အုပ်စုလိုက် အသုံးမကျမှု

လူရယ်လို့မွေးဖွားလာပြီးမှတော့ ဘ၀တစ်လျှောက်လုံး ကြောင့်ကြစိုးရိမ်စိတ်တွေနှင့် ရှင်သန်နေထိုင်သွားရမယ်ဆိုရင် ဘယ်လောက်များရှက်ဖို့ကောင်းလိမ့်မလဲ။ လူရယ်လို့ဖြစ်လာမှတော့ စိတ်ချမ်းမြေ့ပြီး ပျော်ပျော်ရွှင်ရွှင် နေလို့ရတဲ့နေရာတစ်ခုဆီကိုတော့ ခင်ဗျားရောက်အောင်သွားသင့်တာပေါ့။

မွေးဖွားခြင်း၊ အိုမင်းခြင်း၊ နာမကျန်းဖြစ်ခြင်း၊ သေဆုံးခြင်း....ဒီဘယ်လိုမှငြင်းမရနိုင်အောင် ဖြစ်နေတတ်တဲ့ အရာတွေကုိုတော့ ကျွန်တော်တို့ဟာ ရူးချင်ယောင်ဆောင်ပြီး ရှောင်လွှဲလို့မရနိုင်ဘူးပေါ့။ အမှန်စင်စစ်က သူတို့တွေကို ကျင်ကျင်လည်လည်နှင့် ကိုင်တွယ်ထိန်းကျောင်းတတ်ဖို့ရာသာ ကျွန်တော်တို့ရဲ့  ရည်မှန်းချက်ပန်းတိုင်ပါ။ ဒီဖြစ်စဉ်ကြီးတွေထဲမှာပဲ ကပ်ငြိနေပြီး ရုန်းမထွက်နိုင်အောင် ဖြစ်မနေသင့်ပါဘူး။

လူတစ်ယောက်တလေကမှ သူတို့ရဲ့  ဘ၀နှင့်ပတ်သက်ပြီး သေသေချာချာဂဃနဏ မစဉ်းစားတတ်ကြတာ အံသြစရာကောင်းပါတယ်။ နှစ်ပေါင်းများစွာ ကျွန်တော်တို့တွေဟာ မချက်ပြုတ်ထားရသေးတဲ့ အစားအစာတွေကို သယ်ဆောင်ရင်း လျှောက်သွားနေကြသလိုမျိုးပါပဲ။ တခြားသူတွေလည်း ကိုယ်လိုပါပဲလို့ ဖြေတွေးတွေးရင်း ကိုယ့်ကိုယ်ကိုလည်း နှစ်သိမ့်ထားကြပါသေးတယ်။ ဒါကြောင့်ပဲ ဒီလိုမျိုး တခြားသူတွေလည်း ကိုယ်လိုပါပဲလို့ တွေးတတ်ကြတာကို ကျွန်တော်က “အုပ်စုလိုက် အသုံးမကျမှု“ လို့ နာမည်တပ်ရတာပါ။

“ဆာတိုးရီ“ ဆိုတဲ့ အဓိပ္ပါယ်က ကိုယ့်ဘ၀ကို ကိုယ်ကိုယ်တိုင် ဖန်တီးပြုပြင် တည်ဆောက်ယူတာကို ပြောတာပါ။ “အုပ်စုလိုက် အသုံးမကျမှု“ ကနေ နိုးထလာတာကို ဆိုလိုပါတယ်။

Kōdō Sawaki Rōshi

ဆက်လက်ဖတ်ရှုရန်

မရှုပ်ရင် မနေနိုင်တာကလွဲလို့ ...

“ငါသည် မုချသေရမည်။ အချိန်ပိုင်းသာလိုတော့သည်။“

ဒီနေ့ အလုပ်လုပ်ရင်း ခဏနားလိုက်တဲ့အချိန် ခေါင်းထဲဝင်လာတဲ့ စာကြောင်းလေးပါ။ ဘာသာရေးလေ့လာနေကြသူတိုင်း ဒီ အဆုံးအမလေးကို ကြားဖူးမြင်ဖူးကြပါတယ်။ မိုးကုတ်ဆရာတော်ကြီးရဲ့  သြ၀ါဒ စကားလေး။

အင်း... ငါဟာ သေရတော့မှာပဲ။ သေဖို့ က ကျိန်းသေနေတာဘဲ။ ဘယ်တော့သေမယ်သာ မသိတယ်။ သေတာတော့ တကယ်ကို သေရမှာပဲ။ ငါဘာလို့  ဒါကို မေ့မေ့နေတာပါလိမ့်။ သေရမယ့်ဟာများ အခု ငါဘာတွေ လျှောက်လုပ်နေတာပါလိမ့်။ သေဖို့ ပြင်မယ်ဆင်မယ်မရှိဘဲ အရေးမကြီးတာတွေ လုပ်နေမိပြီထင်တယ်။

ငါဘာလုပ်ရမလဲ။ လုပ်နေတာတွေအားလုံး အခုရပ်လိုက်ပြီး သေရမယ့်ကိစ္စ အရင် ပြင်ဆင်ရင် ကောင်းမလား။

အင်း.....အဲ.... အဲဒီလို လုပ်လို့ တော့ မဖြစ်သေးပါဘူးလေ။

စိတ်ထဲက တောက်လျှောက်စဉ်းစားလိုက်မိတဲ့ အတွေးအမျှင်တန်းကြီး တစ်ခုပါ။ နောက်ဆုံးတော့ အဲဒီလို လုပ်လို့ တော့ မဖြစ်သေးပါဘူးလေ နဲ့ ဆုံးသွားရှာပါတယ်။

“လူတွေက ရှင်းနေတာကို ရှုပ်အောင်လုပ်တယ်။ ပြီးတော့ အဲဒီရှုပ်နေတာကို ပြန်ရှင်းဖို့ ကြိုးစားကြတယ်” တဲ့။ ဘီးအီးဒီအောင်သိုက် ကရုပ်ရှင်ကား တစ်ကားမှာ ပြောခဲ့တဲ့ စကားလေးပါ။

ကျွန်တော် တို့ တွေ အခု လူ့ ဘ၀ကြီးရလာတယ်။ မွေးလာပြီ။ ကဲ...မောင်မင်းသေရမယ်။ သေဖို့ ပြင်တော့။ ဒီလို ဇာတ်လမ်းက ဇာတ်ညွှန်းအတိအကျဆွဲထားပြီးသား။ အဲဒါကို သေစရာရှိ သေဖို့ မပြင်ဘဲ ကျွန်တော်တို့ တွေက ဝေ့ပြီး ဟိုဟာလေးလုပ်လိုက်၊ လက်စသပ်ဖို့ ကြိုးစားလိုက်၊ ဒီဟာလေးလုပ်လိုက်။ လက်စသပ်ဖို့ ကြိုးစားလိုက်နဲ့ ။ အသက်တွေ ကြီးကြီးလာ၊ သေဖို့ နီးနီးလာ။ ပြီးတော့ သတိမထားလိုက်မိခင်ဘဲ သေကြရရော။ ဘာမှ သေဖို့ မပြင်လိုက်ကြရဘူး။ လူနည်းစု တကယ့်ကို နဲနဲလေး တချို့ သာ အချိန်မီ ပြင်ဆင်ချိန်ရပြီး သေမင်းလာခေါ်ချိန် အဆင်သင့်ပြင်ထားလိုက်နိုင်ကြတာ။

