ၊ ထိတ်လန့်ကြောက်ရွံ့ ဖွယ် အကြောင်းအရာတွေနှင့် ဓါတ်ပုံမျိုးတွေကို ကိုယ်တိုင်လည်း မရေးမိ မတင်မိအောင်၊ သူများရေးထားတာလည်း မဝေမျှမိအောင် ကိုယ့်ဘက်က ကိုယ်ပိုင်စည်းကမ်းလုပ်ပြီး ထိန်းသိမ်းရှောင်ကြဉ်သင့်ကြပါတယ်။

ကိုယ့်ဘ၀ထဲမှာ အမြဲအသက်ဝင်နေပြီး စိတ်ဝင်တစားနှင့် လေ့လာလိုက်စားနေတဲ့ ပညာရပ်ဆိုင်ရာ အကြောင်းအရာတွေ၊ အတွေးအခေါ်တွေ၊ နည်းပညာရပ်တွေ၊ ကျန်းမာရေးဆိုင်ရာ မှတ်သားစရာတွေ၊ အနုပညာဖန်တီးမှုတွေ၊ စိတ်ငြိမ်းချမ်းအောင် နေထိုင်နိုင်ဖို့နည်းလမ်းတွေ၊ လူအချင်းချင်း လိုက်နာစောင့်ထိန်းရမယ့် ကျင့်ဝတ်စည်းကမ်းမျိုးတွေကို တခြားသူတွေ သိရှိနားလည်အောင် တနည်းနည်းနှင့် ဝေမျှပေးတာမျိုးဟာလည်း ဒါနပေးတာပဲဖြစ်ပါတယ်။

တချို့ တချို့ သော သူတွေမှာ Personal Power လို့ခေါ်တဲ့ ကိုယ်ပိုင်စွမ်းအင်ဟာ လူတကာထက်ကိုပိုပြီး ထင်ထင်ရှားရှားပဲ ကြီးမားကြပါတယ်။ သူတို့ရဲ့  နေပုံ၊ ထိုင်ပုံ၊ ပြောပုံ၊ ဆိုပုံ၊ လုပ်ပုံကိုင်ပုံတွေ အားလုံးဟာ အများအတုယူလေးစားအားကျကြပြီး သူတို့ပြောတဲ့အတိုင်း၊ သူတို့လုပ်တဲ့အတိုင်း လုိုက်ပြီးလုပ်ချင်လာအောင် စွမ်းဆောင်နိုင်တဲ့ စွမ်းရည်မျိုးတွေ သူတို့မှာ ရှိနေတတ်ကြပါတယ်။ နိုင်ငံရေး ခေါင်းဆောင်တွေ၊ ထင်ရှားတဲ့အနုပညာသည်တွေနှင့် ဘာသာရေးခေါင်းဆောင်တွေမှာ ဒီလိုစွမ်းဆောင်ရည်မျိုးတွေကို တွေ့နိုင်ပါတယ်။ သူတို့အားလုံးဟာလည်း တကယ်တော့ သူတို့ရဲ့  လူအချင်းချင်း အမူအကျင့်ကိုကူးစက်ပေးနိုင်တဲ့ စွမ်းဆောင်ရည်နှင့် လူတွေကို ဒါနလုပ်နေကြတာမျိုးပဲဖြစ်ပါတယ်။

ရှေးခေတ်အဆက်ဆက်ကစလို့ အခုခေတ်တိုင်အောင် သိပ္ပံပညာရှင်တွေ၊ နည်းပညာသမားတွေ၊ တွေးခေါ်ပညာရှင်တွေ၊ ဆေးပညာရှင်တွေနှင့် အနုပညာသမားတွေဟာ သူတို့ရှာဖွေ့တွေ့ရှိလိုက်တဲ့ နည်းပညာပစ္စည်းအသစ်တွေ၊ စက်ပစ္စည်းအသစ်တွေ၊ အတွေးအခေါ်၊ အယူအဆတွေ၊ ဖော်မြူလာတွေ၊ ဆေးဝါးတွေနှင့် အနုပညာလက်ရာအမွန်အမြတ်တွေကို တစ်ကမ္ဘာလုံးက လူသားမျိုးနွယ်ကြီးတစ်ခုလုံး သုံးစွဲခံစားနိုင်အောင် ကြိုးပမ်းပေးသွားကြပါတယ်။ သူတို့အားလုံးဟာလည်း သူတို့ရဲ့  အသိဉာဏ်ကို ဒါနပြုသွားကြတာပါပဲ။