မွေးလာပြီး လူမှန်းစသိတတ်တဲ့ အရွယ်ကစလို့  ကျွန်တော်တို့ တွေမှာ ရှုပ်လိုက်တဲ့အလုပ်။ ငယ်တုန်းမှာဆို ဟိုဟာသင်ရ။ ဒီဟာသင်ရ။ သင်လို့ ကို မပြီး။ သင်လို့ တော်တော်တတ်လာတော့ အသက်မွေးဖို့ ဆိုပြီး လုပ်ကြပြန်ရော။ အသက်မွေးလို့ အဆင်မပြေတဲ့သူကလည်း အဆင်ပြေမယ်ထင်တာတွေ လျှောက်လုပ်။ အဆင်ပြေတဲ့သူကလည်း နောက်ထပ်အဆင်ပြေမယ်ထင်ပြီး ထပ်တိုးလုပ်။ ဒီကြားထဲ လူဆိုတာ တကိုယ်တည်း အထီးတည်း မနေသင့်တဲ့ သတ္တ၀ါ ဆိုတဲ့ စကားတစ်ခုအခြေပြုလို့  အထီးတည်းမဖြစ်အောင် ဟိုလူနဲ့ ပေါင်း ဒီလူနဲ့ ပေါင်းရာကနေ လင်မယားတို့ ၊ မိသားစုတို့ ၊ ဆွေမျိုးအသိုင်းအ၀ိုင်းတို့ ၊ အသင်းအဖွဲ့ တို့  စတာ စတာတွေ တိုးပွားလာပါရော။ တစ်ခါ အဲဒီကိုယ်ပါဝင်တဲ့ အဖွဲ့ အစည်းအတွက် ကိုယ့်ရဲ့ ယူရမယ့်တာဝန်ဆိုတာကြီး ရှိလာပြန်တာနဲ့  အဲဒီ တာဝန်ဆိုတာကြီးကို ကျေပွန်ဖို့  လုပ်ကြပြန်ပါရော။

တခါ အဲဒီလို ငယ်စဉ်ပညာသင်ရာကစ အသက်မွေးဝမ်းကျောင်းအလုပ်တွေလုပ် အဆွေခင်ပွန်း မိတ်ဆွေ လုပ်ဖော်ကိုင်ဘက်တွေနဲ့  ဆက်ဆံပတ်သက်ရာကနေ လူ့ ရဲ့  စက်ရုပ်မဟုတ်တဲ့ လူပီသတဲ့ အသွင်အပြင်တစ်ခုဖြစ်တဲ့ ခံစားမှုဆိုတာက ၀င်ပါလာပြန်ရော။ ကိုယ်ကချစ်ရတာနဲ့ ၊ သူက ကိုယ့်ကို ချစ်ရတာနဲ့ ။ ကိုယ်က အမြင်ကပ်တာနဲ့ ။ သူက ကိုယ့်ကို အဖက်လုပ် မဆက်ဆံတာနဲ့ ။ အားပါးပါး...အဲဒီမှာ ခံစားချက်ပေါင်း ကုဋေကုဋာတွေနဲ့  လူ့ ဘ၀ကို နေ့ စဉ်ဖြတ်သန်းကြရရှာတဲ့ ကျွန်တော်တို့  လူသားတွေပါ။ အဲဒီခံစားချက်တွေကို တုံ့ ပြန်ပုံပေါ်မူတည်ပြီးပဲ ဘာသာရေးရှုထောင့်ကနေစဉ်းစားတော့ ကုသိုလ်တွေ အကုသိုလ်တွေ လုပ်မိ၊ ပြုမိ၊ ရမိပြန်ပါရောလား။ ရှုပ်လိုက်တဲ့ လူ့ ဘ၀။ ဆရာတော် ဦးဇောတိက ကတော့ အရှုပ်ထဲမှာ ရှင်းအောင်နေ လို့  ဆိုထားသော်လည်းပဲ ကျွန်တော်တို့ မှာ နေ့ စဉ်နဲ့ အမျှ တစ်နေ့ ပြီးတစ်နေ့ ပိနေတဲ့ ခံစားချက် အရှုပ်ထုပ်တွေ၊ တာဝန်ဝတ္တရား အကြွေးထုပ်ကြီးတွေနဲ့ မို့  ရှင်းအောင်နေဖို့ ရာက ထင်သလောက် မလွယ်ပါလားနော်။

“အသက်တစ်ရာ မနေပေမယ့် အခက်တစ်ရာ ပွေနိုင်သေးတယ်။ ဒီ့ထက်မကရင်လည်း တွေ့ ရမယ်။ မရေနိုင်တော့ပြီပဲ” တဲ့။ ကိုတိုးကြီး (ခင်မောင်တိုး) သီချင်းထဲက စာသားလေးပါ။ မှန်လိုက်တာ။ တိန်ကနဲနဲ့ ကိုနေတာပဲဗျာ။ ကျွန်တော်တို့ မှာတော့ လုပ်လိုက်တိုင်း ကောင်းဖို့ ဆိုတဲ့ ရည်ရွယ်ချက်ကြီးနဲ့ လုပ်တော့လုပ်လိုက်တာပဲ။ ဒါပေမယ့် အသိဉာဏ်မပြည့်စုံတာတွေ၊ မောဟဖုံးနေတာတွေ၊ အကွက်ကျော် မမြင်နိုင်မှုတွေ၊ ခံစားချက်ကို ဦးစားပေးမိတာတွေ စတာစတာတွေကြောင့် ဆုံးဖြတ်ချက်အမှားတွေကို ချခဲ့မိခဲ့တာ မွေးကတည်းကနေ အခုအချိန်ထိဆို အကြိမ်ပေါင်းကမနဲတော့ဘူး။ အဲဒီဆုံးဖြတ်ချက်အမှားတွေရဲ့ ဒဏ်ကို ပြန်ခံရတာ၊ ပြန်ပေးဆပ်နေရတာတွေကလည်း အကြိမ်ပေါင်းမရေနိုင်တော့ဘူး။ အခုလည်း မှားနေတုန်း၊ အခုထိလည်း ပေးဆပ်နေရတုန်း။ နောင်လည်း မှားအုံး၊ ပေးဆပ်နေရအုံးမှာပါဘဲ။ “To err is human” မှားတတ်တာဟာ လူ ဆိုတဲ့ စကားကိုပဲ ရေလဲသုံးရင်း ကိုယ်မှားတာတွေက လူပီသလို့ ဆိုပြီး ဂုဏ်ယူတတ်ရင်တော့လည်း တစ်မျိုးကျေနပ်စရာတော့ ဖြစ်လောက်ပါရဲ့ လေ။

မြတ်စွာဘုရားရှင်က “အပ္ပကိစ္စောစ သလ္လဟုက၀ုတ္တိ။ သန္တိနြ္ဒိယော စ နိပကော စ၊ အပ္ပဂဗ္ဘော ကုလေသွ နနုဂိဒ္ဓေါ။“ စသည်ဖြင့် ဟောထားခဲ့ပါတယ်။ အပ္ပကိစ္စော တဲ့။ အမှုကိစ္စနည်းအောင်နေရမယ်တဲ့။ နိဗ္ဗာန်မဂ်ဖိုလ်ကို ရောက်ဖို့ အတွက် ပြည့်စုံရမယ့် လိုအပ်ချက် အင်္ဂါတစ်ခုအနေနှင့် မှတ်သားမိခဲ့တာလေးပေါ့။ ဘုန်းကြီးအပြီးဝတ်ချင်တယ်လို့  ခဏခဏပြောတတ်တဲ့ ဘလော့ဂ်ဂါညီလေးတစ်ယောက်အကြောင်း စဉ်းစားမိရင်းက ရှင်တော်ဘုရားက အမှုကိစ္စနည်းဖို့ အရေး ရဟန်းတော်တွေကို အဓိကရှေ့ တန်းတင်ပြီး ဟောထားတာဆိုတော့ တကယ်လို့ များ ရဟန်းဝတ်လိုက်ရင် ကိစ္စတကယ်နဲသွားမှာလား။ အရှုပ်တွေ ရှင်းသွားမှာလား။ အင်း သိတဲ့ အွန်လိုင်းကဘုန်းဘုန်းတွေ ဒီတစ်ခါ တွေ့ မှ မေးကြည့်ရအုံးမယ်။ ဘုန်းဘုန်းတို့ တွေ ကိစ္စတကယ်နည်းကြရဲ့ လားလို့ ။

သေဖို့ အရေးမေ့မေ့နေတတ်တော့ ဘာပဲဖြစ်ဖြစ် ကုသိုလ်လေးဖြစ်အောင် ဘာသာရေးဘလော့ဂ်လေးလုပ်ပြီး တရားနဲ့ မဝေးအောင်နေအုံးမှလို့  ဘလော့ဂ်ရေးမိတော့။ အင်း....ဒါလည်း ရှုပ်ပြန်တာပါဘဲ။ တစ်နေ့ တစ်နေ့ ကိုယ့်ဘလော့ဂ်ကို ဘယ်လို အလှပြင်ရပါ့။ ပို့ စ်အသစ် ဘာတင်ရင်ကောင်းမလဲ တွေးရ။ စီဘောက်စ်ကို ဘယ်သူတွေ ဘာရေးသွားလဲစစ်ရ။ ကွန်မန့်တွေ ဘာပေးလဲ ဖတ်ရ။ ဘလော့ဂ်ကနေခင်တဲ့ အွန်လိုင်း မိတ်ဆွေတွေနဲ့ ချက်တင်ပစ်ရ။ ဒါလည်းဘဲ ရှင်းနေတာကို ရှုပ်အောင်လုပ်မိတဲ့ ဇာတ်ထုပ်တစ်ခုပါဘဲ။ ကိုယ်ဇာတ်နဲ့ ကိုယ်၊ က,သာက, ပေတော့ ဇာတ်ဆရာရေ..လို့  ကိုယ့်ဖာသာ သြဘာပေးရုံရှိတော့တာပေါ့လေ။

“တာဝန်ကိုသိတဲ့သူမှာ တာဝန်ရှိသည်” တဲ့။
ဒီစကားအရ ကိုယ်က တာဝန်မယူရင် တာဝန်ကို မသိတတ်ရာ၊ အသုံးမကျရာ၊ ထမင်းရည်ပူ လျှာလွှဲလုပ်ရာ၊ မျက်နှာလွဲ ခဲပစ်လုပ်ရာ ကျတော့မယ်ဆိုတာမျိုး။ တာဝန်တွေဆိုတာကလည်း အမျိုးမျိုးရယ်။ သမိုင်းပေးတာဝန်တို့ ၊ အမျိုးသားရေးတာဝန်တို့ ကနေစလို့  မိသားစုတာဝန်တို့ ၊ ရည်းစားကပေးတဲ့တာဝန်တို့ ၊ မယားပေးတာဝန်တို့ ၊ သမီးပေးတာဝန်တို့ ၊ မြေးပေးတာဝန်တို့ ၊ အလုပ်ကပေးတဲ့တာဝန်တို့ ၊ ဘော်ဒါကပေးတဲ့တာဝန်တို့ ၊ စသည် စသည်ဖြင့် မရေမတွက်နိုင်အောင်များတယ်။ ဒီကြားထဲကမှ ကိုယ့်ဟာကို မလုပ်ဘဲနေရင်ရရဲ့ သားနဲ့ မနေနိုင်မထိုင်နိုင်သွားလုပ်ပြီး ကိုယ့်ဟာကိုယ် ယူထားတဲ့တာဝန်ဆိုတာမျိုးတွေက ရှိသေး။ လူမှုရေးအသင်းတွေ၊ ဘာသာရေးအသင်းတွေမှာ ၀င်ပါပြီး ယူထားတဲ့တာဝန်မျိုးတွေလည်း အဲဒီထဲမှာပါတာပဲပေါ့။ ကောင်းတာတွေလုပ်နေတာပဲလို့ ဆိုဦးတော့။ ဘာပဲဖြစ်ဖြစ် အဲဒါတွေကလည်း အရှုပ်သံသရာလည်စေတာပါပဲလေ။

မနက်မိုးလင်းလို့  မျက်စိနှစ်လုံးပွင့်၊ အိပ်ယာကနိုးပြီဆိုတာနဲ့  ယနေ့ လုပ်စရာဆိုတာတွေက ကွန်ပျူတာမှာ တစ်နေရာကနေ တစ်နေရာကို File Transfer လုပ်သလို ဘယ်နေရာကမှန်း မသိတဲ့ဆီကနေ ခေါင်းထဲကို အစီအရီဝင်လာပါရော။ ခဏနေပါဦး။ ဆရာသမားတွေက မိုးလင်းလင်းချင်း တရားသတိနဲ့  တစ်နေ့ တာစရမယ်လို့  မှာထားတယ်လို့  ပြောလည်း မရ။ အတင်းကာရောကို ၀င်လာတော့တာပါပဲ။ အဲဒါနဲ့ ပဲ အချိန်လေး မဖြစ်စလောက်ကို စိတ်ငြိမ်းချမ်းမှုဖြစ်အောင် ခြစ်ကုပ်ကြိုးစားပြီး ဇောကပ်နေတဲ့ စိတ်ခန္ဓာအစဉ်နဲ့  တစ်နေ့ တာအတွက် အရှုပ်ဇာတ်တွေ စခင်းရပြန်ပါရောလား။ ဒီလိုနဲ့ နေ၀င်မိုးချုပ် ကိုယ့်အိမ်ကိုပြန်ရောက်တော့မှ ဇောကပ်နေတဲ့ အင်ဂျင်စက်ကို တစ်စချင်း တစ်စချင်း အရှိန်သပ် ရပ်နိုင်ဖို့  ကြိုးစားရပြန်ပါတယ်။ ဒီအချိန် ခန္ဓာကလည်း ညောင်း စိတ်အင်ဂျင်ကလည်း ဒေါင်းပြီမို့  မယ်မယ်ရရ သိပ်မစဉ်းစားနိုင်၊ အိပ်ကွင်း အိပ်ကွက် သာဖို့ ကိုသာ ချောင်းရပါတော့တယ်။ တစ်နေ့ သာကုန်ရော။ သေခြင်းတရားဆိုတာကြီး ငါဘယ်နား မေ့ထားမိပါလိမ့်။ စိတ်ကူးထဲ အတွေးထဲကို လမ်းချော်ပြီးများတောင် ၀င်မလာပါလားနော်။ တစ်နေကုန် အလုပ်တွေရှုပ်တာလား အရှုပ်တွေလုပ်တာလား။ ကိုယ့်ဟာကိုယ်လည်း မသဲကွဲတော့။ အင်း....လူဖြစ်ရတဲ့ ဒုက္ခ လို့  မျိုးကျော့မြိုင် လို ညဉ်းရတော့မှာပါဘဲ။