ကျွန်တော်တို့ လူတွေအချင်းချင်းမှာလည်း နေ့စဉ် တစ်ယောက်ကိုတစ်ယောက် ဆက်ဆံရာမှာ
ရိုးရိုးသားသားဆက်ဆံတာ၊ ခင်ခင်မင်မင်ဆက်ဆံတာ၊ မလိမ်မညာဆက်ဆံတာ၊ တစ်ကိုယ်ကောင်းမဆန်တဲ့စိတ်နှင့် ဆက်ဆံတာ၊ အခွင့်အရေးယူချင်၊ အသုံးချချင်တဲ့စိတ်မျိုးမရှိပဲ စိတ်အရိုးခံအတိုင်းဆက်ဆံလိုက်တိုင်းဟာလည်း ကိုယ့်ရဲ့  ရိုးသားတဲ့စိတ်ကို ဒါနပြုနေတာပဲဖြစ်ပါတယ်။

မြတ်စွာဘုရားရှင်က “သဗ္ဗဒါနံ ဓမ္မဒါနံ ဇိနာတိ” ဆိုပြီး မိန့်တော်မူခဲ့ပါတယ်။ အလှူဒါနတွေအားလုံးမှာ ဓမ္မကို ပေးလှူတာဟာ အသာဆုံး၊ အမြတ်ဆုံးဖြစ်တယ် လို့ ဆိုလိုပါတယ်။ ဓမ္မကိုပေးလှူတယ် ဆိုတဲ့နေရာမှာ ကျင့်သုံးသူရဲ့  ကြိုးစားအားထုတ်မှုပေါ်မူတည်ပြီး အဆင့်ဆင့်ကွဲပြားသွားနိုင်တယ်လို့ထင်ပါတယ်။

ဗုဒ္ဓဘာသာဝင်အများစု နေ့စဉ်လိုလို အများဆုံးလုပ်ကြတာကတော့ ပတ္တိဒါနလို့ခေါ်တဲ့ ကိုယ်ပြုလုပ်ဆည်းပူးထားသမျှ ကုသိုလ်ကောင်းမှုအစုစုကို ဝေနေယျသတ္တ၀ါတွေကို အမျှပေးဝေတတ်ကြတာ ဖြစ်ပါတယ်။

တချို့ က တရားတော်တွေကို မိမိကနေ တခြားတစ်ယောက်ဆီရောက်ရှိသွားအောင် သင်ကြားပေးတာ၊ ဟောပြောပို့ချပေးတာ၊ တရားစာပေရေးသားတာ၊ ဖြန့်ဝေတာ၊ တရားပွဲတွေ စီစဉ်ပေးတာ၊ တရားနာယူကျင့်သုံးလို့ရမယ့် နေရာဌာနတွေဆီရောက်အောင် လူတွေကို ကူညီပို့ဆောင်ပေးတာ စသဖြင့်လည်း လုပ်ပေးတတ်ကြပါတယ်။

ဒီ့ထက်ပိုပြီး တဆင့်တက်မယ်ဆိုရင်တော့ တရားဓမ္မကိုကိုယ်တိုင်ကျင့်သုံးပြီး ပတ်ဝန်းကျင်ကို ကျေးဇူးပြုတဲ့ ဒါနမျိုးကို ပြောရမှာဖြစ်ပါတယ်။ မြတ်စွာဘုရားရှင် ဟောကြားထားခဲ့တာမှာ ရှောင်ကျဉ်ရမယ့် သီလဆိုတာရှိသလို၊ စောင့်ထိန်းလိုက်နာရမယ့် သီလဆိုတာလည်း ပါပါတယ်။ ဒီသီလတရားတွေကို ကိုယ်တတ်နိုင်သလောက်လိုက်နာစောင့်ထိန်းပြီး လူ့အဖွဲ့အစည်းအတွင်းမှာ ကိုယ့်ကြောင့် တခြားသူ စိတ်အနှောင့်အယှက်မဖြစ်အောင်၊ ဒုက္ခမရောက်အောင် ကိုယ်ချင်းစာစိတ်နှင့် နေထိုင်တာဟာလည်း ဓမ္မကိုဝေမျှလိုက်တဲ့ပုံစံတစ်မျိုးပဲဖြစ်ပါတယ်။

ကိုယ့်ရဲ့ စိတ်မှာ ဘုရားရှင်သင်ကြားဆုံးမပေးခဲ့တဲ့ သမထ၊ ၀ိပဿနာ ဘာဝနာတစ်ခုခုကို အလျင်းသင့်သလို ကျင့်သုံးစီးဖြန်းနေပြီး ကိုယ်နှင့်ထိတွေ့ဆက်ဆံနေရတဲ့ ပတ်ဝန်းကျင်အသိုင်းအ၀ိုင်းကို ကိုယ့်ဆီကနေတဆင့် တရားဓမ္မရဲ့ အေးငြိမ်းမှုအရှိန်နှင့် အတိုင်းအတာတစ်ခုအထိ ငြိမ်းချမ်းမှုရအောင် ပြုမူ နေထိုင်နေတာဟာလည်း ဓမ္မကိုဝေမျှလိုက်တဲ့ ဒါနပုံစံတစ်မျိုးပဲ ဖြစ်ပါတယ်။