အဓိကနှင့် သာမညကို ခွဲသိပါ။ အရေးကြီးတာကို အရင်ဆုံးလုပ်ပါ။ စသည်ဖြင့် ပညာရှင်တွေ သူတော်စင်တွေက ပုံစံအမျိုးမျိုးနဲ့ သတိပေးဆုံးမနေကြပေမယ့်လည်း အကြိမ်တော်တော်များများမှာ အခြေအနေတွေက သာမညကို အဓိကနေရာထားဖို့ က ဖြစ်ဖြစ်လာတတ်ပါတယ်။ ဒီလိုအခါမျိုးမှာ စိတ်ထားခိုင်ခိုင်မာမာနဲ့ ငါ ဒီအရေးမကြီးတာတွေ တန်ဖိုးမရှိတာတွေကို မလုပ်တော့ဘူး။ အရေးကြီးတာပဲ လုပ်တော့မယ်လို့ ဆုံးဖြတ်ချက် ခိုင်ခိုင်မာမာ မချနိုင်တာက များနေတော့ ကြုံရာကျပမ်း ပေါ်လာသမျှ ကိစ္စတွေကို အရေးကြီးတာကော အရေးမကြီးတာကော လုပ်ရင်းနဲ့  နဂိုက ရှင်းနေတဲ့ ဘ၀က တဖြည်းဖြည်းရှုပ်လာ၊ ရှုပ်တာတွေကို ပြန်ရှင်းရင်းက အချိန်တွေကကုန်၊ အသက်တွေက ကြီး။ ဒီလိုနဲ့ ဘဲ သေဖို့ တစ်ရက်နီးတော့ ဖြစ်ပြီပေါ့ဗျာ။ မတတ်နိုင်ဘူးလေ။ ကိုယ်က ရှုပ်ချင်နေသေးတာကိုး။ ထွန်းအိန္ဒြာဗိုလ်ရဲ့  သီချင်းကို ကိုယ့်ဖာသာ ပြန်ပြင်ဆိုရင်းက တွေးလက်စ အတွေးကို ဖြတ်ပြီး လုပ်လက်စ အလုပ်ကိုပဲ ဆက်လုပ်လိုက်မိပါတော့တယ်။

🎶 မရှုပ်ရင် မနေနိုင်တာကလွဲလို့ ... ၊ 🎶 🎶 ကိုယ် မရှုပ်ရင် မနေနိုင်တာက လွဲလို့ ....။ 🎶🎶

(စကားချပ်။ ။ ဤဆောင်းပါးကို ဘာသာရေးဆောင်းပါးလို့  မယူဆစေလိုပါ။ ကိုယ်တွေးချင်ရာတွေးမိတာကို စိတ်ကူးတည့်သလို ရေးမိရေးရာ ရေးထားခြင်းမျှသာဖြစ်ပါကြောင်း..ခင်ဗျား။)

လေးစားစွာဖြင့်

ဝိမုတ္တိသုခ
မတ်လ ၂၂၊ ၂၀၁၀။

(ဘလော့ဂ်လက်ထက် လွန်ခဲ့တဲ့ (၈) နှစ်တုန်းက ရေးခဲ့တဲ့ ပို့စ်အဟောင်းလေးပါ။ အရင်က ကျွန်တော့်ရဲ့ လက်ရာလေး မြည်းစမ်းဖတ်ကြည့်လို့ရအောင်လို့ ပြန်တင်လိုက်ပါတယ်ခင်ဗျာ။)

ဆက်လက်ဖတ်ရှုရန်

ပျော်ရွှင်စိတ်ချမ်းမြေ့မှုဆိုတာဟာ

ပျော်ရွှင်စိတ်ချမ်းမြေ့မှုဆိုတာဟာ ခံစားခွင့်အကျိုးရလဒ်တစ်မျိုးမဟုတ်ပါဘူး။ ရွေးချယ်မှုတစ်ခုသာဖြစ်ပါတယ်။ သင်ကိုယ်တိုင် ပျော်ရွှင်စိတ်ချမ်းမြေ့ဖို့ကို မရွေးချယ်ဘူးဆိုရင် ဘယ်အရာကမှ သင့်ကို ပျော်ရွှင်စိတ်ချမ်းသာလာအောင် လုပ်ပေးလို့ မရပါဘူး။ မိမိဖာသာ စိတ်ချမ်းသာအောင်နေဖို့ စိတ်ဆုံးဖြတ်မထားဘူးဆိုရင် ဘယ်သူကမှ သင့်ကို စိတ်ချမ်းသာလာအောင် လုပ်မပေးနိုင်ပါဘူး။ သင်ခံစားရမယ့်ပျော်ရွှင်ချမ်းမြေ့စရာတွေဟာ သင့်ဆီကို တခြားကနေရောက်လာတတ်တာမျိုးမဟုတ်ဘူး။ ပျော်ရွှင်ချမ်းမြေ့မှုဆိုတာဟာ သင့်ဆီကနေပဲ ပေါက်ဖွားထွက်ပေါ်လာရတာမျိုးပါ။

Ralph Harston

ဆက်လက်ဖတ်ရှုရန်

Thich Nhat Hanh Collection

မြတ်စွာဘုရားရှင်က ဆင်းရဲခြင်းတရားရှိနေတယ်ဆိုတာကို ဘယ်လို သတိထားမိအောင် လုပ်ရမယ်၊ အသိအမှတ်ပြုလက်ခံရမယ်ဆိုတာကို သင်ကြားပေးခဲ့သလို ဆင်းရဲချုပ်ငြိမ်းခြင်းဆိုတာကိုလည်း သင်ကြားပေးခဲ့ပါတယ်။ တကယ်လို့ ဆင်းရဲချုပ်ငြိမ်းဖို့အတွက် ဖြစ်နိုင်ချေသာ ရှိမနေခဲ့ဘူးဆိုရင် တရားအားထုတ်နေလို့ရော ဘာထူးအုံးမှာလဲ။

- Thich Nhat Hanh

ဆက်လက်ဖတ်ရှုရန်

တရားဘာလို့မတက်တာလဲ?

တပည့် - ဆရာ၊ ကျွန်တော် တရားအားထုတ်နေတာ တရားမတက်ဘူးဖြစ်နေတယ်။ ဘာဖြစ်လို့များလဲခင်ဗျာ။

ဆရာ - ညနေ နေ၀င်ဆည်းဆာ နေမင်းကြီး ၀င်လုလုဆဲဆဲအချိန် ဇင်ယော်လေးတစ်ကောင် ပျံသွားတော့ နောက်ခံနေမင်းကြီးကြောင့် သူ့ကိုယ်ကနေ မီးလျှံတွေ ထွက်နေသလို ဖြစ်နေတာ သတိထားမိသလား။

တပည့် - ဟုတ်ကဲ့။ သတိထားမိပါတယ်ခင်ဗျာ။

ဆရာ - ရေတံခွန်ကနေ အရှိန်နှင့်ကျလာတဲ့ရေတွေဟာ အောက်က ကျောက်သား၊ ကျောက်ဆောင်တွေနှင့် တိုက်မိတဲ့အခါ အဖြူရောင် ရေမှုန်ရေမွှားလေးတွေအဖြစ် လွှင့်စဉ်ထွက်လာတာကိုရော သတိထားမိသလား။

တပည့် - ဟုတ်ကဲ့။ သတိထားမိပါတယ်ခင်ဗျာ။

ဆရာ - ညဘက် လသာတဲ့အခါ လရောင်ဟာ အေးမြတဲ့ စမ်းချောင်းလေးရဲ့  ရေမျက်နှာပြင်ပေါ်မှာ အဖြူရောင်အရိပ်အဖြစ် ထင်နေတာကိုရော သတိထားမိသလား။

တပည့် - ဟုတ်ကဲ့။ သတိထားမိပါတယ်ခင်ဗျာ။

ဆရာ - မင်းကုို တရားအားထုတ်ခိုင်းထားတာကို တရားအားမထုတ်ပဲ၊ အရည်မရ၊ အဖတ်မရ ဟာတွေ သွားပြီး သတိထားကြည့်နေတာကိုး။ တရား ဘယ်တက်မလဲ။

😃😄😂

အပေါ်က ဇင်ဆရာ၊ တပည့်နှစ်ယောက်ရဲ့  တရားအမေးအဖြေ ဟာသလေးကို ဆီလျှော်အောင် ဘာသာပြန်ထားတာပါ။

အဲဒီလိုမျိုး သဘောတရားချင်းဆင်ဆင်တူတဲ့ အဖြစ်အပျက်မျိုး တရားယောဂီတစ်ဦး ဖြစ်ခဲ့ဖူးတာရှိပါတယ်။

ရိပ်သာဆရာတော်ကြီးတစ်ပါးကို တပည့်ယောဂီက တရားလျှောက်ပါတယ်။

သမာဓိ အတော်အားကောင်းလာတဲ့သူတွေမှာ ဖြစ်လေ့ဖြစ်ထရှိတတ်တဲ့ သဘာဝအတိုင်း အဲဒီယောဂီမှာလည်း ဖြစ်နေတာပါ။ သူက ဆရာတော်ကြီးကို သူအားထုတ်နေချိန်မှာ ခန္ဓာကိုယ်ထဲမှာ ဘယ်လိုမျိုးထူးထူးဆန်းဆန်းတွေ ဖြစ်နေတယ်ဆိုတာကို ခံစားသိလာရတဲ့အကြောင်း၊ အာရုံနိမိတ်တွေ ထူးထူးခြားခြား သိမြင်လာတဲ့အကြောင်းတွေကို လျှောက်ပါတယ်။

ဒီအခါမှာ ဆရာတော်ကြီးက “ဒကာကြီးကို တရားမှတ်ခိုင်းထားတာ၊ ဒကာကြီးက လျှောက်လိုက်ကြည့်နေတာကိုး။လျှောက်ကြည့်မနေနှင့်။ ဘယ်တော့မှ ဆုံးမှာမဟုတ်ဘူး။ မှတ်စရာရှိတာသာ သတိနှင့် ဆက်မှတ်နေ“ လို့ ဆုံးမတာခံခဲ့ရဖူးကြောင်း အဲဒီယောဂီပြန်ပြောပြတာကို နားထောင်ခဲ့ရဖူးပါတယ်။

ဆက်လက်ဖတ်ရှုရန်

မုန်းလည်း မတတ်နိုင်ဘူး.....

တစ်နေ့က ရန်ကုန် ခြောက်ထပ်ကြီးဘုရားမှာ သီတင်းသုံးတော်မူတဲ့ သက်တော်ရှည်ဆရာတော်ကြီး အလည်အပတ်ကြွလာတာနဲ့ သွားရောက်ဖူးမြော်ခွင့်ရခဲ့ပါတယ်။ မန္တလေးမစိုးရိမ်ဆရာတော်ကြီးတို့လို ပိန်ပိန်ပါးပါး သေးသေးသွယ်သွယ် ခန္ဓာကိုယ်အချိုးအဆစ်မျိုးနှင့် သွားလာလှုပ်ရှားတာ၊ ပြောဆိုတာတွေမှာ အေးဆေးတည်ငြိမ်တဲ့ ဣနြေ္ဒအမူအရာကို ကြည်ညိုဖွယ် အထင်သား ဖူးမြင်ရပါတယ်။

ဆရာတော်ကြီးနှင့် ဖူးမြော်ရချိန်မှာ ဧည့်ပရိတ်သတ်လည်း ဘယ်သူမှ ရှိမနေတာမို့ အေးအေးဆေးဆေး (၂) နာရီ နီးပါးလောက် စကားလက်ဆုံပြောဆိုခွင့်၊ တရားဆွေးနွေးခွင့်ကို ရခဲ့သလို၊ ဆရာတော်ကြီးရဲ့  တရားအတွေ့အကြုံတွေကိုလည်း ဓမ္မဗဟုသုတအနေနှင့် ကြည်ညိုနာယူခွင့်ရခဲ့ပါတယ်။

စစချင်းမိနစ်အနည်းငယ် အလ္လာပ၊ သလ္လာပ ပြောဆိုပြီးတာနှင့် ဆရာတော်ကြီးက တရားနှင့် စပ်ဆက်တဲ့စကားတွေဆီကို တဖြေးဖြေးခေါ်ဆောင်သွားပါတော့တယ်။ ဒါန၊ သီလနှင့် စပ်တဲ့စကားတွေကို အရင်ဆုံး ဆုံးမသြ၀ါဒ ပေးပါတယ်။ ပြီးတဲ့အခါမှာတော့ ဘာဝနာပွားများမှုနှင့် ပတ်သက်တဲ့အကြောင်းတွေဆီကို ရောက်သွားပါတော့တယ်။

ဆရာတော်ကြီးက ဗုဒ္ဓါနုဿတိကမ္မဋ္ဌာန်းနှင့် မေတ္တာကမ္မဋ္ဌာန်းပွားများရခြင်း အကျိုးနှင့် ပွားများပုံပွားများနည်းတွေကို အမိန့်ရှိတော်မူပါတယ်။ ဆရာတော်ကြီးက သူ့ရဲ့  ကိုယ်ပိုင်အတွေ့အကြုံတွေနှင့် ပွားများခဲ့ပုံတွေအကြောင်းပြောပြတယ်။ လယ်တီဆရာတော်ကြီးရဲ့  နည်းနာနိဿယအတိုင်းပွားများခဲ့ပုံနှင့် တကယ်သာထိထိရောက်ရောက်ပွားများရင် ဒိဗ္ဗစက္ခု၊ ဒိဗ္ဗသောတစတဲ့ အဘိဉာဉ်လိုမျိုးတွေတောင် ရနိုင်တဲ့အထိတောင်စွမ်းဆောင်နိုင်ကြောင်း သေသေချာချာရှင်းပြတော်မူတယ်။