ကိုယ်တိုင်က တရားကိုကျင့်သုံးစောင့်တည်ပြီး ကိုယ်ရရှိ၊ သိရှိလိုက်တဲ့ တရားအသိအတိုင်း ကိုယ်တိုင်လည်း နေပြသလို၊ ကိုယ့်ပတ်ဝန်းကျင်က စိတ်ဝင်စားတဲ့သူတွေကိုလည်း ဆရာစားမချန်ပဲ ကိုယ်သိသလိုသိအောင် ပြန်လည်သင်ပြပေးတာမျိုးဟာလည်း ဓမ္မဒါနလုပ်လိုက်တာပဲဖြစ်ပါတယ်။ အသိဉာဏ်ကိုဝေမျှတာဟာ ဖယောင်းတိုင်မီးကို တစ်တိုင်ကနေ တစ်တိုင်ကို မီးအလင်းရောင် ဝေမျှကူးပေးလိုက်သလိုဖြစ်သွားတာမျိုးမို့ အတိုင်ရေများလာလေ ပတ်ဝန်းကျင်လောကကြီးတစ်ခုလုံး ပိုပိုလင်းလက်လာလေဖြစ်ပါတယ်။

လုပ်ဆောင်ဖို့ အခက်ခဲဆုံးဖြစ်နိုင်တဲ့ ဓမ္မဒါနနောက်တစ်ခုကတော့ ကိုယ်နှင့်ထိတွေ့နေရတဲ့ ပတ်ဝန်းကျင်ကို သတိပါတဲ့စိတ်လေးနှင့် ပြောဆိုဆက်ဆံခြင်းဖြစ်ပါတယ်။ ကိုယ်နှင့်တခြားလူပဲဖြစ်ဖြစ်၊ တိရစ္ဆာန်တစ်ကောင်ကောင်နှင့်ပဲဖြစ်ဖြစ် ထိတွေ့ပြောဆိုဆက်ဆံနေတဲ့ အချိန်မှာ ကိုယ်နှင့်ဆက်ဆံနေရတဲ့သူအပေါ်မှာ အယုတ်အလတ်အမြတ်ရွေးမနေပဲ တန်ဖိုးထားလေးစားချစ်ခင်တဲ့စိတ်နှင့် ပစ္စုပ္ပန်မှာပဲ စိတ်ကိုထားပြီး ကိုယ့်ရဲ့ အကောင်းဆုံးဆိုတဲ့ စိတ်နေသဘောထားနှင့် ကိုယ့်ရဲ့  လောလောဆယ် ရှင်သန်ဖြစ်တည်နေမှုတစ်ခုလုံးကို အဲဒီသူဆီမှာ ပေးပြီး ဆက်ဆံတာမျိုး ဖြစ်ပါတယ်။

ဆရာဝန်က လူနာကို စမ်းသပ်စစ်ဆေးနေတဲ့အခါမျိုးမှာပဲဖြစ်ဖြစ်၊ ရှေ့ နေက ကိုယ့်အမှုသည်နှင့် စကားပြောနေရတဲ့ အခါမျိုးမှာပဲဖြစ်ဖြစ်၊ ဆရာက ကျောင်းသားကို စာသင်ပေးနေရတဲ့အခါမျိုးမှာပဲဖြစ်ဖြစ်၊ ဗေဒင်ဆရာက ကိုယ့်ဆီကံကြမ္မာလာမေးသူကို ဟောပြောပေးနေရတဲ့ အချိန်မျိုးမှာပဲဖြစ်ဖြစ်၊ ဈေးရောင်းသူက ဈေးဝယ်သူကို ဆက်ဆံပြောဆိုနေတဲ့ အခါမျိုးမှာပဲဖြစ်ဖြစ်၊ ဘုန်းတော်ကြီးတစ်ပါးက ကိုယ့်ဆီရောက်လာတဲ့ ဒကာ၊ ဒကာမနှင့် ဆက်ဆံပြောဆိုနေချိန်မှာပဲဖြစ်ဖြစ်၊ မိတ်ဆွေအချင်းချင်း အလ္လာပသလ္လာပလိုစကားမျိုး ပြောဆိုနေချိန်မှာပဲဖြစ်ဖြစ်၊ မိသားစုဝင်အချင်းချင်း ပြောဆိုဆက်ဆံနေတုန်းမှာပဲဖြစ်ဖြစ်၊ ခွေးလေးကြောင်လေးတွေကို ထိတွေ့ပွတ်သပ်ပေးနေတုန်းအခိုက်မှာပဲဖြစ်ဖြစ် ကိုယ်ဆက်ဆံနေရသူဆီမှာ ကိုယ့်ရဲ့  စိတ်တစ်ခုလုံး ပုံအပ်ပြီး ဆက်ဆံပေးလိုက်တာဟာ ဒါနပြု ဝေမျှပေးလိုက်တာပဲဖြစ်ပါတယ်။