အဲဒီကနေတဆင့်တက်လို့ ၀ိပဿနာဘာဝနာပွားများတဲ့ဆီကို စကား ရောက်သွားပါတယ်။ ဆရာတော်ကြီးက မိုးကုတ်ဆရာတော်ကြီးကိုရော၊ မဟာစည်ဆရာတော်ကြီးကိုရော သက်တော်ထင်ရှားရှိနေကြချိန်မှာ မှီလိုက်ပြီး တပည့်ခံခွင့်ရခဲ့သူမို့ ဆရာတော်ကြီးနှစ်ပါးရဲ့  တစ်မျိုးစီ ထက်မြက်ပုံ၊ အားသာပုံတွေကို ဗဟုသုတဖြစ်ဖွယ် ပြောပြတော်မူပါတယ်။

နောက်တော့ ဆရာတော်ကြီးက သူကိုယ်တိုင်တရားအားထုတ်ရာမှာ သိမြင်ခဲ့ရတဲ့ တရားအတွေ့အကြုံတွေကို ကြွားဝါမှုပုံစံမျိုးမဟုတ်ပဲ တရားတော်ရဲ့  ထူးခြားဆန်းကျယ်ပုံတွေကို သဒ္ဓါတရားတက်ဖွယ်ဖြစ်လာအောင် ပြောပြတော်မူပါတယ်။

ဆရာတော်ကြီးကိုယ်တိုင်က သမထဘာဝနာမှာ အတိုင်းအတာတစ်ခုအထိ ပေါက်မြောက်အောင်မြင်အောင် ကျင့်ထားခဲ့သူမို့ ၀ိပဿနာဘာဝနာကိုအားထုတ်ချိန်မှာတော့ သူ့အနေနှင့် ဉာဏ်စဉ်တစ်ခုစီတိုင်းမှာ အထူးတလည်ကိုပဲ ထင်ထင်ရှားရှား သဲသဲကွဲကွဲ နားလည်သိမြင်ခဲ့ပါတယ်။

တရားအားထုတ်တဲ့ ယောဂီတိုင်းဟာ ဒီဉာဏ်အဆင့်တွေကို အခြေခံကနေစလို့ အဆင့်ဆင့်ဖြတ်သန်းပြီးမှ နောက်ဆုံးပန်းတိုင်ဖြစ်တဲ့ မဂ်ဖိုလ်ကို မျက်မှောက်ပြုကြရတာမှန်ပေမယ့်၊ ယောဂီတိုင်း ဒီဉာဏ်တစ်ခုစီတိုင်းရဲ့  သဘောလက္ခဏာကို သဲသဲကွဲကွဲ နားလည်ခံစားသိမြင်ကြရတာမျိုးတော့ မဟုတ်ပါဘူး။ တချို့ ဉာဏ်တွေကို ရောက်ရှိဖြတ်သန်းသွားပေမယ့်သူ့ရဲ့ လက္ခဏာတွေကို သေသေချာချာ သဲသဲကွဲကွဲ မသိမြင်လိုက်ရတာမျိုးတွေလည်း ရှိတတ်ပါတယ်။

ဆရာတော်ကြီးကတော့ ဉာဏ်စဉ်အဆင့်တစ်ခုစီတိုင်းမှာ အချိန်ကြာကြာ ရှုမှတ်ပွားများခဲ့ရတယ်လို့ မိန့်တော်မူပါတယ်။ ဒါကြောင့် ဉာဏ်စဉ်တွေရဲ့  သဘာဝလက္ခဏာတွေကို ပြည့်ပြည့်၀၀နားလည်သဘောပေါက်ခဲ့ရတယ်လုို့ ဆိုပါတယ်။ တချို့  ဆရာတော်ကြီး ကြုံတွေ့သိမြင်ရတဲ့လက္ခဏာတွေဆိုရင် စာပေမှာ တိုက်ရိုက်မပါတာမို့ မဟာစည်ဆရာတော်ကြီးကိုယ်တိုင် တရားစစ်ဆေးပေးပြီး ဒါကတော့ ဘာကြောင့်ဖြစ်နေတယ်ဆိုတာမျိုး ဆုံးဖြတ်ပေးရတာတွေရှိခဲ့တယ်လို့ မိန့်တော်မူပါတယ်။

အဲဒီနေ့က ဆရာတော်ကြီးဆီက တရားအတွေ့အကြုံတွေနှင့် တရားအဆုံးအမတွေ တန်ဖိုးမဖြတ်နိုင်အောင် နာကြားမှတ်သားခွင့်ရရှိခဲ့ပါတယ်။ ဒီလို မိုးကုတ်ဆရာတော်ကြီး၊ မဟာစည်ဆရာတော်ကြီးတို့ သက်တော်ထင်ရှားရှိနေစဉ်မှာ တပည့်ခံ ပညာဆည်းပူးခွင့်ရခဲ့တဲ့ ဆရာတော်ကြီးတွေ ဒီခေတ်ဒီအခါမှာ အတော်ကိုရှားပါးနေပြီမို့ အခုလိုဖူးမျှော်ကြည်ညို တရားနာကြားဆွေးနွေးခွင့်ရခဲ့တာဟာ ကြုံတောင့်ကြုံခဲ အခွင့်အရေးကြီး တစ်ခုပါပဲ။

ဆရာတော်ကြီးဆီက တရားဉာဏ်စဉ်တွေရဲ့  သဘောလက္ခဏာတွေကို နာယူလာရင်းက အခု နောက်ပိုင်း အွန်လိုင်းမှာ ရိပ်သာတစ်ခုကနေ ယောဂီတွေရဲ့  တရားအတွေ့အကြုံတွေကို မေးမြန်းပြီး ကျန်တဲ့ယောဂီတွေကို အားပေးစကားပြောခိုင်းတဲ့ ဗွီဒီယို clip တွေနှင့် ပတ်သက်ပြီး နဲနဲလေး ပြောချင်လာပါတယ်။

ဒီနှစ်ပိုင်းတွေထဲ အဲဒီရိပ်သာဟာ ပြည်တွင်းမှာရော၊ ပြည်ပမှာပါ တဖြည်းဖြည်း နာမည်ကြီးလာခဲ့ပြီး၊ လူကြိုက်များနေပေမယ့် တရားပြသမှုနှင့် တရားအဆုံးအဖြတ်ပေးပုံတွေမှာ သဘောမကျတာလေးတွေရှိခဲ့ပါတယ်။ လွန်ခဲ့တဲ့ သုံး၊ လေးနှစ်လောက်ကတည်းက ရိပ်သာရဲ့  တရားနည်းနှင့်ပတ်သက်ပြီး ပိဋကတ်တော်နှင့် မကိုက်ညီတဲ့အကြောင်း စာပေတတ်ကျွမ်းနှံ့စပ်ကြတဲ့ပုဂ္ဂိုလ်တွေက ထောက်ပြပြောဆိုဝေဖန်တာတွေလည်း ရှိခဲ့ပါတယ်။

အခုဒီလပိုင်းတွေထဲ ကြည့်ဖြစ်တဲ့ ဗွီဒီယိုဖိုင်တွေမှာ ယောဂီက သူ့တရားအတွေ့အကြုံကို ပြောပြတဲ့အပေါ်မှာ ဆရာလုပ်သူ အဆုံးအဖြတ်ပေးတာတွေက ယောဂီရဲ့  တရားတက်လမ်းအတွက် တစ်ဘ၀လုံးစာသာမက၊ ကံမကောင်းရင် တစ်သံသရာလုံးစာအတွက်ပါ အန္တရာယ်ဖြစ်စေနိုင်တယ်လို့ မြင်မိပါတယ်။

အားလုံးကြားဖူးနေကြတဲ့ တရားဉာဏ်စဉ် (၁၆) ပါးဟာ တရားကြေးမုံ (သို့မဟုတ်) တရားပေတံပါပဲ။ ဒီဉာဏ်စဉ်တွေကို တချို့ ရိပ်သာတွေက လက်ခံတာရှိသလို၊ တချို့ ရိပ်သာတွေကလည်း လက်မခံကြပါဘူး။ လက်ခံသည်ဖြစ်စေ၊ လက်မခံသည်ဖြစ်စေ တကယ်တရားအားထုတ်လာပြီဆိုရင် ယောဂီတိုင်းဟာ ဒီဉာဏ်တွေရဲ့  သဘောလက္ခဏာတွေကိုတော့ သိရှိဖြတ်သန်းကြရတာပဲဖြစ်ပါတယ်။

ယောဂီတစ်ယောက်ဟာ သူသိမြင်ခံစားနေရတဲ့ တရားသဘာဝကို ပြောပြလိုက်တာနှင့် ဒီယောဂီဟာ ဘယ်ဉာဏ်အဆင့်မှာ ကျက်စားနေပြီ၊ ရောက်နေပြီဆိုတာကို တရားဗဟုသုတကောင်းကောင်းရှိထားတဲ့သူဆိုရင် တန်းပြီးနားလည်နိုင်ပါတယ်။ လောကီဥပမာနှင့်ပြောရမယ်ဆိုရင် ကျောင်းသားတစ်ယောက်က သူသိထားတဲ့ သင်္ချာအကြောင်းပြောတယ်ဆိုပါတော့။ သူက အပေါင်းအနုတ်အမြှောက်အစားလုပ်တဲ့အကြောင်းတွေကိုပြောနေတာလား၊ logarithm အကြောင်းပြောနေတာလား၊ Differentiate တွေ Integrate တွေအကြောင်းပြောနေတာလား ဆိုတာကိုနားထောင်လိုက်တာနှင့် ဒီကျောင်းသားဟာ မူလတန်းကျောင်းသားလား၊ အထက်တန်းကျောင်းသားလား၊ တက္ကသိုလ်ကျောင်းသားလားဆိုတာကို ခွဲနိုင်သလိုမျိုးပါ။

ဒီဥပမာနှင့်ပဲ ဆက်ပြောပါမယ်။ တကယ်လို့ ကျောင်းသားက သူသိတဲ့ အပေါင်း၊ အနုတ်၊ အမြှောက်၊ အစားလောက်ကိုပဲ ပြောနေပါလျက်နှင့် သူ့ကို မင်းကတော့ အထက်တန်းကျောင်းသားဖြစ်ပြီ၊ တက္ကသိုလ်တန်းအောင်ပြီ စသည်ဖြင့်ဆုံးဖြတ်ပေးလိုက်မယ်ဆိုရင် ဘယ်သူနစ်နာမယ်ထင်ပါသလဲ။ သူ့ကိုယ်သူ ငါတော့ တက္ကသိုလ်တန်းအဆင့်ဖြစ်နေပြီ။ ဘာမှ ဆက်လေ့လာနေစရာမလိုတော့ဘူးလို့ ယုံကြည်သွားမယ်ဆိုရင် ဒီကျောင်းသားအတွက် မခက်ပါလား။

အဲဒီ ဥပမာအတိုင်းပါပဲ။ အခုလည်း ဒီဗွီဒီယိုဖိုင်တွေမှာ တရားအတွေ့အကြုံပြောနေကြတဲ့ ယောဂီတွေ သိထားတဲ့တရားဟာ တကယ်က အခြေခံအဆင့်သာသာမှာပဲရှိတာပါ။ မဂ်ဖိုလ်နိဗ္ဗာန်စခန်းနှင့် အတော်ကြီးကို အလှမ်းဝေးနေပါသေးတယ်။ အခုမှ စလုံးရေ စ အဆင့်လို့ပြောရမယ့် အနေအထားမှာပါ။

ဘယ်သူမဆို တကယ်စနစ်တကျပြသပေးတဲ့ ဘယ်ရိပ်သာမှာဖြစ်ဖြစ် သွားပြီး တရားလိုလားတဲ့စိတ်နှင့် ကြိုးစားအားထုတ်မယ်ဆိုရင် တစ်နေ့အနည်းဆုံး (၆)နာရီလောက်နှင့် အကြာဆုံး (၅) ရက်ကနေ (၁၀) ရက်အတွင်း အခု ဗွီဒီယိုဖိုင်ထဲက ယောဂီတွေ ပြောနေကြတဲ့ တရားအနေအထားမျိုးကို ရနိုင်ပါတယ်။ ဒါဟာ တရားထူးရတာ မဟုတ်ပါဘူး။ ၀ိပဿနာတရားကို စပြီး ခြေလှမ်းချတဲ့ အဆင့်ပဲရှိပါသေးတယ်။

ဒီလိုအခြေအနေမျိုးမှာ ယောဂီကို မဂ်ကျပြီ၊ ဖိုလ်ကျပြီစသဖြင့် ပြောလိုက်တာဟာ တကယ်တရားလိုလားတဲ့ ယောဂီအတွက် အင်မတန်နစ်နာပါတယ်။ တချို့ လာအားထုတ်ကြတဲ့ ယောဂီတွေဟာ ရက်ပိုင်းအတွင်း သေရတော့မယ့် ရောဂါတွေနှင့် နောက်ဆုံးအချိန်အတွက် မှီခိုအားထားရာတစ်ခုရဖို့အတွက် လာအားထုတ်ကြတာပါ။

ဒုက္ခဝေဒနာကို ခွာရှုနိုင်တဲ့အဆင့်ဟာ တရားလမ်းကြောင်းအနေနှင့် ရရှိတာမှန်ကန်ပေမယ့် ဒါဟာ တရားလမ်းဆုံးမဟုတ်သေးပါဘူး။ ဒုက္ခဝေဒနာကိုသည်းခံပြီး အချိန်ကြာကြာထိုင်နိုင်တာဟာလည်း တရားအသိဉာဏ်ကြောင့်မဟုတ်ပဲ တခြားအကြောင်းတွေနှင့်လည်း ထိုင်မယ်ဆိုထိုင်လို့ရနေတာပါပဲ။ အိန္ဒိယကဆာဒူးတွေ၊ တိဘက်က လာမားဘုန်းကြီးတွေဆို ရက်တွေ၊ လတွေနှင့် ချီပြီးတောင် ထိုင်နေနိုင်ကြပါတယ်။ ဒါဟာ သမာဓိတမျိုးမျိုးကြောင့်ပဲဖြစ်ပြီး တရားအသိဉာဏ်နှင့် ပတ်သက်မှုမရှိပါဘူး။ ဆိုလိုတာ မဂ္ဂင်ထိုက်တဲ့ သမာဓိမျိုး မဟုတ်ပဲလည်း အချိန်ကြာကြာထိုင်မယ်ဆို ထိုင်လို့ရတယ်လို့ ပြောချင်တာပါ။