တကယ်တော့ ဝေမျှပေးကမ်းတယ်ဆိုတဲ့ အပြုအမူဟာ စိတ်ရှည်သည်းခံတာ၊ ဘယ်အရာကိုမှ စွဲလန်းဆုပ်ကိုင်မထားတာ၊ ဘာကိုမှ ဝေဖန်ထင်မြင်ချက်ပေး၊ အကဲဖြတ်တာမျိုးတွေ မလုပ်တာ၊ ယုံကြည်သက်ဝင်တာ စတဲ့ အရည်အသွေးတွေလို သတိနှင့်နေထိုင်နိုင်ဖို့အတွက် လေ့ကျင်ပျိုးထောင်ရာမှာ အရေးပါတဲ့ စိတ်ရဲ့  အရည်အသွေးတစ်ခုဖြစ်ပါတယ်။

ဒီလို ဝေမျှပေးကမ်းတတ်တဲ့ အလေ့အကျင့်ကို ပြုစုပျိုးထောင်နိုင်ဖို့အတွက်ဆိုရင် စတင်လေ့ကျင့်ရမယ့် ပထမဆုံးသောသူဟာ ကိုယ်ကိုယ်တိုင်ကိုပဲ ဖြစ်ပါတယ်။ မိမိကိုယ်တိုင် အသုံးပြုဖို့အတွက် တခါတလေမှာ ပစ္စည်းလေးတွေဝယ်ပေးလိုက်တာမျိုး၊ ကိုယ့်ဖာသာ ပြုလုပ်မိလိုက်တဲ့ မကောင်းတဲ့ အမူအကျင့်တွေ၊ အမှားတွေကို နားလည်လက်ခံခွင့်လွှတ်ပေးလိုက်တာမျိုးကနေ စတင်လေ့ကျင့်ယူကြရမှာဖြစ်ပါတယ်။ အဲဒီလို လေ့ကျင့်ယူနေတဲ့အခါမျိုးမှာ ကိုယ်ဝယ်လာတဲ့ပစ္စည်းအပေါ်မှာ တကယ်ကိုယ်နှင့်ထိုက်တန်လို့ ရလိုက်တဲ့လက်ဆောင်မွန်အဖြစ်သဘောထားပြီး စိတ်အနှောင်အဖွဲ့ကင်းကင်းနှင့် အားရ၀မ်းသာ သုံးစွဲလိုက်ပါ။

ကိုယ့်ကိုယ်ကို ပြန်ပြီး ဝေမျှပေးကမ်းမှုတစ်ခုခု လုပ်လိုက်ချိန်မှာလည်း ဖြစ်ပေါ်လာတဲ့ ကိုယ်ကိုယ်တိုင်ရဲ့  ၀မ်းသာကျေနပ်သွားတဲ့ စိတ်ခံစားမှုလေးကို စံနမူနာအဖြစ် မှတ်သားထားပြီး ဒီလို စိတ်ကြည်နူးမှုမျိုး တခြားသူတွေဆီမှာပါ ဖြစ်လာနိုင်အောင် ကိုယ်နှင့် ထိစပ်နေတဲ့ မိသားစုဝင်တွေ၊ ဆွေမျိုးအသိုင်းအ၀ိုင်းတွေကနေစလို့ ကိုယ့်ပတ်ဝန်းကျင်တစ်ခုလုံးဆီ တတ်နိုင်သလောက် ဝေမျှပေးကမ်းနိုင်တဲ့ အလေ့အကျင့်ကောင်းကို တဖြေးဖြေးချင်း ပြုစုပျိုးထောင်ယူသွားဖို့ပဲ ဖြစ်ပါတယ်ခင်ဗျာ။

“Practice sharing the fullness of your being, your best self, your enthusiasm, your vitality, your spirit, your trust, your openness, above all, your presence. Share it with yourself, with your family, with the world.”

― Jon Kabat-Zinn, Wherever You Go, There You Are: Mindfulness Meditation in Everyday Life

ဝိမုတ္တိသုခ
၁၈၊ ၂၊ ၂၀၁၈။

ဆက်လက်ဖတ်ရှုရန်