ဒီရိပ်သာမှာ ပိဋကတ်စာပေလည်း ကျွမ်းကျင်နှံ့စပ်ပြီး၊ တချို့  နိုင်ငံခြား တက္ကသိုလ်တွေက ဒေါက်တာဘွဲ့တွေတောင် ယူထားကြတဲ့ ဆရာတော်အချို့  အားထုတ်ဖူးကြပေမယ့် ဘာပြောသံမှ ထွက်မလာကြတာ အံ့သြဖို့တော့ကောင်းတယ်လို့ မိတ်ဆွေတစ်ယောက်ကတော့ ပြောပါတယ်။ ဘာလို့ မပြောကြတာလဲဆိုတာတော့ ကာယကံရှင်တွေပဲ သိကြမယ်ထင်ပါတယ်။

မိတ်ဆွေတစ်ယောက်ကတော့ အဲဒီကအားထုတ်ပြီးတဲ့ ယောဂီတွေ မဟာစည်ဆရာတော်ကြီးရဲ့  အခြေခံဝိပဿနာတရားလေးတောင် ဖတ်မကြည့်ကြပဲ နေနိုင်ကြတယ်လို့ မချိတင်ကဲပြောရှာပါတယ်။ တကယ်သာ တရားအားထုတ်တာကို စိတ်ဝင်စားပြီး စနစ်တကျအားထုတ်တတ်ချင်တယ်ဆိုရင် ဆရာတော်ကြီးရဲ့  ဒီလိုစာအုပ်မျိုးကတော့ ဖတ်ရှုသင့်တယ်လို့ ယူဆပါတယ်။ ဘယ်နည်းနှင့်ပဲအားထုတ်၊ အားထုတ်။ ကိုယ်သွားနေတဲ့လမ်းခရီးဟာ မှန်ကန်မှုရှိမရှိ ဆိုတာကို ဒီလို ပရိယတ်၊ ပဋိပတ်နှစ်ခုလုံးမှာ အထူးကျွမ်းကျင်နိုင်နင်းတဲ့ အထင်ကရဆရာတော်ကြီးရဲ့  လမ်းညွှန်မှုမျိုးကို လေ့လာမှတ်သားနာယူသင့်လှပါတယ်။

အခုလိုရေးသားမှုအပေါ်မှာ မဟုတ်မမှန်တာတွေကို ပြောတယ်၊ စွပ်စွဲပြောဆိုတယ်လို့ထင်မြင်ယူဆခဲ့မယ်ဆိုရင် ဒီဗွီဒီယိုဖိုင်တွေကို ဗန်းမော်ဆရာတော်ဘုရားကြီး၊ ပါချုပ်ဆရာတော်ဘုရား၊ ဖားအောက်ဆရာတော်ဘုရား၊ ယောဆရာတော်ဘုရား စတဲ့ ဆရာတော်ကြီးတွေကို ပြသပြီး အရင်ဆုံး အဆုံးအဖြတ်ခံယူကြည့်ပါလို့ ပြောပါရစေ။

အခုရေးသားမှုဟာ ပုဂ္ဂိုလ်တစ်ဦးဦးအပေါ်မှာသော်လည်းကောင်း၊ အဖွဲ့အစည်းတစ်ခုခုကိုသော်လည်းကောင်း ထိခိုက်နစ်နာစေလိုတဲ့ စိတ်စေတနာနှင့်ရေးသားတာ မဟုတ်ဘူးဆိုတာကို နားလည်ပေးစေလိုပါတယ်။ တရားဓမ္မကို တကယ်နှစ်သက်လိုလားပြီး ကြိုးစားအားထုတ်ချင်ကြသူတွေ၊ ဘ၀ရဲ့ နောက်ဆုံးအချိန်ကို အကောင်းဆုံးဖြတ်သန်းချင်သူတွေ၊ သေခြင်းတရားကိုရင်ဆိုင်ဖို့ ပြင်ဆင်လိုသူတွေအတွက် ဆရာစကားမှာလမ်းမဆုံးပဲ မဂ္ဂင်လမ်းကို မှန်မှန်ကန်ကန်လျှောက်လှမ်းနိုင်ကြဖို့အတွက် ရည်ရွယ်ရေးသားလိုက်ခြင်းသာဖြစ်ပါတယ်။

တရားစစ်တရားမှန်ကို မြတ်နိုးကြတဲ့ ဓမ္မမိတ်ဆွေများအားလုံး စာရေးသူရဲ့  စေတနာကို နားလည်လက်ခံကြလိမ့်မယ်လို့လည်း ယုံကြည်မျှော်လင့်မိပါတယ်။

https://www.facebook.com/eain.daw.5281500/posts/443108286139832

https://www.facebook.com/eain.daw.5281500/videos/446069469177047/

 

ဆက်လက်ဖတ်ရှုရန်

အမျိုးသမီးများ တရားထူးမရနိုင်

တခါက ယောကျာ်းရယ်၊ မိန်းမရယ်လို့ ခွဲခြားပြီး ဆက်ဆံလေ့မရှိတဲ့ ဇင်ဘုန်းတော်ကြီးတစ်ပါးဟာ “ကိုယ့်ကိုယ်ကို ယုံကြည်မှုရှိပါ။ လမ်းဖြောင့်အတိုင်း သွားပါ။ ငါဘယ်သူလဲ ဆိုတာကို ကိုယ့်ဖာသာ ပြန်မေးပါ“ လို့ ဟောပြောဆုံးမလေ့ရှိတယ်။

တစ်ခါမှာတော့ အမျိုးသမီးတစ်ယောက်က အဲဒီ ဇင်ဘုန်းတော်ကြီးကို မေးလျှောက်တယ်။ “ အရှင်ဘုရား။ အမျိုးသမီးတွေရော ဇင်ဘုန်းတော်ကြီး ဖြစ်ခွင့်ရှိပါသလား။”

ဒီအခါမှာ ဇင်ဘုန်းတော်ကြီးက “ဟင့်အင်း။ လုံးဝမဖြစ်နိုင်ဘူး။ အမျိုးသမီးဆိုရင် တရားထူးမရနိုင်ဘူး။“ လို့ ခပ်ပြတ်ပြတ်ပြောရင်း ထွက်သွားတယ်။

အမျိုးသမီးက ဇင်ဘုန်းတော်ကြီးနောက်ကိုလိုက်ရင်း “တပည့်တော် အရှင်ဘုရားကို ကိုးကွယ်ဆည်းကပ်လာတာ နှစ်နှစ်ကျော်နေပါပြီ။ အရှင်ဘုရားက ကိုယ့်ကိုယ်ကို ယုံကြည်မှုရှိဖို့ အမြဲဟောပြောဆုံးမတယ်။ ဘာကြောင့် အမျိုးသမီးတွေ တရားထူးမရနိုင်ဘူးလို့ ပြောရတာလဲ“ လို့မေးလျှောက်တယ်။

ဒီအခါမှာ ဇင်ဘုန်းတော်ကြီးက အမျိုးသမီးကို စိုက်ကြည့်ပြီး ပြန်မေးလိုက်တယ်။

“ဒီတော့... ဒကာမက အမျိုးသမီးလား။“

(အမျိုးသမီး Zen Master, Babara Rhodes နှင့် သူ့ဆရာ Seung Sahn တို့ အမေးအဖြေလုပ်ထားတာကို ဆီလျှော်အောင် ဘာသာပြန်ဆိုပါသည်။ )

ဆက်လက်ဖတ်ရှုရန်